ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

JANANUDI.COM NETWORK
ಸಪ್ತಗಿರಿ ವಿವಿದೋದ್ಧೇಶ ಸೌಹಾರ್ದ ಸಹಕಾರಿ ನಿ. ಆಡಳಿತ ಮಂಡಳಿಗೆ ಅವಿರೋಧ ಆಯ್ಕೆ

ಕುಂದಾಪುರ, ಆ. 31: ಸಪ್ತಗಿರಿ ವಿವಿದೋದ್ಧೇಶ ಸೌಹಾರ್ದ ಸಹಕಾರಿ ನಿ. ಇದರ ಆಡಳಿತ ಮಂಡಳಿಗೆ ಮುಂದಿನ 5 ವರ್ಷಗಳ ಅವಧಿಯ ಚುನಾವಣೆಗೆ 13 ಜನ ಸದಸ್ಯರ ಪೈಕಿ 12 ಜನ ಸದಸ್ಯರು ಅವಿರೋಧವಾಗಿ ಆಯ್ಕೆಯಾಗಿರುತ್ತಾರೆ. ಪರಿಶಿಷ್ಟ ಜಾತಿ ಮೀಸಲು ಕ್ಷೇತ್ರಕ್ಕೆ ಸದಸ್ಯರು ಇಲ್ಲದ ಪ್ರಯುಕ್ತ ಒಂದು ಸ್ಥಾನವು ಖಾಲಿಯಾಗಿರುತ್ತದೆ.
ಸಪ್ತಗಿರಿ ವಿವಿದೋದ್ಧೇಶ ಸೌಹಾರ್ದ ಸಹಕಾರಿಯು 2014ರಲ್ಲಿ ನೋಂದಾವಣೆ ಗೊಂಡಿದ್ದು ಕುಂದಾಪುರದ ಜೆಎಲ್ಬಿ ರಸ್ತೆಯ ಸದ್ಗುರು ಟವರ್ನ ಮೊದಲ ಮಹಡಿಯಲ್ಲಿ ಆಡಳಿತ ಕಛೇರಿಯನ್ನು ಹೊಂದಿರುತ್ತದೆ. ದಿನಾಂಕ 28-07-2019 ಚುನಾವಣಾ ದಿನಾಂಕವಾಗಿದ್ದು 12 ಜನ ಸದಸ್ಯರು ಮಾತ್ರ ನಾಮಪತ್ರ ಸಲ್ಲಿಸಿರುವುದರಿಂದ ಎಲ್ಲಾ ಸದಸ್ಯರು ಅವಿರೋಧವಾಗಿ ಆಯ್ಕೆಯಾಗಿರುತ್ತಾರೆಂದು ಚುನಾವಣಾಧಿಕಾರಿಗಳೂ, ಸಹಕಾರ ಅಭಿವೃದ್ಧಿ ಅಧಿಕಾರಿಗಳು (ಕಾರ್ಕಳ) ಆದ ಶ್ರೀ ಅರುಣ್ ಕುಮಾರ್ ಎಸ್.ವಿ. ಘೋಷಣೆ ಮಾಡಿರುತ್ತಾರೆ. ಆಯ್ಕೆಯಾದ ನಿರ್ದೇಶಕ ಮಂಡಳಿಯ ಸದಸ್ಯರುಗಳು : ಸಾಮಾನ್ಯ ಕ್ಷೇತ್ರದಿಂದ ಶ್ರೀ ಚಂದ್ರಶೇಖರ, ಶ್ರೀ ಅಭಿಲಾಷ್, ಶ್ರೀ ಜಗದೀಶ್ ಪೂಜಾರಿ, ಶ್ರೀ ಎಚ್.ವಿ. ಮಧುಸೂದನ, ಶ್ರೀ ಅರುಣ, ಶ್ರೀ ಸುರೇಶ ಅರ್ ಪೂಜಾರಿ, ಶ್ರೀ ಉಮೇಶ್, ಮಹಿಳಾ ಕ್ಷೇತ್ರದಿಂದ ಶ್ರೀಮತಿ ಸುಜಾತ ಎ. ಪೂಜಾರಿ, ಶ್ರೀಮತಿ ಲೋನಾ ಲೂವಿಸ್, ಹಿಂದುಳಿದ ವರ್ಗ ಮೀಸಲು ಕ್ಷೇತ್ರದಿಂದ ಶ್ರೀ ಎಚ್ ಜನಾರ್ಧನ ಮತ್ತು ಶ್ರೀಮತಿ ಶಾರದ ಎಸ್. ಪೂಜಾರಿ ಹಾಗೂ ಪ.ಪಂಗಡ ಮೀಸಲು ಸ್ಥಾನದಿಂದ ಶ್ರೀ ಮಂಜುನಾಥ ನಾಯ್ಕ್.
ಈ ಭಾಗದ ಜನರಿಗೆ ಆರ್ಥಿಕ ನೆರವನ್ನು ನೀಡುತ್ತಿದೆ. ಪ್ರಸಕ್ತ ಸಾಲಿನಲ್ಲಿ ಲಾಭ ಗಳಿಸಿರುವ ಈ ಸಂಸ್ಥೆಯು ಹತ್ತು ಹಲವು ಯೋಜನೆಗಳನ್ನು ಮುಂದಿನ ಸಾಲಿಗೆ ರೂಪಿಸಿದ್ದು ಮುಖ್ಯವಾಗಿ ಸ್ವಸಹಾಯ ಗುಂಪುಗಳಿಗೆ ಹೆಚ್ಚಿನ ಪ್ರೋತ್ಸಾಹ ನೀಡುವ ಬಗ್ಗೆ ಉತ್ಸುಕವಾಗಿದ್ದು ಹೊಸ ಆಡಳಿತ ಮಂಡಳಿಯು ಜನರ ಪ್ರೋತ್ಸಾಹ, ಸಹಕಾರವನ್ನು ಬಯಸುತ್ತಿದೆ ಎಂದು ಆಡಳಿತ ಮಂಡಳಿ ತಿಳಿಸಿದೆ.
