HOLY ROSARY CHURCH, KUNDAPUR – 450 th JUBILEE SOUVENIR 2021

ಕುಂದಾಪುರ: ಕುಂದಾಪುರದ ಮಾಜಿ ಪುರಸಭಾ ಅಧ್ಯಕ್ಷ, ಕ್ರೀಡಾಳು ದಿ. ಎಡ್ವಿನ್ ಕ್ರಾಸ್ಟೊ ಅವರ ಪುತ್ರಿ ಹಾಗೂ ಕುಂದಾಪುರ ಪುರಸಭೆಯ ಮಾಜಿ ಉಪಾಧ್ಯಕ್ಷೆ ಲಿಯೋನೆಲ್ಲಾ ಕ್ರಾಸ್ಟೊ ಹಾಗೂ ಕುಂದಾಪುರ ಮೂಲದ ಲೆಸ್ಲಿ ಕರ್ವಾಲೊ ಅವರ ಪತ್ನಿ. ವಿಲ್ಮಾ  ಮೂಲದ 54 ವರ್ಷದ ವಿಲ್ಮಾ ಕ್ರಾಸ್ಟೊ ಕರ್ವಾಲ್ಲೊ  ಅವರು ವಿಶ್ವದ ಎರಡನೇ ಅತಿ ಎತ್ತರದ ಮೋಟಾರು ವಾಹನ ರಸ್ತೆಯಾದ ಖರ್ದುಂಗ್ ಲಾ ಪಾಸ್‌ನಲ್ಲಿ ಮೋಟಾರು ಬೈಕ್‌ನಲ್ಲಿ ಪ್ರಯಾಣಿಸುವ ಕನಸನ್ನು ನನಸಾಗಿಸುವುದರ ಮೂಲಕ ವಿಶೇಷ ಸಾಧನೆ ಮಾಡಿದ ದಾಖಲೆ ಬರೆದಿದ್ದಾಳೆ. 54 ವರ್ಷದ ಭಾರತೀಯ ಹಿರಿಯ ಮಹಿಳೆಯಾಗಿ ವಿಲ್ಮಾ ಮೋಟಾರ್‌ ಬೈಕಿನಲ್ಲಿ ಖುರ್ದುಂಗ್ ಲಾ, ನುಬ್ರಾ, ಹಂಟರ್, ಪಾಂಗಾಂಗ್ ಲೇಕ್, ತ್ಸೋ ಮೊರಿರಿ ಮೂಲಕ ಲೇಹ್ ತಲುಪಿದಳು. ಈ ಮಾರ್ಗ ತುಂಬ ಕಠಿಣವಾಗಿದ್ದು, ಉಷ್ಣ್ಸ್ತೆ 40 ಡಿಗ್ರಿ ಸೆಲ್ಸಿಯಸ್ ಆಗಿರುತ್ತದೆ, ಈ ಪಯಣದ ಸಮಯ ಅವಳ ಮಗಳು ಚೇರಿಶ್ ಕರ್ವಾಲ್ಲೊ ಅವಳ ಜೊತೆಗಿದ್ದು, ಅವಳು ತಾಯಿಗೆ ಜೊತೆ ನೀಡಿದಳು. ಒಟ್ಟಾರೆಯಾಗಿ 500 ಕಿ.ಮಿ ವಿಲ್ಮಾ ಅವರೇ ಬೈಕ್ ಚಲಾಯ್ಸಿದರು. ಈ ಮಾರ್ಗ ಲಡಾಖಿನ 17,982 ಅಡಿ ಎತ್ತರ ಇದ್ದು ಖರ್ದ್ಲುಂಗಾ ಪಾಸ್ನ ತುತ್ತ ತುದಿಗ್ಎ ತೆರಳಿ ವಿಲ್ಮಾ ಈ ಸಾಧನೆ ಮಾಡಿದ್ದಾರೆ. ಈ ಪ್ರದೇಶದಲ್ಲಿ ಕಡಿಮೆ ಆಮ್ಲಜನಕದ ಮಟ್ಟವಾಗಿತ್ತು, ರಸ್ತೆ ಪರಿಸ್ಥಿತಿಗಳು ಮತ್ತು ಪ್ರದೇಶಗಳು ಸವಾಲಾಗಿತ್ತು.

      ಈ ಪ್ರಯಾಣವನ್ನು ಪ್ರಾರಂಭಿಸುವ ಮೊದಲು ನಾನು ಕಳೆದ ಆರು ತಿಂಗಳಿನಿಂದ ತರಬೇತಿ ಪಡೆದಿದ್ದೆ. ನನ್ನ ಮಗ ಮತ್ತು ಮಗಳು ನನ್ನ ದೊಡ್ಡ ಪ್ರೇರಕರು, ಎಂದು ವಿಲ್ಮಾ ಹೇಳುತ್ತಾರೆ. ಈ ಪ್ರವಾಸವು ನನ್ನ ಕನಸುಗಳಲ್ಲಿ ಒಂದಾಗಿತ್ತು ಮತ್ತು ಅವರು ಅದನ್ನು ನನಸಾಗಿಸಿದೆ ಎಂದು ಹೇಳಿದರು.

    ವಿಲ್ಮಾ ಮೊದಲಿನಿಂದಲೂ ಕ್ರೀಡೆಯಲ್ಲಿ ಹೆಸರು ಗಳಿಸಿದವರು. ಭಂಡಾರ್ಕಾರ್ಸ್ ಕಾಲೇಜಿನ ಹಳೆಯ ವಿದ್ಯಾರ್ಥಿನಿಯಾಗಿದ್ದು ಕರ್ನಾಟಕದಿಂದ ರಾಷ್ಟ್ರಮಟ್ಟದಲ್ಲಿ ವಾಲಿಬಾಲ್ ತಂಡವನ್ನು ಪ್ರತಿನಿಧಿಸುವ ಮೊದಲ ಹುಡುಗಿಯಾಗಿದ್ದಳು. ಕ್ರಾಸ್ಟೊ ಕುಟುಂಬ ಅವರ ತಂದೆಯಂತೆ ಕ್ರೀಡೆಯಲ್ಲಿ ತೊಡಗಿಕೊಂಡವರಿಗೆ ಸ್ಪೂರ್ತಿದಾಯಕರು. ವಿಲ್ಮಾಳ ಅಣ್ಣ ವಿನ್ಸೆಂಟ್ ಕ್ರಾಸ್ಟೊ ಕ್ರೀಡಾ ಪಟುಗಳಿಗೆ ಆಥ್ಲೆಟ್ ಗಳಿಗೆ ಪ್ರೇರಣಾ ಭರಿತರು. ಅದಕ್ಕೆ ನಾನೇ ಸಾಕ್ಷಿ, ನಾನು ತಾಲೂಕು ಮಟ್ಟದ ಒಟದಲ್ಲಿ ಒಡುವಾಗ ನನಗೆ ಪ್ರೇರಣೆ ನೀಡಲು ಟ್ರ್ಯಾಕ್ ಹೊರಗಡೆಯಿಂದ ಒಡುತ್ತಾ ನನ್ನನ್ನು ಹಿಂಬಾಲಿಸಿ ಪ್ರೇರಣೆ ನೀಡಿದ್ದು, ಈಗಲೂ ಆ ದ್ರಶ್ಯ ನನ್ನ ಕಣ್ಣ ಮುಂದೆ ನಿಲ್ಲುತ್ತದೆ. ಈಗ ವಿಲ್ಮಾ ಪ್ರಸ್ತುತ ಬೆಂಗಳೂರಿನಲ್ಲಿ ಕಾರ್ಪೊರೇಟ್ ತರಬೇತುದಾರರಾಗಿ ಕೆಲಸ ಮಾಡುತ್ತಿದ್ದಾರೆ. ಜನನುಡಿ.ಡಾಟ್ ಕಾಮ್ ಸಂಸ್ಥೆ ವಿಲ್ಲಾ ಮತ್ತು ಅವಳ ಕುಟುಂಬಕ್ಕೆ ಶುಭಾಶಯವನ್ನು ಕೋರುತ್ತದೆ.

