HOLY ROSARY CHURCH, KUNDAPUR – 450 th JUBILEE SOUVENIR 2021

ಕುಂದಾಪುರದ ಆರ್. ಎನ್. ಶೆಟ್ಟಿ ಪದವಿ‌ಪೂರ್ವ ಕಾಲೇಜಿನಲ್ಲಿ‌ ವೃತ್ತಿ‌ ಮಾರ್ಗದರ್ಶನ- ಸ್ಪರ್ಧಾತ್ಮಕ ಪರೀಕ್ಷೆಗಳ ಬಗ್ಗೆ ಮಾಹಿತಿ ಉಪನ್ಯಾಸ

JANANUDI.COM NETWORK 

 

 

ಕುಂದಾಪುರದ ಆರ್. ಎನ್. ಶೆಟ್ಟಿ ಪದವಿ‌ಪೂರ್ವ ಕಾಲೇಜಿನಲ್ಲಿ‌ ವೃತ್ತಿ‌ ಮಾರ್ಗದರ್ಶನ- ಸ್ಪರ್ಧಾತ್ಮಕ ಪರೀಕ್ಷೆಗಳ ಬಗ್ಗೆ ಮಾಹಿತಿ ಉಪನ್ಯಾಸ

 

                      

ಕುಂದಾಪುರ, ಡಿ.4: ಮಂಗಳೂರಿನ ಹೆಸರಾಂತ ಗಣಿತ ಶಾಸ್ತ್ರ ಪ್ರಾಧ್ಯಾಪಕರೂ ಹಾಗೂ ಬೊಸ್ಕೋ ಸಮೂಹ ಸಂಸ್ಥೆಗಳ ಸ್ಥಾಪಕರೂ ಆದ ಪ್ರೊ. ಎಸ್. ಎಸ್. ಬೊಸ್ಕೋ ರವರು  ದಿನಾಂಕ-02-01-2020 ರಂದು ಕುಂದಾಪುರದ‌ ಆರ್. ಎನ್.‌ ಶೆಟ್ಟಿ‌ ಪದವಿ‌ ಕಾಲೇಜಿನ ವಿದ್ಯಾರ್ಥಿಗಳಿಗೆ  ತಮ್ಮ ನೈಪುಣ್ಯತೆಯನ್ನು ಕಾಯ್ದುಕೊಳ್ಳಲು ಬೇಕಾದ ಜೆ.ಇ.ಇ ಮತ್ತು ಸಿ.ಇ.ಟಿ ಯಂಥ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಉತ್ಕ್ರಷ್ಟ ದರ್ಜೆಯನ್ನು ಪಡೆಯಲು  ಸುಲಭ ವಿಧಾನಗಳನ್ನು ತಿಳಿಸಿ ಉದ್ಯೋಗಾಧಾರಿತ ಉನ್ನತ ವ್ಯಾಸಂಗದ ಬಗ್ಗೆ ಮಾರ್ಗದರ್ಶನ ನೀಡಿದರು.
ಬೆಂಗಳೂರಿನ‌ ಗುಂಬಿ‌ ಸಾಫ್ಟ್ ವೇರ್ ಇದರ ಅಕಾಡೆಮಿಕ್ ಆಪರೇಶನ್ಸ್ ಮ್ಯಾನೇಜರ್ ಡಾ. ಎಸ್ ತಿಪ್ಪೇಸ್ವಾಮಿ, ಸಾರ್ವಜನಿಕ ಸಂಪರ್ಕಾಧಿಕಾರಿ ಶ್ರೀ ಜಗದೀಶ್ ಶೆಟ್ಟಿ, ಮಂಗಳೂರಿನ ಗುಂಬಿ‌ ಸಾಫ್ಟ್ ವೇರ್ ನ ಸ್ಟುಡಿಯೋ ಇಂಜಿನೀಯರ್ ಶ್ರೀ ಸಂದೇಶ್ ಶಾನುಭೋಗ್- ಇವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಕಾಲೇಜಿನ ಪ್ರಾಂಶುಪಾಲರಾದ ಶ್ರೀ ನವೀನ ಕುಮಾರ ಶೆಟ್ಟಿಯವರು ಸ್ವಾಗತಿಸಿದರು. ದ್ವಿತೀಯ ಪಿ.ಯು.ಸಿ‌ಯ ಅಭಿಲಾಷ್ ಹತ್ವಾರ್ ಧನ್ಯವಾದ ಸಲ್ಲಿಸಿದರು.

ರೋಜರಿ ಕ್ರೆಡೀಟ್ ಕೋ.ಒ. ಸೊಸೈಟಿ ಲಿ. ನ ಮಾಜಿ ಅಧ್ಯಕ್ಷ ಮಾರ್ಟಿನ್ ಡಾಯಸ್ ನಿಧನಕ್ಕೆ ಸೊಸೈಟಿಯಿಂದ ಶ್ರದ್ದಾಂಜಲಿ

JANANUDI.COM NETWORK

 

 

ರೋಜರಿ ಕ್ರೆಡೀಟ್ ಕೋ.ಒ. ಸೊಸೈಟಿ ಲಿ. ನ ಮಾಜಿ ಅಧ್ಯಕ್ಷ ಮಾರ್ಟಿನ್ ಡಾಯಸ್ ನಿಧನಕ್ಕೆ ಸೊಸೈಟಿಯಿಂದ ಶ್ರದ್ದಾಂಜಲಿ 

