ಲೇಖಕರು ; ಡಾ. ನಾಗರಾಜ ಕೆ. ಎಸ್., ಸಹಾಯಕ ಪ್ರಾಧ್ಯಾಪಕರು (ಹಣ್ಣು ವಿಜ್ಞಾನ), ತೋಟಗಾರಿಕ ಮಹಾವಿದ್ಯಾಲಯ, ಕೋಲಾರ

ಲೇಖಕರು ; ಡಾ. ನಾಗರಾಜ ಕೆ. ಎಸ್., ಸಹಾಯಕ ಪ್ರಾಧ್ಯಾಪಕರು (ಹಣ್ಣು ವಿಜ್ಞಾನ), ತೋಟಗಾರಿಕ ಮಹಾವಿದ್ಯಾಲಯ, ಕೋಲಾರ
ಪ್ರತಿ ವರ್ಷ ಜುಲೈ 1 ರಂದು ಅಂತರಾಷ್ಟ್ರೀಯ ಹಣ್ಣು ದಿನಾಚರಣೆಯಾಗಿ ಆಚರಿಸಲಾಗುತ್ತದೆ. ಜರ್ಮನಿಯ ರಾಜಧಾನಿ ಬರ್ಲಿನ್ ನಲ್ಲಿ 2007ರಲ್ಲಿ ಈ ಮಹತ್ವದ ದಿನಾಚರಣೆ ಹುಟ್ಟಿಕೊಂಡಿದ್ದು, ಈ ದಿನಾಚರಣೆಯ ಮುಖ್ಯ ಧ್ಯೇಯವು ದಿನನಿತ್ಯ ಹಣ್ಣುಗಳನ್ನು ತಿನ್ನಲು ಪ್ರೇರೇಪಿಸುವುದರೊಂದಿಗೆ ಆರೋಗ್ಯವನ್ನು ಸಮತೋಲನದಲ್ಲಿಡುವುದು ಹಾಗೂ ಪ್ರೀತಿ-ಪಾತ್ರರೊಂದಿಗೆ ಹಣ್ಣುಗಳನ್ನು ಹಂಚಿಕೊಂಡು ಸಹಭಾಗಿತ್ವ ಕಾಪಾಡುವುದು ಆಗಿದೆ.
ಭಾರತೀಯ ವೈದ್ಯಕೀಯ ಸಂಶೋಧನಾ ಸಭೆ (ICMR) ಯು ಆರೋಗ್ಯ ಸಮತೋಲನದಲ್ಲಿರಲು ಒಬ್ಬ ಮನುಷ್ಯ ದಿನಕ್ಕೆ ಕನಿಷ್ಠ 100 ಗ್ರಾಂ ಹಣ್ಣು ತಿನ್ನಬೇಕು ಎಂದು ಶಿಫಾರಸ್ಸು ಮಾಡಿದೆ. ಆದುದರಿಂದ ಹಣ್ಣುಗಳನ್ನು ದಿನನಿತ್ಯ ನಾವು ತಿನ್ನಲು ರೂಢಿಯಾಗಿಸಿದ್ದಲ್ಲಿ ಹಲವು ಮಾರಕ ಕಾಯಿಲೆಗಳಿಂದ ನಮ್ಮನ್ನು ರಕ್ಷಿಸಿಕೊಳ್ಳಬಹುದಾಗಿದೆ. ಪ್ರತಿಯೊಂದು ಹಣ್ಣಿನಲ್ಲಿಯೂ ಅನ್ನಾಂಗ ಮತ್ತು ಖನಿಜಗಳು ಹೇರಳವಾಗಿರುತ್ತವೆ.
ಮುಖ್ಯವಾಗಿ ನಮ್ಮ ಉಷ್ಣ ಮತ್ತು ಸಮಶೀತೋಷ್ಣವಲಯದಲ್ಲಿರುವ ಹಣ್ಣುಗಳ ಪ್ರಾಮುಖ್ಯತೆಯನ್ನು ಇಲ್ಲಿ ತಿಳಿಸಲಾಗಿದೆ.

ಮಾವು- ಹಣ್ಣುಗಳ ರಾಜ ಎಂದೇ ಪ್ರಸಿದ್ದಿಯಾಗಿರುವ ಮಾವು ನಮ್ಮ ರಾಷ್ಟ್ರೀಯ ಹಣ್ಣು ಕೂಡ. ನಮ್ಮ ಹಿಂದೂ ಸಂಪ್ರದಾಯದಲ್ಲಿ ಮಾವು ತನ್ನದೆ ಆದ ಪ್ರಾಮುಖ್ಯತೆ ಹೊಂದಿದ್ದು, ಹಬ್ಬ ಹಾಗೂ ಶುಭ-ಸಮಾರಂಭಗಳಲ್ಲಿ ಮಾವಿನ ಎಲೆಗಳ ತೋರಣ, ಒಣ ಕಡ್ಡಿಗಳನ್ನು ಹೋಮ ಹವನಗಳಲ್ಲಿ ಬಳಸುವುದು, ಶಾರದೆಯ ಪೂಜೆಗೆ ಮಾವಿನ ಹೂವು ಬಳಸುವುದು ಪ್ರತಿತಿಯಲ್ಲಿದೆ.
ಮಾವಿನ ಹಣ್ಣಿನಲ್ಲಿ ಅನ್ನಾಂಗ ‘ಎ’ ಮತ್ತು ‘ಸಿ’ ಹೆಚ್ಚಾಗಿರುವುದರಿಂದ ಕಣ್ಣಿನ ತೊಂದರೆ ನಿವಾರಿಸುವುದು ಹಾಗೂ ದೇಹದ ರೋಗ ನಿರೋಧಕ ಶಕ್ತಿ ಹೆಚ್ಚಿಸುತ್ತದೆ. ಹಾಗೆಯೇ ಈ ಹಣ್ಣಿನಲ್ಲಿ ಕಬ್ಬಿಣಾಂಶ, ಕ್ಯಾಲ್ಸಿಯಂ ಹಾಗೂ ಫಾಸ್ಪರಸ್ ಖನಿಜಗಳು ಹೇರಳವಾಗಿರುವುದು.

ಬಾಳೆ- ಬಾಳೆಯು ಕಲ್ಪತರು ಎಂದೇ ಪ್ರಖ್ಯಾತಿ ಹೊಂದಿದೆ. ಎಕೆಂದರೆ ಇದರ ಎಲ್ಲಾ ಭಾಗಗಳು ಉಪಯುಕ್ತ. ಶುಭ ಸಮಾರಂಭಗಳಲ್ಲಿ ಬಾಳೆಗಿಡ ಬಳುಸುವುದು ಸಾಮಾನ್ಯವಾಗಿ ಕಾಣುತ್ತೇವೆ. ಬಾಳೆ ಹಣ್ಣು ಒಂದು ಶಕ್ತಿಯುತ ಆಹಾರವಾಗಿರುವುದಲ್ಲದೆ, ಕಡಿಮೆ ಪ್ರೋಟಿನ್ ಮತ್ತು ಕೊಬ್ಬಿನಾಂಶದಿಂದ ಸಮತೋಲನ ಆಹಾರವಾಗಿದೆ. ಬಾಳೆ ಹಣ್ಣಿನಲ್ಲಿ ಹೆಚ್ಚಿನ ಕಾರ್ಬೊಹೈಡ್ರೇಟಗಳಿದ್ದು, ಅತಿ ಹೆಚ್ಚಿನ ನಾರಿನಂಶದಿಂದ ಜೀರ್ಣ ಕ್ರೀಯೆಯಲ್ಲಿ ಪಾತ್ರವಹಿಸುತ್ತದೆ.

