HOLY ROSARY CHURCH, KUNDAPUR – 450 th JUBILEE SOUVENIR 2021

ಜನನುಡಿ “ಮುದ್ದು ಏಸು” ಫೋಟೊ ಸ್ಫರ್ಧೆ ಒಲಿನಾ ರೂತ್ ಮೊರಾಸ್ ಮತ್ತು ಫ್ರೆಯಾ ಕೊರೆಯಾ ಇವರಿಗೆ ಪ್ರಥಮ ಸ್ಥಾನ


ಕುಂದಾಪುರ, ಜ.22: ಕುಂದಾಪುರದ ಜನಪ್ರಿಯ ಸುದ್ದಿ ಸಂಸ್ಥೆ 2020- 21 ನೆ ಸಾಲಿನಲ್ಲಿ ಮೊತ್ತ ಮೊದಲು ಎಂಬತ್ತೆ ಪುಟ್ಟ ಮಕ್ಕಳಿಗಾಗಿ ಬಾಲ ಏಸುವಿನಂತೆ ವಸ್ತ್ರ ಭೂಷಣ ದರಿಸಿ “ಮುದ್ದು ಏಸು”ವಿನಂತೆ ಕಾಣುವ ಫೋಟೊ ಸ್ಫರ್ಧೆಯನ್ನು ಸಾರ್ವಜನಿಕರಿಗೆ ಏರ್ಪಡಿಸಿದ್ದೆವು.
ಈ ಸ್ಫರ್ಧೆಯಲ್ಲಿ ಹೆತ್ತವರು ಆಸಕ್ತಿಯಿಂದ ತಮ್ಮ ಮಕ್ಕಳನ್ನು ಸಿದ್ದ ಪಡಿಸಿ ಫೋಟೊಗಳನ್ನು ಕಳುಹಿಸಿ ಕೊಟ್ಟಿರುತ್ತಾರೆ, ಹೆಚ್ಚಾಗಿ ತಾಯಂದಿರು ತುಂಬ ಆಸ್ಥೆ ವಹಿಸಿದ್ದಾರೆ. ಸ್ಫರ್ಧೆ ಆರಂಭಿಸಿದಾಗಿನಿಂದಲೇ ತಾಯಂದಿರು ಫಲಿತಾಂಶ ಯಾವಾಗ ಅಂತ ಕೇಳುತ್ತಲೇ ಇದ್ದರು. ಇಂತಹ ಸ್ಫರ್ಧೆ ಪ್ರಥಮ ಸಲವಾದ್ದರಿಂದ ಕೆಲವರಿಗೆ ಸ್ಪಷ್ಟವಾಗಿ ಬಾಲ ಏಸುವಿನ ವಿಚಾರ, ವಿನ್ಯಾಸ ಅರ್ಥವಾಗಲಿಲ್ಲವೇನೊ ಅಂತಾ ಕಂಡು ಬಂತು. ಆದರೂ ಕೆಲವು ಹೆತ್ತವರು ತುಂಬ ಶ್ರದ್ದೆ ವಹಿಸಿ ತಮ್ಮ ಮಕ್ಕಳನ್ನು ಸಿದ್ದ ಪಡಿಸಿದ್ದಾರೆ. ಸ್ಫರ್ಧೆಯಲ್ಲಿ ಎಲ್ಲಾ ಪುಟ್ಟ ಮಕ್ಕಳು ಆಕರ್ಷಕವಾಗಿ ಕಂಡು ಬರುತ್ತಾರೆ. ಪುಟ್ಟ ಮಕ್ಕಳು ಏನೂ ಮಾಡಿದರೂ ಚೆಂದ. ಆದರೆ ಸ್ಫರ್ಧೆ ಎಂದ ಮೇಲೆ ಕೆಲವರು ವಿಜಯಿಗಳಾಗಬೇಕು, ವಿಜೇತರಿಗೆ ನಮ್ಮ ಅಭಿನಂದನೆಗಳು, ಬಹುಮಾನ ದೊರಕದೆ ಇದ್ದವರು ಬೆಜಾರು ಮಾಡಿಕೊಳ್ಳಬಾರದು. ಭಾಗವಹಿಸುವುದೇ ಮುಖ್ಯ. ಅದೇ ಒಂದು ಬಹುಮಾನ.
ನಾವು ಎರಡು ಮುದ್ದು ಏಸು ಸ್ಫರ್ಧೆ ಎರಡು ವಿಭಾಗಳಲ್ಲಿ ನಡೆಸಿದ್ದೆವು. ಪ್ರಥಮ ವಿಭಾಗದಲ್ಲಿ ಹೆಚ್ಚಿನ ಪುಟಾಣಿಗಳು ಭಾಗವಹಿಸಿದ್ದೆವು. ಈ ವಿಭಾಗದ ಫಲಿತಾಂಶ ಹೀಗಿ

Muddu yesu  Category –1

First Place:

Olina Ruth Moras

Parents – Jossy Roshan Moras/:Viana Lobo

Bantwal.

2nd Place:

Saniya Dmello

Parents – Anil Dmello / Soniya Dsouza

Kundapur,  Voderhobli.

3rd Place:

Samien Mendonca

Parents -:Royston Mendonca/ Carol Shuba Mendonca

Basrur.

Certificate of Award Photo’s

Ethan Dsouza 

Parents -Deepak Dsouza / Monica Fernandis 

Kundapur.

Lenora Theresa Fernandes 

Parents – Lancy Fernandes / Asmitha Crasta 

Kalmady.

Glaren Sion Almeida

Parents – Gladson joyson Almeida /Smitha R. N Monteiro

Nithyadar nagar Permannur

Selvita D’almeida.

Parents –  -Stany D’almeida / Maria D’almeida

Heberbetto.

Justin Ryan Crasta

Parents –  Jaison Joy Crasta / Rekha Diana Pais

Punjalkatte Belthangady.

Muddu yesu  Category – 2

First Place:

Freya Danika Correa
Parents – Deepak Correa / Frenita Correa

Kundapura

2nd Place:

Name of Child : Reyon Duke D Souza.

Parents – Ruben D Souza / Denita D Souza

Bondel , Mangalore

3rd Place:

Evon Dlima

Parents – Nelson Dlima / Viola Pinto

Sunkadakatte, Bajpe

Certificate of Award Photo’s

Mahima Vianna Baretto

Parents – Vincent Baretto / Vanitha Baretto

Kundapura.

Asher Pereira

Parents –  Ashwin Pereira / Jovita Pereira

Udyavara.

Dwani Kiran

Parents –   Kiran / Mother Vidya

Kodi Kundapur.

Vivian Justin Pinto. 

Parents – Joyson Manoj Pinto / Vivita Dsouza

Mundkur, Udupi.

Name: Nathan Machado

Parents – Nelson Machado / Mother Geena Dsouza

Bailur  Karkala.

ಈ ಸ್ಫರ್ಧೆಯ ತೀರ್ಪುದಾರರು ‘ಇದೊಂದು ನೂತನ ಉತ್ತಮ ಸ್ಫರ್ಧೆ, ಒಂದೊಂದು ಮಕ್ಕಳನ್ನು ನೋಡುವಾಗ ಮನಸ್ಸಿನಲ್ಲಿ ಒಂದೊಂದು ಭಾವನೆಗಳು ಬರುತಿದ್ದವು, ಒಂದೊಂದು ಭಂಗಿ ನೋಡುವಾಗ ಒಳಗಿಂದೊಳಗೆ ಆನಂದ ನಗು ಬಂದು ಮನಸಿಗೆ ಮುದ ಕೊಡುತಿತ್ತು’ ಎಂದು ಅಭಿಪ್ರಾಯ ನೀಡಿದ್ದಾರೆ.
ಕಟ್ಕೆರೆ ಬಾಲ ಯೇಸುವಿನ ಆಶ್ರಮದ ವಂ. ಫಾ|ದೀಪ್ ಫೆರ್ನಾಂಡಿಸ್, ಕುಂದಾಪುರ ಸಂತ ಜೋಸೆಫ್ ಕಾನ್ವೆಂಟಿನ ಸಿಸ್ಟರ್ ವೀಣಾ ಮತ್ತು ಪಿಯುಸ್ ನಗರದ ಶ್ರೀ ವಿಲ್ಫ್ರೆಡ್ ಮಿನೇಜೆಸ್ ಇವರು ತೀರ್ಪುದಾರರಾಗಿ ಸಹಕರಿಸಿದ್ದರು, ಇವರಿಗೆ ಜನನಡಿ ಸುದ್ದಿ ಸಂಸ್ಥೆಯ ಪರವಾಗಿ ವಂದನೆಗಳನ್ನು ಸಲ್ಲಿಸುತ್ತೇವೆ. ಹಾಗೇ ಈ ಸ್ಫರ್ದೆಗೆ ಫೋಷಕರಾಗಿ ಸಹಕರಿಸಿದ ಎಲ್ಲರಿಗೂ ಧನ್ಯವಾದಗಳು. ಮುಂದೆ ಇವರ ಹೆಸರುಗಳನ್ನು ಜಾಹಿರಾತಿನ ಮೂಲಕ ಪ್ರಕಟಿಸುತ್ತೇವೆ.


