HOLY ROSARY CHURCH, KUNDAPUR – 450 th JUBILEE SOUVENIR 2021

ಕೋಲಾರ ಸಾಕ್ಷರತಾ ಕಾರ್ಯಕ್ರಮದ ಯೋಜನೆಯಡಿ ಬೋಧಕರಿಗೆ ತರಭೇತಿ ಕಾರ್ಯಕ್ರಮ

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

ಕೋಲಾರ ಸಾಕ್ಷರತಾ ಕಾರ್ಯಕ್ರಮದ ಯೋಜನೆಯಡಿ ಬೋಧಕರಿಗೆ ತರಭೇತಿ ಕಾರ್ಯಕ್ರಮ

 

 

ಕೋಲಾರ,ಡಿ.10: ಜಿಲ್ಲಾ ಮತ್ತು ತಾಲ್ಲೂಕು ಲೋಕ ಶಿಕ್ಷಣ ಸಮಿತಿ ಕೋಲಾರ ಮತ್ತು ಶ್ರೀ ಸರಸ್ವತಿ ಮಹಿಳಾ ಮಂಡಳಿ ಕೋಲಾರ ಸಂಸ್ಥೆಯ ಸಹಯೋಗದೊಂದಿಗೆ ಸಾಕ್ಷರತಾ ಕಾರ್ಯಕ್ರಮದ ಯೋಜನೆಯಡಿ ಬೋಧಕರಿಗೆ ತರಭೇತಿ ಕಾರ್ಯಕ್ರಮವನ್ನು ದಿನಾಂಕ: 02/12/2019 ರಂದು ಬೆಳಗ್ಗೆ 10.30 ಗಂಟೆಗೆ ತಾಲ್ಲೂಕು ಪಂಚಾಯಿತಿ ಸಂಭಾಗಣದಲ್ಲಿ ಹಮ್ಮಿಕೊಳ್ಳಲಾಗಿತ್ತು.
ತಾಲ್ಲೂಕು ಪಂಚಾಯಿತಿಯ ಕಾರ್ಯನಿರ್ವಹಣಾಧಿಕಾರಿ ಎನ್.ವಿ.ಬಾಬು ಕಾರ್ಯಕ್ರಮವನ್ನು ದೀಪ ಬೆಳಗಿಸುವುದರ ಮೂಲಕ ಉದ್ಘಾಟಿಸಿ ಮಾತನಾಡುತ್ತಾ ಬಹುಸಂಖ್ಮಾತ ಅನಕ್ಷರತೆಯಿಂದಾಗಿ ರಾಜ್ಯದಲ್ಲಿನ ನಗರಪ್ರದೇಶಗಳು ಮತ್ತು ಗ್ರಾಮಗಳು ಹಿಂದುಳಿದಿದ್ದು, ಸದರಿ ನಗರ ಮತ್ತು ಗ್ರಾಮಗಳಲ್ಲಿರುವ ಅನಕ್ಷರಸ್ಥರನ್ನು ಸಾಕ್ಷರಸ್ಥರಾದಾಗ ಮಾತ್ರ ನಗರಪ್ರದೇಶಗಳು, ಗ್ರಾಮಗಳು, ರಾಜ್ಯ ಮತ್ತು ದೇಶದ ಅಭಿವೃದ್ದಿಗೆ ಸಹಾಯಕವಾಗಲಿದೆ ಎಂದು ತಿಳಿಸಿದರು.
ಸಾಕ್ಷರತಾ ಕಾರ್ಯಕ್ರಮ ಸಹಾಯಕ ಡಿ.ಆರ್ ರಾಜಪ್ಪ ಮಾತನಾಡುತ್ತಾ, ರಾಜ್ಯ ಮತ್ತು ದೇಶದ ಅಭಿವೃದ್ದಿ ಕಾರ್ಯಗಳ ಪೂರ್ಣ ಮಾಹಿತಿಯು ಎಲ್ಲರಿಗೂ ತಿಳಿಯುವಂತಾಗಲು ನಗರ ಪ್ರದೇಶಗಳಲ್ಲಿ ವಾಸವಾಗಿರುವ ವಿದ್ಯಾವಂತರು ಸ್ವಯಂ ಸೇವಕರಾಗಿ ಸಾಕ್ಷರ ಭಾರತ್ ಕಾರ್ಯಕ್ರಮದಡಿಯಲ್ಲಿ ಅವರ ಮನೆ ಮತ್ತು ನೆರೆಹೊರೆಯಲ್ಲಿರುವ ಅನಕ್ಷರಸ್ಥರಿಗೆ ಓದು ಬರಹ ಕಲಿಸುವ ಮೂಲಕ ಸಾಕ್ಷರರನ್ನಾಗಿಸುವ ಪವಿತ್ರ ಕಾರ್ಯದಲ್ಲಿ ತೊಡಗಿಸಿಕೊಳ್ಳಬೆಕೇಂದು ಎಂದು ತಿಳಿಸಿದರು. ಜಿಲ್ಲಾ ವಯಸ್ಕರ ಶಿಕ್ಷಣಾಧಿಕಾರಿ ಜಿ.ಎಮ್ ಗಂಗಪ್ಪ ಮಾತನಾಡುತ್ತಾ, ಸಾಕ್ಷರತೆ ಮತ್ತು ಶಿಕ್ಷಣದ ಮಟ್ಟವು ಸಮಾಜವು ಸಾಧಿಸಿದ ಅಭಿವೃದ್ದಿಯ ಮಟ್ಟಕ್ಕೆ ಮೂಲ ಸೂಚಕಗಳಾಗಿವೆ. ಸಾಕ್ಷರತೆಯ ಹರಡುವಿಕೆಯು ಆಧುನೀಕರಣ, ನಗರೀಕರಣ, ಕೈಗಾರೀಕರಣ, ಸಂವಹನ ಮತ್ತು ವಾಣಿಜ್ಯದಂತಹ ಆಧುನಿಕ ನಾಗರಿಕತೆಯ ಪ್ರಮುಖ ಗುಣಲಕ್ಷಣಗಳೊಂದಿಗೆ ಸಾಮಾನ್ಯವಾಗಿ ಸಂಬಂಧಿಸಿದ ವ್ಯಕ್ತಿಗಳ ಒಟ್ಟಾರೆ ಅಭಿವೃದ್ದಿಯಲ್ಲಿ ಸಾಕ್ಷರತೆಯು ಒಂದು ಪ್ರಮುಖ ಇನ್ಪುಟ್‍ನ್ನು ರೂಪಿಸುತ್ತದೆ. ಅವರ ಸಾಮಾಜಿಕ, ರಾಜಕೀಯ ಮತ್ತು ಸಾಂಸ್ಕøತೀಕ ವಾತಾವರಣವನ್ನು ಉತ್ತಮವಾಗಿ ಗ್ರಹಿಸಲು ಮತ್ತು ಅದಕ್ಕೇ ಸೂಕ್ತವಾಗಿ ಪ್ರತಿಕ್ರಿಯಿಸಲು ಅನುವು ಮಾಡಿಕೊಡುತ್ತದೆ ಎಂದು ತಿಳಿಸಿದರು.
ನಗರಸಭಾ ಸದಸ್ಯ ಪ್ರವೀಣ್‍ಗೌಡ ಮಾತನಾಡುತ್ತಾ, ಉನ್ನತ ಮಟ್ಟದ ಶಿಕ್ಷಣ ಮತ್ತು ಸಾಕ್ಷರತೆಯು ಹೆಚ್ಚೀನ ಜಾಗೃತಿಗೆ ಕಾರಣವಾಗುತ್ತದೆ ಮತ್ತು ಆರ್ಥೀಕ ಮತ್ತು ಸಾಮಾಜಿಕ ಪರಿಸ್ಥಿತಿಗಳ ಸುಧಾರಣೆಗೆ ಸಹಕಾರಿಯಾಗುತ್ತದೆ ಮತ್ತು ಇದು ಜನಸಂಖ್ಯೆಯ ನಿಯಂತ್ರಣ, ಆರೋಗ್ಯ, ನೈರ್ಮಲ್ಯ, ಪರಿಸರ ನಾಶದ ನಿಯಂತ್ರಣ, ಸಮಾಜದ ದುರ್ಬಲ ವರ್ಗಗಳ ಉದ್ಯೋಗವಾಗಲಿ, ಅಭಿವೃದ್ದಿಯ ಪ್ರಯತ್ನದ ಪ್ರತಿಯೊಂದು ಅಂಶಗಳಲ್ಲೂ ಹೂಡಿಕೆಯ ಆದಾಯವನ್ನು ಹೆಚ್ಚಿಸುವ ಸಾಮಾಜಿಕ ಉನ್ನತಿಗಾಗಿ ವೇಗವರ್ಧಕವಾಗಿ ಕಾರ್ಯನಿರ್ವಹಿಸುತ್ತದೆ ಎಂದು ತಿಳಿಸಿದರು.
ಈ ಕಾರ್ಯಕ್ರಮದಲ್ಲಿ ತಾಲ್ಲೂಕು ಸಾಕ್ಷರತಾ ಸಂಯೋಜಕ ಆಶ್ವಥನಾರಾಯಣ, ಸರಸ್ವತಿ ಮಹಿಳಾ ಮಂಡಳಿಯ ಕಾರ್ಯದರ್ಶಿ ಸರಸ್ವತಮ್ಮ ಭಾಗವಹಿಸಿದ್ದರು.

