ಧರ್ಮ್ ಮ್ಹಳ್ಯಾರ್ ಕೆಳ್ಯಾಚ್ಯಾ ಸಾಲಿಪರಿಂ, ಪುಣ್ ಆಧ್ಯಾತ್ಮಿಕತಾ ಮ್ಹಳ್ಯಾರ್ ಕೆಳ್ಯಾಪರಿಂ. ಆಧ್ಯಾತ್ಮಿಕತಾ ಮ್ಹಳ್ಯಾರ್ ಇಗರ್ಜ್/ಖುರಿಸ್ ವಾ ಮಂದಿತ್/ಮಸ್ಜಿದ್ ನ್ಹಯ್. ಪುಣ್ ಕೊಂಕಣಿಂತ್ ಕಿತ್ಲೆಶೆ ಕವಿ ಹೆಂ ಉಂಚ್ಲ್ಯಾ ಚಿಂತ್ಪಾಕ್ ಚಿಂತುಂಕ್ ಸಕ್ಚೆ? ಸಮಗ್ರ್ ಕೊಂಕಣಿಂತ್ (ಕೊಂಕಣಿಂತ್ಲ್ಯಾ ಸರ್ವ್ ಲಿಪಿಂತ್ಲ್ಯಾ ಕವಿತೆಂಕ್ ಧರುನ್) ಹ್ಯಾ ವಿಶ್ಯಾಚೆರ್ ಖೊಲಾಯೆನ್ ಅಧ್ಯಯನ್ ಜಾಂವ್ಚೆಂ ಹೆಂಚ್ ಪಯ್ಲೆ ಪಾವ್ಟಿಂ. ರೊಮಿ, ಕನ್ನಡ ಆನಿ ದೇವ್ನಾಗರಿ ಲಿಪಿಂನಿ ಅಪ್ರೂಪ್ ಥರ್ಯೀ ಹ್ಯಾ ಚಿಂತ್ಪಾಚ್ಯೊ ಕವಿತಾ ಬರಯಿಲ್ಲೆ ಕವಿ ಆಸಾತ್ ಆನಿ ತಾಂಚ್ಯೊ ಕವಿತಾ ಆಮಿ ಅಧ್ಯಯನ್ ಕರುಂಕ್ ಜಾಯ್. ಆಮಿಂ ಆಮ್ಚ್ಯಾ ಮತಿಂತ್ಲ್ಯೊ ಅಶೀರ್ ಚಿಂತ್ಪಾಚ್ಯೊ ವಾಟೊ ಬದ್ಲುನ್ ವಿಸ್ತಾರಿತ್, ಗಿನ್ಯಾನಿತ್ ವಾಟೆನ್ ಎಕಾಮೆಕಾ ಸಾಂಗಾತಾ ಚಲ್ಚಿ ಗರ್ಜ್ ಆಸಾ. ಹೆಚ್ ಇರಾದ್ಯಾನ್ ಆಶಾವಾದಿ ಪ್ರಕಾಶನ್, ದಲ್ಗಾದೊ ಕೊಂಕಣಿ ಅಕಾಡೆಮಿಚ್ಯಾ ಸಹಭಾಗಿತ್ವಾಂತ್ ಕಾರ್ಮೆಲ್ ಕೊಲೆಜಿಚ್ಯಾ ಸಭಾಂಗ್ಣಾಂತ್ ಜನೆರ್ 22 ತಾರಿಕೆಕ್ ಎಕಾ ದಿಸಾಚೆಂ ರಾಷ್ಟ್ರೀಯ್ ಮಟ್ಟಾಚೆಂ ಪರಿಸಂವಾದ್ ಕಾರ್ಯೆಂ ಮಾಂಡುನ್ ಹಾಡ್ತಾ.
ಹ್ಯಾ ಪರಿಸಂವಾದಾಂತ್ ಸಮಗ್ರ್ ಕೊಂಕಣಿಂತ್ಲ್ಯೊ ಆಧ್ಯಾತ್ಮಿಕ್ ಕವಿತಾ: ದೊ.ಚಂದ್ರಲೇಖ ಡಿಸೊಜಾಚ್ಯಾ ಅಧ್ಯಕ್ಷ್ಪಣಾರ್ ಚ್ಯಾರ್ ಪ್ರಪತ್ರಾಂ ಸಾದರ್ ಜಾತಲಿಂ.