ಪ್ರತಿ ವಿಭಾಗದಲ್ಲಿ 3 ಬಹುಮಾನಗಳಿದ್ದು, ಕುಂದಾಪುರದ ರೋಜರಿ ಚರ್ಚನಲ್ಲಿ ಬಹುಮಾನವನ್ನು ವಿತರಿಸಲಾಗುವುದು. ವಿತರಿಸುವ ದಿನಾಂಕವನ್ನು ವಿಜೇತರಿಗೆ ತಿಳಿಸಲಾಗುವುದು. ದೂರದಿಂದ ಬರಲು ಅಸಾದ್ಯವಾದವರಿಗೆ ಓನ್ ಲೈನ್ ಮೂಲಕ ವಿತರಿಸಲಾಗುವುದು. ತೀರ್ಪುದಾರರು ಮೆಚ್ಚುಗೆ ಪಡೆದ ಪ್ರತಿ ವಿಭಾಗದಲ್ಲಿ 5 ಮಕ್ಕಳಿಗೆ ಪ್ರಶಸ್ತಿ ಪತ್ರ ದೊರಕುವುದು. ಸಂಪಾದಕರಿಗೆ ಇಷ್ಟವಾದ ಫೋಟೊಗಳನ್ನು ಪ್ರಕಟಿಸಲಾಗುವುದು.


ಸಂಪಾದಕರು: ಬರ್ನಾಡ್ ಡಿಕೋಸ್ತಾ,
ಸಂಪರ್ಕಕ್ಕೆ :9964620998, ವಾಟ್ಸಪ್:9008308190

Photo’s of the prize winners Category –1

Certificate of Award Category –1

Photo’s of the prize winners Category –2

Certificate of Award Photo’s

Category –1 Satisfactory Photos

Category –2 Satisfactory Photos

Passed away Mrs.Lucy Rebeiro – 89 (Pius Nagar)

Passed away Lucy Rebeiro – 89  (Pius Nagar)

wife of Late Mathias Rebeiro

Passed away today morning (20-01-21)   D/B 02/10/1932

Funeral timing- 9:30 am departure from home and mass will be held at 10 am

 St Pius X church (hangular) Pius nagar Kundapur

BEREAVED FAMILY

 Ladwin bartteo and family (daughter)

Late Jackrias Rebeiro and family (Son)

Fathiam Cardin and family (daughter)

Fr Donath Rebeiro (Son)

Apoline Lobo and family (daughter)

Vivian Rebeiro and family( Son)

Contact  no – 6364619754- Vivian Rebeiro

ನಗರಸಭೆ ಅಧ್ಯಕ್ಷೆ ಶ್ವೇತ ಶಬರೀಶ್‍ಸಿಟಿ ರೌಂಡ್ಸ್: ಪ್ಲಾಸಿಕ್ ಮಾರುವವರಿಗೆ, ಬಳಸುವ ಗ್ರಾಹಕರಿಗೂ ದಂಡ.ಇನ್ನಿತರ ಪರಿಶೀಲನೆ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ


ಕೋಲಾರ:- 40 ಮೈಕ್ರಾನ್ ಗಿಂತ ಕಡಿಮೆ ಇರುವ ಪ್ಲಾಸಿಕ್ ಮಾರಾಟಮಾಡುವವರಿಗೂ ಹಾಗೂ ಅದನ್ನು ಬಳಸುವ ಗ್ರಾಹಕರಿಗೂ ಇಬ್ಬರಿಗೂ ದಂಡ ವಿಧಿಸುವಂತೆ ಕೋಲಾರ ನಗರಸಭೆ ಅಧ್ಯಕ್ಷೆ ಶ್ವೇತ ಶಬರೀಶ್ ಅಧಿಕಾರಿಗಳಿಗೆ ಸೂಚನೆ ನೀಡಿದರು.
ಮಂಗಳವಾರ ಬೆಳಗ್ಗೆ ಸಿಟಿ ರೌಂಡ್ಸ್ ನಡೆಸಿ, ಕೋಲಾರ ಹೊಸ ಬಸ್ ನಿಲ್ದಾಣ, ಹಳೇ ತರಕಾರಿ ಮಾರುಕಟ್ಟೆ, ಟವರ್ ಸೇರಿದಂತೆ ವಿವಿಧ ಕಡೇ ಪ್ಲಾಸಿಕ್ ಮಾರುವ ಅಂಗಡಿಯಿಂದ 40 ಮೈಕ್ರಾನ್ ಗಿಂತ ಕಡಿಮೆ ಇರುವ ಸುಮಾರು 10 ಕೆಜಿ ಪ್ಲಾಸಿಕ್ ಕವರ್‍ಗಳನ್ನು ವಶಪಡಿಸಿಕೊಂಡರು. ವಶಪಡಿಸಿಕೊಂಡ ಪ್ಲಾಸಿಕ್‍ಕವರ್‍ಗಳನ್ನು ಸ್ಥಳದಲ್ಲಿಯೇ ಕತ್ತರಿಸಿಹಾಕಿ ಕಸ ವಿಲೇವಾರಿ ಮಾಡಿ ಇಂದಿನಿಂದ ಪ್ಲಾಸಿಕ್ ಮಾರುವ ಅಂಗಡಿಯವರಿಗೆ ಹಾಗೂ ಅದನ್ನು ಬಳಸುವ ಗ್ರಾಹಕರಿಗೆ ದಂಡ ವಿಧಿಸಿಸುವುದಾಗಿ ಎಚ್ಚರಿಸಿದರು.
ನಗರದ ಶ್ರೀರಾಮ ದೇವಾಲಯದ ಮುಂಭಾಗದ ರಸ್ತೆಯಲ್ಲಿ ಡ್ರೈನೇಜ್ ಬ್ಲಾಕ್ ಆಗಿರುವುದನ್ನು ಪರಿಶೀಲಿಸಿ ಚರಂಡಿ ಕಾಮಗಾರಿಯನ್ನು ಶೀಘ್ರವಾಗಿ ಪ್ರಾರಂಭಿಸಲು ನಗರಸಭೆ ಅಧಿಕಾರಿಗಳಿಗೆ ತಿಳಿಸಿದರು.
ಈ ಸಂದರ್ಭದಲ್ಲಿ ನಗರಸಭೆ ಅಧ್ಯಕ್ಷೆ ಶ್ವೇತ ಶಬರೀಶ್ ಸುದ್ದಿಗಾರರೊಂದಿಗೆ ಮಾತನಾಡಿ, ಬೇಸಿಗೆ ಕಾಲ ಶುರುವಾಗುತ್ತಿದ್ದು ನಗರದಲ್ಲಿ ನೀರಿನ ಸಮಸ್ಯೆ ಹೆಚ್ಚಾಗುವ ಕಾರಣ ನಗರಸಭೆ ವತಿಯಿಂದ ಪ್ರತಿ ವಾರ್ಡಗಳಲ್ಲಿ ನೀರಿನ ಸಂಪ್ ನಿರ್ಮಾಣ ಮಾಡುವ ಯೋಜನೆಯನ್ನು ರೂಪಿಸುವುದಾಗಿ ತಿಳಿಸಿದರು.
2020-21 ನೇ ಸಾಲಿನ 15ನೇ ಹಣಕಾಸು ಯೋಜನೆಯಲ್ಲಿ 35ವಾರ್ಡಗಳಲ್ಲಿ ಕೊಳವೆ ಬಾವಿ ಕೊರೆಸಲು ತೀರ್ಮಾನಿಸಿದ್ದು, ಇದುವರೆಗೂ 6 ಕೊಳವೆ ಬಾವಿ ಕೊರೆಸಿದ್ದು ಎಲ್ಲವೂ ಯಶಸ್ವಿಯಾಗಿ ಉತ್ತಮವಾದ ನೀರು ದೊರಕಿರುವುದು ಸಂತಸ ತಂದಿದೆ ಎಂದರು.
ಇಂದು ಹವೇಲಿ ಮೊಹಲ್ಲಾ ಸೇರಿದಂತೆ ಇತರೆ ವಾರ್ಡಗಳಲ್ಲಿ ಪಾಯಿಂಟ್ ಗುರುತಿಸಿದ್ದು, ಸಂಜೆ ವೇಳೆಗೆ ಕೊಳವೆಬಾವಿ ಕೊರೆಸಲು ಚಾಲನೆ ನೀಡುವುದಾಗಿ ತಿಳಿಸಿದರು. ನಗರದ ಗಲ್‍ಪೇಟೆ, ಮಹಾಲಕ್ಷ್ಮೀ ಲೇಔಟ್, ಷಹೀನ್ ಷಾ ನಗರ ಸೇರಿದಂತೆ ಇತರೆ ವಾರ್ಡ್‍ಗಳಲ್ಲಿ ಕೊಳವೆ ಬಾವಿಯಲ್ಲಿ ನೀರಿದ್ದು ಕೆಟ್ಟುಹೊದ ಪಂಪ್‍ಮೋಟಾರ್ ಗಳನ್ನು ದುರಸ್ತಿಮಾಡಿ, ದುರಸ್ತಿಯಾಗದ ಕಡೇ ನೂತನ ಪಂಪ್‍ಮೋಟಾರ್ ಅಳವಡಿಸಿರುವುದಾಗಿ ಹೇಳಿದರು.
ನಗರದ 19ನೇ ವಾರ್ಡ್ ದರ್ಗ ಮೊಹಲ್ಲಾ ದಲ್ಲಿ ಕೊಳವೆ ಬಾವಿ ಕೊರೆಸುತ್ತಿದ್ದು ಅಧ್ಯಕ್ಷರು ಭೇಟಿನೀಡಿ ಪರಿಶೀಲಿಸಿದರು. ನಂತರ 6ನೇ ವಾರ್ಡ್ ಧರ್ಮರಾಯನಗರದಲ್ಲಿ ನೂತನ ಕೊಳವೆಬಾವಿಗೆ ಪೂಜೆಸಲ್ಲಿಸುವ ಮೂಲಕ ಚಾಲನೆ ನೀಡಿದರು.
ಈ ಸಂದರ್ಭದಲ್ಲಿ ನಗರಸಭೆ ಮಾಜಿ ಅಧ್ಯಕ್ಷ ಹಾಗೂ ಹಾಲಿ ಸದಸ್ಯ ಬಿ,ಎಂ.ಮುಬಾರಕ್ ಅಧ್ಯಕ್ಷರನ್ನು ಸೇರಿದಂತೆ ನಗರಸಭೆ ಸದಸ್ಯರನ್ನು, ನಗರಸಭೆ ಅಧಿಕಾರಿಗಳನ್ನು ಸನ್ಮಾನಿಸಿ ಗೌರವಿಸಿದರು.
ನಗರಸಭೆ ಸ್ಥಾಯಿ ಸಮಿತಿ ಅಧ್ಯಕ್ಷ ವಿ.ಮಂಜುನಾಥ್, ಸದಸ್ಯರಾದ ಅಪೂರ್ವ ರಾಮಚಂದ್ರ, ನಗರಸಭೆ ಸದಸ್ಯರಾದ ಜುಗ್ನು ಅಸ್ಲಾಂ, ಗೂಡ್ ಹಿದಾಯತ್, ಗುಣಶೇಖರ್, ಸಂಗೀತಾ ಜಗದೀಶ್, ಮಾಜಿ ನಗರಸಭೆ ಸದಸ್ಯ ರಮೇಶ್, ನಗರಸಭೆ ಆರೋಗ್ಯ ನಿರೀಕ್ಷಕರಾದ ದೀಪಾ, ಜೆಇ ಎನ್.ಪೂರ್ಣಿಮಾ, ಮುಖಂಡರಾದ ಶಬರೀಶ್, ಉರಗಿಲಿ ರುದ್ರಸ್ವಾಮಿ, ಮಹೇಂದ್ರ ಗಾಣಿಗ, ರಾಮಯ್ಯ, ಬಾಬು ಮತ್ತಿತರರಿದ್ದರು.