ರೋಜರಿ ಆಂ. ಮಾ. ಶಾಲೆಯ ವಾರ್ಷಿಕೋತ್ಸವ – ‘ಶಿಕ್ಷಣ ಅಂದರೆ ಶಸ್ತ್ರ. ಜೀವನ ಯಶಸ್ವಿಯಾಗಲು ಅದನ್ನು ಬಳಸಿಕೊಳ್ಳಿ: ಸಬ್ ಇನ್ಸ್ ಪೆಕ್ಟರ್ ಜೊಯ್ಸ್ಲಿನ್ ಫೆರ್ನಾಂಡಿಸ್

JANANUDI.COM NETWORK

 

 ರೋಜರಿ ಆಂ. ಮಾ. ಶಾಲೆಯ ವಾರ್ಷಿಕೋತ್ಸವ – ‘ಶಿಕ್ಷಣ ಅಂದರೆ ಶಸ್ತ್ರ. ಜೀವನ ಯಶಸ್ವಿಯಾಗಲು ಅದನ್ನು ಬಳಸಿಕೊಳ್ಳಿ: ಸಬ್ ಇನ್ಸ್ ಪೆಕ್ಟರ್ ಜೊಯ್ಸ್ಲಿನ್ ಫೆರ್ನಾಂಡಿಸ್

 

 

 

ಕುಂದಾಪುರ, ಡಿ 14: ’ಶಿಕ್ಷಣವೆಂಬುದು ಪಠ್ಯ ಪುಸ್ತಕಕ್ಕೆ ಮಾತ್ರ ಸೀಮಿತವಲ್ಲಾ, ನೀಜ ಜೀವನದಲ್ಲಿ ಯಶಸ್ವಿಯಾಗಬೇಕಾದರೆ ಮಕ್ಕಳು ಪಠ್ಯ ಪುಸ್ತಕವಲ್ಲದೆ ಇತರ ಚಟುವಟಿಗಳನ್ನು ಜೀವನದಲ್ಲಿ ಅಳವಡಿಸಿಕೊಳ್ಳಬೇಕು, ಹಾಗೇ ‘ಶಿಕ್ಷಣ ಅಂದರೆ ಅದೊಂದು ಶಸ್ತ್ರ. ಅದನ್ನು ನಿಮ್ಮ ಜೀವನ ಯಶಸ್ವಿಯಾಗಲು ಅದನ್ನು ಬಳಸಿಕೊಳ್ಳಿ.’ ಎಂದು ಉಡುಪಿ ಅಬಕಾರಿ ಇಲಾಖೆಯ ಸಬ್ ಇನ್ಸ್‍ಪೆಕ್ಟರ್ ಜೊಯ್ಸ್ಲಿನ್ ಫೆರ್ನಾಂಡಿಸ್ ಹೇಳಿದರು
ಅವರು ಡಿ. 13 ರಂದು ನಡೆದ ಹೋಲಿ ರೋಜರಿ ಆಂಗ್ಲ ಮಾಧ್ಯಮ ಶಾಲೆಯ ವಾರ್ಷಿಕೋತ್ಸವದ ಮುಖ್ಯ ಅತ್ತಿಥಿಯಾಗಿ ಭಾಗವಹಿಸಿ ಮಾತನಾಡಿದರು ಜೀವನದಲ್ಲಿ ಗುರಿಯಿರಬೇಕು, ಗುರಿ ಅಂದರೆ ಡಾಕ್ಟರ್, ಇಂಜಿನಿಯರ್ ಮಾತ್ರವಲ್ಲಾ, ನೀವು ಎನಾಗಬೇಕೆಂದು ನಿರ್ಧರಿಸುವುದು ತಪ್ಪು. ಹೆತ್ತವರು ಎನಾಗಬೇಕೆಂದು ಬಯಸುತ್ತಾನೊ ಅದಕ್ಕೆ ಪೆÇ್ರೀತ್ಸಾಹ ನೀಡಿ. ಹಾಗೆ ಮಕ್ಕಳು ಒದಲಿಕ್ಕೆ, ಪರೀಕ್ಷೆ ಉಂಟ್ಟೆಂದು ಅವರಿಗೆ ಏನೂ ಕೆಲಸ ಕೊಡದೆ ಇರಬೇಡಿ, ಅವರಿಗೆ ಮನೆಯಲ್ಲಿ ಕೆಲಸ ಕೋಡಿ ಜೀವನದಲ್ಲಿ ಅದೇ ಪ್ರಯೋಜನಕ್ಕೆ ಬರುತ್ತದೆ. ಹಾಗೇ ಮಕ್ಕಳು ಕೂಡ ಇವತ್ತು ತಂತ್ರಜ್ಞಾನ ನಮಗೆ ಗೊತ್ತಿದೆ, ತಂದೆ ತಾಯಿಗೆ ಎನೂ ಗೊತ್ತಿಲ್ಲಾ ಎಂದು ಹೆತ್ತವರನ್ನು ಸಣ್ಣಾದಾಗಿ ಕಾಣಬೇಡಿ, ಇದಕ್ಕಾಗಿ ನಿಮ್ಮ ಹೆತ್ತವರು ಮಾಡುವ ತ್ಯಾಗವನ್ನು ಮರೆಯಬೇಡಿ’ ಎಂದು ಅವರು ಸಂದೇಶ ನೀಡಿದರು.
ಗೌರವ ಅತಿಥಿಯಾದ ಪೆÇರ್ಟ್‍ಕೇಟ್ ಎಜ್ಯುಕೇಷನ್ ಟ್ರಷ್ಟ್ ಛೇಯರ್‍ಮೇನ್ ಅಭಿನಂದನ್ ಶೆಟ್ಟಿ ಶುಭ ನುಡಿಗಳನ್ನಾಡಿದರು. ಅಧ್ಯಕ್ಷತೆ ವಹಿಸಿಕೊಂಡ ಕಥೋಲಿಕ್ ಶಿಕ್ಷಣ ಮಂಡಳಿಯ ಜಂಟಿ ಕಾರ್ಯದರ್ಶಿ ಅ|ವಂ|ಫಾ|ಸ್ಟ್ಯಾನಿ ತಾವ್ರೊ ‘ಗುಣಮಟ್ಟದ ಶಿಕ್ಷಣದ ಜೊತೆ, ಗುಣ ನಡೆತೆ ಶಿಸ್ತಿನ ಪಾತ್ರ ಮುಖ್ಯವಾದದ್ದು. ಸಮಾಜದಲ್ಲಿ ನಿಮ್ಮ ಮಕ್ಕಳಿಗೆ ಒಂದು ಉತ್ತಮ ಸ್ಥಾನ ದೊರಕಬೇಕೆಂದರೆ, ಹೆತ್ತವರ್ ಪಾತ್ರ ಮುಖ್ಯವಾಗಿದೆ. ಹಾಗೇ ಶಿಕ್ಷಕರು ಹೇಳಿದ್ದೆ ಸತ್ಯ ಅಂತಾ ವಿದ್ಯಾರ್ಥಿಗಳು ನಂಬುತ್ತಾರೆ ಹಾಗಾಗಿ ಶಿಕ್ಷಣ ಕ್ಷೇತ್ರದಲ್ಲಿ ಶಿಕ್ಷರ ಪಾತ್ರವೂ ಮಹತ್ವದದ್ದು ಹಾಗಾಗಿ ಶಿಕ್ಷಕರು ತಮ್ಮ ಪಾತ್ರವನ್ನು ಸರಿಯಾಗಿ ನಿಭಾಯಿಸಬೇಕು’ ಎಂದು ಸಂದೇಶ ನೀಡಿದರು.
ವೇದಿಕೆಯಲ್ಲಿ ಕುಂದಾಪುರ ರೋಜರಿ ಇಗರ್ಜಿಯ ಶಿಕ್ಷಣ ಸಂಸ್ಥ್ರೆಗಳ ಎಲ್ಲಾ ಮುಖ್ಯೊಪಾಧ್ಯರು, ಹಾಗೇ ಕುಂದಾಪುರ ಸಂತ ಜೋಸೆಫ್ ಕಾನ್ವೆಂಟಿನ ಮುಖ್ಯಸ್ಥೆ ಸಿಸ್ಟರ್ ವಾಯ್ಲೆಟ್ ತಾವ್ರೊ ಹಾಜರಿದ್ದು ವಿದ್ಯಾರ್ಥಿಗಳಿಗೆ ಬಹುಮಾನವನ್ನು ನೀಡಿದರು. ಶಾಲಾ ಮುಖ್ಯೊಪಾಧ್ಯಯಿನಿ ಸಿಸ್ಟರ್ ಶಾಂತಿ ತೆರೆಜ್ ವರದಿಯನ್ನು ಮುಂದಿಟ್ಟರು. ಆಟ ಪಾಠಗಳಲ್ಲಿ ಸಾಧನೆ ಮಾಡಿದ ವಿದ್ಯಾರ್ಥಿಗಳನ್ನು ಸನ್ಮಾನಿಸಲಾಯಿತು. ವಿಧ್ಯಾರ್ಥಿಗಳು ಗಾಯನ, ನ್ರತ್ಯ, ಮತ್ತು ನಾಟಕಗಳನ್ನು ಪ್ರದರ್ಶಿಸಿದರು ಹಲವಾರು ವಿದ್ಯಾರ್ಥಿಗಳು ಮತ್ತು ಅಧ್ಯಾಪಕರು ಕಾರ್ಯಕ್ರಮವನ್ನು ನಿರ್ವಹಿಸಿದರು. ಶಿಕ್ಷಕಿ ಸಿಸ್ಟರ್ ವೀಣಾ ಸ್ವಾಗತಿಸಿದರು ಶಿಕ್ಷಕಿ ರೇಣುಕಾ ವಂದಿಸಿದರು.

