HOLY ROSARY CHURCH, KUNDAPUR – 450 th JUBILEE SOUVENIR 2021

ಕೋಲಾರ:ಜಿಲ್ಲೆಯಲ್ಲಿ 71 ನೇ ಗಣರಾಜ್ಯೋತ್ಸವ ಅದ್ದೂರಿ ಆಚರಣೆ ಜಿಲ್ಲಾ ಉಸ್ತುವಾರಿ ಸಚಿವರಾದ ಹೆಚ್.ನಾಗೇಶ್ ಅವರಿಂದ ಧ್ವಜಾರೋಹಣ

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

ಕೋಲಾರ:ಜಿಲ್ಲೆಯಲ್ಲಿ 71 ನೇ ಗಣರಾಜ್ಯೋತ್ಸವ ಅದ್ದೂರಿ ಆಚರಣೆ ಜಿಲ್ಲಾ ಉಸ್ತುವಾರಿ ಸಚಿವರಾದ ಹೆಚ್.ನಾಗೇಶ್ ಅವರಿಂದ ಧ್ವಜಾರೋಹಣ   
ಕೋಲಾರ: ಜಿಲ್ಲೆಯಲ್ಲಿ 71 ನೇ ಗಣರಾಜ್ಯೋತ್ಸವ ದಿನಾಚರಣೆಯನ್ನು ವಿಜೃಂಭಣೆಯಿಂದ ಆಚರಿಸಲಾಯಿತು. 
ಮಾನ್ಯ ಅಬಕಾರಿ ಮತ್ತು ಕೌಶಲ್ಯಾಭಿವೃದ್ದಿ ಉದ್ಯಮಶೀಲತೆ ಮತ್ತು ಜೀವನೋಪಾಯ ಇಲಾಖೆ ಸಚಿವರು ಹಾಗೂ ಕೋಲಾರ ಜಿಲ್ಲಾ ಉಸ್ತುವಾರಿ ಸಚಿವರಾದ ಶ್ರೀ ಹೆಚ್. ನಾಗೇಶ್ ಧ್ವಜರೋಹಣ ನೆರವೇರಿಸುವ ಮೂಲಕ ಚಾಲನೆ ನೀಡಿದರು. 
ಇಂದು ನಗರದ ಸರ್.ಎಂ ವಿಶ್ವೇಶ್ವರಯ್ಯ ಕ್ರೀಡಾಂಗಣದಲ್ಲಿ ನಡೆದ 71 ನೇ ಗಣರಾಜ್ಯೋತ್ಸವ ದಿನಾಚರಣೆಯಲ್ಲಿ ದ್ವಜವಂದನೆ ಸ್ವೀಕರಿಸಿ ತೆರೆದ ವಾಹನದಲ್ಲಿ ಮೆರವಣಿಗೆ ಹೋಗಿ ಪಥಸಂಚಲನ ತಂಡಗಳಿಂದ ಗೌರವ ವಂದನೆ ಸ್ವೀಕರಿಸಿದರು. ನಂತರ ಸಚಿವರು ಜಿಲ್ಲೆಯ ಜನರಿಗೆ ಸಂದೇಶವನ್ನು ನೀಡಿದರು. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳಾದ ಕಾರ್ತಿಕ್ ರೆಡ್ಡಿ ಅವರ ಮಾರ್ಗದರ್ಶನದಲ್ಲಿ 3 ವಾದ್ಯ ತಂಡಗಳು ಸೇರಿದಂತೆ 25 ತಂಡಗಳು ಭಾಗವಹಿಸಿದ್ದು, ಪಥಸಂಚಲನವು ಆಕರ್ಷಕವಾಗಿ ಮೂಡಿಬಂದಿತು. ಉತ್ತಮ ಪ್ರದರ್ಶನ ನೀಡಿದ ಪಥಸಂಚಲನ ತಂಡಗಳಿಗೆ ಬಹುಮಾನವನ್ನು ನೀಡಲಾಯಿತು. ಸಮವಸ್ತ್ರ ಮತ್ತು ಸಮವಸ್ತ್ರವಲ್ಲದ ತಂಡಗಳಿಗೆ ಮೂರು ಬಹುಮಾನಗಳನ್ನು ನೀಡಲಾಯಿತು. 
ಸಮವಸ್ತ್ರ ಪಥಸಂಚಲನ ಬಹುಮಾನಗಳು: ಮೊದಲನೆ ಬಹುಮಾನ ಮಣಿದೀಪ್ ಕುಮಾರ್ ನೇತ್ರತ್ವದ ಎನ್.ಸಿ.ಸಿ ಸರ್ಕಾರಿ ಬಾಲಕರ ಕಾಲೇಜು ತಂಡ, ದ್ವಿತೀಯ ಬಹುಮಾನ ಶ್ರವಂತ್ ನೇತೃತ್ವದ ಭಾರತ್ ಸ್ಕೌಟ್ಸ್, ಗ್ರೀನ್ ವ್ಯಾಲಿ ಪಬ್ಲಿಕ್ ಶಾಲೆ, ಬೆಗ್ಲಿಹೊಸಹಳ್ಳಿ, 3 ನೇ ಬಹುಮಾನ ಆರತಿ ನೇತೃತ್ವದ ಭಾರತ್ ಸೇವಾದಳ ಎಇಎಸ್ ಶಾಲೆ ಹಾಗೂ ಸಮವಸ್ತ್ರವಲ್ಲದ ಬಹುಮಾನಗಳು ಮೊದಲನೆಯದಾಗಿ ಹರ್ಷಿತ ಎಂ. ನೇತೃತ್ವದ ಸುವರ್ಣ ಸೆಂಟ್ರಲ್ ಶಾಲೆಯ ಬಾಲಕಿಯರ ತಂಡ, ಎರಡನೇ ತಂಡ ರೋಹಿತ್ ನೇತೃತ್ವದ ಆರ್.ವಿ ಇಂಟರ್ ನ್ಯಾಷನಲ್ ಸ್ಕೂಲ್, ಮೂರನೇ ಬಹುಮಾನವನ್ನು ರಮ್ಯ ಹೆಚ್. ನೇತೃತ್ವದ ಮಹಿಳಾ ಸಮಾಜ ಶಾಲೆಯ ಬಾಲಕಿಯರ ತಂಡಕ್ಕೆ ನೀಡಲಾಗಿದೆ. 
ವಿಶೇಷ ಬಹುಮಾನವನ್ನು ಮುರಳಿ ಎಂ. ನೇತೃತ್ವದ ಅಂತರಂಗೆಯ ವಿಶೇಷ ಚೇತನ ಮಕ್ಕಳ ಶಾಲೆಯ ತಂಡಕ್ಕೆ ನೀಡಲಾಯಿತು. ಕಾರ್ಯಕ್ರಮದಲ್ಲಿ ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸಿರುತ್ತಿರುವ ಲೆಪ್ಟಿನೆಂಟ್ ಕರ್ನಲ್ ಅಮರ್‍ನಾಥ್ ಅವರಿಗೆ ಜಿಲ್ಲಾಡಳಿತ ವತಿಯಿಂದ ವಿಶೇಷ ಸನ್ಮಾನ ಮಾಡಲಾಯಿತು. 
ಸಾರ್ವಜನಿಕ ಶಿಕ್ಷಣ ಇಲಾಖೆ ವತಿಯಿಂದ ಸಾಂಸ್ಕøತಿಕ ಕಾರ್ಯಕ್ರಮಗಳನ್ನು ಆಯೋಜನೆ ಮಾಡಲಾಗಿತ್ತು. ಸೆಂಟನ್ಸ್ ಶಾಲೆ, ಚಿನ್ಮಯ ವಿದ್ಯಾಮಂದಿರ, ಸುವರ್ಣ ಸೆಂಟ್ರಲ್ ಶಾಲೆ ಇನ್ನಿತರ 20 ಶಾಲೆಗಳಿಂದ ಸಾಂಸ್ಕøತಿಕ ಕಾರ್ಯಕ್ರಮಗಳು ಮೂಡಿಬಂದವು. 
ಮುದುವಾಡಿ ಹೊಸಹಳ್ಳಿ ಸರ್ಕಾರಿ ಶಾಲೆಯು ಮಕ್ಕಳಿಂದ ಮೂಡಿಬಂದ ಕಂಸಾಳೆ ನ್ಯತ್ಯವು ಸಾರ್ವಜನಿಕರನ್ನು ಹುರಿತುಂಬಿಸಿತು. ಇದೇ ಸಂದರ್ಭದಲ್ಲಿ ಕೋಲಾರ ಲೋಕಸಭಾ ಕ್ಷೇತ್ರದ ಸಂಸದರಾದ 
ಎಸ್. ಮುನಿಸ್ವಾಮಿ,  ಜಿಲ್ಲಾಧಿಕಾರಿಗಳಾದ ಜೆ. ಮಂಜುನಾಥ್, ಕೋಲಾರ ವಿಧಾನಸಭಾ ಕ್ಷೇತ್ರದ ಶಾಸಕರಾದ 
ಕೆ. ಶ್ರೀನಿವಾಸಗೌಡ, ಅಪರ ಜಿಲ್ಲಾಧಿಕಾರಿಗಳಾದ ಹೆಚ್.ಪುಷ್ಪಲತಾ, ಉಪವಿಭಾಗಾಧಿಕಾರಿ ವಿ. ಸೋಮಶೇಖರ್, ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಸಿ.ಎಸ್ ವೆಂಕಟೇಶ್, ಉಪಾಧ್ಯಕ್ಷರಾದ ಯಶೋಧ ಕೃಷ್ಣಮೂರ್ತಿ, ತಾಲ್ಲೂಕು ಪಂಚಾಯತ್ ಅಧ್ಯಕ್ಷರಾದ ಸೂಲೂರು ಎಂ. ಆಂಜಿನಪ್ಪ ಸೇರಿದಂತೆ ಜಿಲ್ಲಾ ಮಟ್ಟದ ಅಧಿಕಾರಿಗಳು, ಸಾರ್ವಜನಿಕರು ಉಪಸ್ಥಿತರಿದ್ದರು.