ಸೀಬೆ- ಇದನ್ನು ‘ಬಡವರ ಸೇಬು’ ಎಂದು ಕರೆಯುತ್ತಾರೆ. ಸೇಬಿನಲ್ಲಿರುವ ಪ್ರಮಾಣದಷ್ಟೆ ಪೋಷಕಾಂಶಗಳು ಇದರಲ್ಲಿದ್ದು, ಕಡಿಮೆ ಬೆಲೆಯಲ್ಲಿ ಸಿಗುವುದು. ಹಣ್ಣಿನಲ್ಲಿ ಅನ್ನಾಂಗ ‘ಸಿ’, ಥೈಯಾಮಿನ್, ರೈಬೊಫ್ಲೇವಿನ್ ಮತ್ತು ನಿಯಾಸಿನ್ ಅಂಶವು ಹೆಚ್ಚಿದ್ದು ಹಲವು ರೋಗಗಳಿಗೆ ರಾಮಬಾಣವಾಗಿದೆ.

ಪಪಾಯ- ಇದು ಒಂದು ಅದ್ಭುತ ಹಣ್ಣಾಗಿದ್ದು, ಪೋಷಕಾಂಶ ಭರಿತವಾಗಿದೆ. ಈ ಹಣ್ಣು ಜಾಮ್, ಜೆಲ್ಲಿ, ಸಿರಪ್, ವೈನ್ ಮತ್ತು ಇನ್ನಿತರ ಸಂಸ್ಕರಣೆಯಲ್ಲಿ ಬಳಕೆಯಾಗುತ್ತದೆ. ಪಪೇನ್ ಎಂಬ ಪಪಾಯ ಹಾಲಿನಂತಹ ದ್ರವವನ್ನು ಔಷಧೀಯ ತಯಾರಿಕೆಯಲ್ಲಿ ಬಳಸುತ್ತಾರೆ. ಪಪಾಯ ಎಲೆಗಳನ್ನು ಡೆಂಗ್ಯೂ ನಿವಾರಣೆಯಲ್ಲಿ ಬಳಸಲಾಗುತ್ತದೆ.

ದಾಳಿಂಬೆ- ಇದನ್ನು ದಾಳಿಂಬೆರಸ, ಸಿರಪ್ ಹಾಗೂ ಜೆಲ್ಲಿಯಲ್ಲಿ ಬಳಸುತ್ತಾರೆ. ದಾಳಿಂಬೆಯ ರಸದಿಂದ ಅನಾರ್ ರಬ್ ಎಂಬ ಸಾಸ್ ತಯಾರಿಸುತ್ತಾರೆ ಹಾಗೂ ದಾಳಿಂಬೆಯ ಒಣಗಿದ ಬೀಜಗಳನ್ನು ಅನಾರ್‍ದಾನ ಎಂದು ವ್ಯಂಜನ ಪದಾರ್ಥವಾಗಿ ಬಳಸುವುದು. ದಾಳಿಂಬೆ ರಸವನ್ನು ಜ್ವರ, ಅತಿಸಾರ, ಕುಷ್ಠರೋಗ, ಹೊಟ್ಟೆ ಸಂಬಂಧಿತ ಹಾಗೂ ಹೃದಯದ ಕಾಯಿಲೆಯ ನಿವಾರಣೆಯಲ್ಲಿ ಬಳಸುವರು.

ದ್ರಾಕ್ಷಿ: ದ್ರಾಕ್ಷಿಯು ಹೆಚ್ಚಿನ ಔಷಧಿ ಗುಣಹೊಂದಿದ್ದು, ಹಿಂದಿನ ಕಾಲದಲ್ಲಿ ಕ್ಯಾನ್ಸರ್‍ನ್ನು ಗುಣಪಡಿಸಲು ‘ಗ್ರೇಪ್ ಥೆರಪಿ’ ಎಂದು ಬಳಸುತ್ತಿದ್ದರು. ದ್ರಾಕ್ಷಿಯಲ್ಲಿರುವ ‘ರೆಸ್‍ವೆರಟ್ರಾಲ್’ ಎಂಬ ರಾಸಾಯನಿಕವು ಕ್ಯಾನ್ಸರ್ ಗುಣಪಡಿಸುವ ಸಾಮಥ್ರ್ಯ ಹೊಂದಿದೆ.
ನೇರಳೆ ಹಣ್ಣು: ನೇರಳೆಯು ಮಧುಮೇಹ, ಅತಿಸಾರ, ಹೃದಯ ಹಾಗೂ ಪಿತ್ತಕೋಶದ ಸಮಸ್ಯೆಯನ್ನು ನಿವಾರಿಸುವುದು. ಹಾಗೆಯೇ ಅಧಿಕ ರಕ್ತದೊತ್ತಡ ಕಡಿಮೆ ಮಾಡುವ ಗುಣ ಹೊಂದಿದೆ.

ಹಲಸು: ನವ ಕಲ್ಪವೃಕ್ಷ ಎಂದೇ ನಾಮಾಂಕಿತವಾಗಿರುವ ಹಲಸು, ಹಲವು ರೋಗಗಳನ್ನು ನಿವಾರಿಸುವ ಗುಣ ಹೊಂದಿದೆ. ಮಲಬದ್ಧತೆ, ಚರ್ಮದ ರೋಗ, ಊರಿಯುತವನ್ನು ನಿವಾರಿಸುವುದು. ‘ಲೆಕ್ಟೈನ್’ ಎಂಬ ಸ್ವಾಭಾವಿಕ ಪ್ರೋಟಿನ್‍ನ್ನು ಹಲಸು ಹೊಂದಿದ್ದು ಇದು ಕ್ಯಾನ್ಸರ್ ಚಿಕಿತ್ಸೆಯಲ್ಲಿ ಬಳಕೆಯಾಗುತ್ತದೆ. ಹಲಸಿನಲ್ಲಿರುವ ರಾಸಾಯನಿಕ ‘ಜಕಾಲಿನ್’ ಏಡ್ಸಗೆ ನಿರೋಧಕ ಶಕ್ತಿ ಹೊಂದಿದೆ.

ಬೆಣ್ಣೆ ಹಣ್ಣು; ಅವಕಾಡೊ ಎಂದು ಕರೆಯಲ್ಪಡುವ ಬೆಣ್ಣೆಹಣ್ಣು ಶಕ್ತಿಯ ಆಗರವಾಗಿದ್ದು ಹೆಚ್ಚಿನ ಕೊಬ್ಬಿನಾಂಶ ಹೊಂದಿದ್ದು, ಅನ್ನಾಂಗಗಳಾದ ಎ, ಬಿ ಮತ್ತು ಸಿ ಯಥೇಚ್ಚವಾಗಿದೆ. ಕಡಿಮೆ ಸಕ್ಕರೆ ಅಂಶ ಹೊಂದಿದ ಇದನ್ನು ಮಧುಮೇಹಿಗಳು ಸವಿಯಬಹುದು.

