JANANUDI.COM NETWORK
ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಸದಸ್ಯರಾದ , ಕೊಣಿ ಪಂಚಾಯತ್ ಉಪಾಧ್ಯಕ್ಷರಾದ ಅಶೋಕ್ ಭಂಡಾರಿ ಯವರನ್ನು ಅಸಂಘಟಿತ ಕಾರ್ಮಿಕರ ಕಾಂಗ್ರೆಸ್ ಸಮಿತಿಯ ಅಧ್ಯಕ್ಷರನ್ನಾಗಿ ವಿಧಾನ ಪರಿಷತ್ ಮಾಜಿ ಸಭಾಪತಿ ,ಸದಸ್ಯ ಮಾನ್ಯ ಶ್ರೀ.ಕೆ. ಪ್ರತಾಪಚಂದ್ರ ಶೆಟ್ಟಿಯವರ ಸೂಚನೆಯ ಮೇರೆಗೆ , ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಹರಿಪ್ರಸಾದ್ ಶೆಟ್ಟಿಯವರ ಶಿಫಾರಸ್ಸಿನ ಮೇರೆಗೆ ಅಸಂಘಟಿತ ಸಂಘಟನೆಯ ಜಿಲ್ಲಾದೃಕ್ಷರಾದ ವಿಶ್ವಾಸ್ ಶೆಟ್ಟಿಯವರು ನೇಮಕ ಮಾಡಿರುತ್ತಾರೆ.
ಇವರಿಗೆ ಬ್ಲಾಕ್ ಕಾಂಗ್ರೆಸ್ ಸಮಿತಿ ಅಭಿನಂದಿಸಿದೆ.
ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ
ಪ್ರತಿ ವ್ಯಕ್ತಿಯೊಬ್ಬರಿಗೆ ಪ್ರತಿದಿನ 55 ಲೀಟರ್ ನೀರು ಅಗತ್ಯವಿದ್ದು, ಅದನ್ನು ಮನೆ-ಮನೆಗೂ ಪೂರೈಸಲು ತಾಲ್ಲೂಕಿನದೆಲ್ಲೆಡೆ ಜಲಜೀವನ್ ಮಿಷನ್ ಎಂಬ ವಿನೂತನ ಯೋಜನೆ ಜಾರಿಗೊಳ್ಳಲಿದೆ ಎಂದು ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಣಾಧಿಕಾರಿ ಎಸ್.ಆನಂದ ತಿಳಿಸಿದರು.
ತಾಲ್ಲೂಕಿನ ಜೆ.ತಿಮ್ಮಸಂದ್ರ ಗ್ರಾಮ ಪಂಚಾಯಿತಿಯ ಕಾರ್ಯಾಲಯದಲ್ಲಿ ಪಂಚಾಯಿತಿ ಅಭಿವೃದ್ದಿ ಅಧಿಕಾರಿಗಳಿಗೆ ಏರ್ಪಡಿಸಿದ್ದ ಜಲಜೀವನ್‍ಮಿಷನ್ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಎಸ್.ಆನಂದ ಯಾರಿಗೂ ನೀರಿನ ಸಮಸ್ಯೆ ಕಾಡದಂತೆ ಕೊಳವೆಗಳಲ್ಲಿ ನಿತ್ಯ ನೀರು ಹರಿಸುವ ಯೋಜನೆ ಇದಾಗಿದೆ ಜಿಲ್ಲಾ ಪಂಚಾಯಿತಿಗಳ ಮೂಲಕ ಅನುಷ್ಠಾನಗೊಳ್ಳಲಿದ್ದು, ಈ ನಿಟ್ಟಿನಲ್ಲಿ ಈಗಾಗಲೇ ಪಿಡಿಓಗಳ ಮೂಲಕ ಹಳ್ಳಿಗಳ ಸರ್ವೆ ಕಾರ್ಯ ಪೂರ್ಣಗೊಳಸಬೇಕಾಗಿದೆ. ಅಂದಾಜು ಇನ್ನೊರೆಡು ವರ್ಷಗಳಲ್ಲಿಯೇ ಈ ಯೋಜನೆಯನ್ನು ಸಂಪೂರ್ಣಗೊಳ್ಳುವ ಸಾಧ್ಯತೆ ಇದೆ ಎಂದರು.
ಕೇಂದ್ರ ಸರ್ಕಾರದ ಜಲಜೀವನ್‍ಮಿಷನ್ ಯೋಜನೆಡಿಯಲ್ಲಿ ರಾಜ್ಯ ಸರ್ಕಾರ ಮನೆ ಮನೆಗೆ ಗಂಗೆ ರೂಪಿಸಿದ್ದು ಯೋಜನೆಯಡಿ 2024 ರ ವೇಳೆಗೆ ಗ್ರಾಮೀಣ ಭಾಗದ ಪ್ರತಿಯೊಂದು ಮನೆಗೂ ನಳದ ಮೂಲಕ ಶುದ್ದ ಮತ್ತು ಸುರಕ್ಷತ ಕುಡಿಯು ನೀರು ಒದಗಿಸುವ ಉದ್ದೇಶದಿಂದ “ಹರ್‍ಘರ್ ನಲ್ ಸೇ ಜಲ್” ಎಂಬ ಮಹಾತ್ವಾಂಕ್ಷೆ ಯೋಜನೆಯನ್ನು ಜಾರಿಗೊಳಿಸಲಿದ್ದು, ರಾಜ್ಯ ಸರ್ಕಾರವು 2023 ರ ಒಳಗಾಗಿ ತಾಲ್ಲೂಕಿನÀ ಎಲ್ಲಾ ಗ್ರಾಮೀಣ ಕುಟುಂಬಗಳಿಗೆ ಕಾರ್ಯತ್ಮಕ ನಳ ಸಂಪರ್ಕ ಕಲ್ಪಿಸಲು ಮನೆ ಮನೆಗೆ ಗಂಗೆ ಎಂಬ ಯೋಜನೆಯನ್ನು ಜಾರಿಗೆ ತಂದಿದೆ. ಈ ಯೋಜನೆಯಡಿ ಗ್ರಾಮೀಣ ಪ್ರದೇಶಗಳ ಪ್ರತಿ ಮನೆ ಮನೆಗೂ ಮೀಟರ್ ಅಳವಡಿಸಿ ನಲ್ಲಿ ಸಂಪರ್ಕದ ಮೂಲಕ ಕುಡಿಯುವ ನೀರು ಒದಗಿಸುತ್ತಿರುವುದು ವಿಶೇಷವಾಗಿದೆ.
ನೀರು ಪೂರೈಕೆ ಹೇಗೆ
ಹಳ್ಳಿಗಳಲ್ಲಿನ ಕುಟುಂಬ ಸಂಖ್ಯೆ ಜನ ಸಂಖ್ಯೆಯ ಲೆಕ್ಕವನ್ನು ಹಾಕಬೇಕಾಗಿದೆ. ಇದರಲ್ಲಿ ಎಷ್ಟು ಕೊಳಾಯಿಗಳ ಅವಶ್ಯಕತೆ ಇದೆ ಎಂಬುದರ ಬಗ್ಗೆ ಜಿಲ್ಲಾ ಪಂಚಾಯಿತಿಗೆ ವರದಿ ನೀಡಬೇಕಾಗಿದೆ. ಇದರ ಆದಾರದ ಮೇಲೆ ನೀರಿನ ಪೂರೈಕೆ ನಡೆಯಲಿದೆ ಪ್ರತಿ ಮನೆಮನೆಗೂ ಕೊಳಾಯಿ ಮೂಲಕವೇ ನೀರು ಪೂರೈಸುವ ತಂತ್ರ ಇದಾಗಿದೆ. ಇದಕ್ಕಾಗಿ ಕೇಂದ್ರ ಸರ್ಕಾರ, ಹಾಗೂ ರಾಜ್ಯ ಸರ್ಕಾರ ಶೇ. 45 ರಷ್ಟು ಅನುದಾನ ನೀಡುತ್ತದೆ. ಉಳಿದ ಶೇ 10 ರಷ್ಟು ಅನುದಾನ ಜಲಜೀವನ್‍ಮಿಷನ್ ಯೋಜನೆ ಅನುಷ್ಠಾನಗೊಳ್ಳುತ್ತಿರುವ ಗ್ರಾಮದ ಸಾರ್ವಜನಿಕರ ವಂತಿಕೆಯಾಗಿ ನೀಡಬೇಕಾಗುತ್ತದೆ ಎಂದರು.