 

ಕ್ಲಾಸಿಕ್  ಪವರ್ ಲಿಫ್ಟರ್ ಎಶ್ಯನ್  ಛಾಂಪಿಯೆನ್ ಸತೀಶ್ ಖಾರ್ವಿ, ನಾಗಶ್ರೀಗೆ ರೊಟರ‍್ಯಾಕ್ಟ್ ಮತ್ತು ಕಲಾಮ್ರತ್ ಸಂಘದಿಂದ ಸನ್ಮಾನ

JANAUDI.COM NETWORK

 

 

ಕ್ಲಾಸಿಕ್  ಪವರ್ ಲಿಫ್ಟರ್ ಎಶ್ಯನ್  ಛಾಂಪಿಯೆನ್ ಸತೀಶ್ ಖಾರ್ವಿ, ನಾಗಶ್ರೀಗೆ ರೊಟರ‍್ಯಾಕ್ಟ್ ಮತ್ತು ಕಲಾಮ್ರತ್ ಸಂಘದಿಂದ ಸನ್ಮಾನ

 

ಕುಂದಾಪುರ, ಡಿ. 13: ಕಜಕಿಸ್ಥಾನಲ್ಲಿ ನಡೆದ ಏಶ್ಯನ್ ಕ್ಲಾಸಿಕ್ ಪವರ್ ಲಿಫ್ಟಿಂಗ್ ಛಾಂಪಿಯೆನ್ ಶಿಪ್‍ನಲ್ಲಿ ಕ್ಲಾಸಿಕ್ ಪವರ್ ಲಿಫ್ಟಿಂಗ್‍ನಲ್ಲಿ ಒವರ್ ಆಲ್ ಛಾಂಪಿಯೆನ್ ಆದ ಸತೀಶ್ ಖಾರ್ವಿ ಮತ್ತು ಅದೇ ಏಶ್ಯನ್ ಕ್ಲಾಸಿಕ್ ಪವರ್ ಲಿಫ್ಟಿಂಗ್‍ನಲ್ಲಿ ಹಲವು ಪದಕ ಗೆದ್ದ ನಾಗಶ್ರೀ ಗಣೇಶ್ ಶೇರುಗಾರ್ ಇವರನ್ನು ರೊಟರ‍್ಯಾಕ್ಟ್ ಕುಂದಾಪುರ ದಕ್ಷಿಣ ಮತ್ತು ಕಲಾಮ್ರತ್ ಸಾಂಸ್ಕ್ರತಿಕ ಸಂಘದಿಂದ ಹಕ್ರ್ಯುಲಸ್ ಜಿಮನಲ್ಲಿ ಸನ್ಮಾನ ಫಲ ಪುಷ್ಪ ನೀಡಿ ಹಾರ ಶಾಲು ಹಾಕಿ ಸನ್ಮಾನಗೊಳಿಸಲಾಯಿತು.

ಲಿಫ್ಟರ್ ಸತೀಶ್ ಕಜಕಿಸ್ಥಾನದಲ್ಲಿ ಮಾಸ್ಟರ್ 1 ರ, 40-50 ವಯೋಮಾನದ 66 ಕೆ.ಜಿ. ವಿಭಾಗದಲ್ಲಿ ಸ್ಕಾವ್ಯಾಟ್ ನಲ್ಲಿ ಚಿನ್ನ, ಬೆಂಚ್ ಪ್ರೆಸ್‍ನಲ್ಲಿ ಬೆಳ್ಳಿ, ಡೆಡ್ ಲಿಫ್ಟ್‍ನಲ್ಲಿ ಚಿನ್ನ ಗಳಿಸಿ ಕೂಟದ ಈ ವಿಭಾಗದಲ್ಲಿ ಹೆಚ್ಚು ಅಂಕ ಪಡೆದು ಮತ್ತೊಂದು ಚಿನ್ನದ ಪದಕೆ ಪಡೆದು ಛಾಂಪಿಯೆನ್ ಶಿಪನ್ನು ತನ್ನದಾಗಿಸಿಕೊಂಡಿದ್ದಾರೆ. ಸತೀಶ್ ಖಾರ್ವಿ ಕುಂದಾಪುರದವರಾಗಿದು ಹಕ್ರ್ಯುಲಸ್ ಜಿಮ್ಮ್‍ನ ವ್ಯವಸ್ಥಾಪಕರಾಗಿದ್ದಾರೆ ನಾಗಶ್ರೀ 18 ರ ಒಳಗಿನ ವಯೊಮಾನ. 63 ಕೆ.ಜಿ. ಜೂನಿಯರ್ ವಿಭಾಗದಲ್ಲಿ ಕ್ಲಾಸಿಕ್ ಪವರ್ ಲಿಫ್ಟ್‍ನ ಸ್ಕ್ವ್ಯಾಟ್ ನಲ್ಲಿ, ಬೆಂಚ್ ಪ್ರೆಸ್‍ನಲ್ಲಿ ಬೆಳ್ಳಿ, ಡೆಡ್ ಲಿಫ್ಟ್ ನಲ್ಲಿ ಚಿನ್ನದ ಪದಕ ಗೆದ್ದು ಒವರ್ ಆಲ್ ನಲ್ಲಿ ಬೆಳ್ಳಿ ಪದಕ ಗೆದಿದ್ದಾರೆ. ಇವರು ಕುಂದಾಪುರ ಉಪ್ಪಿನಕುದ್ರಿನವರಾಗಿದ್ದು ಆಳ್ವಾಸ್ ಕಾಲೇಜಿನ್ ವಿದ್ಯಾರ್ಥಿಯಾಗಿದ್ದಾರೆ ಅವರಿಗೆ ಆಳ್ವಾಸ್ ಕಾಲೇಜಿನ ಪ್ರಮೋದ್ ಕುಮಾರ್ ಶೆಟ್ಟಿ ಕೋಚಿಂಗ್ ನೀಡಿದ್ದರು

‘ನೀವು ಕುಂದಾಪುರ ಮಣ್ಣಿನ ಸುವಾಸನೆಯನ್ನು ವಿಶ್ವ ಮಟ್ಟಕ್ಕೆ ತಲುಪಿಸಿದ್ದಿರಿ, ನಿಮ್ಮ ಸಾಧನೆಯಿಂದ ನಮ್ಮ ಊರಿಗೆ ಜಿಲ್ಲೆಗೆ ರಾಜ್ಯಕ್ಕೆ ಅಲ್ಲದೆ ರಾಶ್ಠ್ರಕ್ಕೆ ಕೀರ್ತಿ ತಂದು ಕೊಟ್ಟಿದ್ದಿರಿ, ಹ್ರದಯಾದಾಳಂತರದಿಂದ ಅಭಿನಂದಿಸುವುದರ ಜೊತೆಗೆ, ಇನ್ನೂ ಕೂಡ ಹೆಚ್ಚಿನ ಸಾಧನೆ ಮಾಡಿ ರಾಶ್ಠ್ರಕ್ಕೆ ಕೀರ್ತಿ ತಂದುಕೊಡಿ’ ಎಂದು ಸನ್ಮಾನ ಮಾಡಿದ ಕಲಾಮ್ರತ್ ಸಾಂಸ್ಕ್ರತಿಕ ಸಂಘದ ಅಧ್ಯಕ್ಷ ಪತ್ರಕರ್ತ ಸಾಹಿತಿ ಬರ್ನಾಡ್ ಜೇ,ಕೋಸ್ತಾ ನುಡಿದರು. ಈ ಸನ್ಮಾನ ಕಾರ್ಯದಲ್ಲಿ , ರೊಟರ‍್ಯಾಕ್ಟ್ ಅಧ್ಯಕ್ಷ ಆಲ್ಡ್ರಿನ್ ಡಿಸೋಜಾ, ಪುರಸಭೆ ಸದಸ್ಯ ಗಿರೀಶ್ ಜಿ.ಕೆ.  ಪಾಲ್ಗೊಂಡು ಶುಭ ನುಡಿಗಳನ್ನಾಡಿದರು. ಸತೀಶ್ ಖಾರ್ವಿ ಮತ್ತು ನಾಗಶ್ರೀಗೆ ವಿಶೇಷ ತರಬೇತಿ ನೀಡಿದ ಕೋಚ್ ಜಿ.ವಿ.ಅಶೋಕ್ ಕೆನರಾ ಬ್ಯಾಂಕ್ ನೆರಳಕಟ್ಟೆ ಇವರು ‘ಇವರುಗಳು ಛಲ ಸತತ ಪ್ರಯತ್ನದಿಂದ ಈ ಸಾಧನೆ ಮಾಡಿದ್ದಾರೆಂದು’ ಹೇಳಿದರು.

