HOLY ROSARY CHURCH, KUNDAPUR – 450 th JUBILEE SOUVENIR 2021

ಹತ್ರಾಸ್ ಅತ್ಯಾಚಾರದ ಮೃತ ಯುವತಿಯ ಶವವನ್ನು ಹೆತ್ತವರಿಗೆ ಹಸ್ತಾಂತರಿಸದೆ ನಡುರಾತ್ರಿ ಸುಟ್ಟಿರುವುದು ಕೊಲೆಗಡುಕ ಅತ್ಯಾಚಾರಿಗಳ ದುಷ್ಕೃತ್ಯಕ್ಕಿಂತಲೂ ಕ್ರೂರ ಕೃತ್ಯ.

JANANUDI.COM NETWORK

ಕುಂದಾಪುರ, ಒ.3:  ಹತ್ರಾಸ್ ಅತ್ಯಾಚಾರದ ಮೃತ ಯುವತಿಯ ಶವವನ್ನು ಹೆತ್ತವರಿಗೆ ಹಸ್ತಾಂತರಿಸದೆ ನಡುರಾತ್ರಿ ಸುಟ್ಟಿರುವುದು ಕೊಲೆಗಡುಕ ಅತ್ಯಾಚಾರಿಗಳ ದುಷ್ಕೃತ್ಯಕ್ಕಿಂತಲೂ ಕ್ರೂರವಾದ ಕೃತ್ಯವಾಗಿದೆ

ಹತ್ರಾಸ್ ನಲ್ಲಿ ಅತ್ಯಾಚಾರಕ್ಕೆ ಒಳಪಟ್ಟು  ಮೃತಳಾದ ಯುವತಿಯ ಶವವನ್ನು ಹೆತ್ತವರಿಗೆ ಹಸ್ತಾಂತರಿಸದೆ ನಡುರಾತ್ರಿ ಸುಟ್ಟಿರುವುದು ಕೊಲೆಗಡುಕ ಅತ್ಯಾಚಾರಿಗಳ ದುಷ್ಕೃತ್ಯಕ್ಕಿಂತಲೂ ಕ್ರೂರವಾದ ಕೃತ್ಯವಾಗಿದೆ. ಇದಕ್ಕೆ ಖಂಡಿತವಾಗಿಯೂ ಕ್ಷಮೆ ಇಲ್ಲ. ಈ ಕರ್ತ್ಯಕ್ಕೆ ಉತ್ತರ ಪ್ರದೇಶ ಸರ್ಕಾರ ನೇರ ಹೊಣೆಯಾಗಿದೆ.

    ಈ ಕೃತ್ಯವನ್ನು ಖಂಡಿಸಲು  ಹಾಗೇ ಮ್ರತ ಕುಟುಂಬಕ್ಕೆ ಸಾಂತ್ವಾನಹೇಳಲು ಹೋದ ಕಾಂಗ್ರೆಸ್ ನಾಯಕರಾದ ರಾಹುಲ್ ಮತ್ತು ಪ್ರಿಯಾಂಕಾ ಗಾಂಧಿಯವರನ್ನು ಅಲ್ಲಿಗೆ ಹೋಗದಂತೆ ತಡೆದು ಅವರ ಮೇಲೆ ಹಲ್ಲೆ ಮಾಡಿರುವ ಘಟನೆಗಳಿಗೆ ಪ್ರಧಾನಿ ಮೋದಿಯವರು ದೇಶದ ಜನರ ಕ್ಷಮೆ ಯಾಚಿಸಬೇಕು’ ಎಂದು ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಮಾಜಿ ಅಧ್ಯಕ್ಷ, ಕಾಂಗ್ರೆಸ್ ನಾಯಕ ಮಲ್ಯಾಡಿ ಶಿವರಾಮ ಶೆಟ್ಟಿ ಆಗ್ರಹಿಸಿ ದ್ದಾರೆ.

    ಅವರು ನಿನ್ನೆ ಉತ್ತರಪ್ರದೇಶದಲ್ಲಿ ನಡೆದ ದಲಿತ ಯುವತಿಯ ಅತ್ಯಾಚಾರ, ಕೊಲೆ ಪ್ರಕರಣ ಮತ್ತು ಆಕೆಯ ಮೃತದೇಹವನ್ನು ಹೆತ್ತವರಿಗೆ ನೀಡದೆ ಸುಟ್ಟು ಹಾಕಿ ಸಾಕ್ಷ್ಯನಾಶ ಮಾಡಿದ ಪೋಲಿಸರ ಕ್ರಮ ಹಾಗೂ ಮೃತಬಾಲಕಿಯ ಕುಟುಂಬಕ್ಕೆ ಸಾಂತ್ವನ ಹೇಳಲು ಆಕೆಯ ಹುಟ್ಟೂರಿಗೆ ತೆರಳುತ್ತಿದ್ದ ವೇಳೆ ಕಾಂಗ್ರೆಸ್ ನಾಯಕರಾದ ರಾಹುಲ್ ಮತ್ತು ಪ್ರಿಯಾಂಕಾ ಗಾಂಧಿಯವರನ್ನು ನಡುದಾರಿಯಲ್ಲಿ ತಡೆದು ಅವರ ಮೇಲೆ ಪೋಲಿಸರು ದೈಹಿಕ ಹಲ್ಲೆ ನಡೆಸಿದ ಪ್ರಕರಣ ಮತ್ತು ಅವರನ್ನು ಬಂಧಿಸಿರುವುದನ್ನು ವಿರೋಧಿಸಿ ಕುಂದಾಪುರ ಶಾಸ್ತ್ರಿ ಸರ್ಕಲ್‌ನಲ್ಲಿ ನಡೆದ ಪ್ರತಿಭಟನಾ ಸಭೆಯನ್ನು ಉದ್ದೇಶಿಸಿ ಮಾತನಾಡಿದರು.

     ಈ ಪ್ರತಿಭಟನೆಯ ನೇತೃತ್ವವನ್ನು ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಮತ್ತು ಯುವ ಕಾಂಗ್ರೆಸ್ ಕುಂದಾಪುರ ಇವರು ವಹಿಸಿದ್ದರು.  ಈ ಸಂಧರ್ಭದಲ್ಲಿ ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಕಾನ್ಮಕ್ಕಿ ಹರಿಪ್ರಸಾದ್ ಶೆಟ್ಟಿ ಮಾತನಾಡಿ “ಉತ್ತರಪ್ರದೇಶ ಇದೀಗ ಯೋಗಿ ಆದಿತ್ಯನಾಥ್ ಆಡಳಿತದಲ್ಲಿ ಅತ್ಯಾಚಾರಿಗಳ, ಕೊಲೆಗಡುಗರ ರಾಜ್ಯವಾಗಿ ಪರಿವರ್ತಿತಗೊಂಡಿದೆ. ಅಲ್ಲಿನ ಆಡಳಿತ ಸಂಪೂರ್ಣವಾಗಿ ಪ್ರಜಾಪ್ರಭುತ್ವ ವಿರೋಧಿಯಾಗಿದೆ. ಅಲ್ಲಿ ಇದೀಗ ಗೂಂಡಾಗಳೆ ರಾಜ್ಯವಾಳುತ್ತಿದ್ದಾರೆ. ಅತ್ಯಾಚಾರಿ, ಕೊಲೆಗಡುಕರಗಳ ರಕ್ಷಣೆಗಾಗಿ ಪೋಲಿಸರೆ ಮೃತದೇಹವನ್ನು ಸುಟ್ಟು ಸಾಕ್ಷ್ಯನಾಶ ಮಾಡುತ್ತಿದ್ದಾರೆ. ಕಾಂಗ್ರೆಸ್ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಹಾಗೂ ಉತ್ತರ ಪ್ರದೇಶದ ಉಸ್ತುವಾರಿ ಪ್ರಿಯಾಂಕಾ ಗಾಂಧಿಯವರನ್ನು ಮೃತ ಯುವತಿಯ ಪೋಷಕರಿಗೆ ಸಾಂತ್ವನ ಹೇಳಲು ಅವರ ಗ್ರಾಮಕ್ಕೆ ಹೋಗದಂತೆ ತಡೆದಿರುವುದು ಮತ್ತು ಕಾಂಗ್ರೆಸ್ ಪಕ್ಷದ ಪ್ರಧಾನಿ ಅಭ್ಯರ್ಥಿ ರಾಹುಲ್ ಮೇಲೆ ಅಲ್ಲಿನ ಪೋಲಿಸರು ಹಲ್ಲೆ ನಡೆಸಿರುವುದು ಅಕ್ಷಮ್ಯ ಈ ಕುರಿತು ಕಾಂಗ್ರೆಸ್ ದೇಶಾದ್ಯಂತ ಪ್ರತಿಭಟನೆ ನಡೆಸಲಿದೆ” ಎಂದು ಹೇಳಿದರು.