ಸಹಕಾರಿ ಲ್ಯಾಬ್ ಸ್ಥಾಪನೆಗೆ ಎಂಡಿ ನೇತೃತ್ವದಲ್ಲಿ ಸಮಿತಿ ಅಧ್ಯಕ್ಷರಿಂದ ಅಟೆಂಡರ್‍ವರೆಗೆ ಠೇವಣಿ ಸಂಗ್ರಹದ ಗುರಿ – ಡಿಸಿಸಿ ಬ್ಯಾಂಕ್ ಮೊಬೈಲ್, ಮೂಕ್ರೋ ಎಟಿಎಂ ಸೇವೆ ಮಾರ್ಚ್‍ನಲ್ಲಿ

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

 

 

ಸಹಕಾರಿ ಲ್ಯಾಬ್ ಸ್ಥಾಪನೆಗೆ ಎಂಡಿ ನೇತೃತ್ವದಲ್ಲಿ ಸಮಿತಿ ಅಧ್ಯಕ್ಷರಿಂದ ಅಟೆಂಡರ್‍ವರೆಗೆ ಠೇವಣಿ ಸಂಗ್ರಹದ ಗುರಿ – ಡಿಸಿಸಿ ಬ್ಯಾಂಕ್ ಮೊಬೈಲ್, ಮೂಕ್ರೋ ಎಟಿಎಂ ಸೇವೆ ಮಾರ್ಚ್‍ನಲ್ಲಿ

 

 