ಮಣಿಪಾಲ: ಎಂ ಪಿ ಯು ಸಿ ಕಾಲೇಜು ಮಣಿಪಾಲ ಆಯೋಜಿಸಿದ ಜಿಲ್ಲಾ ಮಟ್ಟದ ಪುಟ್ಬಾಲ್ ಪಂದ್ಯಾವಳಿಯಲ್ಲಿ, ಸಾಸ್ತಾನದ ಸಂತ ಅಂತೋನಿ ಆಂಗ್ಲ ಮಾಧ್ಯಮ ಶಾಲೆಯ ಬಾಲಕಿಯರು ಫೈನಲ್ ಪಂದ್ಯದಲ್ಲಿ ಗೆದ್ದು ಪ್ರಥಮ ಸ್ಥಾನ ಪಡೆದು ಮೈಸೂರು ವಿಭಾಗ ಮಟ್ಟಕ್ಕೆ ಆಯ್ಕೆಯಾಗಿದೆ.

    ಶಾಲೆಗೆ ಕೀರ್ತಿ ತಂದ ಬಾಲಕೀಯರ ತಂಡಕ್ಕೆ ಶಾಲೆಯ ವತಿಯಿಂದ ಅಭಿನಂದನೆ ಸಲ್ಲಿಸಲಾಯಿತು. ಈ ಸಂದರ್ಭದಲ್ಲಿ ಶಾಲಾ ಸಂಚಾಲಕರಾದ ವಂ|ಫಾ|ಸುನೀಲ್ ಡಿಸಿಲ್ವಾ, ಶಾಲಾ ಮುಖ್ಯೋಪಾಧ್ಯಾಯಿನಿ ಸುಜಾ ಡಿಸೋಜಾ, ತರಬೇತಿದಾರರು, ಶಿಕ್ಷಕರು, ಪಾಲಕರು ತಂಡಕ್ಕೆ ಅಭಿನಂದನೆ ಸಲ್ಲಿಸಿದರು.

ಕುಂದಾಪುರ, ಸೆ. 4: ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ ಇವರ ನಿರ್ದೇಶನದಲ್ಲಿ ಪಿಯುಸ್ ನಗರ ಚರ್ಚಿನ ಕಥೊಲಿಕ್ ಸಭಾ ಘಟಕದ ಭಾಷಣ ಸ್ಪರ್ಧೆಯು, ಪಿಯುಸ್ ನಗರ ಚರ್ಚಿನ ಸಭಾಭವನದಲ್ಲಿ ನಡೆಯಿತು. ಭಾಷಣ ಸ್ಪರ್ಧೆಯು 1 ರಿಂದ 4 ನೇ ಕ್ಲಾಸಿನ ಮಕ್ಕಳಿಎ “ನನ್ನ ಊರು” 5 ರಿಂದ 7 ಕ್ಲಾಸಿನ ಮಕ್ಕಳಿಗೆ ಪ್ಲ್ಯಾಸ್ಟಿಕಿ “ದುಸ್ಪರಿಣಾಮ”  8 ರಿಂದ 10 ನೇ ಕ್ಲಾಸ್ ಮಕ್ಕಳಿಗೆ “ವಿವಿಧತೆ ಮತ್ತು ವಿಭಿನ್ನತೆಯಲ್ಲಿ  ಭಾರತದ ಏಕತೆ” ಮತ್ತು 16 ರಿಂದ 25 ವರ್ಷದ ಒಳಗಿನವರಿಗೆ ಕನ್ನಡ ಮತ್ತು ಕೊಂಕಣಿಯಲ್ಲಿ “ನವ್ಯ ಭಾರತದ ದ್ವನಿಯಾಗೋಣ” ವಿಷಯದ ಕುರಿತು ಭಾಷಗಳನು ನಡೆಯಿತು.

     1 ನೇ ವಿಭಾಗದಲ್ಲಿ ಸ್ಟೇರಲ್ ಮಸ್ಕರೇನ್ಹಾಸ್, ಪ್ರಥಮ.ಅನೋಲ್ಯ ಡಿಸೋಜಾ, ದ್ವೀತಿಯ. ಸೆಲ್ವಿಟಾ ಡಿಸೋಜಾ, ತ್ರತೀಯ. 2ನೇ ವಿಭಾಗದಲ್ಲಿ ರೀಯೊನಾ ಡಿಸೋಜಾ, ಪ್ರಥಮ. 3 ನೇ ವಿಭಾಗದಲ್ಲಿ ಬ್ರೆಂಡನ್ ರೆಬೆಲ್ಲೊ, ಪ್ರಥಮ. ಜೆನಿಶಾ ಡಿಸೋಜಾ ದ್ವೀತಿಯ.ಒಲ್ಗಾ ಡಿಮೆಲ್ಲೊ ತ್ರತೀಯ, 16 ರಿಂದ 25 ವರ್ಷದ ಒಳಗಿನವರ ಕನ್ನಡ ವಿಭಾಗದಲ್ಲಿ ಸೀಮೊನ್ ಪಿರೇರಾ, ಕೊಂಕಣಿ ವಿಭಾಗದಲ್ಲಿ ಅಲ್ವಿಟಾ ನಜರೇತ್ ಪ್ರಥಮ. ಸ್ಥಾನ ಪಡೆದರು.ಸ್ಪರ್ಧೆಯಲ್ಲಿ ಭಾಗವಹಿಸಿದರೆಲ್ಲರಿಗೂ ಬಹುಮಾನವನ್ನು ನೀಡಿ ಸಂಘಟಕರು ಸ್ಪರ್ಧಿಗಳಿಗೆ ಪ್ರೇರಣೆ ನೀಡಿದರು. ಸಾಹಿತಿ ಪತ್ರಕರ್ತ ಬರ್ನಾಡ್ ಡಿಕೋಸ್ತಾ, ನಿವ್ರತ್ತ ಶಿಕ್ಷಕ ಎಲ್.ಜೆ.ಫೆರ್ನಾಂಡಿಸ್,ಕುಂದಾಪುರ ವಲಯ ಕಥೊಲಿಕ್ ಸಭೆಯ ಮಾಜಿ ನಿಕಟಪೂರ್ವ ಅಧ್ಯಕ್ಷೆ ಮೇಬಲ್ ಡಿಸೋಜಾ ತೀರ್ಪುಗಾರಾಗಿದ್ದರು.

   ಪಿಯುಸ್ ನಗರ ಚರ್ಚಿನ ಕಥೊಲಿಕ್ ಸಭಾ ಘಟಕದ ನಿಕಟಪೂರ್ವ ಅಧ್ಯಕ್ಷ ಮೆಲ್ವಿನ್ ಡಿಮೆಲ್ಲೊ, ನಿಯೋಜಿತ ಅಧ್ಯಕ್ಷ ಅಲೆಕ್ಸಾಂಡರ್ ಲೂವಿಸ್, ರೀಟಾ ಕ್ವಾಡರ್ಸ್ ತೀರ್ಪುಗಾರರನ್ನು ಪರಿಚಯಿಸಿದರು ಅಧ್ಯಕ್ಷ ರೇಮಿ ಫೆರ್ನಾಂಡಿಸ್ ಸ್ವಾಗತಿಸಿದರು. ಖಜಾಂಚಿ ಸಂತಾನ್ ಕ್ರಾಸ್ತಾ ಧನ್ಯವಾದಗಳನ್ನು ಸಮರ್ಪಿಸಿದರು, ಕಾರ್ಯದರ್ಶಿ ಪ್ರಮೀಳಾ ಡೆಸಾ ನಿರೂಪಿಸಿದರು.