 

 

 

ಕುಂದಾಪುರ, ಡಿ.4: ಪ್ರಸಿದ್ದ ರೋಜರಿ ಕ್ರೆಡೀಟ್ ಕೋ-ಆಫ್ ಸೊಸೈಟಿಯ ಮಾಜಿ ಅಧ್ಯಕ್ಷ, ಪ್ರಸ್ತುತ ಸಾಲಿನ ನಿರ್ದೇಶಕ, ಮಾಜಿ ಬೈಂದೂರು ಇಗರ್ಜಿಯ ಪಾಲನ ಮಂಡಳಿ ಉಪಾಧ್ಯಕ್ಷ, ಖ್ಯಾತ ಎಲ್.ಐ.ಸಿ. ಎಜೆಂಟ್ ಆಗಿದ್ದ ಬೈಂದೂರಿನ ಮಾರ್ಟಿನ್ ಡಯಾಸ್ ಅಲ್ಪಕಾಲಿಕ ಅನಾರೋಗ್ಯದಿಂದ ತಮ್ಮ 59 ಪ್ರಾಯದಲ್ಲಿ ಇಹಲೋಕ ತ್ಯಜಿಸಿದ ಪ್ರಯುಕ್ತ ರೋಜರಿ ಸೊಸೈಟಿ ಆಡಳಿತ ಮಂಡಳಿ ಮತ್ತು ಸಿಬಂದಿ ವರ್ಗ ತಮ್ಮ ಸೊಸೈಟಿಯಲ್ಲಿ ಶ್ರದ್ದಾಂಜಲಿಯನ್ನು ಅರ್ಪಿಸಿದರು.
ರೋಜರಿ ಕ್ರೆಡೀಟ್ ಕೋ-ಆಫ್ ಸೊಸೈಟಿಯ ಪ್ರಸ್ತುತ ಸಾಲಿನ ಅಧ್ಯಕ್ಷ ಜಾನ್ಸನ್ ಡಿಆಲ್ಮೇಡಾ ‘ರೋಜರಿ ಸೊಸೈಟಿನ ಏಳಿಗೆಗಾಗಿ ಅವರು ಬಹಳಷ್ಟು ಶ್ರಮಿಸಿದ್ದರು,ನಾವು ಒರ್ವ ಮುಂದಾಳುವನ್ನು ಕಳೆದುಕೊಂಡಿದ್ದೆವೆ’ ಎಂದು ಶಾಂತಿ ಕೋರಿದರು. ಪ್ರಸ್ತುತ ಸಾಲಿನ ನಿರ್ದೇಶಕರಾದ ಜೇಕಬ್ ಡಿಸೋಜಾ ‘ಮಾರ್ಟಿನ್ ಒರ್ವ ಒಳ್ಳೆಯ ಸಂಘಟಿಕ ಚತುರರಾಗಿದ್ದರು, ರೋಜರಿ ಸೊಸೈಟಿಯ ಪ್ರಗತಿಗಾಗಿ ತುಂಬ ಸೇವೆ ನೀಡಿದ್ದಾರೆ. ಅವರೊಬ್ಬ ನೇರ ನುಡಿಯ ನಾಯಕರಾಗಿದ್ದರು’ ಎಂದು ಅವರಿಗೆ ನುಡಿ ನಮನಗಳನ್ನು ಸಲ್ಲಿಸಿದರು. ಸಭೆಯಲ್ಲಿ ನಿರ್ದೇಶಕರಾದ ಸ್ಟ್ಯಾನಿ ಡಿಸೋಜಾ, ಜೆರಾಲ್ಡ್ ಕ್ರಾಸ್ತಾ, ಶಾಂತಿ ಕರ್ವಾಲ್ಲೊ, ಡಯನಾ ಡಿಆಲ್ಮೇಡಾ, ಮುಖ್ಯ ಕಾರ್ಯ ನಿರ್ವಹಣ ಅಧಿಕಾರಿ ಪಾಸ್ಕಲ್ ಡಿಸೋಜಾ, ಕುಂದಾಪುರ ಶಾಖೆಯ ಕಾರ್ಯ ನಿರ್ವಹಣ ಅಧಿಕಾರಿ ಮೇಬಲ್ ಪುಟಾರ್ಡೊ ಮತ್ತು ಸಿಬಂದಿ ವರ್ಗದವರು ಉಪಸ್ಥಿತರಿದ್ದರು

ಗ್ರೇಸಿ ಟೀಚರ್ ಇವರಿಗೆ ನುಡಿನಮನ

JANANUDI.COM NETWORK

ಗ್ರೇಸಿ ಟೀಚರ್ ಇವರಿಗೆ ನುಡಿನಮನ

 

 

