HOLY ROSARY CHURCH, KUNDAPUR – 450 th JUBILEE SOUVENIR 2021

ಐಸಿವೈಎಂ ಉದ್ಯಾವರ ಸುವರ್ಣ ಮಹೋತ್ಸವದ ಬೆಂಕಿಯಿಲ್ಲದೆ ಅಡುಗೆ ಮಾಡುವ ಸ್ಪರ್ಧೆ : ಕಟಪಾಡಿ ಪ್ರಥಮ

ವರದಿ: ಸ್ಟೀವನ್ ಕುಲಾಸೊ,ಉದ್ಯಾವರ್

ಉಡುಪಿ : ಉದ್ಯಾವರ ಸಂತ ಫ್ರಾನ್ಸಿಸ್ ಝೇವಿಯರ್ ದೇವಾಲಯದ ವಠಾರದಲ್ಲಿ ವಿಶಿಷ್ಟ ಸ್ಪರ್ಧೆಯೊಂದು ನಡೆದಿತ್ತು. ಉಡುಪಿ ಕ್ರೈಸ್ತ ಧರ್ಮಪ್ರಾಂತ್ಯದ ದೇವಾಲಯಗಳಿಗೆ ಮೀಸಲಾಗಿದ್ದ ಈ ಸ್ಪರ್ಧೆಯಲ್ಲಿ, ಹನ್ನೊಂದು ತಂಡಗಳು ಭಾಗವಹಿಸಿದ್ದವು. ಪ್ರಖ್ಯಾತ ಹೋಟೆಲ್ ಉದ್ಯೋಗಿಗಳಂತೆ ತಾವೇನು ಕಮ್ಮಿ ಇಲ್ಲವೆಂದು ಸ್ಪರ್ಧಿಕರು ಸ್ಪರ್ಧೆಯಲ್ಲಿ ಭಾಗವಹಿಸಿದ್ದವು. ಬಗೆ ಬಗೆಯ ತಿಂಡಿ ತಿನಿಸುಗಳು, ಸಲಾದ್, ಕಲರ್ ಫುಲ್ ಜ್ಯೂಸ್, ಚಟ್ನಿ, ಸ್ಯಾಂಡ್ ವಿಚ್, ಕೇಕ್ ಜೊತೆಗೆ ಹತ್ತು ಹಲವಾರು ತಿಂಡಿ ತಿನಿಸುಗಳನ್ನು ಕೇವಲ 1 ಗಂಟೆಯಲ್ಲಿ ತಯಾರಿಸಿ ಯಾಗಿತ್ತು. ದೂರದ ತ್ರಾಸಿ, ಕುಂದಾಪುರ, ಸಾಸ್ತಾನ, ಉಡುಪಿ, ಮೂಡುಬೆಳ್ಳೆ, ಪಲಿಮಾರ್, ಕಟ್ಪಾಡಿ, ಶಿರ್ವ, ಕಣಜಾರ್, ಕುಂಟಲ್ ನಗರ ಮತ್ತು ಆತಿಥೇಯ ಉದ್ಯಾವರ ತಂಡಗಳು ಸ್ಪರ್ಧೆಯಲ್ಲಿ ಅತ್ಯಂತ ಉತ್ಸಾಹದಿಂದ ಭಾಗವಹಿಸಿದ್ದರು.

ಇದೆಲ್ಲವೂ ನಡೆದದ್ದು ಉದ್ಯಾವರ ಸಂತ ಫ್ರಾನ್ಸಿಸ್ ಝೇವಿಯರ್ ದೇವಾಲಯದ ಮಶ್ರೂಮ್ ಗಾರ್ಡನ್ ನಲ್ಲಿ. ಐಸಿವೈಎಂ ಉದ್ಯಾವರ ಸುವರ್ಣ ಮಹೋತ್ಸವದ, ಸಂಭ್ರಮದ 44ನೇ ಕಾರ್ಯಕ್ರಮ ಬೆಂಕಿ ಇಲ್ಲದೆ ಅಡುಗೆ ಮಾಡುವ ಸ್ಪರ್ಧೆಯನ್ನು ಉಡುಪಿ ಕ್ರೈಸ್ತ ಧರ್ಮಪ್ರಾಂತ್ಯದ ದೇವಾಲಯಗಳಿಗೆ ನಡೆಸಿತ್ತು. ಕಾರ್ಯಕ್ರಮದ ಉದ್ಘಾಟನೆಯನ್ನು ಪಲಿಮಾರು ಸಂತ ಪಿಯುಸ್ ದೇವಾಲಯದ ಧರ್ಮಗುರು ವಂ. ಫಾ. ಡಾ. ರಾಕ್ ಡಿಸೋಜಾ ಉದ್ಘಾಟಿಸಿ, ಶುಭ ಹಾರೈಸಿದರು. ಉದ್ಯಮಿ ಮತ್ತು ರಾಜ್ಯಮಟ್ಟದ ಅತ್ಯುತ್ತಮ ಕೃಷಿ ಪ್ರಶಸ್ತಿ ಪುರಸ್ಕೃತ ಡೇನಿಯಲ್ ರೇಂಜರ್ ಕಾರ್ಯಕ್ರಮದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಉಡುಪಿ ಧರ್ಮಪ್ರಾಂತ್ಯದ ಕುಲಪತಿ ಮತ್ತು ಸಂತ ಫ್ರಾನ್ಸಿಸ್ ಝೇವಿಯರ್ ದೇವಾಲಯದ ಪ್ರಧಾನ ಧರ್ಮಗುರು ವಂ. ಫಾ. ಸ್ಟ್ಯಾನಿ ಬಿ. ಲೋಬೊ ವಹಿಸಿದ್ದರು.

ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಪ್ರೇಕ್ಷಕರಿಗೆ ಎರೊಲ್ ಗೊನ್ಸಾಲ್ವಿಸ್ ಮತ್ತು ರೊಸಾಲಿಯಾ ಕರ್ಡೋಜಾ ವಿವಿಧ ಸ್ಪರ್ಧೆಗಳನ್ನು ನಡೆಸಿದರು. ಖ್ಯಾತ ಕೊಂಕಣಿ ಹಾಸ್ಯ ಕಲಾವಿದ ಡೊಲ್ಲಾ ಮಂಗಳೂರು, ತನ್ನ ಹಾಸ್ಯ ಚಟಾಕಿಯಿಂದ ಸರ್ವರನು ರಂಜಿಸಿದರು. ತೀರ್ಪುಗಾರರ ತೀರ್ಪು ನೀಡಿದ್ದೇ ತಡ, ಪ್ರೇಕ್ಷಕರಂತೂ ಹನ್ನೊಂದು ತಂಡಗಳು ಸಿದ್ಧಪಡಿಸಿದ್ದ ಜ್ಯೂಸ್, ಸಿಹಿತಿಂಡಿ, ಸಲಾದ್, ಚಟ್ನಿ ಜೊತೆಗೆ ಬಗೆ ಬಗೆಯ ತಿಂಡಿ ತಿನಿಸುಗಳ ಸವಿಯನ್ನು ಸವಿದರು.

ತೀರ್ಪುಗಾರರ ನಿರ್ಣಯದಂತೆ ಕಟಪಾಡಿ ಸಂತ ವಿನ್ಸೆಂಟ್ ಡಿ’ಪಾವ್ಲ್ ದೇವಾಲಯದ ಸ್ಪರ್ಧಿಗಳು ಪ್ರಥಮ ಸ್ಥಾನ ಪಡೆಯುವುದರ ಜೊತೆಗೆ 10,001/- ನಗದು ಮತ್ತು ಟ್ರೋಫಿ ಪಡೆದರೆ, ದ್ವಿತೀಯ ಸ್ಥಾನಿ 7007/- ಮತ್ತು ಟ್ರೋಫಿ ಆತಿಥೇಯ ಉದ್ಯಾವರದ ಪಾಲಾಯ್ತು. ತೃತೀಯ ಸ್ಥಾನ 5005/-ನಗದು ಮತ್ತು ಟ್ರೋಫಿ ಪಲಿಮಾರು ಸಂತ ಪಿಯೂಸ್ ದೇವಾಲಯದ ಪಾಲಾಯ್ತು. ಭಾಗವಹಿಸಿದ ಪ್ರತಿ ತಂಡಗಳಿಗೆ ಸ್ಮರಣಿಕೆ ನೀಡಿ ಗೌರವಿಸಲಾಯಿತು.

ಈ ಸಂದರ್ಭದಲ್ಲಿ ಸಹಾಯಕ ಧರ್ಮಗುರು ವಂ. ರೊಲ್ವಿನ್ ಅರಾನ್ಹಾ, ಪಾಲನ ಮಂಡಳಿಯ ಉಪಾಧ್ಯಕ್ಷ ಮೆಲ್ವಿನ್ ನೊರೊನ್ಹಾ, ಸಹ ಪ್ರಾಯೋಜಕರಾದ ವಿಲ್ಫ್ರೆಡ್ ಡಿಸೋಜ, ಜೋಸೆಫ್ ಗ್ರೇಸಿ ಕರ್ಡೋಜಾ, ಲಾರೆನ್ಸ್ ಕರ್ಡೋಜಾ, ನಿರ್ದೇಶಕರಾದ ರೊನಾಲ್ಡ್ ಡಿಸೋಜ, ಐಸಿವೈಎಂ ಅಧ್ಯಕ್ಷ ರೋಯಲ್ ಕ್ಯಾಸ್ತಲಿನೊ, ಕಾರ್ಯದರ್ಶಿ ಜೇನ್ ಡಿಸೋಜ, ಸಲಹೆಗಾರರಾದ ರೋಯ್ಸ್ ಫೆರ್ನಾಂಡಿಸ್, ಜೂಲಿಯ ಡಿಸೋಜಾ ಉಪಸ್ಥಿತರಿದ್ದರು.

ಐಸಿವೈಎಂ ಉದ್ಯಾವರ ಸುವರ್ಣ ಮಹೋತ್ಸವ ಸಮಿತಿಯ ಅಧ್ಯಕ್ಷ ಮೈಕಲ್ ಡಿಸೋಜ ಸ್ವಾಗತಿಸಿದರೆ, ಜಸ್ಟನ್ ಕರ್ಡೋಜಾ ಧನ್ಯವಾದ ಸಮರ್ಪಿಸಿದರು. ಶಿಕ್ಷಕಿ ಅಸುಂತ ಮಚಾದೋ ಮತ್ತು ಐರಿನ್ ಪಿರೇರಾ ಕಾರ್ಯಕ್ರಮ ನಿರೂಪಿಸಿದರು.