ಬೆಂಗಳೂರು: ಆಲ್ ಇಂಡಿಯಾ ಐಡಿಯಲ್ ಟೀಚರ್ಸ್ ಅಸೋಸಿಯೇಶನ್ ಐಟಾ ಕರ್ನಾಟದ ವತಿಯಿಂದ ಸೆ.೫ ರಂದು ಸೋಮವಾರ ರಾತ್ರಿ ೯ಗಂಟೆಗೆ ರಾಜ್ಯಮಟ್ಟದ “ಆನ್‌ಲೈನ್ ಶಿಕ್ಷಕ ದಿನಾಚರಣೆ-೨೦೨೨” ನಡೆಯಲಿದೆ ಎಂದು ರಾಜ್ಯಾಧ್ಯಕ್ಷ ಮುಹಮ್ಮದ್ ರಝಾ ಮಾನ್ವಿ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಮಾಜಿ ಸಚಿವ ಹಾಗೂ ಪ್ರತಿಪಕ್ಷದ ಉಪನಾಯಕ ಯು.ಟಿ.ಕಾದರ್ ಕಾರ್ಯಕ್ರಮವನ್ನು ಉದ್ಘಾಟಿಸಲಿದ್ದು ಕುವೆಂಪು ವಿಶ್ವವಿದ್ಯಾಲಯದ ಉಪಕುಲಪತಿ ಡಾ.ಬಿ.ಪಿ. ವೀರಭದ್ರಪ್ಪ ಮುಖ್ಯ ಅತಿಥಿಯಾಗಿ ಭಾಗವಹಿಸುತ್ತಿದ್ದಾರೆ. ಸೆಂಟ್ರಲ್ ಎಜ್ಯುಕೇಶನ್ ಬೋರ್ಡ್ ನಿರ್ದೇಶಕ ಶಿಕ್ಷಣ ತಜ್ಞ ಸೈಯ್ಯದ್ ತನ್ವೀರ್ ಆಹ್ಮದ್ ವಿಶೇಷ ಉಪನ್ಯಾಸ ನೀಡಲಿದ್ದಾರೆ.

ಆಲ್ ಇಂಡಿಯಾ ಐಡಿಯಲ್ ಟೀಚರ್ಸ್ ಅಸೋಸಿಯೇಶನ್ ರಾಷ್ಟಿಯ ಅಧ್ಯಕ್ಷ ಅಬ್ದುಲ್ ರಹೀಮ್ ಶೇಖ್ ಅಧ್ಯಕ್ಷತೆ ವಹಿಸಲಿದ್ದಾರೆ.

ಕಾರ್ಯಕ್ರಮ ಝೂಮ್ ಮೂಲಕ ಆನ್ಲೈನ್ ನಡೆಲಿದ್ದು YouTube.com/aiitakarnataka YouTube channel ನಲ್ಲಿ ನೇರ ಪ್ರಸಾರಗೊಳ್ಳುತ್ತಿದೆ. ರಾಜ್ಯದ ಶಿಕ್ಷಕ ಬಾಂಧವರು, ವಿದ್ಯಾರ್ಥಿಗಳು ಹಾಗೂ ಪಾಲಕರು ಯೂಟ್ಯೂಬ್ ಮೂಲಕ ಕಾರ್ಯಕ್ರಮವನ್ನು ವೀಕ್ಷಿಸಬಹುದಾಗಿದೆ ಎಂದು ಅವರು ತಿಳಿಸಿದ್ದಾರೆ.

ಶ್ರೀನಿವಾಸಪುರ : ತಾಲ್ಲೂಕಿನ ನೆಲವಂಕಿ ಗ್ರಾಮಪಂಚಾಯಿತಿ ಉಪಾಧ್ಯಕ್ಷರ ಸ್ಥಾನಕ್ಕೆ ಶುಕ್ರವಾರ ನಡೆದ ಚುನಾವಣೆಯಲ್ಲಿ 2ನೇ ಅವಧಿಗಾಗಿ ಉಪಾಧ್ಯಕ್ಷರಾಗಿ ಕಾಂಗ್ರೆಸ್ ಬೆಂಬಲಿತ ಅಲುಮೇಲಮ್ಮ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ತಾಲ್ಲೂಕಿನ ನೆಲವಂಕಿ ಗ್ರಾ.ಪಂ. ಸೇರಿದಂತೆ ಒಟ್ಟು 18 ಸದಸ್ಯರಿದ್ದು, ಅದರಲ್ಲಿ ಕಾಂಗ್ರೆಸ್ ಬೆಂಬಲಿತ 14, ಜೆಡಿಎಸ್ ಬೆಂಬಲಿತ 4 ಸದಸ್ಯರಿದ್ದು, ಈ ಹಿಂದಿನ ಉಪಾಧ್ಯಕ್ಷರಾಗಿದ್ದ ಮಮತಸೋಮಶೇಖರ್ ರಾಜೀನಾಮೆಯಿಂದ ತೆರವುಗೊಂಡಿದ್ದ ಉಪಾಧ್ಯಕ್ಷ ಸ್ಥಾನಕ್ಕೆ ಕಾಂಗ್ರೆಸ್ ಬೆಂಬಲಿತ ಅಲುಮೇಲಮ್ಮ ಏಕೈಕ ನಾಮಪತ್ರ ಸಲ್ಲಿಸಿದ ಹಿನ್ನೆಲೆಯಲ್ಲಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ .
ತಾ.ಪಂ ಮಾಜಿ ಸದಸ್ಯರಾದ ಕೆ.ಕೆ.ಮಂಜು ಮಾತನಾಡಿ ಶಾಸಕರಾದ ಕೆ.ಆರ್.ರಮೇಶ್‍ಕುಮಾರ್ ಮಾರ್ಗದರ್ಶನದಲ್ಲಿ ಉಪಾಧ್ಯಕ್ಷರ ಆಯ್ಕೆಯಾಗಿದ್ದು, ಈ ಗ್ರಾಮಪಂಚಾಯಿತಿಗೆ ಸಂಬಂದಿಸಿದಂತೆ ಎಲ್ಲಾ ಗ್ರಾಮಗಳಿಗೂ ಪಕ್ಷಬೇದವಿಲ್ಲದೆ ಸರ್ಕಾರದ ಸೌಲಭ್ಯಗಳನ್ನು ನೀಡಲಾಗಿದೆ ಎಂದರು.
ಚುನಾವಣಾ ಪ್ರಕ್ರಿಯೆಯನ್ನು ತೋಟಗಾರಿಕೆ ಇಲಾಖೆ ಹಿರಿಯ ನಿರ್ದೇಶಕ ಎಂ.ಶ್ರೀನಿವಾಸನ್ ನಡೆಸಿಕೊಟ್ಟರು. ಗ್ರಾ.ಪಂ.ಅಧ್ಯಕ್ಷೆ ಗೌತಮಿ ಮುನಿರಾಜು, ಪಿಡಿಒ ಗೌಸ್‍ಸಾಬ್, ಮುಖಂಡರಾದ ಮುನಿರಾಜು, ಬಾಬುರೆಡ್ಡಿ, ಮುನಿಯಪ್ಪ, ಸುದರ್ಶನ್, ಶಂಕರಪ್ಪ, ಎನ್.ರಘುನಾಥರೆಡ್ಡಿ, ರತ್ನಪ್ಪ ಹಾಗು ಗ್ರಾ.ಪಂ.ಸದಸ್ಯರು ಇದ್ದರು.