ಇದೇ ಸಂದರ್ಭದಲ್ಲಿ ಜಿಲ್ಲಾ ಸ್ವಚ್ಚಭಾರತ್ ಮಿಷನ್ ಜಿಲ್ಲಾ ಸಂಯೋಜಕ ಅಧಿಕಾರಿ ಜಗದೀಶ್ ಎಇಇ ನಾರಾಯಣಸ್ವಾಮಿ, ನರೇಗಾ ಯೋಜನೆ ನಿರ್ದೇಶಕ ರಾಮಪ,್ಪ ಗ್ರಾಮ ಪಂಚಾಯಿತಿ ಅಭಿವೃದ್ದಿ ಅಧಿಕಾರಿಗಳು ಹಾಗೂ ನರೇಗಾ ಇಂಜನೀಯರ್‍ಗಳು ಉಪಸ್ಥಿತರಿದ್ದರು.
ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ
ಕೋಲಾರ ; ಸ್ಥಳೀಯ ವಿಧಾನ ಪರಿಷತ್ ಚುನಾವಣೆಗೆ ನಡೆದಿದ್ದ ಟಿಕೇಟ್ ಪೈಪೋಟಿ ಮುಗಿದಿದ್ದರೂ ಕಾಂಗ್ರೇಸ್‍ನಲ್ಲಿ ಬೂದಿ ಮುಚ್ಚಿದ ಕೆಂಡದಂತೆ ಅಸಮಧಾನ ಹೊಗೆಯಾಡುತ್ತಿದೆ. ಕೋಲಾರ ಜಿಲ್ಲಾ ಮಾಜಿ ಕಾಂಗ್ರೇಸ್ ಅಧ್ಯಕ್ಷ ಅನಿಲ್ ಕುಮಾರಿಗೆ ಕಾಂಗ್ರೇಸ್ ಟಿಕೇಟ್ ಘೋಷಣೆಯಾಗಿದೆ.ಮಾಜಿ ಕೇಂದ್ರ ರೈಲ್ವೆ ಸಚಿವ ಕೆ.ಹೆಚ್.ಮುನಿಯಪ್ಪರ ವಿರೋಧ ನಡುವೆಯೂ ಅನಿಲ್ ಕುಮಾರ್ ಟಿಕೇಟ್ ಪಡೆದುಕೊಳ್ಳುವಲ್ಲಿ ಯಶಸ್ವಿಗೊಂಡಿದ್ದಾರೆ.ಕಾಂಗ್ರೇಸ್‍ನಲ್ಲಿ ಬುಗಿಲೆದ್ದಿರುವ ಅಸಮಧಾನ ಬಿಜೆಪಿ ಮತ್ತು ಜೆಡಿಎಸ್ ಪಕ್ಷಗಳಿಗೆ ವರಧಾನವಾದರೂ ಅಚ್ಚರಿ ಪಡೆಯುವಂತಿಲ್ಲ.
ಕಳೆದ ಬಾರಿ ನಡೆದ ವಿಧಾನ ಪರಿಷತ್ ಚುನಾವಣೆಯಲ್ಲಿ ಅನಿಲ್ ಕುಮಾರ್ ಕಾಂಗ್ರೇಸ್ ಟಿಕೇಟ್ ಪಡೆದುಕೊಂಡಿದ್ದರು.ಆ ಸಮಯದಲ್ಲಿ ಕೆ.ಹೆಚ್.ಮುನಿಯಪ್ಪರ ಪಕ್ಕಾ ಬೆಂಬಲಿಗರಾಗಿ ಗುರ್ತಿಸಿಕೊಂಡಿದ್ದ ಅವರನ್ನು ಕಾಂಗ್ರೇಸ್ಸಿಗರೇ ಸೋಲಿಸಿದ್ದರು.ಅವರ ವಿರುದ್ದ ಸ್ಪರ್ಧಿಸಿದ್ದ ಜೆಡಿಎಸ್ ಅಭ್ಯರ್ಥಿ ಮನೋಹರ್ ಅತ್ಯಧಿಕ ಮತಗಳಿಂದ ಗೆಲುವು ಸಾಧಿಸಿದ್ದರು.ಅನಿಲ್‍ಕುಮಾರ್ ಸೋಲಿಗೆ ನಾವೇ ನಾಯಕರು ಎಂದು ಕಾಂಗ್ರೇಸ್ ಹೈಕಮ್ಯಾಂಡ್ ಜೊತೆಯಲ್ಲಿ ಗುರ್ತಿಸಿಕೊಂಡಿರುವವರೇ ಸೋಲಿಗೆ ಕಾರಣರಾಗಿದ್ದ ವಿಷಯ ಎಲ್ಲರಿಗೂ ತಿಳಿದಿತ್ತು.ಈಗ ಅದೇ ನಾಯಕರು ಅನಿಲ್ ಕುಮಾರ್‍ಗೆ ಟಿಕೇಟ್ ಕೊಡಿಸಿ ಗೆಲ್ಲಿಸಲು ಪ್ರಯತ್ನ ನಡೆಸುತ್ತಿದ್ದಾರೆ. ಆದರೆ ಕೆ.ಹೆಚ್. ಬೆಂಬಲಿಗರ ಕಣ್ಣಗಳನ್ನು ಕೆಂಪಗೆ ಮಾಡಿದೆ.
ಈ ಬಾರಿ ನಡೆದ ಲೋಕಸಭೆ ಚುನಾವಣೆಯಲ್ಲಿ ಸೋಲೇ ಕಾಣದ ಮಾಜಿ ಕೇಂದ್ರ ಸಚಿವ ಕೆ.ಹೆಚ್.ಮುನಿಯಪ್ಪ ರವರಿಗೆ ಟಿಕೇಟ್ ತಪ್ಪಿಸಲು ಕೋಲಾರ ಜಿಲ್ಲೆಯ ಕಾಂಗ್ರೇಸ್ ಶಾಸಕರು ನಡೆಸಿದ್ದ ಪ್ರಯತ್ನದಲ್ಲಿ ಅನಿಲ್ ಕುಮಾರ್ ಸಹ ಗುರ್ತಿಸಿಕೊಂಡಿದ್ದರು.ಎಷ್ಟೇ ತಿಪ್ಪರಲಾಗ ಹಾಕಿದರೂ ಟಿಕೇಟ್ ತಪ್ಪಿಸಲು ಸಾಧ್ಯವಾಗಲಿಲ್ಲ.ಆದರೆ ಚುನಾವಣೆಯಲ್ಲಿ ಕೆ.ಹೆಚ್.ಮುನಿಯಪ್ಪ ಅವರನ್ನು ಸೋಲಿಸುವ ಭರಾಟೆಯಲ್ಲಿ ಬಿಜೆಪಿಗೆ ಅನುಕೂಲವಾತಾವರಣ ಉಂಟಾಗಿದ್ದರಿಂದ ಲೋಕಸಭೆಗೆ ಎಸ್.ಮುನಿಸ್ವಾಮಿ ಪ್ರವೇಶ ಮಾಡಲು ಅನುಕೂಲವಾಯಿತು.ಕಾಂಗ್ರೇಸ್ ಸೋಲಿಗೆ ಕಾರಣಕರ್ತರಾದವರಿಗೆ ಎಂಎಲ್‍ಸಿ ಟಿಕೇಟ್ ನೀಡಿರುವುದು ಯಾವ ನ್ಯಾಯ ಎಂಬುದು ಕೆ.ಹೆಚ್.ಬೆಂಬಲಿಗರ ವಾದವೂ ಆಗಿದೆ.