ಕುಂದಾಪುರ, ಡಿ.3: ತಿಂಗಳ ಹಿಂದೆ ಇಹಲೋಕ ತ್ಯಜಿಸಿದ, ಶಿಷ್ಯರ ಅಚ್ಚುಮೆಚ್ಚಿನ ಶಿಕ್ಷಯಾಗಿ, ಅಪಾರ ಶಿಷ್ಯ ವ್ರಂದ ಪಡೆದುಕೊಂಡ ಗ್ರೇಸಿ ಟೀಚರ್ ಇವರ ಶ್ರದ್ದಾಂಜಲಿ ಕಾರ್ಯಕ್ರಮ ಕುಂದಾಪುರದ ಕಲಾಮಂದಿರದಲ್ಲಿ ಡಿ.3 ರಂದು ಜರುಗಿತು. ಟೀಚರ್ ಡೇಜಿ ಮೆಂಡೊನ್ಸಾ ನುಡಿನಮನಗಳನ್ನು ಅರ್ಪಿಸಿದರು.
ಈ ಸಂದರ್ಭದಲ್ಲಿ ಕುಂದಾಪುರ, ಗಂಗೊಳ್ಳಿ ಮುಂತಾದ ಕ್ರೈಸ್ತ ಬಂಧುಗಳು, ಹಾಗೂ ಎಸ್.ವಿ ಶಾಲಾ ಆಡಳಿತ ಮಂಡಳಿಯ ಸಂಚಾಲಕರಾದ ಎಚ್.ಗಣೇಶ್ ಕಾಮತ್,ಸದಾಶಿವ ನಾಯಕ್, ಎಸ್.ವಿ. ಕಾಲೇಜಿನ ಪ್ರಾಂಶುಪಾಲರು, ಶಿಕ್ಷಕ ವ್ರಂದ, ರೋಟರಿ ಕ್ಲಬಿನ ಸದಾನಂದ ಛಾತ್ರ, ಶಾಂತಾರಾಮ್ ಪ್ರಭು, ಕುಂದಪ್ರಭ ಸಂಪಾದಕರಾದ ಯು.ಎಸ್.ಶೆಣೈ. ಮುಂತಾದ ಗಣ್ಯರು ಉಪಸ್ಥಿತರಿದ್ದರು. ಶ್ರದ್ದಾಂಜಲಿಯ ಮೊದಲು ಕುಂದಾಪುರ ಚರ್ಚಿನಲ್ಲಿ ಗ್ರೇಸಿ ಟಿಚರ್ ಆತ್ಮದ ಶಾಂತಿಗಾಗಿ ಪವಿತ್ರ ಬಲಿದಾನವನ್ನು ಫಾ|ಸ್ಟ್ಯಾನಿ ತಾವ್ರೊ, ಫರ್ಡಿನಾಂಡ್ ಗೊನ್ಸಾಲ್ವಿಸ್, ಫಾ|ವಿಜಯ್ ಡಿಸೋಜಾ, ಫಾ|ಜೊವೆಲ್ ಒಲಿವೇರಾ ಅರ್ಪಿಸಿದರು. ಗ್ರೇಸಿ ಟೀಚರ್ ಪತಿ ತಿಮೋತಿ ಡಿಆಲ್ಮೇಡಾ, ಪುತ್ರ ಜೋನ್ಸನ್ ಡಿಆಲ್ಮೇಡಾ, ಮೂವರು ಪುತ್ರಿಯರು, ಗ್ರೇಸಿ ಟೇಚರ್ ಸಹೋದರಿಯರು ಉಪಸ್ಥಿತರಿದ್ದರು. ರಮಾನಂದ್ ಕಾರಂತ ಕಾರ್ಯಕ್ರಮ ನಿರೂಪಿಸಿ ವಂದಿಸಿದರು.

ಶ್ರೀನಿವಾಸಪುರ ತಾಲ್ಲೂಕಿನ ದಳಸನೂರು ಗ್ರಾಮದಲ್ಲಿ ಗ್ರಾಮ ಪಂಚಾಯಿತಿ ವತಿಯಿಂದ ಪ್ರಕಟಿಸಲಾದ ನೂತನ ಕ್ಯಾಲೆಂಡರನ್ನು ಪಂಚಾಯಿತಿ ಅಧ್ಯಕ್ಷ ಎಸ್.ಬಾಬು ಬಿಡುಗಡೆ ಮಾಡಿದರು.