ದಿನಾಂಕ 05-08-2019 ರಲ್ಲು ಜರುಗಿದ ಸಹಕಾರಿಯ ಪ್ರಥಮ ಚುನಾಯಿತ ಸದಸ್ಯರ ಆಡಳಿತ ಸಭೆಯಲ್ಲಿ ನಡೆದ ಅಧ್ಯಕ್ಷ, ಉಪಾಧ್ಯಕ್ಷರ ಆಯ್ಕೆಯಲ್ಲೂ ಶ್ರೀ ಚಂದ್ರಶೇಖರರು ಅಧ್ಯಕ್ಷರಾಗಿಯೂ, ಶ್ರೀಮತಿ ಲೋನಾ ಲೂವಿಸ್ರವರು ಉಪಾಧ್ಯಕ್ಷರಾಗಿ ಅವಿರೋಧವಾಗಿ ಆಯ್ಕೆಯಾಗಿದ್ದು ಚುನಾವಣಾಧಿಕಾರಿಯವರಾದ ಶ್ರೀ ಅರುಣ ಎಸ್. ವಿ. ರವರು ಘೋಷಣೆ ಮಾಡಿರುತ್ತಾರೆ. ಸಂಸ್ಥೆಯ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಯವರಾದ ಶ್ರೀಮತಿ ಸುಮತಿ ಯವರು ಅವಿರೋಧವಾಗಿ ಆಯ್ಕೆಯಾದ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರು ಹಾಗೂ ಎಲ್ಲಾ ನಿರ್ದೇಶಕರುಗಳಿಗೆ ಅಭಿನಂದನೆಯನ್ನು ಸಲ್ಲಿಸಿದರು.
JANANUDI.COM NETWORK
ಕುಂದಾಪುರ ಗಣೇಶ ಚತುರ್ಥಿ: ರೊಟಾರ್ಯಾಕ್ಟನಿಂದ ಭಕ್ತಿಗೀತೆ ಗಣೇಶನ ಚಿತ್ರ ಬಿಡಿಸುವ ಸ್ಫರ್ಧೆ

ಕುಂದಾಪುರ, ಆ.31: ಗಣೇಶ ಚತುರ್ಥಿಯ ಪ್ರಯುಕ್ತ ರೊಟಾರ್ಯಾಕ್ಟ್ ಕ್ಲಬ್ ಕುಂದಾಪುರ ದಕ್ಷಿಣ ಇವರ ಆಶ್ರಯದಲ್ಲಿ ಭಕ್ತಿಗೀತೆ ಗಣೇಶನ ಚಿತ್ರ ಬಿಡಿಸುವ ಸ್ಫರ್ಧೆ ಭಂಡಾರ್ಕಾರ್ಸ್ ಪದವಿ ಪೂರ್ವಕಾಲೇಜಿನಲ್ಲಿ ನಡೆಯಿತು. ಈ ಸಂದರ್ಭದಲ್ಲಿ ರೊಟಾರ್ಯಾಕ್ಟ್ ಕ್ಲಬ್ ಕುಂದಾಪುರ ದಕ್ಷಿಣ ಇದರ ಅಧ್ಯಕ್ಷ ರೋ|ಆಲ್ಡ್ರೀನ್ ಡಿಸೋಜಾ, ಕಾರ್ಯದರ್ಶಿ ವಿನಾಯಕ ಗಾಣಿಗಾ, ಖಜಾಂಚಿ ವಿಲ್ಬನ್, ಹಾಗೂ ಇತರ ಸದಸ್ಯರು ಉಪಸ್ಥಿತರಿದ್ದರು.
ಸ್ಫರ್ಧೆಯ ಪ್ರಾಯೋಜಕರಾದ ‘ಕೋಸ್ತಾಸ್’ ಬ್ಯಾಟರಿಯ ಮಾಲೀಕರದಾದ ಸಾವಿಕ್ ಡಿಕೋಸ್ತಾ ಉಪಸ್ಥಿತರಿದ್ದು, ಶ್ರೀಮತಿ ಚೈತ್ರ, ಶ್ರೀ ಗುರುರಾಜ್, ಶ್ರೀ ರಿತೇಶ್ ಸ್ಪರ್ಧೆಯ ತೀರ್ಪುಗಾರರಾಗಿ ಆಗಮಿಸಿದ್ದರು. ಕಾಲೇಜಿನ ಪ್ರಾದ್ಯಾಪಕಿ ಶ್ರೀಮತಿ ಸರೋಜ ವಿಜೇತರಿಗೆ ಬಹುಮಾನಗಳನ್ನು ವಿತರಿಸಿದರು.