ಸಮಾಜದ ಸಮಸ್ಯೆಗಳಿಗೆ ಧ್ವನಿಯಾಗಿ-ತಪ್ಪಿತಸ್ಥರಿಗೆ ನಿಷ್ಠೂರವಾದಿಗಳಾಗಿ ವೃತ್ತಿಘನತೆಗೆ ಕುತ್ತು ಬಾರದಂತೆ ನಡೆದುಕೊಳ್ಳಿ-ಕೊತ್ತೂರು ಮಂಜುನಾಥ್

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ:- ಜನರ ಸಮಸ್ಯೆಗಳಿಗೆ ಧ್ವನಿಯಾಗುವ ಪತ್ರಿಕಾ ಮಾಧ್ಯಮಗಳಿಗೆ ಸಮಾಜದಲ್ಲಿ ಗೌರವವಿದೆ, ತಪ್ಪು ಮಾಡುವವರಿಗೆ ನಿಮ್ಮನ್ನು ಕಂಡರೆ ಭಯವಿರಬೇಕು, ನಿಮ್ಮಲ್ಲೂ ವೃತ್ತಿಯ ಘನತೆಗೆ ಕುತ್ತು ಬಾರದಂತೆ ನಡೆದುಕೊಳ್ಳುವ ಬದ್ದತೆಯೂ ಇರಬೇಕು ಎಂದು ಸಮಾಜ ಸೇವಕ ಹಾಗೂ ಮಾಜಿ ಶಾಸಕ ಕೊತ್ತೂರು ಮಂಜುನಾಥ್ ಕರೆ ನೀಡಿದರು.
ನಗರದ ಪತ್ರಕರ್ತರ ಭವನದಲ್ಲಿ ಅವರೇ 26 ಲಕ್ಷ ರೂ ಕೊಡುಗೆ ನೀಡಿ ನವೀಕರಿಸಿದ ಹವಾನಿಯಂತ್ರಿತ ಮಿನಿಸಭಾಂಗಣದ ಉದ್ಘಾಟನೆ ನೆರವೇರಿಸಿ ಮಾತನಾಡುತ್ತಿದ್ದರು.
ಅಭಿವೃದ್ದಿ ವಿಚಾರಗಳಲ್ಲಿ ಎಲ್ಲರೂ ಏನೇ ಭಿನ್ನಾಭಿಪ್ರಾಯಗಳಿದ್ದರೂ ಬದಿಗೆ ಸರಿಸಿ ಸಂಘಟಿತರಾಗಬೇಕು.ಯಾವೂದೇ ಒತ್ತಡಗಳಿಗೆ ಮಣಿಯದೆ ಕೆಲಸ ನಿರ್ವಹಿಸಬೇಕು. ನಿಷ್ಟೂರವಾದಿಗಳಾದರೂ ಚಿಂತೆಯಿಲ್ಲ ಯಾರನ್ನು ಮೆಚ್ಚಿಸಲು ಬರೆಯಬೇಡಿ, ಸತ್ಯವನ್ನು ಬರೆಯಿರಿ ಎಂದು ಕಿವಿ ಮಾತು ತಿಳಿಸಿದರು.
ಸಮಾಜದ ಸಂಕಷ್ಟಗಳು ಹಾಗೂ ಸರ್ಕಾರದ ಲೋಪದೋಷಗಳಿದ್ದರೆ ಕಣ್ಣು ತೆರೆಸುವ ಕೆಲಸವನ್ನು ಮಾಡುವ ಪತ್ರಿಕಾ ರಂಗ ನಾಲ್ಕನೇ ಅಂಗವಾಗಿ ಕಾರ್ಯನಿರ್ವಹಿಸುತ್ತಾ ಮಾರ್ಗದರ್ಶನ ನೀಡುತ್ತಿರುವುದು ಶ್ಲಾಘನೀಯ ಎಂದರು.

ರಾಜ್ಯ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಶಿವನಂದ ತಗಡೂರು ಮಾತನಾಡಿ, ಮಾಜಿ ಶಾಸಕ ಕೊತ್ತೂರು ಮಂಜುನಾಥ್ ಕ್ರಿಯಾಶೀಲತೆ ಅವರ ವ್ಯಕ್ತಿತ್ವಕ್ಕೆ ನಮ್ಮ ಪತ್ರಕರ್ತರ ಸಂಘವೇ ಕನ್ನಡಿಯಾಗಿದೆ.ಮಂಜುನಾಥ್ ಅವರ ಉದಾರ ಗುಣ ಶ್ಲಾಘನೀಯ ಎಂದರು.
ಭಾರತಕ್ಕೆ ಮಾದರಿಯಾದ ಕರ್ನಾಟಕದ ವಿಧಾನಸೌಧ ಕಟ್ಟಡ ನಿರ್ಮಾಣ ಕಾಲದಲ್ಲಿ ಮುಖ್ಯಮಂತ್ರಿ ಕೆಂಗಲ್ ಹನುಮಂತಯ್ಯ ಮೇಸ್ತ್ರಿಯಂತೆ ನಿಂತು ಕೆಲಸ ಮಾಡಿಸಿದರೂ ಟೀಕಗಳು ತಪ್ಪಲಿಲ್ಲ, ಅದೇ ರೀತಿ ಪತ್ರಕರ್ತರ ಸಂಘದ ಜಿಲ್ಲಾಧ್ಯಕ್ಷ ವಿ.ಮುನಿರಾಜು ಅವರು ಪ್ರಾಮಣಿಕವಾಗಿ ಕಾರ್ಯನಿರ್ವಹಿಸಿದ್ದರೂ ಟೀಕೆ ಅಪಸ್ವರಗಳು ಬರುವುದು ಸಹಜ ಅದನ್ನು ಪರಿಗಣಿಸಬಾರದು ಎಂದರು.
ಪತ್ರಿಕಾ ವೃತ್ತಿಯಲ್ಲಿ ನಿಷ್ಠೂರತೆ ಎಂದಿಗೂ ಕಳೆದು ಕೊಳ್ಳಬಾರದು ಇದರಿಂದ ನಮ್ಮ ಕ್ರಿಯಶೀಲತೆಯನ್ನು ಕಳೆದು ಕೊಂಡಂತೆ ಆಗುವುದು. ಪತ್ರಕರ್ತರ ಸಮಾಜಮುಖಿಯಾಗಿರಬೇಕು, ಸಮಾಜದ ರೋಗಕ್ಕೆ ವೈದ್ಯರಾಗಿರಬೇಕು ಎಂದು ಕಿವಿಮಾತು ಹೇಳಿದರು.
ಕೋವಿಡ್ ಸಂದರ್ಭದಲ್ಲಿ ಸಂಕಷ್ಟದಲ್ಲಿದ್ದ ಪತ್ರಿಕೆಗಳಿಗೆ 56 ಕೋಟಿ ಜಾಹಿರಾತು ಬಾಕಿ ಹಣ ಬಿಡುಗಡೆ ಮಾಡಿಸಿದ್ದೇವೆ, ಕೋವಿಡ್‍ನಿಂದ ಸಾವನ್ನಪ್ಪಿದ್ದ ಪತ್ರಕರ್ತರ 23 ಕುಟುಂಬಗಳಿಗೆ ತಲಾ 5 ಲಕ್ಷ ಪರಿಹಾರ ಕೊಡಿಸಲಾಗಿದೆ, ಎಲ್ಲಾ ಪತ್ರಕರ್ತರಿಗೂ ಆಯುಷ್ಮಾನ್ ಆರೋಗ್ಯ ಕಾಡ್ ನೀಡಲು ಸರ್ಕಾರ ಒಪ್ಪುವಂತೆ ಮಾಡಿದ್ದೇವೆ ಎಂದರು.

ರಾಜ್ಯ ಪ್ರಧಾನಕಾರ್ಯದರ್ಶಿ ಜಿ.ಸಿ.ಲೋಕೇಶ್, ರಾಜ್ಯದಲ್ಲಿಯೇ ಅತ್ಯಂತವಾದ ಸುಂದರವಾದ ಮಿನಿಸಭಾಂಗಣವನ್ನು ನಿರ್ಮಿಸಿರುವುದು ಶ್ಲಾಘನೀಯ ವಿಚಾರವಾಗಿದೆ ಎಂದು ತಿಳಿಸಿ, ಮಂಡ್ಯ ಜಿಲ್ಲೆಯ ಮದ್ದೂರಿನಲ್ಲಿ ಫೆ.2ರಂದು ರಾಜ್ಯ ಮಟ್ಟದ ಕಾರ್ಯಕಾರಿ ಸಮಿತಿ ಸರ್ವ ಸದಸ್ಯರ ಸಭೆಗೆ ಹೆಚ್ಚಿನ ಪತ್ರಕರ್ತರು ಆಗಮಿಸಲು ಕೋರಿದರು.
ಡಿಸಿಸಿ ಬ್ಯಾಂಕ್ ನಿರ್ದೇಶಕ ಎಂ.ಎಲ್.ಅನಿಲ್ ಕುಮಾರ್ ಮಾತನಾಡಿ, ಪತ್ರಕರ್ತರ ಸಂಘಕ್ಕೆ ಆಡಳಿತರೂಢ ಜನಪ್ರತಿನಿಧಿಗಳು ತಮ್ಮ ಅನುದಾನದಲ್ಲಿ ಕಟ್ಟಡ ನಿರ್ಮಾಣಕ್ಕೆ ದೇಣಿಗೆ ನೀಡುವುದು ಸಹಜ. ಅದರೆ ಯಾವೂದೇ ಅಧಿಕಾರವಿಲ್ಲದಿದ್ದರೂ, ಮಾಜಿ ಶಾಸಕ ಕೊತ್ತೂರು ಮಂಜುನಾಥ್ ನಿಸ್ವಾರ್ಥತೆಯಿಂದ 26 ಲಕ್ಷ ರೂ ದೇಣಿಗೆ ನೀಡಿರುವುದು ಸಾಮಾನ್ಯ ವಿಷಯವಲ್ಲ ಎಂದರು.
ಪತ್ರಕರ್ತರ ಸಂಘವನ್ನು ರಾಜ್ಯದಲ್ಲಿ ಪ್ರಥಮವಾಗಿ ಸ್ಥಾಪಿಸಿದವರು ನಮ್ಮ ಜಿಲ್ಲೆಯ ಮುಳಬಾಗಿಲು ತಾಲ್ಲೂಕಿನ
ಡಿ.ವಿ.ಜಿಯವರು.. ಜಿಲ್ಲಾ ಸಂಘದ ಕಟ್ಟಡದ ಅಧುನೀಕರಣಕ್ಕೆ ನೆರವು ನೀಡಿದವರು ಮುಳಬಾಗಿಲಿನ ಮಾಜಿ ಶಾಸಕ ಕೊತ್ತೂರು ಮಂಜುನಾಥ್ ಆಗಿರುವುದು ಸಂತಸದ ವಿಷಯ ಎಂದರು.
ನಿಷ್ಟೂರವಾದಿಗಳಾಗಿ
ಭಿಕ್ಷುಕರಾಗದಿರಿ
ರಾಜ್ಯ ಪತ್ರಕರ್ತರ ಸಂಘದ ಕಾರ್ಯಕಾರಿ ಸಮಿತಿ ಸದಸ್ಯ ಬಿ.ವಿ. ಗೋಪಿನಾಥ್ ಮಾತನಾಡಿ, ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘವು ರಾಜ್ಯಕ್ಕೆ ಮಾದರಿಯಾಗಿದೆ. ಪ್ರಥಮವಾಗಿ ಪತ್ರಕರ್ತರ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರ, ಅನಾರೋಗ್ಯ ಪೀಡಿತರಿಗೆ ನೆರವು ನೀಡಿಕೆಯಲ್ಲೂ ನಂಬರ್ 1 ಸ್ಥಾನದಲ್ಲಿದೆ. ಅದೇ ರೀತಿ ಮಿನಿಸಭಾಂಗಣ ಅಧುನೀಕರಣ ಗೊಳಿಸಿ ರಾಜ್ಯದಲ್ಲಿ ಸುಸಜ್ಜಿತ ಪತ್ರಿಕಾ ಭವನ ಹೊಂದಿರುವ ಹೆಗ್ಗಳಿಕೆಗೂ ಪಾತ್ರವಾಗಿದೆ ಎಂದರು.
ಪತ್ರಕರ್ತರು ಸಮಾಜದಲ್ಲಿ ಗೌರವ ಉಳಿಸಿಕೊಳ್ಳಬೇಕು, ವೃತ್ತಿಯಲ್ಲಿ ಗುಣಮಟ್ಟ ಇರಲಿ, ನಾವು ಭಿಕ್ಷುಕರಾಗುವುದು ಬೇಡ, ಡಿ.ವಿ.ಜಿ. ಕಟ್ಟಿದ ಸಂಘದಲ್ಲಿ ಪ್ರಾಮಾಣಿಕತೆಯನ್ನು ಉಳಿಸಿ ಕೊಳ್ಳುವ ದೃಢ ನಿರ್ಧಾರದಿಂದಾಗಿ ಜೊಳ್ಳುಗಳು ಸಂಘದಿಂದ ಹೊರಹೋದರೂ ಚಿಂತೆಯಿಲ್ಲ ನಮಗೆ ಮಾನ,ಮಾರ್ಯದೆ ಮುಖ್ಯವಾಗಿದೆ. ಪದಾಧಿಕಾರಿ ಸ್ಥಾನದ ಆಸೆಗಾಗಿ ಕಣ್ಣಿಗೆ, ಬಾಯಿಗೆ ಬಟ್ಟೆ ಕಟ್ಟಿಕೊಳ್ಳುವುದು ಸಮಾಂಜಸವಲ್ಲ ಎಂದು ಕಿಡಿ ಕಾರಿದರು.