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ
ಶ್ರೀನಿವಾಸಪುರ ತಾಲ್ಲೂಕಿನ ದಳಸನೂರು ಗ್ರಾಮದಲ್ಲಿ ಗ್ರಾಮ ಪಂಚಾಯಿತಿ ವತಿಯಿಂದ ಪ್ರಕಟಿಸಲಾದ ನೂತನ ಕ್ಯಾಲೆಂಡರನ್ನು ಪಂಚಾಯಿತಿ ಅಧ್ಯಕ್ಷ ಎಸ್.ಬಾಬು ಬಿಡುಗಡೆ ಮಾಡಿದರು.
ಶ್ರೀನಿವಾಸಪುರ: ನಾಗರಿಕರು ನೀರನ್ನು ಮಿತವಾಗಿ ಬಳಸಬೇಕು ಎಂದು ದಳಸನೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷ ಎಸ್‌.ಬಾಬು ಹೇಳಿದರು.
  ದಳಸನೂರು ಗ್ರಾಮದ ಗ್ರಾಮ ಪಂಚಾಯಿತಿ ಆವರಣದಲ್ಲಿ ಶುಕ್ರವಾರ ಏರ್ಪಡಿಸಿದ್ದ ಸಮಾರಂಭದಲ್ಲಿ ಗ್ರಾಮ ಪಂಚಾಯಿತಿ ವತಿಯಿಂದ ಪ್ರಕಟಿಸಲಾದ ನೂತನ ಕ್ಯಾಲೆಂಡರ್‌ ಬಿಡುಗಡೆ ಮಾಡಿ ಮಾತನಾಡಿ, ಮುಂದಿನ ಬೇಸಿಗೆಯಲ್ಲಿ ನೀರಿನ ಸಮಸ್ಯೆ ತಲೆದೋರುವ ಸಾಧ್ಯತೆ ಇರುವುದರಿಂದ, ಅಧಿಕಾರಿಗಳು ಮುಂಜಾಗ್ರತಾ ಕ್ರಮವಾಗಿ ನೀರು ಸರಬರಾಜಿಗೆ ಪೂರಕ ಯೋಜನೆ ರೂಪಿಸಿ ಕಾರ್ಯರೂಪಕ್ಕೆ ತರಬೇಕು ಎಂದು ಹೇಳಿದರು.
  ನೀರು ಪೋಲಾಗದಂತೆ ತಡೆಯುವಲ್ಲಿ ಜಲಗಾರರ ಪಾತ್ರ ಹಿರಿದು. ನೀರಿನ ಪೈಪ್‌ಗಳು ಹಾಗೂ ನಲ್ಲಿಗಳಲ್ಲಿ ನೀರು ವ್ಯರ್ಥವಾಗಿ ಹರಿದುಹೋಗುವುದನ್ನು ತಡೆಯಬೇಕು. ಸಾರ್ವಜನಿಕರು ಮನೆ ಬಳಕೆಗೆ ಹೊರತುಪಡಿಸಿ ನೀರು ಬಳಕೆ ಮಾಡಿಕೊಂಡಲ್ಲಿ ಪಂಚಾಯಿತಿ ಅಧಿಕಾರಿಗಳ ಗಮನಕ್ಕೆ ತರಬೇಕು. ನೀರು ಹಂಚಿಕೆಯಲ್ಲಿ ತಾರತಮ್ಯ ಮಾಡಬಾರದು ಎಂದು ಹೇಳಿದರು.
  ಹಳ್ಳಿಗಳಲ್ಲಿ ಅನಗತ್ಯವಾಗಿ ಬೀದಿ ದೀಪ ಉರಿಸುವುದನ್ನು ಬಿಡಬೇಕು. ಸಂಜೆ ಕತ್ತಲಾಗುವ ಹೊತ್ತಿನಲ್ಲಿ ದೀಪ ಬೆಳಗಿಸಬೇಕು. ಬೆಳಿಗ್ಗೆ ಬೆಳಕು ಹರಿಯುತ್ತಿದ್ದಂತೆ ಆರಿಸಬೇಕು. ಹಗಲಿನಲ್ಲಿ ಬೀದಿ ದೀಪ ಉರಿಯುವುದರಿಂದ ವಿದ್ಯುತ್‌ ವ್ಯರ್ಥವಾಗುತ್ತದೆ. ಗ್ರಾಮ ಪಂಚಾಯಿತಿಗಳಿಗೆ ಹೆಚ್ಚಿನ ಆರ್ಥಿಕ ಹೊರೆ ಬೀಳುತ್ತದೆ ಎಂದು ಹೇಳಿದರು.
  ಗ್ರಾಮಗಳಲ್ಲಿ ಸ್ವಚ್ಛತೆ ಪಾಲನೆ ಮಾಡಬೇಕು. ಪರಿಸರ ಮಾಲೀನ್ಯ ತಡೆಯಬೇಕು. ಚರಂಡಿಗಳನ್ನು ಸ್ವಚ್ಛಗೊಳಿಸುವುದರ ಮೂಲಕ ರೋಗ ರುಜಿನ ಬರದಂತೆ ಎಚ್ಚರ ವಹಿಸಬೇಕು ಎಂದು ಹೇಳಿದರು.
  ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷ ವೆಂಕಟರಾಮಪ್ಪ, ಸದಸ್ಯರಾದ ಕೃಷ್ಣಾರೆಡ್ಡಿ, ಹರಿಪ್ರಸಾದ್‌, ಕೆ.ಎಂ.ಗುರಪ್ಪ, ವೆಂಕಟೇಶ್‌, ಲಕ್ಷ್ಮೀಪತಿ ರೆಡ್ಡಿ, ರಮೇಶ್‌ ಇದ್ದರು.