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ
ಕೋಲಾರದಲ್ಲಿ ಕರ್ನಾಟಕ ಜನಸೇನೆ ಸಂಘಟನೆಯಿಂದ ಜಾಗೃತಿ ಜಾಥಾ

ಕೋಲಾರ: ಕರ್ನಾಟಕ ಜನಸೇನೆ ಸಂಘಟನೆಯು ಕೋಲಾರದಲ್ಲಿ ಋಣಮುಕ್ತ ಕಾಯ್ದೆ ಕುರಿತಂತೆ ಸಾರ್ವಜನಿಕರಲ್ಲಿ ಅರಿವು ಮೂಡಿಸುವ ಜಾಥಾವನ್ನು ನಡೆಸಿ ನಂತರ ಕೋಲಾಋ ಉಪವಿಭಾಗಾಧಿಕಾರಿಗಳಿಗೆ ಸಾರ್ವಜನಿಕರ ಪರವಾಗಿ ಬೇಡಿಕೆಗಳ ಮನವಿ ಪತ್ರವನ್ನು ನೀಡಿತು.ಕರ್ನಾಟಕ ಜನಸೇನೆ ಸಂಘಟನೆಯು ಜಿಲ್ಲೆಯಲ್ಲಿ ಮಾತ್ರವಲ್ಲದೆ ರಾಜ್ಯದಲ್ಲಿ ಅನೇಕ ಜನಪರ ಕಾರ್ಯಕ್ರಮಗಳನ್ನು ಮತ್ತು ಹೋರಾಟಗಳನ್ನು ಮಾಡಿಕೊಂಡು ಬರುತ್ತಿದ್ದು, ಈ ನಿಟ್ಟಿನಲ್ಲಿ ಕರ್ನಾಟಕ ರಾಜ್ಯ ಸರ್ಕಾರವು ಇತ್ತೀಚೆಗೆ ಜಾರಿಗೆ ತಂದಿರುವ ಕರ್ನಾಟಕ ಋಣಮುಕ್ತ ಪರಿಹಾರ ವಿದೇಯಕ ಕಾಯ್ದೆ 2018 (ಕರ್ನಾಟಕ ಆಕ್ಟ್ ಜುಲೈ 26-2019)ಗೆ ಮತ್ತು ಈ ವಿದೇಯಕಕ್ಕೆ ಅಂಕಿತ ಹಾಕಿರುವ ಮಾನ್ಯ ರಾಷ್ಟ್ರಪತಿ ರಾಮನಾಥಕೋವಿಂದ್ರವರಿಗೂ ಧನ್ಯವಾಧಗಳನ್ನು ಅರ್ಪಿಸಿದೆ.
ಯಾವುದೇ ವ್ಯಕ್ತಿ ಅಥವಾ ಸಂಸ್ತೆ ಭಾರತೀಯ ರಿಸರ್ವ್ ಬ್ಯಾಂಕ್ನಿಂದ ಅನುಮತಿ ಪಡೆದು ನಡೆಸುತ್ತಿರುವ ವ್ಯವಹಾರಗಳ ಬ್ಯಾಂಕುಗಳು ಮತ್ತು ಸಂಸ್ಥೆಗಳನ್ನು ಹೊರತುಪಡಿಸಿ ಸಾರ್ವಜನಿಕರಿಂದ ಗಿರಿವಿ ಅಥವಾ ಅಡವಿಟ್ಟಿರುವ ಯಾವುದೇ ಆಭರಣ/ಒಡವೆ, ಚಿರಾಸ್ತಿ/ಸ್ತಿರಾಸ್ತಿಯ ಭೂಮಿ/ಜಮೀನುಗಳು, ಕೈಸಾಳಗಳು-ಚೀಲ ವ್ಯವಹಾರಗಳು, ಮೀಟರ್ ಬಡ್ಡಿ ದಂಧೆ ಮುಂತಾದ ಸಾಳಗಳಿಗೆ ಸಂಬಂದಿಸಿದಂತೆ ಜುಲೈ 26-2019 ರಿಂದ ಜಾರಿಗೆ ತಂದಿರುವ ಋಣಮುಕ್ತ ಕಾಯ್ದೆಯಡಿಯಲ್ಲಿ ಅವರನ್ನು ಸಾಲ ಸೂಲಗಳಿಂದ ಮುಕ್ತಗೊಳಿಸಿ ನ್ಯಾಯ ಒದಗಿಸಿಕೊಡಲು ತಮ್ಮ ಮುಂದೆ ಈ ಕೆಳಕಂಡ ಬೇಡಿಕೆಗಳನ್ನು ಈಡೇರಿಸಬೇಕೆಂದು ಸಂಘಟನೆಯು ಕೋರುತ್ತಿದೆ.
ಸಂಘಟನೆಯು ನೀಡಿದ ಬೇಡಿಕೆಗಳು:
ಋಣಮುಕ್ತ ಕಾಯ್ದೆಯಡಿಯಲ್ಲಿ ಅರ್ಜಿ ಸಲ್ಲಿಸುವ ಅರ್ಜಿದಾರರಿಗೆ ಅರ್ಜಿಗಳನ್ನು ಉಚಿತವಾಗಿ ಸರ್ಕಾರವೇ ನೀಡಬೇಕು. ಋಣಮುಕ್ತ ಕಾಯ್ದೆಯಡಿಯಲ್ಲಿ ಅರ್ಜಿ ಸಲ್ಲಿಸುವ ಅರ್ಜಿದಾರರಿಗೆ ಜಿಲ್ಲೆಯ ಪ್ರತಿ ತಾಲ್ಲೂಕಿನ ತಹಸೀಲ್ದಾರ್ ರವರ ಕಛೇರಿಯಲ್ಲಿ ಪ್ರತ್ಯೇಕ ಅರ್ಜಿ ಸ್ವೀಕೃತಿ ಕೇಂದ್ರಗಳನ್ನು ಸ್ಥಾಪಿಸಿ ಅವಿರಗೆ ಅರಿವು ನೀಡಬೇಕು. ಋಣಮುಕ್ತ ಕಾಯ್ದೆಗೆ ಸಂಬಂದಿಸಿದಂತೆ ಸರ್ಕಾರ ನಿಗದಿ ಪಡಿಸಿರುವ 90 ದಿನಗಳಲ್ಲಿ ಜಾರಿಗೆ ಬಂದ ದಿನದಿಂದ 25 ದಿನಗಳು ಕಳೆದು ಹೋದಿದು ಇದನ್ನು 90 ದಿನಗಳಿಂದ 120 ದಿನಗಳಿಗೆ ಮೀಸಲಿರಿಸಬೇಕು. ಋಣಮುಕ್ತ ಕಾಯ್ದೆಗೆ ಸಂಬಂಧಿಸಿದಂತೆ 120 ದಿನಗಳ ಕಾಲ ಜಿಲ್ಲೆಯ ಎಲ್ಲಾ ಸರ್ಕಾರಿ ಕಛೇರಿಗಳ ಜಾಹೀರಾತು ಫಲಕಗಳಲ್ಲಿ ಅಂಶಗಳನ್ನು ಪ್ರದರ್ಶಿಸಬೇಕು.
