HOLY ROSARY CHURCH, KUNDAPUR – 450 th JUBILEE SOUVENIR 2021

ಶ್ರೀನಿವಾಸಪುರ ತಾಲ್ಲೂಕಿನ ದಳಸನೂರು ಗ್ರಾಮದಲ್ಲಿ ಡಿಸಿಸಿ ಬ್ಯಾಂಕ್‌ ವತಿಯಿಂದ ಏರ್ಪಡಿಸಿದ್ದ ಸಾಲ ವಿತರಣಾ ಸಮಾರಂಭವನ್ನು ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ಉದ್ಘಾಟಿಸಿದರು.

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ
ಶ್ರೀನಿವಾಸಪುರ ತಾಲ್ಲೂಕಿನ ದಳಸನೂರು ಗ್ರಾಮದಲ್ಲಿ ಡಿಸಿಸಿ ಬ್ಯಾಂಕ್‌ ವತಿಯಿಂದ ಏರ್ಪಡಿಸಿದ್ದ ಸಾಲ ವಿತರಣಾ ಸಮಾರಂಭವನ್ನು ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ಉದ್ಘಾಟಿಸಿದರು. 
ಶ್ರೀನಿವಾಸಪುರ: ಫಲಾನುಭವಿಗಳು, ಸಮಯಕ್ಕೆ ಸರಿಯಾಗಿ ಸಾಲ ಮರುಪಾವತಿ ಮಾಡುವುದರ ಮೂಲಕ ಬ್ಯಾಂಕ್‌ ಅಭಿವೃದ್ಧಿಗೆ ಸಹಕರಿಸಬೇಕು ಎಂದು ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ಹೇಳಿದರು.
  ತಾಲ್ಲೂಕಿನ ದಳಸನೂರು ಗ್ರಾಮದಲ್ಲಿ ಡಿಸಿಸಿ ಬ್ಯಾಂಕ್‌ ವತಿಯಿಂದ  ಏರ್ಪಡಿಸಿದ್ದ ಸಾಲವಿತರಣಾ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ಲೇವಾದೇವಿಗಾರರ ಶೋಷಣೆಯಿಂದ ಮಹಿಳೆಯರನ್ನು ಮುಕ್ತಗೊಳಿಸುವ ಉದ್ದೇಶದಿಂದ ಬಡ್ಡಿ ರಹಿತ ಸಾಲ ನೀಡುವ ವ್ಯವಸ್ಥೆ ತರಲಾಯಿತು ಎಂದು ಹೇಳಿದರು.
  ‘ಸ್ತ್ರೀ ಶಕ್ತಿ ಸಂಘದ ಸದಸ್ಯರಿಗೆ ತಲಾ ರೂ.50 ಸಾವಿರ ಬಡ್ಡಿ ರಹಿತ ಸಾಲ ನೀಡಲಾಗುತ್ತಿದೆ. ರೂ.1 ಲಕ್ಷ ನೀಡುವ ಉದ್ದೇಶ ಇತ್ತಾದರೂ, ಸರ್ಕಾರ ಬದಲಾದ ಪರಿಣಾಮವಾಗಿ ಅದು ಸಾಧ್ಯವಾಗಲಿಲ್ಲ. ಮುಂದೆ ರಾಜ್ಯ ಅಥವಾ ಕೇಂದ್ರದಲ್ಲಿ ನನಗೆ ಅವಕಾಶ ಸಿಕ್ಕಿದಲ್ಲಿ ಉದ್ದೇಶಿತ ಸಾಲದ ಮೊತ್ತವನ್ನು ನೀಡಲಾಗುವುದು’ ಎಂದು ಹೇಳಿದರು.
    ಡಿಸಿಸಿ ಬ್ಯಾಂಕ್‌ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದಗೌಡ ಮಾತನಾಡಿ,  ಬಡ್ಡಿ ರಹಿತ ಸಾಲ ಪಡೆದ ಮಹಿಳೆಯರು ನಿಯಮಾನುಸಾರ ಮರುಪಾವತಿ ಮಾಡುತ್ತಿದ್ದಾರೆ. ಆದ್ದರಿಂದಲೇ ಹೊಸ ಸಾಲ ನೀಡಲು ಸಾಧ್ಯವಾಗುತ್ತಿದೆ. ಬಡವರಿಗೆ ನೀಡುವ ಸಾಲ ಮರುಪಾವತಿಯಾಗುತ್ತದೆ. ಬಡವರ ಆರ್ಥಿಕ ಅಭಿವೃದ್ಧಿ ಡಿಸಿಸಿ ಬ್ಯಾಂಕ್‌ ಉದ್ದೇಶವಾಗಿದೆ. ಈಗ ಗೃಹೋಪಯೋಗಿ ವಸ್ತುಗಳನ್ನು ಸಾಲದ ರೂಪದಲ್ಲಿ ನೀಡಲಾಗುತ್ತಿದೆ. ಅದಕ್ಕೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ ಎಂದು ಹೇಳಿದರು.
  ಈ ಸಂದರ್ಭದಲ್ಲಿ 90 ಸ್ತ್ರೀ ಶಕ್ತ ಸಂಘಗಳಿಗೆ ರೂ.4.5ಕೋಟಿ ಸಾಲ ನೀಡಲಾಯಿತು. ಕೆಸಿಸಿ  ರೈತರಿಗೆ ರೂ.1.5 ಕೋಟಿ ಸಾಲ ವಿತರಣೆ ಮಾಡಲಾಯಿತು.
  ಪಿಎಲ್‌ಡಿ ಬ್ಯಾಂಕ್‌ ಅಧ್ಯಕ್ಷ ದಿಂಬಾಲ ಅಶೋಕ್‌, ಕೋಚಿಮುಲ್‌ ನಿರ್ದೇಶಕ ಎನ್‌.ಹನುಮೇಶ್‌, ಮಾಜಿ ನಿರ್ದೇಶಕ ಮುನಿವೆಂಕಟಪ್ಪ, ಮುಖಂಡರಾದ ವೆಂಕಟರೆಡ್ಡಿ, ಹೂವಳ್ಳಿ ಬಾಬು, ಬೈಚಪ್ಪ, ವೀರಭದ್ರಸ್ವಾಮಿ, ಅಯ್ಯಪ್ಪ ಸಮಾರಂಭದಲ್ಲಿ ಇದ್ದರು

ರಾಯಲ್ಪಾಡು : ಧಾರ್ಮಿಕ ಕಾರ್ಯಗಳು ಮಾನಸಿಕ ನೆಮ್ಮದಿ ನೀಡುವುದಲ್ಲದೆ ಮನೋಬಲವನ್ನು ಹೆಚ್ಚಿಸಲು ಪ್ರೇರಣೆಯಾಗುತ್ತದೆ ಎಂದು ಶಾಸಕ ಕೆ.ಆರ್.ರಮೇಶ್‍ಕುಮಾರ್ ತಿಳಿಸಿದರು.

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

 

ರಾಯಲ್ಪಾಡು : ಧಾರ್ಮಿಕ ಕಾರ್ಯಗಳು ಮಾನಸಿಕ ನೆಮ್ಮದಿ ನೀಡುವುದಲ್ಲದೆ ಮನೋಬಲವನ್ನು ಹೆಚ್ಚಿಸಲು ಪ್ರೇರಣೆಯಾಗುತ್ತದೆ ಎಂದು ಶಾಸಕ ಕೆ.ಆರ್.ರಮೇಶ್‍ಕುಮಾರ್ ತಿಳಿಸಿದರು.

 