ಡ್ರಾಗನ್ ಹಣ್ಣು: ಪಿತಾಯ ಎಂದು ಕರೆಯಲ್ಪಡುವ ಡ್ರಾಗನ್ ಹಣ್ಣು ಪೋಷಕಾಂಶಗಳ ಆಗರವಾಗಿದೆ. ಕಡಿಮೆ ಕ್ಯಾಲೋರಿ ಹೊಂದಿರುವ ಈ ಹಣ್ಣು ಹೆಚ್ಚಿನ ಅನ್ನಾಂಗ ಎ ಮತ್ತು ಇ, ಆಂಟಿಆಕ್ಸಿಡೆಂಟ್‍ಗಳು, ನಾರಿನಾಂಶ, ಪಾಲಿಫೆನಾಲ್ ಹಾಗೂ ಕೆರೋಟಿನಾಯ್ಡಗಳನ್ನು ಹೊಂದಿದ್ದು ಟೈಪ್ 2 ಮಧುಮೇಹ ನಿವಾರಣೆಯಲ್ಲಿ, ತೂಕ ಕಡಿಮೆ ಮಾಡಲು, ಹೃದಯ ರೋಗನಿವಾರಣೆ, ಅಸ್ತಮಾ, ಚರ್ಮರೋಗ ಇನ್ನು ಹಲವು ರೋಗನಿವಾರಣೆಯಲ್ಲಿ ಅಧ್ಬುತ ಪಾತ್ರವಹಿಸುತ್ತದೆ.

ಹಾಗೆಯೇ ನೆಲ್ಲಿಕಾಯಿ, ಕವಳೆಹಣ್ಣು, ಲಕ್ಷ್ಮಣಫಲ, ಅಂಜೂರ, ಬೇಲದ ಹಣ್ಣು, ನಿಂಬೆ ಜಾತಿಯ ಹಣ್ಣುಗಳು (ಕಿತ್ತಳೆ/ಆರೇಂಜ್), ಅನಾನಸ್, ಸೇಬು ಇತ್ಯಾದಿ ಹಣ್ಣುಗಳನ್ನು ಸವಿಯುವುದರಿಂದ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದಾಗಿದೆ. ಬದಲಾಗುತ್ತಿರುವ ವರ್ತಮಾನದಲ್ಲಿ ಹಣ್ಣುಗಳನ್ನು ದೈನಂದಿನ ಸೇವಿಸುವುದನ್ನು ರೂಢಿಸಿಕೊಂಡರೆ ಮಾರಕ ರೋಗಗಳಿಂದ ಪಾರಾಗಿ ಉತ್ತಮ ಜೀವನ ನಮ್ಮದಾಗಿಸಿಕೊಳ್ಳಬಹುದು.

ಉದ್ಯಾವರ : ಮಸ್ಕತ್ ನಲ್ಲಿ ಹಲವು ವರ್ಷಗಳಿಂದ ನೆಟ್ವರ್ಕಿಂಗ್, ಎಲೆಕ್ಟ್ರಿಕಲ್ ಮತ್ತು ಸೆಕ್ಯೂರಿಟಿ ಸಿಸ್ಟಮ್ ಇದರ ಉದ್ಯಮಿಯಾಗಿದ್ದ ಉಡುಪಿ ಮೂಲದ ಉದ್ಯಾವರದ ನಿವಾಸಿ ಹೆನ್ರಿ ಡಿ ಅಲ್ಮೇಡಾ ನಿಧನರಾಗಿದ್ದಾರೆ. ಅವರಿಗೆ 71 ವರ್ಷ ವಯಸ್ಸಾಗಿತ್ತು. ಇವರು ಜಬಲಪುರ ಧರ್ಮ ಪ್ರಾಂತ್ಯದ ನಿವೃತ್ತ ಧರ್ಮಾದ್ಯಕ್ಷರಾದ ಅತೀ ವo. ಡಾ. ಜೆರಾಲ್ಡ್ ಅಲ್ಮೇಡ ರವರ ಸಹೋದರರಾಗಿದ್ದರು.

ಪರೋಪಕಾರಿ ಮತ್ತು ದಾನಿಯಾಗಿದ್ದ ಇವರು, ಮಸ್ಕತ್ ನಲ್ಲಿ ಕಳೆದ ಹಲವಾರು ವರ್ಷಗಳಿಂದ ಉದ್ಯೋಗ ನಡೆಸುತ್ತಿದ್ದರು. ಕಳೆದ ಗುರುವಾರವಷ್ಟೇ ಮಸ್ಕತ್ ಗೆ ತೆರಳಿ ದಾಖಲೆ ಪತ್ರ, ಲೆಕ್ಕಾಚಾರಗಳನ್ನು ಕ್ಲಿಯರ್ ಮಾಡಿ ಬರುತ್ತೇನೆಂದು ತೆರಳಿದ ಇವರು, ಇಂದು ಜೂನ್ 30 ರoದು ತಾನಿದ್ದ ಕೊಠಡಿಯಲ್ಲಿ ನಿಧನರಾಗಿದ್ದಾರೆ. ನಾಲ್ಕು ವರ್ಷಗಳ ಹಿಂದೆಯಷ್ಟೇ ಅವರ ಪುತ್ರ ನಿಧನರಾಗಿದ್ದರು.

ಉದ್ಯಾವರ ಚರ್ಚಿನ ಮರಿಯ ಮಾತೆಯ ಗ್ರೊಟ್ಟೊವನ್ನು ಪ್ರಾಯೋಜಕತ್ವವನ್ನು ಮಾಡಿದ್ದ ಇವರು, ಹಲವಾರು ಚರ್ಚುಗಳ ಯೋಜನೆಗಳಿಗೆ ನೆರವನ್ನು ನೀಡಿದ್ದರು. ವಿವಿಧ ಸಂಘ ಸಂಸ್ಥೆಗಳ ಕಾರ್ಯಕ್ರಮಗಳಿಗೆ ಪ್ರೋತ್ಸಾಹವನ್ನು ನೀಡುತ್ತಿದ್ದ ಇವರು, ಅವಿಭಾಜಿತ ಜಿಲ್ಲೆಯ ಹಲವಾರು ಯುವಕರಿಗೆ ಉದ್ಯೋಗವನ್ನು ನೀಡಿದ್ದರು.

ಅವರು ಪತ್ನಿ, ಪುತ್ರಿ, ಅಳಿಯ, ಸಹೋದರ, ಸಹೋದರಿ ಮತ್ತು ಅಪಾರ ಬಂದು ಬಳಗದವರನ್ನು ಅಗಲಿದ್ದಾರೆ. ಅಂತ್ಯಕ್ರಿಯೆಯ ವಿಧಿ ವಿಧಾನಗಳು ಉದ್ಯಾವರ ಚರ್ಚಿನಲ್ಲಿ ನಡೆಯಲಿದ್ದು, ಇನ್ನಷ್ಟೇ ಹೆಚ್ಚಿನ ಮಾಹಿತಿ ದೊರಕಬೇಕಾಗಿದೆ.

Passed away – Mrs Hilda Baretto, (86) (Fathima ward) Holy Rosary Church Kundapura

W/o Late. Late Raymond Baretto.

M/O Dorothy / late.Alex,  Nelson / Shalet, Linet / late.Michael, Ronald / Irene, Naveen, Dony / Celine, Vincy / Vanitha, Alwyn / Priya.

Funeral cortege leaves residence  ‘St. Antony Villa’  for Holy Rosary Church, Kundapura on tomorrow  02- 07-25 at 3.30 pm. Followed  By Mass At 4.00 P.M.