ಇದೀಗ ಮತ್ತೇ ಕಾಂಗ್ರೇಸ್‍ನಲ್ಲಿ ಬಣ ರಾಜಕೀಯ ಪ್ರಾರಂಭವಾಗಿದೆ.ಜಿಲ್ಲೆಯಲ್ಲಿ ಕೆ.ಹೆಚ್.ಮುನಿಯಪ್ಪರದ್ದೇ ಆದ ಹವಾ ಇಂದಿಗೂ ಇದೆ.ಕೆ.ಹೆಚ್. ಅವರನ್ನ ಸೋಲಿಸಲು ಗುರ್ತಿಸಿಕೊಂಡಿದ್ದವರ ಜೊತೆಯಲ್ಲಿ ಅನಿಲ್ ಕುಮಾರ್ ಸಹ ಒಬ್ಬರು ಎಂಬ ವಿಷಯ ಜಗಜ್ಜಾಹೀರಾವಾಗಿದೆ.ಅನಿಲ್ ಕುಮಾರ್‍ಗೆ ಕಾಂಗ್ರೇಸ್ ಟಿಕೇಟ್ ಘೋಷಣೆ ಮಾಡಿರುವುದು ಸಹಜವಾಗಿ ಕೆ.ಹೆಚ್.ರವರ ಬಣಕ್ಕೆ ಅಸಮಧಾನ ತಂದಿದೆ.ಕಾಂಗ್ರೇಸ್ ಪಕ್ಷದಲ್ಲೇ ಇದ್ದು ಕೊಂಡು ಕೆ.ಹೆಚ್.ಮುನಿಯಪ್ಪರ ವಿರುದ್ದ ದುಡಿದಿರುವವರಿಗೆ ಸೂಕ್ತ ಪಾಠ ಕಲಿಸಲು ಹಾಗು ಸೋಲಿಸಲು ಈಗಿನಿಂದಲೇ ಅನಿಲ್ ಕುಮಾರ್ ವಿರುದ್ದ ಪ್ಲಾನ್ ಹಾಕಿಕೊಂಡು ಪ್ರತಿ ತಾಲ್ಲೂಕಿನಲ್ಲಿ ಕೆಲಸ ಆರಂಭಗೊಂಡಿದೆ.
ತನ್ನದೇ ಆದ ಚಾಪನ್ನು ಬೆಳೆಸಿಕೊಂಡು ರಾಜಕೀಯಕ್ಕೆ ಪ್ರವೇಶ ಮಾಡಿ ಎರಡು ಬಾರಿ ಶಾಸಕರಾಗಿ ಜಿಲ್ಲಾ ಉಸ್ತುವಾರಿ ಸಚಿವರಾಗಿದ್ದ ಕೋಲಾರ ಕ್ಷೇತ್ರದ ಮಾಜಿ ಶಾಸಕ ವರ್ತೂರ್ ಪ್ರಕಾಶ್ ರವರು ಸಹ ಅನಿಲ್ ಕುಮಾರ್ ವಿರುದ್ದ ರಾಜಕೀಯ ಸೇಡಿಗೆ ಕಾಯುತ್ತಿದ್ದವರು.ವರ್ತೂರ್ ಪ್ರಕಾಶ್ ರವರ ಸೋಲಿಗೂ ಕಾರಣಕರ್ತರಾಗಿದ್ದ ಅನಿಲ್ ಕುಮಾರ್ ವಿರುದ್ದ ವರ್ತೂರ್ ಬೆಂಬಲಿಗರಲ್ಲೂ ತೀವ್ರ ಅಸಮಧಾನ ಇದೆ.ವರ್ತೂರ್ ಪ್ರಕಾಶ್ ಮಾಜಿ ಶಾಸಕರಾದರೂ ಕೋಲಾರ ಕ್ಷೇತ್ರದಲ್ಲಿ ಅವರ ಬೆಂಬಲಿಗರ ಮಧ್ಯೆ ಇರುವ ರಾಜಕೀಯ ಸಂಬಂಧ ದಿಂದ ದೂರವಾಗದೆ ಇನ್ನಷ್ಟು ಉತ್ತಮ ಸಂಪರ್ಕ ಇಟ್ಟುಕೊಂಡು ಬಂದಿದ್ದಾರೆ.ವರ್ತೂರ್ ಅವರದ್ದೇ ಆದ ವರ್ಚಸ್ಸು ಸಹ ಇದೆ.ಅವರ ಬಣದಲ್ಲಿ ಸುಮಾರು 400 ಕ್ಕೂ ಹೆಚ್ಚು ಮಂದಿ ನಗರಸಭೆ, ಗ್ರಾಮ ಪಂಚಾಯಿತಿಗಳಲ್ಲಿ ಸದಸ್ಯರು ಇದ್ದಾರೆ ಎಂಬುದು ಇಲ್ಲಿ ಮುಖ್ಯವಾಗಿ ಗಮನಿಸಬೇಕಾದ ಅಂಶವಾಗಿದೆ.ವರ್ತೂರ್ ಪ್ರಕಾಶ್ ಕೋಲಾರಕ್ಕೆ ಮಾತ್ರ ಸೀಮಿತ ರಾಜಕಾರಣಿಯಲ್ಲ.ಜಿಲ್ಲೆಯಾಧ್ಯಂತ ತನ್ನದೇ ಆದ ಬೆಂಬಲಿಗರ ಪಡೆಯಿದೆ ಎಂಬುದು ಮುಖ್ಯವಾಗಿ ಗಮನಿಸಬೇಕಾಗಿದೆ.
ಮತ್ತೊಂದು ವಿಷಯ ಎಂದರೆ ಕಳೆದ 7 ವರ್ಷಗಳಿಂದ ಕೋಲಾರ ಜಿಲ್ಲಾ ಕಾಂಗ್ರೇಸ್ ಅಧ್ಯಕ್ಷರಾಗಿ ಪಕ್ಷದ ಸಂಘಟನೆಗೆ ತನು ಮನ ಧನ ಅರ್ಪಿಸಿ ದುಡಿದ ಕೆ.ಚಂದ್ರಾರೆಡ್ಡಿ ರವರಿಗೆ ಕುತಂತ್ರದಿಂದ ಎಂಎಲ್‍ಸಿ ಟಿಕೇಟ್ ತಪ್ಪಿಸಿರುವುದು ಅವರ ಬೆಂಬಲಿಗರಲ್ಲಿ ತೀವ್ರ ಅಸಮಧಾನ ಎದ್ದೇಳಿದೆ.ಬಂಗಾರಪೇಟೆ ಮತ್ತು ಕೆಜಿಎಫ್ ಕ್ಷೇತ್ರಗಳಲ್ಲಿ ಚಂದ್ರಾರೆಡ್ಡಿ ರವರ ಗಾಳಿ ಹೆಚ್ಚಿದೆ.ಕಳೆದ ಬಾರಿ ನಡೆದ ಪುರಸಭೆ ಮತ್ತು ಗ್ರಾಮ ಪಂಚಾಯಿತಿ ಚುನಾವಣೆಯಲ್ಲಿ ಚಂದ್ರಾರೆಡ್ಡಿ ಅವರು ನೀಡಿದ್ದ ಸಾಥ್‍ನಿಂದ ಹೆಚ್ಚಾಗಿ ಕಾಂಗ್ರೇಸ್ ಬೆಂಬಲಿಗರು ಗೆದ್ದಿದ್ದಾರೆ.ಚಂದ್ರಾರೆಡ್ಡಿ ರವರಿಗೆ ಟಿಕೇಟ್ ಕೈತಪ್ಪಿರುವುದರಿಂದ ಎದ್ದೇಳಿರುವ ಅಸಮಧಾನ ಕಾಂಗ್ರೇಸ್‍ಗೆ ಮೈನಸ್ ಆಗುವುದರಲ್ಲಿ ಸಂಶಯವಿಲ್ಲ.