ರಾಯಲ್ಪಾಡು ಹೋಬಳಿಯ ಬೈರಗಾನಪಲ್ಲಿ ಗ್ರಾಮದಲ್ಲಿನ ಕೋದಂಡರಾಮಸ್ವಾಮಿ ಪುನರ್ ಪ್ರತಿಷ್ಠಾಪನಾ ಮತ್ತು ನೂತನ ಮಹಾಗಣಪತಿ ಪ್ರತಿಷ್ಠಾಪನಾ ಮಹೋತ್ಸವ ಕಾರ್ಯಕ್ರಮದಲ್ಲಿ ಪಾಲ್ಗುಂಡು ಮಾತನಾಡಿದರು.
ಜೀವನ ಜಂಜಾಟದ ನಡುವೆ ಮನುಷ್ಯ ಧಾರ್ಮಿಕ ಕಾರ್ಯಗಳತ್ತ ವಿಮುಖನಾಗುತ್ತಿದ್ದು, ನಡೆ ನುಡಿಗಳಲ್ಲಿ ಮನುಷ್ಯ ಎಲ್ಲಿಯ ತನಕ ಶುದ್ದನಾಗಿರುತ್ತಾನೆ,ಅಲ್ಲಿಯ ತನಕ ಮನುಷ್ಯ ಶ್ರೇಷ್ಠನಾಗಿರುತ್ತಾನೆ.ಜನರು ಆಧ್ಯಾತ್ಮಿಕತೆಯನ್ನು ಕೇವಲ ಆಡಂಬರಕ್ಕೆ ಸೀಮಿತಗೊಳಿಸದೆ,ನಿರ್ಮಲ ಭಕ್ತಿಯಿಂದ ಪಾಲಿಸಿ, ದೇವತೆಗಳ ಆರಾಧನೆಯಿಂದ ಗ್ರಾಮಸುಭೀಕ್ಷವಾಗಿರುತ್ತದೆ ಎಂದರು.
ಮಾಜಿ ಶಾಸಕ ಜಿ.ಕೆ.ವೆಂಕಟಶಿವಾರೆಡ್ಡಿ ಮಾತನಾಡಿ ಪ್ರತಿಯೊಬ್ಬರು ದೇವರಲ್ಲಿ ನಂಬಿಕೆ ಇಡಬೇಕು. ಧಾರ್ಮಿಕ ಕಾರ್ಯಗಳಲ್ಲಿ ಗ್ರಾಮದ ಜನರು ಒಂದಡೆ ಸೇರಿ ಸಂತೋಷದಿಂದ ಒಗ್ಗಟ್ಟಿನಿಂದ ಆಚರಿಸುವುದೇ ಹಬ್ಬವಾಗಿದೆ. ವಿಜ್ಞಾನ ಎಷ್ಟೇ ಮುಂದುವರೆದರೂ ಮೂಢನಂಬಿಕೆ ದೂರವಾಗಿಲ್ಲ.ಉತ್ಸವ ಆಚರಣೆಗಳು ಮನುಷ್ಯನ ಮನಸ್ಸುನ್ನು ಪ್ರಸನ್ನಗೊಳಿಸುವುದರ ಜೊತೆಗೆ ಉತ್ತಮ ಆಲೋಚನೆಗಳು ಮೂಡುತ್ತವೆ.ಪೂಜೆ ಪುನಸ್ಕಾರಗಳಿಂದ ಸಮೃದ್ಧ ಜೀವನ ನಡೆಸಲು ಸಾಧ್ಯ ಎಂದರು.
ಪ್ರತಿಷ್ಠಾಪನಾ ಮಹೋತ್ಸವದ ಪೂಜಾ ಕಾರ್ಯಕ್ರಮಗಳನ್ನ ಆಗಮಿಕರಾದ ಕೆ.ಪದ್ಮನಾಭಶಾಸ್ತ್ರಿ,ಅರ್ಚಕ ರವಿಸ್ವಾಮಿ ನಡೆಸಿಕೊಟ್ಟರು. ಆಂದ್ರಜ್ಯೋತಿ ಪತ್ರಿಕೆಯ ಎಜಿಎಂ ಸುಧಾಕರ್,ಗ್ರಾಮದ ಮುಖಂಡರಾದ ಸಂಜಯ್‍ರೆಡ್ಡಿ, ರಾಮಕೃಷ್ಣೇಗೌಡ, ಕಲ್ಯಾಣರೆಡ್ಡಿ, ರಾಮಸ್ವಾಮಿಶೆಟ್ಟಿ, ಹಾಗು ಗ್ರಾಮಸ್ಥರು ಭಾಗವಹಿಸಿದ್ದರು.
ಪೋಟು 1 : ಬೈರಗಾನಪಲ್ಲಿ ಗ್ರಾಮದ ಕೋದಂಡರಾಮಸ್ವಾಮಿ ದೇವಾಲಯ ಪುನರ್ ಪ್ರತಿಷ್ಠಾಪನಾ ಮಹೋತ್ಸವ ಕಾರ್ಯಕ್ರಮದಲ್ಲಿ ಶಾಸಕ ಕೆ.ಆರ್.ರಮೇಶ್‍ಕುಮಾರ್, ಮಾಜಿ ಶಾಸಕ ಜಿ.ಕೆ.ವೆಂಕಟಶಿವಾರೆಡ್ಡಿ ದೇವರ ದರ್ಶನವನ್ನು ಪಡೆದರು.

ರಾಯಲ್ಪಾಡು : ಕಂದಾಯ ಅದಾಲತ್ ಮತ್ತು ಪಿಂಚಣಿ ಅದಾಲತ್ ಕಾರ್ಯಕ್ರಮವನ್ನು ರಾಯಲ್ಪಾಡು ಹೋಬಳಿಯ ಅಡ್ಡಗಲ್ ಗ್ರಾಮದ ಕೋದಂಡರಾಮಸ್ವಾಮಿ ದೇವಾಯಲದ ಆವರಣದಲ್ಲಿ 12-12-19ರ ಗುರುವಾರ ಬೆಳಗ್ಗೆ 10.30ರಿಂದ 3ಗಂಟೆಯವರೆಗೆ ನಡೆಯಲಿದ್ದು, ರೈತರು ತಮ್ಮ ಜಮೀನಿಗೆ ಸಂಬಂದಿಸಿದ ತಿದ್ದುಪಡಿ,ಫವತಿವಾರಸು,ಕ್ರಯಪತ್ರ,ವಿಲ್‍ಪತ್ರಗಳ ಮೂಲ ದಾಖಲೆಗಳೊಂದಿಗೆ ಅದಾಲತ್ ಕಾರ್ಯಕ್ರಮದಲ್ಲಿ ಭಾಗವಹಿಸಿ , ಸಮಾಜಕಟ್ಟಕಡೆಯ ವ್ಯಕ್ತಿ ಸರ್ಕಾರದ ಈ ಸೌಲಭ್ಯಗಳನ್ನು ಸದ್ಭಳಕೆ ಮಾಡಿಕೊಳ್ಳುವಂತೆ ತಹಸೀಲ್ದಾರ್ ಮನವಿ ಮಾಡಿದ್ದಾರೆ.

ಕುಂದಾಪುರ ಸರಾಕಾರಿ ಆಸ್ಪತ್ರೆ ವೈದ್ಯಾಧಿಕಾರಿ ಕ್ಷುಲಕ ಕಾರಣಗಳಿಂದ ಅಮಾನತುಗೊಳಿಸಿದಕ್ಕೆ K.E.T ಯಿಂದ ತಡೆಯಾಜ್ಞೆ –ಡಾ|ರೋಬರ್ಟ್ ಪುನರಾಧಿಕಾರ ಸ್ವೀಕಾರ

JANNNUDI.COM NETWORK 

 

 

ಕುಂದಾಪುರ ಸರಾಕಾರಿ ಆಸ್ಪತ್ರೆ ವೈದ್ಯಾಧಿಕಾರಿ ಕ್ಷುಲಕ ಕಾರಣಗಳಿಂದ ಅಮಾನತುಗೊಳಿಸಿದಕ್ಕೆ K.E.T ಯಿಂದ ತಡೆಯಾಜ್ಞೆ –ಡಾ|ರೋಬರ್ಟ್ ಪುನರಾಧಿಕಾರ ಸ್ವೀಕಾರ

 

