HOLY ROSARY CHURCH, KUNDAPUR – 450 th JUBILEE SOUVENIR 2021

ಸಂತ ಮೇರಿಸ್ ಪಿ.ಯು ಕಾಲೇಜ್ ವಾರ್ಷಿಕೋತ್ಸವ : ನಿಮ್ಮ ಮಕ್ಕಳಲ್ಲಿ ಎನು ಪ್ರತಿಭೆ ಇದೆ ಅದನ್ನು ಗುರುತಿಸಿ ಪ್ರೊತ್ಸಾಹಿಸಿ – ರೇಖಾ ಬನ್ನಾಡಿ

JANANUDI.COM NETWORK

 

 

ಸಂತ ಮೇರಿಸ್ ಪಿ.ಯು ಕಾಲೇಜ್ ವಾರ್ಷಿಕೋತ್ಸವ : ನಿಮ್ಮ ಮಕ್ಕಳಲ್ಲಿ ಎನು ಪ್ರತಿಭೆ ಇದೆ ಅದನ್ನು ಗುರುತಿಸಿ ಪ್ರೊತ್ಸಾಹಿಸಿ – ರೇಖಾ ಬನ್ನಾಡಿ

 

ಕುಂದಾಪುರ ನ.೩೦: ‘ಹೆತ್ತವರಲ್ಲಿ ಒಂದು ವಿನಂತಿ ನಿಮ್ಮ ಮಕ್ಕಳಲ್ಲಿ ಎನು ಪ್ರತಿಭೆ ಇದೆ ಅದನ್ನು ಗುರುತಿಸಿ, ಅದನ್ನು ಪ್ರೊತ್ಸಾಹಿಸಿ ಅವರನ್ನು ಬೆಳೆಸುವ ಗುಣವನ್ನು ಬೆಳೆಸಿಕೊಳ್ಳಿ. ಮಕ್ಕಳಿಗೆ ಪರಿಶ್ರಮವನ್ನು ಕಲಿಸಿ ನಮಗೆ ದೀಪ ಹಚ್ಚುವರು ಮಾತ್ರವಲ್ಲಾ, ವತ್ತಿ ಹೊಸೆಯುವರು ಬೇಕು, ದೀಪಕ್ಕೆ ಎಣ್ಣೆ ಹಾಕುವರು ಬೇಕು, ದೀಪ ಆರದಂತೆ ಗಾಳಿಗೆ ಅಡ್ಡ ನಿಲ್ಲುವರು ಬೇಕು, ಅದೇ ರೀತಿ ನಮಗೆ ಪ್ರತಿ ಮಗು ವಿದ್ಯಾರ್ಥಿ ಮುಖ್ಯ. ಅಧ್ಯಾಪಕರು ಕೂಡ ಇದನ್ನು ಅರಿತು ತಿಳಿದುಕೊಳ್ಳಬೇಕು’ ಕುಂದಾಪುರ ಸಂತ ಮೇರಿಸ್ ಪಿ.ಯು.ಕಾಲೇಜಿನ ನ.೨೯ ರಂದು ನಡೆದ ವಾರ್ಷಿಕೋತ್ಸವದ ಸಂದರ್ಭ ಮುಖ್ಯ ಅತಿಥಿಯಾಗಿ ಆಗಮಿಸಿದ ಭಂಡಾರ್‌ಕಾರ್ಸ್ ಕಾಲೇಜಿನ ಪ್ರೊಫೆಸರ್ ರೇಖಾ ಬನ್ನಾಡಿ ಹೇಳಿದರು
‘ಅಧ್ಯಾಪಕರೂ ಕೂಡ ತಿಳಿದುಕೊಳ್ಳಬೇಕು ‘ತಾನು ಬೆಳಗದ ದೀಪ, ಇನ್ನೊಂದು ದೀಪವನ್ನು ಹಚ್ಚಲಾರದು, ಅದಕ್ಕಾಗಿ ವಿದ್ಯಾರ್ಥಿಗಳಿಗೆ ಜ್ನಾನ ನೀಡುವ ಅಧ್ಯಾಪಕರ ಮೊದಲ ಗುಣ ನಿರಂತರ ಅಧ್ಯಯನ ಪ್ರವುತ್ತಿ ಹೊಸ ಹೊಸ ರೀತಿಯಲ್ಲಿ ವಿದ್ಯಾರ್ಥಿಗಳಿಗೆ ಹೇಳಿ ಕೊಟ್ಟರೆ ಅಧ್ಯಯನದದಲ್ಲಿ ದಡ್ಡರೆನ್ನುವರು ಬುದ್ದಿವಂತರಾಗುತ್ತಾರೆ’ ಎಂದು ಅಧ್ಯಾಪಕರಿಗೂ ಕಿವಿ ಅವರು ಕಿವಿ ಮಾತು ಹೇಳಿದರು.