ಕೋಲಾರ: ಮಾರ್ಚ್ 1 ರಂದು ಡಿಸಿಸಿ ಬ್ಯಾಂಕ್‍ನಿಂದ ಸಂಚಾರಿ ಮತ್ತು ಮೈಕ್ರೋ ಎಟಿಎಂ ಸೌಲಭ್ಯವನ್ನು ಉದ್ಘಾಟಿಸಲು ಇಲ್ಲಿನ ಸಹಕಾರಿ ಯೂನಿಯನ್‍ನಲ್ಲಿ ಶನಿವಾರ ನಡೆದ ಸಭೆಯಲ್ಲಿ ನಿರ್ಧರಿಸಲಾಯಿತು.
ವಿಷಯ ಪ್ರಸ್ತಾಪ ಮಾಡಿದ ಬ್ಯಾಂಕಿನ ಅಧ್ಯಕ್ಷ ಬ್ಯಾಲಹಳ್ಳಿ ಎಂ.ಗೋವಿಂದಗೌಡರು, ಕೋಲಾರ ಡಿಸಿಸಿ ಬ್ಯಾಂಕಿನ ಅತ್ಯುತ್ತಮ ಸಾಧನೆಯನ್ನು ಪರಿಗಣಿಸಿ ನಬಾರ್ಡ್‍ನಿಂದ ತಲಾ 20,250 ರೂ.ವೆಚ್ಚದ 200 ಮೈಕ್ರೋ ಎಟಿಎಂ ಹಾಗೂ 2 ಮೊಬೈಲ್ ಎಟಿಎಂಗಳಿಗಾಗಿ ವಾಹನ ಖರೀದಿಗೆ 27 ಲಕ್ಷ ರೂ.ಗಳನ್ನು ಬಿಡುಗಡೆ ಮಾಡಿದ್ದು ಇದು ಸಹಕಾರಿ ವ್ಯವಸ್ಥೆಯ ಸೌಂದರ್ಯವಾಗಿದೆ ಎಂದು ಹರ್ಷಿಸಿದರು.
ಇದು ಡಿಸಿಸಿ ಬ್ಯಾಂಕ್ ವಹಿವಾಟು ಹೆಚ್ಚಳಕ್ಕೆ ವರದಾನ ಆಗಲಿದ್ದು ಹಾಲು ಡೇರಿ ಸದಸ್ಯರಿಗೆ ಮನೆ ಬಾಗಿಲಲ್ಲೇ ಸೌಲಭ್ಯ ಒದಗಿಸಲು ಸಿಬ್ಬಂದಿ ಮುಂದಾಗಬೇಕು. ಸ್ತ್ರೀ ಶಕ್ತಿ ಸಂಘಗಳ ಸದಸ್ಯರಿಗೂ ಇದರ ಸವಲತ್ತು ಒದಗಿಸುವ ಜತೆಗೆ ಇಡೀ ಹಳ್ಳಿಯ ಜನರು ಹಳ್ಳಿ ಸೊಸೈಟಿಗಳಲ್ಲಿ ಖಾತೆ ತೆರೆಯಲು ಆಂದೋಲನ ರೂಪಿಸಬೇಕೆಂದು ತಿಳಿಸಿದರು.
ಠೇವಣಿ ಆಂದೋಲನ: ಆರ್ಥಿಕ ವರ್ಷ ಮುಕ್ತಾಯದ ಹೊಸಿಲಲ್ಲಿರುವ ನಾವು ಇದೀಗ ಸಮರೋಪಾದಿಯಲ್ಲಿ ಎಲ್ಲ ಕೆಲಸಗಳನ್ನೂ ಮಾಡಬೇಕಿದ್ದು ಠೇವಣಿ ಸಂಗ್ರಹ,ಎನ್‍ಪಿಎ ಕಡಿಮೆ ಮಾಡುವುದು,ಸಾಲ ವಿತರಣೆ,ವಸೂಲಾತಿ,ಸಹಕಾರಿ ಲ್ಯಾಬ್ ಸ್ಥಾಪನೆ ಜತೆಗೆ ನಬಾರ್ಡ್ ಆಡಿಟ್‍ಗೆ ಸಜ್ಜಾಗಬೇಕಿದ್ದು ಇದು ಸವಾಲಿನ ಪರ್ವ ಸಮಯವಾಗಿದೆ. ಹೀಗಾಗಿ ಪ್ರತಿಯೊಬ್ಬರೂ ಮಾರ್ಚ್ 31ವರೆಗೆ ರಜೆಯನ್ನೂ ಸಹಾ ಬಿಟ್ಟು ಸಂಘಟಿತರಾಗಿ ಕೆಲಸ ಮಾಡಬೇಕಾಗಿದೆ ಎಂದು ಹೇಳಿದರು.
ಲ್ಯಾಬ್ ಸಮಿತಿ: ಬ್ಯಾಂಕಿನ ಎಂಡಿ ರವಿ ಅವರ ನೇತೃತ್ವದಲ್ಲಿ ಸೊಸೈಟಿ ಸಿಇಒಗಳನ್ನು ಒಳಗೊಂಡ ಸಮಿತಿಯನ್ನು ರಚಿಸುವ ಮೂಲಕ ಸಹಕಾರಿ ಲ್ಯಾಬ್ ಅನುಷ್ಟಾನಕ್ಕೆ ಕ್ರಮ ಕೈಗೊಳ್ಳಬೇಕೆಂದು ಸೂಚಿಸಿದ ಅಧ್ಯಕ್ಷರು ಕನಿಷ್ಟ ವೆಚ್ಚದಲ್ಲಿ ಗುಣಮಟ್ಟದ ಸೇವೆಯನ್ನು ಒದಗಿಸಬೇಕು. ಪ್ರಸ್ತುತ ಮಾರುಕಟ್ಟೆ ದರದಲ್ಲಿನ ಶೇ.25 ವೆಚ್ಚದಲ್ಲಿ ಬಡವರಿಗೆ ಲ್ಯಾಬ್ ಪ್ರಯೋಜನ ದೊರೆಯುವಂತೆ ಮಾಡಬೇಕು ಎಂದು ಸೂಚಿಸಿದರು.