ಕೇಂದ್ರ ಸರ್ಕಾರದ ಜನ ವಿರೋಧಿ ನೀತಿಗಳ ವಿರುದ್ಧ ದುಡಿಯುವ ವರ್ಗ ಸಂಘಟಿತ ಹೋರಾಟ ನಡೆಸಬೇಕು: ಪಿ.ಆರ್.ಸೂರ್ಯನಾರಾಯಣ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ಕೇಂದ್ರ ಸರ್ಕಾರದ ಜನ ವಿರೋಧಿ ನೀತಿಗಳ ವಿರುದ್ಧ ದುಡಿಯುವ ವರ್ಗ ಸಂಘಟಿತ ಹೋರಾಟ ನಡೆಸಬೇಕು ಎಂದು ಕರ್ನಾಟಕ ಪ್ರಾಂತ ರೈತ ಸಂಘದ ಜಿಲ್ಲಾ ಘಟಕದ ಅಧ್ಯಕ್ಷ ಪಿ.ಆರ್.ಸೂರ್ಯನಾರಾಯಣ ಹೇಳಿದರು.
ಪಟ್ಟಣದ ತಾಲ್ಲೂಕು ಕಚೇರಿ ಆವರಣದಲ್ಲಿ ಮಂಗಳವಾರ ಬೃಹತ್ ಜನ ಗಣರಾಜ್ಯೋತ್ಸವ ಪೆರೇಡ್ ಪ್ರಚಾರಾಂದೋಲನ ಜಾಥಾ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ಕೇಂದ್ರ ಸರ್ಕಾರ ಕಾರ್ಪೋರೇಟ್ ಕಂಪನಿಗಳ ಕೈಗೊಂಬೆಯಾಗಿದ್ದು, ಜನ ಸಾಮಾನ್ಯರ ಹಿತವನ್ನು ಕಡೆಗಣಿಸಿದೆ. ದುಡಿಯುವ ವರ್ಗ ಬೀದಿಗೆ ಬೀಳುವಂತೆ ಮಾಡಿದೆ ಎಂದು ಆರೋಪಿಸಿದರು.
ರೈತ, ಕಾರ್ಮಿಕ, ದಲಿv ವಿರೋಧಿ ಕಾಯ್ದೆಗಳನ್ನು ಹಿಂಪಡೆಯುವಂತೆ ಆಗ್ರಹಿಸಿ ಜ.26 ರಂದು ಬೆಂಗಳೂರಿನಲ್ಲಿ ಪೆರೇಡ್ ನಡೆಸಲು ನಿರ್ಧರಿಸಲಾಗಿದೆ. ಅಂದು ಸಾವಿರಾರು ವಾಹನಗಳೊಂದಿಗೆ ಬೆಂಗಳೂರು ಪ್ರವೇಶಿಸಲಾಗುವುದು. ಸಂಯುಕ್ತ ಹೋರಾಟ ಸಂಘಟನೆ ಈ ಕಾರ್ಯಕ್ರಮ ಹಮ್ಮಿಕೊಂಡಿದೆ. ರಾಜ್ಯದ ಎಲ್ಲ ಕಡೆಗಳಿಂದ ಹರಿದು ಬರುವ ವಾಹನಗಳು ಪ್ರತಿಭಟನೆಯಲ್ಲಿ ಪಾಲ್ಗೊಲಿದ್ದು, ಸರ್ಕಾರದ ಕಣ್ಣು ತೆರೆಸುವ ಪ್ರಯತ್ನ ಮಾಡಲಾಗುತ್ತಿದೆ ಎಂದು ಹೇಳಿದರು.
ಕನಾಟಕ ಪ್ರಾಂತ ರೈತ ಸಂಘದ ತಾಲ್ಲೂಕು ಅಧ್ಯಕ್ಷ ಪಾತಕೋಟ ನವೀನ್ ಕುಮಾರ್, ರೈತ ಸಂಘದ ತಾಲ್ಲೂಕು ಘಟಕದ ಅಧ್ಯಕ್ಷ ಶ್ರೀರಾಮರೆಡ್ಡಿ, ಜಿಲ್ಲಾ ಘಟಕದ ಉಪಾಧ್ಯಕ್ಷ ವೀರಭದ್ರಸ್ವಾಮಿ, ಮುಖಂಡರಾದ ಬಷೀರ್, ಅಮರನಾರಾಯಣಪ್ಪ, ಈಶ್ವರ್, ಜಿ.ಈಶ್ವರಮ್ಮ, ನಾಗಭೂಷಣ್, ಎನ್.ವೀರಪ್ಪರೆಡ್ಡಿ, ಫಾರೂಕ್, ಎಸ್.ಎಂ.ನಾಗರಾಜ್, ವೆಂಕಟರಾಮರೆಡ್ಡಿ, ಮಂಜುನಾಥ್ ಇದ್ದರು.

ಕೆ. ಶಾರದಾ ಭಟ್‍ರಿಗೆ ಕೋ.ಮ.ಕಾರಂತ ಪ್ರಶಸ್ತಿ ಪ್ರದಾನ : ಸಮರ್ಥರು ಗೌರವಕ್ಕೆ ಪಾತ್ರರಾದರೆ ಸಂತೋಷ