Contact : 9449269520

“Father’s Day Celebration” in Bajjodi The role of a father is the backbone, it is invisible but supports the entire body – Fr. Dominic Vas

ಮಂಗಳೂರು; ಜೂನ್ 29 ರ ಭಾನುವಾರ ಸಂಜೆ ಬಜ್ಜೋಡಿಯ ಇನ್ಫೆಂಟ್ ಮೇರಿ ಚರ್ಚ್‌ನಲ್ಲಿ “ತಂದೆಯರ ದಿನ” ವನ್ನು ಅದ್ಧೂರಿಯಾಗಿ ಆಚರಿಸಲಾಯಿತು. 10 ಪ್ಯಾರಿಷ್ ವಾರ್ಡ್‌ಗಳಿಂದ ಸುಮಾರು 60 ಅಪ್ಪಂದಿರು ಮತ್ತು 40 ಇತರರು ಭಾಗವಹಿಸಿದ್ದರು.
ಸಂಜೆ 5 ಗಂಟೆಗೆ ಪ್ರಾರ್ಥನಾ ಗೀತೆಯೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಯಿತು. ಅನಿತಾ ವೇಗಾಸ್ ಸಭೆಯನ್ನು ಸ್ವಾಗತಿಸಿದರು. ಅಪ್ಪಂದಿರನ್ನು ಸನ್ಮಾನಿಸುವ ಸಲುವಾಗಿ ಬಲಿಪೀಠದ ಸೇವಕರು ಸುಂದರವಾದ ನೃತ್ಯವನ್ನು ಪ್ರದರ್ಶಿಸಿದರು. ನಂತರ ಪ್ಯಾರಿಷ್ ‘ಮಹಿಳಾ ಸಂಘ’ ನಾವು ಪ್ರತಿದಿನ ಬಳಸುವ ವಿವಿಧ ತರಕಾರಿಗಳ ಮೇಲೆ ಅರ್ಥಪೂರ್ಣ ಹಾಡು-ನೃತ್ಯ ಪ್ರದರ್ಶನವನ್ನು ನೀಡಿತು, ಅವುಗಳ ವಿಶಿಷ್ಟ ಲಕ್ಷಣಗಳನ್ನು ಹೊರತಂದಿತು. “ಸೇವಾ ಆಯೋಗ್” ನ ಸಂಯೋಜಕಿ ಡಾ. ರೆನಿಟಾ ಡಿಸೋಜಾ, ತಂದೆಯಂದಿರು ಒಟ್ಟುಗೂಡಿದವರಿಗೆ ಅನೇಕ ಆಟಗಳನ್ನು ನಡೆಸಿದರು, ಅದು ಬಹಳ ಮನರಂಜನೆ ನೀಡಿತು.
ಅಪ್ಪಂದಿರಲ್ಲಿ ಇಬ್ಬರು ಪ್ರತಿನಿಧಿಗಳಾದ ಶ್ರೀ ವಿನ್ಸೆಂಟ್ ಪಿಂಟೊ ಮತ್ತು ಶ್ರೀ ಅವಿನ್ ಕುಟಿನ್ಹಾ ಅವರು ಮಕ್ಕಳ ಬೆಳವಣಿಗೆಯಲ್ಲಿ ತಂದೆಯ ಪಾತ್ರದ ಕುರಿತು ಮಾತನಾಡಿದರು, ಇದು ತುಂಬಾ ಸ್ಪೂರ್ತಿದಾಯಕವಾಗಿತ್ತು. ನಂತರ, ಪಿಪಿಸಿ ಉಪಾಧ್ಯಕ್ಷೆ ಶ್ರೀಮತಿ ಜಾನೆಟ್ ಡಿ’ಸೋಜಾ ಅವರು ಅಪ್ಪಂದಿರಿಗೆ ಅಭಿನಂದನೆ ಸಲ್ಲಿಸುತ್ತಾ, ಅವರ ಕುಟುಂಬ ಜೀವನದಲ್ಲಿ ಅವರ ಮಹಾನ್ ತ್ಯಾಗವನ್ನು ಶ್ಲಾಘಿಸಿದರು. ಅಂತಿಮವಾಗಿ, ಪ್ಯಾರಿಷ್ ವಂ। ಫಾದರ್ ಡೊಮಿನಿಕ್ ವಾಸ್, ಕುಟುಂಬದಲ್ಲಿ ಅಪ್ಪನ ಪಾತ್ರವನ್ನು ಬೆನ್ನೆಲುಬಿಗೆ ಹೋಲಿಸಿ ಮಾತನಾಡಿದರು, ಅದು ಕಾಣದಿದ್ದರೂ ಇಡೀ ದೇಹವನ್ನು ಬೆಂಬಲಿಸುತ್ತದೆ.
ಆಟಗಳಲ್ಲಿ ವಿಜೇತರಿಗೆ ಬಹುಮಾನಗಳನ್ನು ವಿತರಿಸಲಾಯಿತು ಮತ್ತು ಎಲ್ಲಾ ಅಪ್ಪಂದಿರಿಗೆ ಸ್ಮರಣೀಯ ಉಡುಗೊರೆಯನ್ನು ನೀಡಲಾಯಿತು.
ಶ್ರೀಮತಿ ರೇಷ್ಮಾ ಪಿಂಟೊ ಅವರ ಧನ್ಯವಾದಗಳೊಂದಿಗೆ ಕಾರ್ಯಕ್ರಮವು ಮುಕ್ತಾಯಗೊಂಡಿತು ಮತ್ತು ಎಲ್ಲರಿಗೂ ತಿಂಡಿಗಳು ಮತ್ತು ತಂಪು ಪಾನೀಯಗಳನ್ನು ನೀಡಲಾಯಿತು.
ಡಾ. ರೆನಿಟಾ ಮತ್ತು “ಸೇವಾ ಆಯೋಗ್” ಸದಸ್ಯರು ಕಾರ್ಯಕ್ರಮದ ಉತ್ತಮ ಸಂಘಟನೆಯನ್ನು ಎಲ್ಲರೂ ಶ್ಲಾಘಿಸಿದರು.

“Father’s Day Celebration” in Buzzjodi The role of a father is the backbone, it is invisible but supports the entire body – Fr. Dominic Vas

Mangaluru; On Sunday, June 29th evening the “Fathers’ Day” was celebrated in a grand manner at Infant Mary Church, Bajjodi. Around 60 Dads & 40 others participated from 10 parish wards.
The program began at 5pm with a prayer song. Anitha veigas welcomed the gathering. A beautiful dance was performed by the altar servers in felicitation of the Dads. Then parish ‘Women Association’ put up a meaningful song-dance performance on the various vegetables which are used by us daily, bringing out their unique features. Dr. Renita D’souza, the coordinator of “Seva Ayog” conducted many games to the Fathers’ gathered which were very entertaining.
Two of Fathers’ representatives Mr. Vincent Pinto and Mr. Avin Cutinha spoke on the role of a Dad in the growth of the Children which was very inspiring. Then, Mrs. Janet D’Souza, PPC Vice-president, spoke the words of felicitation to the Dads appreciating their great sacrifice in their family life. Finally, Fr. Dominic Vas, Parish priest, spoke comparing the role of a Dad in the family to the backbone which though unseen yet supports the whole body.
The prizes were distributed to the winners in the games and all the Fathers were awarded with a memorable gift.
The Program concluded with the vote of thanks by Mrs. Reshma Pinto and the snacks and cold drinks were served to everyone.
All appreciated the good organisation of the program by Dr. Renita and the “Seva Ayog” members.