“ರೈತ ವಿರೋಧಿ, ಕಾರ್ಮಿಕ ವಿರೋಧಿ ಹಾಗೂ ಮಹಿಳಾ ವಿರೋಧಿ ಕಾಯ್ದೆಗಳನ್ನು ತರುವ ಮೂಲಕ ಮೋದಿ ಸರ್ಕಾರ ಈ ನೆಲದ ಜನಪರ ಸಂವಿಧಾನದ ಆಶಯಗಳನ್ನು ನಾಶ ಮಾಡಲು ಹೊರಟಿದೆ. ಇದರ ಹಿಂದೆ ಮನುವಾದಿಗಳ ಗುಪ್ತ ಕಾರ್ಯಸೂಚಿ ಅಡಗಿರುವುದು ಸ್ಪಷ್ಟ. ಅತ್ಯಾಚಾರಕ್ಕೊಳಗಾಗಿ ಹತ್ಯೆಯಾದ ದಲಿತ ಯುವತಿಯ ಮೃತದೇಹವನ್ನು ಆಕೆಯ ಹೆತ್ತವರ ವಿರೋಧದ ನಡುವೆಯೂ ಉತ್ತರ ಪ್ರದೇಶದ ಪೋಲಿಸರು ಸುಡುವ ಮೂಲಕ ಶಾಕ್ಷ್ಯನಾಶ ಮಾಡಿದ್ದಾರೆ. ಈ ಘಟನೆ ಉತ್ತರಪ್ರದೇಶವನ್ನು ಮನುವಾದಿ ಸಂವಿಧಾನದ ಜಾರಿಗೆ ಪ್ರಯೋಗ ಶಾಲೆಯನ್ನಾಗಿ ಮಾಡಿಕೊಳ್ಳಲಾಗುತ್ತಿದೆ ಎಂಬ ಸಾರ್ವತ್ರಿಕ ಅನುಮಾನವನ್ನು ನಿಜವಾಗಿಸುತ್ತಿದೆ. ಮನಮೋಹನ್ ಸಿಂಗ್ ರವರ ಆಡಳಿತದ ಅವಧಿಯಲ್ಲಿ ವಿಶ್ವದ ಮೂರನೆ ಆರ್ಥಿಕ ಶಕ್ತಿಯಾಗಿ ಗುರುತಿಸಿಕೊಂಡಿದ್ದ ಭಾರತದ ಜಿಡಿಪಿ ಇಂದು ಮೈನಸ್ 23ಕ್ಕೆ ಕುಸಿಯಲು ಬಿಜೆಪಿಯ ದುರಾಡಳಿತವೇ ಕಾರಣವಾಗಿದೆ, ಇದು ವಿಷಾಧನೀಯ, ಇದರ ವಿರುದ್ದ ಕಾಂಗ್ರೆಸ್ ಹೋರಾಟ ನಡೆಸಲಿದೆ” ಎಂದು ಯುವ ನ್ಯಾಯವಾದಿ ಹಾಗೂ ಉಡುಪಿ ಜಿಲ್ಲಾ ರೈತಸಂಘದ ವಕ್ತಾರ ವಿಕಾಸ್ ಹೆಗ್ಡೆ ಹೇಳಿದರು.

“ಕೇಂದ್ರದ ಮೋದಿ ಮತ್ತು ಉತ್ತರಪ್ರದೇಶದ ಯೋಗಿ ಆದಿತ್ಯನಾಥ್ ರವರದ್ದು ಜನವಿರೋಧಿ ಆಡಳಿತವಾಗಿದೆ. ಇದು ಬ್ರಿಟೀಷರ ಆಡಳಿತಕ್ಕಿಂತಲೂ ಕ್ರೂರವಾದುದಾಗಿದೆ. ಉತ್ತರ ಪ್ರದೇಶದ ದಲಿತ ಮಹಿಳೆಯ ಮೇಲಿನ ಅತ್ಯಾಚಾರ, ಕೊಲೆ ಮತ್ತು ಮೃತಹೇಹ ಸುಟ್ಟು ಸಾಕ್ಷ್ಯನಾಶ ಮಾಡಿದ ಘಟನೆ ಭಾರತ ಜಗತ್ತಿನ ಮುಂದೆ ತಲೆತಗ್ಗಿಸುವಂತಾಗಿದೆ. ಈ ಘಟನೆಗಳು ಖಂಡಿತವಾಗಿಯೂ ಮುಂದಿನ ದಿನಗಳಲ್ಲಿ ಬಿಜೆಪಿ ಪಕ್ಷಕ್ಕೆ ಶಾಪವಾಗಲಿದೆ” ಎಂದು ಉಡುಪಿ ಜಿಲ್ಲಾ ಯುವ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ವಕ್ವಾಡಿ ರಮೇಶ್ ಶೆಟ್ಟಿ ಹೇಳಿದರು.

“ಕಾಂಗ್ರೆಸ್ ಪಕ್ಷ ಎಂದರೆ ಅದೊಂದು ಜನಪರ ಸಿದ್ದಾಂತ. ಈ ನೆಲಕ್ಕೆ ಸ್ವಾತಂತ್ರ್ಯ ತಂದುಕೊಟ್ಟ ಪಕ್ಷ ಕಾಂಗ್ರೆಸ್. ಬಿಜೆಪಿ ಪಕ್ಷ ಕೇವಲ ಕೋಮುವಾದಕ್ಕೆ ಪ್ರಚೋದನೆ ನೀಡುವ ಮೂಲಕ ಅಧಿಕಾರಕ್ಕೆ ಬಂದ ಪಕ್ಷ. ಈ ನೆಲದ ಸೌಹಾರ್ಧತೆ ಕೆಡಿಸಿದ ಪಕ್ಷ ಬಿಜೆಪಿ. ಕಾಂಗ್ರೆಸ್ ಈ ದೇಶವನ್ನು ಸದೃಢವಾಗಿ ಕಟ್ಟಿದ್ದರೆ ಬಿಜೆಪಿ ನಾಶಗೊಳಿಸುತ್ತಿದೆ. ಉತ್ತರ ಪ್ರದೇಶದ ಅತ್ಯಾಚಾರ ಹಾಗೂ ಕೊಲೆ ಘಟನೆ ಮತ್ತು ಆ ನಂತರ ಸರಕಾರ ಸಂತೃಸ್ತ ಯುವತಿಯ ಕುಟುಂಬಕ್ಕೆ ಮಾಡಿರುವ ಘೋರ ಅನ್ಯಾಯವನ್ನು ಮನುಷ್ಯನಾದವನು ಕ್ಷಮಿಸಲಾರ. ದೇಶದಲ್ಲಿ ಇಂತಹ ಜನವಿರೋಧಿ ಆಡಳಿತ ನೀಡುವ ಮೂಲಕ ಅತಿ ಶೀಘ್ರದಲ್ಲೇ ಬಿಜೆಪಿ ಸರ್ವನಾಶವಾಗಲಿದೆ” ಎಂದು ಪುರಸಭಾ ಸದಸ್ಯ ಚಂದ್ರಶೇಖರ ಖಾರ್ವಿ ವಾಗ್ದಾಳಿ ನಡೆಸಿದರು.

ಈ ಸಂಧರ್ಭದಲ್ಲಿ ಯುವ ಕಾಂಗ್ರೆಸ್ ಅಧ್ಯಕ್ಷ ಇಚ್ಚಿತಾರ್ಥ ಶೆಟ್ಟಿ ಮಾತನಾಡಿ “ರೈತರ, ಮಹಿಳೆಯರ, ಕಾರ್ಮಿಕರ ಮೇಲೆ ಸತತವಾಗಿ ನಡೆಯುತ್ತಿರುವ ದೌರ್ಜನ್ಯದ ವಿರುದ್ದ ದೇಶದ ಯುವಕರು ಸಿಡಿದೇಳುವ ಕಾಲ ಇದೀಗ ಸನ್ನಿಹಿತವಾಗಿದೆ. ಕಾಂಗ್ರೆಸ್ ನಾಯಕರಾದ ರಾಹುಲ್ ಮತ್ತು ಪ್ರಿಯಾಂಕರ ಮೇಲೆ ದೈಹಿಕ ಹಲ್ಲೆ ನಡೆಸುವ ಮೂಲಕ ಮೋದಿ ಸರ್ಕಾರ ತನ್ನ ಗುಂಡಿಯನ್ನು ತಾನೇ ತೋಡಿಕೊಳ್ಳುತ್ತಿದೆ. ದೇಶದ ಪ್ರಜಾಪ್ರಭುತ್ವಕ್ಕೆ, ಸಂವಿಧಾನಕ್ಕೆ ದಕ್ಕೆಯಾಗುವ ಯಾವುದೇ ಸಂಧರ್ಭದಲ್ಲಿ ಯುವ ಕಾಂಗ್ರೆಸ್ ಕೈಕಟ್ಟಿ ಕುಳಿತು ಕೊಳ್ಳಲಾರದು” ಎಂದು ಹೇಳಿದರು.


ಈ ಸಂಧರ್ಭದಲ್ಲಿ ಉತ್ತರಪ್ರದೇಶದ‌ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಮತ್ತು ಪ್ರಧಾನಿ ಮೋದಿಯವರ ವಿರುದ್ಧ ಯುವ ಕಾಂಗ್ರೆಸ್ ಕಾರ್ಯಕರ್ತರು ಘೋಷಣೆಗಳನ್ನು ಕೂಗಿ ಅವರುಗಳ ಪ್ರತಿಕೃತಿಗಳಿಗೆ ಬೆಂಕಿ ಹಚ್ಚಿದರು.

