ಕೋಲಾರ : ಜಿಲ್ಲೆಯ ಆದ್ಯತಾ ಮತ್ತು ಅಂತ್ಯೋದಯ ಪಡಿತರ ಚೀಟಿದಾರರಿಗೆ ರಾಷ್ಟ್ರೀಯ ಆಹಾರ ಭದ್ರತಾ ಯೋಜನೆಯಡಿ ಆದ್ಯತಾ ಪಡಿತರ ಚೀಟಿಯ ಪ್ರತಿ ಸದ್ಯಸರಿಗೆ 5 ಕೆ.ಜಿ ಪಡಿತರ ಧಾನ್ಯಗಳ ಹಂಚಿಕೆಯ ಜೊತೆಗೆ ಜನವರಿ -2023 ರ ಮಾಹೆಯಿಂದ ಅನ್ವಯವಾಗುವಂತೆ ಹೆಚ್ಚುವರಿಯಾಗಿ 1 ಕೆ.ಜಿ ಅಕ್ಕಿ ಹಂಚಿಕೆ ನೀಡುವಂತೆ ಆದೇಶವಾಗಿರುತ್ತದೆ .
ಆದರೆ ನಿಗಧಿತ ಅವಧಿಯಲ್ಲಿ ಸಗಟು ಮಳಿಗೆಗೆ ಎತ್ತುವಳಿಯಾಗದ ಕಾರಣ ಫೆಬ್ರವರಿ -2023 ರ ಮಾಹೆಯಲ್ಲಿ ಜನವರಿ -2023 ರ ಮಾಹೆಯ 1 ಕೆ.ಜಿ ಅಕ್ಕಿ ಹಾಗೂ ಫೆಬ್ರವರಿ -2023 ರ ಮಾಹೆಯ 1 ಕೆ.ಜಿ ಅಕ್ಕಿ ಸೇರಿ ಒಟ್ಟು 2 ಕೆ.ಜಿ ಅಕ್ಕಿಯೊಂದಿಗೆ ಎನ್‌ಎಫ್‌ಎಸ್ 5 ಕೆ.ಜಿ ಅಕ್ಕಿಯನ್ನು ಸೇರಿಸಿ ಒಟ್ಟು 7 ಕೆ.ಜಿ ಅಕ್ಕಿಯನ್ನು ಫೆಬ್ರವರಿ 2023 ರ ಮಾಹೆಯಲ್ಲಿ ಆದ್ಯತಾ ( ಬಿಪಿಎಲ್ ) ಪಡಿತರ ಚೀಟಿದಾರರಿಗೆ ಹಂಚಿಕೆ ನೀಡಲಾಗಿದೆ.
ಅಂತ್ಯೋದಯ ಪಡಿತರ ಚೀಟಿದಾರರಿಗೆ 35 ಕೆ.ಜಿ ಅಕ್ಕಿ ಇದ್ದು , ಹಂಚಿಕೆಯಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ . ಆದ್ಯತೇತರ ( ಎಪಿಎಲ್ ) ಪಡಿತರ ಚೀಟಿದಾರರಿಗೆ ಒಂದು ಸದಸ್ಯ ಇರುವ ಪಡಿತರ ಚೀಟಿಗೆ 5 ಕೆ.ಜಿ ಅಕ್ಕಿ , ಪಡಿತರ ಚೀಟಿಯಲ್ಲಿ ಒಂದಕ್ಕಿಂತ ಹೆಚ್ಚು ಸದಸ್ಯರಿರುವ ಪಡಿತರ ಚೀಟಿಗೆ 10 ಕೆ.ಜಿ ಅಕ್ಕಿ , ಪ್ರತಿ ಕೆ.ಜಿ 15 / ರೂ.ನಂತೆ ಹಂಚಿಕೆ ನೀಡಲಾಗಿದೆ ಎಂದು ಆಹಾರ ನಾಗರಿಕ ಸರಬರಾಜು ಹಾಗೂ ಗ್ರಾಹಕರ ವ್ಯವಹಾರಗಳ ಇಲಾಖೆಯ ಉಪ ನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