ಕುಂದಾಪುರ, ಡಿ.10: ಕ್ಷುಲಕ ಕಾರಾಣಗಳಿಂದಾಗಿ ಮೌಖಿಕ ದೂರುಗಳಿಂದಾಗಿ ಕುಂದಾಪುರ ಆಡಳಿತ ವೈದ್ಯಧಿಕಾರಿ ಡಾ|ರೋಬರ್ಟ್ ರೆಬೆಲ್ಲೊ ಇವರನ್ನು ಅಮಾನತು ಗೊಳಿಸಿದ ಸರಕಾರದ ಅದೇಶವನ್ನು ಕರ್ನಾಟಕ ಎಡ್ಮಿಸ್ಟ್ರೇಷನ್   ಜ್ಯೂಡಿಸಿಯಲ್ (K.E.T.) ತಡೆ ಆಜ್ಞೆಯನ್ನು ನೀಡಿದೆ. ತಡೆಯಾಜ್ಞೆಯ ಪ್ರಕಾರ ಅವರು ಇಂದು ಅವರು ಕುಂದಾಪುರ ಸರಕಾರಿ ಆಸ್ಪತ್ರೆಯ ಆಡಳಿತ ವೈದ್ಯಧಿಕಾರಿಯಾಗಿ ಪುನರಾಧಿಕಾರ ಸ್ವೀಕಾರ ಮಾಡಿದರು.
‘ನನ್ನ ಮೇಲೆ ಕ್ಷುಲಲ ಕಾರಣಕ್ಕೆ ಅದೂ ಸೂಕ್ತವಲ್ಲದ ಕಾರಣ ಮೌಖಿಕವಾಗಿ ಆರೋಪಿಸಿ ಅಮಾನತು ಗೊಳಿಸಿದ್ದರು, ನನ್ನ ಮೇಲೆ ಆರೋಪ ಎನೆಂದರೆ ನಾನು ಸರಕಾರಿ ಆಸ್ಪತ್ರೆಯ ಆವರಣದಲ್ಲಿರುವ ನಂದಿಕೇಶ್ವರ ದೇವಾಲಯದ ಲೆಕ್ಕಾಚಾರವನ್ನು ನೀಡಿಲ್ಲವೆಂದು, ಅದೂ ದಾಖಲೆಯ ರೂಪದಲ್ಲಿ ಅಲ್ಲಾ, ಮೌಖಿಕವಾಗಿ ಆರೋಪಿಸಿದ್ದರು. ಆದರೆ ಈ ಲೆಕ್ಕಾಚಾರ ನನ್ನ ಅವಧಿಯದಲ್ಲಾ, ಅನ್ಯ ಧರ್ಮಿಯರು ನಂದಿಕೇಶ್ವರ ದೇವಳ ಸಮಿತಿಯ ಅಧ್ಯಕ್ಷರಾಗಬಾರದು ಗ್ರಾಮಾ ಪಂಚಾಯತ್ ಸಭೆಯಲ್ಲಿ ಮಾತು ಬಂದಾಗ ನಾನು ಹಲವು ತಿಂಗಳ ಹಿಂದೆಯೆ ಈ ಸ್ಥಾನಕ್ಕೆ ರಾಜಿನಾಮೆ ಕೊಟ್ಟಿದ್ದೆನೆ. ಲೆಕ್ಕಾಚಾರ ನೀಡಬೇಕಾದದ್ದು ಬೇರೆಯೆ ವೈದ್ಯಾಧಿಕಾರಿಯಾಗಿದ್ದಾರೆ. ಆದರೆ ನಾನು ಈ ಆಸ್ಪತ್ರೆಯಲ್ಲಿ ಶಿಸ್ತು ಬದ್ದವಾಗಿ ಆಡಳಿತ ನಡೆಸುವುದು ಕೆಲವರಿಗೆ ತೊಂದರೆಯಾಗುತಿದ್ದ ಕಾರಣ ನನ್ನನ್ನು ಕ್ಷುಲಕ್ಕ ಕಾರಣಕ್ಕೆ ಅಮಾನತುಗೊಳಿಸುವ ಪ್ರಯತ್ನ ನಡೆದಿದೆ’ ಎಂದು ಡಾ|ರೊಬರ್ಟ್ ಪತ್ರಕರ್ತರಿಗೆ ತಿಳಿಸಿದರು.
‘ಕುಂದಾಪುರ ಆಸ್ಪತ್ರೆಯಲ್ಲಿ 10 ಜನ ಸ್ಪೆಷಲಿಶ್ಟ್ ವೈದ್ಯರಿದ್ದಾರೆ ಅವರಲ್ಲಿ ಕೆಲವರು ಸರಿಯಾದ ವೇಳೆಗೆ ಸೇವೆಗೆ ಬರುವುದಿಲ್ಲಾ. ಸರಕಾರಿ ಆಸ್ಪತ್ರೆ ಇರುವುದು ಬಡವರ ಸೇವೆಗಾಗಿ, ಬಡವರಿಗೆ ಅಗತ್ಯವಾಗಿ ಸಂದರ್ಭಾನುಸಾರ ವೇಳೆ ವೇಳೆಯಲ್ಲಿ ಸೇವೆ ಸಿಗಬೇಕು. ಕೆಲವು ವೈದ್ಯರು ಕುಂದಾಪುರ ತಾಲೂಕಿನಿಂದ ಹೊರಗೆ ತಮ್ಮ ಕ್ಲಿನಿಕಗಳನ್ನು ತೆರೆದಿದ್ದಾರೆ. ಕಾನುನೂ ಪ್ರಕಾರ ನಮ್ಮ ಆಸ್ಪತ್ರೆಯಿಂದ 8 ಕಿ,ಮಿ ದೂರ ಉಳಿಯುವಂತಿಲ್ಲಾ. ಅವರು ಸರಕಾರ ಕೊಡುವ ವಸತಿ ಸೌಕರ್ಯದಲ್ಲಿ ಉಳಿಯಬೇಕು, ಕೆಲವರು ಉಳಿಯುವುದಿಲ್ಲಾ. ಜನೆರಿಕ್ ಔಷಧಿಗಳನ್ನು ಬರೆದುಕೊಡದೆ ಹೊರಗಿನ ಔಷಧಿಗಳನ್ನು ಬರೆದು ಕೊಡುತ್ತಾರೆ ಅದನ್ನು ವಿಚಾರಿಸಿದಕ್ಕೆ ನನ್ನ ಮೇಲೆಯೆ ಕುತಂತ್ರಗಳನ್ನು ಮಾಡುತಿದ್ದಾರೆ.ನನ್ನ ಅವಧಿಯಲ್ಲಿ ಈ ಸರಕಾರಿ ಆಸ್ಪತ್ರೆಯಲ್ಲಿ ಸೂಕ್ತ ಸಮಯಕ್ಕೆ ಒಳ್ಳೆಯ ಸೇವೆ ನೀಡಬೇಕುಂಬುದು ನನ್ನ ಉದ್ದೇಶ. ಈ ಸರಾಕಾರಿ ಆಸ್ಪತೆಯಿಂದ ಎಲ್ಲರಿಗೂ ಕ್ಲಪ್ತ ಸಮಯದಲ್ಲಿ ಸೇವೆ ಸೂಕ್ತ ಸೇವೆ ಸಲ್ಲಿಸಬೇಕು’ ಎಂಬುದು ನಮ್ಮ ಉದ್ದೇಶ. ಎಂದು ಅವರು ಹೇಳಿದರು.
ಡಾ|ರೋಬರ್ಟ್ ಪತ್ರಕರ್ತ ಸಮ್ಮುಖದಲ್ಲೆ ತಡವಾಗಿ ಆಗಮಿಸಿದ ವೈದ್ಯೆಯನ್ನು ತರಾಟೆಗೆ ತೆಗೆದುಕೊಂಡರು. ಅದೇ ವೇಳೆಯಲ್ಲಿ ಸಮಾಜ ಸೇವಕಿ ರಾಧದಾಸ್ ಕೆಲವು ಕಾರ್ಯಗಳಿಂದ ಸರಕಾರಿ ಆಸ್ಪತ್ರೆಯಿಂದ ತೊಡಕಾಗಿದ್ದಕ್ಕೆ ಆ ಮಹಿಳಾ ವೈದ್ಯರನ್ನು ತರಾಟೆಗೆ ತೆಗೆದುಕೊಂಡರು.
ಈ ಸಂದರ್ಭದಲ್ಲಿ ಕಥೊಲಿಕ್ ಸಭೆಯ ಕುಂದಾಪುರ ವಲಯದ ಅಧ್ಯಕ್ಷ ಎರಿಕ್ ಗೊನ್ಸಾಲ್ವಿಸ್, ಕಾರ್ಯದರ್ಶಿ ಲೀನಾ ತಾವ್ರೊ, ಕುಂದಾಪುರ ಕಥೊಲಿಕ್ ಸಭೆಯ ಅಧ್ಯಕ್ಷ ವಾಲ್ಡರ್ ಜೆ. ಡಿಸೋಜಾ, ಕಾರ್ಯದರ್ಶಿ ವಿಲ್ಸನ್ ಡಿಆಲ್ಮೇಡಾ, ನಿಯೋಜಿತ್ ಅಧ್ಯಕ್ಷ ಬರ್ನಾಡ್ ಜೆ. ಕೋಸ್ತಾ, ಮುತಾಂದ ಹಲವಾರು ಮುಖಂಡರು, ರಾಜಕಾರಣಿ ಜಾಕೋಬ್ ಸಂತಾನ್ ಡಿಸೋಜಾ, ದೇವಕಿ ಸಣ್ಣಯ್ಯ ಮತ್ತು ಇನ್ನಿತರ ಹಲವಾರು ಮುಖಂಡರು ಉಪಸ್ಥಿತರಿದ್ದರು.

ಕೆದಿಂಜೆ ಶಾಲೆ : ಉಚಿತ ಸಮವಸ್ತ್ರ ಹಾಗೂ ಪ್ರತಿಭಾ ಪುರಸ್ಕಾರ ವಿತರಣೆ

 

ವರದಿ: ವಾಲ್ಟರ್ ಮೊಂತೇರೊ

 

ಕೆದಿಂಜೆ ಶಾಲೆ : ಉಚಿತ ಸಮವಸ್ತ್ರ ಹಾಗೂ ಪ್ರತಿಭಾ ಪುರಸ್ಕಾರ ವಿತರಣೆ

 