ಜಿಲ್ಲಾ ಪತ್ರಕರ್ತರ ಸಂಘದ ಅಧ್ಯಕ್ಷ ಮುನಿರಾಜು ಮಾತನಾಡಿ, ಮಾಜಿ ಶಾಸಕ ಕೊತ್ತೂರು ಮಂಜುನಾಥ್ ಅವರಿಂದ ನಾವು 5 ಲಕ್ಷ ನೆರವು ಅಪೇಕ್ಷಿಸಿದ್ದೇವು ಅದರೆ ನವೀಕರಣ ಸಂಪೂರ್ಣ ವೆಚ್ಚವನ್ನು ಭರಿಸುವುದಾಗಿ 11 ಲಕ್ಷದ ನೆರವು ಘೋಷಿಸಿದರು. ಅದರೆ ನವೀಕರಣದ ಕ್ರಿಯಾಯೋಜನೆ 26 ಲಕ್ಷ ತಲುಪಿರುವುದನ್ನು ಸಂಪೂರ್ಣವಾಗಿ ಭರಿಸಿರುವುದಕ್ಕೆ ಜಿಲ್ಲಾ ಪತ್ರಕರ್ತರ ಪರವಾಗಿ ಧನ್ಯವಾದಗಳನ್ನು ಸಲ್ಲಿಸಿದರು.
ಬಂಗಾರಪೇಟೆ ತಾಲ್ಲೂಕು ಅಧ್ಯಕ್ಷ ಕೆ.ಚಂದ್ರಾರೆಡ್ಡಿ, ಕೊರೋನಾ ಸಂಕಷ್ಟದಲ್ಲಿ ಜಿಲ್ಲೆಯ ಎಲ್ಲಾ ಪತ್ರಕರ್ತರಿಗೂ ದಿನಸಿ ಕಿಟ್‍ಗಳನ್ನು ವಿತರಿಸಿದ್ದನ್ನು ನೆನಪಿಸಿದರು. ಇದರ ಜೂತೆಗೆ ಪತ್ರಕರ್ತರ ಅನೇಕ ಸಮಸ್ಯೆಗಳಿಗೆ ಸ್ಪಂದಿಸುತ್ತಿರುವ ಕೊತ್ತೂರು ಮಂಜುನಾಥ್ ಹೃದಯವಂತಿಕೆ ಮೆಚ್ಚುವಂತದ್ದು ಎಂದರು.
ಜಿಲ್ಲಾ ಸಹಕಾರಿ ಯೂನಿಯನ್ ನಿರ್ದೇಶಕ ಹಾಗೂ ನವೀಕೃತ ಭವನದ ಕಾಮಗಾರಿ ನಡೆಸಿಕೊಟ್ಟ ಚಂಚಿಮಲೆ ರಮೇಶ್, ಈ ನವೀಕರಣದ ಕೆಲಸವನ್ನು ಗುತ್ತಿಗೆ ಪಡೆದೆ. ಆದರೆ ಈ ವಿಚಾರದಲ್ಲಿ ಅಧ್ಯಕ್ಷರಾದ ಮುನಿರಾಜು ಅವರು ಅವರ ಸ್ವಂತ ಮನೆ ನಿರ್ಮಿಸುವಾಗಿನ ಬದ್ದತೆಯಂತೆ ನಿಂತು ಕೆಲಸ ಮಾಡಿಸಿದರು.
ಕಾಮಗಾರಿಯ ಗುಣಮಟ್ಟ ಮತ್ತು ಹಣಕಾಸಿನಲ್ಲಿ ನಯಾಪೈಸೆ ಲೋಪವಾಗಿಲ್ಲ ಎಂದು ಸ್ವಷ್ಟಪಡಿಸಿದರು.
ನಗರಸಭೆ ಪೌರಾಯುಕ್ತ ಶ್ರೀಕಾಂತ್, ಸಂಘಕ್ಕೆ ಅವಶ್ಯವಿರುವ ಗ್ರಂಥಾಲಯವನ್ನು ನಗರಸಭೆ ಸಾಮಾನ್ಯಸಭೆಯಲ್ಲಿಟ್ಟು ಅನುಮತಿಪಡೆದು ನಿರ್ಮಿಸಿಕೊಡುವುದಾಗಿ ಭರವಸೆ ನೀಡಿದರು.
ಇದೇ ಸಂದರ್ಭದಲ್ಲಿ ಮಾಜಿ ಶಾಸಕ ಕೊತ್ತೂರು ಮಂಜುನಾಥ್, ರಾಜ್ಯ ಪತ್ರಕರ್ತರ ಸಂಘದ ಅಧ್ಯಕ್ಷ ಶಿವಾನಂದ ತಗಡೂರು, ಹಾಗೂ ಕಾರ್ಯದರ್ಶಿ ಲೋಕೇಶ್ ಅವರನ್ನು ಸನ್ಮಾನಿಸಲಾಯಿತು.
ವೇದಿಕೆಯಲ್ಲಿ ಪತ್ರಕರ್ತರ ಸಂಘದ ರಾಜ್ಯಕಾರ್ಯಕಾರಿ ಸದಸ್ಯ ಮಹಮದ್ ಯುನೂಸ್, ಪ್ರಧಾನ ಕಾರ್ಯದರ್ಶಿ ಎಸ್.ಕೆ.ಚಂದ್ರಶೇಖರ್,ಖಜಾಂಚಿ ಎ.ಜಿ.ಸುರೇಶ್‍ಕುಮಾರ್, ಉಪಾಧ್ಯಕ್ಷ ಶ್ರೀನಿವಾಸಮೂರ್ತಿ,ಹಿರಿಯ ಪತ್ರಕರ್ತರಾದ ಎಂ.ಜಿ.ಪ್ರಭಾಕರ್,ಸಿ.ಎಂ.ಮುನಿಯಪ್ಪ,ವಾಸುದೇವಹೊಳ್ಳ, ಅನಂತರಾಮ್, ಪಲ್ಲವಿ ಮಣಿ, ಮತ್ತಿತರರಿದ್ದರು
.

ಕುಂದಾಪುರ ಭಂಡಾರ್ಕಾರ್ಸ್: ಕನ್ನಡ ವಿಭಾಗದ ಸಹ ಪ್ರಾಧ್ಯಾಪಕರಾದ ಗಣಪತಿ ಭಟ್.ಪಿ ಇವರಿಗೆ ಬೀಳ್ಕೊಡುಗೆ