ಈ ಸಂದರ್ಭದಲ್ಲಿ ಕೆಪಿಸಿಸಿ ಸಾಮಾಜಿಕ ಜಾಲತಾಣದ ಶಿವಮೊಗ್ಗ ಜಿಲ್ಲಾ ಉಸ್ತುವಾರಿ ಚಂದ್ರಶೇಖರ ಶೆಟ್ಟಿ, ನಗರ ಕಾಂಗ್ರೆಸ್ ಅಧ್ಯಕ್ಷ ಗಣೇಶ್ ಶೇರೆಗಾರ್,ಯುವ ಕಾಂಗ್ರೆಸ್ ನ ಕೋಡಿ ಸುನಿಲ್ ಪೂಜಾರಿ, ರೋಷನ್‌ ಶೆಟ್ಟಿ, ಶಶಿರಾಜ್ ಪೂಜಾರಿ, ರಟ್ಟಾಡಿ ಸಂಪತ್ ಶೆಟ್ಟಿ, ಚಂದ್ರಕಾಂತ ಖಾರ್ವಿ, ದಿನೇಶ್ ಖಾರ್ವಿ, ಕುಮಾರ ಖಾರ್ವಿ, ಕೋಡಿ ಸುನೀಲ್ ಪೂಜಾರಿ, ಕೇಶವ ಭಟ್, ಆಶಾ ಕರ್ವಾಲ್ಲೊ, ದೀನೆಶ್ ಬೆಟ್ಟಿನ್, ರೋಶನ್ ಶೆಟ್ಟಿ, ಅಶೋಕ ಸುವರ್ಣ, ಅಬ್ದುಲ್ಲಾ ಕೋಡಿ, ಚಂದ್ರಶೇಖರ ಶೆಟ್ಟಿ, ಚಂದ್ರ ಅಮೀನ್, ಮುನಾಫ್, ರೋಶನ್ ಬಾರೆಟ್ಟೊ, ಲೋಯ್ ಕರ್ವಾಲ್ಲೊ, ಶಿವಕುಮಾರ ಕೇಬಲ್, ಗಣೇಶ ಶೇರಿಗಾರ್, ಧರ್ಮಪ್ರಕಾಶ್, ಶಿವರಾಮ ಪುತ್ರನ್, ಸುಭಾಷ್ ಪೂಜಾರಿ, ಶಶಿ ಅರ್ ಗಂಗಾಧರ ಶೆಟ್ಟಿ, ಕೆ.ಶಿವಕುಮಾರ್, ಶೋಭ ಸಚಿದಾನಂದ
 ಮುಂತಾದವರು ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು. ಬ್ಲಾಕ್ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ವಿನೋದ್ ಕ್ರಾಸ್ಟೊ  ಪ್ರಾಸ್ತಾವಿಕವಾಗಿ ಮಾತನಾಡಿ, ವಂದಿಸಿದರು.

ಕುಂದಾಪುರ ಕಥೊಲಿಕ್ ಕುಂದಾಪುರ ಘಟಕದಿಂದ ಗಾಂಧಿ ಜಯಂತಿ – ಸ್ವಚ್ಚತಾ ಅಭಿಯಾನ

JANANUDI.COM NETWORK

ಕುಂದಾಪುರ, ಅ.2: ಕುಂದಾಪುರ ಕಥೊಲಿಕ್ ಕುಂದಾಪುರ ಘಟಕದಿಂದ ಗಾಂಧಿ ಜಯಂತಿ ಆಚರಣೆಯನ್ನು ಕುಂದಾಪುರ ಚರ್ಚ್ ಸಭಾ ಭವನದಲ್ಲಿ ಆಚರಿಸಲಾಯಿತು. ‘ಈ ಸಂದರ್ಭದಲ್ಲಿ ಭಂಡಾರ್‍ಸ್ರ್ಕಾರ್ ಕಾಲೇಜಿನ ಕನ್ನಡ ಉಪನ್ಯಾಸಕ ಮಂಜುನಾಥ್ ಕೆ.ಎಸ್. ಮಾತನಾಡಿ ‘ಗಾಂಧೀಜಿಯ ತತ್ವಗಳು ಇಂದು ಕ್ಷೀಣಿಸುತ್ತಿರವಾಗ, ಮುಂದೆ ಗಾಂಧಿಜಿಯ ಇರುವಿಕೆ ಇರುತ್ತದೊ ಇಲ್ಲವೊ ಗೊತ್ತಿಲ್ಲಾ. ಗಾಂಧಿಜಿ ಭಾರತದ ಬಗ್ಗೆ ಕಂಡ ಕನಸು ಬೇರೆಯೇ ಬೇರೆ. ಆದರೆ ಇಂದು ನಾವು ಕಾಣುವ ಭಾರತವೇ ಬೇರೆ. ಅವರು ಮಾನವರಲ್ಲಿ ವರ್ಣ ಭೇದ ನಿಲ್ಲಬೇಕೆಂದು ಹೋರಾಟ ಮಾಡಿದ ಮಹಾತ್ಮರು. ನಮ್ಮ ದೇಶಕ್ಕೆ ಸ್ವಾತಂತ್ರ್ಯ ಲಭಿಸಲು ತಮ್ಮ ಜೀವನವನ್ನೆ ಮುಡುಪಾಗಿಟ್ಟವರು. ಎಲ್ಲಾ ಧರ್ಮದ ಪವಿತ್ರ ಗ್ರಂಥಗಳನ್ನು ಓದಿ,ಎಲ್ಲಾ ಧರ್ಮದಗಳ ತತ್ವಗಳನ್ನು ಅರಿತು ನಡೆದರು. ಹೆಣ್ಣು ಮಗಳಿಗೆ ಶಿಕ್ಷಣ ದೊರಕಿದರೆ ಇಡೀ ಕುಟುಂಬಕ್ಕೆ ಶಿಕ್ಷಣದೊರೆಯುತ್ತದೆ ಅವರು ಹೆಣ್ಣು ಮಕ್ಕಳಿಗೆ ಶಿಕ್ಷಣ ದೊರಕಬೇಕೆಂದು ಹಂಬಲಿಸಿದರು, ಸ್ಚಚ್ಚತಾ ಅಭಿಯಾನ ಭಾರತದಲ್ಲಿ ಮೊದಲು ಆರಂಭಿಸಿದರು, ಇವತ್ತು ನಮಗೆ ಒಂದು ದಿವಸ ಸ್ವಲ್ಪ ಹೊತ್ತು ಸ್ವಚ್ಚತಾ ಕಾರ್ಯಕ್ರಮದಲ್ಲಿ ಭಾಗವಹಿಸಿದರೆ ನಮಗೆ ಆಯಾಸವಾಗುತ್ತದೆ, ಆದರೆ ಗಾಂಧಿಜಿ ನಮಗಾಗಿ, ನಮ್ಮ ರಾಷ್ಠ್ರ ನಿರ್ಮಾಣಕ್ಕೆ ದುಡಿದವರು, ಅವರು ಯಾವತ್ತೂ ನಮಗೆ ಪ್ರಸ್ತೂತವಾಗಿದ್ದಾರೆ ಎಂದು’ ತಿಳಿಸಿದರು.


“ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ ಕುಂದಾಪುರ ಚರ್ಚಿನ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ‘ಗಾಂಧಿಜಿ ಈ ದೇಶದ ಪಿತಾಮಹರು, ಅವರು ಕ್ರೈಸ್ತ ಧರ್ಮದವರಲ್ಲದಿದ್ದರೂ, ಜೀವನವಿಡೀ ಯೇಸು ಕ್ರಿಸ್ತರ ಭೋಧನೆಗಳನ್ನು ಅಳವಡಿಸಿಕೊಂಡು ಜಗತ್ತಿನಲ್ಲಿ ಮಹಾನರಾದರು. ಇಂತಹ ಮಹಾನ್ ರಾಷ್ಠ್ರ ಪಿತರಿಂದ ನಿರ್ಮಾಣಗೊಂಡ ಭಾರತದಲ್ಲಿ, ಇಂದು ಇಷ್ಟೊಂದು ಅನ್ಯಾಯ ನಡೆಯುವುವಾಗ ಒಂದು ವೇಳೆ ಮಹಾತ್ಮ ಗಾಂಧಿ ಇಂದು ಇದ್ದಿದ್ದರೆ ಅವರು ಮತ್ತೊಂದು ಸಂಗ್ರಾಮ ಮಾಡುತಿದ್ದರು’ ಎಂದು ಅವರು ಸಂದೇಶ ನೀಡಿದರು. ಕಾರ್ಯಕ್ರಮದ ನಂತರ ಸ್ವಚ್ಚತಾ ಅಭಿಯಾನದ ಪ್ರಯುಕ್ತ ಚರ್ಚ್ ರಸ್ತೆಯಲ್ಲಿ ರಸ್ತೆ ಚರಂಡಿಗಳಲಿದ್ದ ಕಸ ಕಡ್ಡಿ, ಪ್ಲಾಸ್ಟಿಕ್,ಗಾಜಿನ ಬಾಟಲುಗಳನ್ನು ಹೆಕ್ಕಿ ರಸ್ತೆಯನ್ನು ಸ್ವಚ್ಚ ಗೊಳಿಸಲಾಯಿತು“