ಮುಳಬಾಗಿಲು-ಸೆ-02: ನಕಲಿ ಬಯೋ ಔಷಧಿಗಳನ್ನು ಮಾರಾಟ ಮಾಡಿ ರೈತರನ್ನು ವಂಚನೆ ಮಾಡುತ್ತಿದ್ದು, ರಘು ಆಗ್ರೋ ಟ್ರೇಡರ್ಸ್ ಅಂಗಡಿ ಮೇಲೆ ಕೃಷಿ ಜಂಟಿ ನಿರ್ದೇಶಕರಾದ ರೂಪಾದೇವಿ ಹಾಗೂ ತಾಲ್ಲೂಕು ಕೃಷಿ ಅಧಿಕಾರಿ ರವಿ ರವರ ನೇತೃತ್ವದಲ್ಲಿ 26-08-2022 ರಂದು ದಾಳಿ ಮಾಡಿ ಲಕ್ಷಾಂತರ ರೂಪಾಯಿ ಔಷಧಿಯನ್ನು ವಶಪಡಿಸಿಕೊಂಡು ಮಾಲೀಕರಾದ ರಘುನಾಥರೆಡ್ಡಿ ವಿರುದ್ದ ನಂಗಲಿಠಾಣೆಯಲ್ಲಿ ಕ್ರಿಮಿನಲ್ ಮೊಕದಮ್ಮೆ ದಾಖಲೆ ಮಾಡಿದರು.ರೈತ ಸಂಘದ ದೂರಿನ ಆಧಾರದ ಮೇಲೆ ಕೃಷಿ ಅಧಿಕಾರಿಗಳು ಮುಳಬಾಗಿಲು ತಾಲ್ಲೂಕು ಬೈರಕೂರು ಹೋಬಳಿ ಹೆಚ್.ಬಯ್ಯಪ್ಪನಹಳ್ಳಿ ಗಡಿ ಭಾಗದಲ್ಲಿ ರಘು ಆಗ್ರೋಟೇಡರ್ಸ್ಮಾಲೀಕರಾದ ರಘುನಾಥರೆಡ್ಡಿ ರವರು ನಕಲಿ ಬಯೋ ಔಷಧಿಗಳನ್ನು ಅಕ್ರಮವಾಗಿ ಮಾರಾಟ ಮಾಡುವ ಮುಖಾಂತರ ರೈತರನ್ನು ವಂಚನೆ ಮಾಡುವ ಜೊತೆಗೆ ಸರ್ಕಾರದ ಆದಾಯಕ್ಕೆ ಮತ್ತು ಕೃಷಿ ಅಧಿಕಾರಿಗಳ ದಿಕ್ಕು ತಪ್ಪಿಸಿ ಔಷಧಿಗಳ ಮಾರಾಟದ ಹೆಸರಿನಲ್ಲಿ ನಕಲಿ ರಸಗೊಬ್ಬರಗಳನ್ನು ಪರವಾನಿಗೆ ಪಡೆಯದೆ ಮಾರಾಟ ಮಾಡುತ್ತಿರುವುದು ಕಂಡು ಬಂದಿತು.

ಅಂಗಡಿ ಮೇಲೆ ದಾಳಿ ಮಾಡಿ ನಕಲಿ ಔಷಧಿಗಳನ್ನು ವಶಪಡಿಸಿಕೊಳ್ಳುವಾಗ ಅಧಿಕಾರಿಗಳ ಮೇಲೆ ಪ್ರಭಾವಿ ಬಿ.ಜೆ.ಪಿ ಮುಖಂಡರು ಒತ್ತಡ ಹಾಕಿ ಯಾವುದೇ ಕಾರಣಕ್ಕೂ ಅಂಗಡಿ ಸೀಜ್ ಮಾಡಬೇಡಿ ಹಾಗೂ ಮಾಲೀಕರ ವಿರುದ್ದ ಕೇಸು ದಾಖಲು ಮಾಡದಂತೆ ಬೆದರಿಕೆ ಕೆರೆಗಳು ಸಹ ಬಂದಿದ್ದವು ಯಾವುದಕ್ಕೂ ಕೇರೆ ಮಾಡದ ಅಧಿಕಾರಿಗಳು ರೈತರ ಹಿತದೃಷ್ಟಿಯಿಂದ ಅಂಗಡಿ ಮಾಲೀಕರ ವಿರುದ್ದ ಕ್ರಿಮಿನಲ್ ಮೊಕದಮ್ಮೆ ದಾಖಲು ಮಾಡಿ ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿಗಳ ಗಮನಕ್ಕೆ ತಂದು ಪ್ರಕರಣವನ್ನು ಗಂಭೀರವಾಗಿ ತನಿಖೆ ಮಾಡಿ ನಕಲಿ ಔಷಧಿ ಮಾರಾಟ ಮಾಡುವ ದಂದೆಕೋರರ ಬೆನ್ನು ಮೂಳೆ ಮುರಿಯುವ ಭರವಸೆ ನೀಡಿದರು.

ರೈತ ಸಂಘದ ರಾಜ್ಯ ಉಪಾಧ್ಯಕ್ಷ ಕೆ.ನಾರಾಯಣಗೌಡ ಮಾತನಾಡಿ 5 ವರ್ಷಗಳಿಂದ ಜಿಲ್ಲೆಯ ಟೆಮೋಟೋ ಕ್ಯಾಪ್ಸಿಕಂ ಮತ್ತಿತರ ಬೆಳೆಗಳಿಗೆ ಬಾದಿಸುತ್ತಿರುವ ನುಸಿ ಊಜಿ, ಬೊಬ್ಬೆ ರೋಜ್, ಮುಂತಾದ ರೋಗಗಳಿಗೆ ಲಕ್ಷಾಂತರ ರೂಪಾಯಿ ಕೊಟ್ಟು ಖರೀದಿ ಮಾಡುವ ಔಷಧಿಯಿಂದ ರೋಗ ನಿಯಂತ್ರಣಕ್ಕೆ ಬರುತ್ತಿಲ್ಲವೆಂದು ಉಸ್ತುವಾರಿ ಸಚಿವರಿಂದ ಜಿಲ್ಲಾಧಿಕಾರಿಗಳು ಕೃಷಿ ಅಧಿಕಾರಿಗಳಿಗೆ ಮನವಿ ನೀಡಿ ಒತ್ತಾಯಿಸಿದ ಹಿನ್ನಲೆಯಲ್ಲಿ ಇಂದು ನಕಲಿ ಔಷಧಿಗಳ ಮಾರಾಟ ದಂದೆಕೋರರ ವಿರುದ್ದ ದಾಳಿ ನಡೆಸಿರುವುದಕ್ಕೆ ಅಧಿಕಾರಿಗಳಿಗೆ ಕೃತಜ್ಞತೆ ಸಲ್ಲಿಸಿದರು. ಗಡಿಭಾಗದ ರಘು ಟ್ರೇಡರ್ಸ್ ಮಾಲೀಕರು ಆಂಧ್ರ ಮೂಲಕದ ಬಯೋ ಅಔಷದಿಗಳನ್ನು ರಾತ್ರಿವೇಳೆ ಅಕ್ರಮವಾಗಿ ದಾಸ್ತಾನು ಮಾಡಿ ಯಾವುದೇ ಬಿಲ್ಲನ್ನು ರೈತರಿಗೆ ಔಷಧಿ ಖರೀದಿ ಮಾಡುವಾಗ ನೀಡದೆ ವಂಚನೆ ಮಾಡುವ ಜೊತೆಗೆ ರಸಗೊಬ್ಬರ ಹಾಗೂ ಡ್ರಿಪ್ ಗೊಬ್ಬರಗಳನ್ನು ನಕಲಿ ಮಾರಾಟ ಮಾಡುತ್ತಿದ್ದಾರೆ.ಇವರು ಈ ದಂದೆ ಸಂಜೆ 5 ಗಂಟೆಯಿಂದ ರಾತ್ರಿ 11 ಗಂಟೆಯ ವರೆಗೆ ನಡೆಯುತ್ತದೆ. ಏಕೆಂದರೆ ಅಧಿಕಾರಿಗಳು ತಮ್ಮ ಸರ್ಕಾರಿ ಕೆಲಸ ಮುಗಿದ ನಂತರ ಇವರ ದಂದೆಗೆ ಯಾರು ಅಡ್ಡಿ ಇಲ್ಲವೆಂದು ಮಾರಾಟ ಮಾಡುವ ಇವರ ವಿರುದ್ದ ಗೂಂಡಾ ಕಾಯ್ದೆಯಡಿಯಲ್ಲಿ ಕೇಸು ದಾಖಲಿಸಬೇಕೆಂದು ಕೃಷಿ ಅಧಿಕಾರಿಗಳನ್ನು ಒತ್ತಾಯಿಸಿದರು. ತಾಲ್ಲೂಕು ಕೃಷಿ ಅಧಿಕಾರಿ ರವಿಕುಮಾರ್ ಮಾತನಾಡಿ ಅಂಗಡಿ ಮಾಲೀಕರು ಯಾವುದೇ ಸ್ಟಾಕ್ ಪುಸ್ತಕ ಹಾಗೂ ರೈತರಿಗೆ ನಿಡಿರುವ ರಸೀದಿ ಬುಕ್ ಇಲ್ಲ ಜೊತೆಗೆ ನಕಲಿ ಜಿ.2 ಪಾರಂ ಹೆಸರಿನಲ್ಲಿ ರೈತರನ್ನು ವಂಚನೆ ಮಾಡುತ್ತಿದ್ದಾರೆ. ಪ್ರಕರಣವನ್ನು ಗಂಬೀರವಾಗಿ ಪರಿಗಣಿಸಿ ತಾಲ್ಲೂಕಿನಾದ್ಯಂತ ನಕಲಿ ಔಷಧಿ ಮಾರಾಟ ಮಾಡುವ ಅಂಗಡಿ ಮಾಲೀಕರಿಗೆ ಈ ಪ್ರಕರಣ ಎಚ್ಚೆತ್ತುಕೊಳ್ಳಲು ಅವಕಾಶವೆಂದು ಎಚ್ಚರಿಕೆ ನೀಡಿದರು. ಸಂದರ್ಭದಲ್ಲಿ ಕೃಷಿ ಅಧಿಕಾರಿಗಳಾದ ಭವ್ಯ ರವರು ರೈತ ಸಂಘದ ಮುಖಂಡರಾದ ಮಂಜುನಾಥ, ಶ್ರೀನಿವಾಸ, ಆಂಜಿನಪ್ಪ, ಆನಂದರೆಡ್ಡಿಯಲವಳ್ಳಿ ಪ್ರಭಾಕರ್, ಹತ್ತಾರು ರೈತರು ಹಾಜರಿದ್ದರು.