ಕಾಂಗ್ರೇಸ್ ಟಿಕೇಟ್ ಪೆದುಕೊಂಡು ಎರಡನೇ ಬಾರಿಗೆ ಅಗ್ನಿ ಪರೀಕ್ಷೆಗೆ ಇಳಿದಿರುವ ಅನಿಲ್ ಕುಮಾರ್ ರಿಗೆ ಅಲ್ಪಸಂಖ್ಯಾತರ ಮತಗಳ ಬಗ್ಗೆ ಚಿಂತನೆಯನ್ನುಂಟು ಮಾಡಿಸುವಂತೆ ಮಾಡಿದೆ.ಕೋಲಾರ ಕ್ಷೇತ್ರಕ್ಕೆ ಕಾಂಗ್ರೇಸ್ ನಿಂದ ಈ ಹಿಂದೆ ಹಾಲಿ ಎಂಎಲ್‍ಸಿ ನಜೀರ್ ಅಹಮದ್ ಸ್ಪರ್ಧೆ ಮಾಡಿದ್ದರು. ಆ ಸಮಯದಲ್ಲಿ ಅನಿಲ್ ಕುಮಾರ್ ಜಿಲ್ಲಾಧ್ಯಕ್ಷರಾಗಿದ್ದವರು.ಜೊತೆಗೆ ಕೋಲಾರ ಕ್ಷೇತ್ರದವರೂ ಹೌದು.ಆದರೆ ಕಾಂಗ್ರೇಸ್ ಅಭ್ಯರ್ಥಿ ಪರವಾಗಿ ಪ್ರಾಮಾಣಿಕವಾಗಿ ದುಡಿಯದ ಕಾರಣ ನಜೀರ್ ಅಹಮದ್ ಸೋಲಿಗೆ ಕಾರಣರಾದರು ಎಂಬ ಆರೋಪ ಇಂದಿಗೂ ಎದುರಿಸಿಕೊಂಡು ಬರುತ್ತಿದ್ದಾರೆ. ಚುನಾವಣೆ ಮುಗಿದ ನಂತರ ಕೋಲಾರ ಕಾಂಗ್ರೇಸ್ ಭವನದಲ್ಲಿ ನಡೆದ ಸಭೆಯಲ್ಲಿ ಅನಿಲ್ ಕುಮಾರ್ ವಿರುದ್ದ ಮುಸ್ಲೀಂ ಮುಖಂಡರು ತಿರುಗಿಬಿದ್ದ ಘಟನೆ ಇಂದಿಗೂ ಮಾಸಿ ಹೋಗಿಲ್ಲ.ಕಳೆದ ಬಾರಿ ಜಮೀರ್ ಪಾಷ ರವರೂ ಸಹ ಕಾಂಗ್ರೇಸ್ ಅಭ್ಯರ್ಥಿಯಾಗಿ ಸ್ಪರ್ಧೆ ಮಾಡಿದ್ದಾರೆ.ಟೌನ್ ಬಿಟ್ಟರೆ ಗ್ರಾಮೀಣ ಭಾಗದಲ್ಲಿ ಕಾಂಗ್ರೇಸ್‍ಗೆ ಬಂದಿಲ್ಲ.ಈ ಎಲ್ಲಾ ನೆನೆಪುಗಳು ಅನಿಲ್ ಕುಮಾರ್ ಚುನಾವಣೆಗೆ ನಿಂತಿರುವುದರಿಂದ ಮತ್ತೆ ರಾಜಕೀಯವಾಗಿ ಬೆಳಕಿಗೆ ಬಂದಿದೆ.ಚರ್ಚೆಗೂ ವೇದಿಕೆಯಾಗುತ್ತಿದೆ.
ಇಂತಹ ಬೆಳೆವಣಿಗೆಗಳ ಹಿನ್ನಲೆಯಲ್ಲಿ ಕಾಂಗ್ರೇಸ್ ಅಭ್ಯರ್ಥಿ ವಿರುದ್ದ ಅಸಮಧಾನ ಬುಗಿಲೆದ್ದಿದೆ.ಈ ಅಸಮಧಾನ ಬಿಜೆಪಿ, ಜೆಡಿಎಸ್ ಎರಡೂ ಪಕ್ಷಗಳಿಗೆ ವರಧಾನವಾದರೂ ಅಚ್ಚರಿ ಪಡುವಂತಿಲ್ಲ.ಒಟ್ಟಿನಲ್ಲಿ ಅನಿಲ್ ಕುಮಾರಿಗೆ ಗೆಲುವು ಅಷ್ಟು ಸುಲಭವಲ್ಲ ಎಂಬ ಮಾತುಗಳು ರಾಜಕೀಯ ವಲಯದಲ್ಲಿ ಕೇಳಿ ಬರುತ್ತಿದೆ.
ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ
ಶ್ರೀನಿವಾಸಪುರ: ಕಲಿಕಾ ವಿದ್ಯಾವಂತ ನಿರುಧ್ಯೋಗ ಎಲ್ಲಾ ಯುವಕ-ಯುವತಿಯರು ಸ್ವಾವಲಂಬಿಯಾಗಿ ಜೀವನ ರೂಪಿಸಿಕೊಳ್ಳಲು ಉಧ್ಯೋಗದ ಮಾಹಿತಿಯನ್ನು ಸಂಪೂರ್ಣವಾಗಿ ಪಡೆಯಬೇಕು, ನಂತರ ಬರುವ ಉಧ್ಯೋಗಾವಕಾಶಗಳನ್ನು ಬಳಸಿಕೊಂಡು ಸಮಾಜದ ಮುಖ್ಯ ವಾಹಿನಿಗೆ ಬರಬೇಕು ಎಂದು ಲೀಡ್ ಬ್ಯಾಂಕ್ ವ್ಯವಸ್ಥಾಪಕರಾದ ಪಿಚ್ಚಯ್ಯ ರಾಪುರಿ ತಿಳಿಸಿದರು.
ಪಟ್ಟಣದ ಕೆ.ಐ.ಐ.ಟಿ ಕಂಪ್ಯೂಟರ್ ಸಂಸ್ಥೆಯಲ್ಲಿ, ಕೌಶಲ್ಯಾಭಿವೃದ್ದಿ ಉಧ್ಯಮಶೀಲತೆ ಹಾಗೂ ಜೀವನೋಪಾಯ ಇಲಾಖೆ, ಕರ್ನಾಟಕ ಉಧ್ಯಮಶೀಲತಾಭಿವೃದ್ದಿ ಕೇಂದ್ರ (ಸಿಡಾಕ್) ಧಾರವಾಡ, ಜಿಲ್ಲಾ ಕೈಗಾರಿಕಾ ಕೇಂದ್ರ ಕೋಲಾರ ಹಾಗೂ ಕರ್ನಾಟಕ ಕೌಶಲ್ಯಾಭಿವೃದ್ದಿ ನಿಗಮ ಬೆಂಗಳೂರು ಇವರ ಸಂಯುಕ್ತಾಶ್ರಯದಲ್ಲಿ 3 ದಿನಗಳ ಉಧ್ಯಮಶೀಲತಾ ಪ್ರೇರಣಾ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಪಿಚ್ಚಯ್ಯ ರಾಪುರಿ, ಕಳೆದ 45 ದಿನಗಳಿಂದ ಮುಖ್ಯಮಂತ್ರಿಗಳ ಕೌಶಲ್ಯ ಕರ್ನಾಟಕ ಯೋಜನೆಯಡಿ ಉಚಿತವಾಗಿ ಅಕೌಂಟ್ಸ್ ಪೇಯಬಲ್ ಮತ್ತು ರಿಸೀವಬಲ್ ಕಂಪ್ಯೂಟರ್ ತರಬೇತಿಯನ್ನು ಪಡೆದ ನಂತರ ಇಂದಿನ ಯುವ ಪೀಳಿಗೆ ಸರ್ಕಾರಿ ಉಧ್ಯೋಗವನ್ನೇ ಅವಲಂಬಿಸದೆ ಸ್ವಾವಲಂಬಿಯಾಗಿ ಬದುಕಲು ಇಂತಹ ತರಬೇತಿಗಳನ್ನು ಪಡೆದುಕೊಂಡು ಸಮಾಜದಲ್ಲಿ ಮುಂದೆ ಬರಬೇಕು.