ಕಾರ್ಯಕ್ರಮದಲ್ಲಿ ಸಹಾಯಕ ಧರ್ಮಗುರು ವಂ|ವಿಜಯ್ ಜೊನ್ಸನ್ ಡಿಸೋಜಾ, ಪಾಲನ ಮಂಡಳಿ ಉಪಾಧ್ಯಕ್ಷ ಲುವಿಸ್ ಜೆ. ಫೆರ್ನಾಂಡಿಸ್, ಕಾರ್ಯದರ್ಶಿ ಆಶಾ ಕರ್ವಾಲ್ಲೊ, ಕಥೊಲಿಕ್ ಸಭಾ ನಿಯೋಜಿತ ಅಧ್ಯಕ್ಷೆ ಜೂಲಿಯೆಟ್ ಪಾಯ್ಸ್, ಉಪಾಧ್ಯಕ್ಷ ವಿನ್ಸೆಂಟ್ ಡಿಸೋಜಾ, ಕೋಶಾಧಿಕಾರಿ ಶೈಲಾ ಡಿಆಲ್ಮೇಡಾ, ಕಥೊಲಿಕ್ ಸಭೆಯ ಮುಂದಾಳುಗಳಾದ ಜೋನ್ಸನ್ ಡಿ ಆಲ್ಮೇಡಾ, ವಿಲ್ಸನ್ ಡಿ ಆಲ್ಮೇಡಾ, ಲೋನಾ ಲುವಿಸ್, ಲೋಯ್ ಕರ್ವಾಲ್ಲೊ, ಮಾರ್ಕ್ ಡಿಸೋಜಾ, ನಿರ್ಮಲ ಡಿಸೋಜಾ, ಎಲ್ಡ್ರಿನ್ ಡಿಸೋಜಾ, ಜೋಯ್ ಕರ್ವಾಲ್ಲೊ,ಅಂತೋನಿ ಡಿಸೋಜಾ, ಬಾಜಿಲ್ ಡಿಸೋಜಾ, ಅಂತೋನಿ ಡಿಆಲ್ಮೇಡಾ, ದಾಮನ್ ಡಿಆಲ್ಮೇಡಾ, ನವೀನ್ ಡಿಸೋಜಾ ಮುಂತಾದವರು ಹಾಜರಿದ್ದರು..
ಕಥೊಲಿಕ್ ಸಭೆಯ ಅಧ್ಯಕ್ಷರಾದ ಬರ್ನಾಡ್ ಡಿಕೋಸ್ತಾ ಸ್ವಾಗತಿಸಿದರು. ಕಾರ್ಯದರ್ಶಿ ಪ್ರೇಮಾ ಡಿಕುನ್ಹಾ ವಂದಿಸಿದರು. ಕಾರ್ಯಕ್ರಮದ ಸಂಚಾಲಕ ವಿನೋದ್ ಕ್ರಾಸ್ಟೊ ಕಾರ್ಯಕ್ರಮ ನಿರೂಪಿಸಿದರು.

ಅ. 4 ರಂದು 14 ಕೇಂದ್ರಗಳಲ್ಲಿ ಶಿಕ್ಷಕರ ಅರ್ಹತಾ ಪರೀಕ್ಷೆಗೆ ಸಿದ್ದತೆ 5530 ಮಂದಿ ನೋಂದಣಿ-ಕೋವಿಡ್ ತಡೆಗೆ ಕ್ರಮ -ಜಯರಾಮರೆಡ್ಡಿ

ವರದಿ: ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ಕೋಲಾರ:- ಕೋವಿಡ್ ಆತಂಕದ ನಡುವೆಯೇ ಸಕಲ ರೀತಿಯ ಮುಂಜಾಗ್ರತೆ ವಹಿಸಿ ಅ.4 ರಂದು ಶಿಕ್ಷಕರ ಅರ್ಹತಾ ಪರೀಕ್ಷೆಗೆ ಸಾರ್ವಜನಿಕ ಶಿಕ್ಷಣ ಇಲಾಖೆ ಸಿದ್ದತೆ ನಡೆಸಿದ್ದು, ಪ್ರಾಥಮಿಕ ಶಿಕ್ಷಕರಗಲು 1917 ಹಾಗೂ ಪ್ರೌಢಶಿಕ್ಷಕರಾಗಲು 3613 ಮಂದಿ ಸೇರಿ ಒಟ್ಟು 5530 ಅಭ್ಯರ್ಥಿಗಳು ನಗರದ 14 ಕೇಂದ್ರಗಳಲ್ಲಿ ಪರೀಕ್ಷೆ ಬರೆಯಲಿದ್ದಾರೆ ಎಂದು ಡಿಡಿಪಿಐ ಕೆ.ಎಂ.ಜಯರಾಮರೆಡ್ಡಿ ತಿಳಿಸಿದರು.
ಇಲಾಖೆಯ ಸಭಾಂಗಣದಲ್ಲಿ ಪರೀಕ್ಷಾ ಪೂರ್ವಭಾವಿ ಸಭೆಯ ಅಧ್ಯಕ್ಷತೆ ವಹಿಸಿ ಮಾತನಾಡುತ್ತಿದ್ದ ಅವರು, ಕೋವಿಡ್ ಆತಂಕದ ಹಿನ್ನಲೆಯಲ್ಲಿ ಇಲಾಖೆ ಎಲ್ಲಾ ಸಕಲ ಸಿದ್ದತೆಗಳನ್ನು ಕೈಗೊಂಡಿದೆ ಎಂದು ತಿಳಿಸಿದರು.
ಎಲ್ಲಾ ಕೇಂದ್ರಗಳಿಗೂ
ಸ್ಯಾನಿಟೈಸರ್ ಬಳಕೆ
ಪರೀಕ್ಷೆ ನಡೆಯುವ ನಗರದ ಎಲ್ಲಾ 14 ಕೇಂದ್ರಗಳಲ್ಲೂ ಪರೀಕ್ಷೆಗೆ ಮುನ್ನಾ ಕಡ್ಡಾಯವಾಗಿ ಸ್ಯಾನಿಟೈಸರ್ ಸಿಂಪಡಣೆಗೆ ಅಗತ್ಯ ಕ್ರಮ ಕೈಗೊಳ್ಳಲಾಗಿದೆ ಮತ್ತು ಮೊದಲ ಅವಧಿ ಪರೀಕ್ಷೆ ಮುಗಿದ ನಂತರ ಮಧ್ಯಾಹ್ನದ ಅವಧಿ ಪರೀಕ್ಷೆಗೂ ಮುನ್ನಾ ಸಹಾ ಸ್ಯಾನಿಟೈಸರ್ ಸಿಂಪಡಿಸಲು ಸೂಚಿಸಲಾಗಿದೆ ಎಂದು ತಿಳಿಸಿದರು.
ಥರ್ಮಲ್ ಸ್ಕ್ರೀನಿಂಗ್
ಕಡ್ಡಾಯಗೊಳಿಸಿದೆ
ಪರೀಕ್ಷೆಗೆ ಬರುವ ಎಲ್ಲಾ ಅಭ್ಯರ್ಥಿಗಳು ಮತ್ತು ಸಿಬ್ಬಂದಿಗೆ ಥರ್ಮಲ್ ಸ್ಕ್ರೀನಿಂಗ್ ಕಡ್ಡಾಯಗೊಳಿಸಲಾಗಿದೆ, ಮಾಸ್ಕ್ ಕಡ್ಡಾಯ ಧರಿಸಲು ಸೂಚಿಸಿದ್ದು, ಕೇಂದ್ರಕ್ಕೆ ಬರುವ ಎಲ್ಲರಿಗೂ ಸ್ಯಾನಿಟೈಸರ್ ಕೈಗೆ ಹಾಕಿಯೇ ಒಳ ಕರೆಸಲಾಗುತ್ತದೆ ಎಂದು ವಿವರಿಸಿದರು.
ಈಗಾಗಲೇ ಎಲ್ಲಾ ಕೇಂದ್ರಗಳಿಗೂ ಭೇಟಿ ನೀಡಿ ಸಿದ್ದತೆಗಳನ್ನು ಪರಿಶೀಲಿಸಿದ್ದು, ಕೋವಿಡ್ ಹಿನ್ನಲೆಯಲ್ಲಿ ಯಾವುದೇ ಸಮಸ್ಯೆ ಎದುರಾಗದಂತೆ ಇಲಾಖೆ ಮುನ್ನಚ್ಚರಿಕೆ ವಹಿಸಿದೆ ಎಂದು ತಿಳಿಸಿದರು.
ಕೋವಿಡ್‍ಪೀಡಿತರಿಗೂ
ಆಸ್ಪತ್ರೆಯಲ್ಲೇ ಪರೀಕ್ಷೆ