ಕಾರ್ಯಕ್ರಮವನ್ನು ಹಮ್ಮಿಕೊಂಡಿದ್ದ ರೊಟರ‍್ಯಾಕ್ಟ್ ಸದಸ್ಯರಾದ ವಿಲ್ಬನ್, ಅಂಜಲಿ ಕೆ. ಕಲಾಮ್ರತ್ ಸಾಂಸ್ಕ್ರತಿಕ ಸಂಘದ ಪಾಸ್ಕಲ್ ಡಿಸೋಜಾ, ದಾಮನ್ ಡಿಮೆಲ್ಲೊ, ಜಿಮ್ಮ್‍ನ ಎಲ್ಲಾ ಸದಸ್ಯರು ಮತ್ತು ಇತರರು ಭಾಗವಹಿಸಿದರು. ಲಿಫ್ಟರ್ ಸತೀಶ ವಂದನೆಗಳನ್ನು ಸಲ್ಲಿಸಿದರು. 

 

ಕುಂದಾಪುರ: ಮಂಗಳೂರು ವಿಶ್ವವಿದ್ಯಾನಿಲಯ 2019ರ ಏಪ್ರಿಲ್‍ನಲ್ಲಿ ನಡೆಸಿದ ಅ0ತಿಮ ಪದವಿ ಪರೀಕ್ಷೆಯಲ್ಲಿ ಇಲ್ಲಿನ ಭಂಡಾರ್ಕಾರ್ಸ್ ಕಾಲೇಜಿಗೆ ಏಳು ರ್ಯಾಂಕ್‍ಗಳು ಬಂದಿವೆ.

JANANUDI.COM NETWORK

 

ಕುಂದಾಪುರ: ಮಂಗಳೂರು ವಿಶ್ವವಿದ್ಯಾನಿಲಯ 2019ರ ಏಪ್ರಿಲ್‍ನಲ್ಲಿ ನಡೆಸಿದ ಅ0ತಿಮ ಪದವಿ ಪರೀಕ್ಷೆಯಲ್ಲಿ ಇಲ್ಲಿನ ಭಂಡಾರ್ಕಾರ್ಸ್ ಕಾಲೇಜಿಗೆ ಏಳು ರ್ಯಾಂಕ್‍ಗಳು ಬಂದಿವೆ.

SAHANA – BSC 3RD RANK

A AMBIKA RAO, BA 7TH RANK

 PRATHWIK S BANGERA – BCA 4TH RANK

 SHETTY PRIYANKA – BBA 6TH RANK

 SWATHI – BCA 8TH RANK

RAMYA – BCA 9TH RANK

SUJAN – BCA 10TH RANK

ಕಾಲೇಜಿನ ಬಿ.ಸಿ.ಎ ಪದವಿಯಲ್ಲಿ ನಾಲ್ಕು ರ್ಯಾಂಕ್‍ಗಳು, ಮತ್ತು ಬಿ.ಎಸ್.ಸಿ, ಬಿ.ಬಿ.ಎ ಮತ್ತು ಬಿ.ಎ ಪದವಿಗೆ ತಲಾ ಒಂದು ರ್ಯಾಂಕ್‍ಗಳು ಬಂದಿವೆ.
ಕಾಲೇಜಿನ ಬಿ.ಎಸ್.ಸಿ. ಪದವಿಯಲ್ಲಿ 3ನೇ ರ್ಯಾಂಕ್ ಪಡೆದು ಕಾಲೇಜಿಗೆ ಮತ್ತು ಊರಿಗೆ ಕೀರ್ತಿ ತಂದಿರುವ ಸಹನಾ ಅವರು ಕುಂದಾಪುರದ ಬೀಜಾಡಿ ಗ್ರಾಮದ ನಾರಾಯಣ ದೇವಾಡಿಗ ಅವರ ಪುತ್ರಿಯಾಗಿದ್ದಾರೆ.
ಕಾಲೇಜಿನ ಬಿ.ಸಿ.ಎ ಪದವಿಯಲ್ಲಿ ಕುಂದಾಪುರದ ವಡೆರಹೋಬಳಿಯ ಸುರೇಶ.ಬಿ.ಬಂಗೇರ ಮತ್ತು ಪಾರ್ವತಿ ದಂಪತಿಗಳ ಪುತ್ರ ಪ್ರತ್ವಿಕ್ ಎಸ್.ಬಂಗೇರ ಅವರಿಗೆ ನಾಲ್ಕನೇ ರ್ಯಾಂಕ್, ಮೇಲ್‍ಹೊಸೂರು ಗ್ರಾಮದ ಚಂದ್ರಶೇಖರ ಅವರ ಪುತ್ರಿ ಸ್ವಾತಿಯವರಿಗೆ ಎಂಟನೇ ರ್ಯಾಂಕ್, ಚಿತ್ತೂರು ಗ್ರಾಮದ ನಾರಾಯಣ ಶೆಟ್ಟಿ ಮತ್ತು ರುದ್ರಮ್ಮ ದಂಪತಿಯ ಪುತ್ರಿ ರಮ್ಯ ಅವರಿಗೆ ಒಂಬತ್ತನೇ ರ್ಯಾಂಕ್, ಮತ್ತು ಆಲೂರು ಗ್ರಾಮದ ಭಾಸ್ಕರ ಅವರ ಪುತ್ರ ಸುಜನ್ ಅವರಿಗೆ 10ನೇ ರ್ಯಾಂಕ್ ಬಂದಿವೆ.
ಕಾಲೇಜಿನ ಬಿ.ಬಿ.ಎ ಪದವಿಯಲ್ಲಿ ಕುಂದಾಪುರದ ಕೆದೂರು ಗ್ರಾಮದ ಶಂಕರ ಶೆಟ್ಟಿ ಅವರಪುತ್ರಿ ಶೆಟ್ಟಿ ಪ್ರಿಯಾಂಕ ಶಂಕರ ಅವರುಆರನೇ ರ್ಯಾಂಕ್ ಪಡೆದಿದ್ದಾರೆ.
ಕಾಲೇಜಿನ ಬಿ.ಎ ಪದವಿಯಲ್ಲಿ ಬ್ರಹ್ಮಾವರದ ಹತ್ತಿರದ ಆರೂರು ಗ್ರಾಮದ ಆನಂದ ರಾವ್‍ರ ಪುತ್ರಿ ಎ.ಅಂಬಿಕಾ ರಾವ್‍ಅವರುಏಳನೇ ರ್ಯಾಂಕ್ ಪಡೆದಿದ್ದಾರೆ.
ಅವರೆಲ್ಲರಿ ಗೂ ಕಾಲೇಜಿನ ಆಡಳಿತ ಮಂಡಳಿ ಮತ್ತು ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳು ಅಭಿನಂದನೆಗಳನ್ನು ತಿಳಿಸಿದ್ದಾರೆ ಎಂದು ಕಾಲೇಜಿನ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಶ್ರೀನಿವಾಸಪುರದ ತಾಲ್ಲೂಕು ಕಚೇರಿ ಮುಂದೆ, ಅರಣ್ಯ ಇಲಾಖೆ ಅಧಿಕಾರಿಗಳು ಅಕ್ರಮವಗಿ ರೈತರ ಜಮೀನು ವಶ: ಕರ್ನಾಟಕ ಪ್ರಾಂತ ರೈತ ಸಂಘದ ತಾಲ್ಲೂಕು ಘಟಕದ ಕಾರ್ಯಕರ್ತರು ರೈತರು ಪ್ರತಿಭಟನೆ.