ಹೊಸ ಉಧ್ಯಮಗಳ ಸ್ಥಾಪನೆಗೆ ಈ ಅವಕಾಶಗಳು, ಮಾರುಕಟ್ಟೆ ಸಮೀಕ್ಷೆ, ಯೋಜನಾ ವರಧಿ, ಲೆಕ್ಕ ಪತ್ರಗಳ ನಿರ್ವಹಣೆ, ಮಾರಾಟದ ತಂತ್ರಗಳು ಬ್ಯಾಂಕಿನಿಂದ ಸಾಲ ಪಡೆಯಬೇಕಾದರೆ ಅನುಸರಿಸಬೇಕಾದ ಕ್ರಮಗಳು ಹಾಗೂ ಸರ್ಕಾರದವಿವಿಧ ಸಹಾಯಧನ ಯೋಜನೆಗಳಲ್ಲಿ ಬ್ಯಾಂಕುಗಳ ಪಾತ್ರದ ಬಗ್ಗೆ ವಿವರವಾಗಿ ತಿಳಿಸುತ್ತಾ, ಕೇಂದ್ರÀ ಮತ್ತು ರಾಜ್ಯ ಸರ್ಕಾರದ ಯುವ ಜನಾಂಗಕ್ಕೆ ಸ್ವಾವಲಂಬಿ ಜೀವನ ನಡೆಸಲು ಸಾಕಷ್ಟು ಯೋಜನೆಗಳನ್ನು ಜಾರಿಗೆ ತಂದಿದೆ, ಇಂದು ನೀವು ಉದ್ಯಮರಾಗಬೇಕೆಂಬ ಹಂಬಲದಿಂದ ತರಬೇತಿ ಪಡೆಯಲು ಆಗಮಿಸಿರುವ ನಿಮಗೆ ಅಭಿನಂದನೆಗಳನ್ನು ತಿಳಿಸುತ್ತೇನೆ. ಉಧ್ಯಮ ಶೀಲದಲ್ಲಿ ಎದುರಿಸಬೇಕಾದ ಪ್ರಮುಖ ವಿಚಾರಗಳ ಬಗ್ಗೆ 3 ದಿನಗಳ ಕಾಲ ತರಬೇತಿ ನೀಡಲಿದ್ದು, ಇದನ್ನು ಪ್ರತಿಯೊಬ್ಬ ವಿದ್ಯಾರ್ಥಿಯೂ ಸದುಪಯೋಗ ಪಡಿಸಬೇಕೆಂದು ತಿಳಿಸಿದರು.
ಸಂಸ್ಥೆಯ ಕೇಂದ್ರ ನಿರ್ದೇಶಕರಾದ ಎನ್. ಕೃಷ್ಣಮೂರ್ತಿ ಮಾತನಾಡಿ, ಸರ್ಕಾರದಿಂದ ಕಳೆದ 45 ದಿನಗಳಿಂದ ಉಚಿತವಾಗಿ ಕಂಪ್ಯೂಟರ್ ತರಬೇತಿ ಪಡೆದ ನೀವು, ಉಚಿತವಾಗಿ ತರಬೇತಿಯನ್ನು ಪಡೆದಿದ್ದೇನೆ ಎಂಬಮನೋಬಾವನೆಯನ್ನು ಬಿಟ್ಟು ತರಬೇತಿ ಪಡೆದ ನಂತರ ಸ್ವಾವಲಂಬಿ ಜೀವನ ನಡೆಸಲು, ಸರ್ಕಾರಿ ಉಧ್ಯೋಗವನ್ನೇ ಅವಲಂಬಿಸದೆ ಸ್ವಂತ ಉಧ್ಯೋಗವನ್ನು ಮಾಡುವುದರೊಂದಿಗೆ ನೀವುಗಳು ಇನ್ನೂ ಹಲವಾರು ಯುವ ಜನಾಂಗಕ್ಕೆ ಕೆಲಸವನ್ನು ನೀಡುವುದರ ಮುಖಾಂತರ ಪ್ರೇರಣೆಯಾಗಬೇಕು, ದೇಶ ಆರ್ಥಿಕವಾಗಿ ಸದೃಢವಾಗಲು ನಾವೇ ಉಧ್ಯೋಗವನ್ನು ಸೃಷ್ಟಿಸುವ ಕಾರ್ಯಕ್ಕೆ ಮುಂದಾಗಬೇಕೆಂದು ಶಿಭಿರಾರ್ಥಿಗಳಿಗೆ ತಿಳಿಸಿದರು.
ಈ ಸಂದರ್ಭದಲ್ಲಿ ಸಾಫ್ಟ್ ಸ್ಕಿಲ್ ತರಬೇತುದಾರ ಸ್ಟಾರ್ ವೆಂಕಟೇಶ್ ಹಾಗೂ ಎ.ಡಿ.ಎಸ್.ಡಿ.ಒ. ನಂದನ್ ಮಾತನಾಡಿದರು.
ಇದೆ ಸಂದರ್ಭದಲ್ಲಿ ಕೇಂದ್ರ ವ್ಯವಸ್ಥಾಪಕರಾದ ಆರ್. ರಾಧ, ಸಿಡಾಕ್ ಕಚೇರಿಯ ತರಬೇತಿದಾರ ಆರ್. ಕಲ್ಯಾಣ್ ಕುಮಾರ್ ಹಾಗೂ ತರಬೇತಿಯ ಶಿರಾರ್ಥಿಗಳು ಹಾಜರಿದ್ದರು.
ವರದಿ: ವಾಲ್ಟರ್ ಮೊಂತೇರೊ, ಬೆಳ್ಮಣ್ಣು
ಇತಿಹಾಸ ಪ್ರಸಿದ್ಧಿ ಪಡೆದಿರುವ ಮೂಂಡ್ಕೂರು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದಲ್ಲಿ ಅಂಗಾರಕ ಸಂಕಷ್ಟಹರ ಚತುರ್ಥಿಯ ಅಂಗವಾಗಿ ನಂದಳಿಕೆ ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಭಜನಾ ಮಂಡಳಿಯ ವತಿಯಿಂದ ಮಂಗಳವಾರ ಶ್ರೀ ಕ್ಷೇತ್ರದ ಆವರಣದಲ್ಲಿ ಕುಣಿತ ಭಜನಾ ಕಾರ್ಯಕ್ರಮ ಜರಗಿತು.
ಮುಂಡ್ಕೂರು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಪ್ರಧಾನ ಅರ್ಚಕರಾದ ರಾಮದಾಸ್ ಆಚಾರ್ಯ ಅವರು ಭಜನಾ ಮಂಡಳಿಯ ಸದಸ್ಯರಿಗೆ ಶ್ರೀ ದುರ್ಗಾಪರಮೇಶ್ವರೀ ಅಮ್ಮನವರ ಮಹಾಪ್ರಸಾದ ನೀಡಿ ಗೌರವಿಸಿದರು.
ಈ ಸಂದರ್ಭದಲ್ಲಿ ಮುಂಡ್ಕೂರು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ವ್ಯವಸ್ಥಾಪನ ಸಮಿತಿಯ ಅಧ್ಯಕ್ಷರಾದ ರವೀಂದ್ರ ಶೆಟ್ಟಿ, ವ್ಯವಸ್ಥಾಪನ ಸಮಿತಿಯ ಸದಸ್ಯರಾದ ರಘುವೀರ್ ಎಂ. ಶೆಣೈ, ಪ್ರಸಾದ್ ಎಂ. ಶೆಟ್ಟಿ, ಲಕ್ಷೀ ಸೋಮನಾಥ ಪೂಜಾರಿ, ನಂದಳಿಕೆ ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಭಜನಾ ಮಂಡಳಿಯ ಅಧ್ಯಕ್ಷೆ ಸುಲೋಚನಾ ಕೋಟ್ಯಾನ್, ಮುಂಡ್ಕೂರು ದೇವಸ್ಥಾನದ ಅರುಣ್ ರಾವ್, ಶಿವಪ್ರಸಾದ್ ರಾವ್, ಮನೋಹರ್ ಮೂಲ್ಯ, ಭಜನಾ ಮಂಡಳಿ ಕಾರ್ಯದರ್ಶಿ ಹರಿಣಾಕ್ಷಿ ಪೂಜಾರಿ, ನಂದಳಿಕೆ ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್‍ನ ಅಧ್ಯಕ್ಷರಾದ ಪ್ರಶಾಂತ್ ಪೂಜಾರಿ, ಸಂಚಾಲಕರಾದ ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿ, ಪೂರ್ವಾಧ್ಯಕ್ಷರಾದ ರಾಜೇಶ್ ಕೋಟ್ಯಾನ್, ರಘುವೀರ್ ಶೆಟ್ಟಿ, ಸತೀಶ್ ಪೂಜಾರಿ ಅಬ್ಬನಡ್ಕ, ಕಾರ್ಯದರ್ಶಿ ಕಾಸ್ರಬೈಲು ಸುರೇಶ್, ಉಪಾಧ್ಯಕ್ಷ ಸುರೇಶ್ ಅಬ್ಬನಡ್ಕ, ಭಜನಾ ಮಂಡಳಿಯ ಆರತಿ ಕುಮಾರಿ, ವೀಣಾ ಪೂಜಾರಿ, ಪದ್ಮಶ್ರೀ ಪೂಜಾರಿ, ಲಲಿತಾ ಆಚಾರ್ಯ, ಕೀರ್ತನ್ ಕುಮಾರ್ ಮೊದಲಾದವರಿದ್ದರು.