ಕೋವಿಡ್ ಪೀಡಿತ ಪರೀಕ್ಷಾರ್ಥಿಗಳು ಆಸ್ಪತ್ರೆಯಲ್ಲಿ ದಾಖಲಾಗಿದ್ದರೆ, ಮೊದಲೇ ಮಾಹಿತಿ ನೀಡಿದಲ್ಲಿ ಆ ಆಸ್ಪತ್ರೆ ಕೊಠಡಿಯಲ್ಲೇ ಕೊಠಡಿ ಮೇಲ್ವಿಚಾರಕರನ್ನು ನೇಮಿಸಿ ಅಲ್ಲೇ ಪರೀಕ್ಷೆ ನಡೆಸಲು ಕ್ರಮವಹಿಸಲಾಗಿದ್ದು, ಈವರೆಗೂ ಅಂತಹ ಯಾವುದೇ ಪ್ರಕರಣ ಗಮನಕ್ಕೆ ಬಂದಿಲ್ಲ ಎಂದರು.
ಕೋವಿಡ್ ಸಮಸ್ಯೆ,ಪ್ರಾಥಮಿಕ ಸಂಪರ್ಕ ಇರುವವರು ಪರೀಕ್ಷೆಗೆ ಬಂದರೆ ಅವರಿಗೆ ವಿಶೇಷ ಕೊಠಡಿ ವ್ಯವಸ್ಥೆ ಮಾಡಲಾಗಿದೆ ಎಂದು ತಿಳಿಸಿದ ಡಿಡಿಪಿಐ ಅವರು, ಆಶಾಕಾರ್ಯಕರ್ತೆಯರು, ಆರೋಗ್ಯ ಇಲಾಖೆ ಸಿಬ್ಬಂದಿಯ ಸಹಕಾರ ಪಡೆದಿದ್ದು, ಹೆಚ್ಚಿನ ನಿಗಾ ವಹಿಸಲಾಗಿದೆ ಎಂದು ತಿಳಿಸಿದರು.
ಕೋವಿಡ್ ಹಿನ್ನಲೆ
ಹೆಚ್ಚುವರಿ ಸಿಬ್ಬಂದಿ
ಶಿಕ್ಷಕರ ಅರ್ಹತಾ ಪರೀಕ್ಷಾ ನೋಡಲ್ ಅಧಿಕಾರಿ ಎ.ಎನ್.ನಾಗೇಂದ್ರಪ್ರಸಾದ್, ಈ ಬಾರಿ ಹಿಂದಿನ ವರ್ಷಗಳಿಗಿಂತ ಹೆಚ್ಚುವರಿ ಸಿಬ್ಬಂದಿಯನ್ನು ನೇಮಿಸಿಕೊಳ್ಳಲಾಗಿದ್ದು, ಸುಗಮ ಪರೀಕ್ಷೆಗೆ ಮುಖ್ಯ ಅಧೀಕ್ಷಕರು, ಅಭಿರಕ್ಷಕರು, ಸ್ಥಾನಿಕ ಜಾಗೃತದಳ, ಕೊಠಡಿ ಮೇಲ್ವಿಚಾಕರು ಸೇರಿದಂತೆ ಹೆಚ್ಚಿನ ಸಿಬ್ಬಂದಿ ನೇಮಿಸಿಕೊಳ್ಳಲಾಗಿದೆ ಎಂದರು.
ಸಾಮಾಜಿಕ ಅಂತರ ಕಾಯ್ದುಕೊಳ್ಳಲು ಕ್ರಮವಹಿಸಲಾಗಿದೆ, ಮುಖ್ಯ ಅಧೀಕ್ಷಕರನ್ನು ಹೊರತುಪಡಿಸಿ ಇತರೆಲ್ಲಾ ಸಿಬ್ಬಂದಿ, ವಿದ್ಯಾರ್ಥಿಗಳಿಗೆ ಮೊಬೈಲ್ ತರುವುದನ್ನು ನಿಷೇಧಿಸಲಾಗಿದೆ ಎಂದರು.
ಬೆಳಗ್ಗೆ 8 ಗಂಟೆಗೆ
ಕೇಂದ್ರಕ್ಕೆ ಪ್ರವೇಶ
ಪ್ರಾಥಮಿಕ ಶಿಕ್ಷಕರಾಗಲು ಪರೀಕ್ಷೆ ಬೆಳಗ್ಗೆ 9-30 ರಿಂದ 12 ಹಾಗೂ ಮಧ್ಯಾಹ್ನದ ಪ್ರೌಢಶಿಕ್ಷಕರಾಗಲು ಐಚ್ಚಿಕವಿಷಯದ ಪರೀಕ್ಷೆ 2 ರಿಂದ 4-30 ರವರೆಗೂ ನಡೆಯಲಿದೆ ಎಂದರು.
ಪರೀಕ್ಷೆಗೆ ಬರುವ ಅಭ್ಯರ್ಥಿಗಳು ಒಂದು ಗಂಟೆ ಮುಂಚಿತವಾಗಿ ಕೇಂದ್ರಕ್ಕೆ ಹಾಜರಾಗಿ ಥರ್ಮಲ್ ಸ್ಕ್ರೀನಿಂಗ್‍ಗೆ ಒಳಪಡಲು ಸೂಚಿಸಲಾಗಿದೆ, ಬೆಳಗ್ಗೆ 9 ಗಂಟೆಗೆ ಬೆಲ್ ಬಾರಿಸಲಿದ್ದು, 9-30 ರವರೆಗೂ ಒಳಪ್ರವೇಶಕ್ಕೆ ಅವಕಾಶವಿದೆ ಮಧ್ಯಾಹ್ನ 1-30 ಗೆ ಬೆಲ್ ಆಗಲಿದ್ದು, 2 ಗಂಟೆವರೆಗೂ ಅಭ್ಯರ್ಥಿಗಳಿಗೆ ಒಳ ಪ್ರವೇಶಕ್ಕೆ ಅವಕಾಶವಿದೆ ಎಂದು ತಿಳಿಸಿದರು.
ಪರೀಕ್ಷಾ ಸಿಬ್ಬಂದಿಗೂ ಮಾಸ್ಕ್, ಗ್ಲೌಸ್ ಕಡ್ಡಾಯ, ಅಭ್ಯರ್ಥಿಗಳು ಮನೆಯಿಂದಲೇ ಕುಡಿಯುವ ನೀರು ತರಲು ಸೂಚಿಸಲಾಗಿದೆ, ಅಗತ್ಯವಿದ್ದಲ್ಲಿ ಕೇಂದ್ರದಲ್ಲೇ ಬಳಸಿ ಬಿಸಾಡುವ ಲೋಟಗಳಲ್ಲಿ ನೀರು ಕೊಡಲು ವ್ಯವಸ್ಥೆ ಮಾಡಲಾಗಿದೆ.
144ನೇ ಸೆಕ್ಷನ್
ನಿಷೇದಾಜ್ಞೆ ಜಾರಿ
ಯಾವುದೇ ಸಮಸ್ಯೆ ಎದುರಾಗದಂತೆ ಪರೀಕ್ಷಾ ಕೇಂದ್ರಗಳ ಸುತ್ತ 200 ಮೀ.ವ್ಯಾಪ್ತಿಯಲ್ಲಿ 144 ನೇ ಸೆಕ್ಷನ್ ಅನ್ವಯ ನಿಷೇದಾಜ್ಞೆಯನ್ನು ಜಿಲ್ಲಾಧಿಕಾರಿಗಳು ಜಾರಿ ಮಾಡಿದ್ದು, ಭದ್ರತೆಗೆ ಪ್ರತಿಯೊಂದು ಕೇಂದ್ರಕ್ಕೂ ಪೊಲೀಸ್ ಸಿಬ್ಬಂದಿಯನ್ನು ನೇಮಿಸಲಾಗಿದೆ ಎಂದು ತಿಳಿಸಿದರು.
ಸಭೆಯಲ್ಲಿ ಶಿಕ್ಷಣಾಧಿಕಾರಿ ಸಿ.ಆರ್.ಅಶೋಕ್, ಡಿವೈಪಿಸಿ ಮೋಹನ್ ಬಾಬು, ಬಿಇಒಗಳಾದಕೆ.ಎಸ್.ನಾಗರಾಜಗೌಡ, ಕೆಂಪಯ್ಯ, ವಿ.ಉಮಾದೇವಿ, ವಿಷಯ ಪರಿವೀಕ್ಷಕರಾದ ಶಶಿವಧನ, ಗಾಯಿತ್ರಿ,ಕೃಷ್ಣಪ್ಪ, ವೆಂಕಟೇಶಪ್ಪ, ಮುಖ್ಯಶಿಕ್ಷಕರ ಸಂಘದ ಅಧ್ಯಕ್ಷ ರುದ್ರಪ್ಪ, ಮಾರ್ಗಾಧಿಕಾರಿಗಳು ಸಿಬ್ಬಂದಿ ಹಾಜರಿದ್ದರು.