ಕವನ:  ಸಾವನ್ ಕೆ ಸಿಂಧನೂರು – ಕಳೆದ ಯಾರನ್ನೋ ಹುಡುಕುವ ಬರೀ ತಿರುಗಾಟಕ್ಕೆ ಕೊನೆ ಇಲ್ಲ ಜಾಣ

ಕವನ:  ಸಾವನ್ ಕೆ ಸಿಂಧನೂರು

ಕಳೆದ ಯಾರನ್ನೋ ಹುಡುಕುವ ಬರೀ ತಿರುಗಾಟಕ್ಕೆ ಕೊನೆ ಇಲ್ಲ ಜಾಣ
*********************************************
ಕಳೆದ ಯಾರನ್ನೋ ಹುಡುಕುವ ಬರೀ ತಿರುಗಾಟಕ್ಕೆ ಕೊನೆ ಇಲ್ಲ ಜಾಣ
ಕತ್ತಲ ಗರ್ಭದಲ್ಲೂ ಮಿಂಚಿನ ಸೆಳಕಿದೆ ಕಣ್ಣ ನೋಟಕ್ಕೆ ಕೊನೆ ಇಲ್ಲ ಜಾಣ.
ಬೆನ್ನುಹುರಿಯ ಹಳೆ ಸರಪಳಿಗೆ ಬಂಧನದ ಹೊಸ ವಜಾ ಸಿಕ್ಕುತ್ತಿಲ್ಲ
ಹೊಸೆವ ಮಜಬೂತ್ ಹೆಜ್ಜೆಗಳೇ ಮೂಡದ ಜಾಗಕ್ಕೆ ಕೊನೆ ಇಲ್ಲ ಜಾಣ.
ಇರುವಷ್ಟು ದಿನ ಕಾಲನ ರಸ್ತಾ ನೋಡುವ ಬದಲಿಗೆ ಇನ್ನೇನಿದೆ ಇಲ್ಲಿ
ದುತ್ತನೆ ಎದುರಾಗಿ ಬೆತ್ತಲಾಗುವ ಗುಟುಕು ಜೀವಕ್ಕೆ ಕೊನೆ ಇಲ್ಲ ಜಾಣ.
ಇಲ್ಲಿ ನಂದಿದ ದೀಪಕ್ಕೆ ಅಲ್ಲೆಲ್ಲೋ ಬತ್ತಿ ಮಸೆದು ಥೇಲ್ ಹಾಕುತ್ತಿದ್ದಾರೆ
ಬಿಡುಗಡೆ ಪಡೆದ ಪ್ರಾಣಪಕ್ಷಿ ಗೂಡು ಮರೆತಂತೆ ಆತ್ಮಕ್ಕೆ ಕೊನೆ ಇಲ್ಲ ಜಾಣ.
ಪ್ರೀತಿಯೊಂದ ಮರೆತು ಬೇರೆ ಎಲ್ಲವೂ ಅದೆಷ್ಟು ಬೇಗ ಸಿಕ್ಕುತವೆ ‘ಸಾವನ್’
ಉರಿವ ಜ್ಯೋತಿಯ ಸುತ್ತಲೂ ಬೆಳಕು ತಳದ ಅಂದಕಾರಕ್ಕೆ ಕೊನೆ ಇಲ್ಲ ಜಾಣ.

ಕೋಲಾರದಲ್ಲಿ ಕೊರೆಂಗಾವ್ ವಿಜಯೋತ್ಸವ ಆಚರಣೆ

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

 

ಕೋಲಾರದಲ್ಲಿ ಕೊರೆಂಗಾವ್ ವಿಜಯೋತ್ಸವ ಆಚರಣೆ 

 

 

ಕೋಲಾರ : ಸ್ವಾಬಿಮಾನಕ್ಕಾಗಿ ಅಸಮಾನತೆಯ ವಿರುದ್ಧ ದಂಗೆ ಎದ್ದಂತಹ ಕೊರೆಗಾಂವ್ ಯುದ್ದ 500 ಜನ ಮಹರ್ ಸೈನಿಕರು ಹಾಗೂ 30,000 ಪೇಶ್ವೆಗಳ ನಡುವೆ ನಡೆದಂತಹ ಮೊದಲ ಸಿಪಾಯಿ ದಂಗೆ ಎಂತಲೇ ಹೇಳಬಹುದಾದ ಈ ವಿಜಯೋತ್ಸವ ನೆನಪಿಸಿಕೊಳ್ಳುತ್ತಿರುವುದು ಉತ್ತಮ ಬೆಳವಣಿಗೆಯಾಗಿದೆ ಎಂದು ಜಿಲ್ಲಾ ಕಾಂಗ್ರೆಸ್ ಎಸ್.ಸಿ. ವಿಭಾಗದ ಅಧ್ಯಕ್ಷ ಜಯದೇವ್ ತಿಳಿಸಿದರು.
ಜನವರಿ 1ರಂದು ಕೋಲಾರ ನಗರದ ನಚಿಕೇತನ ನಿಲಯದಲ್ಲಿ 202 ನೇ ಭೀಮ ಕೋರೆಗಾಂವ್ ವಿಜಯೋತ್ಸವವನ್ನು ಪ್ರಯುಕ್ತ ಯುವಸೇನೆ ಕರುನಾಡು ಸಂಘಟನೆಯ ವತಿಯಿಂದ ಹಮ್ಮಿಕೊಂಡಿದ್ದ ದೇಶಕ್ಕಾಗಿ ಹೋರಾಟ ಮಾಡಿ ನಿವೃತ್ತಿ ಹೊಂದಿದ ವೀರ ಯೋಧರಿಗೆ ಬಾಬಾಸಾಹೇಬ್ ಅಂಬೇಡ್ಕರ್ ರವರ ಪುತ್ತಳಿ ಮುಂದೆ ಸನ್ಮಾನಿಸಿದ ಸಂದರ್ಭದಲಿ ಮಾತನಾಡಿದರು.