JANANUDI.COM NETWORK

ಕುಂದಾಪುರ.ಭಂಡಾರ್ಕಾರ್ಸ್ ಕಲಾ ಮತ್ತು ವಿಜ್ಞಾನ ಕಾಲೇಜು. ಇಲ್ಲಿ ಕನ್ನಡ ವಿಭಾಗದ ವತಿಯಿಂದ ಕನ್ನಡ ಸಹ ಪ್ರಾಧ್ಯಾಪಕರಾದ ಗಣಪತಿ ಭಟ್.ಪಿ ಇವರಿಗೆ ಬೀಳ್ಕೊಡುಗೆ ಸಮಾರಂಭ ನೆರವೇರಿತು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ ಕಾಲೇಜಿನ ಪ್ರಾಂಶುಪಾಲರಾದ ಡಾ.ಎನ್.ಪಿ.ನಾರಾಯಣ ಶೆಟ್ಟಿಯವರು ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಗಣಪತಿ ಭಟ್ ರವರನ್ನು ನಾನು ಹಿಂದಿನಿಂದಲೂ ಗಮನಿಸಿದಂತೆ ನಿಷ್ಠೆಯಿಂದ ಸೇವೆ ಸಲ್ಲಿಸಿದ್ದಾರೆ.ಕಷ್ಟಕರ ದಿನವಾದ ಕೊರೋನಾ ಸಂದರ್ಭದಲ್ಲಿಯೂ ಕೂಡ ತಂತ್ರಜ್ಞಾನದ ಆನ್ಲೈನ್ ತರಗತಿಯನ್ನು ನಿರ್ವಹಣೆ ಮಾಡಿರುವುದನ್ನು ನೆನಪಿಸಿಕೊಂಡರು.ವಿದ್ಯಾರ್ಥಿಗಳಿಗೆ ಒಳ್ಳೆಯ ಉಪನ್ಯಾಸಕ ನಾಗಿ ಕನ್ನಡ ಜ್ಞಾನಧಾರೆಯೆರೆಯುವಲ್ಲಿ ಪ್ರಯತ್ನಶೀಲರಾಗಿದ್ದರೆಂದು ಅಭಿಪ್ರಾಯ ವ್ಯಕ್ತಪಡಿಸಿದರು.
ಕಾರ್ಯಕ್ರಮ ಆಯೋಜಿಸಿದ ಕನ್ನಡ ವಿಭಾಗದ ಮುಖ್ಯಸ್ಥರಾದ ಡಾ.ರೇಖಾ. ವಿ.ಬನ್ನಾಡಿಯವರು ಸಹೋದ್ಯೋಗಿಯಾದ ಗಣಪತಿ ಭಟ್ .ಪಿ ಯವರು ಪ್ರತಿದಿನ ದೂರದ ಊರಿನಿಂದ ಬರುತ್ತಿದ್ದರೂ ಕೂಡ ಹಾಗೆ 20ವರ್ಷ ನಮ್ಮ ಜೊತೆ ಪಠ್ಯದೊಂದಿಗೆ ಪಠ್ಯೇತರ ಚಟುವಟಿಕೆಗಳಲ್ಲೂ ತೊಡಗಿಸಿಕೊಂಡು ಸಹಕಾರ ಮನೋಭಾವವನ್ನು ತೋರಿರುವುದನ್ನು ಸ್ಮರಿಸಿಕೊಂಡರು. ಸನ್ಮಾನಿತರಾದ ಗಣಪತಿ ಭಟ್ ರವರು ತಮ್ಮ ಕಲಿಕೆಯ ಕಾಲಘಟ್ಟವನ್ನು ನೆನಪಿಸಿಕೊಂಡರು.ಆಗ ಕೃಷಿಯ ಜೊತೆಗೆ ಓದು ಮತ್ತು ಉದ್ಯೋಗ ಎಲ್ಲಾ ಸಾಧ್ಯ ವಾಗುತ್ತಿತ್ತು.ಹಿರಿಯರ ಮಾರ್ಗದರ್ಶನ ಹಿಂದಿನ ಕಾಲದಲ್ಲಿ ಒದಗಿ ಬರುತ್ತಿತ್ತು.ಈಗಿನ ವಿದ್ಯಾಭ್ಯಾಸದಲ್ಲಿ ವಿದ್ಯಾರ್ಥಿಗಳು ಒತ್ತಡಕ್ಕೆ ಸಿಲುಕುತ್ತಿದ್ದಾರೆಂದು ತಮ್ಮ ಅನುಭವವನ್ನು ಹಂಚಿಕೊಂಡರು. ಕನ್ನಡ ಭಾಷಾ ವಿಭಾಗದ ಉಪನ್ಯಾಸಕ ಮಂಜುನಾಥ.ಕೆ.ಎಸ್ ರವರು ನಿರೂಪಣೆ ಗೈದರು.ಉಪನ್ಯಾಸಕ ಮೋಹನ್ ರವರು ಸ್ವಾಗತಿಸಿದರು.ಕನ್ನಡ ಉಪನ್ಯಾಸಕಿ ಮೈತ್ರಿ ಶೆಟ್ಟಿಯವರು ವಂದಿಸಿದರು.ವಿದ್ಯಾರ್ಥಿಗಳುಮತ್ತು ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿಗಳು ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

ಜನನುಡಿ ಸುದ್ದಿ ಸಂಸ್ಥೆಯ ’ಮುದ್ದು ಏಸು’ ಸ್ಫರ್ಧಾ ವಿಜೇತರಿಗೆ ಪ್ರಶಸ್ತಿ ಬಹುಮಾನ ವಿತರಣೆ

JANANUDI.COM NETWORK

ಕುಂದಾಪುರ, ಫೆ. 1: ಕುಂದಾಪುರದ ಜನಪ್ರಿಯ ಸುದ್ದಿ ಸಂಸ್ಥೆ ಮೊತ್ತ ಮೊದಲು ಎಂಬತ್ತೆ ಪುಟ್ಟ ಮಕ್ಕಳಿಗಾಗಿ ಬಾಲ ಏಸುವಿನಂತೆ ವಸ್ತ್ರ ಭೂಷಣ ದರಿಸಿ “ಮುದ್ದು ಏಸು”ವಿನಂತೆ ಕಾಣುವ ರಾಜ್ಯ ಮಟ್ಟದ 2020- 21 ನೆ ಸಾಲಿನಲ್ಲಿ ಫೋಟೊ ಸ್ಫರ್ಧೆಯನ್ನು ಸಾರ್ವಜನಿಕರಿಗೆ ಏರ್ಪಡಿಸಿತ್ತು.     

   ಈ ಸ್ಫರ್ಧೆಯ ವಿಜೇತರಿಗೆ ನಗದು ಮತ್ತು ಪ್ರಶಸ್ತಿ ಪತ್ರವನ್ನು ವಿತರಿಸುವ ಕಾರ್ಯಕ್ರಮ ಜನವರಿ 31ರಂದು ಭಾನುವಾರ ಚರ್ಚ್ ವೆರಾಂಡದಲ್ಲಿ ನಡೆಯಿತು. ಕುಂದಾಪುರ ವಲಯ ಪ್ರಧಾನರಾದ ಹಾಗೂ ಕುಂದಾಪುರ ಚರ್ಚಿನ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ವಿಜೇತರಿಗೆ ಪ್ರಶಸ್ತಿ ಪತ್ರ ಮತ್ತು ನಗದನ್ನು ನೀಡಿ ಗೌರವಿಸಿ ಶುಭ ಹಾರೈಸಿದರು. ಹಾಗೇ ತೀರ್ಪುದಾರದಮೆಚ್ಚುಗೆ ಪಡೆದ ಮಕ್ಕಳಿಗೆ ಪ್ರಶಸ್ತಿ ಪತ್ರವನ್ನು ನೀಡಲಾಯಿತು. ಸುದ್ದಿ ಸಂಸ್ಥೆಯ ಪ್ರಧಾನ ಸಂಪಾದಕರಾದ ಬರ್ನಾಡ್ ಡಿಕೋಸ್ತಾ  ಸ್ವಾಗತಿಸಿ ಮಕ್ಕಳನ್ನು ಪ್ರಶಂಸಿಸಿದರು. ಸಹಾಯಕ ಧರ್ಮಗುರು ವಂ| ವಿಜಯ್ ಡಿಸೋಜಾ, ಉಪಾಧ್ಯಕ್ಷರಾದ ಲುವಿಸ್ ಜೆ.ಫೆರ್ನಾಂಡಿಸ್ ಅತಿಥಿಗಳಾದ ಶ್ರೀಷನ್, ಜೋನ್ಸನ್ ಡಿಆಲ್ಮೇಡಾ, ವಿನೋದ್ ಕ್ರಾಸ್ಟೊ, ಜೂಲಿಯೆಟ್ ಪಾಯ್ಸ್ ಹಾಗೂ ಕೆಲವು ವಿಜೇತ ಮಕ್ಕಳ ಹೆತ್ತವರು ಉಪಸ್ಥಿತರಿದ್ದರು. ಕಟ್ಕೆರೆ ಬಾಲ ಯೇಸುವಿನ ಆಶ್ರಮದ ವಂ. ಫಾ|ದೀಪ್ ಫೆರ್ನಾಂಡಿಸ್, ಕುಂದಾಪುರ ಸಂತ ಜೋಸೆಫ್ ಕಾನ್ವೆಂಟಿನ ಸಿಸ್ಟರ್ ವೀಣಾ ಮತ್ತು ಪಿಯುಸ್ ನಗರದ ವಿಲ್ಫ್ರೆಡ್ ಮಿನೇಜೆಸ್ ಇವರು ತೀರ್ಪುದಾರರಾಗಿ ಸಹಕರಿಸಿದ್ದರು ದೂರದ ವಿಜೇತ ಸ್ಫರ್ಧಿಗಳಿಗೆ ಬಹುಮಾನ ಮತ್ತು ಪ್ರಶಸ್ತಿಯನ್ನು ತಲುಪಿಸುವ ವ್ಯವಸ್ಥೆ ಮಾಡಲಾಗುವುದೆಂದು ಸಂಘಟಕರು ತಿಳಿಸಿದರು. ಸಂಸ್ಥೆಯ ಸಂಚಾಲಕಿ ವಿನಯಾ ಡಿಕೋಸ್ತಾ ನಿರೂಪಿಸಿ ವಂದಿಸಿದರು.

ನಾವು ಎರಡು ಮುದ್ದು ಏಸು ಸ್ಫರ್ಧೆ ಎರಡು ವಿಭಾಗಳಲ್ಲಿ ನಡೆಸಿದ್ದೆವು. ಪ್ರಥಮ ವಿಭಾಗದಲ್ಲಿ ಹೆಚ್ಚಿನ ಪುಟಾಣಿಗಳು ಭಾಗವಹಿಸಿದ್ದೆವು. ಈ ವಿಭಾಗದ ಫಲಿತಾಂಶ ಹೀಗಿದೆ

Muddu yesu  Category –1

First Place:

Olina Ruth Moras

Parents – Jossy Roshan Moras/:Viana Lobo

Bantwal.

2nd Place:

Saniya Dmello

Parents – Anil Dmello / Soniya Dsouza

Kundapur,  Voderhobli.

3rd Place:

Samien Mendonca

Parents -:Royston Mendonca/ Carol Shuba Mendonca

Basrur.

Certificate of Award Photo’s

Ethan Dsouza 

Parents -Deepak Dsouza / Monica Fernandis 

Kundapur.

Lenora Theresa Fernandes 

Parents – Lancy Fernandes / Asmitha Crasta 

Kalmady.

Glaren Sion Almeida

Parents – Gladson joyson Almeida /Smitha R. N Monteiro

Nithyadar nagar Permannur

Selvita D’almeida.

Parents –  -Stany D’almeida / Maria D’almeida

Heberbetto.

Justin Ryan Crasta

Parents –  Jaison Joy Crasta / Rekha Diana Pais

Punjalkatte Belthangady.

Muddu yesu  Category – 2

First Place:

Freya Danika Correa
Parents – Deepak Correa / Frenita Correa

Kundapura

2nd Place:

Name of Child : Reyon Duke D Souza.

Parents – Ruben D Souza / Denita D Souza

Bondel , Mangalore

3rd Place:

Evon Dlima

Parents – Nelson Dlima / Viola Pinto

Sunkadakatte, Bajpe

Certificate of Award Photo’s

Mahima Vianna Baretto

Parents – Vincent Baretto / Vanitha Baretto

Kundapura.

Asher Pereira

Parents –  Ashwin Pereira / Jovita Pereira

Udyavara.

Dwani Kiran

Parents –   Kiran / Mother Vidya

Kodi Kundapur.

Vivian Justin Pinto. 

Parents – Joyson Manoj Pinto / Vivita Dsouza

Mundkur, Udupi.

Name: Nathan Machado

Parents – Nelson Machado / Mother Geena Dsouza

Bailur  Karkala.