ಋಣಮುಕ್ತ ಕಾಯೆಯಲ್ಲಿ ಅರ್ಜಿ ಸಲ್ಲಿಸುವ ಅರ್ಜಿದಾರರು ತಹಶೀಲ್ದಾರ್ / ಪಂಚಾಯಿತಿ ವ್ಯಾಪ್ತಿಯಲ್ಲಿ ಸಲ್ಲಿಸುವ ಆದಾಯ ಪ್ರಮಾಣ ಪತ್ರ, ಸಣ್ಣ ರೈತರ ಪ್ರಮಾಣ ಪತ್ರ ಮುಂತಾದ ಅಗತ್ಯ ದಾಖಲೆಗಳಿಗಾಗಿ ಸಲ್ಲಿಸುವ ಅರ್ಜಿಗಳನ್ನು / ದಾಖಲೆಗಳನ್ನು ಪರಿಶೀಲಿಸಿ 2 ದಿನಗಳೊಳಗಾಗಿ ಆದಾಯ ದೃಢೀಕರಿಣ ಪತ್ರವನ್ನು ನೀಡುವಂತಾಗಬೇಕು. ಗಿರಿವಿ ಇಟ್ಟುಕೊಳ್ಳುವ ಗಿರಿವಿದಾರರು ಅಮಾಯಕ ಜನರಿಗೆ ಅರಿವಾಗದಂತೆ ಸಣ್ಣ ಬಣ್ಣದ ರಶೀದಿಗಳನ್ನು ನೀಡಿದ್ದು, ಸರ್ಕಾರ ಗಿರವಿ ಅಂಗಡಿಗಳವರು ನೀಡಿರುವ ರಶೀದಿಯನ್ನು ಪರಿಗಣಿಸಿ ಅರ್ಜಿದಾರರಿಗೆ ನ್ಯಾಯ ದೊರಕಿಸಿಕೊಡಬೇಕು.
ಋಣಮುಕ್ತ ಕಾಯ್ದೆಯಡಿಯಲ್ಲಿ ಅರ್ಜಿ ಸಲ್ಲಿಸುವ ಅರ್ಜಿದಾರರಿಗೆ ಸಾಲ ನೀಡಿರುವವರಿಂದ ಬೆದರಿಕೆಗಳು ಬಂದಲ್ಲಿ ಸೂಕ್ತ ಪೊಲೀಸ್ ರಕ್ಷಣೆ ಒದಗಿಸಿ ಅರ್ಜಿದಾರರಿಗೆ ನ್ಯಾಯ ದೊರಕಿಸಿಕೊಡಬೇಕು. ಕೈಸಾಲ ಅಂದರೆ (ತಮ್ಮ ಬ್ಯಾಂಕಿನ ಚೆಕ್ಕುಗಳು ನೀಡಿರುವುದು, ಬಡ್ಡಿಗೆ ನೆರೆ ಅಥವಾ ಸಂಬಂಧಿಕರಿಂದ ಪಡೆದುಕೊಂಡಿರುವವರು) ಸರ್ಕಾರಕ್ಕೆ ಯಾವುದೇ ದಾಖಲೆಗಳನ್ನು ನೀಡಲಾಗುವುದಿಲ್ಲ. ಹಾಗಾಗಿ ಅರ್ಜಿದಾರರು ನೀಡಿರುವ ಋಣಮುಕ್ತ ಕಾಯ್ದೆ ಅರ್ಜಿಯನ್ನೇ ಪರಿಗಣಿಸಿ ಸೂಕ್ತ ತನಿಖೆ ನಡೆಸಿ ಅರ್ಜಿದಾರರಿಗೆ ನ್ಯಾಯ ದೊರಕಿಸಿಕೊಡಬೇಕು.ಜಾಗೃತಿ ಜಾಥಾದಲ್ಲಿ ದಲಿತ್ ನಾರಾಯಣಸ್ವಾಮಿ, ಹಾರೋಹಳ್ಳಿ ನಾರಾಯಣಸ್ವಾಮಿ, ಎಂ.ಆರ್. ಚೇತನ್ ಬಾಬು, ಖಾದ್ರಿಪುರ ಬಾಬು, ದಿಂಬಚಾಮನಹಳ್ಳಿ ಅಂಬರೀಶ್, ಎಂ. ಮಂಜುನಾಥ್, ಮೋಚಿಪಾಳ್ಯ ನಾಗೇಶ್, ಪಿ.ಸಿ. ಬಡಾವಣೆ ಸಂಜಯ್, ನಾಗೇಂದ್ರ, ಮಾಹಿತಿ ಮಂಜು ಮುಂತಾದವರು ಭಾಗವಹಿಸಿದ್ದರು.