ಕೊರೆಗಾಂವ್ ಯುದ್ದದಲ್ಲಿ ಮಡಿದ 23 ಜನ ಮಹಾರ್ ಸೈನಿಕರಿಗೆ 3 ನಿಮಿಷ ಮೌನಾಚರಣೆಯನ್ನು ಮಾಡಿದ ಸಂದರ್ಭದಲ್ಲಿ ಮಾಜಿ ಸೈನಿಕರಾದ ಗಾಂಧಿನಗರ ವೆಂಕಟೇಶ್, ಆಪರೇಷನ್ ವಿಜಯ್ ಮಿಡಲಿಸ್ಟ್ ಕಾರ್ಕಿಲ್ ಆರ್.ಎಂ.ರಾಮಯ್ಯ, ಇನ್ಸ್‍ಪೆಕ್ಟರ್ ಇಬ್ರಾಹಿಂ ಖಾನ್, ಕೃಷ್ಣಪ್ಪ, ರಾಮು ರವರುಗಳನ್ನು ಸನ್ಮಾಸಲಾಯಿತು.
ಈ ಸಂದರ್ಭದಲ್ಲಿ ಪತ್ರಕರ್ತರ ಸಂಘದ ಮಾಜಿ ಅಧ್ಯಕ್ಷ ಗಣೇಶ್, ಡಿ.ಎಸ್.ಎಸ್.ರಾಜಕುಮಾರ್, ಯುವಸೇನೆ ಕರುನಾಡು ಸಂಘಟನೆಯ ಸಂಸ್ಥಾಪಕ ಅಧ್ಯಕ್ಷ ಚಿನ್ನಾಪುರ ಅನಿಲ್ ಕುಮಾರ್, ರಾಜ್ಯಾಧ್ಯಕ್ಷ ಯುವಸೇನೆ ಕಲ್ಯಾಣ್ ಕುಮಾರ್, ರಾಜ್ಯ ಉಪಾಧ್ಯಕ್ಷ ಗಾಂದೀನಗರ್ ಪ್ರದೀಪ್, ತಾಲ್ಲೂಕು ಅಧ್ಯಕ್ಷರಾದ ಈ ಕಂಬಳ್ಳಿ ಮಂಜುನಾಥ, ವೇಮಗಲ್ ಹೋಬಳಿ ಘಟಕದ ಅಧ್ಯಕ್ಷ ಅನಂತ್, ವಿದ್ಯಾರ್ಥಿ ಘಟಕದ ಅಧ್ಯಕ್ಷ ಶಿವರಾಜ್ ಹಾಗೂ ಸಂಘಟನೆಯ ಮುಖಂಡರು ಹಾಜರಿದ್ದರು.

OBITUARY Martin Everest Dias (59), Yedthare, Byndoor

JANANUDI.COM NETWORK

 

OBITUARY

Martin Everest Dias (59), Yedthare, Byndoor

 

 

Martin Everest Dias (59), Yedthare, Byndoor (Former Vice President of Byndoor Parish Council, Rosary credit co. Operative society ltd Ex – President,and currently  Director)

 

 Husband of Shanti Dias,

 

Father of Mithun and Milton, Son of Late Gregory Dias and Cecilia Dias, Brother of Edwin, Josphine, Alban and Late Walter. passed away on Friday, 3rd January, 2020.

Funeral Cortege leaves Residence “Mithun Dham” Yedthare for Holy Cross Church, Byndoor on Saturday, 4th January, 2020 at 4:00 pm, followed by Mass at 4:30 pm.

ಬೀಜಾಡಿಯಲ್ಲಿ ಜ.11ರಂದು ಬೃಹತ್ ಆಧಾರ್ ನೋಂದಾವಣೆ,ತಿದ್ದುಪಡಿ ಶಿಬಿರ

JANANUNDI.COM NETWORK

 

 

ಬೀಜಾಡಿಯಲ್ಲಿ ಜ.11ರಂದು ಬೃಹತ್ ಆಧಾರ್ ನೋಂದಾವಣೆ,ತಿದ್ದುಪಡಿ ಶಿಬಿರ

 