ಇನ್ನೊರ್ವ ಅತಿಥಿ ಕುಂದಾಪುರ ಕನ್ನಡದ ರಾಯಭಾರಿ ಮನು ಹಂದಾಡಿ ಮಾತಾಡಿ ‘ವಿದ್ಯಾರ್ಥಿಗಳಿಗೆ ಅಂಕವೇ ಪ್ರಾಮುಖ್ಯ ಅಲ್ಲಾ, ಮೌಲ್ಯಗಳು ಮುಖ್ಯ, ವಾಟ್ಸಪ್‌ನಲ್ಲಿ ಬರುವಂತಹ ಸುದ್ದಿಗಳಿಗೆ ನೀವು ಪ್ರಾಮುಖ್ಯತೆ ಕೊಡುವ ಅಗತ್ಯವಿಲ್ಲಾ, ನೀವು ಕಾಲೇಜಿನ ಚಟುವಟಿಕೆಗಳಲ್ಲಿ, ಆಟ ಪಾಠಗಳಲ್ಲಿ ಕಾಲೇಜು ಫಿಸುಗಳ ಬಗ್ಗೆ ತಲೆ ಕೆಡಿಸಿಕೊಳ್ಳಿ, ವಿದ್ಯಾ ಸಂಸ್ಥೆಗಳಿಗೆ ಸಾಮಾಜಿಕ ಋಣವಿದೆ, ಅವರು ವಿದ್ಯಾರ್ಥಿಗಳಿಗೆ ವಿಧ್ಯೆ ನೀಡಿ ಋಣವನ್ನು ತೀರಿಸುತ್ತಾರೆ, ನೀವು ವಿದ್ಯಾರ್ಥಿಗಳು ಇಲ್ಲಿ ಚೆನ್ನಾಗಿ ಕಲಿತು, ಶಿಕ್ಷಣದಲ್ಲಿ ಇನ್ನೊಬ್ಬರಿಗೆ ಒಳಿತಾಗಲು ಸಹಕರಿಸಿ, ಆವಾಗ ನೀವು ಕಲಿತ ಶಿಕ್ಷಣ ಸಂಸ್ಥೆಯ ಋಣ ಸಂದಾಯವಾಗುತ್ತೆ’ ಎಂದು ನುಡಿದರು.
ಸ೦ತ ಮೇರಿಸ್ ಸಮೂಹ ವಿಧ್ಯಾ ಶಿಕ್ಷಣ ಸಂಸ್ಥೆಗಳ ಜಂಟಿ ಕಾರ್ಯದರ್ಶಿ ಕುಂದಾಪುರ ಇಗರ್ಜಿಯ ಪ್ರಧಾನ ಧರ್ಮಗುರು ವಂ| ಸ್ಟಾ÷್ಯನಿ ತಾವ್ರೊ ಅಧ್ಯಕ್ಷತೆಯನ್ನು ವಹಿಸಿ ‘ಈ ಕಾಲೇಜಿನಲ್ಲಿ ಅಂಕ ಕಡಿಮೆ ಇದ್ದವರಿಗೂ ಸ್ವಾಗತ ನೀಡುತ್ತೇವೆ, ಇಲ್ಲಿ ಎಲ್ಲಾ ಥರಹದ ವಿದ್ಯಾರ್ಥಿಗಳಿಗೆ ಸ್ವಾಗತವಿದೆ. ಇದೊಂದು ವಿದ್ಯಾ ದೇಗುಲವಾಗಿದೆ. ವಿದೇಶದಲ್ಲಿ ಮಕ್ಕಳು ತಾವು ಸಣ್ಣವರಿರುವಾಗಲೇ ಸ್ವತ ದೊಡ್ಡರಾಗುವಾಗ ಎನಾಗಬೇಕೆಂದು ನಿರ್ಧರಿಸಿ ಆ ನಿಟ್ಟಿನಲ್ಲಿ ಪ್ರಯತ್ನಿಸುತ್ತಾರೆ, ಹಾಗೆ ನಮ್ಮ ಮಕ್ಕಳು ಕೂಡ ಸಣ್ಣವರಿದ್ದಾಗಲೇ ನಾವು ಎನಾಗಬೇಕೆಂದು ತಾವೆ ನಿರ್ಧರಿಸಿ ಛಲ ಬಿಡದೆ ಪ್ರಯತ್ನಿಸಿ ಸಫಲರಾಗಬೇಕು’ ಎಂದು ನುಡಿದರು.
ಕಾಲೇಜಿನ ಪ್ರಾಂಶುಪಾಲಾರಾದ ಧರ್ಮಗುರು ವ|ಪ್ರವೀಣ್ ಅಮ್ರತ್ ಮಾರ್ಟಿಸ್ ಕಾಲೇಜಿನ ಸಾಧನೆಯ ಬಗ್ಗೆ ವರದಿಯನ್ನು ವಾಚಿಸಿದರು. ಕುಂದಾಪುರ ಚರ್ಚ್ ಸಹಾಯಕ ಧರ್ಮಗುರು ವಂ|ವಿಜಯ್ ಡಿಸೋಜಾ, ಸೈಂಟ್ ಮೇರಿಸ್ ವಿದ್ಯಾ ಸಂಸ್ಥೆಗಳ ಎಲ್ಲಾ ಮುಖ್ಯೋಪಾಧ್ಯರು ಉಪಸ್ಥಿತರಿದ್ದು ಬಹುಮಾನಗಳನ್ನು ನೀಡಿದರು. ಸಾಂಸ್ಕçತಿಕ ಕಾರ್ಯಕ್ರಮವಾಗಿ ಹಾಡು, ನ್ರತ್ಯ, ನಾಟಕ ಮತ್ತು ರೂಪಕಗಳು ಪ್ರದರ್ಶನದ ಗೊಂಡವು. ಉಪಪ್ರಾಂಶುಪಾಲೆ ಮಂಜುಳಾ ನಾಯರ್ ಸ್ವಾಗತಿಸಿದರು. ಕಾಲೇಜು ವಿದ್ಯಾರ್ಥಿಗಳು ಪ್ರಾಧ್ಯಪಕರು ಕಾರ್ಯಕ್ರಮಗಳನ್ನು ನಡೆಸಿಕೊಟ್ಟರು, ಕಾಲೇಜು ಸಂಸತ್ತಿನ ನಾಯಕಿ ರೈನಾ ಡಿಆಲ್ಮೇಡಾ ವಂದಿಸಿದರು.