JANANUDI NETWORK
ಸಂತ ಮೇರಿಸ್ ಹಿ. ಪ್ರಾ. ಶಾಲಾ ಬಾಲಕಿಯರು ತ್ರೋ ಬಾಲ್ನಲ್ಲಿ ಜಿಲ್ಲಾ ಮಟ್ಟಕ್ಕೆ ಆಯ್ಕೆ – ಫಾ|ತಾವ್ರೊ ಅಭಿನಂದನೆ

ಕುಂದಾಪುರ, ಆ. 30: ಕುಂದಾಪುರ ತಾಲೂಕು ಮಟ್ಟದ ಹಿರಿಯ ಪ್ರಾಥಮಿಕ ಶಾಲಾ ತ್ರೋಬಾಲ್ ಪಂದ್ಯಾವಳಿಯು ಸಾರ್ವಜನಿಕ ಶಿಕ್ಷಣ ಇಲಾಖೆ, ಕ್ಷೇತ್ರ ಶಿಕ್ಷಣ ಅಧಿಕಾರಿಗಳ ಕಛೇರಿ ಇವರ ನಿರ್ದೇಶನದಲ್ಲಿ ಬೆಳ್ವೆ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಆಶ್ರಯದಲ್ಲಿ ಆಗೋಸ್ತ್ 24 ರಂದು ಶಾಲಾ ಮೈದಾನದಲ್ಲಿ ನಡೆದ ಬಾಲಕಿಯರ ತ್ರೋ ಬಾಲ್ ಪಂದ್ಯಾಟದಲ್ಲಿ ಕುಂದಾಪುರದ ಸಂತ ಮೇರಿಸ್ ಹಿರಿಯ ಪ್ರಾಥಮಿಕ ಶಾಲೆಯು ಪ್ರಥಮ ಸ್ಥಾನ ಪಡೆದು ಉಡುಪಿ ಜಿಲ್ಲಾ ಮಟ್ಟಕೆ ಆಯ್ಕೆಯಾಯಿತು.
ವಿಜೇತ ತಂಡಕ್ಕೆ ದೈಹಿಕ ಶಿಕ್ಷಕಿ ಶಾಂತಿ ರಾಣಿ ಬರೆಟ್ಟೊ ತರಬೇತಿ ನೀಡಿದ್ದರು. ಶಾಲಾ ಜಂಟಿ ಕಾರ್ಯದರ್ಶಿ ಅ|ವಂ|ಸ್ಟ್ಯಾನಿ ತಾವ್ರೊ ಮತ್ತು ಶಾಲಾ ಮುಖ್ಯ ಶಿಕ್ಷಕಿ ಡೋರಾ ಸುವಾರಿಸ್ ಮತ್ತು ಸಹ ಶಿಕ್ಷಕ, ಶಿಕ್ಷಕೇತರ ವ್ರಂದ ವಿಜೇತರಿಗೆ ಅಭಿನಂದಿಸಿದ್ದಾರೆ.
ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

JANANUDI.COM NETWORK
450 ವರ್ಷಾ ಚರಿತ್ರಾ ಆಸ್ಚ್ಯಾ ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಮೊಂತಿ ಸಾಯ್ಬಿಣಿಚೆ ನೊವೆನ್ ಆರಂಭ್

ಕುಂದಾಪುರ್, ಆ.30: 450 ವರ್ಷಾ ಚರಿತ್ರಾ ಆಸ್ಚ್ಯಾ ಭಾಗೆವೊಂತ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಮೊಂತಿ ಸಾಯ್ಬಿಣಿಚ್ಯಾ ಫೆಸ್ತಾಚ್ಯಾ ತಯಾರಾಯೆಕ್ ಲಾಗೊನ್ ಆಗೋಸ್ತಾಚ್ಯಾ 30 ವೆರ್ ಸಕಾಳಿ ನೊವೆನ್ ಆರಂಭ್ ಜಾಲೆಂ.
ಫಿರ್ಗಜೆಚೊ ಪ್ರಧಾನ್ ಯಾಜಕ್ ಭೋ|ಮಾ|ಬಾ|ಸ್ಟ್ಯಾನಿ ತಾವ್ರೊನ್ ಪವಿತ್ರ್ ಬಲಿದಾನ್ ಭೆಟಯ್ಲೆ. ಸಹಾಯಕ್ ವಿಗಾರ್ ಮಾ|ಬಾ|ವಿಜಯ್ ಡಿಸೋಜಾ ಆನಿ ಪ್ರಾಂಶುಪಾಲ್ ಮಾ|ಬಾ| ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಣಿ ಸಹ ಭೆಟವ್ಣಿ ಕೆಲಿ.
ಗ್ರೊಟ್ಟೊಚ್ಯಾ ಫುಡೆಂ ಭುಗ್ರ್ಯಾನಿಂ ಆನಿ ವ್ಹಡಾನಿ ಬಾಳೊಕ್ ಮರಿಯೆಕ್ ವಯಕ್ತಿಕ್ ಜಾವ್ನ್ ಫುಲಾಂ ಅರ್ಪಿಲಿ. ನೊವೆನಾಚೆ ಪ್ರಾರ್ಥನ್ ಅರ್ಪುನ್ ಮರಿಯೆಕ್ ಹೊಗಳ್ಸುಯಾಂ ಗಾಯನ್ ಗಾಂವ್ನ್ ಮರಿಯೆಕ್ ಭುರ್ಗಾಂನಿ ಫುಲಾಂ ಉಡೊನ್ ಮಾನ್ ಕೆಲೊ.
ಕುಂದಾಪುರಾಂತ್ ಆಖ್ಖಿ ರಾತ್ಭರ್ ಶಿರಾಂದಾರಿಚೊ ಪಾವ್ಸ್ ಆಸ್ಲೊ. ಪುಣ್ ನೊವೆನಾ ವೇಳಾರ್ ಪಾವ್ಸ್ ರಾವ್ಲೊ ಆನಿ ನೊವೆನ್ ಭಕ್ತಿನ್ ವ್ಕಾಸ್ ಲಾಭ್ಲೊ. ಮರಿಯೆಚ್ಯಾ ನೊವೆನಾಕ್ ಚಡಿತ್ ಸಂಖ್ಯಾನ್ ಭುರ್ಗಿಂ ತಶೆಂ ವ್ಹಡಾಂ ಹಾಜರ್ ಆಸ್ಲಿ. ತಶೆಂಚ್ ಧರ್ಮ್ ಭಯ್ಣ್ಯೊಯಿ ಹಾಜರ್ ಆಸೊನ್ ವಿಗಾರಾನ್ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆ.