ಅಸಮಾಧಾನ: ಠೇವಣಿ ಸಂಗ್ರಹವನ್ನು ಬ್ಯಾಂಕಿನ ಸಿಬ್ಬಂದಿ ಗಂಭೀರವಾಗಿ ಪರಿಗಣಿಸಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದ ಗೋವಿಂದಗೌಡರು ಬ್ಯಾಂಕಿನ ಅಧ್ಯಕ್ಷರಿಂದ ಅಟೆಂಡರ್‍ವರೆಗೆ ಗುರಿ ಸಾಧಿಸಲು ಮುಂದಾಗಬೇಕಿದ್ದು ಈಗಾಗಲೇ ಸಂಗ್ರಹ ಆಗಿರುವ 20 ಕೋಟಿ ರೂ. ಸಮಾಧಾನ ತಂದಿಲ್ಲ ಎಂದರು. ಪ್ರಸ್ತುತ 850 ಕೋಟಿ ರೂ. ಸಾಲ ವಿತರಣೆ ಆಗಿದ್ದು ಮಾರ್ಚ್ ಅಂತ್ಯದೊಳಗೆ ಒಂದು ಸಾವಿರ ಕೋಟಿ ರೂ. ಗುರಿ ಸಾಧನೆ ಆಗಬೇಕು. ಸಾಲ ತೀರಿಸಿರುವ ಮಹಿಳಾ ಸಂಘಗಳಿಗೆ ತಕ್ಷಣ ಮರು ಸಾಲ ಕಡ್ಡಾಯವಾಗಿ ವಿತರಣೆ ಆಗಬೇಕಿದ್ದು ಮಹಿಳಾ ಸಂಘಗಳ ಸದಸ್ಯರ ಮನವೊಲಿಸಿ ವೈಯಕ್ತಿಕ ಖಾತೆಯಲ್ಲಿ ಕನಿಷ್ಠ 5 ಸಾವಿರ ರೂ. ಇಡುವಂತೆ ಮಾಡಬೇಕು ಎಂದು ತಿಳಿಸಿದರು.
ಆಸ್ತಿ ಹರಾಜು: ಸುಸ್ತಿ ಆಗಿರುವ ಸಾಲಗಳಿಗೆ ಕೊಟ್ಟಿರುವ ಆಸ್ತಿಯನ್ನು ತಕ್ಷಣ ಹರಾಜು ಮಾಡಬೇಕೆಂದು ಸೂಚಿಸಿದ ಬ್ಯಾಂಕಿನ ಅಧ್ಯಕ್ಷರು ಮಾರ್ಚ್ 31ರೊಳಗೆ ಯಾವುದೇ ಸಾಲದ ಖಾತೆ ಸುಸ್ತಿ ಆಗದಂತೆ ಎಚ್ಚರಿಕೆ ವಹಿಸುವ ಜತೆಗೆ ಕನಿಷ್ಠ 500 ಕೋಟಿ ರೂ. ಠೇವಣಿ ಸಂಗ್ರಹ ಆಗುವಂತೆ ಕ್ರಮ ಕೈಗೊಳ್ಳಬೇಕು. ಈ ಸಂಬಂಧ ಬ್ಯಾಂಕಿನಿಂದ 2 ಲಕ್ಷ ಪಾಂಪ್ಲೆಟ್ ಪ್ರಿಂಟ್ ಮಾಡಿಸಿ ಹಳ್ಳಿಗಳಲ್ಲಿ ಹಂಚುವ ಮೂಲಕ ಮಹಿಳೆಯರು,ರೈತರ ಖಾತೆಯನ್ನು ಡಿಸಿಸಿ ಬ್ಯಾಂಕಿನಲ್ಲಿ ತೆರೆಯುವಂತೆ ಮಾಡಿ ವಹಿವಾಟು ಹೆಚ್ಚು ಮಾಡಬೇಕೆಂದು ಕಟ್ಟಪ್ಪಣೆ ಮಾಡಿದರು.
ಸಾಲ ವಿತರಣೆ: ಜ.29 ರಂದು ಬುಧವಾರ ಬಡವರ ಬಂಧು ಸಾಲ ವಿತರಣೆಯನ್ನು ಕೋಲಾರದಲ್ಲಿ ಹಮ್ಮಿಕೊಳ್ಳಲು ಸೂಚಿಸಿದ ಅಧ್ಯಕ್ಷರು, ಕಾಯಕ ಯೋಜನೆ ಸಾಲವನ್ನು ಶೀಘ್ರವಾಗಿ ವಿತರಿಸಲು ಸಿದ್ದರಾಗಬೇಕೆಂದು ಅಧಿಕಾರಿಗಳಿಗೆ ತಿಳಿಸಿದರಲ್ಲದೆ ಮುಳಬಾಗಲು ತಾಲೂಕುನಲ್ಲಿ ಸುಸ್ತಿ ಸಾಲ ವಿತರಣೆಗೆ ಸಮಸ್ಯೆ ಆಗಿರುವುದರಿಂದಾಗಿ ನಿರ್ದೇಶಕ ಸೊಣ್ಣೇಗೌಡರು ಜವಾಬ್ದಾರಿ ವಹಿಸಿಕೊಂಡು ಸಮಸ್ಯೆ ಪರಿಹರಿಸಬೇಕೆಂದು ಹೇಳಿದರು.
ಡಿಸಿಸಿ ಬ್ಯಾಂಕ್ ನಿರ್ದೇಶಕರಾದ ಆರ್.ನಾರಾಯಣರೆಡ್ಡಿ,ಎಚ್.ನರಸಿಂಹರೆಡ್ಡಿ,ನಾಗನಾಳಸೋಮಣ್ಣ,ಎಂ.ಎಲ್.ಅನಿಲ್‍ಕುಮಾರ್,ಬಿ.ವಿ.ವೆಂಕಟರೆಡ್ಡಿ,ಯಲವಾರ ಸೊಣ್ಣೇಗೌಡ, ಅಶ್ವಥಪ್ಪ, ಎಂಡಿ ರವಿ, ಎಜಿಎಂಗಳಾದ ಎಂ.ಆರ್.ಶಿವಕುಮಾರ್,ಎನ್.ಬೈರೇಗೌಡ,ಕಲೀಂವುಲ್ಲಾ,ಎಂ.ಚೌಡಪ್ಪ,ವ್ಯವಸ್ಥಾಪಕ ಕೆ.ನಾಗೇಶ್ ಇದ್ದರು.
ಫೋಟೋ ಕ್ಯಾಪ್ಷನ್: ಕೋಲಾರದ ಸಹಕಾರಿ ಮಯೂನಿಯನ್‍ನಲ್ಲಿ ನಡೆದ ಡಿಸಿಸಿ ಬ್ಯಾಂಕ್ ಅಧಿಕಾರಿಗಳ ಸಭೆಯಲ್ಲಿ ಅಧ್ಯಕ್ಷ ಬ್ಯಾಲಹಳ್ಳಿ ಎಂ.ಗೋವಿಂದಗೌಡರು ಸೊಸೈಟಿ ಆನ್‍ಲೈನ್‍ಗೆ ಸಂಬಂಧಿಸಿದಂತೆ ಹೈದರಾಬಾದ್‍ನ ವಿ ಸಾಫ್ಟ್ ಟೆಕ್ನಾಲಜೀಸ್ ತಜ್ಞರ ಜತೆ ಚರ್ಚೆ ನಡೆಸಿದರು.