ಕೋಲಾರ:- ಗುರುಭವನ ನಿರ್ಮಾಣ ಈಗಾಗಲೇ ಸಾಕಷ್ಟು ವಿಳಂಬವಾಗಿದೆ, ಇದು ಸರಿಯಾದ ಕ್ರಮವಲ್ಲ ನೀವು ಕೂಡಲೇ ಶಿಲಾನ್ಯಾಸಕ್ಕೆ ದಿನಾಂಕ ನಿಗಧಿ ಮಾಡಿ, ಅದಕ್ಕೆ ಅಗತ್ಯವಾದ ಅನುದಾನ ಕ್ರೋಢೀಕರಿಸೋಣ ಎಂದು ಶಿಕ್ಷಕ ಸಂಘಟನೆಗಳ ಮುಖಂಡರಿಗೆ ವಿಧಾನಪರಿಷತ್ ಮುಖ್ಯ ಸಚೇತಕ ಡಾ.ವೈ.ಎ.ನಾರಾಯಣಸ್ವಾಮಿ ಸೂಚಿಸಿದರು.
ಶಿಕ್ಷಕರ ದಿನಾಚರಣೆ ಕಾರ್ಯಕ್ರಮದ ಆಹ್ವಾನಪತ್ರಿಕೆ ನೀಡಲು ಆಗಮಿಸಿದ್ದ ಶಿಕ್ಷಕರ ಸಂಘಟನೆಗಳ ಮುಖಂಡರಿಗೆ ಸಲಹೆ ನೀಡಿದ ಅವರು, ಗುರುಭವನ ಶಿಲಾನ್ಯಾಸ ಮಾಡಿ ಕಾಮಗಾರಿ ಶೀಘ್ರ ಆರಂಭಿಸಲು ಕ್ರಮವಹಿಸಿ ಎಂದು ಕಿವಿಮಾತು ಹೇಳಿದರು.
ನಿರಂತರ ಮಳೆ ಹಾಗೂ ಸಿದ್ದತೆಗಳ ಕೊರತೆಯಿಂದಾಗಿ ಸೆ.5 ರಂದು ಶಿಲಾನ್ಯಾಸ ಕಾರ್ಯಕ್ರಮ ಕೈಬಿಟ್ಟಿದ್ದು, ಮುಂದಿನ ದಿನಗಳಲ್ಲಿ ಶಿಲಾನ್ಯಾಸಕ್ಕೆ ಸಿದ್ದತೆ ಮಾಡುವುದಾಗಿ ಶಿಕ್ಷಕರ ಸಂಘದ ಮುಖಂಡರು ಗಮನಕ್ಕೆ ತಂದರು.
ಸಂಸದ ಮುನಿಸ್ವಾಮಿ ಮಾತನಾಡಿ, ಗುರುಭವನ ಕಾಮಗಾರಿ ಹಲವಾರು ವರ್ಷಗಳಿಂದ ನೆನೆಗುದಿಗೆ ಬಿದ್ದಿದ್ದು, ಇದು ಸರಿಯಲ್ಲ ಎಂದ ಅವರು, ಅನುದಾನವನ್ನು ನೀಡಲು ಜನಪ್ರತಿನಿಧಿಗಳು ಸಿದ್ದರಿದ್ದಾರೆ ಎಂದರು.
ಗುರುಭವನವನ್ನು ರಾಜ್ಯದಲ್ಲೇ ಮಾದರಿಯಾಗಿ ನಿರ್ಮಿಸಲು ಯೋಜನೆ ರೂಪಿಸಿ ಎಂದ ಅವರು, ಸರ್ಕಾರದಿಂದಲೂ ಅಗತ್ಯ ಅನುದಾನ ಕೊಡಿಸಲು ತಾವು ಪ್ರಯತ್ನ ನಡೆಸುವುದಾಗಿ ಭರವಸೆ ನೀಡಿದರು.
ಈ ಸಂದರ್ಭದಲ್ಲಿ ಜಿಲ್ಲಾ ಸರ್ಕಾರಿ ನೌಕರರ ಸಂಘದ ಪ್ರಧಾನ ಕಾರ್ಯದರ್ಶಿ ಎಸ್.ಚೌಡಪ್ಪ, ಜಿಲ್ಲಾ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷ ಅಪ್ಪೇಗೌಡ, ಪ್ರಧಾನ ಕಾರ್ಯದರ್ಶಿ ಎಂ.ನಾಗರಾಜ್,ಬಂಗಾರಪೇಟೆ ತಾಲ್ಲೂಕು ಪ್ರೌಢಶಾಲಾ ಶಿಕ್ಷಕರ ಸಂಘದ ಅಧ್ಯಕ್ಷ ರಾಜಪ್ಪ, ಶ್ರೀನಿವಾಪುರ ತಾಲ್ಲೂಕು ದೈಹಿಕ ಶಿಕ್ಷಕರ ಸಂಘದ ಅಧ್ಯಕ್ಷ ವೆಂಕಟಸ್ವಾಮಿ ಮತ್ತಿತರರಿದ್ದರು.