JANANUDI.COM NETWORAK
ಕುಂದಾಪುರ ತಾ.ಪಂ. 17 ನೇ ಸಾಮಾನ್ಯ ಸಭೆ: ಅಧಿಕಾರಿ- ತಾ.ಪಂ.ಸದಸ್ಯರುಗಳ ಸವಾಲು ಉತ್ತರಗಳ ಸಮರ

ಕುಂದಾಪುರ: ಇಲ್ಲಿನ ತಾಲೂಕು ಪಂಚಾಯತ್ 17 ನೇ ಸಾಮಾನ್ಯ ಸಭೆಯು ತಾಲೂಕು ಪಂಚಾಯತ್ ಸಭಾ ಭವನದಲ್ಲಿ ದಿನಾಂಕ ಆಗೋಸ್ತ್ 28 ರಂದು ನಡೆಯಿತು.
ಸಭೆಯಲ್ಲಿ ಸದಸ್ಯರು ಮತ್ತು ಅಧಿಕಾರಿಗಳ ನಡುವಿನ ಸವಾಲು ಉತ್ತರಗಳ ಸಮರ ನಡೆಯಿತು.
ವೈದ್ಯಾಧಿಕಾರಿ- ಸದಸ್ಯರ ನಡುವೆ ಜಟಾಪಟಿ: ಕುಂದಾಪುರ ಸಾರ್ವಜನಿಕ ಆಸ್ಪತ್ರಯಲ್ಲ್ಲಿ ನೀಡುತ್ತಾರೆಡುತ್ತಾರೆ ಎಂದು ಉತ್ತರ ನೀಡಿದರು ಸ್ಕ್ಯಾನಿಂಗ್ ಮಾಡುವುದಿಲ್ಲಾ ಎಂದಾಗ ವೈದ್ಯಧಿಕಾರಿ ಸರಕಾರ ನಿಗದಿ ಪಡೆದ ಸ್ಕ್ಯಾನಿಂಗ್ ಸೆಂಟರಗಳಲ್ಲಿ ರೋಗಿಗಳಿಗೆ ಇಂತಿಷ್ಟು ಅಂತ ಹಣ ನೀಡುತ್ತಾರೆ ಎಂದು ಉತ್ತರ ನೀಡಿದರು. ಶಸ್ತ್ರಚಿಕಿತ್ಸಕ(ವೈದ್ಯಾಧಿಕಾರಿ) ಜನಪ್ರತಿನಿಧಿಗಳಿಗೆ ಗೌರವ ನೀಡುವುದಿಲ್ಲ ಎಂಬ ವಿಚಾರದಲ್ಲಿ ಆರಂಭಗೊಂಡ ಚರ್ಚೆ ತೀವ್ರ ಜಟಾಪಟಿಗೆ ಕಾರಣವಾಯಿತು. ವೈದ್ಯಾಧಿಕಾರಿ ತಮಗೆ ಸಂಬಂದ್ದ ಪಡದ ಪ್ರಶ್ನೆಗಳಿಗೆ ಉತ್ತರ ನೀಡುತ್ತಾರೆ. ಅಂತಿಮವಾಗಿ ಆಸ್ಪತ್ರೆಯ ವೈದ್ಯಾಧಿಕಾರಿ ಡಾ.ರಾಬರ್ಟ್ ರೆಬೆಲ್ಲೊ ಸದಸ್ಯರಿಗೆ ತಕ್ಕ ಉತ್ತರ ನೀಡಿ ಸಭೆಯಿಂದ ಹೊರನಡೆದರು,
ಸೋಲಾರ್ ದೀಪ ಮೂಲೆಗುಂಪು: ತಾಲೂಕು ಪಂಚಾಯಿತಿ ಕ್ಷೇತ್ರ ವ್ಯಾಪ್ತಿಯಲ್ಲಿ ಸದಸ್ಯರ ಅನುದಾನದಡಿ ಅಳವಡಿಕೆ ಮಾಡಿರುವ ಸೋಲಾರ್ ದೀಪಗಳು ಮೂಲೆಗುಂಪಾಗಿವೆ. ಸಂಬಂಧಿಸಿದ ಕಂಪೆನಿ ನಿರ್ವಹಣೆ ಮಾಡದಿರುವುದರಿಂದ ಎಲ್ಲವು ಕೆಟ್ಟುಹೋಗಿದೆ. ಜನರಿಂದ ಉಗಿಸಿಕೊಳ್ಳುವಂತಾಗಿದೆ ಎಂದು ಸದಸ್ಯೆ ಪ್ರಮೀಳಾ ದೇವಾಡಿಗ ಆರೋಪಿಸಿದರು. ಇತರೆ ಸದಸ್ಯರು ಇದಕ್ಕೆ ಧ್ವನಿಗೂಡಿಸಿದರು. ಹೊರ ಜಿಲ್ಲೆಯ ಕಂಪೆನಿಗಳಿಗೆ ನಿರ್ವಹಣೆ ಜವಾಬ್ದಾರಿ ನೀಡುವುದಕ್ಕಿಂತ ಸೋಲಾರ್ ದೀಪ ನಿರ್ವಹಣೆಯನ್ನು ಸ್ಥಳೀಯರಿಗೆ ವಹಿಸುವುದು ಸೂಕ್ತ ಎಂದು ಅಭಿಪ್ರಾಯ ಮಂಡಿಸಿದರು. ಅದರಂತೆ ನಿರ್ಣಯ ಕೈಗೊಳ್ಳಲಾಯಿತು