 

ಸೊಸೈಟಿ ಲೆಕ್ಕ ಇನ್ನು ಪಕ್ಕಾ

ಅವಳಿ ಜಿಲ್ಲೆಗಳ ಸೊಸೈಟಿ ಲೆಕ್ಕ ಇನ್ನು ಮುಂದೆ ಪಕ್ಕಾ ಆಗಲಿದ್ದು ಇದಕ್ಕಾಗಿ ಹೈದರಾಬಾದ್ ಮೂಲದ ವಿ ಸಾಫ್ಟ್ ಟೆಕ್ನಾಲಜೀಸ್ ಅವರ ತಂತ್ರಾಂಶವನ್ನು ಆನ್‍ಲೈನ್‍ಗಾಗಿ ಅಳವಡಿಸಿಕೊಳ್ಳಲಾಗುತ್ತಿದೆ.
ಪ್ರಥಮ ಹಂತದಲ್ಲಿ ಮಾರ್ಚ್ 31ರೊಳಗೆ ಅವಳಿ ಜಿಲ್ಲೆಗಳ 60 ಸೊಸೈಟಿಗಳು ಆನ್‍ಲೈನ್ ಆಗಲಿದ್ದು ಏಪ್ರಿಲ್‍ನಲ್ಲಿ ಶೇ.100 ಗುರಿ ಸಾಧಿಸಲು ಡಿಸಿಸಿ ಬ್ಯಾಂಕ್ ಯೋಜನೆ ರೂಪಿಸಿದೆ.
ವಿಂಡೋಸ್ 10 ಜತೆಗೆ ಆಫೀಸ್ 2013 ವ್ಯವಸ್ಥೆ ಆನ್‍ಲೈನ್‍ನಲ್ಲಿ ಅಳವಡಿಸಲಾಗಿದ್ದು ಕೋರ್ ಬ್ಯಾಂಕಿಂಗ್ ಮಾಡಲಾಗಿದೆ. ಹಳ್ಳಿ ಸೊಸೈಟಿಯಲ್ಲಿ ನಡೆಯುವ ಪ್ರತಿಯೊಂದು ವಹಿವಾಟು ಡಿಸಿಸಿ ಬ್ಯಾಂಕ್ ಸರ್ವರ್, ಬೆಂಗಳೂರು ಹಾಗೂ ಹೈದರಾಬಾದ್‍ನ ಕೇಂದ್ರ ಕಚೇರಿಯಲ್ಲಿ ದಾಖಲಾಗುತ್ತದೆ. ಆಡಿಟ್ ಮೋಡ್‍ನಿಂದಾಗಿ ಒಂದೇ ಕ್ಷಣದಲ್ಲಿ ಆಡಿಟರ್‍ಗೆ ದಾಖಲೆಗಳನ್ನು ಒದಗಿಸುವ ಮೂಲಕ ನಿಗದಿತ ಸಮಯದಲ್ಲಿ ಸೊಸೈಟಿ ಆಡಿಟ್ ಮಾಡಿಸಬಹುದಾಗಿದೆ.

ವಿದ್ಯಾರ್ಥಿಗಳ ಜೀವನಾಡಿಯಾಗಿರುವ ಶ್ರೀ ವೆಂಕಟೇಶ್ವರ ವಾಣಿಜ್ಯ ಮತ್ತು ಕಂಪ್ಯೂಟರ್ ವಿದ್ಯಾ ಸಂಸ್ಥೆಯ ಶ್ರಮ ಅಪಾರ-ಬಿ ವಿ ಗೋಪಿನಾಥ್

ವರದಿ ಶಬ್ಬೀರ್ ಅಹಮದ್ ಶ್ರೀನಿವಾಸಪುರ
ವಿದ್ಯಾರ್ಥಿಗಳ ಜೀವನಾಡಿಯಾಗಿರುವ ಶ್ರೀ ವೆಂಕಟೇಶ್ವರ ವಾಣಿಜ್ಯ ಮತ್ತು ಕಂಪ್ಯೂಟರ್ ವಿದ್ಯಾ ಸಂಸ್ಥೆಯ ಶ್ರಮ ಅಪಾರ-ಬಿ ವಿ ಗೋಪಿನಾಥ್ 
ಕೋಲಾರ : ಜಿಲ್ಲೆಯಲ್ಲಿ ಕಳೆದ 31 ವರ್ಷಗಳಿಂದ ಬೆರಳಚ್ಚು ಹಾಗೂ ಕಂಪ್ಯೂಟರ್ ತರಬೇತಿ ಯಲ್ಲಿ ಸಾವಿರಾರು ವಿದ್ಯಾರ್ಥಿಗಳನ್ನು ತಯಾರು ಮಾಡಿ ರಾಜ್ಯದುದ್ದಕ್ಕೂ ಕೊಡುಗೆ ಯಾಗಿ ನೀಡಿ ಹಲವಾರು ವಿದ್ಯಾರ್ಥಿಗಳ ಜೀವನಾಡಿಯಾಗಿರುವ ಶ್ರೀ ವೆಂಕಟೇಶ್ವರ ವಾಣಿಜ್ಯ ಮತ್ತು ಕಂಪ್ಯೂಟರ್ ವಿದ್ಯಾ ಸಂಸ್ಥೆಯ ಶ್ರಮ ಅಪಾರವಾಗಿದೆ, ಈ ಒಂದು ಪ್ರಯತ್ನವನ್ನು ಮಾಡಿದ ಸುಧಾಕರ್ ಹಾಗೂ ರತ್ನ ಸುಧಾಕರ್ ರವರ ಸೇವೆ ನಿಜಕ್ಕೂ ಸಾರ್ಥಕ ಎಂದು
ಕೋಲಾರ ಜಿಲ್ಲಾ ಕಾರ್ಯನಿರತ ಪತ್ರಕರ್ತ ಸಂಘದ ಮಾಜಿ ಅಧ್ಯಕ್ಷರು ಹಾಗೂ ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘ ರಾಜ್ಯ ಕಾರ್ಯಕಾರಿ ಸಮಿತಿ ಸದಸ್ಯರು ಹಿರಿಯ ಪತ್ರಕರ್ತರಾದ ಬಿ ವಿ ಗೋಪಿನಾಥ್ ಅಭಿಪ್ರಾಯವನ್ನು ವ್ಯಕ್ತಪಡಿಸಿದರು.
ಅವರು ನಗರದ ಅಂತರಗಂಗೆ ರಸ್ತೆಯಲ್ಲಿರುವ ಶ್ರೀ ವೆಂಕಟೇಶ್ವರ ವಾಣಿಜ್ಯ ಮತ್ತು ಕಂಪ್ಯೂಟರ್ ವಿದ್ಯಾಸಂಸ್ಥೆಯ ವತಿಯಿಂದ ಹಮ್ಮಿಕೊಂಡಿದ್ದ 31 ನೇ ವರ್ಷದ ಶಾರದಾ ಪೂಜಾ ಹಾಗೂ ಪ್ರತಿಭಾ ಪುರಸ್ಕಾರ ಕಾರ್ಯಕ್ರಮದಲ್ಲಿ ಅವರು ಮಾತನಾಡುತ್ತಾ, ಜೀವನದ ಪ್ರತಿಯೊಂದು ಹಂತದಲ್ಲಿ ನಮ್ಮ ಪೋಷಕರು ಹಾಗೂ ಗುರುಗಳು ಮೈಲಿಗಲ್ಲಾಗುತ್ತಾರೆ, ಆದುದರಿಂದ ಅವರ ಋಣ ತೀರಿಸಲು ಪ್ರತಿಯೊಬ್ಬ ವಿದ್ಯಾರ್ಥಿ ಉನ್ನತ ಮಟ್ಟದ ವಿದ್ಯಾಭ್ಯಾಸವನ್ನು ಪಡೆದು  ಸಮಾಜದಲ್ಲಿ ಗೌರವ ಪಡೆಯಬೇಕು ಎಂದರು.
ಶ್ರೀ ವೆಂಕಟೇಶ್ವರ ವಾಣಿಜ್ಯ ಮತ್ತು ಕಂಪ್ಯೂಟರ್ ವಿದ್ಯಾಸಂಸ್ಥೆಯ ಆಡಳಿತಾಧಿಕಾರಿ ಶ್ರೀಮತಿ ಎಂ ವಿ ರತ್ನ ಸುಧಾಕರ್ ಶಾಲೆಯು ನಡೆದು ಬಂದ ಹಾದಿ, ವಿದ್ಯಾರ್ಥಿಗಳ ಶ್ರಮ, ಸಾಧನೆಯನ್ನು ಸವಿಸ್ತಾರವಾಗಿ ವಿವರಿಸಿದರು.
ವೇದಿಕೆಯಲ್ಲಿ ಕೋಲಾರ  ಕ್ಷೇತ್ರ ಶಿಕ್ಷಣಾಧಿಕಾರಿಗಳಾದ ಕೆ ಎಸ್ ನಾಗರಾಜ್ ಗೌಡ, ಕರ್ನಾಟಕ ರಾಜ್ಯ ವಾಣಿಜ್ಯ ಶಾಲೆಗಳ ಸಂಘದ ಗೌರವ ಕಾರ್ಯದರ್ಶಿ ಎನ್ ಕೃಷ್ಣಮೂರ್ತಿ, ರೊಟೇರಿಯನ್ ವೆಂಕಟರಮಣಪ್ಪ,  ಹಾಗೂ ಮತ್ತಿತರ ಗಣ್ಯರು ಉಪಸ್ಥಿತರಿದ್ದರು.
ಇದೇ ಸಂದರ್ಭದಲ್ಲಿ ವಿದ್ಯಾರ್ಥಿಗಳ ಅನಿಸಿಕೆಗಳನ್ನು ಹಂಚಿಕೊಂಡರು, ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಪುರಸ್ಕಾರ ನೀಡಲಾಯಿತು. ಶಶಿರೇಖಾ ಕಾರ್ಯಕ್ರಮದ ನಿರೂಪಣೆಯನ್ನು ವಹಿಸಿದ್ದರು.