ಪೊಲೀಸ್ ಇಲಾಖೆಯಿಂದ ಸಂವಿಧಾನ ದಿನ ಪ್ರತಿಜ್ಞಾ ವಿಧಿ ಸ್ವೀಕಾರ – ಆಸ್ಪತ್ರೆ ಸಿಬ್ಬಂದಿಯ ಮೇಲೆ ಹಲ್ಲೆ, ಆರೋಪಿ ನ್ಯಾಯಾಂಗ ಬಂಧನ

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

 

ಪೊಲೀಸ್ ಇಲಾಖೆಯಿಂದ ಸಂವಿಧಾನ ದಿನ ಪ್ರತಿಜ್ಞಾ ವಿಧಿ ಸ್ವೀಕಾರ

ಆಸ್ಪತ್ರೆ ಸಿಬ್ಬಂದಿಯ ಮೇಲೆ ಹಲ್ಲೆ, ಆರೋಪಿ ನ್ಯಾಯಾಂಗ ಬಂಧನ

 

ಕೋಲಾರ ಚಿನ್ನದ ಗಣಿ ಪ್ರದೇಶದ ಚಾಂಫೀಯನ್‍ರೀಫ್ಸ್‍ನಲ್ಲಿನ ಜಿಲ್ಲಾ ಪೊಲೀಸ್ ಕಛೇರಿಯಲ್ಲಿ ಮಂಗಳವಾರದಂದು ಬೆಳಿಗ್ಗೆ ಭಾರತದ ಸಂವಿಧಾನ ದಿನಾಚರಣೆಯನ್ನು ಪ್ರತಿಜ್ಞಾವಿಧಿ ಸ್ವೀಕಾರದ ಮೂಲಕ ಅರ್ಥಪೂರ್ಣವಾಗಿ ಆಚರಿಸಲಾಯಿತು.
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಎಂ.ಎಸ್. ಮೊಹಮ್ಮದ್ ಸುಜೀತ ಅವರ ಅಧ್ಯಕ್ಷತೆಯಲ್ಲಿ ನಡೆದ ಭಾರತದ ಸಂವಿಧಾನ ದಿನಾಚರಣೆಯ ಪ್ರತಿಜ್ಞಾ ವಿಧಿಯ ಸ್ವೀಕಾರ ಕಾರ್ಯಕ್ರಮದಲ್ಲಿ, ಭಾರತವನ್ನು ಸಾರ್ವಭೌಮ, ಸಮಾಜವಾದಿ, ಜಾತ್ಯತೀತ ಪ್ರಜಾಸತ್ತಾತ್ಮಕ ಗಣರಾಜ್ಯವನ್ನಾಗಿ ರೂಪಿಸುವುದಕ್ಕಾಗಿ, ಭಾರತದ ಎಲ್ಲಾ ಪ್ರಜೆಗಳಿಗೆ ಸಾಮಾಜಿಕ, ಆರ್ಥಿಕ ಮತ್ತು ರಾಜಕೀಯ ನ್ಯಾಯವನ್ನು, ವಿಚಾರ, ಅಭಿವ್ಯಕ್ತಿ, ನಂಬಿಕೆ, ಧರ್ಮ ಮತ್ತು ಉಪಾಸನೆಯ ಸ್ವಾತಂತ್ರ್ಯವನ್ನು; ಸ್ಥಾನಮಾನ ಮತ್ತು ಅವಕಾಶಗಳ ಸಮತೆಯನ್ನು ದೊರೆಯುವಂತೆ ಮಾಡುವುದಕ್ಕಾಗಿ, ವ್ಯಕ್ತಿ ಗೌರವ, ದೇಶದ ಏಕತೆ ಮತ್ತು ಸಮಗ್ರತೆಗಾಗಿ ಎಲ್ಲರಲಿ ಭ್ರಾತೃತ್ವ ಭಾವನೆಯನ್ನು ಮೂಡಿಸುವುದಕ್ಕೆ ದೃಢಸಂಕಲ್ಪ ಮಾಡಿ, ಸಂವಿಧಾನದ ಮೌಲ್ಯಗಳನ್ನು ಎತ್ತಿ ಹಿಡಿಯುವ ರೀತಿಯಲ್ಲಿ 1949ನೆಯ ಇಸವಿಯ ನವೆಂಬರ್ 26ನೇ ದಿನದಂದು ಈ ಸಂವಿಧಾನವನ್ನು ನಮಗೆ ನಾವೇ ಅರ್ಪಿಸಿಕೊಂಡು, ಅಂಗೀಕರಿಸಿ, ಶಾಸನವಾಗಿ ವಿಧಿಸಿಕೊಂಡಿದ್ದೇವೆ ಅಲ್ಲದೇ ಜಾತಿ, ಧರ್ಮ, ಪ್ರದೇಶ, ಮತ ಅಥವಾ ಭಾಷೆಯ ಬೇದ ಭಾವವಿಲ್ಲದೇ ಭಾರತದ ಎಲ್ಲಾ ಜನತೆಯ ಭಾವೈಕ್ಯ ಮತ್ತು ಸೌಹಾರ್ದಕ್ಕಾಗಿ ಕಾರ್ಯ ನಿರ್ವಹಿಸುತ್ತೇನೆಂದು ಸಹ ಪ್ರತಿಜ್ಞೆ ಮಾಡಲಾಯಿತು.
ಸಹಾಯಕ ಆಡಳಿತಾಧಿಕಾರಿ ಎಂ.ಮೂರ್ತಿ, ಪೊಲೀಸ್ ಇನ್ಸ್‍ಪೆಕ್ಟರ್‍ಗಳಾದ ಜಿ.ಸಿ. ರಾಜು, ಸೂರ್ಯಪ್ರಕಾಶ್, ವೆಂಕಟೇಶಮೂರ್ತಿ, ನಿಸ್ತಂತು ಪಿಐ ಎನ್.ಉಮಾಶಂಕರ್ ಸೇರಿದಂತೆ ಜಿಲ್ಲೆಯ ಪಿಎಸ್‍ಐಗಳು, ಜಿಲ್ಲಾ ಪೊಲೀಸ್ ಕಛೇರಿಯ ಅಧಿಕಾರಿ, ಸಿಬ್ಬಂದಿಗಳು ಹಾಜರಿದ್ದರು.

 

 

 

ಆಸ್ಪತ್ರೆ ಸಿಬ್ಬಂದಿಯ ಮೇಲೆ ಹಲ್ಲೆ, ಆರೋಪಿ ನ್ಯಾಯಾಂಗ ಬಂಧನ

ರಾಬರ್ಟ್‍ಸನ್‍ಪೇಟೆ ಪೊಲೀಸ್ ಠಾಣಾ ಸರಹದ್ದಿನ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಕರ್ತವ್ಯ ನಿರತ ವೈದ್ಯಕೀಯ ಸಿಬ್ಬಂದಿಯ ಮೇಲೆ ಹಲ್ಲೆ ನಡೆಸಿದ ಆರೋಪದ ಮೇರೆಗೆ ಆರೋಪಿಯೊಬ್ಬನನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.
ನ. 25 ರಂದು ರಾತ್ರಿ ಮಹಿಳಾ ರೋಗಿಯೊಬ್ಬರ ಹೆಚ್ಚಿನ ಚಿಕಿತ್ಸೆಗಾಗಿ ಕೋಲಾರಕ್ಕೆ ಹೋಗಲು, ಆಂಬುಲೆನ್ಸ್ ವಾಹನವನ್ನು ತಯಾರಾಗಿಟ್ಟುಕೊಳ್ಳುವಂತೆ ಕರ್ತವ್ಯ ನಿರತ ವೈದ್ಯರ ಸೂಚನೆಯಂತೆ, ಆಂಬುಲೆನ್ಸ್ ಚಾಲಕ ಮುನಿಸ್ವಾಮಿ ಮತ್ತು ವಾರ್ಡ್‍ಬಾಯ್ ಸಗಾಯನಾಥನ್ ಇವರು ಆಂಬುಲೆನ್ಸ್‍ನ್ನು ಆಸ್ಪತ್ರೆ ಮುಂದೆ ನಿಲ್ಲಿಸಿ, ಸ್ಟ್ರಚ್ಚರ್‍ನಲ್ಲಿ ಆಂಬುಲೆನ್ಸ್ ಬಳಿಗೆ ಮಹಿಳಾ ರೋಗಿಯನ್ನು ಕರೆತರುವಷ್ಟರಲ್ಲಿ ಮಹಿಳಾ ರೋಗಿಯ ಅಣ್ಣ ನವೀನ್‍ಕುಮಾರ್ ಎಂಬಾತನು ಅಲ್ಲಿಗೆ ಬಂದು ತನ್ನ ತಂಗಿಯನ್ನು ಏಕೆ ಶಿಫ್ಟ್ ಮಾಡುತ್ತೀರಾ, ಇಲ್ಲಿಯೇ ಚಿಕಿತ್ಸೆ ನೀಡಿಯೆಂದು ದೌರ್ಜನ್ಯದಿಂದ, ಆಂಬುಲೆನ್ಸ್ ಚಾಲಕ ಮುನಿಸ್ವಾಮಿ ಮತ್ತು ವಾರ್ಡ್‍ಬಾಯ್ ಸಗಾಯನಾಥನ್ ಇವರುಗಳ ಮೇಲೆ ಹಲ್ಲೆ ನಡೆಸಿರುತ್ತಾರೆ. ಇದರಿಂದಾಗಿ ಮುನಿಸ್ವಾಮಿ ರವರ ಬಲಗಣ್ಣಿನ ಮೇಲೆ ರಕ್ತಗಾಯವಾಗಿದ್ದು, ಸರ್ಕಾರಿ ಕೆಲಸಕ್ಕೆ ಅಡ್ಡಿಪಡಿಸಿ, ಹಲ್ಲೆ ನಡೆಸಿದ ಸಂಬಂಧ ರಾಬರ್ಟ್‍ಸನ್‍ಪೇಟೆ ಪೊಲೀಸ್ ಠಾಣೆಯಲ್ಲಿ ನವೀನ್‍ಕುಮಾರ್ ವಿರುದ್ದ ಪ್ರಕರಣ ದಾಖಲಾಗಿತ್ತು.
ಈ ಪ್ರಕರಣದಲ್ಲಿ ಆರೋಪಿಯ ಪತ್ತೆಗಾಗಿ ಸಿಪಿಐ ಸೂರ್ಯಪ್ರಕಾಶ್ ನೇತೃತ್ವದಲ್ಲಿ ವಿಶೇಷ ತಂಡವನ್ನು ರಚಿಸಿದ್ದು, ಆರೋಪಿ ನವೀನ್‍ಕುಮಾರ್ ಅವರನ್ನು ಮಂಗಳವಾರ ಸಂಜೆ ಬಂಧಿಸಿ, ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.

ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿಯವರಿಗೆ ಕಮಲ ಪತ್ರ ಪ್ರಶಸ್ತಿ

ವರದಿ: ವಾಲ್ಟರ್ ಮೊಂತೇರೊ

 

 

 

ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿಯವರಿಗೆ ಕಮಲ ಪತ್ರ ಪ್ರಶಸ್ತಿ

 

 

 

 

ಬೆಳ್ಮಣ್ಣು ಜೇಸಿಐ ಘಟಕದ ವಿವಿಧ ಹುದ್ದೆಗಳನ್ನು ಅಲಂಕರಿಸಿ ಪ್ರಸುತ್ತ ಪೂರ್ವಾಧ್ಯಕ್ಷರಾಗಿರುವ ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿಯವರು ಬೆಳ್ಮಣ್ಣು ಜೇಸಿಐ ಘಟಕಕ್ಕೆ ಕಳೆದ ಹತ್ತು ವರ್ಷಗಳಿಂದ ನೀಡಿದ ಸೇವೆಯನ್ನು ಗುರುತಿಸಿ ಘಟಕದ ಪ್ರತಿಷ್ಠಿತ ಕಮಲ ಪತ್ರ ಪ್ರಶಸ್ತಿಯನ್ನು ನೀಡಿ ಗೌರವಿಸಿದರು.
ಸಮಾರಂಭದಲ್ಲಿ ಬೆಳ್ಮಣ್ಣು ಜೇಸಿಐ ಅಧ್ಯಕ್ಷೆ ಶ್ವೇತಾ ಸುಭಾಸ್ ಅಧ್ಯಕ್ಷತೆ ವಹಿಸಿದ್ದರು. ಮುಖ್ಯ ಅತಿಥಿಯಾಗಿ ಬೆಳ್ಮಣ್ಣು ಶ್ರೀ ದುರ್ಗಾಪಮೇಶ್ವರೀ ದೇವಸ್ಥಾನದ ಅರ್ಚಕ ಶ್ರೀಧರ್ ಭಟ್, ಜೇಸಿ ವಲಯದ ನಿಯೋಜಿತ ವಲಯಾಧ್ಯಕ್ಷ ಕಾರ್ತಿಕೇಯಾ ಮಧ್ಯಸ್ಥ, ನಿಯೋಜಿತ ವಲಯ ಉಪಾಧ್ಯಕ್ಷ ಸಂತೋಷ್ ಕುಮಾರ್, ರಾಷ್ಟ್ರೀಯ ತರಬೇತುದಾರ ಕೆ. ರಾಜೇಂದ್ರ ಭಟ್, ವಲಯಾಧಿಕಾರಿ ಸುಭಾಸ್ ಕುಮಾರ್ ಹಾಗೂ ಘಟಕದ ಪೂರ್ವಾಧ್ಯಕ್ಷರುಗಳು ಮೊದಲಾದವರಿದ್ದರು.

ಕೋಡಿ ಮಾಧವ ಪೂಜಾರಿ ನಿಧನ. 

ಕೋಡಿ ಮಾಧವ ಪೂಜಾರಿ ನಿಧನ.                                          

 

 

 

  ಕುಂದಾಪುರ ಕೋಡಿಯ ಶ್ರೀ ಚಕ್ರಮ್ಮ ದೇವಸ್ಥಾನದ ಆಡಳಿತ ಮೋಕ್ತೇಸರ,ಪಾತ್ರಿ,ಮಾಧವ ಪೂಜಾರಿ ನವೆಂಬರ್   26 ರಂದು ಕುಂದಾಪುರದ ಹಿರಿಯ ಧಾರ್ಮಿಕ ನೇತಾರರಲ್ಲಿ ಓರ್ವರಾಗಿದ್ದ ಅವರು ತಮ್ಮ ಬರಹಗಳ ಮೂಲಕವೂ ಜನಪ್ರೀಯರಾಗಿದ್ದರು.ಸ್ವತಹ ಪತ್ರಿಕೆಯನ್ನೂ ನಡೆಸಿದ್ದರು. ಕೋಡಿಯ ಶಿಕ್ಷಣ ಸಂಸ್ಥೆಗಳ ಅಭಿವೃದ್ಧಿಯಲ್ಲೂಪಾಲ್ಗೊಂಡಿದ್ದರು. ಇವರು ಪತ್ನಿ, ಇಬ್ಬರು ಪುತ್ರರು,ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ

ಕವಿತೆ – ಕನಸುಗಳಿಗೆ ಬಣ್ಣಗಳೇ ಇಲ್ಲ 

ಕವಿತೆ :ಸಾವನ್ ಕೆ ಸಿಂಧನೂರು 
ಕನಸುಗಳಿಗೆ ಬಣ್ಣಗಳೇ ಇಲ್ಲ 
ಯಾರಿಗೋ ಇಲ್ಲಿ ಅತಿ ಜರೂರಿ ಕೆಲಸವಿದೆ
ಮತ್ತೊಬ್ಬ ಜಾಗ ಖಾಲಿ ಮಾಡಬೇಕಿದೆ.
ಥೇಟ್ ದ್ರವ್ಯವೊಂದು ಸ್ಥಳ ಅಕ್ರಮಿಸಿದಂತೆ..
ಭೂಮಿಗೆ ನಾನೇ ಬೇಲಿ ಹಾಕಬಹುದಿತ್ತು 
ಮೊದಲಿಗೆ ನಾನೇ ಹುಟ್ಟಿದ್ದರೆ ಎಂದುಕೊಳ್ಳುತ್ತಲೇ
ಯುದ್ಧಕ್ಕೆ ಹೊರಟವರ ಬೆನ್ನ ಹಿಂದಿನ  
ಸ್ಮಶಾನ ನೆನಪಾಗುತ್ತದೆ.
ಒಡೆದ ಬಳೆಗಳ ಚೂರು ಕಣ್ಣಿಗೆ ತಾಕಿ 
ನನ್ನ ಕತ್ತಿ, ಗುರಾಣಿ ತುಕ್ಕು ಹಿಡಿದಿವೆ.
ಗಾಂಧಿ ನೋಟಿನ ಹಿಂದೆ ಬಿದ್ದ ನನಗೆ 
ಅದಕ್ಕಂಟಿದ ಬೆವರು, ರಕ್ತ, ವೀರ್ಯ ಮಿಶ್ರಣದ 
ಹೊಚ್ಚ ಹೊಸ ವಾಸನೆ.
ತೊಳೆದರೂ ಅಳಿಯದ ಕಲೆಗಳ ಕಂಡು 
ಈ ಬಣ್ಣದ ಹಾಳೆಗೆ ಬೆನ್ನು ಮಾಡುತ್ತೇನೆ.
ನಿದ್ರೆಗೆಟ್ಟು ರಾತ್ರಿ ಪೂರಾ ಬರೀ ಬೆತ್ತಲೆ ಕಣ್ಣುಗಳೇ
ಈಗೀಗ ರೆಪ್ಪೆಗಳೂ ಪಟಪಟಿಸುತ್ತಿಲ್ಲ 
ಕತ್ತಲೆಗೆ ದೃಷ್ಟಿಯಿಲ್ಲವಲ್ಲ.!
ಬೆನ್ನ ಹಿಂದೆ ಕಣ್ಣು ಮೂಡಿ ಚೂರಿ ಹಾಕಿದವರೂ 
ಸಿಸಿಟಿವಿ ಅಡಿಯಲ್ಲಿ.
ಅವರಿಗೇ ತೋರಿಸಿ ಎದೆಗಿರಿಯುವ ತಾಕತ್ತಿಲ್ಲ ನನಗೆ 
ಕುಳಿತಲ್ಲೇ ಕೆಮ್ಮುತ್ತೇನೆ.
ನಾನೂ ಸಾಯಲು ಅಂಜುತ್ತೇನೆ.
ಇತ್ತೀಚಿಗೆ ಬೀಳುವ ಕನಸುಗಳಿಗೆ ಬಣ್ಣಗಳೇ ಇಲ್ಲ, 
ಇದ್ದರೂ ನೆರಳಿನ ಪ್ರಭಾವಕ್ಕೆ ಒಳಗಾಗುತ್ತಿವೆ. 
ಒಡೆದ ಕನ್ನಡಿಯ ಚೂರುಗಳಲ್ಲಿ ಒಡೆದ ಮುಖಗಳಂತೆ 
ಅವು ಚದುರಿ ಛಿದ್ರ, ಛಿದ್ರ..
ಸಟಕ್ಕನೆ ಎದ್ದು ಜಿದ್ದಿಗೆ ಬಿದ್ದು 
ಗಂಡಸು ಎಂದು ದಾಖಲಿಸಲು ಕಾಯುತ್ತೇನೆ, 
ಗುರುತಿನ ಉಂಗುರವೂ, ರಾಜಮುದ್ರೆಯೂ 
ಯಾರ ಬಳಿಯೂ ಸಿಕ್ಕುತ್ತಿಲ್ಲ.
ಸೋತು ಹೋಗಿದ್ದೇನೆ ಎನ್ನಲು 
ಈ ನಾಲಿಗೆಗೆ ಸೊಕ್ಕು.
ಅಳಲು ಸಾಕಷ್ಟು ಕಣ್ಣೀರೆ ಇಲ್ಲ 
ಧ್ವನಿಯೂ ಈಗೀಗ ಅಸ್ಪಷ್ಟ.
ಇರುವಷ್ಟು ದಿನ ಗುಡ್ಡೆ ಹಾಕುವುದರಲ್ಲೇ ಕಳೆದೆ 
ಗುಂಡಿ ತೋಡಿ ಮುಚ್ಚುವ ಗಳಿಗೆ ಬಂದಾಗ 
ಗುಂಡಿಗೆ ಬಿರಿಯುವಷ್ಟು ಅಳುವವರಿಲ್ಲ.
ಬೇಲಿ ಹಾಕಿದ ಜಾಗ, ಮುರಿದ ಮಂಚದ ಕಾಲು, ಅರಮನೆಯ ತೊಲೆಗಂಬ, ಉದುರಿದ ಉಂಗುರಗಳು, ರೇಷ್ಮೆ ವಸ್ತ್ರಗಳು ಇಡುವಷ್ಟು ಜಾಗವಿಲ್ಲ. 
ಕಫನ್ನಿಗೆ ಕಿಸೆಯೇ ಇಲ್ಲ..!
ಅಲ್ಲಿ ಮತ್ತೆ ಯಾರೋ ಗೊಣಗುತ್ತಿದ್ದಾರೆ “ಬೇಗ ಇಳಿಸಿ, ಮುಚ್ಚಿಬಿಡಿ, ಉಣ್ಣಲು ಸಮಯವಾಯಿತು”

ಕೋಲಾರದಲ್ಲಿ ಮುಖ್ಯಮಂತ್ರಿಗಳ ಮತ್ತು ರಾಷ್ಟ್ರಪತಿ ಪದಕ  ಮುಖ್ಯಪೇದೆ ಬಿ.ಎನ್.ಮೆಹಬೂಬ್‍ರಿಗೆ ಸನ್ಮಾನ

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

ಕೋಲಾರದಲ್ಲಿ ಮುಖ್ಯಮಂತ್ರಿಗಳ ಮತ್ತು ರಾಷ್ಟ್ರಪತಿ ಪದಕ  ಮುಖ್ಯಪೇದೆ ಬಿ.ಎನ್.ಮೆಹಬೂಬ್‍ರಿಗೆ ಸನ್ಮಾನ

 

 

ಕೋಲಾರದಲ್ಲಿ ಮಣಪ್ಪುರಂ ವಜ್ರಾಭರಣಗಳ ಪ್ರದರ್ಶನ ಹಾಗೂ ಮಾರಾಟ ಮಳಿಗೆ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿಗಳ ಮತ್ತು ರಾಷ್ಟ್ರಪತಿ ಪದಕ ವಿಜೇತ ನಗರದ ಸಂಚಾರಿ ಠಾಣೆ ಮುಖ್ಯಪೇದೆ ಬಿ.ಎನ್.ಮೆಹಬೂಬ್‍ರನ್ನು ಅವರ ಪ್ರಾಮಾಣಿಕ ಸೇವೆ ಗಮನಿಸಿ ಚಿನ್ನದ ನಾಣ್ಯ ನೀಡಿ ಸನ್ಮಾನಿಸಲಾಯಿತು.

ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ಕೋಲಾರ ಜಿಲ್ಲಾ ಉಪಾಧ್ಯಕ್ಷರಾಗಿ ಜಿ.ಶ್ರೀನಿವಾಸ್ ನೇಮಕ

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ಕೋಲಾರ ಜಿಲ್ಲಾ ಉಪಾಧ್ಯಕ್ಷರಾಗಿ ಜಿ.ಶ್ರೀನಿವಾಸ್ ನೇಮಕ 

 

ಕೋಲಾರ ನ. 25 : ಕರ್ನಾಟಕ ರಾಜ್ಯ ಸರ್ಕಾರಿ ನೌಕರರ ಸಂಘದ ಕೋಲಾರ ಜಿಲ್ಲಾ ಉಪಾಧ್ಯಕ್ಷರಾಗಿ ಜಿ.ಶ್ರೀನಿವಾಸ್ ನೇಮಕಗೊಂಡಿದ್ಧಾರೆ.
ನಗರದ ಸರ್ಕಾರಿ ನೌಕರರ ಭವನದಲ್ಲಿ ಇಂದು ನಡೆದ ಸಭೆಯಲ್ಲಿ ಈ ನೇಮಕ ಪತ್ರವನ್ನು ಜಿಲ್ಲಾಧ್ಯಕ್ಷ ಕೆಬಿ ಅಶೋಕ್ ವಿತರಿಸಿದರು
ಜಿ.ವಿ.ಶ್ರೀನಿವಾಸ ಗೌಡ ಜಂಟಿ ಕಾರ್ಯದರ್ಶಿಯಾಗಿ ,ಕೆ ನಾಗೇಶ್ ಗೌಡ ಸಂಘಟನಾ ಕಾರ್ಯದರ್ಶಿಯಾಗಿ ,ಕೆಎಂ ರವಿಚಂದ್ರ ನಾಯ್ಡು ಸಂಘಟನಾ ಕಾರ್ಯದರ್ಶಿಯಾಗಿ ,ಬಿ.ಎಂ ಜಗನ್ನಾಥ್ ಹಾಗೂ ಕೆ.ಟಿ ನಾಗರಾಜ್ ಜಿಲ್ಲಾ ಕಾರ್ಯಕಾರಿ ಸಮಿತಿ ಸದಸ್ಯರಾಗಿ ನೇಮಕಗೊಂಡು ನೇಮಕಾತಿ ಪತ್ರ ಪಡೆದುಕೊಂಡರು .
ಸಂದರ್ಭದಲ್ಲಿ ಮಾತನಾಡಿದ ಜಿಲ್ಲಾಧ್ಯಕ್ಷ ಕೆ.ಬಿ. ಅಶೋಕ್ ಸಂಘಟನೆಯನ್ನು ಅಸ್ತ್ರ ಮಾಡಿಕೊಂಡು ನೌಕರರ ಸಮಸ್ಯೆಗಳ ಈಡೇರಿಕೆಗೆ ಸಂಘಟನೆಯನ್ನು ಬೆಳೆಸಬೇಕು ಎಂದು ತಿಳಿಸಿದರು .
ಗೌರವಾಧ್ಯಕ್ಷ ಆರ್ ಅನಿಲ್ ಕುಮಾರ್ ಪ್ರಧಾನ ಕಾರ್ಯದರ್ಶಿ ಮುರಳಿ ಮೋಹನ್ ಮುಖಂಡರುಗಳಾದ ಆರ್ ಶ್ರೀನಿವಾಸನ್ ಉಪಾಧ್ಯಕ್ಷ ಬಂಗವಾದಿ ನಾಗರಾಜ್ ಮತ್ತಿತರರು ಉಪಸ್ಥಿತರಿದ್ದರು.

ಕುಂದಾಪುರ ರೊಜಾರಿ ಮಾತಾ ಇಗರ್ಜಿಯ ವಾರ್ಷಿಕ ಮಹಾ ಉತ್ಸವ – ನಮ್ಮ ಕುಟುಂಬಗಳು ವಿಶ್ವಾಸದ ಮಂದಿರಗಳು ಹಾಗೂ ಸಮಾಧಾನದ ನಿವಾಸವಾಗಳಾಗಬೇಕು’- ಫಾ|ರೋನಿ ಸೆರಾವೊ

JANANUDI.COM NETWORK

 

 

ಕುಂದಾಪುರ ರೊಜಾರಿ ಮಾತಾ ಇಗರ್ಜಿಯ ವಾರ್ಷಿಕ ಮಹಾ ಉತ್ಸವ – ನಮ್ಮ ಕುಟುಂಬಗಳು ವಿಶ್ವಾಸದ ಮಂದಿರಗಳು ಹಾಗೂ ಸಮಾಧಾನದ ನಿವಾಸವಾಗಳಾಗಬೇಕು’- ಫಾ|ರೋನಿ ಸೆರಾವೊ

 