JANANUDI.COM NETWORK

ಕುಂದಾಪುರ, ಜ. ಸರಕಾರ, ಖಾಸಗಿ ಸಂಸ್ಥೆಗಳು ನೀಡುವ ಪ್ರಶಸ್ತಿ ಪಡೆಯಲು ನಡೆಯುವ ಹೋರಾಟಗಳನ್ನು ನಾವು ಗಮನಿಸುತ್ತಿದ್ದೇವೆ . ಇಂತಹ ಕಾಲದಲ್ಲಿ ಸಮರ್ಥರು ಗೌರವಕ್ಕೆ ಪಾತ್ರರಾದರೆ ಸಂತೋಷವಾಗುತ್ತದೆ. ಕುಂದಪ್ರಭ ಸಂಸ್ಥೆ ಕೋ.ಮ.ಕಾರಂತ ಪ್ರಶಸ್ತಿ ಸಮರ್ಥರಿಗೆ ನೀಡುತ್ತಾ ಬಂದು ಪ್ರಶಸ್ತಿಯ ಗೌರವ ಹೆಚ್ಚಿಸಿದೆ. ಮಾಧ್ಯಮದ ಮಂದಿ ಸುದ್ಧಿ ಜಾಹಿರಾತು ಸಂಗ್ರಹದೊಂದಿಗೆ ನಿಜವಾಗಿ ಸಾಧನೆ ಮಾಡಿದವರನ್ನು ಬೆಳಕಿಗೆ ತರಬೇಕು, ಪ್ರೋತ್ಸಾಹಿಸಬೇಕು. ಗುಣಮಟ್ಟ ಇದ್ದಲ್ಲಿ ಗೌರವ ಇರುತ್ತದೆ. ನಮ್ಮ ಕ್ಯಾಂಪ್ಕೊ ಸಹ, ವಿಸ್ತರಣೆಯೊಂದಿಗೆ ಗುಣಮಟ್ಟ ಉಳಿಸಿಕೊಳ್ಳುವಲ್ಲಿ ಜಾಗೃತಿ ವಹಿಸುತ್ತದೆ. ಕುಂದಾಪುರ ಪರಿಸರದಲ್ಲಿಯೂ ಇನ್ನೊಂದು ಕೇಂದ್ರ ಸ್ಥಾಪನೆಗೆ ಚಿಂತಿಸಲಾಗಿದೆಎಂದು ಕ್ಯಾಂಪ್ಕೊ ಅಧ್ಯಕ್ಷ ಕಿಶೋರ್ ಕುಮಾರ್ ಕೊಡ್ಗಿ ಹೇಳಿದ್ದಾರೆ
ಕುಂದಾಪುರದ ಸರಕಾರಿ ಪ.ಪೂ.ಕಾಲೇಜಿನ ರೋಟರಿ ಲಕ್ಷ್ಮೀ ನರಸಿಂಹ ಕಲಾಮಂದಿರದಲ್ಲಿ ನಡೆದ ಸಮಾರಂಭದಲ್ಲಿ ಪ್ರತಿಭಾವಂತ ಹಿರಿಯ ಲೇಖಕಿ ಕೆ. ಶಾರದಾ ಭಟ್ ಅವರಿಗೆ ಕೋ.ಮ.ಕಾರಂತ ಪ್ರಶಸ್ತಿ ಆದಿತ್ಯವಾರ ಪ್ರದಾನ ಮಾಡಲಾಯಿತು.
ಕ್ಯಾಂಪ್ಕೋ ಅಧ್ಯಕ್ಷ ಕಿಶೋರ್ ಕುಮಾರ್ ಕೊಡ್ಗಿ ಸಮಾರಂಭ ಉದ್ಘಾಟಿಸಿ ಅಧ್ಯಕ್ಷತೆ ವಹಿಸಿದ್ದರು.
ಕುಂದಾಪುರ ತಾಲ್ಲೂಕು ಆರೋಗ್ಯಾಧಿಕಾರಿ ಡಾ. ನಾಗಭೂಷಣ ಉಡುಪ, ಡಾ. ಎನ್.ಆರ್.ಆಚಾರ್ಯ ಸ್ಮಾರಕ ಆಸ್ಪತ್ರೆ ಕೋಟೇಶ್ವರದ ಡಾ.ಎನ್. ಭಾಸ್ಕರ್ ಆಚಾರ್ಯ, ಕಥೆಗಾರ, ವಿಮರ್ಶಕ ಬೆಳಗೋಡು ರಮೇಶ್ ಭಟ್ ಪ್ರಧಾನ ಅತಿಥಿಗಳಾಗಿ ಭಾಗವಹಿಸಿದ್ದರು.
ಪ್ರಶಸ್ತಿ ಸ್ವೀಕರಿಸಿದ ಕೆ. ಶಾರದಾ ಭಟ್ ಮಾತನಾಡಿ “ನಾನು ಯಾವ ಸಾಧನೆಯನ್ನು ಪ್ರಶಸ್ತಿ ನಿರೀಕ್ಷಿಸಿ ಮಾಡಿಲ್ಲ. ನನ್ನ ತಿಳುವಳಿಕೆಯ , ಅನುಭವ ಆಧಾರದ ಮೇಲೆ ಬರೆಯುತ್ತಿದ್ದೆ. ಸಂಘಟನಾ ಕಾರ್ಯಗಳಲ್ಲೂ ತೊಡಗಿಸಿಕೊಳ್ಳುತ್ತಿದ್ದೆ. ನನ್ನ ಬರಹಗಳನ್ನು ಮೆಚ್ಚಿದ ಓದುಗರು, ಪ್ರಕಟಿಸಿದ ಪ್ರಕಾಶಕರು, ಪ್ರೇರಣೆ ನೀಡಿದ ಮಾಧ್ಯಮಗಳಿಗೆ ಅಭಾರಿಯಾಗಿದ್ದೇನೆ. ಪ್ರಶಸ್ತಿಗಳು ಜಾತಿ, ಧರ್ಮ, ಪ್ರಭಾವಗಳ ಆಧಾರದಲ್ಲಿ ಆಯ್ಕೆಯಾಗಬಾರದು. ನನಗೆ ಈ ಅನುಭವ ಆಗಿದೆ. ನನಗೆ ಶಿಫಾರಸು ಆದ ಪ್ರಶಸ್ತಿ ಎರಡು ದಿನಗಳ ನಂತರ ಮಾಧ್ಯಮಗಳಲ್ಲಿ ಪ್ರಕಟವಾದಾಗ ಬೇರೆಯವರಿಗೆ ಘೋಷಿಸಲ್ಪಟ್ಟಿತ್ತು. ಇದಕ್ಕೆ ಕಾರಣ ತಿಳಿದು ನನಗೆ ಬೇಸರವಾಯಿತು. ಕೋ.ಮ.ಕಾರಂತ ಪ್ರಶಸ್ತಿ ಸ್ವೀಕರಿಸಲು ನನಗೆ ಸಂತೋಷವಾಗಲು ಕಾರಣ, ನನಗೆ ಸಂಘಟಕರ ಎರಡು ದಶಕಗಳ ನಿಸ್ವಾರ್ಥ ನಿರ್ವಹಣೆ ಪರಿಚಯವಿರುವುದರಿಂದ. ಕುಂದಪ್ರಭ ಬಳಗ ಇನ್ನಷ್ಟು ಸತ್ಕಾರ್ಯ ಮಾಡುವಲ್ಲಿ ಯಶಸ್ವಿಯಾಗಲಿ ಎಂದು ಹಾರೈಸುತ್ತೇನೆ” ಎಂದರು.
ಕುಂದಾಪುರ ಕಡಲ ತೀರ, ನದಿ ತೀರಗಳಲ್ಲಿರುವ ತ್ಯಾಜ್ಯಗಳನ್ನು ಪ್ರತಿವಾರ ಸ್ವಚ್ಚಗೊಳಿಸುವ “ಕ್ಲೀನ್ ಕುಂದಾಪುರ ಪ್ರಾಜೆಕ್ಟ್‍ನ” ಸ್ವಯಂ ಸೇವಕರನ್ನು ಗೌರವಿಸಿ ಅಭಿನಂದನಾ ಪತ್ರ ನೀಡಲಾಯಿತು.
ಕೋವಿಡ್ 19 ಲಾಕ್‍ಡೌನ್ ಸಂದರ್ಭದಲ್ಲಿ ಸಾರ್ವಜನಿಕರಿಗೆ ವಲಸೆ ಕಾರ್ಮಿಕರಿಗೆ, ಬಡಕುಟುಂಬಗಳಿಗೆ ನೆರವಾದ ಸಂಸ್ಥೆಗಳನ್ನು ಅಭಿನಂದಿಸಲಾಯಿತು.

ಗಿಳಿಯಾರು ಕುಶಲ ಹೆಗ್ಡೆ ಮೆಮೋರಿಯಲ್ ಚಾರಿಟೇಬಲ್ ಟ್ರಸ್ಟ್‍ನ ಪರವಾಗಿ ಸ್ನೇಹಾ ರೈ ಅಭಿನಂದನಾ ಪತ್ರ ಸ್ವೀಕರಿಸಿದರು. ಟ್ರಸ್ಟಿಗಳಾದ ಜಿ. ಸಂತೋಷ ಕುಮಾರ್ ಶೆಟ್ಟಿ ಕೆ. ನಾರಾಯಣ, ಕೆ.ಕೆ.ರಾಮನ್ ಉಪಸ್ಥಿತರಿದ್ದರು. ಜನರಿಗಾಗಿ ಆಹಾರ ಧಾನ್ಯ, ಆರೋಗ್ಯ ಇಲಾಖೆಗೆ ವಾಹನ ಸೌಲಭ್ಯ ಗಿಳಿಯಾರು ಕುಶಲ ಹೆಗ್ಡೆ ಟ್ರಸ್ಟ್ ನೀಡಿದೆ.
ಆದರ್ಶ ಆಸ್ಪತ್ರೆಯನ್ನು ಕೊರೊನಾ ಸೋಂಕಿತರ ಚಿಕಿತ್ಸೆಗಾಗಿ ಆರೋಗ್ಯ ಇಲಾಖೆಗೆ ಬಿಟ್ಟುಕೊಟ್ಟ ಡಾ. ಆದರ್ಶ ಹೆಬ್ಬಾರ್ ಅವರನ್ನು ಗೌರವಿಸಲಾಯಿತು.
ಕುಂದಾಪುರ ಸರಕಾರಿ ಆಸ್ಪತ್ರೆ ಕೋವಿಡ್ ವಿಭಾಗಕ್ಕೆ ಅಗತ್ಯ ಉಪಕರಣ ಒದಗಿಸಿದ ಕಿಶೋರ್ ಕುಮಾರ್ ಕೊಡ್ಗಿಯವರನ್ನು ಅಭಿನಂದಿಸಲಾಯಿತು.
ಲಾಕ್‍ಡೌನ್ ಸಂದರ್ಭದಲ್ಲಿ ಅಸಹಾಯಕರಿಗೆ, ಸರಕಾರಿ ಆಸ್ಪತ್ರೆ ರೋಗಿಗಳ ಸಂಬಂಧಿಕರಿಗೆ , ಸಿಬ್ಬಂದಿಗಳಿಗೆ ಕಾರ್ಮಿಕರಿಗೆ ಊಟದ ವ್ಯವಸ್ಥೆಯನ್ನು 45 ದಿನಗಳ ಕಾಲ ನಿರ್ವಹಿಸಿದ ಜೆಸಿಐ ಕುಂದಾಪುರ ಸಿಟಿಯ ಸ್ಥಾಪಕ ಅಧ್ಯಕ್ಷ ಹುಸೈನ್ ಹೈಕಾಡಿ ಅಭಿನಂದನಾ ಪತ್ರ ಸ್ವೀಕರಿಸಿದರು.
ತಾಲ್ಲೂಕಿನಾದ್ಯಂತ ಹಲವು ಗ್ರಾಮಗಳಲ್ಲಿ ಆಹಾರ ಧಾನ್ಯದ ಕಿಟ್ ಹಾಗೂ ಇತರ ಸೌಲಭ್ಯ ಒದಗಿಸಿದ ರೆಡ್‍ಕ್ರಾಸ್ ಸೊಸೈಟಿ ಸದಸ್ಯರನ್ನು ಅಭಿನಂದಿಸಲಾಯಿತು. ಅಧ್ಯಕ್ಷ ಜಯಕರ ಶೆಟ್ಟಿ ಪುರಸ್ಕಾರ ಪತ್ರ ಸ್ವೀಕರಿಸಿದರು.