ಕುಂದಾಪುರ:ಜಿಲ್ಲಾ ಪ್ರಶಸ್ತಿ ಪುರಸ್ಕøತ ಮಿತ್ರ ಸಂಗಮ ಬೀಜಾಡಿ-ಗೋಪಾಡಿ,ಭಾರತೀಯ ಅಂಚೆ ಇಲಾಖೆ ಉಡುಪಿ ವಿಭಾಗ ಇವರ ಆಶ್ರಯದಲ್ಲಿ ರೋಟರಿ ಸಮುದಾಯ ದಳ ಬೀಜಾಡಿ-ಗೋಪಾಡಿ, ರೋಟರಿ ಕ್ಲಬ್ ಕುಂದಾಪುರ ರಿವರ್‍ಸೈಡ್ ಇವರ ಸಹಯೋಗದಲ್ಲಿ ಬೃಹತ್ ಆಧಾರ್ ನೋಂದಾವಣೆ ಮತ್ತು ತಿದ್ದುಪಡಿ ಸೇವೆ ಜ.11ರಂದು ಶನಿವಾರ ಬೆಳಿಗ್ಗೆ 9 ಗಂಟೆಯಿಂದ ಬೀಜಾಡಿ ಮಿತ್ರಸೌಧದಲ್ಲಿ ಜರುಗಲಿದೆ.
ಶಿಬಿರದಲ್ಲಿ ಹೊಸ ನೋಂದಾವಣೆ, ವಿಳಾಸ ಬದಲಾವಣೆ, ಹೆಸರು ಬದಲಾವಣೆ, ಬಯೋಮೆಟ್ರಿಕ್ ಪರಿಷ್ಕರಣೆ, ಮೊಬೈಲ್ ನಂಬರ್ ತಿದ್ದುಪಡಿ ಮೊದಲಾದ ಸೇವೆ ದೊರೆಯಲಿದ್ದು, ಸಮರ್ಪಕ ದಾಖಲೆಯೊಂದಿಗೆ ಮೊದಲು ನೊಂದಾಯಿಸಿದ 500 ಅಭ್ಯರ್ಥಿಗಳಿಗೆ ನೊಂದಣೆಗೆ ಅವಕಾಶ ಕಲ್ಪಿಸಲಾಗಿದೆ. ಈ ಪ್ರಯುಕ್ತ ದಾಖಲೆ ಪರಿಶೀಲನೆ ಮತ್ತು ಟೋಕನ್ ವಿತರಣೆಯು ಜ.5ರ ಭಾನುವಾರ ಮತ್ತು ಜ. 6ರ ಸೋಮವಾರ ಬೆಳಿಗ್ಗೆ 9 ಗಂಟೆಯಿಂದ ಬೀಜಾಡಿ ಮಿತ್ರಸೌಧದಲ್ಲಿ ಸಮರ್ಪಕ ದಾಖಲೆ ಪರಿಶೀಲನೆ ಮತ್ತು ಟೋಕನ್ ವಿತರಣೆ ನಡೆಯಲಿದೆ. ಟೋಕನ್ ಪಡೆದುಕೊಂಡವರು ಟೋಕನ್ ಸಂಖ್ಯೆಯ ಪ್ರಕಾರ ಜ.11ರಂದು ಶನಿವಾರ ನಡೆಯುವ ಆಧಾರ ನೊಂದಣೆ ಶಿಬಿರದಲ್ಲಿ ಭಾಗವಹಿಸಿ ನೊಂದಣೆ ಮಾಡಿಸಿಕೊಳ್ಳುವುದು ಎಂದು ಬೀಜಾಡಿ ಮಿತ್ರ ಸಂಗಮದ ಅಧ್ಯಕ್ಷ ಮಂಜುನಾಥ್ ಪ್ರಕಟಣೆ ತಿಳಿಸಿದ್ದಾರೆ.

ಶ್ರೀನಿವಾಸಪುರದಲ್ಲಿ ಏರ್ಪಡಿಸಿದ್ದ ಪ್ರಗತಿ ಪರಿಶೀಲನಾ ಸಭೆಯಲ್ಲಿ, ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌ ವಿವಿಧ ಇಲಾಖೆಗಳ ಪ್ರಗತಿ ಪರಿಶೀಲಿಸಿದರು.

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

ಶ್ರೀನಿವಾಸಪುರದಲ್ಲಿ ಏರ್ಪಡಿಸಿದ್ದ ಪ್ರಗತಿ ಪರಿಶೀಲನಾ ಸಭೆಯಲ್ಲಿ, ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌  ವಿವಿಧ ಇಲಾಖೆಗಳ ಪ್ರಗತಿ ಪರಿಶೀಲಿಸಿದರು.