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ
ಶ್ರೀನಿವಾಸಪುರದ ತಾಲ್ಲೂಕು ಕಚೇರಿ ಮುಂದೆ, ಅರಣ್ಯ ಇಲಾಖೆ ಅಧಿಕಾರಿಗಳು ಅಕ್ರಮವಗಿ ರೈತರ ಜಮೀನು ವಶ: ಕರ್ನಾಟಕ ಪ್ರಾಂತ ರೈತ ಸಂಘದ ತಾಲ್ಲೂಕು ಘಟಕದ ಕಾರ್ಯಕರ್ತರು ರೈತರು ಪ್ರತಿಭಟನೆ.
ಶ್ರೀನಿವಾಸಪುರ: ಅರಣ್ಯ ಇಲಾಖೆ ಅಧಿಕಾರಿಗಳು ಅಕ್ರಮವಗಿ ರೈತರ ಜಮೀನು ವಶಪಡಿಸಿಕೊಳ್ಳುತ್ತಿದ್ದಾರೆ ಎಂದು ಆರೋಪಿಸಿ, ಕರ್ನಾಟಕ ಪ್ರಾಂತ ರೈತ ಸಂಘದ ತಾಲ್ಲೂಕು ಘಟಕದ ಕಾರ್ಯಕರ್ತರು ತಾಲ್ಲೂಕು ಕಚೇರಿ ಮುಂದೆ ಪ್ರತಿಭಟನೆ ನಡೆಸಿದರು.
  ಕರ್ನಾಟಕ ಪ್ರಾಂತ ರೈತ ಸಂಘದ ತಾಲ್ಲೂಕು ಘಟಕದ ಅಧ್ಯಕ್ಷ ಪಾತಕೋಟ ನವೀನ್‌ ಕುಮಾರ್‌ ಪ್ರತಿಭಟನೆ ನರತರನ್ನು ಉದ್ದೇಶಿಸಿ ಮಾತನಾಡಿ, ರಾಯಲ್ಪಾಡು ಹೋಬಳಿಗೆ ಸೇರಿದ ರಾಯಲ್ಪಾಡು ಗ್ರಾಮದ ಸರ್ವೆ ನಂ.169 ಮತ್ತು 270, ಕಂಡ್ಲೇವಾರಿಪಲ್ಲಿ ಗ್ರಾಮದ ಸರ್ವೆ ನಂ.141 ಯಂಡಗುಟ್ಟಪಲ್ಲಿ ಗ್ರಾಮದ ಸರ್ವೆ ನಂ.15, ಮದರಂಕಪಲ್ಲಿ ಗ್ರಾಮದ ಸರ್ವೆ ನಂ. 47 ರಲ್ಲಿ ರೈತರು ಕೃಷಿ ಮಾಡುತ್ತಿದ್ದಾರೆ. ಆದರೆ ಅರಣ್ಯ ಇಲಾಖೆ ಅಧಿಕಾರಿಗಳು ಅಕ್ರಮವಾಗಿ ಜಮೀನು ಪ್ರವೇಶಿಸಿ ಚೆಕ್ಕು ಬಂದಿ ನಿರ್ಮಿಸುತ್ತಿದ್ದಾರೆ ಎಂದು ಹೇಳಿದರು.
  ರೈತರು ಸದರಿ ಜಮೀನಲ್ಲಿ ಸುಮಾರು ನಾಲ್ಕೈದು ದಶಕಗಳಿಂದ ಅಬಾಧಿತವಾಗಿ ಕೃಷಿ ಮಾಡುತ್ತಿದ್ದಾರೆ. ರೈತರ ಹೆಸರಲ್ಲಿ ಸಾಗುವಳಿ ಚೀಟಿ, ಪಹಣಿ, ಇಸಿ, ಮುಟೇಷನ್‌ ಸೇರಿದಂತೆ ಎಲ್ಲ ದಾಖಲೆಗಳೂ ಇವೆ. ಈಗಾಗಲೇ ಇಲ್ಲಿನ ರೈತರು ಕೃಷಿ ಹಾಗೂ ತೋಟಗಾರಿಕೆ ಇಲಾಖೆ ಸೌಲಭ್ಯ ಪಡೆಯುತ್ತಿದ್ದಾರೆ. ವಿದ್ಯುತ್‌ ಸಂಪರ್ಕ ನೀಡಲಾಗಿದೆ. ಬ್ಯಾಕ್‌ ಸಾಲ ಪಡೆಯಲಾಗಿದೆ. ಇಷ್ಟಾದರೂ ಸಂಬಂಧಪಟ್ಟ ರೈತರ ಗಮನಕ್ಕೆ ತರದೆ ಜಮೀನಿಗೆ ಹದ್ದುಬಸ್ತು ನಿರ್ಮಿಸಲಾಗಿದೆ ಎಂದು ಹೇಳಿದರು.
  ಬೆಂಗಳೂರು – ಕಡಪ ರಸ್ತೆ ಅಭಿವೃದ್ಧಿ ಪಡಿಸಲು, ಅಂತರ ರಾಜ್ಯ ರಸ್ತೆ ಅಭಿವೃದ್ಧಿ ಅಧಿಕಾರಿಗಳು ರೈತರೊಂದಿಗೆ ಚರ್ಚಿಸಲು ಬಂದಾಗ, ಅರಣ್ಯ ಇಲಾಖೆ ಅಧಿಕಾರಿಗಳು ಮಧ್ಯ ಪ್ರವೇಶಿಸಿ, ಆ ಜಮೀನಿಗೂ ರೈತರಿಗು ಸಂಬಂಧವಿಲ್ಲ ಎಂದು ಹೇಳುವುದರ ಮೂಲಕ ರೈತರ ಮೇಲೆ ದೌರ್ಜನ್ಯ ನಡೆಸಿದ್ದಾರೆ ಎಂದು ದೂರಿದರು.
  ತಾಲ್ಲೂಕಿನ ತಹಶೀಲ್ದಾರರು, ರಾಜ್ಯ ಅರಣ್ಯ ಇಲಾಖೆ ಅಧಿಕಾರಿಗಳು, ರೈತ ಸಂಘದ ಮುಖಂಡರು ಹಾಗೂ ರೈತರ ಸಭೆ ಕರೆಯಬೇಕು. ರೈತರಿಗೆ ನ್ಯಾಯ ಒದಗಿಸಬೇಕು ಎಂದು ಮನವಿ ಮಾಡಿದರು.
  ಈ ಸಂದರ್ಭದಲ್ಲಿ ತಮ್ಮ ಬೇಡಿಕೆಗಳನ್ನು ಒಳಗೊಂಡ ಮನವಿ ಪತ್ರವನ್ನು ತಹಶೀಲ್ದಾರ್ ಕೆ.ಎನ್‌.ಸುಜಾತ ಅವರಿಗೆ ನೀಡಿದರು.
  ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿ ಎಸ್‌.ಆನಂದ್‌, ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾಧ್ಯಕ್ಷ ಪಿ.ಆರ್‌.ಸೂರ್ಯನಾರಾಯಣ, ತಾಲ್ಲೂಕು ಘಟಕದ ಕಾರ್ಯದರ್ಶಿ ಎಸ್‌.ಎಂ.ನಾಗರಾಜ್‌, ಉಪಾಧ್ಯಕ್ಷರಾದ ಆರ್‌.ವೆಂಕಟೇಶ್‌, ನಂಜುಂಡಪ್ಪ, ಸಹ ಕಾರ್ಯದರ್ಶಿ ಬಿ.ಎ.ಸೈಯದ್ ಫಾರೂಕ್‌, ಮಖಂಡರಾದ
ನಾಗರಾಜ್‌, ನಾಗರಾಜರೆಡ್ಡಿ, ನರಸಿಂಹಮೂರ್ತಿ, ಅಲ್ಲಾಬಕಾಶ್‌, ವಿಶ್ವನಾಥರೆಡ್ಡಿ,  ಮೋಹನ್‌ ಬಾಬು, ಸಿ.ವಿ.ಸುದಾಕರೆಡ್ಡಿ, ಸಿ.ಎನ್.ಸುಬ್ಬುಕೃಷ್ಣ, ನಾಗರಾಜಪ್ಪ, ಜಿ.ವಿ.ಲಕ್ಷ್ಮೀಪತಿ ನಾಯಕ್‌, ನಾರಾಯಣರೆಡ್ಡಿ, ಎ.ಎಸ್‌.ಇಂದ್ರಾಣಿ, ಓಬನ್ನ, ಷಾನವಾಜ್‌, ರೆಡ್ಡಪ್ಪ ಇದ್ದರು. 