ಸಹಾಯಕ ಖಜಾನಾಧಿಕಾರಿ ರಾಮಮೂರ್ತಿರಿಗೆ ಬೀಳ್ಕೊಡುಗೆ ಕರ್ತವ್ಯ ನಿರ್ವಹಣೆ ಇತರೆ ಸಿಬ್ಬಂದಿಗೆ ಮಾದರಿ-ವಿ.ರುಕ್ಮಿಣಿದೇವಿ

ವರದಿ: ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ಕೋಲಾರ:- ಕರ್ತವ್ಯ ನಿರ್ವಹಣೆಯಲ್ಲಿ ಉತ್ಸಾಹ,ಕಚೇರಿಗೆ ಬರುವವರ ಸಮಸ್ಯೆಗಳಿಗೆ ಸ್ಪಂದಿಸುವಲ್ಲಿ ತೋರುವ ದಕ್ಷತೆ ಇತರೆ ಸಿಬ್ಬಂದಿಗೆ ಮಾದರಿಯಾಗಲಿ ಎಂದು ಜಿಲ್ಲಾ ಖಜಾನೆ ಉಪನಿರ್ದೇಶಕಿ ಎನ್.ರುಕ್ಮಿಣಿದೇವಿ ತಿಳಿಸಿದರು.
ಜಿಲ್ಲಾ ಖಜಾನೆಯಲ್ಲಿ ಸತತ 35 ವರ್ಷಗಳ ಸೇವೆಯ ನಂತರ ನಿವೃತ್ತರಾದ ಸಹಾಯಕ ಖಜಾನಾಧಿಕಾರಿ ರಾಮಮೂರ್ತಿ ಅವರನ್ನು ಖಜಾನೆ ಇಲಾಖೆ,ಶಿಕ್ಷಣ,ಪದವಿ ಪೂರ್ವ ಶಿಕ್ಷಣ, ಸಿಡಿಪಿಒ,ವಿಕಲಚೇತನರ ಇಲಾಖೆ ಸೇರಿದಂತೆ ವಿವಿಧ ಇಲಾಖೆಗಳಿಂದ ಸನ್ಮಾನಿಸಿ ಬೀಳ್ಕೊಟ್ಟು ಅವರು ಮಾತನಾಡುತ್ತಿದ್ದರು.
ಕರ್ತವ್ಯದಲ್ಲಿ ತೋರಿದ ಪ್ರಾಮಾಣಿಕತೆ, ಮಾಡಿದ ಕೆಲಸದಿಂದ ಆತ್ಮತೃಪ್ತಿ ಸಿಕ್ಕರೆ ನಿವೃತ್ತಿ ಜೀವನದಲ್ಲಿ ಹೆಚ್ಚು ನೆಮ್ಮದಿ ಸಿಗುತ್ತದೆ, ಅಂತಹ ಸಾಲಿಗೆ ರಾಮಮೂರ್ತಿಯೂ ಸೇರಿದ್ದಾರೆ ಎಂದರು.
ಕಚೇರಿಗೆ ವೇತನ ಮತ್ತಿತರ ಬಿಲ್ಲುಗಳ ಪಾವತಿಗೆ ಬರುವ ಇತರೆಲ್ಲಾ ಇಲಾಖೆಗಳ ನೌಕರರು, ತರಾತುರಿಯಲ್ಲೇ ಬರುತ್ತಾರೆ, ಬಂದವರನ್ನು ಶಾಂತವಾಗಿಸಿ ಕೆಲಸ ಮಾಡಿಕೊಟ್ಟು ಗೊಂದಲ ನಿವಾರಿಸುತ್ತಿದ್ದ ರಾಮಮೂರ್ತಿ ಅವರ ಸೇವೆ ಇನ್ನು ಮುಂದೆ ಇಲಾಖೆಗೆ ಇಲ್ಲವಾಗಿದೆ ಎಂದು ತಿಳಿಸಿದ ಅವರು, ಅವರ ನಿವೃತ್ತಿ ಜೀವನ ಸುಖಕರವಾಗಿರಲಿ ಎಂದು ಹಾರೈಸಿದರು.
ಸನ್ಮಾನ ಸ್ವೀಕರಿಸಿದ ರಾಮಮೂರ್ತಿ ಮಾತನಾಡಿ, 35 ವರ್ಷಗಳ ಸುಧೀರ್ಘ ಸೇವೆ ನನಗೆ ತೃಪ್ತಿ ತಂದಿದೆ, ಖಜಾನೆಯಲ್ಲಿ ಸದಾ ಒತ್ತಡದಲ್ಲೇ ಕೆಲಸ ಮಾಡುವ ಪರಿಸ್ಥಿತಿ ಇದೆ, ಆದರೆ ತಮ್ಮ ಕಾರ್ಯಕ್ಕೆ ಎಲ್ಲಾ ಸಿಬ್ಬಂದಿ, ಉಪನಿರ್ದೇಶಕರು ಸ್ಪಂದಿಸಿದ್ದಾರೆ ಎಂದು ಧನ್ಯವಾದ ತಿಳಿಸಿದರು.
ಸಹಾಯಕ ಖಜಾನೆ ಅಧಿಕಾರಿಗಳಾದ ಮಹೇಶ್ವರಪ್ಪ, ನಾರಾಯಣರಾವ್, ವರದರಾಜ್, ಖಜಾನೆ ನೌಕರರ ಸಂಘದ ಶಂಕರ್, ರವಿಶಂಕರ್, ನಟೇಶ್, ನರೇಂದ್ರ ಮತ್ತಿತರರು ಮಾತನಾಡಿ, ರಾಮಮೂರ್ತಿಯವರು 60ರ ವಯಸ್ಸಿನಲ್ಲೂ ಕ್ರಿಯಾಶೀಲರಾಗಿದ್ದರು, ಅವರನ್ನು ಕಂಡಾಗ ನಿವೃತ್ತಿಯ ವಯಸ್ಸಾಗಿದೆ ಎಂದು ಹೇಳಲು ಸಾಧ್ಯವೇ ಇಲ್ಲ ಎಂದರು.
ಸರ್ಕಾರಿ ನೌಕರಿಯಲ್ಲಿ ನಿವೃತ್ತಿ ಸಾಮಾನ್ಯ ಪ್ರಕ್ರಿಯೆ, ಆದರೆ ಕರ್ತವ್ಯದಲ್ಲಿದ್ದಾಗ ಮಾಡಿದ ಕೆಲಸ ನಮ್ಮ ಜೀವನವಿಡೀ ನೆನಪಿನಲ್ಲಿ ಉಳಿಯುವಂತೆ ಮಾಡುತ್ತದೆ, ಅಂತಹ ಹಾದಿಯಲ್ಲಿ ರಾಮಮೂರ್ತಿ ಖಜಾನೆಯಲ್ಲಿ ಉತ್ತಮ ಹೆಸರು ಪಡೆದಿದ್ದರು ಎಂದು ತಿಳಿಸಿದರು.
ಕ್ಷೇತ್ರ ಶಿಕ್ಷಣಾಧಿಕಾರಿ ಕೆ.ಎಸ್.ನಾಗರಾಜಗೌಡ, ರಾಮಮೂರ್ತಿ ನಿವೃತ್ತಿ ಎಂಬ ವಿಷಯ ನಂಬಲು ಸಾಧ್ಯವಾಗಲಿಲ್ಲ, ಅವರಿಗಿನ್ನು 45 ವರ್ಷ ಇರಬಹುದು ಎಂದು ಭಾವಿಸಿದ್ದೆ, ಇಂತಹ ಕ್ರಿಯಾಶೀಲ ಗುಣ, ಎಲ್ಲರ ಕೆಲಸ ಮಾಡಿಕೊಡುವ ಬದ್ದತೆ ಇತರೆ ನೌಕರರಿಗೂ ಬರಲಿ ಎಂದರು.
ಕಾರ್ಯಕ್ರಮದಲ್ಲಿ ಖಜಾನೆ ಇಲಾಖೆಯಿಂದ ರಾಮಮೂರ್ತಿರನ್ನು ಆತ್ಮೀಯವಾಗಿ ಸನ್ಮಾನಿಸಿ ಬೀಳ್ಕೊಡಲಾಯಿತು.
ಈ ಸಂದರ್ಭದಲ್ಲಿ ಖಜಾನೆಯ ಅಶೋಕ್,ಸೋಮಶೇಖರ್, ಬ್ರಹ್ಮಾನಂದ್,ಶಿವಪ್ರಸಾದ್, ಆರ್.ವೀಣಾ, ಕೆಜಿಎಫ್‍ನ ಖಜಾನಾಧಿಕಾರಿ ವಿಜಯಕುಮಾರ್, ಅಶೋಕ್,ಪ್ರಭಾಕರ್, ಆರ್.ಸೋಮಶೇಖರ್,ನಾಗರಾಜ್, ಸಾಕಮ್ಮ, ರಾಣೆಮ್ಮ ಮತ್ತು ಸಿಬ್ಬಂದಿ ವರ್ಗ ಹಾಜರಿದ್ದರು.

ಮಹಿಳಾ ಕಾಲೇಜು ಅಧೀಕ್ಷಕ ಗೋಪಿನಾಥ್‍ರಿಗೆ ಬೀಳ್ಕೊಡುಗೆ ಸಮಸ್ಯೆಗಳಿಗೆ ಸ್ಪಂದಿಸುತ್ತಿದ್ದ ಸಜ್ಜನ-ಗಂಗಾಧರರಾವ್ ಶ್ಲಾಘನೆ