ಕೋಲಾರ:- ನಗರದಲ್ಲಿ ಬಾಲಗಂಗಾಧರ ತಿಲಕ್ ವಿನಾಯಕ ವಿಸರ್ಜನಾ ಸಮಿತಿಯಿಂದ ನಡೆದ ಸಾರ್ವಜನಿಕ ಗಣಪತಿ ಮೂರ್ತಿಗಳ ಭವ್ಯ ಮೆರವಣಿಗೆಗೆ ಸಂಸದ ಎಸ್.ಮುನಿಸ್ವಾವಿ, ನಟ ಡಾಲಿ ಧನಂಜಯ್ ಹಾಗೂ ಮಾಜಿ ಸಚಿವ ವರ್ತೂರು ಪ್ರಕಾಶ್ ಚಾಲನೆ ನೀಡಿದರು.
ಬಾಲಗಂಗಾಧರ ತಿಲಕ್ ವಿನಾಯಕ ವಿಸರ್ಜನಾ ಸಮಿತಿಯ 20ನೇ ವರ್ಷದ ಗಣೇಶೋತ್ಸವದ ಅಂಗವಾಗಿ ಗಾಂಧಿವನದಲ್ಲಿ ನಿರ್ಮಿಸಿದ್ದ ಬೃಹತ್ ವೇದಿಕೆಯಲ್ಲಿ ಚಾಲನೆ ನೀಡಿದ್ದು, ಮೆರವಣಿಗೆಯ ಉಸ್ತುವಾರಿ ವಹಿಸಿದ್ದ ಬಜರಂಗದಳದ ಬಾಲಾಜಿ,ಬಾಬು, ಡಿ.ಆರ್.ನಾಗರಾಜ್, ಅಪ್ಪಿ,ಪುಟ್ಟು,ಮಂಜುನಾಥ್, ಕೆ.ಎಸ್.ರಾಜೇಂದ್ರ,ಬಿಆರ್‍ಎಂ ಸಂತೋಷ್ ಸೇರಿದಂತೆ ಹಲವಾರು ಮುಖಂಡರು ಕಾರ್ಯಕ್ರಮಕ್ಕೆ ಸಾಕ್ಷಿಯಾದರು.

ಸಾಂಸ್ಕøತಿಕ ಸಮನ್ವಯತೆಗೆ ಯುವಕರ ಸಂಘಟನೆ

ಈ ಸಂದರ್ಭದಲ್ಲಿ ಮಾತನಾಡಿದ ಸಂಸದ ಮುನಿಸ್ವಾಮಿ, ನಗರದ ಯುವ ಸಮುದಾಯ ಜಾತಿ ಬೇಧ ಮರೆತು ಒಂದೇ ವೇದಿಕೆಗೆ ಸಂಘಟಿತಗೊಳ್ಳಲು ತಿಲಕ್ ವಿನಾಯಕ ವಿಸರ್ಜನಾ ಸಮಿತಿ ಅವಕಾಶ ಕಲ್ಪಿಸಿಕೊಟ್ಟಿರುವುದು ಸ್ವಾಗತಾರ್ಹ ಎಂದು ತಿಳಿಸಿದರು.
ನಮ್ಮ ಭಾರತೀಯ ಸಂಸ್ಕøತಿ, ಧರ್ಮ, ಪರಂಪರೆ ಉಳಿಸಲು ಯುವಕರು ಸಂಘಟಿತರಾಗಲು ಗಣೇಶನೇ ಅವಕಾಶ ಕಲ್ಪಿಸಿಕೊಟ್ಟಿದ್ದು, ವಿನಾಯಕ ಚೌತಿಯ ಆಚರಣೆಯ ಮೂಲಕ ಯುವಕರ ಸಂಘಟನೆ ಬಲಗೊಳ್ಳಲಿ ಎಂದರು.
ಕೋಲಾರ ಜಿಲ್ಲೆಯಲ್ಲಿ ಮಳೆಯಿಲ್ಲ ಬರಗಾಲ ಕಾಡುತ್ತಿದೆ, ಗಣಪ ಜಿಲ್ಲೆಗೆ ಒಳ್ಳೆಯ ಮಳೆ ತರಿಸಲಿ ಯುವ ಸಮುದಾಯದ ಬದುಕಿಗೆ ದಾರಿ ತೋರಲಿ ಎಂದು ಹಾರೈಸಿದರು.
ಯಾವುದೇ ಕೋಮುಭಾವನೆಗೆ ಪ್ರಚೋದನೆ ನೀಡದೇ ಸೌಹಾರ್ದತೆ ಕಾಪಾಡಿಕೊಳ್ಳಲು ಈ ಕಾರ್ಯಕ್ರಮ ಸಹಕಾರಿಯಾಗಲಿ ಎಂದು ಶುಭ ಕೋರಿದರು.