ಪ್ರಜಾಪ್ರಭುತ್ವ ಅಂದರೆ ನಮ್ಮ ಏಕತೆಯ ಸಂಕೇತ, ಇದೊಂದು ರಾಷ್ಟ್ರೀಯ ಹಬ್ಬವಾಗಿದೆ : ಉಪವಿಭಾಗದ ಸಹಾಯಕ ಆಯುಕ್ತ ಕೆ.ರಾಜು

JANANUDI.COM NETWORK

 

 

ಪ್ರಜಾಪ್ರಭುತ್ವ ಅಂದರೆ ನಮ್ಮ ಏಕತೆಯ ಸಂಕೇತ, ಇದೊಂದು ರಾಷ್ಟ್ರೀಯ ಹಬ್ಬವಾಗಿದೆ : ಉಪವಿಭಾಗದ ಸಹಾಯಕ ಆಯುಕ್ತ ಕೆ.ರಾಜು

 

 

ಕುಂದಾಪುರ, ಜ.27: ‘ಭಾರತವು ಗಣ ರಾಜ್ಯಗಳಿಂದ ಕೂಡಿದ ದೇಶವಾಗಿದೆ, ನಮ್ಮದು ನಮ್ಮ ಪ್ರಜಾಪ್ರಭುತ್ವ ಅಂದರೆ ನಮ್ಮ ಏಕತೆಯ ಸಂಕೇತವಾಗಿದೆ, ಇದೊಂದು ರಾಷ್ಟ್ರೀಯ ಹಬ್ಬವಾಗಿದೆ’ ಕುಂದಾಪುರ ಉಪವಿಭಾಗದ ಸಹಾಯಕ ಆಯುಕ್ತ ಕೆ.ರಾಜು ಹೇಳಿದರು. ಅವರು ರವಿವಾರ ಕುಂದಾಪುರ ಗಾಂಧಿ ಮೈದಾನದಲ್ಲಿ ನಡೆದ 71 ನೇ ಗಣರಾಜ್ಯೋತ್ಸವದ ಪ್ರಯುಕ್ತ ಧ್ವಜಾ ರೋಹಣ ಮಾಡಿ, ಗೌರವ ರಕ್ಷೆಯನ್ನು ಸ್ವೀಕರಿಸಿ ಮಾತನಾಡಿದರು.
‘ನಮ್ಮದು ಜನರಿಂದ ಜರಿಗಾಗಿ ನಡೆಸುವ ಪ್ರಜಾ ಪ್ರಭುತ್ವಗಾಗಿದೆ. ಇದರಿಂದ ಯಾವ ಸಾಮನ್ಯ ಜನರೂ ನಮ್ಮಲ್ಲಿ ಚುನಾವಣೆಯಲ್ಲಿ ನಿಲ್ಲಬಹುದು. ಪ್ರಧಾನ ಮಂತ್ರಿಯಾಗಬಹುದು, ಉಪಮಂತ್ರಿಯಾಗ ಬಹುದು, ಮುಖ್ಯಮಂತ್ರಿಯಾಗಬಹುದು, ಅಲ್ಲದಿದ್ದರೆ, ಪಂಚಾಯತ್ ಸದಸ್ಯನಾದರೂ ಆಗಲಿಕ್ಕೆ ಸಾಧ್ಯವಿದೆ. ಅಲ್ಲದೆ ನಮ್ಮದು ಜಾತ್ಯಾತಿತ ದೇಶವಾಗಿದೆ, ಇಲ್ಲಿ ಯಾವುದೇ ರಾಷ್ಟ್ರೀಯ ಜಾತಿ ಧರ್ಮವೆಂಬುದು ಇಲ್ಲಾ. ಭಾರತದಲ್ಲಿ 3500 ಜಾತಿಗಳಿದ್ದರೂ, ಯಾವುದು ಮೇಲಲ್ಲ ಕೀಳಲಲ್ಲಾ ಯವುದೇ ವ್ರತ್ತಿ ವ್ಯಾಪರ, ವಹಿವಾಟುಗಳನ್ನು ಮಾಡಲು, ರಾಜಕೀಯಕ್ಕೆ ಇಳಿಯಲು ಯಾವುದೆ ಥರಹದ ಅಡ್ಡಿ ಇಲ್ಲಾ, ಇಂತ ಒಳ್ಳೆಯ ಅಂಶಗಳಿರುವ ಸಂವಿಧಾನ ನಮ್ಮದು. ದೀಪದ ಕೆಳಗೆ ಕತ್ತಲಿರುವ ಹಾಗೆ, ನಮ್ಮ ದೇಶದಲ್ಲಿ ಸಾಕಸ್ಟು ಸಮಸ್ಯೆಗಳಿವೆ. ಕುಟುಂಬ ರಾಜಕೀಯ, ಸ್ವಜನ ಪಕ್ಷಪಾತ, ಭ್ರಷ್ಟಾಚಾರ, ಆದರೂ ಪ್ರಜಾಪ್ರಭುತ್ವ ವರ್ಶದಿಂದ ವರ್ಷಕ್ಕೆ ಮಾಡುತ್ತಲೆ ಇದ್ದೆವೆ. ಇವತ್ತು ನಮ್ಮ ದೇಶ ಬಲಾಢ್ಯ ದೇಶಗಳಿಗೆ ಪೈಪೆÇೀಟಿ ನೀಡಿ, ವಿಜ್ನಾನ, ಭಾಹ್ಯಕಾಶ, ಆರ್ಥಿಕ ತಾಂತ್ರಿಕತೆ ಮತ್ತು ರೀತಿಯಲ್ಲಿ ಮುಂದುವರೆಯುತ್ತಾ ಇದೆ’ ಎಂದು ತಮ್ಮ ಸಂದೇಶದಲ್ಲಿ ತಿಳಿಸಿದರು,
ಕುಂದಾಪುರ ತಾಲೂಕು ಪಂಚಾಯತ್ ಅಧ್ಯಕ್ಷೆ ಶ್ಯಾಮಲ ಕುಂದರ್ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ತಸೀಲ್ದಾರ್ ತಿಪ್ಪೆಸ್ವಾಮಿ ಸ್ವಾಗತಿಸಿದರು. ಎ ಎಸ್ಪಿ. ಹರಿರಾಮ್ ಶಂಕರ್, ವ್ರತ್ತ ನಿರೀಕ್ಷಕ ಗೋಪಿ ಕ್ರಷ್ಣ, ಯುವಜನ ಕ್ರೀಡಾಧಿಕಾರಿ ಕುಸುಮಾಕರ್ ಶೆಟ್ಟಿ, ಮತ್ತು ಹಾಲಿ ಮಾಜಿ ಪುರಸಭೆ ಸದಸ್ಯರು ಉಪಸ್ಥಿತರಿದ್ದರು. ಪಿ.ಎಸ್.ಐ. ಹರೀಶ್ ಆರ್. ನಾಯ್ಕ್ ಗೌರವ ರಕ್ಷೆ ನೀಡಿ ಪಥ ಸಂಚಲನದ ನೇತ್ರತ್ವ ವಹಿಸಿದರು. ಪೆÇಲೀಸ್, ಗ್ರಹ ರಕ್ಷಕ ದಳ, ಅಗ್ನಿಶಾಮಕ, ಎನ್.ಸಿ.ಸಿ, ನೇವ್, ಸ್ಕೌಟ್ ಗೈಡ್ ಸೇವಾದಳದಿಂದ ಪಥ ಸಂಚಲನ ನಡೆಯ್ತಿತು. ಸಂತ ಜೋಸೆಫ್ ಹಿ.ಪ್ರಾ. ಶಾಲಾ ವಿದ್ಯಾರ್ಥಿಗಳ ಬ್ಯಾಂಡ್ ಪಥ ಸಂಚಲನದ ಆಕರ್ಷಣೆಯಾಯಿತು. ಬೋರ್ಡ್ ಹೈಸ್ಕೂಲಿನ ಎಲ್ಲಾ 357 ವಿದ್ಯಾರ್ಥಿಗಳು ಏಕಾ ಕಾಲದಲ್ಲಿ ನ್ರತ್ಯ ಪರ್ದರ್ಶನ ನೀಡಿದ್ದು ವೀಶೆಷವಾಗಿತ್ತು. ಹಾಗೇ ಇನ್ನಿತರ ಶಾಲೆಗಳ ಸಾಂಸ್ಕ್ರತಿಕ ಕಾರ್ಯಕ್ರಮಗಳು ಪ್ರದರ್ಶನಗೊಂಡವು. ಸಂತ ಮೇರಿಸ್ ಹೈಸ್ಕೂಲಿನ ದೈಹಿಕ ಶಿಕ್ಷಕ ಚಂದ್ರಶೇಖರ ಬೀಜಾಡಿ ನಿರೂಪಿಸಿದರು. ಕ್ಷೇತ್ರ ಶಿಕ್ಷಣಾಧಿಕಾರಿ ಅಸೋಕ್ ಕಾಮತ್ ವಂದಿಸಿದರು.

ನಿನ್ನೆ ಸಂಜೆ ಹೆರಿಕುದ್ರು ಸೇತುವೆ ಮೇಲಿನಿಂದ ಹಾರಿದ ಕೆ.ಜಿ.ಗಣೇಶ್ ಶವ ಇಂದು ಬೆಳ್ಳಂಬೆಳ್ಳಗೆ ಹೆಮ್ಮಾಡಿ ಬಳಿಯ ಹೊಳೆಯಲ್ಲಿ ಪತ್ತೆಯಾಗಿದೆ

JANANUDI.COM NETWORK

 

 

ನಿನ್ನೆ ಸಂಜೆ ಹೆರಿಕುದ್ರು ಸೇತುವೆ ಮೇಲಿನಿಂದ ಹಾರಿದ ಕೆ.ಜಿ.ಗಣೇಶ್ ಶವ ಇಂದು ಬೆಳ್ಳಂಬೆಳ್ಳಗೆ ಹೆಮ್ಮಾಡಿ ಬಳಿಯ ಹೊಳೆಯಲ್ಲಿ ಪತ್ತೆಯಾಗಿದೆ

 

 

 

ಕುಂದಾಪುರ, ಜ.27: ನಿನ್ನೆ ಸಂಜೆ ಕುಂದಾಪುರ – ಹೆರಿಕುದ್ರು ಸೇತುವೆ ಮೇಲಿನಿಂದ ಹಾರಿದ ಕೆ.ಜಿ.ಗಣೇಶ್ ಶವ ಇಂದು ಬೆಳ್ಳಂಬೆಳ್ಳಗೆ ಹೆಮ್ಮಾಡಿ ಬಳಿಯ ಹೊಳೆಯಲ್ಲಿ ಪತ್ತೆಯಾಗಿದೆ.ಹಾರಿದ ಕೂಡಲೇ ಹ್ರದಯಾಘಾತದಿಂದ ಸಾವು ಸಂಭವಿಸಿರ ಬಹುದೆಂದು ಶಂಕಿಸಲಾಗಿದ್ದು,ಅಗ್ನಿ ಶಾಮಕ ದಳದ ಸತತ ಕಾರ್ಯಾಚರಣೆ ಯ ನಂತರವೂ ಪತ್ತೆಯಾಗದ ಶವ ನೀರಿನ ಸೆಳವಿಗೆ ಸಿಲುಕಿ ಅಷ್ಟೊಂದು ದೂರದಲ್ಲಿ ಪತ್ತೆಯಾಗಿದೆ.

 

ಹೊಳೆಗೆ ಹಾರಿದ ಚಿಕ್ಕನಸಾಲು ರಸ್ತೆ ನಿವಾಸಿ  ಉದ್ಯಮಿಗಾಗಿ ತಡರಾತ್ರಿಯ ತನಕ ಹುಡುಕಾಟ

JANANUDI.COM NETWORK

 

 

ಹೊಳೆಗೆ ಹಾರಿದ ಚಿಕ್ಕನಸಾಲು ರಸ್ತೆ ನಿವಾಸಿ  ಉದ್ಯಮಿಗಾಗಿ ತಡರಾತ್ರಿಯ ತನಕ ಹುಡುಕಾಟ

 

 