ಕೊಟೇಶ್ವರ ಚರ್ಚ್ ದಶಮಾನತ್ಸೋವ:ನಾವೆಲ್ಲಾ ಅಣ್ಣ ತಮ್ಮಂದಿರು, ಅಕ್ಕ ತಂಗಿಯಂದಿರು, ಕಷ್ಟಕ್ಕೆ ಒಳಾಗದವರಿಗೆ, ಹಸಿದವರಿಗೆ, ದೀನರಿಗೆ ನೆರೆಯಾಗೋಣ-ಬಿಶಪ್

JANANUDI.COM NETWORK


ಕುಂದಾಪುರ,ಜ.31: ಕೇವಲ ಹತ್ತು ವರ್ಷ ಆದರೂ ಅದರ ಆಚರಣೆ ಅಗತ್ಯವೇ ಎಂದು ನಮಗೆ ಆನ್ನಿಸಬಹುದು ಆದರೆ ಒಂದು ಮಗುವಿನ ಬೆಳವಣಿಗೆಯಲ್ಲಿ ಎಷ್ಟು ಪ್ರಾಮುಖ್ಯತೆ ವಹಿಸುತ್ತದೊ ಅದೇ ರೀತಿ ಒಂದು ಧರ್ಮಸಭಾ ಕುಟುಂಬ ಬೆಳೆಯುವ ರೀತಿಯಲ್ಲಿಯೆ ಅಡಗುತ್ತದೆ. ಪಂಚಾಗ ಗಟ್ಟಿ ಇದ್ದರೆ ಕಟ್ಟಡ ಹೇಗೆ ಸುಭದ್ರವೊ ಹಾಗೇ ಮೊದಲ ವರ್ಷಗಳಲ್ಲಿ ಒಂದು ಚರ್ಚ್ ಒಳ್ಳೆಯ ರೀತಿಯಲ್ಲಿ ಚೆನ್ನಾಗಿ ನಡೆದರೆ ಮುಂದೆ ಅದಕ್ಕೆ ಉತ್ತಮ ಭವಿಷ್ಯ ಇರುತ್ತದೆ, ನಿಮ್ಮ ಚರ್ಚ್ ಗಾತ್ರ ಜನ ಸಂಖ್ಯೆಯಲ್ಲಿ ಚಿಕ್ಕದಾದರೂ, ಚರ್ಚ್ ಕಾರ್ಯಕ್ರಮಗಳು ಉತ್ತಮ ರೀತಿಯಲ್ಲಿ ನಿರ್ವಹಣೆ ಆಗುತ್ತೀವೆ, ದೇವರು ನಿಮ್ಮ ಚರ್ಚ್ ಬೆಳೆಯವಲ್ಲಿ ಅನೇಕ ರೀತಿಯಲ್ಲಿ ಆಶಿರ್ವದಿಸಿದ್ದಾನೆ, ಆದರಿಂದ ನಾವು ‘ನಮ್ಮ ಧರ್ಮಸಭಾ ಕುಟುಂಬ ನಿಮಗೆ ಸ್ತುತಿಸುತ್ತದೆ ಕ್ರತಜ್ಞತೆಯ ಗಾಯನ’ ಎಂಬ ಧ್ಯೇಯ ವಾಕ್ಯದೊಂದಿಗೆ ದಶಮಾನತ್ಸೋವನ್ನು ಆಚರಿಸೋಣ’ ಎಂದು ಮಂಗಳೂರು ಧರ್ಮಪ್ರಾಂತ್ಯದ ಮೊನ್ಸಿಜೆಂರ್ ಅತೀ ವಂ| ಮ್ಯಾಕ್ಷಿಮ್ ನೊರೊನ್ಹಾ ಸಂದೇಶ ನೀಡಿದರು.
ಅವರು ಕೊಟೇಶ್ವರ ಚರ್ಚ್ ದಶಮಾನೋತ್ಸವ ಆಚರಣೆಯಲ್ಲಿ ಪ್ರಧಾನ ಯಾಜಕರಾಗಿ ಪವಿತ್ರ ಬಲಿದಾದನವನ್ನು ಅರ್ಪಿಸಿ ಸಂದೇಶ ನೀಡಿದರು. ಇವರು ಈ ಚರ್ಚ್ ಅಧಿಕ್ರತವಾಗಿ ಸ್ಥಾಪನೆಯಾಗುವ ಮೊದಲು ಶ್ರಮಿಸಿದವರಾಗಿದ್ದಾರೆ. ಚರ್ಚಿನ ಫಾ| ಸಿರಿಲ್ ಮಿನೇಜೆಸ್ ದಶಮಾನೊತ್ಸೋವ ಆಚರಿಸಲು ಸಹಕರಿಸಿದವರನ್ನು ಕ್ರತ್ಞತೆ ಸಲ್ಲಿಸಿದರು.
ದಶಮಾನತ್ಸೋವದ ವೇದಿಕೆ ಕಾರ್ಯಕ್ರದಲ್ಲಿ ಉಡುಪಿ ಧರ್ಮಪ್ರಾಂತ್ಯದ ಬಿಶಪ್ ಅ|ವಂ|ಡಾ|ಜೆರಾಲ್ಡ್ ಐಸಾಕ್ ಲೋಬೊ ಅಧ್ಯಕ್ಷತೆ ವಹಿಸಿ ‘ಒಂದು ಚರ್ಚ್ ಸ್ಥಾಪಿಸಬೇಕಾದರೆ ಬಹಳ ಶ್ರಮಗಳಿವೆ, ಅದಕ್ಕೆ ಬೇಕಾದಷ್ಟು ತ್ಯಾಗ ಪರಿಶ್ರಮವಿದೆ ನಿಮ್ಮ ತ್ಯಾಗ ಪರಿಶ್ರಮಕ್ಕೆ ನನ್ನ ವಂದನೆಗಳು. ಚಿಕ್ಕ ಚರ್ಚ್ ಕುಟುಂಬವಾದರೂ, ಪ್ರತಿಭೆಯುಳ್ಳ ಚರ್ಚ್ ಕುಟುಂಬವಾಗಿದೆ. ಎಲ್ಲರೂ ಒಂದೇ ಮನಸ್ಸು ಒಂದೇ ಹ್ರದಯದೊಂದಿಗೆ ಈ ಚರ್ಚಗೆ ಭದ್ರ ಬುನಾದಿ ಹಾಕಿದ್ದಿರಿ, ಇದಕ್ಕೆ ನಾನು ನಿಮಗೆ ಅಭಿನಂದಿಸುತ್ತೆನೆ, ನಿಮ್ಮ ಬುನಾದಿ ದೇವರ ಮೇಲಿನ ವಿಶ್ವಾಸದ್ದು, ಬುನಾದಿ ಪ್ರೀತಿಯುಳ್ಳದು, ಬುನಾದಿ ಏಕತೆಯದು ಆದರಿಂದ ನಿಮ್ಮ ಧರ್ಮಗುರುಗಳಿಗೆ ಮತ್ತು ನಿಮ್ಮನ್ನು ಅಭಿನಂದಿಸುತ್ತೇನೆ’ ಅಂದು ಹೇಳುತ್ತಾ ನಮ್ಮ ಜಗತ್‍ಗುರು ಪೋಪ್ ನಮಗೆ ಸಂದೇಶ ನೀಡಿದ ಹಾಗೆ ಇಡೀ ವಿಶ್ವ ಒಂದು ಕುಟುಂಬವಾಗಿದೆ, ಆ ವಿಶಾಲ ಕುಟುಂಬದಲ್ಲಿ ನಾವೆಲ್ಲಾ ಅಣ್ಣ ತಮ್ಮಂದಿರು, ಅಕ್ಕ ತಂಗಿಯಂದಿರು, ಹಾಗಾಗಿ ಕಷ್ಟಕ್ಕೆ ಒಳಾಗದವರಿಗೆ, ಹಸಿದವರಿಗೆ, ದೀನದಲಿತರಿಗೆ ನಾವು ನೆರೆಯಾಗೋಣ’ ಎಂದು ಅವರು ಸಂದೇಶ ನೀಡಿದರು.
ಈ ಸಂದರ್ಭದಲ್ಲಿ ಬಿಶಪರನ್ನು ಸನ್ಮಾನಿಸಲಾಯಿತು, ಬಿಶಪರು ಈಗ ಕೊಟೇಶ್ವರ ಚರ್ಚಿನಲ್ಲಿ ಸೇವೆ ನೀಡಿ ಉನ್ನತಿಗೆ ಕಾರಣಕರ್ತರಾದ ಫಾ| ಸಿರಿಲ್ ಮಿನೇಜೆಸ್, ಮೊನ್ಸಿಜೆಂರ್ ಮ್ಯಾಕ್ಷಿಮ್ ನೊರೊನ್ಹಾ, ಕಾರ್ಮೆಲ್ ಯಜಕ ಸಂಸ್ಥೆಯ ಕರ್ನಾಟಕ್-ಗೋವಾ ಪ್ರಾಂತ್ಯದ ಪ್ರತಿನಿಧಿಯಾದ ಫಾ|ದೀಪ್ ಫೆರ್ನಾಂಡಿಸ್, ಕುಂದಾಪುರ ವಲಯ ಪ್ರಧಾನ ಅ|ವಂ|ಸ್ಟ್ಯಾನಿ ತಾವ್ರೊ, ಫಾ| ವಾಲ್ಟರ್ ಮೆಂಡೊನ್ಸಾ, ಫಾ| ಆರ್ಚಿಬಾಲ್ಡ್, ಫಾ|ಜೋನ್ ಆಲ್ಫ್ರೆಡ್ ಬಾರ್ಬೊಜಾ, ಕೊಟೇಶ್ವರ ಸಂತ ಅಂತೋನಿ ವ್ರದ್ದಶ್ರಾಮದ ಮುಖ್ಯಸ್ಥೆ ಸಿಸ್ಟರ್ ಅವಿಟಾ ಇವರನ್ನು ಅವರು ಸನ್ಮಾನಿಸಿದರು. ಇದೇ ವೇಳೆ ಚರ್ಚ್ ದಶಮಾನೊತ್ಸೋವ ಸ್ಮರಣಿಕ ಪುರವಣಿಯನ್ನು ಉದ್ಘಾಟಿಸಿ ಅದರ ಸಂಪಾದಕ ಜೇಮ್ಸ್ ಬರೆಟ್ಟೊ ಇವರನ್ನು ಸನ್ಮಾನಿಸಿದರು, ಇಟೆಲಿಯ ಫ್ಲಾರೆನ್ಸ್‍ನಲ್ಲಿ ಸೇವೆ ನೀಡುತ್ತಿರುವ ಫಾ|ದೋನಾತ್ ರೇಬೆರೊ, ಸೌತ್ ಆಫ್ರಿಕಾದ ಜೋಹಾನ್ಸ್ ಬರ್ಗನಲ್ಲಿ ಸೇವೆ ನೀಡುತ್ತೀರುವ ಫಾ|ರಾಯನ್ ಪಾಯ್ಸ್, ಕುಂದಾಪುರ ಸಂತ ಮೇರಿ ಪಿ.ಯು.ಕಾಲೇಜಿನ ಪ್ರಾಂಶುಪಾಲ ಫಾ|ಪ್ರವೀಣ್ ಅಮ್ರತ್ ಮಾರ್ಟಿಸ್, ಫಾ| ಆಲ್ಫೊನ್ಸ್ ಡಿಲೀಮಾ ಹಾಗೂ ಇನ್ನೂ ಅನೇಕ ಕಾರ್ಮೆಲ್ ಸಂಸ್ಥೆಯ ಯಾಜಕರು ಬಲಿದಾದಲ್ಲಿ ಭಾಗಿಯಾಗಿದ್ದರು
ಫಾ|ಆಲ್ವಿನ್ ಸಿಕ್ವೇರಾ ಗಾಯನ ಪಂಗಡಕ್ಕೆ ನಿರ್ದೇಶನ ನೀಡಿದರು, ದಿಯೊಕೋನ್ ವಿಶಾಲ್ ಮೊನಿಸ್ ಸಂಗೀತ ನೀಡಿದರು. ಕಾರ್ಯದರ್ಶಿ ಲೀನಾ ಡಿಮೆಲ್ಲೊ ಚರ್ಚಿನ ಪಕ್ಷಿ ನೋಟವನ್ನು ಮುಂದಿಟ್ಟರು, 20 ಆಯೋಗಗಳ ಸಂಯೋಜಕಿ ಮರಿಯಾ ಮಸ್ಕರೇನ್ಹಾಸ್ ಸನ್ಮಾನಿತರ ಪರಿಚಯವನ್ನು ನೀಡಿದರು ಫಾ| ವಿಲ್ಪ್ರೆಡ್ ರೊಡ್ರಿಗಸ್ ಕಾರ್ಯಕ್ರಮ ನಿರೂಪಿಸಿದರು. ಚರ್ಚ್ ಉಪಾಧ್ಯಕ್ಷ ರಿಚಾರ್ಡ್ ಡಿಸೋಜಾ ವಂದಿಸಿದರು