ವರದಿ: ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ಕೋಲಾರ:- ಬೆಂಗಳೂರು ಉತ್ತರ ವಿವಿಯಲ್ಲೇ ಅತಿ ಹೆಚ್ಚು ವಿದ್ಯಾರ್ಥಿನಿಯರನ್ನು ಒಳಗೊಂಡ ಸರ್ಕಾರಿ ಮಹಿಳಾ ಕಾಲೇಜಿನಲ್ಲಿ ಸಮಸ್ಯೆಗಳಿಗೆ ತಾಳ್ಮೆಯಿಂದ ಸ್ಪಂದಿಸಿ ಸಮಸ್ಯೆ ಪರಿಹರಿಸುತ್ತಿದ್ದ ಸಜ್ಜನ ಅಧೀಕ್ಷಕ ಗೋಪಿನಾಥ್ ಎಂದು ಕಾಲೇಜಿನ ಪ್ರಾಂಶುಪಾಲ ಪ್ರೊ.ಗಂಗಾಧರರಾವ್ ಶ್ಲಾಘಿಸಿದರು.
ಕಾಲೇಜು ಶಿಕ್ಷಣ ಇಲಾಖೆಯಲ್ಲಿ ಸತತ 36 ವರ್ಷಗಳ ಸೇವೆಯ ನಂತರ ಇಂದು ನಿವೃತ್ತರಾದ ಸರ್ಕಾರಿ ಮಹಿಳಾ ಕಾಲೇಜಿನ ಅಧೀಕ್ಷಕ ಗೋಪಿನಾಥ್‍ಅವರನ್ನು ಕಾಲೇಜಿನ ಉಪನ್ಯಾಸಕರ ಸಂಘ ಹಾಗೂ ಸಿಬ್ಬಂದಿ ಸನ್ಮಾನಿಸಿ ಬೀಳ್ಕೊಟ್ಟ ಸಂದರ್ಭದಲ್ಲಿ ಅವರು ಮಾತನಾಡುತ್ತಿದ್ದರು.
ಸುಮಾರು 3600 ವಿದ್ಯಾರ್ಥಿನಿಯರು ವ್ಯಾಸಂಗ ಮಾಡುತ್ತಿರುವ ದೊಡ್ಡ ಕಾಲೇಜು, ಇಲ್ಲಿ ಅಂಕಪಟ್ಟಿ, ದಾಖಲಾತಿ, ತಿದ್ದುಪಡಿಗಳು ಮತ್ತಿತರ ಅನೇಕ ಸಮಸ್ಯೆಗಳು ಇಲ್ಲದಿಲ್ಲ, ಅಂತಹ ಸಮಸ್ಯೆಗಳೊಂದಿಗೆ ಬರುವ ವಿದ್ಯಾರ್ಥಿನಿಯರು,ಪೋಷಕರೊಂದಿಗೆ ಸಂಯಮದಿಂದ ವರ್ತಿಸಿ ಪರಿಹರಿಸುತ್ತಿದ್ದ ಅಧೀಕ್ಷಕ ಗೋಪಿನಾಥ್ ಸಿಬ್ಬಂದಿಗೆ ಮಾದರಿಯಾಗಿದ್ದಾರೆ ಎಂದು ತಿಳಿಸಿದರು.
ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಕಾಲೇಜು ಶಿಕ್ಷಣ ಇಲಾಖೆ ಜಂಟಿ ನಿರ್ದೇಶಕ ವಿ.ಆರ್.ಅಶ್ವಥ್ಥ್, ಅಧ್ಯಾಪಕರು,ಸಿಬ್ಬಂದಿ,ವಿದ್ಯಾರ್ಥಿಗಳೊಂದಿಗೆ ಉತ್ತಮ ಸಂಬಂಧ ಹೊಂದಿದ್ದ ಗೋಪಿನಾಥ್, ವಿದ್ಯಾರ್ಥಿಗಳ ಸಮಸ್ಯೆಗಳಿಗೆ ಸ್ಪಂದಿಸುತ್ತಿದ್ದ ರೀತಿ, ಸಂಯಮದಿಂದ ಆಲಿಸುತ್ತಿದ್ದ ಪರಿ ನಿಜಕ್ಕೂ ಆದರ್ಶ ಎಂದರು.
ಬೀಳ್ಕೊಡುಗೆ ಸ್ವೀಕರಿಸಿ ಮಾತನಾಡಿದ ಗೋಪಿನಾಥ್, ತಾವು 36 ವರ್ಷಗಳ ವೃತ್ತಿ ಜೀವನದಲ್ಲಿ ಅನೇಕ ಅಧ್ಯಾಪಕರು,ಸಿಬ್ಬಂದಿ,ಪ್ರಾಂಶುಪಾಲರ ಜತೆ ಕೆಲಸ ಮಾಡಿದ್ದೇನೆ, ಪ್ರತಿ ಹಂತದಲ್ಲೂ ಎಲ್ಲರೂ ಸಹಕಾರ ನೀಡಿದ್ದಾರೆ, ಅದನ್ನು ಜೀವನದಲ್ಲಿ ಮರೆಯಲು ಸಾಧ್ಯವಿಲ್ಲ ಎಂದು ತಿಳಿಸಿದರು.
ಎಲ್ಲರೊಂದಿಗೂ ಸ್ನೇಹದಿಂದ ಇರಲು ಬಯಸಿದ್ದೇನೆ, ನನ್ನ ಕರ್ತವ್ಯದ ಅವಧಿಯಲ್ಲಿ ಯಾರಿಗಾದರೂ ನೋವಾಗಿದ್ದರೆ ಕ್ಷಮೆ ಕೇಳುತ್ತೇನೆ ಎಂದ ಅವರು, ತಪ್ಪು ಮಾಡಿಲ್ಲ ಎಂಬ ಆತ್ಮತೃಪ್ತಿ ನನಗಿದೆ ಎಂದು ತಿಳಿಸಿದರು.
ಕಾಲೇಜು ಶಿಕ್ಷಣ ಇಲಾಖೆ ಸಹಾಯಕ ನಿರ್ದೇಶಕ ನಟರಾಜ್, ಕಾಲೇಜು ಶಿಕ್ಷಣ ಇಲಾಖೆಯಲ್ಲಿ ಅಪಾರ ಅನುಭವ ಹೊಂದಿರುವ ಅವರು ನಿವೃತ್ತಿ ನಂತವೂ ತಮ್ಮ ಅನುಭವವನ್ನು ಹಂಚಿಕೊಳ್ಳಲಿ ಎಂದು ಸಲಹೆ ನೀಡಿ ಅವರ ನಿವೃತ್ತಿ ಜೀವನ ಸುಖಕರವಾಗಿರಲಿ ಎಂದು ಹಾರೈಸಿದರು.
ಕಾಲೇಜಿನಿಂದ ಗೋಪಿನಾಥ್ ಹಾಗೂ ಪತ್ನಿ ಜಿ.ಎಸ್.ಕಲಾವತಿ ದಂಪತಿಗಳನ್ನು ಸನ್ಮಾನಿಸಿ ಬೀಳ್ಕೊಡಲಾಯಿತು. ಮಕ್ಕಳಾದ ಭರತ್, ಚಂದನಾ ತಮ್ಮ ತಂದೆಯ ಬೀಳ್ಕೊಡುಗೆಗೆ ಸಾಕ್ಷಿಯಾದರು.
ಈ ಸಂದರ್ಭದಲ್ಲಿ ಪ್ರೊ.ವಿಜಯಕುಮಾರ್, ಜನಾರ್ಧನ್, ಸೀನಪ್ಪ, ಹೆಚ್.ಆರ್.ಮಂಜುನಾಥ್, ಸುನೀಲ್ ಬೃಂದಾದೇವಿ, ಹೇಮಮಾಲಿನಿ, ರವೀಂದ್ರ ಮತ್ತಿತರರಿದ್ದರು.

ಕುಂದಾಪುರ ಆರ್. ಎನ್. ಶೆಟ್ಟಿ ಪದವಿ ಪೂರ್ವ ಕಾಲೇಜಿನಲ್ಲಿ ರೋಟರಿ ಕ್ಲಬ್, ಕುಂದಾಪುರ( ದಕ್ಷಿಣ) ಇದರ ಸಹಯೋಗದಲ್ಲಿ ಹಣ್ಣು ಹಂಪಲು ಸಸಿ ವಿತರಣಾ ಕಾರ್ಯಕ್ರಮ‌

JANANUDI.COM NETWORK

ಕುಂದಾಪುರದ ಆರ್. ಎನ್. ಶೆಟ್ಟಿ ಪದವಿ ಪೂರ್ವ ಕಾಲೇಜಿನಲ್ಲಿ  ರೋಟರಿ ಕ್ಲಬ್, ಕುಂದಾಪುರ( ದಕ್ಷಿಣ) ಇದರ ಸಹಯೋಗದಲ್ಲಿ ಹಣ್ಣು ಹಂಪಲು ಸಸಿ ವಿತರಣಾ ಕಾರ್ಯಕ್ರಮ‌ವನ್ನು ಆಯೋಜಿಸಲಾಯಿತು. ಕುಂದಾಪುರ ರೋಟರಿ ದಕ್ಷಿಣ ಇದರ ಅಧ್ಯಕ್ಷರಾದ ಡಾ. ಉತ್ತಮ್ ಕುಮಾರ್ ರವರು ಔಷಧೀಯ ಗಿಡಗಳ ಮಹತ್ವದ ಬಗ್ಗೆ ತಿಳಿಸಿ, ಕಾಲೇಜಿನ ಪ್ರಾಂಶುಪಾಲರಾದ ಶ್ರೀ ನವೀನ ಕುಮಾರ  ಶೆಟ್ಟಿಯವರಿಗೆ   ಸಾಂಕೇತಿಕವಾಗಿ  ಹಣ್ಣಿನ ಸಸಿಯನ್ನು ಹಸ್ತಾಂತರಿಸಿದರು. ಕುಂದಾಪುರ ರೋಟರಾಕ್ಟ್ ಕ್ಲಬ್ ನ(ದಕ್ಷಿಣ)  ಅಧ್ಯಕ್ಷರಾದ ಆಲ್ಡ್ರಿನ್ ಡಿಸೋಜಾ ರವರು ಸಸ್ಯ ವಿತರಣಾ ಕಾರ್ಯಕ್ರಮದ  ಔಚಿತ್ಯದ ಬಗ್ಗೆ ಪ್ರಸ್ತಾವನಾ ನುಡಿಗಳನ್ನಾಡಿದರು. ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ ಕಾಲೇಜಿನ ಪ್ರಾಂಶುಪಾಲರಾದ ಶ್ರೀ ನವೀನ ಕುಮಾರ ಶೆಟ್ಟಿಯವರು ರೋಟರಿ ಕ್ಲಬ್ ನ(ದಕ್ಷಿಣ)   ಸಸ್ಯವಿತರಣಾ ಯೋಜನೆಯ ಧ್ಯೇಯೋದ್ದೇಶಗಳನ್ನು ಶ್ಲಾಘಿಸಿದರು.  ರೋಟರಿ ಕ್ಲಬ್ (ದಕ್ಷಿಣ) ನ ಕಾರ್ಯದರ್ಶಿ  ಜ್ಯುಡಿತ್ ಮೆಂಡೋನ್ಸಾರವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಸಂಖ್ಯಾಶಾಸ್ತ್ರ ಮುಖ್ಯಸ್ಥರಾದ ಶ್ರೀಮತಿ ಅರುಣಾ ಹೊಳ್ಳರವರು ಅತಿಥಿಗಳನ್ನು ಸ್ವಾಗತಿಸಿದರು. ಕಛೇರಿ ಸಿಬ್ಬಂದಿ ಶ್ರೀಮತಿ ಅಂಬಿಕಾ ಶೆಟ್ಟಿ ಪ್ರಾರ್ಥನಾ ಗೀತೆ ಹಾಡಿದರು. ಸಂಸ್ಕ್ರತ ವಿಭಾಗದ ಮುಖ್ಯಸ್ಥರಾದ ಶ್ರೀ ರವಿ ಉಪಾಧ್ಯ ರವರು ಧನ್ಯವಾದ ಸಲ್ಲಿಸಿದರು. ಹಿಂದಿ ವಿಭಾಗದ ಮುಖ್ಯಸ್ಥರಾದ ಶ್ರೀಮತಿ ಜಯಶೀಲಾ ಪೈಯವರು ಕಾರ್ಯಕ್ರಮ ನಿರೂಪಿಸಿದರು.