JANANUDI.COM NETWORK
ಕುಂದಾಪುರ,ನ.28: “ಈ ಇಗರ್ಜಿಗೆ 451 ವರ್ಷದ ಚರಿತ್ರೆ ಇದೆ, ಈ ಚರ್ಚಿನ ಪಾಲಕಿ ರೋಜರಿ ಮಾತೆ ಇಲ್ಲಿನ ಭಕ್ತರಿಗೆ 451 ವರ್ಷಗಳಿಂದ ಕಾಪಾಡಿಕೊಂಡು ಬಂದಿದ್ದಾಳೆ. ಯೇಸುವಿನ ತಾಯಿ ಮೇರಿ ಮಾತೆಯು ಇಲ್ಲಿ ರೋಜರಿ ಮಾತಾ ಹೆಸರಿನಲ್ಲಿ ಕ್ರಪಾಪೂರ್ಣೆಯಾಗಿದ್ದಳೆ. ಅವಳ ದಯೆ ಈ ಇಗರ್ಜಿಯ ಮೇಲೆ ಇದೆ, ಪ್ರಸಾದ ಪೂರ್ಣೆ ಮಾತೆ ಮರಿಯಳು ಕ್ರಪಾ ಭರಿತ ಜೀವನಕ್ಕೆ ಪ್ರೇರಣೆಯಾಗಿದ್ದಾಳೆ. ಹಾಗೆಯೇ ಈ ಇಗರ್ಜಿಯಲ್ಲಿ ಸೇವೆ ನೀಡಿದ ಧರ್ಮಗುರು ಸಂತ ಜೋಸೆಫ್ ವಾಜ್‍ರವರು ಸಂತ ಪದವಿ ಗಳಿಸಿದ್ದು, ಇದೊಂದು ಪುಣ್ಯ ಭೂಮಿಯಾಗಿದೆ. ಯೇಸು ಕ್ರಿಸ್ತರನ್ನು ನಮ್ಮ ಜೀವನದ ಆದ್ಯತೆ ನೀಡಿದರೆ ನಮ್ಮ ಜೀವನವು ಪರಿಪೂರ್ಣಗೊಳ್ಳುವುದು” ಎಂದು ಹಿಂದೆ ಕುಂದಾಪುರದಲ್ಲಿ ಸಂತ ಮೇರಿಸ್ ಪ್..ಯು.ಕಾಲೇಜಿನಲ್ಲಿ ಪ್ರಾಂಶುಪಾಲರಾಗಿದ್ದ, ಈಗ ಅಜೆಕಾರ್ ಚರ್ಚಿನ ಧರ್ಮಗುರುಗಳು, ಹಾಗೇ ಚರ್ಚಿನ ಪಿ,ಯು. ಕಾಲೇಜಿನ ಪ್ರಾಂಶುಪಾಲರಾದ ವಂ|ಫಪ್ರವೀಣ್ ಅಮ್ರತ್ ಮಾರ್ಟಿಸ್ ಸಂದೇಶ ನೀಡಿದರು..
ಅವರು 451 ವರ್ಷಗಳ ಹಿರಿಮೆಯುಳ್ಳ ಉಡುಪಿ ಧರ್ಮಪ್ರಾಂತ್ಯದ ಹಿರಿಯ ಇಗರ್ಜಿಯಾದ ಕುಂದಾಪುರ ರೋಜರಿ ಮಾತಾ ದೇವಾಲಯದ ನ. 24 ರಂದು ನಡೆದ ವಾರ್ಷಿಕ ಮಹಾ ಹಬ್ಬದ ಸಂಭ್ರಮದ ದಿವ್ಯ ಬಲಿ ಪೂಜೆಯ ನೇತ್ರತ್ವವನ್ನು ವಹಿಸಿಕೊಂಡು “ಮೇರಿ ಮಾತೆಯ ಜೀವನ ಯೇಸು ಕ್ರಿಸ್ತರ ಪ್ರೇರಣೆಯಿಂದ ಕೂಡಿದಾಗಿತ್ತು ಮಾತೆ ಮರಿಯಳು ದೇವರ ಮಹಿಮೆಗೆ ಒಳ ಪಟ್ಟಿದ್ದಳೆಂದು ಬೈಬಲನಲ್ಲಿ ವ್ಯಾಖನ್ನಿಸಿದೆ. ಹಾಗಾಗಿ ಮಾತೆಯ ಪ್ರೇರಣೆಯಿಂದ ನಾವು ನವ ಜೀವನವನ್ನು ರೂಪಿಸಿ ಕೊಳ್ಳೋಣ” ಎಂದು ಹೇಳಿದರು.
ಕುಂದಾಪುರ ಚರ್ಚಿನ ಪ್ರಧಾನ ಧರ್ಮಗುರು ಅ|ವಂ| ಸ್ಟ್ಯಾನಿ ತಾವ್ರೊ ಬಲಿ ಪೂಜೆಯಲ್ಲಿ ಭಾಗವಹಿಸಿ ಧನ್ಯವಾದಗಳನ್ನು ಅರ್ಪಿಸಿದರು. ವಲಯದ ಹೆಚ್ಚಿನ ಎಲ್ಲ ಇಗರ್ಜಿಗಳ ಧರ್ಮಗುರುಗಳು, ಕುಂದಾಪುರದ ಸಹಾಯಕ ಧರ್ಮಗುರುಗಳು ಪವಿತ್ರ ಬಲಿದಾನದಲ್ಲಿ ಭಾಗಿಯಾಗಿದ್ದರು. ಕಟ್ಕರೆ ಬಾಲಾ ಯೇಸುವಿನ ಸುಪೀರಿಯರ್ ಧರ್ಮಗುರು ವಂ|ಆಲ್ವಿನ್ ಸಿಕ್ವೇರಾ ಗಾಯನ ಮಂಡಳಿಗೆ ನಿರ್ದೇಶನ ನೀಡಿದರು. ಹಬ್ಬದ ಪೋಷಕರಾದ ಜೋನ್ ಡಿಸೋಜಾ, ಫೆಲ್ಸಿಯಾನ್ ಡಿಸೋಜಾ, ಸನ್ನಿ ಡಿಸೋಜಾ ಉಪಸ್ಥಿತರಿದ್ದರು.
