HOLY ROSARY CHURCH, KUNDAPUR – 450 th JUBILEE SOUVENIR 2021

ಬೆಳ್ಮಣ್ಣು ಜೇಸಿಐ : ಜೇಸಿರೇಟ್ ಮತ್ತು ಜೂನಿಯರ್ ಜೇಸಿ ವಿಭಾಗದ ಪದಗ್ರಹಣ ಸಮಾರಂಭ

ವರದಿ: ವಾಲ್ಟರ್ ಮೊಂತೇರೊ 

 

 

ಬೆಳ್ಮಣ್ಣು ಜೇಸಿಐ : ಜೇಸಿರೇಟ್ ಮತ್ತು ಜೂನಿಯರ್ ಜೇಸಿ ವಿಭಾಗದ ಪದಗ್ರಹಣ ಸಮಾರಂಭ

 

 

ಬೆಳ್ಮಣ್ಣು ಜೇಸಿಐನ ಜೇಸಿರೇಟ್ ಮತ್ತು ಜೂನಿಯರ್ ಜೇಸಿ ವಿಭಾಗದ ಪದಗ್ರಹಣ ಸಮಾರಂಭವು ಬುಧವಾರ ಬೆಳ್ಮಣ್ಣು ಜೇಸಿಐನ ಪೂರ್ವಾಧ್ಯಕ್ಷ ಸತೀಶ್ ಕೋಟ್ಯಾನ್‍ರವರ ಮನೆಯಲ್ಲಿ ಜರಗಿತು.
ಬೆಳ್ಮಣ್ಣು ಜೇಸಿಐನ ಅಧ್ಯಕ್ಷ ಸತ್ಯನಾರಾಯಣ ಭಟ್‍ರವರ ಅಧ್ಯಕ್ಷತೆಯಲ್ಲಿ ಜರಗಿದ ಸಮಾರಂಭದಲ್ಲಿ ಜೇಸಿರೇಟ್ ವಿಭಾಗದ ಅಧ್ಯಕ್ಷೆ ಸೌಜನ್ಯ ಸತೀಶ್ ಕೋಟ್ಯಾನ್‍ರವರು ಜೇಸಿರೇಟ್ ವಿಭಾಗದ ಪದಾಧಿಕಾರಿಗಳಿಗೆ ಪ್ರಮಾಣ ವಚನ ಬೋಧಿಸಿದರು. ಜೂನಿಯರ್ ಜೇಸಿ ವಿಭಾಗದ ಅಧ್ಯಕ್ಷ ಸಂದೀಪ್ ಕುಲಾಲ್ ಜೇಜೇಸಿ ವಿಭಾಗದ ಪದಾಧಿಕಾರಿಗಳಿಗೆ ಪ್ರಮಾಣ ವಚನ ಬೋಧಿಸಿದರು.
ಸಮಾರಂಭದಲ್ಲಿ ವಲಯ ಉಪಾಧ್ಯಕ್ಷ ಸಂತೋಷ್ ಕುಮಾರ್, ಜೇಸಿರೇಟ್ ವಲಯ ಸಂಯೋಜಕಿ ಜ್ಯೋತಿ ರಮಾನಾಥ್ ಶೆಟ್ಟಿ, ಜೇಜೇಸಿ ವಲಯ ಸಂಯೋಜಕ ಮರಿಯಪ್ಪ ಪರ್ಕಳ, ನಂದಳಿಕೆ ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್‍ನ ಅಧ್ಯಕ್ಷ ಅಬ್ಬನಡ್ಕ ಸತೀಶ್ ಪೂಜಾರಿ, ನಂದಳಿಕೆ ಶ್ರೀ ಗುರುದುರ್ಗಾ ಮಿತ್ರ ಮಂಡಳಿ ಅಧ್ಯಕ್ಷ ರಾಜೇಶ್ ಕುಮಾರ್ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು. ವೇದಿಕೆಯಲ್ಲಿ ಜೊತೆ ಕಾರ್ಯದರ್ಶಿ ಅವಿನಾಶ್ ಪೂಜಾರಿ ಉಪಸ್ಥಿತಿರಿದ್ದರು.