ಕುಂದಾಪುರ: ಶಾಲೆಯಲ್ಲಿ ವಿದ್ಯಾರ್ಥಿಗಳಿಗೆ ಪ್ರಜಾಪ್ರಭುತ್ವ ಸಂಸದೀಯ ವ್ಯವಸ್ಥೆಯ ಅರಿವು ಮೂಡಿಸುವುವ ಕಾರ್ಯ ನಡೆಸಬೇಕು. ಆಗ ವಿದ್ಯಾರ್ಥಿಗಳು ಮನೆಯಲ್ಲಿ ತಮ್ಮ ಪೋಷಕರಿಗೆ ಚುನಾವಣೆಯ ಅರಿವು ಮೂಡಿಸಿ ಕಡ್ಡಾಯ ಮತದಾನ ನಡೆಯುವ ನಿಟ್ಟಿನಲ್ಲಿ ಕಾರ್ಯ ನಿರ್ವಹಿಸುತ್ತಾರೆ ಎಂದು ಜಿಲ್ಲಾ ಉತ್ತಮ ಶಿಕ್ಷಕ ಪ್ರಶಸ್ತಿ ಪುರಸ್ಕøತ ನಿವೃತ್ತ ಮುಖ್ಯ ಶಿಕ್ಷಕ ಗಣೇಶ್ ಚೆಲ್ಲೆಮಕ್ಕಿ ಹೇಳಿದರು.
ಅವರು ಶನಿವಾರ ಕುಂದಾಪುರ ಸೈಂಟ್ ಮೇರಿಸ್ ಪ್ರೌಢಶಾಲೆಯ ಶಾಲಾ ವಿದ್ಯಾರ್ಥಿ ಸಂಸತ್ತು ಉದ್ಘಾಟಿಸಿ ಮಾತನಾಡಿದರು. ಪ್ರಜಾಪ್ರಭುತ್ವದಲ್ಲಿ ನಾಯಕತ್ವ ಗುಣ ಬೆಳೆಸುವುದು ಶಿಕ್ಷಣದ ಮೂಲ ಉದ್ದೇಶ. ವಿದ್ಯಾರ್ಥಿಗಳು ಒಳ್ಳೆಯ ನಾಯಕತ್ವ ಗುಣಗಳನ್ನು ಬೆಳೆಸಿಕೊಂಡಾಗ ಮುಂದೆ ಸಮಾಜದಲ್ಲಿ ಗುರುತಿಸಿಕೊಳ್ಳತ್ತಾನೆ ಎಂದರು.
ಸಮಾರಂಭದ ಅಧ್ಯಕ್ಷತೆಯನ್ನು ಶಾಲಾ ಸಂಚಾಲಕರು, ಕುಂದಾಪುರ ವಲಯದ ಧರ್ಮಗುರುಗಳಾದ ಅತೀ ವಂ.ಫಾ.ಫೌಲ್ ರೇಗೋ ವಹಿಸಿದ್ದರು. ಶಾಲಾ ಸರಕಾರದ ರಾಜ್ಯಪಾಲೆ, ಮುಖ್ಯ ಶಿಕ್ಷಕಿ ಅಸುಂತಾ ಲೋಬೋ ಪ್ರತಿಜ್ಞಾವಿಧಿ ಬೇಧಿಸಿದರು.ಶಾಲಾ ಸಂಸತ್ತು ಸಭಾಪತಿ ಕು.ವೀಣಾ ಎಸ್ ಸಚಿವರ ಕರ್ತವ್ಯ, ಕಾರ್ಯದರ್ಶಿ ಸೌಮ್ಯ ನೂತನ ಸಚಿವರ ಪಟ್ಟಿ ವಾಚಿಸಿದರು. ಶಾಲಾ ಸರಕಾರದ ಉಪ ಮುಖ್ಯಮಂತ್ರಿ ಚರಣ ಸ್ವಾಗತಿಸಿದರು. ಮುಖ್ಯಮಂತ್ರಿ ದೃಶ್ಯ ಶಾಲಾ ಸರಕಾರದ ಕಾರ್ಯಕ್ರಮದ ಕುರಿತು ಮಾತನಾಡಿದರು.ವಿರೋಧ ಪಕ್ಷದ ನಾಯಕಿ ಸಾನ್ವಿ ವಂದಿಸಿದರು.ಶಾಲಾ ಸರಕಾರದ ಮಾರ್ಗದರ್ಶಿ ಶಿಕ್ಷಕ ಚಂದ್ರಶೇಖರ ಬೀಜಾಡಿ ಕಾರ್ಯಕ್ರಮ ನಿರೂಪಿಸಿದರು.