JANANUDI.COM NETWORK
ಕುಂದಾಪುರ,ನ.24: ಕುಂದಾಪುರ ರೊಜಾರಿ ಮಾತೆ ಇಗರ್ಜಿಯ ಈ ವರ್ಷದ (23-11-21) ತೆರಾಲಿ ಜಾತ್ರೆಯು, ಪಲ್ಲಕ್ಕಿಯಲ್ಲಿರುವ ರೋಜರಿ ಮಾತೆಯನ್ನು ಆಶಿರ್ವಚನದ ಮೂಲಕ ಆರಂಭ ಗೊಂಡಿತು. ಬಳಿಕ ಜಪಮಾಲೆ ಭಕ್ತಿಯನ್ನು ಮಾಡಲಾಯಿತು. ನಂತರ ದೇವರ ವಾಕ್ಯದ ಭಕ್ತಿಯನ್ನು ಆಚರಿಸಲಾಯಿತು
ಈ ಪೂಜಾ ವಿಧಿಯನ್ನು ತ್ರಾಸಿ ಡೋನ್ ಬಾಸ್ಕೊ ಕೇಂದ್ರದ ಸಿ.ಬಿ.ಎಸ್.ಸಿ. ಶಾಲೆಯ ಪ್ರಾಂಶುಪಾಲ ವಂ|ಫಾ|ಮ್ಯಾಕ್ಷಿಮ್ ಡಿಸೋಜಾ ನಡೆಸಿಕೊಟ್ಟು ’ಒಂದು ಚಿತ್ರಕ್ಕೆ ಜೀವ ಇರುವುದಿಲ್ಲ, ಆದರೆ ಆ ಚಿತ್ರಕ್ಕೆ ಕೆಲವು ಸಮಯದ ತನಕ ನೋಡುತ್ತಾ ಇದ್ದರೆ, ನಮ್ಮಳೊಗೆ ಆ ಚಿತ್ರಕ್ಕೆ ಜೀವ ಬರುತ್ತದೆ’ ದೇವರ ವಾಕ್ಯಗಳು ಕೂಡ ಹಾಗೇ, ಅವಗಳು ಅರ್ಥವಾಗ ಬೇಕಾದರೆ ನಾವು ಆಸಕ್ತಿಯಿಂದ, ಆಳವಾಗಿ ಚಿತ್ತವಿಟ್ಟು ಕೇಳಿಕೊಳ್ಳಬೇಕು ಮನನ ಮಾಡಿಕೊಳ್ಳಬೇಕು. ದೇವರ ವಾಕ್ಯದಿಂದ ಯೇಸು ಕ್ರಿಸ್ತನ, ಪರಮ ವೈರಿಯಾದ ಸಾವ್ಲನು ಪರಿವರ್ತನೆಗೊಂಡು, ಬಳಿಕ ಆತ ಯೇಸು ಕ್ರ್ರಿಸ್ತನ ಪರಮ ಶಿಸ್ಯನಾಗಿ ಪಾವ್ಲ್ ಆಗಿ ಮಾರ್ಪಾಡು ಗೊಳ್ಳುತ್ತಾನೆ. ದೇವರ ವಾಕ್ಯಗಳಲ್ಲಿ ನಮಗೆ ಜೀವನದಲ್ಲಿ ಬೇಕಾಗಿರುವ ಸಂದೇಶಗಳಿವೆ. ದೇವರ ವಾಕ್ಯಗಳನ್ನು ಪರಿಪೂರ್ಣವಾಗಿ ಪಾಲಿಸಿದ್ದು ಯೇಸುವಿನ ತಾಯಿ ಮೇರಿ ಮಾತೆ, ಕುಂದಾಪುರದವರು ಭಾಗ್ಯವಂತರು, ಮೇರಿ ಮಾತೆ ಕುಂದಾಪುರದಲ್ಲಿ ರೋಜರಿ ಮಾತೆ ಎಂಬ ಹೆಸರಿನಲ್ಲಿ 451 ವರ್ಷಗಳಷ್ಟು ಹಿಂದಿನಿಂದ ನಿಮ್ಮನ್ನು ಕಾಪಾಡಿಕೊಂಡು ಸಲಹುತ್ತಾ ಬಂದಿದ್ದಾಳೆ. ನಾವು ಮೇರಿ ಮಾತೆಯ ಆದರ್ಶವನ್ನು ಜೀವನದಲ್ಲಿ ಅಳವಡಿಸಿಕೊಳ್ಳೋಣ’ ಎಂದು ಅವರು ಸಂದೇಶ ನೀಡಿದರು
ದೇವರ ವಾಕ್ಯದ ಭಕ್ತಿ ಸಂಭ್ರಮದ ವಿಧಿಯಲ್ಲಿ ಸಂತ ಜುಜೆ ವಾಜ್ ಇವರಿಗೆ ಸಮರ್ಪಿಲ್ಪಟ್ಟ ಕುಂದಾಪುರ ವಲಯದ, ಹೆಚ್ಚಿನ ಇಗರ್ಜಿಗಳ ಧರ್ಮಗುರುಗಳು, ಕಟ್ಖರೆ ಬಾಲ ಯೇಸು ಆಶ್ರಮದ ಧರ್ಮಗುರುಗಳು ಹಾಗೂ ಅತಿಥಿ ಧರ್ಮಗುರುಗಳು, ಕುಂದಾಪುರದ ಸಹಾಯಕ ಧರ್ಮಗುರು ವಂ|ವಿಜಯ್ ಡಿಸೋಜಾ ಪಾಲ್ಗೊಂಡರು. ಹಬ್ಬದ ಪೆÇೀಷಕರಾದ ಜೋನ್ ಡಿಸೋಜಾ, ಪತ್ನಿ ಫೆಲ್ಸಿಯಾನ್ ಡಿಜೋಜಾ ಮತ್ತು ಕುಟುಂಬ ಉಪಸ್ಥಿತರಿದ್ದರು. ಕಟ್ಕರೆ ಬಾಲಾ ಯೇಸು ಆಶ್ರಮದ ಸುಪೀರಿಯರ್ ವಂ|ಫಾ|ಆಲ್ವಿನ್‍ಸಿಕ್ವೇರಾ ಗಾಯನ ಮಂಡಳಿಗೆ ನಿರ್ದೇಶನ ನೀಡಿದರು. ಕುಂದಾಪುರ ಇಗರ್ಜಿಯ ಪ್ರಧಾನ ಧರ್ಮಗುರುಗಳಾದ ಅ|ವಂ|ಸ್ಟ್ಯಾನಿ ತಾವ್ರೊ, ವಂದಿಸಿದರು.
ವರದಿ: ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ
ಶ್ರೀನಿವಾಸಪುರ: ಅಕಾಲಿಕ ಮಳೆಯಿಂದ ಹಾನಿಗೊಳಗಾದ ಬೆಳೆಗಳನ್ನು ವೀಕ್ಷಿಸಲು ಬಂದ ಹಿರಿಯ ಸಹಾಯಕ ತೋಟಗಾರಿಕೆ ಸಹಾಯಕ ನಿರ್ದೇಶಕರು ಎಂ.ಶ್ರೀನಿವಾಸನ್.
ರಾಜ್ಯದಲ್ಲಿ ಕಳೆದ ಕೆಲವು ದಿನಗಳಿಂದ ಮಳೆ ಆರ್ಭಟಿಸಿ ನಿರಂತರ ವಾಗಿ ಸುರಿಯುತ್ತಿರುವ ಮಳೆಯಿಂದಾಗಿ ಕೃಷಿ ಬೆಳೆಗಳು, ತೋಟಗಾರಿಕೆ ಬೆಳೆಗಳು ಹಾನಿಗೊಳಗಾಗಿದ್ದು ಸರ್ಕಾರ ದಿಂದ ಬೆಳೆ ಹಾನಿಗೆ ಪರಿಹಾರ ಘೋಷಣೆಯಾಗಿದ್ದು, ಹಾನಿಗೊಳಗಾದ ಬೆಳೆ ಗಳನ್ನು ವೀಕ್ಷಿಸಲುಶ್ರೀನಿವಾಸಪುರ ತಾಲ್ಲೂಕು ಹಿರಿಯ ತೋಟಗಾರಿಕೆ ನಿರ್ದೇಶಕರಾದ ಎಂ.ಶ್ರೀನಿವಾಸನ್, ಹಾಗೂ ತೋಟಗಾರಿಕೆ ಸಹಾಯಕರಾದ ಗಾಂಡ್ಲಾಹಳ್ಳಿ ಎನ್. ಮಂಜುನಾಥ್ ರವರುಗಳು ಕಸಬಾ ಹೋಬಳಿ ನಂಬಿಹಳ್ಳಿ ಗ್ರಾಮ ಪಂಚಾಯತಿವ್ಯಾಪ್ತಿಯ ವೈ.ಹೊಸಕೋಟೆ, ಶೆಟ್ಟಿ ಹಳ್ಳಿ , ಅಗ್ರಹಾರ ಸುತ್ತ ಮುತ್ತುಲ ಗ್ರಾಮ ಗಳಲ್ಲಿಬೆಳೆ ಹಾನಿಗೊಳಗಾದ ರೈತ ರನ್ನು ಸಂಪರ್ಕಿಸಿ ಸರ್ಕಾರ ದಿಂದ ಬರುವ ನಷ್ಟ ಪರಿಹಾರ ಪಡೆಯಲು ಅರ್ಜಿ ಯನ್ನು ನೀಡಲು ರೈತರಲ್ಲಿ ಮನವಿ ಮಾಡಿದರು.