ಪ್ರದಾನ ಅತಿಥಿ ಕೆ. ಭಾಸ್ಕರ ಆಚಾರ್ಯ ಮಾತನಾಡಿ, ಬರಹ ಹಾಗೂ ಸಂಘಟನೆ, ಚಿಂತನೆ ಮೂಲಕ ತನ್ನದೇ ಆದ ರೀತಿಯಲ್ಲಿ ಸಾಹಿತ್ಯ ಸೇವೆ , ಸಮಾಜ ಸೇವೆ ಮಾಡುತ್ತಿರುವ ಕೆ. ಶಾರದಾ ಭಟ್ ಅವರಿಗೆ ಕೋ.ಮ.ಕಾರಂತ ಪ್ರಶಸ್ತಿ ನೀಡಿರುವುದು ಶ್ಲಾಘನೀಯ” ಕಾರ್ಯ ಎಂದರು.
ಬೆಳಗೋಡು ರಮೇಶ್ ಭಟ್ ಮಾತನಾಡಿ ” ಕೆ. ಶಾರದಾ ಭಟ್ ಅವರ ಸಾಧನೆ ಗುರುತಿಸುವಲ್ಲಿ ಸಮಾಜದ ಕೆಲವರು ಕೆಲವು ಗಣ್ಯ ಸಂಸ್ಥೆಗಳೂ ಎಡವಿರುವಾಗ ಕುಂದಪ್ರಭ ಸಂಸ್ಥೆ ಅವರನ್ನು ಗೌರವಿಸಿ ಉತ್ತಮ ಕಾರ್ಯ ಮಾಡಿದೆ. ಶಾರದಾ ಭಟ್ ಅವರು ಪದರುಗಳು ಕೃತಿಗೆ ಬರಬೇಕಾದ ಪ್ರಶಸ್ತಿಯನ್ನು ಸ್ತ್ರೀವಾದಿ ಲೇಖಕಿಯೊಬ್ಬರು ಜಾತಿ ರಾಜಕಾರಣ ಮುಂದಿಟ್ಟು ತಪ್ಪಿಸಿ ಅನ್ಯಾಯ ಮಾಡಿರುವುದನ್ನು ನಾನು ಮರೆಯಲಾರೆ. ಶಾರದಾ ಭಟ್ ಕೃತಿಗಳನ್ನು ಸರಿಯಾಗಿ ಅಧ್ಯಯನ ಮಾಡದೇ ಕೆಲವರು ಕಡೆಗಣಿಸಿದರೆ, ಲಾಬಿ ಕೇಳಿ ಪ್ರಶಸ್ತಿ ಪಡೆಯುವ ಜಾಯಮಾನದವರಲ್ಲದ ಶಾರದಾ ಭಟ್ ಲಾಬಿ ಮಾಡುವ ಪ್ರಯತ್ನಕ್ಕೆ ಹೋಗದೇ ಅವರಿಗೆ ಸಿಗಬೇಕಾದ ಗೌರವದಿಂದ ವಂಚಿತರಾದರು. ಕೋ.ಮ.ಕಾರಂತ ಹೆಸರಲ್ಲಿ ಅವರಿಗೆ ಸಕಾಲದಲ್ಲಿ ಪ್ರಶಸ್ತಿ ನೀಡಿರುವುದು ಅಭಿನಂದನೀಯ ಎಂದರು.
ಹೆಬ್ರಿ ತಾಲ್ಲೂಕು ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷೆ ಸಂಧ್ಯಾ ಶೆಣೈಯವರನ್ನು ಅಭಿನಂದಿಸಲಾಯಿತು. ಕುಂದಪ್ರಭದ ಸಂಚಾಲಕ ಯು.ಎಸ್.ಶೆಣೈ ಸ್ವಾಗತಿಸಿದರು.

ಕೋ. ಶಿವಾನಂದ ಕಾರಂತ, ಶ್ರೀಮತಿ ಕುಸುಮಾ ಕಾರಂತ ಅತಿಥಿಗಳನ್ನು ಗೌರವಿಸಿದರು. ವಿಶ್ವನಾಥ ಕರಬ ಅಭಿನಂದನಾ ಪತ್ರ ವಾಚಿಸಿದರು.
ಕೆ.ಕೆ.ರಾಮನ್ , ಎಚ್.ಸೋಮಶೇಖರ ಶೆಟ್ಟಿ, ಸುರೇಶ ಕೋಟೇಕಾರ್ ಅತಿಥಿಗಳನ್ನು ಪರಿಚಯಿಸಿದರು.
ಡಿ.ಕೆ.ಪ್ರಭಾಕರ “ಪುರಸ್ಕಾರ” ಪಡೆದವರ ಸಾಧನೆಯ ವಿವರ ನೀಡಿದರು.
ಯು. ದೀಪಿಕಾ ಶ್ಯಾನುಭಾಗ್ , ಯು. ಸಂಗೀತಾ ಶೆಣೈ, ಶ್ರೀಮತಿ ಗಾಯತ್ರಿ ಕಾರಂತ ಅತಿಥಿಗಳಿಗೆ ಸ್ಮರಣಿಕೆ ನೀಡಿದರು.
ತೆಂಕನಿಡಿಯೂರು ಸರಕಾರಿ ಪ.ಪೂ.ಕಾಲೇಜಿನ ಪ್ರಾಂಶುಪಾಲ ವಿಶ್ವನಾಥ ಕರಬ ಕಾರ್ಯಕ್ರಮ ನಿರೂಪಿಸಿದರು. ಲೇಖಕ ಪಿ.ಜಯವಂತ ಪೈ ವಂದಿಸಿದರು.

ಗೌರವಾನ್ವಿತ ಎಲ್ಲಾ ಕನ್ನಡ ಮನಸ್ಸುಗಳೆ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ: ಕೋಲಾರ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನಿಂದ ದಿನಾಂಕ-೨೭ ಹಾಗೂ ೨೮-೦೧-೨೦೨೧ರಂದು ಜಿಲ್ಲೆಯ ಹಿರಿಯ ಸಾಹಿತಿಗಳಾದ ಡಾ.ವಿ .ಮುನಿವೆಂಕಟಪ್ಪರವರ ಸರ್ವಾಧ್ಯಕ್ಷತೆಯಲ್ಲಿ ನಡೆಯಲಿರುವ ೧೯ನೆಯ ಕೋಲಾರ ಜಿಲ್ಲಾ ಕನ್ನಡ ಸಾಹಿತ್ಯ ಸಮ್ಮೇಳನದ ಆಹ್ವಾನ ಪತ್ರಿಕೆ ಇಂದು ಮಾನ್ಯ ಜಿಲ್ಲಾಧಿಕಾರಿಗಳ ನೇತೃತ್ವದಲ್ಲಿ ಬಿಡುಗಡೆಯಾಯಿತು. ವಿವಿಧ,ವಿಭಿನ್ನ ಗೋಷ್ಠಿಗಳು, ಉಪನ್ಯಾಸಗಳು,ರಾಜ್ಯದ ಕಲಬುರಗಿ, ಬೀದರ್,ಹಂಪಿ,ಬಳ್ಳಾರಿ, ಶಿವಮೊಗ್ಗ, ಮೈಸೂರು, ಬೆಂಗಳೂರು ಸೇರಿದಂತೆ ವಿವಿಧ ಭಾಗಗಳಿಂದ ಉಪನ್ಯಾಸ ನೀಡಲು ಪ್ರಸಿದ್ಧ ಸಂಪನ್ಮೂಲ ವ್ಯಕ್ತಿಗಳ ಆಗಮನ,ಜಿಲ್ಲೆಯ ನಾಡು ,ನುಡಿ,ಶಿಕ್ಷಣ, ಸಾಹಿತ್ಯ ಇತರೆ ಸಮಾಜ ಸೇವೆ ಸಲ್ಲಿಸಿದವರಿಗೆ ಗೌರವ ಸಮರ್ಪಣೆ,ಜಿಲ್ಲೆಯ ಹಿರಿಯ ಕವಿಗಳಿಂದ ಕವಿಗೋಷ್ಠಿ,ಡಾ.ಗಿರೀಶ್ ಕಾರ್ನಾಡ್ ರಚಿಸಿದ ತುಘಲಕ್ ನಾಟಕ….
ಈ ಸಂದರ್ಭದಲ್ಲಿ ಕೋಲಾರ ಜಿಲ್ಲಾಧ್ಯಕ್ಷರಾದ ಡಾ.ನಾಗಾನಂದ ಕೆಂಪರಾಜ್ ,ಜಿಲ್ಲಾ ಗೌರವ ಕೋಶಾಧ್ಯಕ್ಷ ರತ್ನಪ್ಪ ಮೇಲಾಗಣಿ , ಗೌರವ ಸಲಹೆಗಾರರಾದ ಎಸ್ .ಮುನಿಯಪ್ಪ ,ಡಾ ಕೆ ಎಂ ಜೆ ಮೌನಿ , ನರಸಿಂಹಯ್ಯ , ಬಸವರಾಜ್ ಚೀಲಕಾಂತ್ ಮಠ್ ,ಬಿ.ಆರ್.ಶ್ರೀನಿವಾಸ ಮೂರ್ತಿ ,ರಾಜೇಂದ್ರಾಚಾರಿ ತಾಲ್ಲೂಕು ಗೌರವಾಧ್ಯಕ್ಷ ಪರಮೇಶ್ವರನ್ , ಹುತ್ತೂರು ಹೋಬಳಿ ಅಧ್ಯಕ್ಷ ಎಸ್ ಸಿ ವೆಂಕಟಕೃಷ್ಣಪ್ಪ , ನಗರಾಧ್ಯಕ್ಷ ಬಿ.ಶಿವಕುಮಾರ್ , ಮಂಜುನಾಥ್ , ಬಿ ಆರ್ ರವೀಂದ್ರ ಭಾಗವಹಿಸಿದ್ದರು
.