 ಪಟ್ಟಣದ ತಾಲ್ಲೂಕು ಪಂಚಾಯಿತಿ ಸಭಾಂಗಣದಲ್ಲಿ  ಏರ್ಪಡಿಸಿದ್ದ ಪ್ರಗತಿ ಪರಿಶೀಲನಾ ಸಭೆಯಲ್ಲಿ ಶಾಸಕ ಕೆ.ಆರ್‌.ರಮೇಶ್‌ ಕುಮಾರ್‌  ವಿವಿಧ ಇಲಾಖೆಗಳ ಪ್ರಗತಿ ಪರಿಶೀಲನೆ ನಡೆಸಿ ಮಾತನಾಡಿ, ರೈತರ ಹಿತದೃಷ್ಟಿಯಿಂದ ಪೋಡಿ ಹಾಗೂ ಪಿ.ನಂಬರ್‌ ತೆಗೆಯುವ ಕಾರ್ಯ ಶೀಘ್ರವಾಗಿ ಮುಕ್ತಾಯವಾಗಬೇಕು. ಫೆ.ಅಂತ್ಯದ ವೇಳೆಗೆ ಪಿ.ನಂಬರ್‌ ಸಮಸ್ಯೆ ಪರಿಹಾರವಾಗಿರಬೇಕು ಎಂದು ಸೂಚಿಸಿದರು.
  ತಾಲ್ಲೂಕಿನ 71 ಗ್ರಾಮಗಳಲ್ಲಿ ಪರಿಶಿಷ್ಟ ಜಾತಿ ಹಾಗೂ ಪರಿಶಿಷ್ಟ ಪಂಗಡದವರಿಗೆ ಸ್ಮಶಾನದ ಸಮಸ್ಯೆ ಇತ್ತು. 9 ಗ್ರಾಮಗಳಲ್ಲಿ ಸಮಸ್ಯೆ ಪರಿಹಾರವಾಗಿದೆ. ಉಳಿದ ಕಡೆ ಸ್ಮಶಾನಕ್ಕೆ ಜಾಗ ನಿಗದಿಪಡಿಸಿ, ಸುತ್ತಲೂ ಬೇಲಿ ಹಾಕಬೇಕು. ಸ್ಮಶಾನ ಒತ್ತುವರಿ ಆಗಿದ್ದಲ್ಲಿ ಮುಲಾಜಿಲ್ಲದೆ ಬಿಡಿಸಬೇಕು. ಯಾವುದೇ ಕಾರಣಕ್ಕೂ ಕೆರೆ ಅಂಗಳ ಮಂಜೂರು ಮಾಡಬಾರದು. ಬಗರ್‌ ಹುಕುಂ ಸಾಗುವಳಿ ಅರ್ಹರಿಗೆ ಸಿಗುವಂತೆ ನೋಡಿಕೊಳ್ಳಬೇಕು. ಸಂವಿಧಾನ ಇರುವುದು ನೊಂದವರ, ಬಡವರ ಅಭಿವೃದ್ಧಿಗಾಗಿ. ಶ್ರೀಮಂತರು ಕೊಬ್ಬಲು ಅಲ್ಲ ಎಂದು ಹೇಳಿದರು.
    ವೃದ್ಧಾಪ್ಯ ವೇತನ ನೀಡಿಕೆಯಲ್ಲಿ ತಡವಾಗುತ್ತಿದೆ ಎಂಬ ದೂರುಗಳು ಬರುತ್ತಿವೆ. ಸುಮಾರು 9 ತಿಂಗಳಿಂದ ಸರಿಯಾಗಿ ವೃದ್ಧಾಪ್ಯ ವೇತನ ಸಿಗುತ್ತಿಲ್ಲ. ಹೀಗಾದರೆ ಬಡವರು ಬದುಕಲು ಸಾಧ್ಯವಿಲ್ಲ. ಈ ಸಮಸ್ಯೆ ಶೀಘ್ರವಾಗಿ ನಿವಾರಣೆ ಆಗಬೇಕು. ಊರಿಗೆ ರಸ್ತೆ ಮಾಡಲು ಅಡ್ಡಗಾಲು ಹಾಕುವ ವ್ಯಕ್ತಿಗಳ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಬೇಕು. ಚೆಕ್‌ ಡ್ಯಾಂ ನಿರ್ಮಾಣ ಕಾಮಗಾರಿಯನ್ನು ಸ್ಥಳೀಯರಿಗೆ ನೀಡಬೇಕು.ಕೆಸಿ ವ್ಯಾಲಿ ನೀರು ತುಂಬಲು ಆಯ್ದೆ ಕೆರೆಗಳನ್ನು ಸಿದ್ಧಪಡಿಸಬೇಕು ಎಂದು ಹೇಳಿದರು.
  ‘ಪರಿಶಿಷ್ಟ ಜಾತಿ ಹಾಗೂ ಪರಿಶಿಷ್ಟ ಪಂಗಡದ ಜನರು ಒಂದೆಡೆ ಕುಳಿತು ಮಾತನಾಡಲು ಅಗತ್ಯವಾದ ಸಮುದಾಯ ಭವನಗಳನ್ನು ನಿರ್ಮಿಸಬೇಕು ಎಂಬುದು ನನ್ನ ರಾಜಕೀಯ ದೀಕ್ಷೆಯಾಗಿದೆ. ಪ್ರತಿ ಗ್ರಾಮದಲ್ಲೂ ಅವರಿಗೆ ಒಂದು ನೆಲೆ ಇರಲೇ ಬೇಕು. ಅದಕ್ಕೆ ಪೂರಕವಾಗಿ ಯೋಜನೆ ರೂಪಿಸಿ ಜಾರಿಗೆ ತರಬೇಕು. ಜ.15 ರಿಂದ ಕ್ಷೇತ್ರದ ಎಲ್ಲ ಗ್ರಾಮಗಳಿಗೆ ಭೇಟಿ ನೀಡಿ ಸಾರ್ವಜನಿಕರ ಕುಂದು ಕೊರತೆ ವಿಚಾರಿಸುತ್ತೇನೆ’ ಎಂದು ಹೇಳಿದರು.
     ಉಪ ವಿಭಾಗಾಧಿಕಾರಿ ವಿ.ಸೋಮಶೇಖರ್‌, ತಹಶೀಲ್ದಾರ್‌ ಕೆ.ಎನ್‌.ಸುಜಾತ, ಪಿಎಲ್‌ಡಿ ಬ್ಯಾಂಕ್‌ ಅಧ್ಯಕ್ಷ ದಿಂಬಾಲ ಅಶೋಕ್‌, ಜಿಲ್ಲಾ ಪಂಚಾಯಿತಿ ಮಾಜಿ ಅಧ್ಯಕ್ಷ ಎಂ.ಶ್ರೀನಿವಾಸನ್‌, ತಾಲ್ಲೂಕು ಪಂಚಾಯಿತಿ ಅಧ್ಯಕ್ಷ ನರೇಶ್‌, ಕಾರ್ಯನಿರ್ವಹಣಾಧಿಕಾರಿ ಎಸ್.ಆನಂದ್‌, ಪುರಸಭೆ ಮುಖ್ಯಾಧಿಕಾರಿ ವಿ.ಮೋಹನ್‌ ಕುಮಾರ್‌, ಬಿಇಒ ಉಮಾದೇವಿ, ಟಿಎಚ್ಒ ಶ್ರೀನಿವಾಸ್‌, ತೋಟಗಾರಿಕೆ ಹಿರಿಯ ಸಹಾಯಕ ನಿರ್ದೇಶಕ ಎ.ಬೈರಾರೆಡ್ಡಿ ಇದ್ದರು.