ಕುಂದಾಪುರ : ಮುಂಬೈಯಲ್ಲಿ ಹೊಟೇಲ್ ಉದ್ಯಮ ನಡೆಸುತ್ತಿದ್ದ ಕುಂದಾಪುರದ ಚಿಕ್ಕನಸಾಲು ರಸ್ತೆ ನಿವಾಸಿ   ಉದ್ಯಮಿಯೋರ್ವರು ಕುಂದಾಪುರ ಹೇರಿಕುದ್ರು ಸೇತುವೆಯ ಮೇಲಿನಿಂದ ಪಂಚಗಂಗಾವಳಿ ಹೊಳೆಗೆ ಹಾರಿದ್ದು, ತಡ ರಾತ್ರಿಯ ತನಕವೂ ಅವರಿಗಾಗಿ ಅಗ್ನಿ ಶಾಮಕ ಳ ಸತತ ಹುಡುಕಾಟ ನಡೆಸಿದ್ದರೂ ಅವರ ಸುಳಿವು ದೊರಕಿರಲಿಲ್ಲಾ.
ಸ್ಥಳಿಯ ಚಿಕ್ಕನಸಾಲು ರಸ್ತೆಯ ನಿವಾಸಿ ಕೆ.ಜಿ. ಗಣೇಶ್(49) ಎಂಬವರೇ ಹೊಳೆಗೆ ಹಾರಿದವರೆಂದು ಗುರ್ತಿಸಲಾಗಿದೆ. ನಿನ್ನೆ ಸಂಜೆ ಸುಮಾರಿಗೆ ರಿಕ್ಷಾದಲ್ಲಿ ಬಂದೆ ಅವರು ಸೇತುವೆ ಮೇಲೆ ಇಳಿದಿದ್ದರು. ತನ್ನ ಆಧಾರ್ ಕಾರ್ಡ್ ಮತ್ತು ಪರ್ಸನ್ನು ಸೇತುವೆ ದಂಡೆ ಮೇಲಿರಿಸಿ ಏಕಾಏಕಿ ನದಿಗೆ ಧುಮುಕ್ಕಿದ್ದರು. ಇದನ್ನು ಕಂಡ ಸಾರ್ವಜನಿಕರ್ಯಾರೋ ಬೊಬ್ಬಿರಿದಿದ್ದು, ಕೂಡಲೇ ಸೇರಿದ ಸಾರ್ವಜನಿಕರು ಅವರ ಹುಡುಕಾಟಕ್ಕೆ ತೊಡಗಿದ್ದರು. ಮಾಹಿತಿ ಪಡೆದು ಆಗಮಿಸಿದ ಅಗ್ನಿಶಾಮಕ ದಳದವರೂ ಸಹಾ ಹೊಳೆಯಲ್ಲಿ ಹಲವು ಸುತ್ತಿನ ಹುಡುಕಾಟ ನಡೆಸಿದ್ದರೂ ಯಾವುದೇ ಸುಳಿವು ಸಿಕ್ಕಿರಲಿಲ್ಲ.
ಹಲವು ವರ್ಷಗಳ ಹಿಂದ ಮುಂಬೈ ಸೇರಿಕೊಂಡಿದ್ದ ಅವರು ಹಂತ ಹಂತವಾಗಿ ಬೆಳೆದು ಯಶಸ್ವಿ ಹೊಟೇಲ್ ಉದ್ಯಮಿಯಾಗಿ ಗುರ್ತಿಸಿಕೊಂಡಿದ್ದರು. ಕಳೆದ ಎರಡು ವರ್ಷಗಳ ಹಿಂದೆ ಖನ್ನತೆ ಒಳಗಾಗಿದ್ದ ಅವರು ಊರಿನಲ್ಲಿ ನೆಲೆಸಿದ್ದರು. ಪತ್ನಿ ಎರಡು ಮಕ್ಕಳ ಸುಖಿ ಸಂಸಾರವನ್ನು ಹೊಂದಿದ್ದ ಗಣೇಶ್ ನಿನ್ನೆ ಏಕಾಏಕಿ ಹೊಳೆಗೆ ಹಾರಿರುವುದು ನಿಗೂಢವಾಗಿದೆ.

ಬ್ಲಾಕ್ ಕಾಂಗ್ರೆಸ್ ಕಛೇರಿಯಲ್ಲಿ ಗಣರಾಜ್ಯೋತ್ಸವ ಕಾರ್ಯಕ್ರಮ

JANANUDI.COM NETWORK 

 

ಬ್ಲಾಕ್ ಕಾಂಗ್ರೆಸ್ ಕಛೇರಿಯಲ್ಲಿ ಗಣರಾಜ್ಯೋತ್ಸವ ಕಾರ್ಯಕ್ರಮ

 

 

ಕುಂದಾಪುರ, ಜ.27: ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಕಛೇರಿಯಲ್ಲಿ ಗಣರಾಜ್ಯೋತ್ಸವದ ಅಂಗವಾಗಿ ಕಾರ್ಯಕ್ರಮವನ್ನು ಆಚರಿಸಲಾಯಿತು. ಈ ಸಂದರ್ಭದಲ್ಲಿ ಮಾತನಾಡಿದ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಕಾನ್ಮಕ್ಕಿ ಹರಿಪ್ರಸಾದ್ ಶೆಟ್ಟಿ ಯವರು ‘ಇಂದು ದೇಶ ವಿವಿಧತೆಯಲ್ಲಿ ಏಕತೆಯನ್ನು ಕಾಪಾಡಲು ಅಂಬೆಡ್ಕರ್ ರಚಿಸಿದ ಸಂವಿಧಾನವೇ ಕಾರಣವಾಗಿದೆ ಮತ್ತು ಇದನ್ನು ರಕ್ಷಿಸುವ ಜವಾವ್ದಾರಿ ಈ ದೇಶದ ಪ್ರತಿಯೊಬ್ಬ ನಾಗರಿಕರವರದಾಗಿದೆ’ ಎಂದರು.
ಪುರಸಭಾ ಸದಸ್ಯರಾದ ಪ್ರಭಾವತಿ ಶೆಟ್ಟಿಯವರು ಇಂದಿನ ಕೇಂದ್ರ ಸರಕಾರದ ತಪ್ಪು ನೀತಿಗಳಿಂದ ದೇಶಾಧ್ಯಾಂತ ಅರಾಜಕತೆ ಉಂಟಾಗಿ ಅಭಿವ್ರದ್ದಿ ಕುಂಟಿತವಾಗಿದೆ. ಮಾತ್ರವಲ್ಲಾ ಸಂವಿಧಾನ ಅಪಾಯದಲ್ಲಿದೆ’ಎಂದು ಅಭಿಪ್ರಾಯ ವ್ಯಕ್ತ ಪಡಿಸಿದರು.
ಈ ಸಂದರ್ಭದಲ್ಲಿ ಬಿ.ಹೆರಿಯಣ್ಣ ಕೆ.ಎಫ್.ಡಿ.ಸಿ. ಮಾಜಿ ಅಧ್ಯಕ್ಷರು, ವಿಕಾಸ ಹೆಗ್ಡೆ, ನಾರಯಣ ಆಚಾರಿ, ಅಬ್ದುಲ್ಲಾ ಕೋಡಿ, ಶಂಕರ ಪೂಜಾರಿ, ಪ್ರಭಾಕರ ಕೋಡಿ, ಚಂದ್ರ ಅಮೀನ್, ಸುಭಾಶ್ ಪೂಜಾರಿ, ಕಾಳಪ್ಪ ಪೂಜಾರಿ ಆಶಾ ಕರ್ವಾಲ್ಲೊ, ಶೋಭಾ ಸಚ್ಚಿದಾನಂದ, ವಿಠಲ ಕಾಂಚನ್, ಆರಿಫ್ ಹುಸೇನ್, ಧರ್ಮಪ್ರಕಾಶ್, ಜ್ಯೋತಿ ಮೊಗವೀರ, ಹೇಮಾ ಪೂಜಾರಿ, ರಾಘವೇಂದ್ರ, ಸಂದೇಶ, ಕೆ.ಶಿವಕುಮಾರ್, ಸ್ಟೀವನ್ ಡಿಕೋಸ್ತಾ ಹಂಗಳೂರು, ಮುನಾಫ್ ಕೋಡಿ, ಕೆ.ಪಿ.ಅರುಣ್ ಪಟೇಲ್, ಕೇಶವ ಭಟ್, ದಿನೇಶ, ಅಶೋಕ ಸುವರ್ಣ, ಸಂಪತ್ ಶೆಟ್ಟಿ, ಪಲ್ಲವಿ, ಗಣೇಶ್ ಶೆಟ್ಟಿ ಇನ್ನಿತರರು ಉಪಸ್ಥಿತರಿದ್ದರು. ಬ್ಲಾಕ್ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ವಿನೋದ್ ಕ್ರಾಸ್ಟೊ ಸ್ವಾಗತಿಸಿ ಕಾರ್ಯಕ್ರಮ ನಿರೂಪಿಸಿದರು.