ಸಾಂಸ್ಕøತಕ,ಕಲಾ ತಂಡಗಳ ಮೆರುಗು

ನಾದಸ್ವರ , ಡೋಲು ಮೆರವಣಿಗೆಯೊಂದಿಗೆ ಸಾಗಿದ್ದು, ಗಾರುಡಿಗೊಂಬೆ, ಕೀಲುಕುದುರೆ, ಕೋಲಾಟ, ಡೊಳ್ಳುಕುಣಿತ, ತಮಟೆ ಕಲಾವಿದರು, ಮೆರವಣಿಗೆಯಲ್ಲಿ ಸಾಗಿ ಬಂದಾಗ 50 ಸಾವಿರಕ್ಕೂ ಮೀರಿದ ಜನಸ್ತೋಮ ರಸ್ತೆಯ ಇಕ್ಕೆಲಗಳಲ್ಲಿ ನಿಂತು ವೀಕ್ಷಿಸಿ ಆನಂದಿಸಿದರು.
ವಿವಿಧ ಬಡಾವಣೆಗಳು ಮತ್ತು ತಾಲ್ಲೂಕಿನ ಹಲವಾರು ಗ್ರಾಮಗಳಲ್ಲಿ ಪ್ರತಿಷ್ಟಾಪಿಸಿದ ವಿವಿಧ ರೂಪಿ ಗಣಪ ಮೂರ್ತಿಗಳಲ್ಲಿ ಸಾಯಿ ರೂಪಿ ಗಣಪ, ನಾಟ್ಯ ಗಣಪ, ಹನುಮನೊಂದಿಗೆ ನಿಂತ ಗಣಪ, ಶಿವನ ತೊಡೆಯಮೇಲೆ ಗಣಪ, ನಂದಿಯ ಮೇಲೆ ಸವಾರಿ ಮಾಡುತ್ತಿರುವ ಗಣಪ, ಗಣಪ, ವಿಶ್ವರೂಪಿ ಗಣಪ, ಕಾಳಿಂಗ ಮರ್ಧಣ ಗಣಪ ಹೀಗೆ ಹತ್ತಾರು ಮಾದರಿಗಳು ಮೆರವಣಿಗೆಯಲ್ಲಿ ಸಾಗಿ ಬಂದವು.
ಇಡೀ ಮೆರವಣಿಗೆಗೆ ಭಗವಧ್ವಜಗಳನ್ನಿಡಿದ ಯುವಕರು ರಸ್ತೆಯಲ್ಲಿ ಸಾಗಿ ಇಡೀ ಎಂ.ಜಿ.ರಸ್ತೆಕೇಸರಿಮಯವಾಗುವಂತೆ ಮಾಡಿದ್ದರು.ಎಲ್ಲೆಲ್ಲಿಯೂ ಹಾರಾಡಿದ ಭಗವಧ್ವಜಗಳು, ಜಾತಿ, ಮತಗಳ ಬೇಧವಿಲ್ಲದೇ ಎಲ್ಲಾ ಯುವಜನರನ್ನು ಒಂದೇ ವೇದಿಕೆಗೆ ಸಂಘಟಿಸುವಲ್ಲಿ ತಿಲಕ್ ವಿನಾಯಕ ವಿಸರ್ಜನಾ ಸಮಿತಿ ಯಶಸ್ವಿಯಾಯಿತು.
ಭಜರಂಗದಳ, ವಿಹಿಂಪ, ನಗರದ ವಿವಿಧ ಯುವಕ, ಕನ್ನಡ, ಕ್ರೀಡಾ, ಸಮುದಾಯದ ಸಂಘಟನೆಗಳು ತಮ್ಮ ತಮ್ಮ ಬಡಾವಣೆಗಳಲ್ಲಿ ಮತ್ತು ತಾಲ್ಲೂಕಿನ ವಿವಿಧ ಗ್ರಾಮಗಳಲ್ಲಿ ಪ್ರತಿಷ್ಟಾಪಿಸಿದ್ದ ಎಲ್ಲಾ ಗಣಪ ಮೂರ್ತಿಗಳನ್ನು ಮೆರವಣಿಗೆಗೆ ತರುವ ಮೂಲಕ ಒಂದೇ ವೇದಿಕೆಯಲ್ಲಿ ಮಿಲನಗೊಂಡಿತು.
ಸ್ವಾತಂತ್ರ್ಯ ಹೋರಾಟಕ್ಕಾಗಿ ತಿಲಕರ ಆಶಯವಾಗಿದ್ದ ಈ ಗಣೇಶೋತ್ಸವ ಸಾವಿರಾರು ಮಂದಿ ಯುವಕರನ್ನು ಒಂದೇ ವೇದಿಕೆಯಲ್ಲಿ ಸಂಘಟಿತರಾಗುವಂತೆ ಮಾಡಿ ಧರ್ಮ ರಕ್ಷಣೆಗೆ ಆಶಯಗಳನ್ನು ಸಾಕಾರಗೊಳಿಸಿತು.ನಗರದ ವಿವಿಧ ರಸ್ತೆಗಳಲ್ಲಿ ಮೆರವಣಿಗೆ ಸಾಗಿ ಬಂದಾಗ ಕೆಲವು ಪ್ರದೇಶಗಳಲ್ಲಿ ಮಹಿಳೆಯರು ಪುಷ್ಪವೃಷ್ಟಿ ಸುರಿಸಿ ಸ್ವಾಗತ ಕೋರಿದರು.
ಮೆರವಣಿಗೆಯಲ್ಲಿ 55ಕ್ಕೂ ಹೆಚ್ಚು ವಿವಿಧ ಬಡಾವಣೆ ಹಾಗೂ ಸುತ್ತಮುತ್ತಲ ಗ್ರಾಮಗಳ ಗಣೇಶ ಮೂರ್ತಿಗಳ ಪಲ್ಲಕ್ಕಿಗಳು ಪಾಲ್ಗೊಂಡಿದ್ದುದು ವಿಶೇಷವಾಗಿತ್ತು.
ಉದ್ಘಾಟನಾ ಕಾರ್ಯಕ್ರಮದಲ್ಲಿ ಚಿತ್ರನಟ ಡಾಲಿ ಧನಂಜಯ್, ಮಾಜಿ ಸಚಿವ ವರ್ತೂರು ಪ್ರಕಾಶ್, ಎಸ್ಪಿ ಡಿ.ದೇವರಾಜ್, ಮುಖಂಡರಾದ ಬೆಗ್ಲಿ ಸೂರ್ಯಪ್ರಕಾಶ್, ಕೆಯುಡಿಎ ಅಧ್ಯಕ್ಷ ವಿಜಯಕುಮಾರ್,ಮಾಜಿ ಅಧ್ಯಕ್ಷ ಓಂಶಕ್ತಿ ಚಲಪತಿ, ರಾಜ್ಯ ಅರಣ್ಯ ಅಭಿವೃದ್ದಿ ಸಮಿತಿ ಸದಸ್ಯ ಕೆ.ಎಸ್.ರಾಜೇಂದ್ರ ಮತ್ತಿತರರು ಪಾಲ್ಗೊಂಡಿದ್ದರು.
ಇಡೀ ಕಾರ್ಯಕ್ರಮದ ಉಸ್ತುವಾರಿಯನ್ನು ಬಾಲಗಂಗಾಧರ ತಿಲಕ್ ವಿನಾಯಕ ವಿಸರ್ಜನಾ ಸಮಿತಿಯ ಭಜರಂಗದಳದ ಬಾಲಾಜಿ,ಬಾಬು, ಅಪ್ಪಿ, ಮಂಜುನಾಥ್, ಬಿಜೆಪಿ ಸ್ಲಂಮೋಚಾರ ರಾಜ್ಯ ಕಾರ್ಯದರ್ಶಿ ಕೆ.ಎಸ್.ರಾಜೇಂದ್ರ ಮತ್ತಿತರರು ವಹಿಸಿದ್ದು, ವಿವಿಧ ಸಂಘಟನೆಗಳ ಮುಖಂಡರಾದ ಡಾ.ಶಿವಣ್ಣ, ಡಿ.ಆರ್.ನಾಗರಾಜ್,ವಿಹಿಂಪದ ವೆಂಕಟೇಶ್, ಬಿಜೆಪಿಯ ವಿಶ್ವನಾಥ್, ರವಿ, ಪ್ರಕಾಶ್, ಮಂಜುನಾಥ್, ಸಂಜಯ್, ಶ್ರೀನಿವಾಸ್, ಶಬರಿ, ನರೇಶ್, ಹರೀಶ್, ಕನಕೇಶ್ ನಾಗರಾಜ್, ಗಿರೀಶ್, ಪಿಳ್ಳಿ, ಮುರಳಿ ಮತ್ತಿತರ ನೂರಾರು ಯುವಕರು ವಹಿಸಿದ್ದರು.
ಮೆರವಣಿಗೆ ಎಂ.ಜಿ ರಸ್ತೆ, ಅಮ್ಮವಾರಿಪೇಟೆ ಎಂ.ಬಿ.ರಸ್ತೆ, ಕೆಎಸ್‍ಆರ್‍ಟಿಸಿ ಬಸ್ ನಿಲ್ದಾಣದ ವೃತ್ತ, ಶಾರದಾ ಚಿಂತ್ರಮಂದಿರ ರಸ್ತೆ, ದೊಡ್ಡಪೇಟೆ, ಕಾಲೇಜು ವೃತ್ತ, ಇಟಿಸಿಎಂ ವೃತ್ತಗಳಲ್ಲಿ ಮೆರವಣಿಗೆ ನಡೆಯಿತು.
ಮೆರವಣಿಗೆ ನಡೆದ ರಸ್ತೆ ಹಾಗೂ ವೃತ್ತಗಳಲ್ಲಿ ವಾಹನ ಸಂಚಾರ ಅಸ್ತವ್ಯಸ್ತವಾಗಿತ್ತು. ಹಲವೆಡೆ ಬ್ಯಾರಿಕೇಡ್‍ಗಳನ್ನು ಹಾಕಿ ತಾತ್ಕಾಲಿಕವಾಗಿ ವಾಹನ ಸಂಚಾರ ಸ್ಥಗಿತಗೊಳಿಸಲಾಗಿತ್ತು. ಮುನ್ನೆಚ್ಚರಿಕೆ ಕ್ರಮವಾಗಿ ನಗರದಲ್ಲಿ ಬಿಗಿ ಪೊಲೀಸ್ ಬಂದೋಬಸ್ತ್ ವ್ಯವಸ್ಥೆ ಮಾಡಲಾಗಿತ್ತು. ಪೊಲೀಸ್ ಅಧಿಕಾರಿಗಳು ನಿಯಮಿತವಾಗಿ ಗಸ್ತು ನಡೆಸಿದರು.