ಕೆದಿಂಜೆ ಶ್ರೀ ವಿದ್ಯಾ ಬೋಧಿನಿ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಯ ವಿದ್ಯಾರ್ಥಿಗಳಿಗೆ ಕೆದಿಂಜೆ ಕೆನರಾ ಬ್ಯಾಂಕ್ ವತಿಯಿಂದ ಬುಧವಾರ ಉಚಿತ ಸಮವಸ್ತ್ರ ವಿತರಣೆ ಹಾಗೂ ಪ್ರತಿಭಾ ಪುರಸ್ಕಾರ ವಿತರಣಾ ಸಮಾರಂಭವು ಜಿನ್ನಾ ವೆಂಕಣ್ಣ ಶೆಟ್ಟಿ ಸ್ಮಾರಕ ಶಾಲಾ ಸಭಾಭವನದಲ್ಲಿ ಜರಗಿತು.
ಸಮಾರಂಭದ ಅಧ್ಯಕ್ಷತೆಯನ್ನು ಉಡುಪಿ ಕೆನರಾ ಬ್ಯಾಂಕ್ ರೀಜನಲ್ ಆಫೀಸ್‍ನ ಅಸಿಸ್ಟೆಂಟ್ ಜನರಲ್ ಮ್ಯಾನೇಜರ್ ಬಿ.ಪಿ.ನಂಜುಂಡಪ್ಪ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಉಡುಪಿ ಕೆನರಾ ಬ್ಯಾಂಕ್ ರೀಜನಲ್ ಆಫೀಸ್‍ನ ಡಿವಿಜನಲ್ ಮ್ಯಾನೇಜರ್ ರಮೇಶ್ ಕೆ. ಪೈ, ಕೆದಿಂಜೆ ಯು. ಸುಬ್ಬಣ್ಣ ಕಾಮತ್ ಎಜ್ಯುಕೇಶನ್ ಟ್ರಸ್ಟ್‍ನ ಅಧ್ಯಕ್ಷ ಯು. ಶೇಷಗಿರಿ ಕಾಮತ್ ಹಾಗೂ ಶಾಲಾ ಆಡಳಿತ ಮಂಡಳಿಯ ಸದಸ್ಯ ಬಿ. ಸುರೇಶ್ ಕಾಮತ್ ಭಾಗವಹಿಸಿದ್ದರು. ವೇದಿಕೆಯಲ್ಲಿ ಕೆದಿಂಜೆ ಕೆನರಾ ಬ್ಯಾಂಕ್‍ನ ಹಿರಿಯ ಪ್ರಬಂಧಕ ಅಭಿಷೇಕ್ ಕುಮಾರ್ ಉಪಸ್ಥಿತಿತರಿದ್ದರು.
ಶಾಲಾ ನಿವೃತ್ತ ಮುಖ್ಯ ಶಿಕ್ಷಕ ಕೆ. ಅನಿಲ್ ಕುಮಾರ್ ಪ್ರಾಸ್ತಾವಿಕ ಮಾತುಗಳನ್ನಾಡಿದರು. ಶಾಲಾ ಮುಖ್ಯ ಶಿಕ್ಷಕ ಪ್ರಥ್ವೀರಾಜ್ ಬಲ್ಲಾಳ್ ಕಾರ್ಯಕ್ರಮ ನಿರೂಪಿಸಿದರು. ಶಾಲಾ ಸಹಶಿಕ್ಷಕಿ ರೇಖಾ ಪೈ ಸ್ವಾಗತಿಸಿದರು.
2018-19ನೇ ಸಾಲಿನಲ್ಲಿ 7ನೇ ತರಗತಿಯಲ್ಲಿ ಅತ್ಯಧಿಕ ಅಂಕಗಳಿಸಿದ ನಿಶ್ಮಿತ್, ಸ್ನೇಹಾ, ಅಮೃತೇಶ್ವರ ಮೂವರು ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಲಾಯಿತು.
ಕಾರ್ಯಕ್ರಮದಲ್ಲಿ ಶಾಲಾ ಆಡಳಿತ ಮಂಡಳಿ ಸದಸ್ಯ ಶ್ಯಾಮ್ ಶೆಟ್ಟಿ, ಶಾಲಾ ನಿವೃತ್ತ ಮುಖ್ಯ ಶಿಕ್ಷಕ ಎನ್. ಸುಧಾಕರ್ ರಾವ್, ಶಾಲಾ ಹಳೆ ವಿದ್ಯಾರ್ಥಿ ಸಂಘದ ಅಧ್ಯಕ್ಷ ದಿನೇಶ್ ಪೂಜಾರಿ ಬಿರೋಟ್ಟು, ಕಾರ್ಯದರ್ಶಿ ಸಂದೀಪ್ ವಿ. ಪೂಜಾರಿ ಅಬ್ಬನಡ್ಕ, ಶಾಲಾಭಿವೃದ್ಧಿ ಸಮಿತಿ ಅಧ್ಯಕ್ಷ ಹರಿಣಿ ಸುಂದರ ಪೂಜಾರಿ, ಶಾಲಾ ಗೌರವ ಶಿಕ್ಷಕಿಯರಾದ ಮಮತಾ, ಜಯಲಕ್ಷ್ಮೀ, ರೇಶ್ಮಾ, ಚೇತನಾ ಹಾಗೂ ವಿದ್ಯಾರ್ಥಿ ವೃಂದದವರು ಮತ್ತು ಮಕ್ಕಳ ಪೋಷಕರು ಉಪಸ್ಥಿತಿತರಿದ್ದರು.

ಕುಂದಾಪುರ: ಶ್ರೀಮತಿ ರಾಧಾ ಸುಂದರ ಪೈ(ನಾಣ್ಣಿಯಮ್ಮ)(86) ನಿಧನ

JANANUDI.COM NETWORK 

 

ಕುಂದಾಪುರ: ಶ್ರೀಮತಿ ರಾಧಾ ಸುಂದರ ಪೈ(ನಾಣ್ಣಿಯಮ್ಮ)(86) ನಿಧನ

 

 

 

ದಿ.ಹಾರಾಡಿ ಸುಂದರಪೈಯವರ ಧರ್ಮಪತ್ನಿ,ಕುಂದಾಪುರದ ಮಹಮ್ಮಾಯ ಇಲೆಕ್ಟ್ರಿಕಲ್ಸ ಮಾಲಕರು ಹಾಗೂ ಮಹಮ್ಮಾಯ ಟ್ರೇಡರ್ಸನ ಪಾಲುದಾರರಾದ,ಶ್ರೀಮತಿ ರಾಧಾ ಸುಂದರ ಪೈ(ನಾಣ್ಣಿಯಮ್ಮ)(86)
ದಿನಾಂಕ 7ರಂದು ನಿಧನರಾದರು.
ಇವರು ಮೆ.ಜಿ.ಎಸ್.ನಾಯಕ್ ಎಂಡ್ ಕೊ ಸಂಸ್ಥೆಯ ಪಾಲುದಾರರಾದ ಎಚ್.ಪ್ರಭಾಕರ ಪೈ,ಎಚ್.ಶಾಂತಾರಾಮ ಪೈ ಸಹಿತ ಇಬ್ಬರು ಪುತ್ರರುಹಾಗೂ ಪುತ್ರಿ  ಶ್ರೀಮತಿ ಸುಮನ(ವತ್ಸಲ) ಎಸ್.ಶೆಣೈಯವರನ್ನು ಅಗಲಿದ್ದಾರೆ.

ಬಸ್ರೂರು  ಸರಕಾರಿ ಪ್ರೌಡ ಶಾಲೆಯಲ್ಲಿ  ವಿದ್ಯಾರ್ಥಿಗಳಿಂದ  ಅಪರೂಪದ  ಮಕ್ಕಳ ಸಂತೆ

JANANUDI.COM NETWORK

 

ಬಸ್ರೂರು  ಸರಕಾರಿ ಪ್ರೌಡ ಶಾಲೆಯಲ್ಲಿ  ವಿದ್ಯಾರ್ಥಿಗಳಿಂದ  ಅಪರೂಪದ  ಮಕ್ಕಳ ಸಂತೆ 

 

 

ಕುಂದಾಪುರ, ಡಿ.೮: ಬಸ್ರೂರು  ಸರಕಾರಿ ಪ್ರೌಡ ಶಾಲೆಯಲ್ಲಿ  ವಿದ್ಯಾರ್ಥಿಗಳಿಂದ ಅಪರೂಪದ ಮಕ್ಕಳ ಸಂತೆ ನಡೆಯಿತು. ಈ ಸಂತೆಯನ್ನು ಶಾಲಾ ಮುಖ್ಯೋಪಾಧ್ಯಾಯಿನಿ  ಜ್ಯೋತಿ  ಈ ಸಂತೆಯನ್ನು ಉದ್ಘಾಟಿಸಿ ಶುಭ ಕೋರಿದರು. ಈ ಸಂದರ್ಭದಲ್ಲಿ   ಕುಂದಾಪುರ ವಲಯದ ಶಿಕ್ಷಣ ಅಧಿಕಾರಿ ಶ್ರೀ ಅಶೋಕ ಕಾಮತ್  ಭೇಟಿ ಮಾಡಿ ಸಂತಸ ಪಟ್ಟರು.

   ಮಕ್ಕಳು ತಮ್ಮ ಮನೆಯಿಂದ ವಿವಿಧ ರೀತಿಯ ತರಕಾರಿ, ತೆಂಗಿನ ಕಾಯಿ ಎಪ್ಪಲ್ ಜ್ಯೂಸ್, ಕಲ್ಲಂಗಡಿ ಜ್ಯೂಸ್, ಚಪಾತಿ ಕುರ್ಮಾ ಹೀಗೆ ಹಲವು ರೀತಿಯ ತಿಂಡಿ ತಿನಿಸುಗಳನ್ನು ತಯಾರಿಸಿಕೊಂಡು ಬಂದು ಮಾರಟ ಮಾಡಿದರು.  ಮಕ್ಕಳ ಹೆತ್ತವರು, ಶಿಕ್ಷಕರು ಮತ್ತು ಉರವರು ಮಕ್ಕಳ ಸಂತೆಗೆ ಪ್ರೋತ್ಸಾಹ ನೀಡಿ ಮಕ್ಕಳಲ್ಲಿ ವ್ಯಹರಿಸಿದರು.

    ಈ ಸಂದರ್ಭದಲ್ಲಿ ಶಾಲಾ ಸಹ ಶಿಕ್ಷಕರು ಶಾಲಾ ಸಮಿತಿಯ ಅಬ್ದುಲ್ ಅಜೀಜ್ ಬಸ್ರೂರು ಉಪಸ್ಥಿತರಿದ್ದರು.

ಶ್ರೀನಿವಾಸಪುರದಲ್ಲಿ ಏರ್ಪಡಿಸಿದ್ದ ತಾಲ್ಲೂಕು ಕೋಳಿ ಸಾಕಾಣಿಕೆದಾರರ ಕ್ಷೇಮಾಭಿವೃದ್ಧಿ ಸಂಘದ ಸದಸ್ಯರ ಸಮಾವೇಶ ಉದ್ಘಾಟಿಸಿ ಕರ್ನಾಟಕ ಪ್ರಾಂತ ರೈತ ಸಂಘದ ರಾಜ್ಯಾಧ್ಯಕ್ಷ ಜಿ.ಸಿ.ಬೈಯ್ಯಾರೆಡ್ಡಿ ಮಾತನಾಡಿದರು.

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ
ಶ್ರೀನಿವಾಸಪುರದಲ್ಲಿ ಏರ್ಪಡಿಸಿದ್ದ ತಾಲ್ಲೂಕು ಕೋಳಿ ಸಾಕಾಣಿಕೆದಾರರ ಕ್ಷೇಮಾಭಿವೃದ್ಧಿ ಸಂಘದ ಸದಸ್ಯರ ಸಮಾವೇಶ ಉದ್ಘಾಟಿಸಿ ಕರ್ನಾಟಕ ಪ್ರಾಂತ ರೈತ ಸಂಘದ ರಾಜ್ಯಾಧ್ಯಕ್ಷ ಜಿ.ಸಿ.ಬೈಯ್ಯಾರೆಡ್ಡಿ ಮಾತನಾಡಿದರು.
ಶ್ರೀನಿವಾಸಪುರ: ಕೃಷಿಕರಿಗೆ ಸಿಗುತ್ತಿರುವ ಸೌಲಭ್ಯಗಳನ್ನು ಕೋಳಿ ಸಾಕಾಣಿಕೆದಾರರಿಗೂ ವಿಸ್ತರಿಸಬೇಕು ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ರಾಜ್ಯಾಧ್ಯಕ್ಷ ಜಿ.ಸಿ.ಬೈಯ್ಯಾರೆಡ್ಡಿ ಒತ್ತಾಯಿಸಿದರು.
  ಇಲ್ಲಿ ಏರ್ಪಡಿಸಿದ್ದ ತಾಲ್ಲೂಕು ಕೋಳಿ ಸಾಕಾಣಿಕೆದಾರರ ಕ್ಷೇಮಾಭಿವೃದ್ಧಿ ಸಂಘದ ಸದಸ್ಯರ ಸಮಾವೇಶ ಉದ್ಘಾಟಿಸಿ ಮಾತನಾಡಿ, ಈಗ ಕೋಳಿ ಸಾಕಾಣಿಕೆ ನಷ್ಟದ ಕಸುಬಾಗಿ ಪರಿಣಮಿಸಿದೆ. ಕಂಪನಿಗಳು ಲಾಭ ಮಾಡಿಕೊಳ್ಳುತ್ತಿವೆ. ಕೋಳಿ ಸಾಕುವ ರೈತರು ನಷ್ಟ ಅನುಭವಿಸುತ್ತಿದ್ದಾರೆ ಎಂದು ಹೇಳಿದರು. 
 ಈಗ ಕಂಪನಿಗಳು ಕೊಡುತ್ತಿರುವ ಅತ್ಯಲ್ಪ ಬೆಲೆಯಲ್ಲಿ ಸಾಕಾಣಿಕೆ ಸಾಧ್ಯವಾಗುವುದಿಲ್ಲ. ಕೋಳಿ ಸಾಕಾಣಿಕೆಯನ್ನು ಕೃಷಿ ಎಂದು ಪರಿಗಣಿಸಿದಲ್ಲಿ, ರಿಯಾತಿ, ನಷ್ಟ ಪರಿಹಾರ, ಸಾಲ ಸೌಲಭ್ಯ ಮುಂತಾದ ಸೌಲಭ್ಯಗಳು ದೊರೆಯುತ್ತವೆ. ಗರಿಷ್ಟ 30 ಸಾವಿರ ಕೋಳಿ ಸಾಕುವ ಫಾರಂಗಳನ್ನು ಕೃಷಿ ವ್ಯಾಪ್ತಿಗೆ ಸೇರಿಸಲು ಸರ್ಕಾರವನ್ನು ಕೋರಲಾಗಿದೆ. ರಾಜ್ಯದಲ್ಲಿ 1ಲಕ್ಷಕ್ಕೂ ಹೆಚ್ಚಿನ ಸಂಖ್ಯೆಯ ಕುಟುಂಬಗಳು ಕೋಳಿ ಸಾಕಾಣಿಕೆ ಮೇಲೆ ಆಧಾರಪಟ್ಟಿವೆ ಎಂದು ಹೇಳಿದರು.
  ಸರ್ಕಾರದ ಸೌಲಭ್ಯ ಪಡೆಯಲು ದೊಡ್ಡ ಮಟ್ಟದ ಹೋರಾಟ ಮಾಡಬೇಕಾಗಿದೆ. ಅದಕ್ಕೆ ಎಲ್ಲ  ಕೋಳಿ ಸಾಕಾಣಿಕೆದಾರರು ಒಗ್ಗೂಡಬೇಕು. ಡಿಸೆಂಬರ್‌ ಅಂತ್ಯದ ವೇಳೆಗೆ ಕೋಳಿ ಸಾಕಾಣಿಕೆದಾರರ ಸಮಸ್ಯೆಗಳಿಗೆ ಸ್ಪಂದಿಸದಿದ್ದಲ್ಲಿ, ವಿಧಾನ ಸೌಧ ಚಲೋ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗುವುದು ಎಂದು ಹೇಳಿದರು.
  ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಪಿ.ಆರ್‌.ಸೂರ್ಯನಾರಾಯಣ ಮಾತನಾಡಿ, ಜಿಲ್ಲೆಯಲ್ಲಿ 500 ಕೋಳಿ ಸಾಕಾಣಿಕಾ ಫಾರಂಗಳಿವೆ. ಕೋಳಿ ಸಾಕಾಣಿಕೆಗೆ ಯುವಕರು ಹೆಚ್ಚಿನ ಒಲವು ತೊರುತ್ತಿದ್ದಾರೆ. ಆದರೆ ಕೋಳಿ ವಹಿವಾಟು ಮಾಡುವ ಕಂಪನಿಗಳು ರೈತರ ಶ್ರಮಕ್ಕೆ ತಕ್ಕಂತೆ ಹಣ ನೀಡುತ್ತಿಲ್ಲ. ಸರ್ಕಾರದ ರೈತ ವಿರೋಧಿ ನಿಲುವು ಹೊಂದಿದ್ದು, ಕೋಳಿ ಸಾಕಾಣಿಕೆದಾರರು ಅನಾಥರಾಗಿದ್ದಾರೆ ಎಂದು ಹೇಳಿದರು.
  ಕೋಳಿ ಸಾಕಾಣಿಕೆದಾರರ ಕ್ಷೇಮಾಭಿವೃದ್ಧಿ ಸಂಘದ ರಾಜ್ಯಾಧ್ಯಕ್ಷ ಜೆ.ಸಿ.ಮಂಜುನಾಥ್‌, ಜಿಲ್ಲಾಧ್ಯಕ್ಷ ಮುನಿವೆಂಕಟೇಗೌಡ, ಕಾರ್ಯದರ್ಶಿಗಳಾದ ಗೋಪಅಲ್‌, ಎ.ವಿ.ಅನಿಲ್‌ ಕುಮಾರ್‌, ಕೋಚಿಮುಲ್‌ ಮಾಜಿ ನಿರ್ದೇಶಕ ಮುನಿವೆಂಕಟರೆಡ್ಡಿ ಕೋಳಿ ಸಾಕಾಣಿಕೆದಾರರು ಎದುರಿಸುತ್ತಿರುವ ಸಮಸ್ಯೆಗಳ ಬಗ್ಗೆ ಮಾತನಾಡಿದರು. 
 ತಾಲ್ಲೂಕು ಕೋಳಿ ಸಾಕಾಣಿಕೆದಾರರ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಕೆ.ಎನ್‌.ತಿಮ್ಮರಾಯಪ್ಪ ಸಮಾವೇಶದ ಅಧ್ಯಕ್ಷತೆ ವಹಿಸಿದ್ದರು.
ಕರ್ನಾಟಕ ಪ್ರಾಂತ ರೈತ ಸಂಘದ ತಾಲ್ಲೂಕು ಘಟಕದ ಅಧ್ಯಕ್ಷ ಪಾತಕೋಟ ನವೀನ್‌ ಕುಮಾರ್‌, ಮಾಜಿ ಅಧ್ಯಕ್ಷ ಎನ್‌.ವೀರಪ್ಪರೆಡ್ಡಿ, ಬಿ ಎ ಸೈಯದ್ ಫಾರೂಕ್, ಮಖಂಡರಾದ ವಿಶ್ವನಾಥ್‌, ರಾಮಕೃಷ್ಣೇಗೌಡ ಇದ್ದರು.