ಕೆದಿಂಜೆ : 71ನೇ ಗಣರಾಜ್ಯೋತ್ಸವ ಸಮಾರಂಭ

ವರದಿ: ವಾಲ್ಟರ್ ಮೊಂತೇರೊ

 

 

ಕೆದಿಂಜೆ : 71ನೇ ಗಣರಾಜ್ಯೋತ್ಸವ ಸಮಾರಂಭ

 

 

ಕೆದಿಂಜೆ ಶ್ರೀ ವಿದ್ಯಾಬೋಧಿನಿ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ, ನಂದಳಿಕೆ-ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್, ಕೆದಿಂಜೆ ಹಳೆವಿದ್ಯಾರ್ಥಿ ಸಂಘದ ಸಹಯೋಗದಲ್ಲಿ ಕೆದಿಂಜೆ ಶಾಲೆಯಲ್ಲಿ 71ನೇ ಗಣರಾಜ್ಯೋತ್ಸವ ಸಮಾರಂಭ ನಡೆಸಲಾಯಿತು.
ನಂದಳಿಕೆ-ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್‍ನ ಸಂಚಾಲಕ ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿ ಮಾತನಾಡಿ ಭಾರತೀಯ ಗಣರಾಜ್ಯೋತ್ಸವ ಪ್ರತಿ ವರ್ಷದ ಜನವರಿ 26ರಂದು ದೇಶದೆಲ್ಲೆಡೆ ಸಂಭ್ರಮ ಸಡಗರದಿಂದ ಆಚರಿಸಲಾಗುವ ದಿನಾಚರಣೆ. ಜನವರಿ 26, 1950ರಂದು ಭಾರತೀಯ ಸಂವಿಧಾನ ಜಾರಿಗೆ ಬಂದ ದಿನವನ್ನು ಗಣರಾಜ್ಯೋತ್ಸವ ದಿನವನ್ನಾಗಿ ಆಚರಿಸಲಾಗುತ್ತದೆ ಎಂದು ಹೇಳಿದರು.
ಶಾಲಾ ಸಂಚಾಲಕರಾದ ಯು.ಶೇಷಗಿರಿ ಕಾಮತ್‍ರವರು ರಾಷ್ಟ್ರ ಧ್ವಜಾರೋಹಣಗೈದರು. ಸಮಾರಂಭದಲ್ಲಿ ಶಾಲಾ ಆಡಳಿತ ಮಂಡಳಿ ಸದಸ್ಯ ಸುರೇಶ್ ಕಾಮತ್, ಕೆದಿಂಜೆ ಶಾಲಾ ಹಳೆವಿದ್ಯಾರ್ಥಿ ಸಂಘದ ಅಧ್ಯಕ್ಷ ಬೀರೊಟ್ಟು ದಿನೇಶ್ ಪೂಜಾರಿ, ನಂದಳಿಕೆ-ಅಬ್ಬನಡ್ಕ ಶ್ರೀ ದುರ್ಗಾಪಮೇಶ್ವರೀ ಫ್ರೆಂಡ್ಸ್ ಕ್ಲಬ್‍ನ ಅಧ್ಯಕ್ಷ ಅಬ್ಬನಡ್ಕ ಸತೀಶ್ ಪೂಜಾರಿ, ಕಾರ್ಯದರ್ಶಿ ಪ್ರಶಾಂತ್ ಪೂಜಾರಿ ಮೊದಲಾದವರಿದ್ದರು.
ಶಾಲಾ ಮುಖ್ಯ ಶಿಕ್ಷಕ ಪ್ರಥ್ವೀರಾಜ್ ಬಲ್ಲಾಳ್ ಸ್ವಾಗತಿಸಿದರು. ಸಹಶಿಕ್ಷಕಿ ರೇಖಾ ಪೈ ವಂದಿಸಿದರು. ಗೌರವ ಶಿಕ್ಷಕಿಯರಾದ ಮಮತಾ, ಚೇತನಾ ಭರತ್ ಉಪಸ್ಥಿತಿತರಿದ್ದರು.
ಶಾಲಾ ವಿದ್ಯಾರ್ಥಿಗಳಿಗೆ ವಿವಿಧ ದತ್ತಿನಿಧಿಯ ವಿದ್ಯಾರ್ಥಿವೇತನ ವಿತರಿಸಲಾಯಿತು.

ರೊಟಾರ್‍ಯಾಕ್ಟ್  ಕ್ಲಬ್ ಕುಂದಾಪುರ ದಕ್ಷಿಣದಿಂದ ಭಂಡಾರ್ಕಾರ್ಸ್ ಕಾಲೇಜು ಉಪನ್ಯಾಸಕರಿಗೆ ಅಲೋವೆರಾ ಗಿಡದ ಮಹತ್ವ ಹಾಗೂ ಪ್ರಯೋಜನದ ಕುರಿತ ಕಾರ್ಯಕ್ರಮ

JANANUDI.COM NETWORK

 

 

ರೊಟಾರ್‍ಯಾಕ್ಟ್  ಕ್ಲಬ್ ಕುಂದಾಪುರ ದಕ್ಷಿಣದಿಂದ ಭಂಡಾರ್ಕಾರ್ಸ್ ಕಾಲೇಜು ಉಪನ್ಯಾಸಕರಿಗೆ ಅಲೋವೆರಾ ಗಿಡದ ಮಹತ್ವ ಹಾಗೂ ಪ್ರಯೋಜನದ ಕುರಿತ ಕಾರ್ಯಕ್ರಮ

 

 

ಕುಂದಾಪುರ,ಜ.25. ರೊಟಾರ್‍ಯಾಕ್ಟ್  ಕ್ಲಬ್ ಕುಂದಾಪುರ ದಕ್ಷಿಣ ಇದರ ಆಶ್ರಯದಲ್ಲಿ ಭಂಡಾರ್ಕಾರ್ಸ್ ಕಾಲೇಜು ಕುಂದಾಪುರದ ಉಪನ್ಯಾಸಕರಿಗೆ ಅಲೋವೆರಾ ಗಿಡದ ಮಹತ್ವ ಹಾಗೂ ಪ್ರಯೋಜನದ ಕುರಿತು ಕಾರ್ಯಕ್ರಮವನ್ನು ನಡೆಸಲಾಯಿತು. ಸಂಪನ್ಮೂಲ ವ್ಯಕ್ತಿಗಳಾಗಿ ಭಾಗವಹಿಸಿದ ಡಾ. ಉತ್ತಮ್ ಕುಮಾರ್ ಶೆಟ್ಟಿ ಅಲೋವೆರಾ ಗಿಡದ ಉಪಯೋಗವನ್ನು ಉಪನ್ಯಾಸಕರಿಗೆ ಸವಿಸ್ತಾರವಾಗಿ ವಿವರಿಸಿದರು. ಪದವಿಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ಡಾ.ಜಿ. ಎಮ್.ಗೊಂಡ ನೆರೆದಿರುವ ಎಲ್ಲರನ್ನು ಸ್ವಾಗತಿಸಿದರು. ಈ ಸಂದರ್ಭದಲ್ಲಿ ರೋಟರಿ ಕುಂದಾಪುರ ದಕ್ಷಿಣದ ಸದಸ್ಯರಾದ ಕೆ.ಪಿ.ಭಟ್ ಹಾಜರಿದ್ದರು. ಮಾಹಿತಿಯನ್ನು ನೀಡಿದ ಬಳಿಕ ರೊಟಾರ್‍ಯಾಕ್ಟ್ ಅಧ್ಯಕ್ಷರಾದ ಆಲ್ಡ್ರಿನ್ ಡಿಸೋಜ ನೆರೆದ ಎಲ್ಲ ಉಪನ್ಯಾಸಕರಿಗೆ ಅಲೋವೆರ ಗಿಡಗಳನ್ನು ವಿತರಿಸಿದರು.