ಆಶಾವಾದಿ 20-20ಡಿಜಿಟಲ್ ಇ-ಪುಸ್ತಕಾರುಪಾರ್ ಪರ್ಗಟುನ್ ಯೆಂವಚ್ಯಾಕ್ ಉತ್ತೀಮ್ ಸಾಹಿತ್ಯ್ ಧಾಡುಂಕ್ ಉಲೊ

JANANUDI.COM NETWORK

2000 ಇಸವೆಂತ್ ಸುರು ಜಾಲ್ಲ್ಯಾ ಆಶಾವಾದಿ ಪ್ರಕಾಶನಾನ್ 2001-2 ಥಾವ್ನ್ ಆಜ್
ಪಾಸೊನ್ 47 ಕೊಂಕಣಿ ಪುಸ್ತಕಾಂ ಪ್ರಕಾಶಿತ್ ಕೆಲ್ಯಾತ್. ಆಶಾವಾದಿ ಪ್ರಕಾಶನಾಚ್ಯಾ 20
ವರ್ಸಾಂಚೊ ಸುವಾಳೊ ಕಾರ್ಯೆಂ ದಸೆಂಬ್ರ್ 20 ತಾರಿಕೆರ್ ಚಲುಂಕ್ ಆಸ್ಚ್ಯಾ
ಸಂಧರ್ಭಾರ್ ಡಿಜಿಟಲ್ ಇ-ಪುಸ್ತಕಾರುಪಾರ್ ಪರ್ಗಟುನ್ ಯೆಂವಚ್ಯಾಕ್ ಉತ್ತೀಮ್
ಸಾಹಿತ್ಯ್ ಧಾಡುಂಕ್ ಆಶೆತೆಲ್ಯಾ ಬರವ್ಪಿ, ಗುಣ್‍ಮೊಲಾಚೆಂ ಸಾಹಿತ್ಯ್ ವಾ
ಸಂಶೋದ್/ಅಧ್ಯಯನ್ ಸಾಹಿತ್ಯ್ (ಕವಿತಾ, ಸಂಕಲನ್, ತರ‍್ಜಣ್, ಕಥಾ, ಸಂಶೋದ್
ಬರ್ಪಾಂ ಯುನಿಕೋಡಾಚೆರ್ ಧಾಡ್ಚಿಂ) ಪರ್ಗಟುಂಕ್ ಆಶೆತೆಲ್ಯಾಂನಿ ಆಮ್ಕಾಂ ಸಂಪರ್ಕ್
ಕರುಯೆತಾ. ವಿಂಚ್ಲಲಿಂ ಬರಪಾಂ ಹೆರ್ ಲಿಪಿಂನಿ ಲಿಪಿಯಂತರ್ ಕರುನ್ ತೀನ್ ಲಿಪಿಂನಿ
ಹೊ ಡಿಜಿಟಲ್ ಇ-ಪುಸ್ತಕ್; ಆಶಾವಾದಿ 20-20 ಕಾರಯಾವೆಳಾರ್ ಡಿಜಿಟಲ್ ರುಪಾರ್
ಮೊಕ್ಳಿಕ್ ಜಾತಾಲೊ. ತುಮ್ಚಿಂ ಬರಪಾಂ ಧಾಡುಂಕ್ ಅಖೇರ್ಚಿ ತಾರಿಕ್: 31
ಒಕ್ತೋಬರ್ 2020.

ಇಮೇಯ್ಲ್: ashawadi@gmail.com

ಕುಂದಾಪುರದ ಸಂತ ಜೋಸೆಫ್ ಪ್ರೌಢಶಾಲೆಯ ವಿದ್ಯಾರ್ಥಿಗಳಿಗೆ “ಗೈಡ್ಸ್ ರಾಜ್ಯ ಪುರಸ್ಕಾರ”

JANANUDI.COM NETWORK

ಕುಂದಾಪುರದ ಸಂತ ಜೋಸೆಫ್ ಪ್ರೌಢಶಾಲೆಯ ವಿದ್ಯಾರ್ಥಿಗಳಿಗೆ “ಗೈಡ್ಸ್ ರಾಜ್ಯ ಪುರಸ್ಕಾರ”
ಭಾರತ್ ಸ್ಕೌಟ್/ಗೈಡ್ಸ್ ರಾಜ್ಯ ಸಂಸ್ಥೆ ಬೆಂಗಳೂರು, ಇವರು ನಡೆಸಿದ “ಗೈಡ್ಸ್ ರಾಜ್ಯ ಪುರಸ್ಕಾರ”ಪರೀಕ್ಷೆಯಲ್ಲಿ ಉತ್ತೀರ್ಣರಾದ ಕುಂದಾಪುರದ ಸಂತ ಜೋಸೆಫ್ ಪ್ರೌಢಶಾಲೆಯ ವಿದ್ಯಾರ್ಥಿಗಳಾದ ಕು. ರಂಜಿತಾ ಶೆಟ್ಟಿ ಹಾಗೂ ಕು. ಸಿಂಚನ ಶೆಟ್ಟಿ ಇವರು ಮಾನ್ಯ ರಾಜ್ಯ ಪಾಲರಿಂದ ಪಡೆದ “ ರಾಜ್ಯ ಪುರಸ್ಕಾರ” ಪ್ರಶಸ್ತಿಯನ್ನು ಮುಖ್ಯೋಪಾಧ್ಯಾಯಿನಿ ಭಗಿನಿ ಸಿಲ್ವಿಯಾ ಸುವಾರಿಸ್ ಹಾಗೂ ಗೈಡ್ಸ್ ಶಿಕ್ಷಕಿ ಶ್ರೀಮತಿ ಸೆಲಿನ್ ಬರೆಟ್ಟೊರವರ ನೇತ್ರತ್ವದಲ್ಲಿ ದಿನಾಂಕ 29.09.2020 ರಂದು ನೀಡಿ ಗೌರವಿಸಲಾಯಿತು.

ಶ್ರೀನಿವಾಸಪುರ: ರಾಜ್ಯ ಆರೋಗ್ಯ ಹಾಗೂ ಕುಟುಂಬ ಕಲ್ಯಾಣ, ವೈದ್ಯಕೀಯ ಶಿಕ್ಷಣ, ಗುತ್ತಿಗೆ ಹಾಗೂ ಹೊರ ಗುತ್ತಿಗೆ ನೌಕರರು ತಮ್ಮ ಬೇಡಿಕೆಗಳನ್ನು ಈಡೇರಿಸುವಂತೆ ಸರ್ಕಾರವನ್ನು ಆಗ್ರಹಿಸಿ ಪ್ರತಿಭಟನೆ

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪು

ಶ್ರೀನಿವಾಸಪುರ: ಇಲ್ಲಿನ ತಾಲ್ಲೂಕು ಕಚೇರಿ ಎದುರು ಮಂಗಳವಾರ ರಾಜ್ಯ ಆರೋಗ್ಯ ಹಾಗೂ ಕುಟುಂಬ ಕಲ್ಯಾಣ, ವೈದ್ಯಕೀಯ ಶಿಕ್ಷಣ, ಗುತ್ತಿಗೆ ಹಾಗೂ ಹೊರ ಗುತ್ತಿಗೆ ನೌಕರ ಸಂಘದ ಸದಸ್ಯರು ತಮ್ಮ ಬೇಡಿಕೆಗಳನ್ನು ಈಡೇರಿಸುವಂತೆ ಸರ್ಕಾರವನ್ನು ಆಗ್ರಹಿಸಿ ಪ್ರತಿಭಟನೆ ನಡೆಸಿದರು.
ಸಂಘದ ತಾಲ್ಲೂಕು ಘಟಕದ ಅಧ್ಯಕ್ಷ ವಿ.ಶಿವಕುಮಾರ್‌ ಮಾತನಾಡಿ ಕೋವಿಡ್‌ –19 ಸಂಕಷ್ಟದ ನಡುವೆ ಈ ಸಂಘಟನೆಯ ನೌಕರರು ಜೀವದ ಮೇಲೆ ಹಂಗು ತೊರೆದು ರೋಗಿಗಳ ಸೇವೆಯಲ್ಲಿ ತೊಡಗಿದ್ದಾರೆ. ಸೋಂಕು ತಡೆಯಲು ಪೂರಕವಾಗಿ ಶ್ರಮಿಸುತ್ತಿದ್ದಾರೆ. ಆದರೂ ಸರ್ಕಾರ ಇವರ ನ್ಯಾಯಯುತ ಬೇಡಿಕೆಗಳ ಬಗ್ಗೆ ಗಮನ ಹರಿಸುತ್ತಿಲ್ಲ ಎಂದು ಹೇಳಿದರು.
ಪ್ರತಿಭಟನೆ ಸಂದರ್ಭದಲ್ಲಿ ತಾಲ್ಲೂಕು ಕಚೇರಿ ಎದುರು ಉದ್ಯಾನದಲ್ಲಿನ ಡಾ. ಬಿ.ಆರ್‌.ಅಂಬೇಡ್ಕರ್‌ ಅವರ ಪ್ರತಿಮೆಗೆ ಮಾಲಾರ್ಪಣೆ ಮಾಡಲಾಯಿತು. ತಮ್ಮ ಬೇಡಿಕೆಗಳನ್ನು ಒಳಗೊಂಡ ಮನವಿ ಪತ್ರವನ್ನು ತಹಶೀಲ್ದಾರ್‌ಗೆ ನೀಡಿಲಾಯಿತು.
ಮುಖಂಡರಾದ ಡಾ. ಎಂ.ಉಮಾಶಂಕರ್‌, ತೇಜಸ್‌, ಹರೀಶ್‌, ಕವಿತಾ, ಶಂಕರಪ್ಪ, ನಾಗರಾಜ್‌, ಕೃಷ್ಣವೇಣಿ, ಪದ್ಮ, ನೇತ್ರಾವತಿ, ಸೈಯದ್‌ ಮಹಮದ್‌ ಪಾಷ, ಹರಿಪ್ರಸಾದ್‌, ಅಶೋಕ್‌ ಇದ್ದರು.