ನಂದಳಿಕೆ-ಅಬ್ಬನಡ್ಕ ಫ್ರೆಂಡ್ಸ್ ಕ್ಲಬ್ : ಸ್ವಾಮಿ ವಿವೇಕಾನಂದರ ಜನ್ಮದಿನಾಚರಣೆ ಮತ್ತು ರಾಷ್ಟ್ರೀಯ ಯುವ ದಿನಾಚರಣೆ

ವರದಿ: ವಾಲ್ಟರ್ ಮೊಂತೇರೊ

 

 

ನಂದಳಿಕೆ-ಅಬ್ಬನಡ್ಕ ಫ್ರೆಂಡ್ಸ್ ಕ್ಲಬ್ :
ಸ್ವಾಮಿ ವಿವೇಕಾನಂದರ ಜನ್ಮದಿನಾಚರಣೆ ಮತ್ತು ರಾಷ್ಟ್ರೀಯ ಯುವ ದಿನಾಚರಣೆ

 

 

ನೆಹರೂ ಯುವ ಕೇಂದ್ರ ಉಡುಪಿ, ಯುವ ವ್ಯವಹಾರ ಮತ್ತು ಕ್ರೀಡಾ ಸಚಿವಾಲಯ, ಜಿಲ್ಲಾ ಅತ್ಯುತ್ತಮ ಯುವ ಮಂಡಳಿ ಪ್ರಶಸ್ತಿ ಪುರಸ್ಕøತ ಸಂಸ್ಥೆ ನಂದಳಿಕೆ-ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್ ಹಾಗೂ ಜೇಸಿಐ ಬೆಳ್ಮಣ್ಣು ಸಹಯೋಗದಲ್ಲಿ ಆದಿತ್ಯವಾರ ಅಬ್ಬನಡ್ಕ ಸಂಘದ ರಂಗಮಂದಿರದಲ್ಲಿ ಸ್ವಾಮಿ ವಿವೇಕಾನಂದರ ಜನ್ಮದಿನಾಚರಣೆ ಮತ್ತು ರಾಷ್ಟ್ರೀಯ ಯುವ ದಿನಾಚರಣೆ ಕಾರ್ಯಕ್ರಮ ಜರಗಿತು.
ಕಾರ್ಯಕ್ರಮದ ಪ್ರಧಾನ ಭಾಷಣಕಾರರಾದ ಭಾರತೀಯ ಜೇಸಿಐನ ರಾಷ್ಟ್ರೀಯ ತರಬೇತುದಾರ ರಾಜೇಂದ್ರ ಭಟ್ ಕೆ. ದೀಪ ಬೆಳಗಿಸಿ ಸ್ವಾಮಿ ವಿವೇಕಾನಂದರ ಭಾವಚಿತ್ರಕ್ಕೆ ಪುಷ್ಪರ್ಚನೆ ಸಲ್ಲಿಸಿ ಮಾತನಾಡಿದವರು ನಿಮ್ಮನ್ನು ನೀವು ಜಯಿಸಿ, ಆಗ ಇಡೀ ಜಗತ್ತು ನಿಮ್ಮದಾಗುತ್ತದೆ ಎಂದು ಕರೆ ನೀಡಿದವರು ಸ್ವಾಮಿ ವಿವೇಕಾನಂದ. ಯುವಕರಾಗಿದ್ದಾಗಲೇ ಸನ್ಯಾಸತ್ವ ಸ್ವೀಕಾರ ಮಾಡಿ ಧರ್ಮ ಪ್ರಚಾರಕ್ಕೆ ಧುಮುಕಿದ ವಿವೇಕಾನಂದರು ಯುವಜನರಿಗೆ ಸ್ಪೂರ್ತಿ. ನರೇಂದ್ರ ಎಂಬ ಯುವಕ ವಿವೇಕಾನಂದನಾದ ಎಂಬುದರ ಕುರಿತು ಸವಿಸ್ತಾರವಾಗಿ ಮಾತನಾಡಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ನಂದಳಿಕೆ-ಅಬ್ಬನಡ್ಕ ಶ್ರೀ ದುರ್ಗಾಪರಮೇಶ್ವರೀ ಫ್ರೆಂಡ್ಸ್ ಕ್ಲಬ್‍ನ ಅಧ್ಯಕ್ಷ ಅಬ್ಬನಡ್ಕ ಸತೀಶ್ ಪೂಜಾರಿ ವಹಿಸಿದ್ದರು. ಸಂಚಾಲಕ ಅಬ್ಬನಡ್ಕ ಸಂದೀಪ್ ವಿ. ಪೂಜಾರಿ, ಕಾರ್ಯಕ್ರಮದ ನಿರ್ದೇಶಕ ಕಾಸ್ರಬೈಲು ಸುರೇಶ್ ಪೂಜಾರಿ, ನಿಕಟ ಪೂರ್ವಾಧ್ಯಕ್ಷ ರಾಜೇಶ್ ಕೋಟ್ಯಾನ್, ಸ್ಥಾಪಕಾಧ್ಯಕ್ಷ ವಿಠಲ ಮೂಲ್ಯ, ಪೂರ್ವಾಧ್ಯಕ್ಷ ರಘುವೀರ್ ಶೆಟ್ಟಿ, ಕಾರ್ಯದರ್ಶಿ ಪ್ರಶಾಂತ್ ಪೂಜಾರಿ, ಉಪಾಧ್ಯಕ್ಷ ಬಾಲಕೃಷ್ಣ ಮಡಿವಾಳ, ಕೋಶಾಧಿಕಾರಿ ಲೀಲಾ ಪೂಜಾರಿ, ಸದಸ್ಯರಾದ ಲಲಿತಾ ಆಚಾರ್ಯ, ಆರತಿ ಕುಮಾರಿ, ಅಶ್ವಿನಿ ಪೂಜಾರಿ, ಧನಂಜಯ ಕುಲಾಲ್, ಪುಷ್ಪ ಕುಲಾಲ್, ಪದ್ಮಶ್ರೀ ಪೂಜಾರಿ, ಶರತ್ ದೇವಾಡಿಗ, ಸುಲೋಚನಾ ಕೋಟ್ಯಾನ್, ಸುನಿಲ್ ಕುಲಾಲ್, ಸುರೇಶ್ ದೇವಾಡಿಗ ಮೊದಲಾದವರಿದ್ದರು.

 

 

 

ಕಾಂಕ್ರಿಟ್ ತಜ್ಞ ಪ್ರೊ|ಎಂ.ಎಸ್.ಶೆಟ್ಟಿಯವರಿಗೆ ಕೋಣಿ ಮ. ಕಾರಂತ ಪ್ರಶಸ್ತಿ ಪ್ರದಾನ

JANANUDI.COM NETWORK

 

 

ಕಾಂಕ್ರಿಟ್ ತಜ್ಞ ಪ್ರೊ|ಎಂ.ಎಸ್.ಶೆಟ್ಟಿಯವರಿಗೆ ಕೋಣಿ ಮ. ಕಾರಂತ ಪ್ರಶಸ್ತಿ ಪ್ರದಾನ

 