ಕುಂದಾಪುರ ಸಂತ ಮೇರಿಸ್ ಹಿ.ಪ್ರಾರ್ಥಮಿಕ ಮತ್ತು ಸಂತ ಮೇರಿಸ್ ಪ್ರೌಢ ಶಾಲೆಯ ವಾರ್ಷಿಕೋತ್ಸವ

JANANUDI.COM NETWORK

 

ಕುಂದಾಪುರ ಸಂತ ಮೇರಿಸ್ ಹಿ.ಪ್ರಾರ್ಥಮಿಕ ಮತ್ತು ಸಂತ ಮೇರಿಸ್ ಪ್ರೌಢ ಶಾಲೆಯ ವಾರ್ಷಿಕೋತ್ಸವ -ನಿಮ್ಮ ಮಕ್ಕಳಿಗೆ ಉತ್ತಮವಾದ ಗಿಫ್ಟ್ ಆಗಿದ್ದರೆ ಅದು ಶಿಕ್ಷಣ :ಡಾ|ಪ್ರಸಾದ್ ಎನ್. ಶೆಟ್ಟಿ

 

 

ಕುಂದಾಪುರ, ಡಿ.7: ‘ನಿಮ್ಮ ಮಕ್ಕಳಿಗೆ ಉತ್ತಮವಾದ ಗಿಫ್ಟ್ ಆಗಿದ್ದರೆ ಅದು ಶಿಕ್ಷಣ, ಹಾಗಾಗಿ ಹೆತ್ತವರು ಮಕ್ಕಳಿಗೆ ಶಿಕ್ಷಣವನ್ನು ನೀಡಬೇಕು, ಮಕ್ಕಳೂ ಕೂಡ ಶಿಕ್ಷಣದ ದಾಹವನ್ನು ಹೆಚ್ಚಿಸಿಕೊಳ್ಳಬೇಕು, ಶಿಕ್ಷಣವನ್ನು ಎಂದೂ ನಿಲ್ಲಿಸಬಾರದು’ ಎಂದು ಮಣಿಪಾಲ ಕೆ.ಎಂ.ಸಿ. ಯ ಹ್ರದಯರೋಗ ತಜ್ಞರಾದ ಡಾ|ಪ್ರಸಾದ್ ಎನ್. ಶೆಟ್ಟಿಯವರು ಹೇಳಿದರು.
ಅವರು ಕುಂದಾಪುರ ಸಂತ ಮೇರಿಸ್ ಹಿ.ಪ್ರಾರ್ಥಮಿಕ ಮತ್ತು ಸಂತ ಮೇರಿಸ್ ಪ್ರೌಢ ಶಾಲೆಗಳು ಜಂಟಿಯಾಗಿ ಆಚರಿಸಿದ ವಾರ್ಷಿಕೋತ್ಸವ ಸಂದರ್ಭದಲ್ಲಿ ಮುಖ್ಯ ಅತಿಥಿಯಾಗಿ ಮಾತನಾಡಿದರು ‘ನನಗೆ ಈ ಶಿಕ್ಷಣ ಸಂಸ್ಥೆಯಲ್ಲಿ ಶಿಸ್ತು ಕಲಿಸಿ, ಶಿಕ್ಷಣದಲ್ಲಿ ಆದ್ಯತೆ ನೀಡಿ ಈ ಪ್ರಾರ್ಥಮಿಕ ಮತ್ತು ಪ್ರೌಢಶಾಲೆಗಳು ನನ್ನ ಜೀವನಕ್ಕೆ ಭದ್ರ ಬುನಾದಿ ಹಾಕಿಕೊಟ್ಟರು, ವೈದ್ಯನಾಗುವ ಕನಸು ಇದೇ ಶಾಲೆಯಲ್ಲಿ ಕಂಡೆ, ಮುಂದೆ ಜೀವನದಲ್ಲಿ ಕಷ್ಟ ಬಂದರೂ,ಹಿಂದಕ್ಕೆ ಸರಿಯದೆ ಹೆಚ್ಚಿನ ಪದವಿಗಳನ್ನು ಗಳಿಸಿ ಈಗ ಯಶಸ್ವಿಯಾಗಿ ದಡ ಸೇರಿದ್ದೆನೆ. ಹಾಗೇ ಇಂದಿನ ವಿದ್ಯಾರ್ಥಿಗಳು ಕಲಿಕೆಯ ಸಮಯದಲ್ಲಿ ಕಲಿಕೆಕೆ ಆದ್ಯತೆಕೊಟ್ಟು, ಶಿಕ್ಷಣವಂತರಾಗಿ ಜೀವನದಲ್ಲಿ ಯಶಸ್ವಿಯಾಗಬೇಕು’ ಎಂದು ಸಂದೇಶ ನೀಡಿದರು.
ಮತ್ತೊರ್ವ ಅತಿಥಿ ಉಡುಪಿ ಪ್ರದೇಶ್ ಕಥೊಲಿಕ್ ಸಭಾ ಅಧ್ಯಕ್ಷರು ಶುಭ ನುಡಿಗಳನ್ನಾಡಿದರು. ಅಧ್ಯಕ್ಷತೆಯನ್ನು ವಹಿಸಿಕೊಂಡ ಉಡುಪಿ ವಲಯ ಕಥೊಲಿಕ್ ಶಿಕ್ಷಣ ಸಂಸ್ಥೆಯ ಜಂಟಿ ಕಾರ್ಯದರ್ಶಿ ಕುಂದಾಪುರ ಚರ್ಚಿನ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ಮಾತಾಡಿ ‘ಈಗಿನ ಕಾಲದಲ್ಲಿ ಕನ್ನಡ ಮಾಧ್ಯಮದಲ್ಲಿ ಕಲಿಕೆ ಮಾಡುವರು ಕಡಿಮೆಯಾಗುತಿದ್ದಾರೆ, ಆದರೆ ನಮ್ಮ ಶಾಲೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ವಿದ್ಯಾರ್ಥಿಗಳು ದಾಖಲಾಗುತಿದ್ದಾರೆ, ಎಲ್ಲಾ ಮಕ್ಕಳಿಗೆ ಶಿಕ್ಷರು ಆದ್ಯತೆ ನೀಡಬೇಕೆನ್ನುವ ಉದ್ದೇಶದಿಂದ ನಾನೇ ಕಡಿಮೆ ಮಕ್ಕಳಿಗೆ ಸೇರಿಸಿಕೊಳ್ಳಿ ಎಂದು ಹೇಳುತ್ತೇನೆ, ಹೀಗೆ ಎಲ್ಲಾ ವಿದ್ಯಾರ್ಥಿಗಳಿಗೂ ಶಿಕ್ಷಕರು ಆದ್ಯತೆ ಕೊಟ್ಟು ಇವತ್ತಿನ ಅತಿಥಿಯಂತೆ ಡಾ|ಪ್ರಸಾದರಂತೆ ಅವರೆಲ್ಲಾ ಸಮಾಜದಲ್ಲಿ ಒಳ್ಳೆಯ ಸ್ಥಾನವನ್ನು ಗಳಿಸಿ ಸಮಾಜಕ್ಕೆ ಉಪಕಾರಿಯಾಗುವ ಹಾಗೇ ಮಾಡಬೇಕು’ ಎಂದು ಅವರು ತಿಳಿಸಿದರು.
ಈ ಸಂದರ್ಭದಲ್ಲಿ ಕಥೊಲಿಕ್ ಶಿಕ್ಷಣ ಸಂಸ್ಥೆಯ ಪ್ರಾರ್ಥಮಿಕ ಶಾಲೆಯಲ್ಲಿ ಜಿಲ್ಲೆಯ ಇತರ ಕಡೆ ನಿರಂತರ 39 ವರ್ಷ ಸೇವೆ ನೀಡಿ ಅವರ ಸೇವೆಯ ಕೊನೆಯ ಅವಧಿಯಲ್ಲಿ ಕುಂದಾಪುರ ಸಂತ ಮೇರಿಸ್ ಹಿ.ಪ್ರಾರ್ಥಮಿಕ ಶಾಲೆಯಲ್ಲಿ ಸೇವೆ ನೀಡಿ ನಿವ್ರತ್ತಿ ಹೊಂದಿದ ಶಿಕ್ಷಕಿ ರೋಹಿಣಿ ಅವರನ್ನು ಮತ್ತು ಕೊಂಕಣಿ ಸಾಹಿತ್ಯ ಅಕಾಡೆಮಿಯಿಂದ ಪುಸ್ತಕಕ್ಕೆ ಪ್ರಶಸ್ತಿ ಪಡೆದ ಶಾಲಾ ಶಿಕ್ಷಕಿ ಜ್ಯೋತಿ ಮಂಜರಪಲ್ಕೆ, ಮತ್ತು ಇತರರನ್ನು ಸಮ್ಮಾನಿಸಲಾಯಿತು.
ಪೂರ್ವಾನ್ಹ ಧ್ವಜಾರೋಹಣ ಮತ್ತು ಆಟಗಳಲ್ಲಿ ಗೆದ್ದವರಿಗೆ ಬಹುಮಾನ ನೀಡುವ ಕಾರ್ಯಕ್ರಮವನ್ನು ಪುರಸಭಾ ಸದಸ್ಯ ಪ್ರಭಾಕರ ಮತ್ತು ಶಂಕರ ಶೆಟ್ಟಿ ನಡೆಸಿಕೊಟ್ಟರು. ಸಂಜೆ ಕಾರ್ಯಕ್ರಮದಲ್ಲಿ ಶಿಕ್ಷಣದಲ್ಲಿ ಸಾಧನೆ ಮಾಡಿದ ಮತ್ತು ಆಟಗಳಲ್ಲಿ ಛಾಂಪಿಯೆನ್ ಶಿಪ್ ಪಡೆದುಕೊಂಡವರಿಗೆ ಬಹುಮಾನ ವಿತರಣೆ ಮಾಡಲಾಯಿತು. ವೇದಿಕೆಯಲ್ಲಿ ಪ್ರಾಂಶುಅಪಾಲ ಧರ್ಮಗುರು ವಂ|ಪ್ರವೀಣ್ ಅಮ್ರತ್ ಮಾರ್ಟಿಸ್, ಕುಂದಾಪುರ ಚರ್ಚಿನ ಸಹಾಯಕ ಧರ್ಮಗುರು ವಂ|ವಿಜಯ್ ಡಿಸೋಜಾ, ಮತ್ತು ಕಥೊಲಿಕ್ ಶಿಕ್ಷಣ ಸಂಸ್ಥೆಗಳ ಎಲ್ಲಾ ಮುಖ್ಯೋಪಾಧ್ಯಾನಿಯರು ಉಪಸ್ಥಿತರಿದ್ದರು. ಕುಂದಾಪುರ ಸಂತ ಮೇರಿಸ್ ಪ್ರೌಢ ಶಾಲೆಯ ಮುಖ್ಯೋಪಾಧ್ಯಾಯಿನಿ ಅಸುಂತಾ ಲೋಬೊ ಸ್ವಾಗತಿಸಿದರು. ಪವರ್ ಪೆÇಂಯ್ಟ್ ಮೂಲಕ ಎರಡು ಶಾಲೆಗಳ ವರದಿಯನ್ನು ಸಲ್ಲಿಸಲಾಯಿತು. ಮಕ್ಕಳಿಂದ ವಿವಿಧ ಸಾಂಸ್ಕ್ರತಿಕ ಕಾರ್ಯಕ್ರಮಗಳು ನಡೆದವು, ಶಿಕ್ಷಕರಾದ ಚಂದ್ರಶೇಖರ ಬೀಜಾಡಿ, ಸ್ಮಿತಾ ಡಿಸೋಜಾ, ಪ್ರೀತಿ ಪಾಯ್ಸ್, ಶಾಂತಿರಾಣಿ ಬಾರೆಟ್ಟೊ ಮುಂತಾದವರು ಕಾರ್ಯಕ್ರಮಗಳನ್ನು ನಿರೂಪಿಸಿದರು. ಸಂತ ಮೇರಿಸ್ ಹಿ.ಪ್ರಾರ್ಥಮಿಕ ಶಾಲೆಯ ಮುಖ್ಯೋಪಾಧ್ಯಾಯಿನಿ ಡೋರಾ ಸುವಾರಿಸ್ ವಂದಿಸಿದರು.