ಕೋಲಾರದಲ್ಲಿ ಮರಕ್ಕೆ ವಿಷವಿಟ್ಟುಕೊಲ್ಲುವ ಪ್ರಯತ್ನದ ಪ್ರಕರಣ ವರ್ಷವಾಗಿದ್ದರೂ, ಎಫ್.ಐ.ಆರ್ ದಾಖಲಿಸುವ ಶಾಸ್ತ್ರ ಮಾತ್ರ ಇನ್ನಾವುದೇ ಕ್ರಮಗೊಳ್ಳದಿರುವುದು ಅರಣ್ಯ ಇಲಾಖೆಯ ನಿರ್ಲಕ್ಷ್ಯ

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

 

 

ಕೋಲಾರದಲ್ಲಿ ಮರಕ್ಕೆ ವಿಷವಿಟ್ಟುಕೊಲ್ಲುವ ಪ್ರಯತ್ನದ ಪ್ರಕರಣ ವರ್ಷವಾಗಿದ್ದರೂ, ಎಫ್.ಐ.ಆರ್ ದಾಖಲಿಸುವ ಶಾಸ್ತ್ರ ಮಾತ್ರ ಇನ್ನಾವುದೇ ಕ್ರಮಗೊಳ್ಳದಿರುವುದು ಅರಣ್ಯ ಇಲಾಖೆಯ ನಿರ್ಲಕ್ಷ್ಯ

 

 

ಕೋಲಾರ:ನಗರದಲ್ಲಿ ನಡೆದಿದ್ದ ಮರಕ್ಕೆ ವಿಷವಿಟ್ಟುಕೊಲ್ಲುವ ಪ್ರಯತ್ನದ ಪ್ರಕರಣಕ್ಕೆ ಇದೀಗ ಒಂದು ವರ್ಷವಾಗಿದ್ದರೂ, ಎಫ್.ಐ.ಆರ್ ದಾಖಲಿಸುವ ಶಾಸ್ತ್ರಆಗಿದ್ದು ಬಿಟ್ಟರೆ, ಬೇರೆ ಯಾವುದೇ ರೀತಿಯ ಕ್ರಮ ಕೈಗೊಳ್ಳುವ ಕಾರ್ಯ ಆಗದಿರುವುದು ಅರಣ್ಯ ಇಲಾಖೆಯ ನಿರ್ಲಕ್ಷ್ಯಎದ್ದುಕಾಣುತ್ತಿದೆ.

ನಗರದ ಗೌರಿಪೇಟೆಯ 5 ನೇ ರಸ್ತೆಯಲ್ಲಿರುವ ಗುಲ್‍ಮೋಹೋರ್ ಮರದ ಬುಡಕ್ಕೆ ರಾಸಾಯನಿಕ-ವಿಷ ಪ್ರಾಶಾನ ಮಾಡುವ ಮೂಲಕ ಮರಗಳನ್ನು ಒಣಗುವಂತೆ ಮಾಡಿ ನಾಶಪಡಿಸುವ ಹೀನಾಯ ಕೃತ್ಯ ನಡೆದಿತ್ತು.
ಮರದ ಎಲೆಗಳು ಉದುರಿ ಕಸವಾಗುತ್ತದೆ ಎಂಬುವುದಕ್ಕೊ? ಇಲ್ಲವೇ ತಮ್ಮ ಮನೆಯ ಕೃತಕ ಅಲಂಕಾರಕ್ಕೆ ಅಡ್ಡಿಯಾಗುತ್ತದೊ? ಎಂಬ ಕಾರಣಕ್ಕೊ ತಿಳಿಯದಾಗಿದೆ. ಇಲ್ಲಿನ ಮರದ ಬುಡದಲ್ಲಿ ಗಡಾರಿ ಮೂಲಕ ರಂದ್ರಗಳನ್ನು ಮಾಡಿ ಅದರಲ್ಲಿ ಕಳೆನಾಶಕ ವಿಷಮಿಶ್ರಿತ ರಾಸಾಯನಿಕ ಹಾಗೂ ಇದರೊಂದಿU ÉರಾಸಾಯನಿP Àಗೊಬ್ಬರವಾದ ಅತಿಹೆಚ್ಚು ಯೂರಿಯ ಮಿಶ್ರಿತ ನೀರನ್ನು ರಂದ್ರಗಳು ಹಾಗೂ ಬುಡದಲ್ಲಿ ಹಾಕಲಾಗಿತ್ತು.
ವಿಷಮಿಶ್ರಿತ ಕಳೆನಾಶಕ ರಾಸಾಯನಿಕ ಹಾಗೂ ಯೂರಿಯ ಮಿಶ್ರಿತ ದ್ರಾವಣವನ್ನು ಮರದ ಬೇರುಗಳು ಸಹಜವಾಗಿಯೆ ಹೀರಿಸಿ ಕೊಳ್ಳುವುದರಿಂದ, ಮರಕ್ಕೆ ರಾಸಾಯನಿಕ ಹರಡಿ ಮರದ ಜೀವಂತಿಕೆಯನ್ನು ಹಾಳುಮಾಡುವ ಮೂಲಕ ಮರ ಬಾಡಿಒಣಗುವಂತೆ ಮಾಡಲಾಗಿತ್ತು.
ಮರಕ್ಕೆ ವಿಷವಿಟ್ಟ ಪ್ರಕರಣ ಪತ್ರಿಕೆಗಳಲ್ಲಿ ಚಿತ್ರ ಸಮೇತ ಸುದ್ದಿ ಬಂದಾಗ, ಅರಣ್ಯಇಲಾಖೆಯ ಅಧಿಕಾರಿಗಳ ಗಮನಕ್ಕೆ ಬಂದ ಮೇರೆಗೆ ಅರಣ್ಯ ಇಲಾಖೆಯ ಅರಣ್ಯ ರಕ್ಷಕ ಲೋಕೇಶ್‍ಅವರು ಸ್ಥಳಕ್ಕೆ ಆಗಮಿಸಿ, ಮರದ ಬುಡ ಪರಿಶೀಲಿಸಿ ಮಹಜರು ಮಾಡಿಕೊಂಡ ವರದಿಯಂತೆ ಎಫ್.ಐ.ಆರ್ ದಾಖಲಿಸಿ ನ್ಯಾಯಾಲಯಕ್ಕೆ ಸಲ್ಲಿಸಿದ್ದರು.
ಈ ಒಂದುಕಾರ್ಯಆಗಿದ್ದು ಬಿಟ್ಟರೆ ಹೀಗೆ ಒಂದು ವರ್ಷವಾದರೂ ಸಹ ಆರೋಪಿಯ ವಿಚಾರಣೆ, ವಶ, ದಂಡ, ಗಿಡಗಳನ್ನು ನೆಡಿಸುವ ಇಲ್ಲವೇÀ ಇಲಾಖೆಯ ಅಧಿಕಾರದ ವ್ಯಾಪ್ತಿಯಲ್ಲಿ ಕೈಗೊಳ್ಳಬೇಕಾದ ಯಾವುದೇರೀತಿಯ, ಕ್ರಮಗಳನ್ನು ಕೈಗೊಳ್ಳದಿರುವುದು ಅಧಿಕಾರಿಗಳ ಬೇಜಾಬ್ದಾರಿತನಕ್ಕೆ ಹಿಡಿದ ಕೈಗನ್ನಡಿಯಾಗಿದೆ.
ಈ ಬಗ್ಗೆ ವಿಚಾರಿಸಲು ಉಪ ಅರಣ್ಯ ಸಂರಕ್ಷಕ (ಡಿ.ಸಿ.ಎಫ್) ಚಕ್ರಪಾಣಿ, ವಲಯ ಅರಣ್ಯ ಸಂರಕ್ಷಕ ಸುರೇಶ್‍ಬಾಬು ಅವರಿಂದ ಸಮರ್ಪಕ ಉತ್ತರ ಹಾಗೂ ಸೂಕ್ತಕ್ರಮದ ಬಗ್ಗೆ ಮಾಹಿತಿ ಸಿಗಲಿಲ್ಲ. ಇನ್ನಾದರೂ ಪ್ರಕರಣದ ಮುಂದಿನ ಕ್ರಮಗಳ ಬಗ್ಗೆ ಕ್ರಮ ಕೈಗೊಳ್ಳುತ್ತಾರೋ…? ಇಲ್ಲವೇ ಕೈ ಬಿಡುತ್ತಾರೋ…? ಕಾದು ನೋಡಬೇಕಿದೆ.