ದೆಹಲಿ ಚಲೋ ರೈತ ಮಹಿಳೆಯರ ಹೋರಾಟವನ್ನು ಬೆಂಬಲಿಸಿ ಕೋಲಾರ ಜಿಲ್ಲೆಯ ರೈತ ಮಹಿಳೆಯರು ಹಾಗೂ ಪ್ರಗತಿಪರ ಮಹಿಳಾ ಸಂಘಟನೆಗಳ ಒಕ್ಕೂಟದಿಂದ ಬೆಂಬಲ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ: ಜ.18: ರೈತರಿಗೆ ಮತ್ತು ಕಾರ್ಮಿಕರಿಗೆ ಮಾರಕವಾಗುವ ಭೂ ಸುಧಾರಣಾ ಕಾಯ್ದೆ ಎ.ಪಿ.ಎಂ.ಸಿ., ವಿದ್ಯುತ್, ಅಗತ್ಯ ಸರಕುಗಳ ಕಾಯ್ದೆ ಮತ್ತು ಕಾರ್ಮಿಕ ಕಾಯ್ದೆಗಳನ್ನು ವಾಪಸ್ಸು ಪಡೆದು, ಕನಿಷ್ಠ ಬೆಂಬಲ ಬೆಲೆಗೆ ಕಾನೂನು ಖಾತ್ರಿಪಡಿಸಬೇಕು ಮತ್ತು ಸಂಕಷ್ಠದಲ್ಲಿರುವ ರೈತ ಕುಲವನ್ನು ರಕ್ಷಣೆ ಮಾಡಬೇಕು ಮತ್ತು ದೆಹಲಿ ಚಲೋ ರೈತ ಮಹಿಳೆಯರ ಹೋರಾಟವನ್ನು ಬೆಂಬಲಿಸಿ ಕೋಲಾರ ಜಿಲ್ಲೆಯ ರೈತ ಮಹಿಳೆಯರು ಹಾಗೂ ಪ್ರಗತಿಪರ ಮಹಿಳಾ ಸಂಘಟನೆಗಳ ಒಕ್ಕೂಟದಿಂದ ಒತ್ತಾಯಿಸಿ ನಚೀಕೇತನ ನಿಲಯದಲ್ಲಿ ಆಂಬೇಡ್ಕರ್ ಪ್ರತಿಮೆಗೆ ಮಾಲಾರ್ಪಣೆ ಮಾಡಿ ರೈತ ಮಹಿಳೆಯರು ನಚೀಕೇತನ ನಿಲಯದಿಂದ ತಾಲ್ಲೂಕು ಕಚೇರಿಯವರೆಗೂ ರ್ಯಾಲಿ ಮಾಡಿ ದೆಹಲಿ ಚಲೋ ರೈತ ಮಹಿಳೆಯರ ಹೋರಾಟಕ್ಕೆ ಬೆಂಬಲ ನೀಡಲಾಯಿತು.
ಇದೇ ಸಂದರ್ಭದಲ್ಲಿ ಜಾನಪದ ಕಲಾವಿದರಿಂದ ರೈತರ ಸಮಸ್ಯೆಗಳನ್ನು ಬಿಂಬಿಸುವ ಕಿರುನಾಟಕ ಪ್ರದರ್ಶನ ನಡೆಯಿತು.
ರೈತ ಸಂಘದ ನಳಿನಿಗೌಡ ಮಾತನಾಡಿ ದೆಹಲಿ ಚಲೋ ರೈತರು ಸುಮಾರು ಸತತ 54ದಿನಗಳಿಂದ ಚಳಿ ಗಾಳಿಯೆನ್ನದೆ ರೈತರು ಮಹಿಳೆಯರು, ಮಕ್ಕಳು ಸಮೇತ ಹೋರಾಟ ಮಾಡುತ್ತಿದ್ದರು, ಈ ಹೋರಾಟಕ್ಕೆ ಕೇಂದ್ರ ಸರ್ಕಾರ ಸ್ಪಂದಿಸದೇ ರೈತ ವಿರೋದಿ ದೋರಣೆ ಅನುಸರಿಸುತ್ತಿರುವುದು ಖಂಡನೀಯ
ಈ ವಿದ್ಯುತ್ ಕಾಯ್ದೆಯಲ್ಲಿ ದೇಶದ ಬಡ ಜನರಿಗೆ ಬೆಳಕು ಸಿಗಲಿ ಎಂದು ಭಾಗ್ಯಜ್ಯೋತಿ ಕುಟೀರ ಜ್ಯೋತಿ ಎಂದು ಯೋಜನೆಗಳನ್ನು ತರಲಾಗಿತ್ತು. ಈ ಯೋಜನೆಗಳು ಇನ್ನು ಮುಂದೆ ಇರುವುದಿಲ್ಲ. ರೈತರ ಪಂಪ್‍ಸೆಟ್‍ಗಳಿಗೆ ನೀಡುತ್ತಿರುವ ಉಚಿತ ವಿದ್ಯುತ್ ನಿಲ್ಲುತ್ತದೆ. ರೈತರು ಕೃಷಿ ಮಾಡಲು ಕಷ್ಟಗಳನ್ನು ಸೃಷ್ಟಿಸಿ ಒಕ್ಕಲುತನದಿಂದ ಹೊರಹಾಕಿ ಕೃಷಿಯನ್ನು ಕಾರ್ಪೋರೆಟ್‍ರ ಕಂಪನಿಗಳಿಗೆ ವಹಿಸುವ ವ್ಯವಸ್ಥೆ ಸೃಷ್ಟಿಸುತ್ತಿದೆ. ಭಾರತ ಸರ್ಕಾರದ ನಿರ್ದೇಶನದಂತೆ ಕರ್ನಾಟಕ ರಾಜ್ಯ ಸರ್ಕಾರವು ಎ.ಪಿ.ಎಂ.ಸಿ. ಕಾಯ್ದೆಗೆ ತಿದ್ದುಪಡಿ ತಂದಿದೆ. ಇನ್ನು ಮುಂದೆ ವ್ಯಾಪಾರಸ್ಥರು ಕೃಷಿ ಉತ್ಪನ್ನಗಳನ್ನು ಎಲ್ಲಿ ಬೇಕಾದರೂ, ಯಾರಿಂದ ಬೇಕಾದರೂ ಖರೀದಿಸಬಹುದು, ಬೆಂಬಲ ಬೆಲೆಗೆ ಯಾವುದೇ ಖಾತ್ರಿಯಿಲ್ಲ, ಬೆಲೆಯಲ್ಲೂ, ತೂಕದಲ್ಲೂ ಹಣ ಪಾವತಿಯಲ್ಲೂ ರೈತರು ಮೋಸ ಹೋದರೆ ಯಾವುದೇ ಕ್ರಮ ಜರುಗಿಸಲು ಸಾಧ್ಯವಿಲ್ಲ. ಅವರು ನ್ಯಾಯಾಲಯಕ್ಕೆ ಹೋಗುವಂತಿಲ್ಲ. ಅವರು ಎ.ಸಿ ಅಥವಾ ಡಿ.ಸಿ.ಗೆ ದೂರು ನೀಡಬಹುದು. ಈ ತಿದ್ದುಪಡಿಯು ಸಹ ರೈತ ವಿರೋಧಿಯಾಗಿದೆಂದು ಅಸಮಾಧಾನ ವ್ಯಕ್ತಪಡಿಸಿದರು.