ಶ್ರೀನಿವಾಸಪುರ : ಶ್ರೀನಿವಾಸಪುರ ವಿಧಾನಸಭಾ ಕ್ಷೇತ್ರದಲ್ಲಿ ಕೆಳದ ಒಂದು ವಾರದಿಂದ ಸತತವಾಗಿ ಬೀಳುತ್ತಿರುವ ಮಳೆಗೆ ರೈತರ ಬೆಳೆಗಳು ನಷ್ಟವಾಗಿದ್ದರೂ ಅಧಿಕಾರಿಗಳನ್ನಾಗಲಿ ಜಿಲ್ಲಾಡಳಿತವನ್ನು ಸ್ಥಳಕ್ಕೆ ಕರೆದುಕೊಂಡು ಬಂದು ಪರಿಹಾರ ಕೊಡಿಸುವಲ್ಲಿ ಸ್ಥಳೀಯ ಶಾಸಕರು ವಿಫಲರಾಗಿದ್ದಾರೆ ಎಂದು ಶಾಸಕ ಕೆ.ಆರ್ ರಮೇಶ್ ಕುಮಾರ್ ವಿರುದ್ಧ ಮಾಜಿ ಶಾಸಕ ಜಿ.ಕೆ ವೆಂಕಟಶಿವಾರೆಡ್ಡಿ ವಾಗ್ದಾಳಿ ನಡೆಸಿದರು .
ತಾಲೂಕಿನ ಶ್ರೀನಿವಾಸಪುರ ವಿಧಾನಸಭಾ ಕ್ಷೇತ್ರದ ಹೋಳೂರು ವ್ಯಾಪ್ತಿಯಲ್ಲಿ ಮಳೆಯಿಂದ ಹಾನಿಯಾಗಿರು ರೈತರ ತೋಟಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು ಈ ಸಂದರ್ಭದಲ್ಲಿ ಸ್ಥಳೀಯ ರೈತರು ಹಾಗೂ ಮುಖಂಡರು ಕೋಲಾರ ಮತ್ತು ಶ್ರೀನಿವಾಸಪುರ ಮಾರ್ಗದ ಮುದುವಾಡಿ ಕೆರೆಗೆ ಹೆಚ್ಚು ಮಳೆಯಾದಗ ಕೊಡಿಯ ನೀರಿನಿಂದಾಗಿ ವಾಹನಗಳು ಓಡಾಡಲು ಕಷ್ಟವಾಗಿತ್ತಾ ಇದ್ದು ಪರ್ಯಾಯಯವಾಗಿ ಬೆಳ್ಳಂಬರಿ ಮಾರ್ಗವಾಗಿ ಹೋಗುವಾಗ ರಾಜಕಾಲುವೆ ದುರಸ್ತಿ ಇಲ್ಲದೇ ನೀರು ರಸ್ತೆಯಲ್ಲಿ ಬರುತ್ತಾ ಇದೆ .
ಕೆಸಿ ವ್ಯಾಲಿ ನೀರಿನಿಂದಾಗಿ ಹೋಳೂರು ಕೆರೆಯ ಅಚ್ಚುಕಟ್ಟು ಪ್ರದೇಶವಾದ ಕಾನಿಯಲ್ಲಿ ನೀರು ತುಂಬಿಕೊಂಡಿದ್ದು ಇದರಿಂದಾಗದಿ ಅಪಾರವಾದ ಬೆಳೆ ನಷ್ಟವಾಗಿದೆ ಎಂದು ಮಾಜಿ ಶಾಸಕರ ಗಮನಕ್ಕೆ ರೈತರು ತಂದರು ಈ ಸಂದರ್ಭದಲ್ಲಿ ಸುದ್ದಿಗಾರೊಂದಿಗೆ ಮಾತನಾಡಿದ ಅವರು ಶ್ರೀನಿವಾಸಪುರ ವಿಧಾನಸಭಾ ಕ್ಷೇತ್ರದಲ್ಲಿ ಮಳೆಯಿಂದಾಗಿ ಅಪಾರ ಪ್ರಮಾಣದ ಬೆಳೆ ನವಾಗಿದ್ದು ಈ ಬಗ್ಗೆ ಗಮನ ಹರಿಸಿ ಸರಕಾರದಿಂದ ಪರಿಹಾರ ಕೊಡಿಸಬೇಕಾದ ಶಾಸಕರು ರೈತರ ಬಗ್ಗೆ ನಿರ್ಲಕ್ಷ್ಯ ತೋರಿದ್ದಾರೆ ಎ೦ದರು.
ಈಗಾಗಲೇ ಸಾಕಷ್ಟು ಪ್ರಮಾಣದಲ್ಲಿ ಬೆಳೆ ನಾಶವಾಗಿದೆ ಶಾಸಕರು ಸಂಬಂಧಪಟ್ಟ ಅಧಿಕಾರಿಗಳನ್ನು ರೈತರ ಜಮೀನಿಗಳಿಗೆ ಕರೆದುಕೊಂಡು ಹೋಗಿ ರೈತರ ಸಮಸ್ಯೆಗಳನ್ನು ಅಧಿಕಾರಿಗಳಿಗೆ ಮನವರಿಕೆ ಮಾಡಿಸಬೇಕಾಗಿತ್ತು ಆದರೆ ಶಾಸಕರು ರೈತರ ವಿಚಾರದಲ್ಲಿ ನಿರ್ಲಕ್ಷ್ಯ ತೋರುತ್ತಾ ಇರುವುದು ಎದ್ದು ಕಾಣುತ್ತಾ ಇದೆ ಕೋಲಾರ ಜಿಲ್ಲೆಯಲ್ಲಿ ಮಳೆಯಿಂದಾಗಿ ಕೋಟ್ಯಾಂತರ ರೂಪಾಯಿ ಮೌಲ್ಯದ ಬೆಳೆಗಳಿಗೆ ಹಾನಿಯಾಗಿದೆ ರಾಜ್ಯ ಸರ್ಕಾರ ಕೊಡುವ ಪರಿಹಾರದ ಮೊತ್ತದಿಂದ ರೈತರ ಕಣ್ಣೀರು ಹೊರೆಸುವ ಕೆಲಸ ಆಗುವುದಿಲ್ಲ .
ಈ ಬಗ್ಗೆ ಮಾಜಿ ಮುಖ್ಯಮಂತ್ರಿ ಎಚ್.ಡಿ ಕುಮಾರಸ್ವಾಮಿ ನೇತೃತ್ವದಲ್ಲಿ ಚರ್ಚಿಸಿ ನ೦ತರ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಯಿ ಬಳಿಗೆ ನಿಯೋಗ ತರೆಳಿ ಹೆಚ್ಚಿನ ಪರಿಹಾರ ಮೊತ್ತವನ್ನು ಕೊಡುವಂತೆ ಒತ್ತಾಯಿ ಸಲಾಗುವುದು ಎಂದು ಇದೇ ಸಂದರ್ಭ ದಲ್ಲಿ ತಿಳಿಸಿದರು .
ಕೋಲಾರ ಜಿಲ್ಲೆಯಾದ್ಯಂತ ಮಳೆಯಿಂದಾಗಿ ಇಷ್ಟು ಎಲ್ಲಾ ದೊಡ್ಡ ಪ್ರಮಾಣದಲ್ಲಿ ನಷ್ಟವಾಗಿದ್ದರೂ ಜಿಲ್ಲಾಡಳಿತ ಅಥವಾ ಜನ ಪ್ರತಿನಿಧಿ ಗಳಾಗಲಿ ಗಮನ ಹರಿಸದೇ ರೈತರನ್ನು ನಿರ್ಲಕ್ಷ್ಯ ತೋರಿದ್ದಾರೆ.
ಈ ಸಂದರ್ಭದಲ್ಲಿ ಜಿಪಂ ಮಾಜಿ ಅಧ್ಯಕ್ಷ ತೂಪಲ್ಲಿ ನಾರಾಯಣ ಸ್ವಾಮಿ , ತಾಪಂ ಮಾಜಿ ಸದಸ್ಯ ಜಡೇರಿ ಗೋಪಾಲಗೌಡ , ಎಪಿಎಂಸಿ ವಾಜಿ ನಿರ್ದೇಶಕ ಹೊಳೂರು ನಾರಾಯಣ ಸ್ವಾಮಿ , ಮುಖಂಡರಾದ ಜನಪನಹಳ್ಳಿ ಆನಂದ್ , ಹೋಳೂರು ಸಂತೋಷ್ , ಎಚ್.ಎಸ್ ರೆಡ್ಡಿ , ಶ್ರೀರಾಮಪ್ಪ , ಮನು , ವಿವೇಕ್ , ರಮೇಶ್ , ಶುಭಾ , ಮುಂತಾದವರು ಇದ್ದರು.