ಸರ್ಕಾರಿ ನೌಕರರು ಕ್ರೀಡಾಕೂಟದಲ್ಲಿ ಭಾಗವಹಿಸಲು ಕರೆ

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

 

ಸರ್ಕಾರಿ ನೌಕರರು ಕ್ರೀಡಾಕೂಟದಲ್ಲಿ ಭಾಗವಹಿಸಲು ಕರೆ

 

 

ಕೋಲಾರ ಡಿ.10 : ಜಿಲ್ಲಾ ಸರ್ಕಾರಿ ನೌಕರರ ಕ್ರೀಡಾಕೂಟವು ನಗರದ ವಿಶ್ವೇಶ್ವರಯ್ಯ ಕ್ರೀಡಾಂಗಣದಲ್ಲಿ ಡಿಸೆಂಬರ್ 20 ಮತ್ತು 21 ರಂದು ನಡೆಯಲಿದ್ದು, ಕ್ರೀಡಾ ಸ್ಪರ್ಧೆಗಳಲ್ಲಿ ಸ್ಪರ್ಧಾ ಮನೋಭಾವದಿಂದ ಸರ್ಕಾರಿ ನೌಕರರು ಭಾಗವಹಿಸಬೇಕು ಎಂದು ಜಿಲ್ಲಾ ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ಕೆ.ಬಿ. ಅಶೋಕ್ ತಿಳಿಸಿದರು.
ನೌಕರರ ಭವನದಲ್ಲಿಂದು ನಡೆದ ಸಭೆಯಲ್ಲಿ ಅರಣ್ಯ ಇಲಾಖೆಯ ಕಾರ್ಯಕಾರಿ ಸಮಿತಿ ಸದಸ್ಯರಾದ ಬಿ. ಮಂಜುನಾಥ್ ರವರನ್ನು ಜಿಲ್ಲಾ ಉಪಾಧ್ಯಕ್ಷರನ್ನಾಗಿ ನೇಮಕ ಪತ್ರ ನೀಡಿ ಅವರು ಮಾತನಾಡಿದರು.
ಕ್ರೀಡಾ ಕೂಟದಲ್ಲಿ ಭಾಗವಹಿಸಲಿರುವ ಕ್ರೀಡಾಪಟುಗಳು ಇಲಾಖೆಯ ಮುಖ್ಯಸ್ಥರಿಂದ ಅಧಿಕೃತ ಗುರುತಿನ ಚೀಟಿ ಸಲ್ಲಿಸಿ ಭಾಗವಹಿಸಬೇಕು. ಜಿಲ್ಲೆಯ ಎಲ್ಲಾ ಇಲಾಖೆಗಳ ಸರ್ಕಾರಿ ನೌಕರರು ಭಾಗವಹಿಸುವ ಮೂಲಕ ಕ್ರೀಡಾಕೂಟವನ್ನು ಯಶಸ್ವಿಗೊಳಿಸುವಂತೆ ಅವರು ಮನವಿ ಮಾಡಿದರು.
ಸರ್ಕಾರಿ ನೌಕರರ ಸಂಘದ ಕಾರ್ಯಕಾರಿ ಸಮಿತಿ ಸದಸ್ಯರು ಸಂಘದ ಸಭೆಗಳಲ್ಲಿ ಕಡ್ಡಾಯವಾಗಿ ಭಾಗವಹಿಸಿ ಸಲಹೆ ಸೂಚನೆ ನೀಡಬೇಕು. ಸಂಘದ ಇತಿಮಿತಿಯಲ್ಲಿ ಕಾರ್ಯನಿರ್ವಹಿಸುವಂತಾಗಬೇಕು. ಸಂಘ ವಿರೋಧಿ ಚಟುವಟಿಕೆಗಳಲ್ಲಿ ತೊಡಗಿದರೆ ಕ್ರಮ ಜರುಗಿಸಲಾಗುವುದು ಎಂದು ಎಚ್ಚರಿಸಿದರು.
ಈ ಸಭೆಯಲ್ಲಿ ಗೌರವಾಧ್ಯಕ್ಷ ಆರ್. ಅನಿಲ್ ಕುಮಾರ್, ಉಪಾಧ್ಯಕ್ಷರುಗಳಾದ ಎಸ್.ನಂದೀಶ್ ಕುಮಾರ್, ಜಿ. ಶ್ರೀನಿವಾಸ್, ಕಾರ್ಯದರ್ಶಿ ವಿ. ಮುರಳಿಮೋಹನ್, ಆಂತರಿಕ ಲೆಕ್ಕಪರಿಶೋಧಕ ಅನಿಲ್, ಕಾರ್ಯಕಾರಿ ಸಮಿತಿ ಸದಸ್ಯ ಬಿ.ಆನಂದ್, ಶಿಕ್ಷಕರ ಸಂಘದ ತಾಲ್ಲೂಕು ಕಾರ್ಯದರ್ಶಿ ಸಿ.ನಾರಾಯಣಸ್ವಾಮಿ ಮತ್ತಿತರರು ಉಪಸ್ಥಿತರಿದ್ದರು.

ಶ್ರೀನಿವಾಸಪುರ ತಾಲ್ಲೂಕಿನ ದಳಸನೂರು ಗ್ರಾಮದಲ್ಲಿ ಡಿಸಿಸಿ ಬ್ಯಾಂಕ್‌ ವತಿಯಿಂದ ಏರ್ಪಡಿಸಿದ್ದ ಸಾಲ ವಿತರಣಾ ಸಮಾರಂಭವನ್ನು ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ಉದ್ಘಾಟಿಸಿದರು.

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ಶ್ರೀನಿವಾಸಪುರ ತಾಲ್ಲೂಕಿನ ದಳಸನೂರು ಗ್ರಾಮದಲ್ಲಿ ಡಿಸಿಸಿ ಬ್ಯಾಂಕ್‌ ವತಿಯಿಂದ ಏರ್ಪಡಿಸಿದ್ದ ಸಾಲ ವಿತರಣಾ ಸಮಾರಂಭವನ್ನು ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ಉದ್ಘಾಟಿಸಿದರು.

 

ಶ್ರೀನಿವಾಸಪುರ: ಫಲಾನುಭವಿಗಳು, ಸಮಯಕ್ಕೆ ಸರಿಯಾಗಿ ಸಾಲ ಮರುಪಾವತಿ ಮಾಡುವುದರ ಮೂಲಕ ಬ್ಯಾಂಕ್‌ ಅಭಿವೃದ್ಧಿಗೆ ಸಹಕರಿಸಬೇಕು ಎಂದು ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ಹೇಳಿದರು.
  ತಾಲ್ಲೂಕಿನ ದಳಸನೂರು ಗ್ರಾಮದಲ್ಲಿ ಡಿಸಿಸಿ ಬ್ಯಾಂಕ್‌ ವತಿಯಿಂದ ಏರ್ಪಡಿಸಿದ್ದ ಸಾಲವಿತರಣಾ ಸಮಾರಂಭ ಉದ್ಘಾಟಿಸಿ ಮಾತನಾಡಿ, ಲೇವಾದೇವಿಗಾರರ ಶೋಷಣೆಯಿಂದ ಮಹಿಳೆಯರನ್ನು ಮುಕ್ತಗೊಳಿಸುವ ಉದ್ದೇಶದಿಂದ ಬಡ್ಡಿ ರಹಿತ ಸಾಲ ನೀಡುವ ವ್ಯವಸ್ಥೆ ತರಲಾಯಿತು ಎಂದು ಹೇಳಿದರು.
  ‘ಸ್ತ್ರೀ ಶಕ್ತಿ ಸಂಘದ ಸದಸ್ಯರಿಗೆ ತಲಾ ರೂ.50 ಸಾವಿರ ಬಡ್ಡಿ ರಹಿತ ಸಾಲ ನೀಡಲಾಗುತ್ತಿದೆ. ರೂ.1 ಲಕ್ಷ ನೀಡುವ ಉದ್ದೇಶ ಇತ್ತಾದರೂ, ಸರ್ಕಾರ ಬದಲಾದ ಪರಿಣಾಮವಾಗಿ ಅದು ಸಾಧ್ಯವಾಗಲಿಲ್ಲ. ಮುಂದೆ ರಾಜ್ಯ ಅಥವಾ ಕೇಂದ್ರದಲ್ಲಿ ನನಗೆ ಅವಕಾಶ ಸಿಕ್ಕಿದಲ್ಲಿ ಉದ್ದೇಶಿತ ಸಾಲದ ಮೊತ್ತವನ್ನು ನೀಡಲಾಗುವುದು’ ಎಂದು ಹೇಳಿದರು.
    ಡಿಸಿಸಿ ಬ್ಯಾಂಕ್‌ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದಗೌಡ ಮಾತನಾಡಿ,  ಬಡ್ಡಿ ರಹಿತ ಸಾಲ ಪಡೆದ ಮಹಿಳೆಯರು ನಿಯಮಾನುಸಾರ ಮರುಪಾವತಿ ಮಾಡುತ್ತಿದ್ದಾರೆ. ಆದ್ದರಿಂದಲೇ ಹೊಸ ಸಾಲ ನೀಡಲು ಸಾಧ್ಯವಾಗುತ್ತಿದೆ. ಬಡವರಿಗೆ ನೀಡುವ ಸಾಲ ಮರುಪಾವತಿಯಾಗುತ್ತದೆ. ಬಡವರ ಆರ್ಥಿಕ ಅಭಿವೃದ್ಧಿ ಡಿಸಿಸಿ ಬ್ಯಾಂಕ್‌ ಉದ್ದೇಶವಾಗಿದೆ. ಈಗ ಗೃಹೋಪಯೋಗಿ ವಸ್ತುಗಳನ್ನು ಸಾಲದ ರೂಪದಲ್ಲಿ ನೀಡಲಾಗುತ್ತಿದೆ. ಅದಕ್ಕೂ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ ಎಂದು ಹೇಳಿದರು.
  ಈ ಸಂದರ್ಭದಲ್ಲಿ 90 ಸ್ತ್ರೀ ಶಕ್ತ ಸಂಘಗಳಿಗೆ ರೂ.4.5ಕೋಟಿ ಸಾಲ ನೀಡಲಾಯಿತು. ಕೆಸಿಸಿ  ರೈತರಿಗೆ ರೂ.1.5 ಕೋಟಿ ಸಾಲ ವಿತರಣೆ ಮಾಡಲಾಯಿತು.
  ಪಿಎಲ್‌ಡಿ ಬ್ಯಾಂಕ್‌ ಅಧ್ಯಕ್ಷ ದಿಂಬಾಲ ಅಶೋಕ್‌, ಕೋಚಿಮುಲ್‌ ನಿರ್ದೇಶಕ ಎನ್‌.ಹನುಮೇಶ್‌, ಮಾಜಿ ನಿರ್ದೇಶಕ ಮುನಿವೆಂಕಟಪ್ಪ, ಮುಖಂಡರಾದ ವೆಂಕಟರೆಡ್ಡಿ, ಹೂವಳ್ಳಿ ಬಾಬು, ಬೈಚಪ್ಪ, ವೀರಭದ್ರಸ್ವಾಮಿ, ಅಯ್ಯಪ್ಪ ಸಮಾರಂಭದಲ್ಲಿ ಇದ್ದರು.