1. ಮಾ. ಬಾ. ಪ್ರತಾಪ್ ನಾಯ್ಕ್ (ಜೆ.ಸ.) ಹಾಂಚ್ಯಾ ಕವಿತೆಂಚೆರ್ ಪ್ರಪತ್ರ್ ಮಾಂಡ್ತಾ: ಮಾ. ಬಾ. ಜೇಸನ್ ಪಿಂಟೊ ಉದ್ಯಾವರ್
2. ಪ್ರಕಾಶ್ ಪಡಗಾಂವ್ಕಾರ್ ಹಾಂಚ್ಯಾ ಕವಿತೆಂಚೆರ್ ಪ್ರಪತ್ರ್ ಮಾಂಡ್ತಾ: ಪ್ರಾ. ಅಂಜು ಸಾಖರ್ದಾಂಡೆ (ದೆಂಪೆ ಮಹಾವಿಧ್ಯಾಲಯಾಚ್ಯಾ ಕೊಂಕಣಿ ವಿಭಾಗಾಚಿ ಮುಖೆಸ್ತ್)
3. ಜೆಸ್ ಫೆರ್ನಾಂಡಿಸ್ ಹಾಂಚ್ಯಾ ಕವಿತೆಂಚೆರ್ ಪ್ರಪತ್ರ್ ಮಾಂಡ್ತಾ: ಬಾಯ್ ಪೂಜಾ ಸಾಂಗೊಡ್ಕಾರ್
4. ಆಂಡ್ರ್ಯೂ ಎಲ್ ಡಿಕುನ್ಹಾ ಹಾಂಚ್ಯಾ ಕವಿತೆಂಚೆರ್ ಪ್ರಪತ್ರ್ ಮಾಂಡ್ತಾ: ಕ್ಲೆರೆನ್ಸ್ ಫೆರ್ನಾಂಡಿಸ್ (ನಾನು ಮರೊಲ್ ತೊಟ್ಟಾಮ್)
ಹೆಚ್ ಸಂಧರ್ಭಾರ್ ಬಾಬ್ ಪ್ರಕಾಶ್ ದ. ನಾಯ್ಕ್ ಹಾಂಚ್ಯಾ ಅಧ್ಯಕ್ಷ್ಪಣಾರ್ ಕೊಂಕಣಿ ಕವಿಗೊಶ್ಟಿ ಚಲ್ತಲಿ. ವಾಂಟೆಲಿ ಜಾಂವ್ಚೆ ಕವಿ:
- ಚಾರ್ಲ್ಸ್ ಲೊಬೊ, ಮಂಗ್ಳುರ್
- ವಿಜಯ್ಕುಮಾರ್ ಎನ್ ಮಲ್ಯ, ಕೊಚಿನ್
- ಶೈಲೇಂದ್ರ ಮೆಹ್ತಾ, ಗೊಂಯ್
- ರಾಜಶ್ರೀ ಸೈಲ್, ಗೊಂಯ್
- ಉದಯ್ ಎನ್. ಮ್ಹಾಂಬ್ರೊ, ಗೊಂಯ್
- ಉರ್ಜಿತಾ ಭೊಬೆ, ಗೊಂಯ್
- ಆಂಡ್ರ್ಯೂ ಎಲ್. ಡಿಕುನ್ಹಾ, ಮಂಗ್ಳುರ್
- ದೊ. ಜಯಂತಿ ನಾಯ್ಕ್, ಗೊಂಯ್
ಪರಿಸಂವಾದಾಚೆಂ ಉಗ್ತಾವಣ್: ಪ್ರಾ. ದೊ. ಆಲ್ದಿನ್ಹಾ ಬ್ರಗಾಂಜ (ಪ್ರಿನ್ಸಿಪಾಲ್, ಕಾರ್ಮೆಲ್ ಕೊಲೆಜ್ ನುವೆಂ, ಗೊಂಯ್)