ಕುಂದಾಪುರ,ನ.28: “ಈ ಇಗರ್ಜಿಗೆ 450 ವರ್ಷದ ಚರಿತ್ರೆ ಇದೆ, ಈ ಚರ್ಚಿನ ಪಾಲಕಿ ರೋಜರಿ ಮಾತೆ ಇಲ್ಲಿನ ಭಕ್ತರಿಗೆ 450 ವರ್ಷಗಳಿಂದ ಕಾಪಾಡಿಕೊಂಡು ಬಂದಿದ್ದಾಳೆ. ನಮ್ಮ ಹಿರಿಯರ ಭಕ್ತಿ, ಪ್ರಾರ್ಥನೆಯ ಜೀವನವನ್ನು ನೆನಪಿಗೆ ತಂದುಕೊಳ್ಳುವ, ಅವರಲ್ಲಿದ ವಿಶ್ವಾಸದ ಜೀವನ ನಾವೂ ಪುನ: ಪ್ರೀತಿಯಿಂದ ಅಭಿಮಾನದಿಂದ ಅಖಂಡ ವಿಶ್ವಾಸದ ಸಾಕ್ಷಿಗಳಾಗಲು ನಾವು ರೋಜರಿ ಮಾತೆಯ ಸಹಾಯ ಹಸ್ತವನ್ನು ಚಾಚೋಣ’ ಎಂದು ಜೆಪ್ಪು ಸೆಮಿನರಿರ ರೆಕ್ಟರ್ ಅ|ವಂ|ಧರ್ಮಗುರು ರೋನಿ ಸೆರಾವೊ ಸಂದೇಶ ನೀಡಿದರು.
ಅವರು 450 ವರ್ಷಗಳ ಹಿರಿಮೆಯುಳ್ಳ ಉಡುಪಿ ಧರ್ಮಪ್ರಾಂತ್ಯದ ಹಿರಿಯ ಇಗರ್ಜಿಯಾದ ಕುಂದಾಪುರ ರೋಜರಿ ಮಾತಾ ದೇವಾಲಯದ ಬುಧವಾರ 27 ರಂದು ನಡೆದ ವಾರ್ಷಿಕ ಮಹಾ ಹಬ್ಬದ ಸಂಭ್ರಮದ ದಿವ್ಯ ಬಲಿ ಪೂಜೆಯ ನೇತ್ರತ್ವವನ್ನು ವಹಿಸಿಕೊಂಡು ‘ಯೇಸುವಿನ ಶಿಸ್ಯರಿಗೆ ಮೇರಿ ಮಾತೆ ಹೇಗೆ ಪ್ರೇರಣೆ ಕೊಟ್ಟಿದ್ದರೊ ಹಾಗೇ ನಮಗೆ ಕೂಡ ಮೇರಿ ಮಾತೆ ಭಕ್ತಿ ಮತ್ತು ವಿಶ್ವಾಸದಲ್ಲಿ ಪ್ರೇರಣೆ ನೀಡುತ್ತಾರೆ, ಇಂದು ಜೀವನದಲ್ಲಿ ಸಂಕಷ್ಟಗಳು, ಸಂಭಂದಗಳು ಹಾಳಾಗಲು ಕಾರಣ ಕುಟುಂಬದಲ್ಲಿ ಭಕ್ತಿ ಪ್ರಾರ್ಥನೆ ಇಲ್ಲದಿರುವುದರಿಂದಾಗಿದೆ. ಪ್ರಾರ್ಥನೆ  ಭಕ್ತಿ ಯಿಂದ ನಮ್ಮ ಆತ್ಮದ ಶತ್ರುಗಳ ಮೇಲೆ ಜಯ ಸಾಧಿಸಬಹುದು. ಮಾತೆ ರೋಜರಿ ಮಾತೆ ಕುಟುಂಬದ ಮಹಾರಾಣಿ, ಸಮಾಧಾನದ ಮಹಾರಾಣಿ, ನಮಗೆಲ್ಲಾ ಸಮಧಾನ ಬೇಕು. ಆದರೆ ಹೆಚ್ಚಿನ ಕುಟುಂಬಗಳಲ್ಲಿ ಇಂದು ಸಮಾಧಾನವಿಲ್ಲಾ, ಇದಕ್ಕೆ ನಮ್ಮಲ್ಲಿ ವಿಶ್ವಾಸ, ಪ್ರಾರ್ಥನೆ, ಭಕ್ತಿ ಇಲ್ಲವಾಗಿದ್ದುದೇ ಕಾರಣವಾಗಿದೆ. ಯೇಸು ಸಮಾಧಾನದ ಮಹಾರಾಜ, ಆತನಲ್ಲಿ ವಿಶ್ವಾಸಿ ಪ್ರಾರ್ಥಿಸಿ, ಅವನ ತಾಯಿ ರೋಜರಿ ಮಾತೆಯಲ್ಲಿ  ನಿಮಗಾಗಿ ಬೇಡಿ, ಆಗ ಅವಳು ದೇವಪುತ್ರನಾದ ಯೇಸುವಿನಲ್ಲಿ  ನಿಮಗಾಗಿ ವಿನಂತಿಸುವಳು, ಮೇರಿ ಮಾತೆ ಜೀವನವಿಡಿ ಕಷ್ಟ ಪಟ್ಟಳು, ಆದರೆ ಅವಳು ದೇವರಿಗೆ ವಿಧೇಯಳಾದಳು. ಹಾಗೇ ನಾವು ವಿಶ್ವಾಸಿಗರಾಗಿ, ಪ್ರಾರ್ಥನೆಯುಳ್ಳವರಾಗಿ ವಿಧೇಯರಾಗಿ ಪರಿವರ್ತಿತರಾಗೋಣಾ.  ’ನಮ್ಮ ಕುಟುಂಬಗಳು ವಿಶ್ವಾಸದ ಮಂದಿರಗಳು ಹಾಗೂ ಸಮಾಧಾನದ ನಿವಾಸವಾಗಳಾಗಬೇಕು’ ಅದಕ್ಕಾಗಿ ರೋಜರಿ ಮಾತೆಯಲ್ಲಿ ಪ್ರಾರ್ಥಿಸುತ್ತಾ, ಅವಳ ಆದರ್ಶದಂತೆ ಜೀವಿಸಿ ಮುಂದೊಂದು ದಿನ ನಾವು ಸ್ವರ್ಗದ ನಿವಾಸಿಗಳಾಗಲು ಪ್ರಯತ್ನಿಸೋಣ’ ಎಂದು ಅವರು ನುಡಿದರು.
ಕುಂದಾಪುರ ಚರ್ಚಿನ ಧರ್ಮಗುರು ಅ|ವಂ|ಸ್ತ್ಯಾನಿ ತಾವ್ರೊ ಬಲಿ ಪೂಜೆಯಲ್ಲಿ ಭಾಗವಹಿಸಿ ಧನ್ಯವಾದಗಳನ್ನು ಅರ್ಪಿಸಿದರು. ಪ್ರಾಂಶುಪಾಲಾರಾದ ಧರ್ಮಗುರು ವಂ|ಪ್ರವೀಣ್ ಮಾರ್ಟಿಸ್ ಗಾಯನ ಮಂಡಳಿಯ ನೇತ್ರತ್ವನ್ನು ವಹಿಸಿದ್ದರು, ಸಹಾಯಕ ಧರ್ಮಗುರು ವಂ|ವಿಜಯ್ ಡಿಸೋಜಾ, ಕುಂದಾಪುರ ವಲಯದ ಧರ್ಮ ಕೇಂದ್ರಗಳ ಅನೇಕ ಧರ್ಮಗುರುಗಳು ಹಾಗೂ ಅತಿಥಿ ಧರ್ಮಗುರುಗಳು ದಿವ್ಯ ಬಲಿಪೂಜೆಯಲ್ಲಿ ಭಾಗಿಯಾದರು.ಅನೇಕ ಧರ್ಮ ಭಗಿನಿಯರು, ಹಾಗೂ ಬಹು ಸಂಖ್ಯೆಯ ಭಕ್ತಾದಿಗಳು ರೊಜರಿ ಮಾತೆಯ ವಾರ್ಷಿಕ ಜಾತ್ರೆಯ ಪವಿತ್ರ ಬಲಿದಾನ ಮತ್ತು ಜಾತ್ರೆಯಲ್ಲಿ ಭಾಗಿಯಾದರು.