ಕುಂದಾಪುರ, ಜ.20: ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಸಾಧಕರಿಗೆ ಕುಂದಪ್ರಭ ಸಂಸ್ಥೆ ಸುಮಾರು 20 ವರ್ಷಗಳಿಂದ ಖ್ಯಾತ ಪತ್ರಕರ್ತ ಕೋಣಿ ಮ.ಕಾರಂತ ಹೆಸರಿನಲ್ಲಿ ಕೊಡ ಮಾಡುವ 20 ನೇ ವರ್ಷದ ಕೊ.ಮ.ಕಾರಂತ ಪ್ರಶಸ್ತಿಯನ್ನು ಕಾಂಕ್ರಿಟ್ ತಜ್ಞರೆಂದೆ ಪ್ರಖ್ಯಾತರಾದ ಭಾರತ ಸರಕಾರದ ರಕ್ಷಣ ಇಲಾಖೆಯ ಕಾಲೇಜ್ ಆಫ್ ಮಿಲಿಟರಿ ಇಂಜಿನಿಯರಿಂಗಿನ ನಿವ್ರತ್ತ ಹಿರಿಯ ಪ್ರೊಫೆಸರ್ , ಕೋಟೆಶ್ವರದಲ್ಲಿ ಹುಟ್ಟಿ ಕುಂದಾಪುರ ಬೋರ್ಡ್ ಹೈಸ್ಕೂಲನಲ್ಲಿ ಕಲಿತ ಪ್ರೊ|ಎಂ.ಎಸ್.ಶೆಟ್ಟಿಯವರಿಗೆ ಕೋಣಿ ಮ. ಕಾರಂತ ಪ್ರಶಸ್ತಿಯನ್ನು ಅವರು ಕಲಿತ ಶಾಲಾ ವಠಾರದ ಕಲಾ ಮಂದಿರದಲ್ಲಿ ಪ್ರದಾನ ಮಾಡಲಾಯಿತು.
ಸಮಾರಂಭವನ್ನು ಉದ್ಘಾಟಿಸಿ ಪ್ರಶಸ್ತಿ ಪ್ರದಾನ ಮಾಡಿದ ಮಜುರಾಯಿ ಬಂದರು ಒಳನಾಡು ಜಲಸಾರಿಗೆ ಮತ್ತು ಮೀನುಗಾರಿಕಾ ಇಲಾಖೆಯ ಸಚಿವ ಕೋm ಶ್ರೀನಿವಾಸ ಪೂಜಾರಿ ‘ಪ್ರಶಸ್ತಿಗಳು ಸೂಕ್ತ ವ್ಯಕ್ತಿಗಳಿಗೆ ದೊರಕಿದರೆ ಆ ಪ್ರಶಸ್ತಿಯ ಮೌಲ್ಯ ಹೆಚ್ಚುತ್ತದೆ, ಕೊ.ಮ.ಕಾರಂತ ಪ್ರಶಸ್ತಿ ಪ್ರೊ|ಎಂ.ಎಸ್.ಶೆಟ್ಟಿಯವರಿಗೆ ದೊರಕಿದ್ದು ಸೂಕ್ತವಾಗಿದೆ. ಇಂದು ಪ್ರಶಸ್ತಿಗಾಗಿ ನಡೆಯುವ ಪೈಪೋಟಿ , ಒತ್ತಡ ಹೆಚ್ಚುತ್ತದೆ. ಪ್ರೊ|ಎಂ.ಎಸ್.ಶೆಟ್ಟಿಯವರಿಗೆ ಈ ಪ್ರಶಸ್ತಿ ಹುಡುಕಿ ಬಂದಿದೆ, ಅವರ ಅನುಭವವನ್ನು ಸರಕಾರ ಸಮಾಜಕ್ಕೆ ಪ್ರಯೋಜವಾಗುವಂತೆ ಬಳಸಿಕೊಳ್ಳುವಂತೆ ಪ್ರಯತ್ನಿಸಲಾಗುವುದು’ ಎಂದು ಹೇಳಿದರು. ಕುಂದಾಪುರದ ಎಸೋಸಿಯೇಶನ್ ಆಫ್ ಕನ್ಸಲ್ಟಿಂಗ್ ಸಿವಿಲ್ ಇಂಜಿನಿಯರ್ಸ್ ಮತ್ತು ಆರ್ಕಿಟೆಕ್ಸ್ ಅಧ್ಯಕ್ಷರಾದ ರಾಮಚಂದ್ರ ಆಚಾರ್ ಅಭಿನಂದನ ನುಡಿಗಳನ್ನಾಡಿದರು.