 

ನಿವಾಸಪುರದಲ್ಲಿ ಹೊಸದಾಗಿ ಪ್ರಾರಂಭಿಸಲಾಗಿರುವ ನಂದಿನಿ ಮಿಲ್ಕ್‌ ಪಾರ್ಲರ್‌ ಅನ್ನು ಕೋಚಿಮುಲ್‌ ನಿರ್ದೇಶಕ ಎನ್‌.ಹನುಮೇಶ್‌ಉದ್ಘಾಟಿಸಿದರು.

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ನಿವಾಸಪುರದಲ್ಲಿ ಹೊಸದಾಗಿ ಪ್ರಾರಂಭಿಸಲಾಗಿರುವ ನಂದಿನಿ ಮಿಲ್ಕ್‌ ಪಾರ್ಲರ್‌ ಅನ್ನು ಕೋಚಿಮುಲ್‌ ನಿರ್ದೇಶಕ ಎನ್‌.ಹನುಮೇಶ್‌ಉದ್ಘಾಟಿಸಿದರು.

ಶ್ರೀನಿವಾಸಪುರ: ರೈತರ ಹಿತದೃಷ್ಟಿಯಿಂದ ಗ್ರಾಹಕರು ನಂದಿನಿ ಉತ್ಪನ್ನಗಳನ್ನು ಖರೀದಿಸಬೇಕು ಎಂದು ಕೋಚಿಮುಲ್‌ ನಿರ್ದೇಶಕ ಎನ್‌.ಹನುಮೇಶ್‌ ಮನವಿ ಮಾಡಿದರು.
  ಪಟ್ಟಣದ ಎಂಜಿ ರಸ್ತೆಯ ವಾಸವಿ ಕಲ್ಯಾಣ ಮಂಟಪದ ಸಮೀಪ ಹೊಸದಾಗಿ ತೆರೆಯಲಾಗಿರುವ ನಂದಿನಿ ಮಿಲ್ಕ್‌ ಪಾರ್ಲರ್‌ ಉದ್ಘಾಟಿಸಿ ಮಾತನಾಡಿ, ಮಳೆ ಹಾಗೂ ಅಂತರ್ಜಲ ಕೊರತೆಯಿಂದ ಬಳಲಿರುವ ರೈತರ ಪಾಲಿಗೆ ಕ್ಷೀರೋತ್ಪಾದನೆ ಭರವಸೆಯ ಬೆಳಕಾಗಿದೆ. ಬೇರೆ ಬೇರೆ ಕಾರಣಗಳಿಂದ ಕ್ಷೀರೋತ್ಪಾದನೆ ಲಾಭದ ಕಸುಬಾಗಿ ಉಳಿದಿಲ್ಲ. ಹಾಲು ಉತ್ಪಾದಕರಿಗೆ ಸರ್ಕಾರ ಪ್ರೋತ್ಸಾಹ ಧನ ನೀಡುತ್ತಿದೆ. ಕೋಚಿಮುಲ್‌ ವಿವಿಧ ಸೌಲಭ್ಯ ಒದಗಿಸುತ್ತಿದೆ. ಇದರ ಮಧ್ಯೆ ಗ್ರಾಹಕರು ನಂದಿನಿ ಹಾಲು ಮತ್ತು ಹಾಲಿನ ಉತ್ಪನ್ನಗಳನ್ನು ಖರೀದಿಸುವುದರ ಮೂಲಕ ರೈತರ ನೆರವಿಗೆ ಬರಬೇಕು ಎಂದು ಹೇಳಿದರು.  
  ನಂದಿನಿ ಹಾಲಿನ ಉತ್ಪನ್ನಗಳನ್ನು ಅತ್ಯಂತ ಸ್ವಚ್ಛ ವಾತಾವರಣದಲ್ಲಿ, ಕಲಬೆರಕೆ ಇಲ್ಲದಂತೆ ತಯಾರಿಸಲಾಗುತ್ತಿದೆ. ಶುಚಿ ಹಾಗೂ ರುಚಿಗೆ ಹೆಸರಾದ ನಂದಿನಿ ಉತ್ಪನ್ನಗಳು ಜನರ ವಿಶ್ವಾಸಕ್ಕೆ ಪಾತ್ರವಾಗಿವೆ. ಉತ್ಸಾಹಿ ಯುವಕರು ನಂದಿನಿ ಹಾಲು ಹಾಗೂ ಹಾಲಿನ ಉತ್ಪನ್ನಗಳನ್ನು ಮಾರುವುದರ ಮೂಲಕ ಬದುಕು ಕಟ್ಟಿಕೊಳ್ಳುತ್ತಿದ್ದಾರೆ ಎಂದು ಹೇಳಿದರು.
  ರೈತರು ಉತ್ತಮ ಗುಣಮಟ್ಟದ ಹಾಲು ಉತ್ಪಾದಿಸಲು ಅಗತ್ಯ ಕ್ರಮ ಕೈಗೊಳ್ಳಬೇಕು. ಕೋಚಿಮುಲ್‌ ಸೌಲಭ್ಯ ಪಡೆಯಲು ಅದರ ಹಾಲು ಉತ್ಪಾದಕರ ಸಹಕಾರ ಸಂಘಗಳಿಗೆ ಹಾಲು ಹಾಕಬೇಕು. ಕೆಲವರು ಖಾಸಗಿ ಡೇರಿಗಳಿಗೆ ಹಾಲು ಹಾಕುವುದರಿಂದ ಸೌಲಭ್ಯದಿಂದ ವಂಚಿತರಾಗುತ್ತಿದ್ದಾರೆ. ಈ ಪರಿಸ್ಥಿತಿ ಬದಲಾಗಬೇಕು. ಉತ್ತಮ ಗುಣಮಟ್ಟದ ಹಾಲಿನಿಂದ, ಅತ್ಯುತ್ತಮ ಗುಣಮಟ್ಟದ ಹಾಲಿನ ಉತ್ಪನ್ನಗಳನ್ನು ತಯಾರಿಸಲು ಸಾಧ್ಯವಾಗುತ್ತದೆ ಎಂದು ಹೇಳಿದರು.
  ಕ್ಯಾಂಪ್‌ ಕಚೇರಿ ಉಪ ವ್ಯವಸ್ಥಾಪಕ ಡಾ. ಶ್ರೀಕಾಂತ್‌, ಸಹಾಯಕ ವ್ಯವಸ್ಥಾಪಕ ನರಸಿಂಹಯ್ಯ, ಮಾರುಕಟ್ಟೆ ಅಧಿಕಾರಿ ವಿಜಯ ಕುಮಾರ್, ವಿಸ್ತರಣಾಧಿಕಾರಿಗಳಾದ ಶ್ರೀನಿವಾಸ್‌, ಗಣೇಶ್‌, ನರಸಿಂಹರಾಜು, ತಾಲ್ಲೂಕು ಆರ್ಯ ವೈಶ್ಯ ಮಂಡಳಿ ಅಧ್ಯಕ್ಷ ವೈ.ಆರ್‌.ಶಿವಪ್ರಕಾಶ್‌, ತಾಲ್ಲೂಕು ವಿಶ್ವಕರ್ಮ ಕ್ಷೇಮಾಭಿವೃದ್ಧಿ ಸಂಘದ ಅಧ್ಯಕ್ಷ ಕೆ.ಮೋಹನಾಚಾರಿ, ವ್ಯವಸ್ಥಾಪಕರಾದ ಎಸ್‌.ಕಿಶೋರ್‌, ಎಸ್‌.ಲಕ್ಷ್ಮಣಬಾಬು ಇದ್ದರು.