 

ಎಸ್ಸೆಸ್ಸೆಲ್ಸಿ ಟಾಪರ್ಸ್‍ಗೆ ಪ್ರೌಢಶಿಕ್ಷಣ ಮಂಡಳಿಯಿಂದ ನಗದು ಪುರಸ್ಕಾರ ಆಸಕ್ತಿಯಂತೆ ಮುನ್ನಡೆದರೆ ಯಶಸ್ಸು ನಿಮ್ಮನ್ನೇ ಹಿಂಬಾಲಿಸುತ್ತದೆ-ದರ್ಶನ್

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

ಎಸ್ಸೆಸ್ಸೆಲ್ಸಿ ಟಾಪರ್ಸ್‍ಗೆ ಪ್ರೌಢಶಿಕ್ಷಣ ಮಂಡಳಿಯಿಂದ ನಗದು ಪುರಸ್ಕಾರ ಆಸಕ್ತಿಯಂತೆ ಮುನ್ನಡೆದರೆ ಯಶಸ್ಸು ನಿಮ್ಮನ್ನೇ ಹಿಂಬಾಲಿಸುತ್ತದೆ-ದರ್ಶನ್

 

 

ಕೋಲಾರ:- ಬೇರೆಯವರು ಹೇಳಿದಂತಲ್ಲ, ನಿಮ್ಮ ಆಸೆ,ಆಸಕ್ತಿಯಂತೆ ನೀವು ಮುನ್ನಡೆದರೆ ಯಶಸ್ಸು ನಿಮ್ಮನ್ನು ಹಿಂಬಾಲಿಸುತ್ತದೆ ಎಂದು ಜಿಪಂ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಹೆಚ್.ವಿ.ದರ್ಶನ್ ವಿದ್ಯಾರ್ಥಿಗಳಿಗೆ ಕರೆ ನೀಡಿದರು.
ಗುರುವಾರ ನಗರದ ಜಿಪಂ ಸಭಾಂಗಣದಲ್ಲಿ ಸಾರ್ವಜನಿಕ ಶಿಕ್ಷಣ ಇಲಾಖೆ ವತಿಯಿಂದ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಎಸ್ಸೆಸ್ಸೆಲ್ಸಿ ಪರೀಕ್ಷೆಯಲ್ಲಿ ಸಾಧನೆ ಮಾಡಿದ ಜಿಲ್ಲೆಯ ಕನ್ನಡ ಮಾಧ್ಯಮದ 13,ಆಂಗ್ಲಮಾಧ್ಯಮದ 13 ಮಂದಿ ಟಾಪರ್ಸ್‍ಗೆ ಪ್ರೌಢಶಿಕ್ಷಣ ಪರೀಕ್ಷಾ ಮಂಡಳಿ ನೀಡುವ 5 ಸಾವಿರ ರೂ ಪ್ರತಿಭಾ ಪುರಸ್ಕಾರದ ಚೆಕ್ ವಿತರಿಸಿ ಅವರು ಮಾತನಾಡುತ್ತಿದ್ದರು.
ನಿಮ್ಮದಾರಿ ನೀವೇ ಕಂಡುಕೊಳ್ಳಿ ಆದರೆ ಅದು ಕೆಟ್ಟದಾಗಿರಬಾರದು ಅಷ್ಟೆ, ಅಂಕ ಗಳಿಕೆ ಮಾತ್ರ ಮುಖ್ಯವಲ್ಲ, ಸಚಿನ್ ವಿಶ್ವಶ್ರೇಷ್ಟ ಆಟಗಾರರಾಗಲಿಲ್ಲವೇ? ಜ್ಞಾನ ಪಡೆಯುವ ಶಿಕ್ಷಣ ಇಂದು ಅಗತ್ಯವಾಗಿದೆ, ಸಾಮಾಜಿಕ ಸೇವೆಗಳು ಇಂದು ಜೀವನೋಪಾಯದ ಕ್ಷೇತ್ರಗಳಾಗಿವೆ ನಿಮ್ಮ ಗುರಿ ನಿಮ್ಮ ಆಸಕ್ತಿಯಂತೆ ಇದ್ದರೆ ಖಂಡಿತ ಯಶ ನಿಮ್ಮದಾಗುತ್ತದೆ ಎಂದರು.
ಇದೊಂದು ವಿಶಿಷ್ಟ ಕಾರ್ಯಕ್ರಮ ಇಲ್ಲಿ 2019ರ ಎಸ್ಸೆಸ್ಸೆಲ್ಸಿ ಸಾಧಕರ ಜತೆಗೆ ಅವರ ತಂದೆ,ತಾಯಿ,ಗುರುಗಳು ಒಂದೇ ಕಡೆ ಸೇರಿದ್ದಾರೆ, ನೀವು ದೇವರನ್ನು ಕಾಣುವುದಾದರೆ ತಂದೆ,ತಾಯಿ,ಗುರು ಈ ಮೂವರಲ್ಲಿ ಕಾಣಬೇಕು ಅಂತಹ ಮೂರು ದೇವರುಗಳ ಸಮ್ಮಿಲನ ಇಲ್ಲಾಗಿದೆ ಎಂದರು.
ಕಳೆದ ಸಾಲಿನಲ್ಲಿ ಜಿಲ್ಲೆ ಎಸ್ಸೆಸ್ಸೆಲ್ಸಿಯಲ್ಲಿ ಪ್ರಥಮ ಭಾಷೆಯಲ್ಲಿ 360, ದ್ವಿತೀಯ ಭಾಷೆಯಲ್ಲಿ 191, ತೃತೀಯ ಭಾಷೆಯಲ್ಲಿ 141, ಗಣಿತದಲ್ಲಿ 48, ವಿಜ್ಞಾನದಲ್ಲಿ 11, ಸಮಾಜದಲ್ಲಿ 155 ಮಂದಿ ಶೇ. 100 ಸಾಧನೆ ಮಾಡಿದ್ದಾರೆ ಇದು ಸುಲಭದ ಮಾತಲ್ಲ ಎಂದರು.
ಇಂದು ಇಂಟರ್‍ನೆಟ್ ಯುಗ ಹಿಂದೆ ಇಂಜಿನಿಯರಿಂಗ್, ಡಾಕ್ಟರ್ ಎರಡು ಕ್ಷೇತ್ರ ಬಿಟ್ಟರೆ ಬೇರೆ ಆಯ್ಕೆ ಇರಲಿಲ್ಲ, ಈಗ ಕಾಲ ಬದಲಾಗಿದೆ, ನಿಮಗೆ ಮೊಬೈಲ್‍ನಲ್ಲೇ ಮಾಹಿತಿ,ಬದುಕಲು ದಾರಿ ಕಾಣುತ್ತದೆ ಎಂದರು.
ಕಲಿಕೆಯಲ್ಲಿ ಹಿಂದುಳಿದ ವಿದ್ಯಾರ್ಥಿಗಳಿಗೆ ನೀವು ಸ್ಪೂರ್ತಿಯಾಗಿ, ಜಿಲ್ಲೆಯ ಸಾಕ್ಷರತೆ ಶೇ.73 ಇದ್ದು, ಇದು 100 ಆಗಬೇಕು, ಸಮಾಜಕ್ಕೆ ನೆರವಾಗಿ,ಗುರಿ ಸಾಧನೆಯನ್ನು ಕೊನೆವರೆಗೂ ಬಿಡಬೇಡಿ, ಯಶಸ್ಸು ಗಳಿಸುವುದೇ ಮುಖ್ಯವಾಗಲಿ ಎಂದರು.