ಶಾಂತಮ್ಮ ಮತ್ತು ಪುಷ್ಟರವರು ಮಾತನಾಡಿ ರೈತನಿದ್ದರೆ ನಾವೆಲ್ಲರೂ ರೈತನು ಒಕ್ಕಿದರೆ ಮಾತ್ರ ನಾವೆಲ್ಲ ಅನ್ನ ತಿನ್ನಲು ಸಾದ್ಯ, ಅನ್ನ ತಿನ್ನುವ ಪ್ರತಿಯೊಬ್ಬರು ರೈತರ ಪರ ನಿಲ್ಲಬೇಕಾಗಿದೆ.
ರಾಜ್ಯ ಸರ್ಕಾರ ಮತ್ತು ಕೇಂದ್ರ ಸರ್ಕಾರ ಜಾರಿಗೋಳಿಸಿರುವ ನೂತನ ಭೂಸುಧಾರಣಾ ಕಾಯಿದೆಯು ರೈತ ವಿರೋಧಿಯಾಗಿರುವುದು ಅಕ್ಷರಶಹಃ ಸತ್ಯ ಎನ್ನುವ ಬಗ್ಗೆ ದೇಶದ ಮೂಲೆ ಮೂಲೆಯಲ್ಲಿಯೂ ವಿಚಾರಗಳು ಕೇಳಿಬರುತ್ತಿವೆ. ಯಾವುದೇ ಚರ್ಚೆಯಿಲ್ಲದೆ ಏಕಾಏಕಿ ಕಾಯಿದೆಗಳನ್ನು ಜಾರಿಗೆ ಮುಂದಾಗಿರುವುದು ಇಡೀ ಸಂಕುಲವನ್ನು ನಾಶ ಮಾಡಿ ಕಾರ್ಪೋರೇಟ್ ಕಂಪನಿಗಳ ಪರವಾಗಿ ಸರ್ಕಾರಗಳಿರುವುದು ಎನ್ನುವುದನ್ನು ಸಾಭೀತುಪಡಿಸುವುದಕ್ಕೆ ಹೊರತು ರೈತರ ಪರವಾಗಿ ಅಲ್ಲ. ಭೂಸುಧಾರಣಾ ಕಾಯಿದೆ ತಿದ್ದುಪಡಿ ತಂದಿರುವುದನ್ನು ಗಮನಿಸಿದರ ರೈತರಿಗೆ ಭೂಮಿ ಹಂಚಿಕೆಯಿರಲಿ. ಈಗ ಅವರ ಬಳಿ ಇರುವ ಭೂಮಿಯು ಉಳಿಯುವ ಲಕ್ಷಣವಿಲ್ಲ. ಕೃಷಿ ಜಮೀನಿನ ಮೇಲೆ ಕಪ್ಪು ಹಣ ಹೂಡಿಕೆಯಾಗಲಿದೆ. ರೈತರ ಹೆಸರಿನಲ್ಲಿ ಬಂಡವಾಳಶಾಹಿಗಳಿಗೆ, ಕಾರ್ಮಿಕರ ನೆಪದಲ್ಲಿ ಕೈಗಾರಿಕೋದ್ಯಮಗಳಿಗೆ ಸರ್ಕಾರ ಪರೋಕ್ಷವಾಗಿ ಸಹಾಯ ಮಾಡುತ್ತಿರುವುದು ಮೇಲ್ನೋಟಕ್ಕೆ ಕಂಡುಬಂದಿದೆ. ಅದೇ ರೀತಿ ಎಪಿಎಂಸಿ ಕಾಯಿದೆ ತಿದ್ದುಪಡಿಯಿಂದ ಬಹುರಾಷ್ಟ್ರೀಯ ಕಂಪನಿಗಳು ಮಾರುಕಟ್ಟೆಗೆ ಬರುವಂತಾಗಿದ್ದು, ಎಪಿಎಂಸಿಯ ಆಸ್ತಿಯನ್ನು ಬಹುರಾಷ್ಟ್ರೀಯ ಕಂಪನಿಗಳು ಹಾಗೂ ಸ್ಥಳೀಯ ಬಂಡವಾಳಶಾಹಿಗಳಿಗೆ ಹಂಚುವ ಹುನ್ನಾರ ನಡೆಸಲಾಗುತ್ತಿದೆ. ಈ ಕಾಯ್ದೆಗಳಿಂದ ರಾಜ್ಯದಲ್ಲಿ ಸುಮಾರು 80 ರಷ್ಟು ಸಣ್ಣ ರೈತರು ಮೊದಲ ಹಂತದಲ್ಲಿ ಕೃಷಿ ಕ್ಷೇತ್ರದಿಂದ ಕಣ್ಮರೆಯಾಗುತ್ತಾರೆ. 2ನೇ ಹಂತದಲ್ಲಿ ರೈತರ ಭೂಮಿಯನ್ನು ಕರಾರು ಪತ್ರಗಳ ಮೂಲಕ ಕಾರ್ಪೋರೇಟ್ ಕಂಪನಿಗಳು ಒತ್ತೆ ಇಟ್ಟುಕೊಳ್ಳುತ್ತವೆ ತದನಂತರ ರೈತರು ಗೇಣಿದಾರರಾಗಿ ಕೃಷಿಯಿಂದ ವಿಮುಕ್ತಿಗೊಳಿಸುತ್ತವೆ.
ಈ ರೀತಿ ಎಲ್ಲಾ ಕಾಯ್ದೆಗಳನ್ನು ತಿದ್ದುಪಡಿ ಮಾಡುವ ಮೂಲಕ ರೈತರನ್ನು ಕೃಷಿಯಿಂದ ಒಕ್ಕಲೆಬ್ಬಿಸಿ ಕೃಷಿ ಕ್ಷೇತ್ರವನ್ನು ಕಾರ್ಪೋರೇಟ್ ಕಂಪನಿಗೆ ವಹಿಸುವ ವ್ಯವಸ್ತೆಯಾಗಿದೆ. ಕೇಂದ್ರ ಸರ್ಕಾರಿ ಭೂ ಸ್ವಾದೀನ ಕಾಯ್ದೆ ತಂದಿತ್ತು. ರೈತರಿಗೆ ಅಪಾಯಕರವಾಗಿ ಈ ಕಾಯ್ದೆಯನ್ನು ತಿದ್ದುಪಡಿ ಮಾಡಲಾಗಿದೆ. ಇನ್ನು ಮುಂದೆ ರೈತರ ಒಪ್ಪಿಗೆ ಇಲ್ಲದೆ ರೈತರಿಂದ ಕೃಷಿ ಭೂಮಿಯನ್ನು ಕಿತ್ತುಕೊಳ್ಳಬಹುದು. ಈ ರೀತಿ ಕಾಯ್ದೆಗಳನ್ನು ತಿದ್ದುಪಡಿ ಮಾಡಿ ರೈತರಿಂದ ಭೂಮಿಯನ್ನು ಕಸಿದುಕೊಂಡು ಹೊರದಬ್ಬುವ ಕೆಲಸವಾಗುತ್ತಿದೆ. ಈ ಎಲ್ಲ ಸಮಸ್ಯೆಗಳಿರುವುದರಿಂದಾಗಿ ಮಾನ್ಯ ಪ್ರಧಾನಮಂತ್ರಿಗಳು ರೈತವಿರೋಧಿ ಭೂಸುಧಾರಣಾ, ಎಪಿಎಂಸಿ ಹಾಗೂ ವಿದ್ಯುತ್ ಕಾಯಿದೆಗಳ ತಿದ್ದುಪಡಿ ಮತ್ತು ಅಗತ್ಯವಸ್ತುಗಳ ತಿದ್ದುಪಡಿ ಕಾಯ್ದೆಗಳನ್ನು ಈ ಕೂಡಲೇ ರದ್ದು ಮಾಡಿ ಸಂಕಷ್ಟದಲ್ಲಿರುವ ರೈತರ ನೆರವಿಗೆ ದಾವಿಸಬೇಕೆಂದು ದೆಹಲಿ ಚಲೋ ಹೋರಾಟ ನಿರತ ರೈತರ ರೈತ ಮಹಿಳಾ ದಿನಾಚರಣೆ ಆಚರಣೆ ಮಾಡುವ ಪ್ರಯುಕ್ತ ಕೋಲಾರ ಜಿಲ್ಲೆಯ ಪ್ರಗತಿ ಪರ ರೈತ ಮತ್ತು ಪ್ರಗತಿಪರ ಮಹಿಳಾ ಸಂಘಟನೆಗಳ ಒಕ್ಕೂಟದಿಂದ ಒತ್ತಾಯಿಸಿದರು
ಮನವಿಯನ್ನು ಸ್ವೀಕರಿಸಿದ ಶಿರಸ್ತೆದಾರ್ ನಿಮ್ಮ ಮನವಿಯನ್ನು ಈಕೂಡಲೇ ಮೇಲಾಧಿಕಾರಿಗಳ ಗಮನಕ್ಕೆ ತಂದು ಸರ್ಕಾರಕ್ಕೆ ಕಳುಹಿಸುವ ಭರವಸೆ ನೀಡಿದರು.
ಈ ಹೋರಾಟದಲ್ಲಿ ಲಕ್ಷಮ್ಮ, ಮಂಜುಳಾ, ಮಲ್ಲಮ್ಮ, ನೇತ್ರಾವತಿ, ಮಹಾಲಕ್ಷೀ, ಪವಿತ್ರ, ಮಲ್ಲಮ್ಮ, ಶಶಿ, ಚಂದ್ರಮ್ಮ, ದಿವ್ಯಾ, ರತ್ನಮ್ಮ, ಭಾಗ್ಯ, ಮತ್ತು ಪ್ರಗತಿಪರ ಮಹಿಳಾ ಸಂಘಟನೆಗಳ ನೂರಾರು ಮಹಿಳೆಯರು ಮತ್ತು ಚಲಪತಿ, ಶಂಕರ್ ಭಾಗವಹಿಸಿದ್ದರು.