ಕುಂದಾಪುರ ಕಥೊಲಿಕ್ ಸಭಾ ವತಿಯಿಂದ ಶಿಕ್ಷಣ ಕ್ಷೇತ್ರದಲ್ಲಿ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಪುರಸ್ಕಾರ

JANANUDI.COM NETWORK


ಕುಂದಾಪುರ,ಜ.31: ಕುಂದಾಪುರ ಕಥೊಲಿಕ್ ಸಭಾ ವತಿಯಿಂದ ಶಿಕ್ಷಣ ಕ್ಷೇತ್ರದಲ್ಲಿ 2019 -20 ಸಾಲಿನಲ್ಲಿ ಎಸ್.ಎಸ್.ಎಲ್.ಸಿ, ಪಿ.ಯು.ಸಿ. ಪದವಿ, ವ್ರತ್ತಿಪರ ಪದವಿಸ್ನಾನಕೋತ್ತರ ಪದವಿಗಳಲ್ಲಿ ಉತ್ತಮ ಸಾಧನೆ ಗೈದ ಕುಂದಾಪುರ ಚರ್ಚಿನ ಪ್ರತಿಭಾವಂತ ವಿಧ್ಯಾರ್ಥಿಗಳನ್ನು ಸನ್ಮಾನಿಸುವ ಕಾರ್ಯಕ್ರಮ ಜನವರಿ 31 ರಂದು ಚರ್ಚ್ ವೆರಾಂಡದಲ್ಲಿ ನೆಡೆಯಿತು.
ಚರ್ಚಿನ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ಸಾಧನೆ ಮಾಡಿದವರಿಗೆ ಸನ್ಮಾನಿಸಿ ಪುರಸ್ಕರಿಸಿ ಶುಭ ಹಾರೈಸಿದರು. ಕುಂದಾಪುರ ಕಥೊಲಿಕ್ ಸಭಾದ ಅಧ್ಯಕ್ಷ ಬರ್ನಾಡ್ ಡಿಕೋಸ್ತಾ ಸ್ವಾಗತಿಸಿದರು ಸಹಾಯಕ ಧರ್ಮಗುರು ವಂ| ವಿಜಯ್ ಡಿಸೋಜಾ ಪಾಲನ ಮಂಡಳಿ ಉಪಾಧ್ಯಕ್ಷ ಲುವಿಸ್ ಜೆ.ಫೆರ್ನಾಂಡಿಸ್ ಕಥೊಲಿಕ್ ಸಭಾದ ಪದಾಧಿಕಾರಿಗಳಾದ, ವಿನೋದ್ ಕ್ರಾಸ್ಟೊ, ಜೋನ್ಸನ್ ಡಿಆಲ್ಮೇಡಾ, ವಿಲ್ಸನ್ ಡಿಆಲ್ಮೇಡಾ, ವಿನಯಾ ಡಿಕೋಸ್ತಾ, ಡಾ|ಸೋನಿ ಡಿಕೋಸ್ತಾ, ಉಲ್ಲಾಸ್ ಕ್ರಾಸ್ತಾ ಮತ್ತಿತರ ಕಥೊಲಿಕ್ ಸಭಾ ಪದಾಧಿಕಾರಿಗಳು ಉಪಸ್ಥಿತರಿದ್ದರು. ಕಾರ್ಯಕ್ರಮದ ಸಂಯೋಜಕಿ ಶೈಲಾ ಡಿಆಲ್ಮೇಡಾ ನಿರೂಪಿಸಿದರು. ನಿಯೋಜಿತ ಅಧ್ಯಕ್ಷೆ ಜೂಲಿಯೆಟ್ ಪಾಯ್ಸ್ ವಂದಿಸಿದರು
.

ವಾಣಿಜ್ಯ ವಾಹನ ಚಾಲಕರಿಗೆ ಪುನಶ್ಚೇತನ ಕಾರ್ಯಾಗಾರ ನಡೆಯಲಿ-ಸುರೇಶ್‍ಕುಮಾರ್

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ,ಜ.29: ರಸ್ತೆ ಸುರಕ್ಷತಾ ನಿಯಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವಂತೆ ಮಾಡಲು ವಾಣಿಜ್ಯ ವಾಹನ ಚಾಲಕರಿಗಾಗಿ ಜಿಲ್ಲೆಯಾದ್ಯಂತ ಪುನಶ್ಚೇತನ ಕಾರ್ಯಾಗಾರ ಆಯೋಜಿಸಬೇಕೆಂದು ಕರ್ನಾಟಕ ಅಸಂಘಟಿತ ಕಾರ್ಮಿಕ ಪರಿಷತ್ ಅಧ್ಯಕ್ಷ ಕೆ.ವಿ.ಸುರೇಶ್‍ಕುಮಾರ್ ಹೇಳಿದರು.
ನಗರದ ಆರ್‍ಟಿಒ ಕಚೇರಿಯಲ್ಲಿ ಶನಿವಾರ ಆಯೋಜಿಸಲಾಗಿದ್ದ 32 ನೇ ರಾಷ್ಟ್ರೀಯ ರಸ್ತೆ ಸುರಕ್ಷತಾ ಸಪ್ತಾಹ ಕಾರ್ಯಕ್ರಮದ ಅಧ್ಯಕ್ಷತೆವಹಿಸಿ ಅವರು ಮಾತನಾಡುತ್ತಿದ್ದರು.
ಕಾರ್ಯಾಗಾರದಲ್ಲಿ ರಸ್ತೆ ಸುರಕ್ಷತಾ ನಿಯಮಗಳನ್ನು ಪಾಲಿಸುವ ಕುರಿತು ಚಾಲಕರಲ್ಲಿ ಅರಿವು ಮೂಡಿಸುವುದರ ಜೊತೆಗೆ, ಕೇಂದ್ರ ಸರಕಾರದ ಸಾಮಾಜಿಕ ಭದ್ರತಾ ಮಂಡಳಿಯ ಪ್ರಯೋಜನಗಳ ಕುರಿತಂತೆ ಚಾಲಕರಲ್ಲಿ ಅರಿವು ಮೂಡಿಸಬಹುದಾಗಿದೆ, ಆದ್ದರಿಂದ ಕಾರ್ಯಾಗಾರಗಳನ್ನು ಜಿಲ್ಲಾ ಕೇಂದ್ರ ಸೇರಿದಂತೆ ತಾಲೂಕು ಕೇಂದ್ರಗಳಲ್ಲಿಯೂ ನಡೆಸಬೇಕಾಗಿದೆ ಎಂದರು.
ಕಾರ್ಯಕ್ರಮ ಉದ್ಘಾಟಿಸಿದ ಅರ್‍ಟಿಒ ಆರ್.ಚಂದ್ರಶೇಖರ್ ಮಾತನಾಡಿ, ಯಾವುದೇ ವಾಹನ ಚಲಾಯಿಸುವ ಚಾಲಕ ಮನಸ್ಸು ಶಾಂತಿ ಸಮಾಧಾನ ಚಿತ್ತದಲ್ಲಿರಬೇಕು, ವಾಹನ ಸುಸ್ಥಿತಿಯಲ್ಲಿರಬೇಕು ಹಾಗೂ ವಾಹನದ ದಾಖಲಾತಿಗಳು ಕ್ರಮಬದ್ಧವಾಗಿರುವಂತೆ ನೋಡಿಕೊಳ್ಳಬೇಕೆಂದು ಸಲಹೆ ನೀಡಿದರು.


ಕೋಲಾರ ಜಿಲ್ಲಾ ಡ್ರೈವಿಂಗ್ ಶಾಲಾ ಮಾಲೀಕರ ಸಂಘದ ಅಧ್ಯಕ್ಷ ಆರ್.ಗೋಪಾಲ್ ಮಾತನಾಡಿ, ಯುವಕ ಯುವತಿಯರು ಬಹು ಬೇಗ ದ್ವಿಚಕ್ರ ವಾಹನ ಕಲಿಯುತ್ತಿರುವುದರಿಂದ ವಾಹನ ಪರವಾನಗಿ ಪಡೆಯುವ ಮಿತಿಯನ್ನು 19 ವರ್ಷಗಳಿಂದ 16 ವರ್ಷಕ್ಕಿಳಿಸಬೇಕೆಂದು ಸಲಹೆ ನೀಡಿದರು.
ಭಾರತ ಸೇವಾದಳ ಜಿಲ್ಲಾಧ್ಯಕ್ಷ ಕೆ.ಎಸ್.ಗಣೇಶ್ ಮಾತನಾಡಿ, ರಸ್ತೆ ಸುರಕ್ಷತಾ ನಿಯಮಗಳನ್ನು ಪಾಲಿಸದೆ ಅಪಘಾತವಾಗಿಸುವುದು, ದುಬಾರಿ ದಂಡ ಪಾವತಿಸಿ ಬೀದಿ ಪಾಲಾಗುವ ಬದಲು ಪ್ರತಿಯೊಬ್ಬರೂ ಕಡ್ಡಾಯವಾಗಿ ರಸ್ತೆ ಸುರಕ್ಷತಾ ನಿಯಮಗಳನ್ನು ಪಾಲಿಸಬೇಕೆಂದರು.
ರೋಟರಿ ಸೆಂಟ್ರಲ್ ಅಧ್ಯಕ್ಷ ಎಸ್.ಸುಧಾಕರ್ ಮಾತನಾಡಿ, ಕೋಲಾರ ಜಿಲ್ಲೆಯಾದ್ಯಂತ ರಸ್ತೆ ಸುರಕ್ಷತೆ ಕಾಪಾಡಲು ರೋಟರಿ ಸಂಸ್ಥೆಯಿಂದ ರಿ-É್ಲಕ್ಟರ್ಸ್ ಅಳವಡಿಸುವುದು ಹಾಗೂ ಚಾಲಕರಿಗೆ ಬೃಹತ್ ಆರೋಗ್ಯ ತಪಾಸಣಾ ಶಿಬಿರಗಳನ್ನು ಏರ್ಪಡಿಸುವುದಾಗಿ ಪ್ರಕಟಿಸಿ, ಪ್ರವಾಸೋದ್ಯಮ ಅಭಿವೃದ್ಧಿಗೆ ಇತರೇ ರಾಜ್ಯಗಳಂತೆ ಕರ್ನಾಟಕದಲ್ಲಿಯೂ ನಿಯಮಿತ ಅವ„ಗೆ ತಾತ್ಕಾಲಿಕವಾಗಿ ವಾಹನ ತೆರಿಗೆ ಪಾವತಿಸಿ ಸಂಚರಿಸುವ ಪದ್ಧತಿಯನ್ನು ಜಾರಿಗೆ ತರಬೇಕಾಗಿದೆಯೆಂದರು.
ಜಿಲ್ಲಾ ಕಾರ್ಮಿಕ ಅ„ಕಾರಿ ಶ್ರೀಕಾಂತ್ ಪಾಟೀಲ್ ಮಾತನಾಡಿ, ಸಾಮಾಜಿಕ ಭದ್ರತಾ ಮಂಡಳಿಗೆ ಚಾಲಕ, ನಿರ್ವಾಹಕ ಕ್ಲೀನರ್‍ಗಳು ನೋಂದಣಿಯಾಗಿ ಸರಕಾರದ ವಿವಿಧ ಸೌಲಭ್ಯಗಳನ್ನು ಪಡೆದುಕೊಳ್ಳಬಹುದು ಎಂದು ತಿಳಿಸಿದರು.