ಕುಂದಾಪುರ, ಜೂ. 30; ಕಥೊಲಿಕ್ ಸಭಾ ಕುಂದಾಪುರ ಘಟಕದಿಂದ ಆಯೋಜಿಸಿದ ವಲಯ ಮಟ್ಟದ ಶೆಟಲ್ ಟೂರ್ನಮೆಂಟ್ ಹಂಗಳೂರು ಆರಲ್ ಗುಡ್ಡೆ ಸಂಮೀಪದ ಕೋಸ್ಟಾ ಬ್ಯಾಡ್ಮಿಂಟನ್ ಸೆಂಟರ್ ನಲ್ಲಿ ಜೂನ್ 29 ರಂದು ನೆರವೇರಿ ಯಶಸ್ವಿ ಪೂರ್ಣ ಸಂಪನ್ನವಾಯಿತು.
ಪಂದ್ಯಾಟವನ್ನು ಉದ್ಘಾಟಿಸಿದ ನಿವೃತ್ತ ಡಿ ವೈ ಎಸ್ ಪಿ , ಖ್ಯಾತ ಬಾಡಿ ಬಿಲ್ಡರ್ , ಕರಾವಳಿ ರತ್ನ ಪ್ರಶಸ್ತಿ ಪುರಸ್ಕೃತ ವೆಲೆಂಟೈನ್ ಡಿಸೋಜಾ , ದಿನನಿತ್ಯ ಕ್ರೀಡೆಯಲ್ಲಿ ದಿನಕ್ಕೊಂದು ಗಂಟೆ ವ್ಯವಿಸುವುದರಿಂದ ಜೀವನದಲ್ಲಿ ಸವಾಲು ಎದುರಿಸಲು ಸ್ಪೂರ್ತಿ ಸಿಗುತ್ತದೆ ಎಂದರು.
ಪುರುಷ ಮತ್ತು ಮಹಿಳೆಯರಿಗೆ ವಿವಿಧ ವಿಭಾಗದಲ್ಲಿ ಪ್ರಶಸ್ತಿಯನ್ನು ವಿತರಿಸಿದ , ಸೈಂಟ್ ಪಿಯುಸ್ ಚರ್ಚಿನ ಧರ್ಮಗುರುಗಳಾದ ವಂ।ಆಲ್ಬರ್ಟ್ ಕ್ರಾಸ್ತಾ , ತಾನು ದಿನನಿತ್ಯ ಕೋಸ್ಟಾ ಬ್ಯಾಡ್ಮಿಂಟನ್ ಸೆಂಟರಲ್ಲಿ ಆಡುತ್ತಿದ್ದು , ರಾಷ್ಟ್ರೀಯ ಗುಣಮಟ್ಟದ ಬ್ಯಾಡ್ಮಿಂಟನ್ ಸೆಂಟರ್ ಇದಾಗಿದ್ದು ,ಉತ್ತಮ ಕೋಚಿಂಗ್ ವ್ಯವಸ್ಥೆಗಳು ಇದ್ದು , ಕ್ರೀಡಾ ಆಸಕ್ತರು ಉತ್ತಮ ಅವಕಾಶದ ಸದುಪಯೋಗ ಮಾಡಿಕೊಳ್ಳಬೇಕು ಎಂದರು.
ಮುಖ್ಯ ಅತಿಥಿಯಾಗಿ ಆಗಮಿಸಿದ ಬೆಂಗಳೂರಿನ ಉದ್ಯಮಿ ವ್ರಂದಾ ಲೂವಿಸ್ , ಸ್ಪರ್ಧೆ ಮತ್ತು ಜೀವನದಲ್ಲಿ, ಸೋಲು- ಗೆಲುವು ಒಂದು ಅವಿಭಾಜ್ಯ ಅಂಗವಾಗಿದೆ. ಸಕಾರಾತ್ಮಕ ಕ್ರೀಡಾ ಮನೋಭಾವದಿಂದ ಜೀವನ ಉಲ್ಲಾಸದಾಯಕವಾಗುತ್ತದೆ ಎಂದರು.
ಈ ಸಂದರ್ಭದಲ್ಲಿ ಕೋಸ್ಟಾ ಬ್ಯಾಡ್ಮಿಂಟನ್ ಕೋರ್ಟಿನ ಮಾಲಕರಾದ ಅಜಿತ್ ಡಿಕೋಸ್ಟಾ ಬ್ಯಾಡ್ಮಿಂಟನ್ ಸೆಂಟರಿನ ಮೊದಲ ವರ್ಷದ ಸಂಭ್ರಮವನ್ನು, ಕುಟುಂಬ ಸಮೇತ ಕೇಕ್ ಕತ್ತರಿಸುವ ಮೂಲಕ ಆಚರಿಸಿದರು.
ಪಂದ್ಯಾಟದಲ್ಲಿ ವಿವಿಧ ವಿಭಾಗಗಳಲ್ಲಿ ಟ್ರೋಫಿಯನ್ನು ಪಡುಕೋಣೆಯ ಆರನ್ ರೆಬೆರೋ , ಎಡ್ರಿಕ್ ರೆಬೆರೋ ಮತ್ತು ಪಡುಕೋಣೆಯ ವಿಲ್ಸನ್ ಒಲಿವೇರಾ, ಕೀರ್ತಿ ಕಿರಣ್ ಡಿಸೋಜಾ, ಹಂಗಳೂರಿನ ರೂತ್ ಕ್ವಾರ್ಡಸ್, ಡೆನ್ಸಿಲ್ ಡಿಸೋಜಾ, ಕುಂದಾಪುರದ ಡೆಪೋಡಿಲ್ ಕ್ರಾಸ್ಟೊ ಮತ್ತು ರೇಷ್ಮಾ ಡಿಸೋಜಾ ಪಡೆದರೆ , ರನ್ನರ್ಸ್ ಅಪ್ ಟ್ರೋಪಿಯನ್ನು ಕುಂದಾಪುರದ ವಿನೋದ್ ಕ್ರಾಸ್ಟೊ ಮತ್ತು ಮಿಲ್ಲರ್ ಡಿಸೋಜಾ , ಬೈಂದೂರಿನ ತಿಮೋತಿ ನಜರೆತ್, ಜೋಸ್ವಾ ಫೆರ್ನಾಂಡಿಸ್ , ಕುಂದಾಪುರದ ರೀಮಾ ಅಲ್ಮೇಡಾ , ಸ್ನೇಹಾ ಹಾಗೂ ಶೈಲಾ ಅಲ್ಮೇಡಾ, ಸುವರ್ಣ ಅಲ್ಮೇಡಾ ಪಡೆದರು.
ಸಭಾ ಕಾರ್ಯಕ್ರಮದಲ್ಲಿ ಕಥೋಲಿಕ್ ಸಭಾ ವಲಯ ಅಧ್ಯಕ್ಷರಾದ ರೇಮೀ ಫೆರ್ನಾಂಡಿಸ್ ಶುಭವನ್ನು ಕೋರಿದರೂ, ವಂ। ರಾಕ್ ಡಿಕೋಸ್ಟ ಆಶೀರ್ವದಿಸಿದರು.
ಸ್ಪರ್ಧೆಗೆ ಆಗಮಿಸಿದ ಸರ್ವರನ್ನು ಕಥೋಲಿಕ್ ಸಭಾ ಕುಂದಾಪುರ ಘಟಕದ ಅಧ್ಯಕ್ಷ ವಿಲ್ಸನ್ ಅಲ್ಮೇಡಾ ಸ್ವಾಗತಿಸಿದರು, ಕಾರ್ಯಕ್ರಮ ಸಂಚಾಲಕರಾದ ಶೈಲಾ ಅಲ್ಮೇಡಾ ವಿಜೇತರ ಪಟ್ಟಿಯನ್ನು ವಾಚಿಸಿದರು , ಕಾರ್ಯದರ್ಶಿ ಶಾಂತಿ ಪಿಂಟೊ ವಂದಿಸಿದರು, ಕಾರ್ಯಕ್ರಮದ ಇನ್ನೊರ್ವ ಸಂಚಾಲಕರದ ವಿನೋದ್ ಕ್ರಾಸ್ಟೊ ನಿರೂಪಿಸಿದರು.

ಶಿರೂರು : ಇಲ್ಲಿನ ಜ್ಞಾನದಾ ಶೈಕ್ಷಣಿಕ ಸಂಸ್ಥೆಯಲ್ಲಿ ಅಂತಾರಾಷ್ಟ್ರೀಯ ಮಾದಕ ವಸ್ತು ವಿರೋಧಿ ದಿನ ಪ್ರಯುಕ್ತ ನಶಾ ಮುಕ್ತ ಭಾರತ್ ಅಭಿಯಾನದಡಿ ಎಲ್ಲರೂ ಪ್ರತಿಜ್ಞಾ ವಿಧಿ ಸ್ವೀಕರಿಸಿದರು ಅಮಲು ಭರಿಸುವ ಮಾದಕ ವಸ್ತುಗಳ ಸೇವನೆಯಿಂದ ಮನುಷ್ಯ ಅನೇಕ ದೈಹಿಕ ಹಾಗೂ ಮಾನಸಿಕ ಕಾಯಿಲೆಗಳಿಗೆ ಒಳಗಾಗಿ ತನ್ನ ಜೀವವನ್ನು ಕಳೆದುಕೊಳ್ಳುತ್ತಿದ್ದಾನೆ ಮುಂದಿನ ಭಾವಿ ಪ್ರಜೆಗಳಾದ ನೀವೆಲ್ಲರೂ ಸದ್ಗುಣ, ಸಚ್ಚಾರಿತ್ರ್ಯ ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ದುಶ್ಚಟಗಳಿಂದ ದೂರವಿದ್ದು ಮಾದಕ ವ್ಯಸನ ಮುಕ್ತ ಸಮಾಜ ನಿರ್ಮಾಣದಲ್ಲಿ ಪಾತ್ರ ವಹಿಸಿ ಓದಿನ ಕಡೆಗೆ ಹೆಚ್ಚಿನ ಆಸಕ್ತಿ ತೋರಬೇಕು ಆಗ ಮಾತ್ರ ಸಮಾಜದಲ್ಲಿ ಉತ್ತಮ ಪ್ರಜೆಯಾಗಿ ರೂಪುಗೊಳ್ಳಲು ಸಾಧ್ಯ ಎಂದು ಸಂಸ್ಥೆಯ ಪ್ರಾಂಶುಪಾಲರಾದ ಡಾI ರವಿದಾಸ್ ಶೆಟ್ಟಿ ವಿದ್ಯಾರ್ಥಿಗಳಿಗೆ ತಿಳಿವಳಿಕೆ ನೀಡಿದರು
ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳು ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿಗಳು ಉಪಸ್ಥಿತರಿದ್ದರು.

ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ.) ಸಂತ ಜೋಸೆಫ್ ವಾಜ್ ದಕ್ಷಿಣ ವಲಯದ ನೇತೃತ್ವ ದಲ್ಲಿ ಕಥೊಲಿಕ್ ಸಭಾ ಮುಡಿಪು ಘಟಕ ಹಾಗೂ ಕರ್ನಾಟಕ ಅರಣ್ಯ ಇಲಾಖೆ ಮಂಗಳೂರು ವಲಯ ಜಂಟಿ ಆಶ್ರಯಲ್ಲಿ ಲವ್ದಾತ್ಸೊ ವನ ಮಹೋತ್ಸವ ಕಾರ್ಯಕ್ರಮ

ದಿನಾಂಕ:29-06-2025 ರಂದು ಸಂತ ಜೋಸೆಫ್ ವಾಜ್ ಪುಣ್ಯ ಕ್ಷೇತ್ರ ಮುಡಿಪು ಇಲ್ಲಿ ಕಥೊಲಿಕ್ ಸಭಾ ಮಂಗ್ಳುರ್ ಪ್ರದೇಶ್ (ರಿ.) ದಕ್ಷಿಣ ವಲಯ ಸಮಿತಿಯ ನೇತೃತ್ವದಲ್ಲಿ ಕಥೊಲಿಕ್ ಸಭಾ ಮುಡಿಪು ಚರ್ಚ್ ಘಟಕ ಹಾಗೂ ಕರ್ನಾಟಕ ಅರಣ್ಯ ಇಲಾಖೆ ವತಿಯಿಂದ ಪರಿಸರ ದಿನಾಚರಣೆಯನ್ನು ಆಚರಿಸಲಾಯಿತು.ಸಂತ ಜೋಸೆಫ್ ವಾಜ್ ಪುಣ್ಯ ಕ್ಷೇತ್ರದ ರೆಕ್ಟರ್ ಆಗಿರುವ ವಂದನೀಯ ಫಾ. ಆಸಿಸ್ಸಿ ರೆಬೆಲ್ಲೊರವರ ಆಶೀರ್ವಚನದ ನುಡಿಗಳಿಂದ ಪ್ರಾರ್ಥನೆ ಗೈದು ಶುಭ ಹಾರೈಸಿದರು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿದ್ದ ಕಥೊಲಿಕ್ ಸಭಾ ಮಂಗಳೂರು ದಕ್ಷಿಣ ವಲಯದ ಅಧ್ಯಕ್ಷರಾದ ಶ್ರೀ ಡೊಲ್ಫಿ ಡಿ ಸೋಜಾರವರು ಸರ್ವರನ್ನು ಸ್ವಾಗತಿಸಿದರು, ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಅಖಿಲ ಭಾರತ ಕ್ರೈಸ್ತ ಒಕ್ಕೂಟದ ಅಧ್ಯಕ್ಷ ರಾಗಿರುವ ಶ್ರೀ ಆಲ್ವಿನ್ ಡಿ ಸೋಜಾ ಪನೀರ್ ರವರು ಮಾತನಾಡುತ್ತಾ ಈ ಪ್ರಕೃತಿಯ ಸಮತೋಲನ ಉಳಿಸಲು ಹಾಗೂ ನಮ್ಮ ಹಾಗೂ ನಮ್ಮ ಪೀಳಿಗೆಯ ಉಳಿವಿಗಾಗಿ ಗಿಡಮರಗಳನ್ನು ಬೆಳೆಸಿ ಪೋಷಿಸಬೇಕು,ಗಿಡಗಳನ್ನು ನೆಟ್ಟರೆ ಸಾಕಾಗುವುದಿಲ್ಲ ಅವುಗಳನ್ನು ಸಂರಕ್ಷಿಸಬೇಕು ಎಂದು ಕರೆಕೊಟ್ಟರು. ಇನ್ನೋರ್ವ ಅತಿಥಿಯಾಗಿ ಭಾಗವಹಿಸಿದ್ದ ಕೋಟೆಕಾರು ವಲಯದ ಉಪವಲಯ ಅರಣ್ಯಧಿಕಾರಿಯಾದಂತಹ ಶ್ರೀ ಮೆಹಬೂಬ ಸಾಬರವರು ಮಾತನಾಡುತ್ತಾ ಇಂದು ನೆಟ್ಟ ಗಿಡಗಳನ್ನು ಪ್ರತಿಯಬ್ಬರೂ ದತ್ತು ತೆಗೆದುಕೊಂಡು ಬೇಸಿಗೆ ಕಾಲದಲ್ಲಿ ಅದಕ್ಕೆ ನೀರು ಹಾಕಿ ಸಂರಕ್ಷಿಸಬೇಕು,ದಿನಗಳು ಹೋದಂತೆ ವಿವಿಧ ಕಾರಣಗಳಿಂದ ಮರಗಳ ಸಂಖ್ಯೆ ಕಡಿಮೆಯಾಗುತ್ತಿದೆ. ಖಾಲಿ ಜಾಗದಲ್ಲಿ ಹೆಚ್ಚು ಹೆಚ್ಚು ಗಿಡಗಳನ್ನು ನೆಟ್ಟು ಸಸ್ಯ ಸಂಕುಲ ಹೆಚ್ಚಾಗುವಂತೆ ಮುತುವರ್ಜಿ ವಹಿಸಬೇಕು ಎಂದು ಕರೆಕೊಟ್ಟರು ವೇದಿಕೆಯಲ್ಲಿ ಮುಡಿಪು ಸಂತ ಜೋಸೆಫ್ ವಾಜ್ ಚರ್ಚಿನ ಪಾಲನಾ ಪರಿಷದ್ ನ ಉಪಾಧ್ಯಕ್ಷರಾದ ಶ್ರೀ ನವೀನ್ ಡಿ ಸೋಜಾ, ಕಾರ್ಯದರ್ಶಿ ಯಾದ ಶ್ರೀ ಸಂತೋಷ್ ಡಿ ಸೋಜಾ, ಕಥೊಲಿಕ್ ಸಭಾ ಮುಡಿಪು ಘಟಕದ ಅಧ್ಯಕ್ಷರಾದ ರೋಶನ್ ಡಿ ಸೋಜಾ, ಹೋಲಿ ಫ್ಯಾಮಿಲಿ ಕಾನ್ವೆಂಟ್ ಸುಪಿರಿಯರ್ ಆದಂತಹ ಸಿಸ್ಟರ್ ಫಾತಿಮಾ,ಕಥೊಲಿಕ್ ಸಭಾ ದಕ್ಷಿಣ ವಲಯದ ಕಾರ್ಯದರ್ಶಿ ಶ್ರೀಮತಿ ಟ್ರೆಸ್ಸಿ ರೊಡ್ರಿಗಸ್ ಮೊದಲಾದವರು ಉಪಸ್ಥಿತರಿದ್ದರು.
ಸಭಾ ಕಾರ್ಯಕ್ರಮದ ನಂತರ ಗಣ್ಯ ಅತಿಥಿಗಳು ಗಿಡನೆಡುವ ಮೂಲಕ ಉದ್ಘಾಟನೆ ನಡೆಸಲಾಯಿತು, ಅನಂತರ ಕಥೊಲಿಕ್ ಸಭಾ ಸದಸ್ಯರು ಪುಣ್ಯ ಕ್ಷೇತ್ರದ ವಠಾರದಲ್ಲಿ ಅರಣ್ಯ ಇಲಾಖೆಯ ಸಹಕಾರದಿಂದ ಸುಮಾರು 300 ಗಿಡಗಳನ್ನು ನೆಟ್ಟರು.
ಫೆಲಿಕ್ಸ್ ಡಿ ಸೋಜಾರವರು ಕಾರ್ಯಕ್ರಮ ನಿರೂಪಿಸಿದರು,ಶ್ರೀಮತಿ ಟ್ರೆಸ್ಸಿ ರೊಡ್ರಿಗಸ್ ರವರು ಧನ್ಯವಾದ ಸಮರ್ಪಣೆ ಮಾಡಿದರು.