ಪರಿವರ್ತನಾ ಪರ್ವ ಮಾಸ ಪತ್ರಿಕೆ ಬಿಡುಗಡೆ ಜನರಿಂದ ದೂರವಾಗುತ್ತಿರುವ ಮಾಧ್ಯಮಗಳು-ಮೋಹನ್ ವಿಷಾದ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ:- ಜನಸಾಮಾನ್ಯರ ಧ್ವನಿಯಾಗಬೇಕಾಗಿದ್ದ ಪತ್ರಿಕೆಗಳು ಜನರಿಂದಲೇ ದೂರವಾಗುತ್ತಿವೆಯೆಂದು ಹಿರಿಯ ಪತ್ರಕರ್ತ ಜಿ.ಎನ್.ಮೋಹನ್ ವಿಷಾದಿಸಿದರು.
ನಗರದ ಪತ್ರಕರ್ತರ ಭವನದಲ್ಲಿ ಪರಿವರ್ತನಾ ಪರ್ವ ಪತ್ರಿಕೆಯನ್ನು ಬಿಡುಗಡೆಗೊಳಿಸಿ ಮಾತನಾಡಿದ ಅವರು, ಮಾಧ್ಯಮಗಳು ಜನರಿಗೆ ಬೇಕಾದುದಲ್ಲ ಎಂಬ ಭಾವನೆ ಹುಟ್ಟಿಸುತ್ತಿವೆ, ಇಂತ ಸಂದರ್ಭದಲ್ಲಿ ಮಾಧ್ಯಮಗಳು ಮಾತನಾಡದ್ದನ್ನು ಮಾತನಾಡುವ ಪರ್ಯಾಯ ಮಾಧ್ಯಗಳು ಬೇಕಾಗಿವೆಯೆಂದರು.
ಅಮಿತ್‍ಷಾ ಪಾಲ್ಗೊಂಡಿದ್ದ ಕಾರ್ಯಕ್ರಮದಲ್ಲಿ ಕನ್ನಡವನ್ನು ನಿರ್ಲಕ್ಷಿಸಲಾಗಿತ್ತು, ಆದರೆ, ಯಾವ ಮಾಧ್ಯಮವೂ ಇದನ್ನು ಪ್ರಶ್ನಿಸಲಿಲ್ಲ, ಸಾಮಾಜಿಕ ಜಾಲ ತಾಣದ ಮೂಲಕವೇ ಇದನ್ನು ಜನರು ಪ್ರಶ್ನೆ ಮಾಡಿದ್ದು ಪರ್ಯಾಯ ಮಾಧ್ಯಮದ ಶಕ್ತಿಯಾಗಿತ್ತು ಎಂದರು.
ಸಮಾಜದಲ್ಲಿ ಪ್ರಶ್ನೆ ಮಾಡುವುದನ್ನೇ ತಪ್ಪು ಎಂಬು ಬಿಂಬಿಸುವ ಹುನ್ನಾರ ನಡೆಯುತ್ತಿದೆ, ಪ್ರಶ್ನೆ ಮಾಡದಿದ್ದರೆ ನಮಗೆ ನಾವೇ ಮೋಸ ಮಾಡಿಕೊಂಡಂತೆ, ಏಕೆಂದರೆ, ಸುಳ್ಳುಗಳನ್ನೇ ಸತ್ಯವೆಂದು ಬಿಂಬಿಸುವ ಕೆಲಸ ಮಾಧ್ಯಮಗಳಿಂದ ಆಗುತ್ತಿದೆ, ದೆಹಲಿ ರೈತರ ಹೋರಾಟ ಮಾಧ್ಯಮಗಳಲ್ಲಿ ಬಾರದಿರುವುದೇ ಇದಕ್ಕೆ ಸಾಕ್ಷಿಯಾಗಿದೆಯೆಂದರು.
ಪ್ರಜಾಪ್ರಭುತ್ವದ ರಕ್ಷಣೆಗೆ ಮಾಧ್ಯಮ ಬೇಕು ಆದರೆ, ಮಾಧ್ಯಮದೊಳಗೆ ಪ್ರಜಾಪ್ರಭುತ್ವವನ್ನು ರಕ್ಷಿಸುವವರು ಯಾರು ಎಂದು ಮಾರ್ಮಿಕವಾಗಿ ಪ್ರಶ್ನಿಸಿದ ಅವರು, ಮಾಧ್ಯಮದ ಗದ್ದಲದ ಸಂತೆಯಲ್ಲಿ ಗಾಡಾಂಧಕಾರದ ಪುಟ್ಟ ಹಣತೆಯಂತೆ ಸಣ್ಣ ಪತ್ರಿಕೆಗಳು ಕೆಲಸ ಮಾಡಬೇಕಾಗಿದೆ. ಪರಿವರ್ತನೆ ದಾರಿದೀಪವಾಗಲಿ, ಮಾಧ್ಯಮ ಪ್ರವೇಶಿಸುವವರು ನಿತ್ಯ ವಿದ್ಯಾರ್ಥಿಗಳಾಗಿ ಕಲಿಯುತ್ತಿರಬೇಕೆಂದರು.
ಕರ್ನಾಟಕ ಜಾನಪದ ವಿಶ್ವವಿದ್ಯಾಲಯದ ಅಧ್ಯಾಪಕ ಡಾ.ಮಲ್ಲಿಕಾರ್ಜುನ ಬಿ.ಮಾನ್ಪಡೆ ಮಾತನಾಡಿ, ಪತ್ರಿಕೆಗಳು ಸೈದ್ದಾಂತಿಕ ಜಾಗೃತಿ ಮೂಡಿಸುವಂತಿರಬೇಕು ಆದರೆ, ಇತ್ತೀಚಿಗೆ ಆಡಳಿತದಲ್ಲಿರುವವರ ಓಲೈಕೆಗೆ ಒತ್ತು ನೀಡುತ್ತಿವೆ, ಈ ಕೆಟ್ಟ ವ್ಯವಸ್ಥೆಯನ್ನು ಸರಿಪಡಿಸುವ ಸರಿ ತಪ್ಪು ತಿಳಿಸುವ ಧ್ಯೇಯ ಪರಿವರ್ತನಾ ಪರ್ವದಾಗಲಿ ಎಂದರು.
ಕೋಲಾರ ಚಿಕ್ಕಬಳ್ಳಾಪುರ ಪತ್ರಕರ್ತರ ವಿವಿಧೋದ್ದೇಶ ಸಹಕಾರ ಸಂಘದ ಅಧ್ಯಕ್ಷ ಕೆ.ಎಸ್.ಗಣೇಶ್ ಅಧ್ಯಕ್ಷತೆವಹಿಸಿದ್ದರು, ಕೋಲಾರ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ವಿ.ಮುನಿರಾಜು, ಸಹಾಯಕ ಪ್ರಾಧ್ಯಾಪಕಿ ಡಾ.ಎಚ್.ಎನ್.ಪುಷ್ಪಲತಾ, ಕಸಾಪ ನಿಕಟಪೂರ್ವ ಅಧ್ಯಕ್ಷ ಜೆ.ಜಿ.ನಾಗರಾಜ್, ಪತ್ರಿಕೆಯ ಗೌರವ ಸಂಪಾದಕ ಛತ್ರಕೋಡಿಹಳ್ಳಿ ಸುರೇಶ್, ಕಾಂಗ್ರೆಸ್ ಮುಖಂಡ ಬೆಳಮಾರನಹಳ್ಳಿ ಮುನಿವೆಂಕಟಪ್ಪ, ಪತ್ರಿಕೆ ಸಂಪಾದಕ ವಿ.ರಾಜೇಂದ್ರ ಇತರರು ಉಪಸ್ಥಿತರಿದ್ದರು.
ಕೋಟಿಗಾನಹಳ್ಳಿ ಎಂ.ಗೌತಮಿ ನಿರೂಪಿಸಿ, ನಂಬಿಗಾನಹಳ್ಳಿ ನಾರಾಯಣಸ್ವಾಮಿ ಸ್ವಾಗತಿಸಿ, ಸುನಿಲ್‍ಕುಮಾರ್ ಮುಳ್ಳಹಳ್ಳಿ ವಂದಿಸಿದರು.

ಮೂಡ್ಲಕಟ್ಟೆ ಎಂ ಐ ಟಿ: ಸನ್ಮಾನ ಕಾರ್ಯಕ್ರಮ

JANANUDI.COM NETWORK

ಕುಂದಾಪುರದ ಮೂಡ್ಲಕಟ್ಟೆ ಇಂಜಿನಿಯರಿಂಗ್ ಕಾಲೇಜಿನ ವತಿಯಿಂದ ಭಗವದ್ಗೀತೆ ಕಂಠಪಾಠ ಸ್ಪರ್ಧೆಯಲ್ಲಿ ರಾಜ್ಯಕ್ಕೆ ಪ್ರಥಮ ಸ್ಥಾನ ಪಡೆದ ಕುಂದಾಪುರ ವೆಂಕಟರಮಣ ಆಂಗ್ಲ ಮಾಧ್ಯಮ ಶಾಲೆ ವಿದ್ಯಾರ್ಥಿನಿ ಯುಕ್ತಾ ಹೊಳ್ಳ ಅವರನ್ನು ಸನ್ಮಾನಿಸಲಾಯಿತು. ಇವರು ಬಸ್ರೂರು ಶಂಕರನಾರಾಯಣ ಹೊಳ್ಳ ಮತ್ತು ಲೇಖ ಹೊಳ್ಳ ರವರ ಪುತ್ರಿ.
ಕಾರ್ಯಕ್ರಮದ ಅಂಗವಾಗಿ ಕಾಲೇಜಿನ ಹಳೆ ವಿದ್ಯಾರ್ಥಿಯಾದ ಶ್ರೀ ಕಾರ್ತಿಕ್ ಇವರಿಂದ ಸಂಗೀತ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು.

ಸಮಾರಂಭದಲ್ಲಿ ಕಾಲೇಜಿನ ಪ್ರಾಂಶುಪಾಲ ಡಾ. ಚಂದ್ರರಾವ್ ಮದಾನೆ ಮತ್ತು ಉಪ ಪ್ರಾಂಶುಪಾಲ ಪ್ರೊ. ಮೆಲ್ವಿನ್ ಡಿ ಸೋಜಾ ರವರು ಯುಕ್ತ ಹೊಳ್ಳರವರಿಗೆ ಕಾಲೇಜಿನ ವತಿಯಿಂದ ಸನ್ಮಾನಿಸಿದರು. ಇದೇ ಸಂಧರ್ಭದಲ್ಲಿ ಕಾಲೇಜಿನ ಡೀನ್, ವಿಭಾಗದ ಮುಖ್ಯಸ್ಥರು, ಸಿಬ್ಬಂದಿ ವರ್ಗ ಹಾಗು ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ವಿದ್ಯಾರ್ಥಿನಿ ಲಕ್ಷ್ಮೀ ಸ್ವಾಗತಿಸಿ, ಡಿಯೋನ ವಂದಿಸಿದರು, ವರ್ಷ ಮತ್ತು ಸುಪ್ರಿಯ ಕಾರ್ಯಕ್ರಮ ನಿರೂಪಿಸಿದರು.