ವೇದಿಕೆಯಲ್ಲಿ ಪ್ರಾದೇಶಿಕ ಸಾರಿಗೆ ಕಚೇರಿ ಅ„ಕಾರಿಗಳಾದ ಶ್ರೀನಿವಾಸ್, ವೇಣುಗೋಪಾಲರೆಡ್ಡಿ, ಆಟೋ ನಾರಾಯಣಸ್ವಾಮಿ, ಮಂಜುನಾಥ್, ವೇಣು, ಬಸ್ ಮಾಲೀಕರ ಸಂಘದ ಶರವಣ, ಚಿದಂಬರಂ, ಜಮೀರ್ ಅಹಮದ್ ಇತರರು ಉಪಸ್ಥಿತರಿದ್ದರು.
ಇದೇ ಸಂದರ್ಭದಲ್ಲಿ ವಾಹನ ಚಾಲಕರಿಗೆ ಸಾಮಾಜಿಕ ಭದ್ರತಾ ಮಂಡಳಿಯ ಸದಸ್ಯತ್ವ ಅರ್ಜಿಗಳನ್ನು ಮತ್ತು ಪ್ರಥಮ ಚಿಕಿತ್ಸಾ ತರಬೇತಿ ಪಡೆದವರಿಗೆ ಪ್ರಮಾಣ ಪತ್ರಗಳನ್ನು ವಿತರಿಸಲಾಯಿತು.
ಕೋಲಾರ ಆರ್‍ಟಿಒ ಕಚೇರಿಯಿಂದ ಇಂದೇ ವರ್ಗಾವಣೆಯಾಗುತ್ತಿರುವ ಆರ್‍ಟಿಒ ಆರ್.ಚಂದ್ರಶೇಖರ್‍ರಿಗೆ ವಿವಿಧ ಸಂಸ್ಥೆಗಳಿಂದ ಸನ್ಮಾನ ಮಾಡಿ ಬೀಳ್ಕೊಡಲಾಯಿತು.ಹುತಾತ್ಮ ದಿನಾಚರಣೆ ಅಂಗವಾಗಿ ಎರಡು ನಿಮಿಷಗಳ ಮೌನ ಆಚರಿಸಲಾಯಿತು. ಆರ್‍ಟಿಒ ಕಚೇರಿ ಸೂಪರಿಟೆಂಡೆಂಟ್ ಬಂಡಿಗಣಿ ಕಾರ್ಯಕ್ರಮ ನಿರ್ವಹಿಸಿದರು.