ಶ್ರೀನಿವಾಸಪುರ : ಮಗುವಿಗೆ ತಾಯಿಯ ಒಡಿಲೇ ಮೊದಲನೇ ಗುರು, ಎರಡನೇಯದು ಶಾಲೆ ಈ ಒಂದು ದೃಷ್ಟಿಯಲ್ಲಿ ಮೊದಲ ಅಕ್ಷರವನ್ನು ಕಲಿಸುವ ಉದ್ದೇಶದಿಂದ ಅಂತಹ ಮಕ್ಕಳಿಗೆ ಶಾಲೆಯಲ್ಲಿ ಅಕ್ಷರಾಭ್ಯಾಸ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗುತ್ತಿದೆ ಎಂದು ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಶಾಖಾ ಮಠದ ಮಂಗಳಾನಂದನಾಥಸ್ವಾಮಿ ಹೇಳಿದರು.
ಪಟ್ಟಣ ಹೊರವಲಯದ ಬೈರವೇಶ್ವರ ವಿದ್ಯಾನಿಕೇತ ಶಾಲೆಯಲ್ಲಿ ಸೋಮವಾರ ಜ್ಞಾನಾಂಕುರ ಕಾರ್ಯಕ್ರಮದಡಿಯಲ್ಲಿ ಎಲ್‍ಕೆಜಿ ಮಕ್ಕಳಿಗೆ ಅಕ್ಷರಾಭ್ಯಾಸ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.
ಮಕ್ಕಳಿಗೆ ಕೇವಲ ಪುಸ್ತಕದ ಅಕ್ಷರ ಕಲಿಸಿದರೆ ಸಾಲದು, ಜೊತೆಗೆ ವಿದ್ಯಾರ್ಥಿಗಳಲ್ಲಿ ಸಂಸ್ಕøತಿ, ಸಂಸ್ಕಾರ ಬೆಳಸಿದಾಗ ಮಾತ್ರ ಉತ್ತಮ ವ್ಯಕ್ತಿತ್ವ ರೂಪುಗೊಂಡು ಸಮಾಜಮುಖೀಯಾಗಿ ಬದುಕಲು ಸಾಧ್ಯ. ಪ್ರತಿಯೊಬ್ಬ ಪೋಷಕರು ತಮ್ಮ ಮಕ್ಕಳನ್ನು ಶಾಲೆಗಳಿಗೆ ಕಳುಹಿಸುವುದರ ಮೂಲಕ ಸಾಕ್ಷರನ್ನಾಗಿ ಮಾಡುವುದರ ಮೂಲಕ ದೇಶದ ಅಭಿವೃದ್ದಿಗೆ ಶ್ರಮಿಸಬೇಕು . ಸಮಾಜದಲ್ಲಿ ಪ್ರಗತಿ ಹೊಂದಬೇಕಾದರೆ ಶಿಕ್ಷಣವೇ ಮೂಲಧಾರ ಎಂದರು.
ಬಿಜಿಎಸ್ ಶಾಲಾಕಾಲೇಜುಗಳ ಆಡಳಿತಾಧಿಕಾರಿ ಎನ್.ಶಿವರಾಘವರೆಡ್ಡಿ ಮಾತನಾಡಿ ಮಗುವಿನ ಪ್ರಗತಿಗೆ ಮೊದಲನೇ ಆಧಾರ ಸ್ತಂಬ ಮಗುವಿನ ತಂದೆತಾಯಿ. ಮಗುವಿನಲ್ಲಿನ ಜ್ಞಾನವನ್ನು ಗುರ್ತಿಸುವುದು ಮಗುವಿನ ತಾಯಿ. ಮಗುವಿನ ಜ್ಞಾನವನ್ನು ಗಮನಿಸುವುದು ತಂದೆತಾಯಿ ನಂತರ ಶಾಲೆಯಲ್ಲಿನ ಶಿಕ್ಷಕ. ಮಗುವಿನಲ್ಲಿನ ಸಾಮಾಥ್ರ್ಯಕ್ಕೆ ಶಿಕ್ಷಕರೊಂದಿಗೆ ಮನೆಯಲ್ಲಿ ತಂದೆತಾಯಿ ಕೈಜೋಡಿಸಿದಾಗ ಆ ಮಗುವಿನಲ್ಲಿನ ಪ್ರಗತಿಗೆ ಕಾರಣರಾಗಬಹುದಾಗಿದೆ ಎಂದರು.
ಶ್ರೀ ಮಠ ವಿದ್ಯಾರ್ಥಿಗಳಲ್ಲಿ ಸಂಸ್ಕಾರ ಬೆಳೆಸಲು ಅನೇಕ ಕಾರ್ಯಕ್ರಮಗಳು ಪೂಜ್ಯ ಸ್ವಾಮೀಜಿಗಳ ಆಶೀರ್ವಾದಗಳೊಂದಿಗೆ ಹಮ್ಮಿಕೊಳ್ಳಲಾಗುತ್ತಿದೆ ಎಂದು ಮಾಹಿತಿ ನೀಡಿದರು .
ಡಾ|| ವೈ.ವಿ.ವೆಂಕಟಾಚಲ ಮಾತನಾಡಿ ಇಂದಿನ ಮಕ್ಕಳೇ ಮುಂದಿನ ಪ್ರಜೆಗಳು ಎನ್ನುವ ದೃಷ್ಟಿಯಲ್ಲಿ ಇಂದು ನಾವೆಲ್ಲರೂ ಸೇರಿ ಆರೋಗ್ಯವಂತ ಸಮಾಜವನ್ನು ಸೃಷ್ಟಿ ಮಾಡಬೇಕಿದೆ. ಈ ಶಾಲೆಯಲ್ಲಿನ ಮಕ್ಕಳಿಗೆ ಶಿಕ್ಷಣದೊಂದಿಗೆ ಸಂಸ್ಕಾರ, ಸಂಸ್ಕøತಿಯ ಬಗ್ಗೆ ತಿಳಿಹೇಳುತ್ತಿರುವುದು ಶ್ಲಾಘನೀಯ ವಿಚಾರ. ಪೋಷಕರು ತಮ್ಮ ಮಕ್ಕಳಿಗೆ ಶಿಕ್ಷಣದೊಂದಿಗೆ ಸಂಸ್ಕಾರ, ಸಂಸ್ಕøತಿಯ ಬಗ್ಗೆ ತಿಳಿಸಿಕೊಡುತ್ತಿರುಬೇಕು ಎಂದರು.
ಮಾಲೂರು ಶಾಲಾಕಾಲೇಜು ನಿರ್ದೇಶಕ ಬಯಣ್ಣ, ನಿರ್ದೇಶಕ ಎ.ವೆಂಕಟರೆಡ್ಡಿ, ಒಡ್ಡಿಪಲ್ಲಿ ಟಿವಿಎಸ್ ಟಮೋಟೋ ಮಂಡಿ ಮಾಲೀಕ ವೆಂಕಟರಮಣಪ್ಪ , ಪ್ರಾಂಶುಪಾಲರಾದ ಕೃಷ್ಣಮೂರ್ತಿ, ಗಂಗಾಧರ್, ವೆಂಕಟರಾಮರೆಡ್ಡಿ ಇದ್ದರು.