ತೋಟಗಾರಿಕೆ ಇಲಾಖೆಯಿಂದ ನರೇಗಾ ಯೋಜನೆಯಡಿ ಕೈಗೊಳ್ಳಲಾದ ಕಾಮಗಾರಿಯ ಕೂಲಿಯಾಳುಗಳಿಗೆ ಕಳೆದ ಎರಡು ವರ್ಷದಿಂದ ಹಣ ನೀಡಿಲ್ಲ ಎಂಬ ವಿಚಾರ ತೋಟಗಾರಿಕೆ ಸಹಾಯಕ ನಿರ್ದೇಶಕರು ಮತ್ತು ಕೆಲವು ಸದಸ್ಯರ ನಡುವೆ ಜಟಾಪಟಿಗೆ ಕಾರಣವಾಯಿತು. ಸದಸ್ಯ ಉಮೇಶ್ ಶೆಟ್ಟಿ ಕಲ್ಗದ್ದೆ ಮಾತನಾಡಿ ತೋಟಗಾರಿಕೆ ಇಲಾಖೆಯ ಸಹಾಯಕ ನಿರ್ದೇಶಕರು ಕೂಲಿಯಾಳುಗಳಿಗೆ ನೀಡಬೇಕಾದ ಹಣ ನೀಡದೆ ವಂಚನೆ ಎಸಗಿದ್ದಾರೆ ಎಂದು ಆರೋಪಿಸಿದರು. ಇದರಿಂದ ಕೆರಳಿದ ಅಧಿಕಾರಿ ಸಂಜೀವ ನಾಯ್ಕ್ ಪ್ರತಿಕ್ರಿಯಿಸಿ ಆರೋಪ ಮಾಡುವಾಗ ದಾಖಲೆ ಇಟ್ಟುಕೊಂಡಿರಿ. ರಾಷ್ಟ್ರೀಯ ಉದ್ಯೋಗ ಖಾತ್ರಿ ಯೋಜನೆಯಡಿ ತೋಟಗಾರಿಕೆಗೆ ಸಂಬಂಧಿತ ಕೆಲಸ ನಿರ್ವಹಿಸುವಾಗ ನೀತಿ ನಿರೂಪಣೆಗಳಿರುತ್ತವೆ. ನಮಗೆ ಬಂದ ಅನುದಾನದಲ್ಲಿ ನಿಯಮಾವಳಿಯಡಿ ಯಾರಿಗೆ ಹಣ ಸಲ್ಲಬೇಕು ಸಂದಾಯವಾಗಿದೆ ಎಂದು ಎಲ್ಲಿಯೂ ಕೂಡ ವಂಚನೆಯಾಗಿಲ್ಲಾ ಎಂದು ಉತ್ತರಿಸಿದರು. ಆದರೂ ಕೆಲ್ವು ಸದಸ್ಯರು ಹಣ ಸಂದಾಯವಾಗಿಲ್ಲಾ ಎಂದು ಸದನದ ಬಾವಿ ಇಳಿದು ಕೂಗಾಡಿದರು. ಈ ಸಂದರ್ಭದಲ್ಲಿ ಸಭೆಯಲ್ಲಿ ಸದಸ್ಯ ಸಿದ್ಧಾಪುರ ವಾಸುದೇವ ಪೈ ಮತ್ತು ಪ್ರಮೀಳಾ ಕೆ. ದೇವಾಡಿಗ ಮೇಲ್ಕಂಡ ಸದಸ್ಯರು ಮಾಡುತ್ತಿರುವ ಆರೋಪ ಒಪ್ಪತಕ್ಕದ್ದಲ್ಲ. ನಮ್ಮ ವ್ಯಾಪ್ತಿಯಲ್ಲಿ ನಡೆದಿರುವ ಕೆಲಸ ಕಾರ್ಯಗಳಿಗೆ ಇಲಾಖೆಯಿಂದ ಹಣ ಬಿಡುಗಡೆಯಾಗಿದೆ ಎಂದರು.
ಇಲಾಖೆಯಿಂದ ರಸಗೊಬ್ಬರ ಇನ್ನಿತರ ವಸ್ತುಗಳು ಲಭಿಸಿವೆ. ಎಲ್ಲಾ ಸದಸ್ಯರನ್ನು ಸೇರಿಸಿಕೊಂಡು ಆರೋಪ ಮಾಡಬೇಡಿ ಎಂದು ತಿಳಿಸಿದರು. ಈ ವಿಚಾರವಾಗಿ ಸಾಕಷ್ಟು ಚರ್ಚೆ ನಡೆದು ಇಲಾಖೆಯಿಂದ ನರೇಗಾದಿಂದ ಕೈಗೊಂಡ ಕಾಮಗಾರಿ, ಬಂದಿರುವ ಅನುದಾನ ಸಹಿತ ಎಲ್ಲಾ ವಿವರವನ್ನು ತಾಲೂಕು ಪಂಚಾಯಿತಿ ಮುಂದಿಡುವುದಾಗಿ ಇಲಾಖೆ ಸಹಾಯಕ ನಿರ್ದೇಶಕ ಸಂಜೀವ ನಾಯ್ಕ್ ಹೇಳಿದರು.
.