ಕುಂದಾಪುರ ತೆರಾಲಿಯ ಸಂಭ್ರಮ – ಮೇರಿ ಮಾತೆಯ ಆದರ್ಶದಂತೆ ನಾವೆಲ್ಲಾ ಬಾಳೋಣ -ಫಾ|ರೋಯ್ ಲೋಬೊ

 

JANANUDI.COM NETWORK

ಕುಂದಾಪುರ ತೆರಾಲಿಯ ಸಂಭ್ರಮ – ಮೇರಿ ಮಾತೆಯ ಆದರ್ಶದಂತೆ ನಾವೆಲ್ಲಾ ಬಾಳೋಣ -ಫಾ|ರೋಯ್ ಲೋಬೊ

 

 

ಕುಂದಾಪುರ,ನ.28: ಕುಂದಾಪುರ ರೊಜಾರಿ ಮಾತೆ ಇಗರ್ಜಿಯ ತೆರಾಲಿ ಜಾತ್ರೆಯು ಮಂಗಳವಾರದಂದು ದೇವರ ದೇವರ ವಾಕ್ಯದ ಪೂಜಾ ವಿಧಿಯಿಂದ ಆರಂಭ ಗೊಂಡಿತು. ಸಂಜೆ ರೋಜರಿ ಮಾತೆಯ ಪಲ್ಲಕ್ಕಿಯ ಮೆರವಣಿಗೆ ಬಹಳ ವಿಜ್ರಂಭಣೆಯಿಂದ ನೆಡೆಸಿದ ತರುವಾಯ ಈ ದೇವರ ವಾಕ್ಯದ ಭಕ್ತಿಯನ್ನು ಆಚರಿಸಲಾಯಿತು
ಈ ಪೂಜಾ ವಿಧಿಯನ್ನು ಕಳೆದ ವರ್ಷ ಕುಂದಾಪುರ ಚರ್ಚಿನಲ್ಲಿ ಸೇವೆ ಸಹಾಯಕ ಗುರುಗಳಾಗಿ ನೀಡಿದ ವಂ|ಫಾ|ರೋಯ್ ಲೋಬೊ ನಡೆಸಿಕೊಟ್ಟು “ಯಾವುದೋ ಮನುಷ್ಯ ನಮಗೆ ಒಳಿತನ್ನು ಮಾತನಾಡಿದರೆ, ನಾವು ಸಂತೋಷಗೊಳ್ಳುತ್ತೇವೆ, ಅದೇ ರೀತಿ ನಮ್ಮನ್ನು ಕೆಟ್ಟದ್ದು ಮಾತನಾಡಿದರೆ, ನಮಗೆ ಅತೀವ ದುಖವಾಗುತ್ತದೆ, ಪೆಟ್ಟು ಹೊಡೆದರೆ ಮರೆಯಬಹುದು, ಆದರೆ ಆಡಿದ ಮಾತು ಮರೆಯುವುದು ಸಾಧ್ಯವಿಲ್ಲಾ ಎಂವ ಗಾದೆಯೆ ಇದೆ ಸಾಮಾನ್ಯ ಜನರ ಮಾತಿಗೆ ಅಷ್ಟು ಪ್ರಭಾವ ಇದೆಯೆಂದಾದರೆ ದೇವರ ಮಾತುಗಳಿಗೆ ವಾಕ್ಯಗಳಿಗೆ ಎಷ್ಟು ಮಹತ್ವ ಇರಬೇಡ? ಮೇರಿ ಮಾತೆ ದೇವರ ವಾಕ್ಯವನ್ನು ಅಕ್ಷರಸವಾಗಿ ಪಾಲಿಸಿದವಳು, ದೇವದೂತರು ದೇವರ ವಾಕ್ಯವನ್ನು ಮೇರಿ ಮಾತೆಗೆ ತಿಳಿಸಿದಾಗ ಅವಳು ‘ದೇವರೆ ನಾನು ನಿನ್ನ ಚರಣ ದಾಸಿ, ನಿಮ್ಮ ಮಾತಿನಂತೆ ನಡೆಯುತ್ತೇನೆ’ ಎಂದು ಉದ್ಗರಿಸಿದಳು, ಮತ್ತು ಜೀವನವೀಡಿ ದೇವರ ವಾಕ್ಯಕ್ಕೆ ಅನುಗುಣವಾಗಿ ನಡೆದುಕೊಂಡವಳು. ಮೇರಿ ಮಾತೆ ಯೇಸುವನ್ನು ಎಲ್ಲರಿಕಿಂತ ಹೆಚ್ಚು ಮೇರಿ ಮಾತೆ ಅರ್ಥ ಮಾಡಿಕೊಂಡವಳಾಗಿದ್ದಳು, ಹಾಗಾಗಿ ಮೇರಿ ಮಾತೆಯ ಆದರ್ಶದಂತೆ ನಾವೆಲ್ಲಾ ಬಾಳೋಣ’ ಎಂದು’ ಅವರು ಸಂದೇಶ ನೀಡಿದರು
ದೇವರ ವಾಕ್ಯದ ಭಕ್ತಿ ಸಂಭ್ರಮದ ವಿಧಿಯಲ್ಲಿ ಈ ಹಿಂದೆ ಸೇವೆ ನೀಡಿದ ಮಂಗಳೂರು ರೊಜಾರಿಯೊ ಕ್ಯಾಥೆಡ್ರಲ್ ಇಗರ್ಜಿಯ ಧರ್ಮಗುರು ಅ|ವಂ|ಜೆ.ಬಿ.ಕ್ರಾಸ್ತಾ, ಕುಂದಾಪುರ ಇಗರ್ಜಿಯ ಪ್ರಧಾನ ಧರ್ಮಗುರುಗಳಾದ ಅ|ವಂ|ಸ್ಟ್ಯಾನಿ ತಾವ್ರೊ, ಸಹಾಯಕ ಧರ್ಮಗುರು ವಂ|ವಿಜಯ್ ಡಿಸೋಜಾ, ಮತ್ತು ಸಂತ ಜುಜೆ ವಾಜ್ ಇವರಿಗೆ ಸಮರ್ಪಿಲ್ಪಟ್ಟ ಕುಂದಾಪುರ ವಲಯದ, ಎಲ್ಲಾ ಇಗರ್ಜಿಗಳ ಧರ್ಮಗುರುಗಳು, ಕಟ್ಖರೆ ಬಾಲ ಯೇಸು ಆಶ್ರಮದ ಧರ್ಮಗುರುಗಳು ಹಾಗೂ ಅತಿಥಿ ಧರ್ಮಗುರುಗಳು ಈ ಪೂಜಾವಿಧಿಯಲ್ಲಿ ಪಾಲುಗೊಂಡರು. ಗಾಯನ ಮಂಡಳಿಯ ನೇತ್ರತ್ವವನ್ನು ಪ್ರಾಂಶುಪಾಲಾರಾದ ಧರ್ಮಗುರು ವಂ|ಪ್ರವೀಣ್ ಅಮ್ರತ್ ಮಾರ್ಟಿಸ್ ವಹಿಸಿದ್ದರು
ಇಗರ್ಜಿಯ ಪಾಲನ ಮಂಡಳಿಯ ಉಪಾಧ್ಯಕ್ಷ ವಂದನಾರ್ಪಣೆ ಸಲ್ಲಿಸಿದರು. ಕಾರ್ಯದರ್ಶಿ ಸದಸ್ಯರು, ಗುರಿಕಾರರು, ಧರ್ಮ ಭಗಿನಿಯರು ಉಪಸ್ಥಿತರಿದ್ದರು. ಈ ಜಾತ್ರೆಗೆ ಕ್ರೈಸ್ತ ಬಾಂಧವರಲ್ಲದೆ, ಜಾತಿ ಧರ್ಮ ಭೇದ ಭಾವ ಮರೆತು ಬಹು ಸಂಖ್ಯೆಯಲ್ಲಿ ಜನರು ಭಾಗವಹಿಸಿ ಭಾವೈಕತೆ ಮೆರೆದರು.