JANANUDI.COM NETWORK
ಕೋಟೇಶ್ವರ: ಶ್ರೇಷ್ಟ ಸಂತ ಕವಿ ಕನಕದಾಸರು. 250 ಮಂದಿ ದಾಸರ ಪೈಕಿ ಒಬ್ಬನೇ ಒಬ್ಬ ದಾಸಾನುದಾಸನೆಂದರೇ ಅದು ಕನಕದಾಸರು. ಕನಕದಾಸರ ಪ್ರತಿಭೆ ಅಗಾಧವಾದುದ್ದು. ಕನಕದಾಸರ ಮಹಿಮೆ ಮತ್ತು ಪಂಡಿತ್ಯವನ್ನು ಸ್ವತಃ ವಾದಿರಾಜರೇ ಮೆಚ್ಚಿಕೊಂಡು ಅವರನ್ನು ಶಿಷ್ಯನಾಗಿಸಿಕೊಂಡರು. ಕನಕದಾಸರ ಭಕ್ತಿಗೆ ಒಲಿದ ಉಡುಪಿ ಶ್ರೀ ಕೃಷ್ಣ. ಈ ಭಕ್ತಿ ಒಲಿತದಿಂದ ಮೇಲ್ವರ್ಗದ ಜನರಿಗೆ ದಿಗ್ಭ್ರಂತಿ ಮತ್ತು ಆಘಾತವಾದರೂ ಕನಕದಾಸರನ್ನು ಏನೂ ಮಾಡುವುದಕ್ಕೆ ಆಗಲಿಲ್ಲ ಎಂದು ಹಿರಿಯ ನ್ಯಾಯವಾದಿ, ಸಾಹಿತಿ ಎ.ಎಸ್.ಎನ್ ಹೆಬ್ಬಾರ್ ಹೇಳಿದರು.
ಅವರು ಸೋಮವಾರ ಕರ್ನಾಟಕ ಗಮಕ ಕಲಾ ಪರಿಷತ್ತು ಬೆಂಗಳೂರು ಉಡುಪಿ ಜಿಲ್ಲಾ ಘಟಕ ಇವರ ನೇತೃತ್ವದಲ್ಲಿ ಕುಂದಾಪುರ ಗಮಕ ಕಲಾ ಪರಿಷತ್ ಮತ್ತು ಮಿತ್ರ ಸಂಗಮ ಬೀಜಾಡಿ ಗೋಪಾಡಿ ಇವರ ಸಂಯೋಜನೆಯಲ್ಲಿ ಕನಕದಾಸರ ಜಯಂತಿ ಪ್ರಯುಕ್ತ ಬೀಜಾಡಿ ಮಿತ್ರ ಸೌಧದಲ್ಲಿ ಗಮಕ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.
ಅವರು ಕನಕದಾಸರು ಕೇವಲ ದೇವರ ಸ್ತುತಿ ಮಾತ್ರ ಮಾಡಿದವರಲ್ಲ. ಸಮಾಜದ ಎಲ್ಲಾ ಕಟ್ಟ ಕಡೆಯ ವರ್ಗದ ಜನರ ಬಗ್ಗೆ ಕಳಕಳಿ ಇಟ್ಟುಕೊಂಡು ಅಧ್ಯಯನ ಮಾಡಿ ಕ್ರಾಂತಿಕಾರಿ ಕವಿಯಾಗಿದ್ದರು. ಮೇಲು ಕೀಳು ತಾರತಮ್ಯ ಎಂಬ ಭಾವನೆಗಳನ್ನು ಖಂಡಿಸಿ ತಮ್ಮ ಕೀರ್ತನೆ ಮತ್ತು ಕಾವ್ಯಗಳ ಮೂಲಕ ಎಚ್ಚರಗೊಳಿಸಿ ಪ್ರತಿಭಟಿಸಿದ್ದರು. ಅತ್ಯಂತ ಪುರಾತನವಾದ ಕಲೆ ಗಮಕ ಕಲೆ. ಇತ್ತೀಚಿನ ದಿನಗಳಲ್ಲಿ ಗಮಕ ಕಲೆ ಕ್ಷೀಣಿಸುತ್ತಿದೆ. ಈ ಅಂಶವನ್ನು ಗಮನಿಸಿ ಸರಕಾರದ ನೇತೃತ್ವದಲ್ಲಿ ಗಮಕ ಕಲಾ ಪರಿಷತ್ತ್ ರಚನೆ ಮಾಡಿಕೊಂಡು ಗಮಕದ ಉಳಿವಿಗಾಗಿ ರಾಜ್ಯದ್ಯಾಂತ ಗಮಕ ಪರಿಷತ್ ಒಳ್ಳೆಯ ಕೆಲಸ ಮಾಡುತ್ತಿದೆ ಎಂದರು.
ಕುಂದಾಪುರ ತಾಲೂಕು ಕರ್ನಾಟಕ ಗಮಕ ಕಲಾ ಪರಿಷತ್ ಅಧ್ಯಕ್ಷ ಸುಜಯೀಂದ್ರ ಹಂದೆ ಅಧ್ಯಕ್ಷತೆ ವಹಿಸಿದ್ದರು. ಉಡುಪಿ ಜಿಲ್ಲಾ ಗಮಕ ಕಲಾ ಪರಿಷತ್ ಅಧ್ಯಕ್ಷ ಸತೀಶ್ ಕುಮಾರ್ ಕೆಮ್ಮಣ್ಣು, ಬೀಜಾಡಿ ಗ್ರಾಮ ಪಂಚಾಯಿತಿ ಸದಸ್ಯ ವಾದಿರಾಜ್ ಹೆಬ್ಬಾರ್, ಮಿತ್ರ ಸಂಗಮದ ಅಧ್ಯಕ್ಷ ಚಂದ್ರಶೇಖರ ಬೀಜಾಡಿ, ಮಿತ್ರ ಸಂಗಮ ಬೆಳ್ಳಿ ಹಬ್ಬ ಸಮಿತಿ ಅಧ್ಯಕ್ಷ ಚಂದ್ರ ಬಿ.ಎನ್ ಮತ್ತಿತರರು ಉಪಸ್ಥಿತರಿದ್ದರು.
ಇದೇ ಸಂದರ್ಭದಲ್ಲಿ ಉಡುಪಿ ಜಲ್ಲಾ ಕನ್ನಡ ಸಾಹಿತ್ಯ ಪರಿಷತ್‍ಗೆ 3 ನೇ ಬಾರಿ ಅಧ್ಯಕ್ಷರಾಗಿ ಆಯ್ಕೆಯಾದ ನೀಲಾವರ ಸುರೇಂದ್ರ ಅಡಿಗ ಇವರನ್ನು ಸನ್ಮಾನಿಸಿ ಗೌರವಿಸಲಾಯಿತು.
ಕರ್ನಾಟಕ ಗಮಕ ಕಲಾ ಪರಿಷತ್ ಕಾರ್ಯದರ್ಶಿ ವಿಶ್ವನಾಥ ಕರಬ ಸ್ವಾಗತಿಸಿದರು. ಉಪನ್ಯಾಸಕ ರಾಘವೇಂದ್ರ ತುಂಗ ಕಾರ್ಯಕ್ರಮ ನಿರೂಪಿಸಿದರು. ವೇದಮೂರ್ತಿ ಕೆ.ಚಂದ್ರಶೇಖರ ಉಡುಪ ಕುಂದಾಪುರ ಗಮಕ ವಾಚನ ಮಾಡಿದರು. ಕನ್ನಡ ಉಪನ್ಯಾಸಕ ಶಿವಕುಮಾರ ಅಳಗೋಡು ಗಮಕ ವ್ಯಾಖ್ಯಾನಿಸಿದರು. ಕಾವ್ಯ ಹಂದೆ ಮತ್ತು ಮೂಕಾಂಬಿಕ ಉಡುಪ ಕನಕದಾಸರ ಕೀರ್ತನೆ ಹಾಡಿದರು.