ಕುಂದಾಪುರ ಬಸ್ನಿಲ್ದಾಣದ ಬಗ್ಗೆ ಉತ್ತರ ದೊರಕಿಲ್ಲಾ ಕುಂದಾಪುರದ ಬಸ್ನಿಲ್ದಾಣದಲ್ಲಿ ಬಸ್ಗಳು ಲಂಗುಲಗಾಮಿಲ್ಲದೆ ನಿಲುಗಡೆಯಾಗುತ್ತಿವೆ. ವ್ಯವಸ್ಥಿತ ನಿಲುಗಡೆ, ಮಾರ್ಗಸೂಚಿ ಅಳವಡಿಸಬೇಕೆಂಬ ಆಗ್ರಹಕ್ಕೆ ಮನ್ನಣೆ ಸಿಕ್ಕಿಲ್ಲ. ಉತ್ತರಿಸಬೇಕಾದ ಪುರಸಭೆ ಮುಖ್ಯಾಧಿಕಾರಿ ಸಭೆಗೆ ಬರುವುದೇ ಇಲ್ಲ. ತಾ.ಪಂ. ಆಡಳಿತವು ಈ ವಿಚಾರದಲ್ಲಿ ಮೌನ ವಹಿಸಿದೆ ಎಂದು ಸದಸ್ಯ ಸುರೇಂದ್ರ ಖಾರ್ವಿ ಅಸಮಾಧಾನ ಹೊರಗೆಡಹಿದರು.
ಸಭೆಯ ಔಚಿತ್ಯವೇನು: ಪುರಸಭೆ ಮುಖ್ಯಾಧಿಕಾರಿ, ಆರ್ಟಿಓ, ತಹಸೀಲ್ದಾರ ಸಹಿತ ಪ್ರಮುಖ ಅಧಿಕಾರಿಗಳು ಸಭೆಗೆ ಬರುತ್ತಿಲ್ಲ. ಅಧಿಕಾರಿಗಳಿಗೆ ಸಭೆಯ ನೋಟಿಸು ತಡವಾಗಿ ತಲುಪುತ್ತಿದೆ ಎಂಬ ಬಗ್ಗೆ ದೂರುಗಳಿವೆ. ಸಭೆಗೆ ಅಧಿಕಾರಿಗಳು ಬರುವಂತಾಗಲು ಸೂಕ್ತ ಕ್ರಮ ವಹಿಸಿ. ಪ್ರಮುಖ ಅಧಿಕಾರಿಗಳಿಲ್ಲದೆ ನಡೆಯುವ ಸಭೆಯ ಔಚಿತ್ಯವಾದರು ಏನು ಎಂದು ಸದಸ್ಯ ಪುಷ್ಪರಾಜ್ ಶೆಟ್ಟಿ ಪ್ರಶ್ನಿಸಿದರು.
ಕುಂದಾಪುರ: ಸದಸ್ಯರು ಸಭೆಯ ಘನತೆ ಘನತೆ ಅರಿತುಕೊಳ್ಳಿ. ಒಬ್ಬೊಬ್ಬರೆ ಮಾತನಾಡಿ. ಎಲ್ಲರು ಏಕಕಾಲಕ್ಕೆ ಬಾಯಿ ಹಾಕಲು ಇದೇನು ಮಾರ್ಕೆಟ್ಟಾ ಎಂದು ಹಿರಿಯ ಸದಸ್ಯ ರಾಜು ದೇವಾಡಿಗ ಪ್ರಶ್ನಿಸಿದವರು ಒಂದೆ ವಿಚಾರದ ಕುರಿತು ಐದಾರು ಮಂದಿ ಸದಸ್ಯರು ಮಾತನಾಡಲು ಏಕಕಾಲಕ್ಕೆ ಎದ್ದು ನಿಂತು ಮಾತನಾಡುವುದು ಸರಿಯಲ್ಲಾ. ಒಬ್ಬೊಬ್ಬರೆ ಮಾತನಾಡಿ. ಸೂಕ್ತ ಉತ್ತರ ಪಡೆಯಿರಿ ಎಂದು ಸಲಹೆ ನೀಡಿದರು.
ಯರೋ ಉಬ್ಬ ಸದಸ್ಯ ಈ ಸಾಮನ್ಯ ಸಭೆಯಲ್ಲಿ ಜೇವಲ ಕೆಲಸಕ್ಕೆ ಬಾರದ ಚರ್ಚೆಯಾಗುತ್ತದೆ, ಈಗಷ್ಟೆ ಚಾ ತಿಂಡಿ ಬಂದಿದೆ ನಂತರ ಊಟ ಬರುತ್ತದೆ ಎಂದು ಹೇಳಿದ್ದು ಕೇಳಿತು. ಮತ್ತೊಬ್ಬರು ನಮ್ಮ ಪ್ರಶ್ನೆಗಳಿಗೆ ಉತ್ತರ ಸರಿಯಿಲ್ಲಾ, ನಮ್ಮ ಪ್ರಶ್ನೆಗೆ ಬೇರೆಯೆ ಇಲಾಖೆಯವರು ಉತ್ತರ ಕೊಡುತಿದ್ದಾರೆ, ಸರಿಯಾಗಿ ಪ್ರಶ್ನೆ ಆಲಿಸುವುದಿಲ್ಲಾ, ಇದಕ್ಕೆ ಒಬ್ಬರು ಮೆನೇಜರನ್ನು ನೇಮಿಸಿ’ ಎಂದು ಆಗ್ರಹಿಸಿದರು.
ಈ ಸಭೆಗೆ ತಾ.ಪಂ.ಅಧ್ಯಕ್ಷೆ ಶ್ಯಾಮಲಾ ಕುಂದರ್ ಅಧ್ಯಕ್ಷ ತೆ ವಹಿಸಿದ್ದರು. ಉಪಾಧ್ಯಕ್ಷ ರಾಮ್ಕಿಶನ್ ಹೆಗ್ಡೆ, ಸಾಮಾಜಿಕ ನ್ಯಾಯ ಸಮಿತಿ ಅಧ್ಯಕ್ಷ ನಾರಾಯಣ ಗುಜ್ಜಾಡಿ, ತಾ.ಪಂ.ಕಾರ್ಯನಿರ್ವಹಣಾಧಿಕಾರಿ ಕಿರಣ್ ಫಡ್ನೇಕರ್ ಉಪಸ್ಥಿತರಿದ್ದರು.