ಡಿಸಿಸಿ ಬ್ಯಾಂಕ್ ದೇಶದಲ್ಲೇ ನಂ.1 ಗೌರವದಿಂದಾಗಿ ಜವಾಬ್ದಾರಿ ಹೆಚ್ಚಳ ಬಡವರ ಕೆಲಸ ಇನ್ನಷ್ಟು ಮಾಡಿ: ಬ್ಯಾಲಹಳ್ಳಿ ಗೋವಿಂದಗೌಡ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ:- ಡಿಸಿಸಿ ಬ್ಯಾಂಕ್ ಆಡಳಿತ ಇಡೀ ದೇಶದ ಗಮನ ಸೆಳೆಯುವಂತೆ ಮಾಡಿದ್ದೀರಿ, ಈಗ ಸಿಕ್ಕಿರುವ ನಂ.1 ಸ್ಥಾನ ನಿಮ್ಮ ಜವಾಬ್ದಾರಿಯನ್ನು ಮತ್ತಷ್ಟು ಹೆಚ್ಚಿಸಿದೆ, ರೈತರು,ಬಡವರ ಪರ ಇನ್ನೂ ಹೆಚ್ಚು ಕೆಲಸ ಮಾಡಿ ಎಂದು ಬ್ಯಾಂಕಿನ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದಗೌಡರಿಗೆ ಶಾಸಕ ಕೆ.ಶ್ರೀನಿವಾಸಗೌಡ ಹಾಗೂ ಮಾಜಿ ಸಭಾಪತಿ ವಿ.ಆರ್.ಸುದರ್ಶನ್ ಕಿವಿಮಾತು ಹೇಳಿದರು.
ತಾಲ್ಲೂಕಿನ ವೇಮಗಲ್ ಸೊಸೈಟಿ ಆಶ್ರಯದಲ್ಲಿ ಕೋಲಾರ,ಚಿಕ್ಕಬಳ್ಳಾಪುರ ಡಿಸಿಸಿ ಬ್ಯಾಂಕಿನಿಂದ ಕೆಸಿಸಿ ಸಾಲ ವಿತರಣೆ ಹಾಗೂ ದೇಶದಲ್ಲೇ ನಂ.1 ಸಾಧನೆಗಾಗಿ ಮತ್ತು ಅಪೆಕ್ಸ್ ಬ್ಯಾಂಕ್ ನಿರ್ದೇಶಕರಾಗಿ ಆಯ್ಕೆಯಾದ ಹಿನ್ನಲೆಯಲ್ಲಿ ಬ್ಯಾಂಕಿನ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದಗೌಡರನ್ನು ಸನ್ಮಾನಿಸಿ ಅವರು ಮಾತನಾಡುತ್ತಿದ್ದರು.
ಶಾಸಕ ಶ್ರೀನಿವಾಸಗೌಡರು ಮಾತನಾಡಿ, ಕಳೆದ 10 ವರ್ಷಗಳ ಹಿಂದೆ ದಿವಾಳಿಯಾಗಿದ್ದ ಡಿಸಿಸಿ ಬ್ಯಾಂಕ್ ಇನ್ನೇನು ಮುಳುಗಿ ಹೋಯಿತು ಎಂದು ಭಾವಿಸಿದ್ದೆ, ಗೋವಿಂದಗೌಡರು ಅಧ್ಯಕ್ಷರಾಗಲು ಮೊದಲಬಾರಿ ವಿರೋಧಿಸಿಯೂ ಇದ್ದೆ, ಆದರೆ ಇಂದು ಅವರ ನೇತೃತ್ವದಲ್ಲೇ ಬ್ಯಾಂಕ್ ದೇಶದಲ್ಲೇ ನಂ.1 ಆಗಿರುವುದು ಒಬ್ಬ ಸಹಕಾರಿಯಾಗಿ ನನಗೆ ಗರ್ವಪಡುವಂತಾಗಿದೆ ಎಂದು ಹರ್ಷ ವ್ಯಕ್ತಪಡಿಸಿದರು.
ಸುದರ್ಶನ್ ಮಾತನಾಡಿ, ಸಹಕಾರಿ ರಂಗ ಯಾವ ಪ್ರಮಾಣದಲ್ಲಿ ಬೆಳೆಯಬೇಕಿತ್ತೋ ಆ ರೀತಿ ಬೆಳೆಯಲಿಲ್ಲ, ಬಹುತೇಕ ಸಂಸ್ಥೆಗಳು ನಿರೀಕ್ಷಿತ ಪ್ರಮಾಣದಲ್ಲಿ ಕೆಲಸ ಮಾಡಲಾಗಲೇ ಇಲ್ಲ ಆದರೆ ಕೋಲಾರ ಡಿಸಿಸಿ ಬ್ಯಾಂಕ್ ಇಡೀ ದೇಶವೇ ಗುರುತಿಸುವ ಕೆಲಸ ಮಾಡಿದೆ, ಗ್ರಾಮೀಣಭಾಗದ ಒಂದೊಂದು ಸೊಸೈಟಿ ಮೂಲಕ 15 ಕೋಟಿ, 30 ಕೋಟಿ ಸಾಲ ನೀಡಿರುವುದು ಸಾಮಾನ್ಯದ ವಿಷಯವಲ್ಲ, ಇಷ್ಟೊಂದು ವೇಗವಾಗಿ ಬ್ಯಾಂಕ್ ಬೆಳೆಯಲು ಆಡಳಿತ ಮಂಡಳಿ ಪರಿಶ್ರಮವಿದೆ ಎಂದು ಅಭಿನಂದಿಸಿದರು.
ರಸ್ತೆ ದುರಸ್ಥಿಗೆಹಣ
ಬಿಡುಗಡೆ ಮಾಡಿಸಿ
ವೇಮಗಲ್‍ನಿಂದ ಕೋಲಾರಕ್ಕೆ ಹೋಗುವ ರಸ್ತೆ ಕಾಮಗಾರಿ ಅರ್ಧಕ್ಕೆ ನಿಂತಿದೆ, ರಸ್ತೆ ಅಭಿವೃದ್ದಿ ಕಾರ್ಯ ಶೀಘ್ರವಾಗಿ ನಡೆಯಬೇಕಾಗಿದ್ದು, ಈ ಬಾರಿಯ ಬಜೆಟ್‍ನಲ್ಲಿ ಅಗತ್ಯ ಪ್ರಮಾಣದ ಹಣ ಬಿಡುಗಡೆ ಮಾಡಿಸಿ ಎಂದು ಶಾಸಕರಿಗೆ ಸುದರ್ಶನ್ ಮನವಿ ಮಾಡಿದರು.
ಪ್ರಾಮಾಣಿಕವಾಗಿ
ಬಡವರ ಕೆಲಸ
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಬ್ಯಾಂಕಿನ ಅಧ್ಯಕ್ಷ ಬ್ಯಾಲಹಳ್ಳಿ ಗೋವಿಂದಗೌಡ, ಬ್ಯಾಂಕ್ ದೇಶಕ್ಕೆ ನಂ.1 ಆಗಿರುವುದು ಜವಾಬ್ದಾರಿ ಹೆಚ್ಚಿಸಿದೆ, ಇನ್ನು ಮುಂದೆಯೂ ಬಡವರು, ರೈತರು,ತಾಯಂದಿರಿಗೆ ಆರ್ಥಿಕ ಶಕ್ತಿ ತುಂಬುವ ಕೆಲಸವನ್ನು ಪ್ರಾಮಾಣಿಕವಾಗಿ ಮುಂದುವರೆಸಿಕೊಂಡು ಹೋಗುವುದಾಗಿ ಭರವಸೆ ನೀಡಿದರು.
ರೈತರೊಬ್ಬರು ಬೆಳೆ ಸಾಲವನ್ನು ಒಂದೇ ಕಂತಿನಲ್ಲಿ ಡ್ರಾ ಮಾಡಲು ಅವಕಾಶ ನೀಡುತ್ತಿಲ್ಲ ಎಂದು ದೂರಿದಾಗ, ಉತ್ತರಿಸಿದ ಗೌಡರು, ಬೆಳೆಗಾಗಿ ಬೆಳೆ ಸಾಲ ಪಡೆಯುತ್ತೀರಿ, ಆರ್‍ಬಿಐ ನಿರ್ದೇಶನದಂತೆ ಭೂಮಿ ಸಿದ್ದತೆ, ನಾಟಿ ಮಾಡಲು ಮತ್ತು ಬೆಳೆ ಬೆಳೆದಂತೆ ಹಂತಹಂತವಾಗಿ ಎಟಿಎಂ ಮೂಲಕ ಒಂದು ಬಾರಿಗೆ 20 ಸಾವಿರ ಹಣ ಡ್ರಾಗೆ ಅವಕಾಶವಿದೆ, ಆದರೂ ರೈತರಿಗೆ ತೊಂದರೆಯಾಗದಂತೆ ಕ್ರಮವಹಿಸಿದ್ದೇವೆ ಎಂದು ತಿಳಿಸಿದರು.
ಡಿಸಿಸಿ ಬ್ಯಾಂಕಿನಿಂದ ಸಾಲ ಪಡೆದು ಆ ಹಣವನ್ನು ವಾಣಿಜ್ಯ ಬ್ಯಾಂಕಿನಲ್ಲಿ ಠೇವಣಿ ಇಡುವ ಪಾಪದ ಕೆಲಸ ಮಾಡಬೇಡಿ ಎಂಪಿಸಿಎಸ್ ವಹಿವಾಟು ನಮ್ಮಲ್ಲೇ ನಡೆಸಿ, ಸಾಲ ನೀಡುವುದು ನಾವು ಠೇವಣಿ ಬೇರೆ ಬ್ಯಾಂಕಿನಲ್ಲಿ ಏಕೆ ಇಡುತ್ತೀರಿ ಎಂದು ಪ್ರಶ್ನಿಸಿದರು.
ಬ್ಯಾಂಕ್ ನಿರ್ದೇಶಕ ಅನಿಲ್‍ಕುಮಾರ್ ಮಾತನಾಡಿ, 7 ವರ್ಷಗಳ ಹಿಂದೆ ಐಸಿಯುನಲ್ಲಿದ್ದ ಡಿಸಿಸಿ ಬ್ಯಾಂಕ್ ಇಂದು ಮಾದರಿಯಾಗಿದೆ 44 ಕೋಟಿ ನಷ್ಟ ತುಂಬಿ ಲಾಭಕ್ಕೆ ತಂದಿದ್ದೇವೆ, ಸಾಲ ಮನ್ನಾದಿಂದ ರೈತರಿಗೆ 320 ಕೋಟಿ ರೂ ಲಾಭವಾಗಿದೆ, ವೈದ್ಯನಾಥನ್ ವರದಿ, ಆಡಳಿತ ಮಂಡಳಿ ಪ್ರಾಮಾಣಿಕ ಪರಿಶ್ರಮದಿಂದ ಬ್ಯಾಂಕ್ ಇಂದು ನಂ.1 ಆಗಿದೆ ಎಂದರು.
ನಿರ್ದೇಶಕ ನಾಗನಾಳ ಸೋಮಣ್ಣ, ವೇಮಗಲ್ ಸೊಸೈಟಿಯಿಂದ ಈಗಾಗಲೇ 6.50 ಕೋಟಿ ಸಾಲ ನೀಡಿದ್ದು, ಈಗ 1.32 ಕೋಟಿ ನೀಡುತ್ತಿದ್ದೇವೆ, ಬ್ಯಾಂಕ್ ವಿರುದ್ದ ಮಾಡುತ್ತಿರುವ ಟೀಕೆಗಳಿಗೆ ನಾವು ದಕ್ಷತೆ,ಪ್ರಾಮಾಣಿಕವಾಗಿ ರೈತರು,ತಾಯಂದಿರಿಗೆ ನೆರವಾಗುವ ಮೂಲಕ ಉತ್ತರ ನೀಡಿದ್ದೇವೆ, ಬ್ಯಾಂಕ್ ದೇಶದ ನಂ.1 ಆಗಿದ್ದು, ಇದೇ ಟೀಕಾಕಾರರಿಗೆ ನಮ್ಮ ಉತ್ತರ ಎಂದರು.
ಕಾರ್ಯಕ್ರಮದಲ್ಲಿ ಸೊಸೈಟಿ ಅಧ್ಯಕ್ಷ ನಾಗೇಶ್, ಉಪಾಧ್ಯಕ್ಷ ರಾಮಸ್ವಾಮಿ, ಮುಖಂಡರಾದ ಬೈಚಪ್ಪ, ಬೆಳಮಾರನಹಳ್ಳಿ ಆನಂದ್‍ಕುಮಾರ್, ಮಾಜಿ ಅಧ್ಯಕ್ಷ ಪಿ.ವೆಂಕಟೇಶ್, ರವಿಕುಮಾರ್, ಸಂದಪ್ಪ,ಬೇರಾರೆಡ್ಡಿ, ಗ್ರಾ.ಪಂ ಸದಸ್ಯ ರಮೇಶ್, ಮುಖಂಡರು ಹಾಗೂ ಸೊಸೈಟಿ ನಿರ್ದೇಶಕರಾದ ಬೋಚಣ್ಣ, ಚೌಡಪ್ಪ, ರವೀಂದ್ರ, ರಾಮಚಂದ್ರಪ್ಪ, ಚಲಪತಿ, ವೀರೇಗೌಡ,ರಾಮಣ್ಣ,ಮುನಿವೆಂಕಟಪ್ಪ, ಶ್ರೀನಿವಾಸಪ್ಪ, ಮಂಜುನಾಥ್, ವೈ.ಎಂ.ಮಂಜುನಾಥ್, ಸೊಸೈಟಿ ಸಿಇಒ ಶಂಕರಪ್ಪ ಮತ್ತಿತರರು ಉಪಸ್ಥಿತರಿದ್ದರು.

ಮಹಾತ್ಮಗಾಂಧಿ ಪುಣ್ಯಸ್ಮರಣೆ -‌ ಬ್ಲಾಕ್ ಕಾಂಗ್ರೇಸ್ ಕುಂದಾಪುರ

JANANUDI.COM NETWORK


ಮಹಾತ್ಮಗಾಂಧಿ ಪುಣ್ಯ ಸ್ಮರಣೆ ಕಾರ್ಯವನ್ನು ಬ್ಲಾಕ್ ಕಾಂಗ್ರೆಸ್‌ ಕಚೇರಿ ಯಲ್ಲಿ ಬೆಳಿಗ್ಗೆ 9.00 ಘಂಟೆಗೆ ನೆರವೇರಿಸಲಾಯಿತು.

ಗಾಂಧಿ ಅಂದರೆ ಸತ್ಯ ಮತ್ತು ಅಹಿಂಸೆ. ಗೋಡ್ಸೆ ಅಂದರೆ ಅಸತ್ಯ ಮತ್ತು ಹಿಂಸೆ, ಒಳ್ಳೆಯ ವಿಚಾರಕ್ಕೆ ಕೆಟ್ಟವರ ಜೊತೆ ರಾಜಿ ಮಾಡಿಕೊಳ್ಳದಿರುವುದು ಗಾಂಧಿ ತತ್ವ ಎಂದು ಬ್ಲಾಕ್ ಕಾಂಗ್ರೇಸ್ ಪ್ರಧಾನ ಕಾರ್ಯದರ್ಶಿ ವಿನೋದ್ ಕ್ರಾಸ್ಟೋ ತಿಳಿಸಿದರು.

ಇತಿಹಾಸವನ್ನು ತಿರುಚಿ ಗಾಂಧಿ ಹೆಸರನ್ನು ಕೆಡಿಸುವ ಶಕ್ತಿಗಳ ವಿರುದ್ದ ಹೋರಾಡಬೇಕಾದರೆ, ಗಾಂಧಿ ಚಿಂತನೆಗಳನ್ನು ಪ್ರತಿಯೊಬ್ಬರೂ ಅನಿವಾರ್ಯವೆಂದು ಅಶ್ವತ್ ಕುಮಾರ್ ಹೇಳಿದರು. ಸಭೆಯ ಅಧ್ಯಕ್ಷತೆಯನ್ನು ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಕಾನ್ಮಕ್ಕಿ ಹರಿಪ್ರಸಾದ್ ಶೆಟ್ಟಿ ನೆರವೇರಿಸಿದರು.ಈ ಸಂದರ್ಭದಲ್ಲಿ ಪುರಸಭೆ ಸದಸ್ಯರಾದ ಮಹಮ್ಮದ್ ಅಷ್ಪಾಕ್, ಚಂದ್ರಶೇಖರ ಖಾರ್ವಿ, ಪ್ರಭಾಕರ ಕೋಡಿ, ಗಂಗಾಧರ ಶೆಟ್ಟಿ, ರಘುರಾಮ ನಾಯ್ಕ್, ದೀಪಕ್ ಕುಮಾರ್ ಶೆಟ್ಟಿ ಕಾಳಾವರ, ಶೀನ ಪೂಜಾರಿ ಕಂದಾವರ, ಅಬ್ದುಲ್ಲ ಕೋಡಿ, ಮುನಾಫ್, ಸುಬಾಷ್ ಪೂಜಾರಿ, ಅಶೋಕ್ ಸುವರ್ಣ, ಅಭಿಜಿತ್ ಪೂಜಾರಿ, ಎಡಾಲ್ಪ್ ಡಿಕೋಸ್ಟ, ವಿವೇಕಾನಂದ, ಸಚಿನ್ ಕುಮಾರ್, ವೇಣುಗೋಪಾಲ, ಪಲ್ಲವಿ ಮತ್ತಿತರರು ಉಪಸ್ಥಿತರಿದ್ದರು.