ಆಶಾವಾದಿ ಪ್ರಕಾಶನ್ ಪಯ್ಣಾರಿ.ಕೊಮ್ ಚೆರ್ 2023 ಥಾವ್ನ್ 2024 ಪರ್ಯಾಂತ್ ’ಕವಿ ಆನಿ ಹಕ್ಕ್-ಮಾನ್’ ಅಂಕಣಾಂತ್ ಮಾಂಡುನ್ ಹಾಡ್‌ಲ್ಲ್ಯಾ ಮಯ್ನ್ಯಾಳ್ಯಾ ಕವಿತಾ ಸರ್ತೆಂನಿ ಭಾರಾ ಮಯ್ನ್ಯಾಂನಿ ಭಾರಾ ಮಯ್ನ್ಯಾಚೆ ಕವಿಂನಿ ಇನಾಮಾಂ ಜೊಡ್ಲ್ಯಾಂತ್. ಹಾಂತುಂ ಎಕಾ ಕವಿಕ್ ವರ್ಸಾಚೊ ಕವಿ ಜಾವ್ನ್ ವಿಂಚ್ಲಾ. ಆನಿ ತೊ ಜಾವ್ನಾಸಾ ಗೊಂಯ್ಚೊ ನಾಮ್ನೆಚೊ ಕವಿ, ಶಿಕ್ಷಕ್, ಕೊಂಕಣಿ ಚಳ್ವಳೆಕಾರ್ ಪ್ರಕಾಶ್ ದ. ನಾಯ್ಕ್.
ನಾಮ್ನೆಚೊ ಕವಿ, ಅಂಕಣ್‌ಕಾರ್ ಬಾಬ್ ಶೈಲೇಂದ್ರ ಮೆಹ್ತಾನ್ ಸಂಪಾದನ್ ಕೆಲ್ಲ್ಯಾ ’ಕವಿ ಆನಿ ಹಕ್ಕ್-ಮಾನ್’ ಅಂಕಣಾಂತ್ ಹರೇಕಾ ಮಯ್ನ್ಯಾಂತ್ ಎಕೆಕಾ ಕೊಂಕಣಿ ಕವಿಚ್ಯಾ ಯಾದಿಂತ್, ತ್ಯಾ ಕವಿಕ್ ಹಕ್ಕಾಚೊ ಮಾನ್ ದಿವ್ಪಾಚ್ಯಾ ಇರಾದ್ಯಾನ್ ಪ್ರಕಾಶ್ ಪಡ್ಗಾಂವ್ಕಾರ್, ನಾಗೇಶ್ ಕಾರ್ಮಲಿ, ವಸಂತ್ ವೆಳುಸ್ಕಾರ್, ಲುವಿಸ್ ಮಸ್ಕರೇನ್ಹಸ್, ರ.ವಿ. ಪಂಡಿತ್, ಚಾ.ಫ್ರಾ.ದೆಕೊಸ್ತಾ, ಜೆ.ಬಿ.ಮೊರಾಯಸ್, ಸಂಜೀವ್ ವೆರೆಂಕಾರ್, ಮನೋಹರ್ ರಾಯ್ ಸಾರ್ದೇಸಾಯ್, ಬಾಕಿಬಾಬ್ ಬೋರ್ಕರ್, ಪಿ. ಜಿ. ಕಾಮತ್ ಆನಿ ಯುಸುಫ್ ಶೇಖ್ ಹ್ಯಾ ಭಾರಾ ಕವಿಂಚ್ಯಾ ಯಾದಿಂತ್ ಭಾರಾ ಮಯ್ನ್ಯಾಚೆ ಕವಿ ಇನಾಮಾಂ ಜಿಕುಂಕ್ ಪಾವ್ಲೆ; ಫೆಲ್ಸಿ ಲೋಬೊ, ಡೊ.ಪೂರ್ಣಾನಂದ ಚಾರಿ, ಪ್ರಕಾಶ್ ನಾಯ್ಕ್, ಎನ್. ಬಾಲಕೃಷ್ಣ ಮಲ್ಯಾ, ಮೊನಿಕಾ ಡೆ’ಸಾ ಮಥಾಯಸ್, ಮಾ|ಐವನ್ ಮಿಯಾರ್, ಸಂಜಯ್ ಭೊರ್ಕರ್, ಸಲೋಮಿ ಮಿಯಾಪದವ್, ಆನ್ನಿ ದ ಕೊಲ್ವಾಲೆ, ಆರ್. ರಾಮ್‌ನಾಥ್, ಸಂಧೇಶ್ ಭಾಂದೇಕರ್ ಆನಿ ಅಮೇಯ್ ನಾಯ್ಕ್ ಹೆ ಭಾರಾ ಮಯ್ನ್ಯಾಚೆ ಕವಿ.
ಆಶಾವಾದಿ ಪ್ರಕಾಶನ್ ಪಾಟ್ಲ್ಯಾ ವೀಸ್ ವರ್ಸಾಂ ಥಾವ್ನ್ ವೆಗ್-ವೆಗಳೆ ಸಾಹಿತಿಕ್ ಸರ್ತ್ಯೊ ಮಾಂಡುನ್ ಹಾಡುನ್ ಆಯ್ಲಾಂ. ಹ್ಯಾ ಆಧಿಂ ವರ್ಸಾಚೆ ಕವಿ ಇನಾಮ್ ಜೊಡ್ಲೆಲೆ ಕವಿ ಹ್ಯೇ ಪರಿಂ ಆಸಾತ್;
ದಾಯ್ಜ್ ವರ್ಸಾಚೊ ಕವಿ 2005-6: ಎಚ್ಚೆಮ್ ಪೆರ್ನಾಲ್ (ಅಂಕಣ್: ತಿಂತೆರಾಂತ್ ಪಿಂತುರಾಂ)
ದಾಯ್ಜ್ ವರ್ಸಾಚೊ ಕವಿ 2006-7: ಆಂಟನಿ ಬಾರ್ಕುರ್ (ಅಂಕಣ್: ಉತ್ರಾಂತ್ ಸೂತ್ರಾಂ)
ಪಯ್ಣಾರಿ ವರ್ಸಾಚೊ ಕವಿ 2020-21: ನೀಲ್ಬಾ ಖಾಂಡೇಕರ್ (ಅಂಕಣ್: ಮಯ್ನ್ಯಾಚಿ ಕವಿತಾ)
ಪಯ್ಣಾರಿ ವರ್ಸಾಚೊ ಕವಿ 2023-24: ಪ್ರಕಾಶ್ ದ. ನಾಯ್ಕ್ (ಅಂಕಣ್: ಕವಿ ಆನಿ ಹಕ್ಕ್-ಮಾನ್)
ವೊರಯ್ಣಾರ್:
ಆಂಡ್ರ್ಯೂ ಎಲ್. ಡಿಕುನ್ಹಾ, ಉದಯ್ ಮ್ಹಾಂಬ್ರೊ, ನಾನು ಮರೋಳ್ ತೊಟ್ಟಾಮ್, ಶೈಲೇಂದ್ರ ಮೆಹ್ತಾ