ನಿಮಗೆ ಅವಕಾಶ,ಅಧಿಕಾರ ಸಿಕ್ಕಾಗ ನಿಮ್ಮಿಂದ ಬೇರೆಯವರ ಮೊಗದಲ್ಲಿ ಸಂತಸ ತರುವುದೇ ನಿಜವಾದ ಸಾಧನೆ, ಮಾನವೀಯ ಗುಣ ಬೆಳೆಸಿಕೊಳ್ಳಿ,ಕಲಿಕೆ ಜತೆಯಲ್ಲೇ ಸಂಸ್ಕಾರ ಮುಖ್ಯ ಎಂದು ಕಿವಿಮಾತು ಹೇಳಿದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಡಿಡಿಪಿಐ ಕೆ.ರತ್ನಯ್ಯ, ಪ್ರತಿಯೊಬ್ಬರಲ್ಲೂ ಪ್ರತಿಭೆ ಸುಪ್ತವಾಗಿದ್ದು, ಅಂತಹ ಪ್ರತಿಭೆ ಹೊರಬರಲು ಹಿಂದೆ ಗುರು,ತಂದೆತಾಯಿ ಇರುತ್ತಾರೆ ಎಂದರು.
ಉತ್ತಮ ಫಲಿತಾಂಶಕ್ಕೆ ಶಿಕ್ಷಕರಲ್ಲೂ ಬದಲಾವಣೆ ಅಗತ್ಯ, ಪರಿಣಾಮಕಾರಿ ಬೋಧನೆಯಿಂದ ಆಧುನಿಕತೆಗೆ ತಕ್ಕಂತೆ ಬದಲಾವಣೆಯೂ ಆಗುತ್ತಿದೆ, ಅದಕ್ಕಾಗಿ ಶಿಕ್ಷಕರಿಗೆ ತರಬೇತಿ ನೀಡುತ್ತಿದ್ದೇವೆ ಎಂದರು.
ಶೇ.88.06 ಫಲಿತಾಂಶ
5ನೇ ಸ್ಥಾನದ ಗುರಿ
ಎಸ್ಸೆಸ್ಸೆಲ್ಸಿ ಪರೀಕ್ಷಾ ನೋಡಲ್ ಅಧಿಕಾರಿ ಎ.ಎನ್.ನಾಗೇಂದ್ರಪ್ರಸಾದ್, ಜಿಲ್ಲೆ ಮೊದಲು ಶೇ.86.94 ಫಲಿತಾಂಶದೊಂದಿಗೆ 7ನೇ ಸ್ಥಾನದಲ್ಲಿತ್ತು. ಮರುಮೌಲ್ಯಮಾಪನದ ನಂತರ ಇದು 88.06 ಆಗಿ ರಾಜ್ಯದಲ್ಲೇ 6ನೇ ಸ್ಥಾನ ಪಡೆದಿದ್ದೇವೆ, ಆದರೆ ಈ ಬಾರಿ ನಮ್ಮ ಗುರಿ 5ನೇ ಸ್ಥಾನದೊಳಗೆ ಇರಬೇಕು ಎಂಬುದಾಗಿದೆ ಎಂದರು.
ಕಳೆದ ಮಾರ್ಚ್‍ನಲ್ಲಿ ತೇರ್ಗಡೆಯಾದ 16328 ವಿದ್ಯಾರ್ಥಿಗಳ ಪೈಕಿ ಶೇ.79.40 ಮಕ್ಕಳು ಶೇ.60ಕ್ಕಿಂತ ಹೆಚ್ಚಿನ ಅಂಕ ಗಳಿಸಿದ್ದಾರೆ, ಈ ಬಾರಿ ಮತ್ತಷ್ಟು ಗುಣಾತ್ಮಕತೆಗೆ ಒತ್ತು ನೀಡುತ್ತಿರುವುದಾಗಿ ನುಡಿದರು.
ಫಲಿತಾಂಶ ಉತ್ತಮಪಡಿಸಲು,ಗುಣಾತ್ಮಗೊಳಿಸಲು ಕ್ರಿಯಾಯೋಜನೆ ತಯಾರಿಸಿ ಕಾರ್ಯ ನಿರ್ವಹಿಸುತ್ತಿದ್ದೇವೆ, ಮಾದರಿ ಪ್ರಶ್ನೆಪತ್ರಿಕೆ, ಅಧ್ಯಾಯವಾರು ಪ್ರಶ್ನೆಪತ್ರಿಕೆ, ನನ್ನನ್ನೊಮ್ಮೆ ಗಮನಿಸಿ ಪ್ರಶ್ನೆಕೋಠಿ ಎಲ್ಲವನ್ನು ಪರಿಣಾಮಕಾರಿಯಾಗಿ ಶಾಲೆಗಳಲ್ಲಿ ಮಕ್ಕಳಿಗೆ ಕಲಿಸುವ ಕೆಲಸವಾಗುತ್ತಿದೆ ಎಂದರು.
ಜಿಲ್ಲೆಗೆ ಮೊದಲಿನರಾದ ತಾಲ್ಲೂಕಿನ ಬಿಜಿಎಸ್ ಶಾಲೆಯ ಎ.ಎಸ್.ಮನು ಎಂಬ ವಿದ್ಯಾರ್ಥಿಯ ಅಜ್ಜ ಅನಿಸಿಕೆ ಹಂಚಿಕೊಂಡು ತಮ್ಮ ಮೊಮ್ಮಗನ ಸಾಧನೆಗೆ ಶಾಲೆಯ ಶಿಕ್ಷಕರು ಕಾರಣ, ಆದರೆ ಇಂತಹ ಸಾಧಕರಿಗೆ ಉಚಿತ ಶಿಕ್ಷಣ ನೀಡಲು ಖಾಸಗಿ ಸಂಸ್ಥೆಗಳು ಮುಂದಾಗಲಿ ಎಂದು ಕೋರಿದರು.
ಜಿಲ್ಲೆಗೆ 2ನೇ ಸ್ಥಾನ ಪಡೆದ ವಿದ್ಯಾರ್ಥಿನಿ ಸಿರಿ ಕುಲಕರ್ಣಿ, ನಾನು ಅಂಕಕ್ಕಾಗಿ ಓದಲಿಲ್ಲ, ಜ್ಞಾನಕ್ಕಾಗಿ ಓದಿದೆ, ನನಗೆ ಗುರುಗಳು, ಶಿಕ್ಷಕರು ಸಹಕಾರ ನೀಡಿದರು ಎಂದರು.
ಕಾರ್ಯಕ್ರಮ ನಿರೂಪಿಸಿದ ಶಿಕ್ಷಣಾಧಿಕಾರಿ ಸಿ.ಆರ್.ಆಶೋಕ್, ಕೋಲಾರ ಜಿಲ್ಲೆ ರಾಜಕೀಯ,ಸಾಹಿತ್ಯ,ಶಿಕ್ಷಣ ಈ ಮೂರು ಕ್ಷೇತ್ರಗಳಲ್ಲೂ ಸಾಧನೆ ಮಾಡಿದೆ, 6ನೇ ಸ್ಥಾನಕ್ಕೇರಲು ಮಾರ್ಗದರ್ಶನ ನೀಡಿದ ಜಿಲ್ಲಾಧಿಕಾರಿಗಳು, ಜಿಪಂ ಸಿಇಒ ಅವರಿಗೆ ಧನ್ಯವಾದ ಸಲ್ಲಿಸಿದರುಲ.
ಕಾರ್ಯಕ್ರಮದಲ್ಲಿ ವಿಷಯ ಪರಿವೀಕ್ಷಕಿ ಗಾಯತ್ರಿ, ಮುಖ್ಯಶಿಕ್ಷಕರ ಸಂಘದ ಕಾರ್ಯದರ್ಶಿ ಕೆ.ಗೋಪಾಲರೆಡ್ಡಿ, ಬಿಜಿಎಸ್ ಶಾಲೆ ಮುಖ್ಯಸ್ಥ ಸಿ.ಬೈರಪ್ಪ, ಸಬರಮತಿ ಶಾಲೆಯ ಬಿ.ವೆಂಕಟೇಶ್, ರವಿ,ಇಲಾಖೆಯ ಪ್ರೇಮಲತಾ ಮತ್ತಿತರರು ಉಪಸ್ಥಿತರಿದ್ದರು.