    ಪ್ರಶಸ್ತಿ ಸ್ವಿಕರಿಸಿ ಮಾತನಾಡಿದ ಪ್ರೊ|ಎಂ.ಎಸ್.ಶೆಟ್ಟಿಯವರು ನಾನು ಈ ಶಾಲೆಯಲ್ಲಿ ಕಲಿತವನು, ಇಲ್ಲಿ ಪ್ರಶಸ್ತಿ ಪಡೆದ ನನಗೆ ಶುಭ ವಿಚಾರವಾಗಿದೆ. ನಾನು ನನ್ನ ಸೇವೆಯಲ್ಲಿ ಸುಮಾರು 55 ವರ್ಷ ಈ ಪ್ರದೇಶ ಬಿಟ್ಟು ಉತ್ತರ, ಪೂರ್ವ ಭಾರತದಲ್ಲಿ ಇದ್ದು ಮರೆಯಾಗಿದ್ದೆ ಆದರೂ ನನನ್ನು ಹುಡುಕಿ ಪ್ರಶಸ್ತಿ ಕೊಟ್ಟಿದಕ್ಕೆ ತುಂಬು ಧನ್ಯವಾದಗಳು, ನಾನು ಕನ್ನಡ ಪಂಡಿತನಾಗಬೇಕೆಂಬ ಆಶೆ ಹೊಂದಿದ್ದೆ, ಆದರೆ ನನ್ನ ಹೆತ್ತವರ ಆಶೆಯಂತ್ತೆ ಇಂಜಿನಿಯರ್ ಆದೆ, ಇಂದು ಸಫಲನಾಗಿದ್ದೆನೆ. ನಾನು ಈ ಬೋರ್ಡ್ ಹೈಸ್ಕೂಲಿನಲ್ಲಿರುವಾಗಲೇ, ಸ್ವಾತಂತ್ರ್ಯ ಹೋರಾಟಕ್ಕಾಗಿ ನೇಶನಲ್ ಕಾಂಗ್ರೆಸ್ ಬೆಂಬಲಿಸಿ ರಾಷ್ಟ್ರೀಯ ಸೆವಾ ದಳದ ಮೂಲಕ ಸ್ವಾತಂತ್ರ್ಯ ಹೋರಾಟದಲ್ಲಿ ಭಾಗವಹಿಸಿದ್ದೆ. ನಾನು 1948 ರಲ್ಲಿ ಹೈಸ್ಕೂಲು ಮುಗಿಸಿ ಇಂಜಿನಿಯರ್‍ಗೆ ಸೇರಿಕೊಂಡು ಇಂಜಿನಿಯರ್ ಆದಾಗ ನಾನು ಬಹುಶಾ ಕುಂದಾಪುರದ ಎರಡನೇ ಇಂಜಿನಿಯರ್ ಆಗಿದ್ದೆ’ ಎಂದು ಅವರು ನೆನಪಿಸಿಕೊಂಡರು.

ಬಸ್ರೂರು ದೇವಳದ ಮುಖೇಸ್ತರಾದ. ಮಾಜಿ ಶಾಸಕ ಅಪ್ಪಣ್ಣ ಹೆಗ್ಡೆ ಮಾತಾಡಿ ಪ್ರೊ|ಎಂ.ಎಸ್.ಶೆಟ್ಟಿಯವರು ಅವರ ಸೇವೆಗಾಗಿ ಜೀವನದಲ್ಲಿ ಹೆಚ್ಚು ಕಾಲ ಕರ್ನಾಟಕ ಬಿಟ್ಟು ಹೊರಗಡೆ ಇದ್ದರು, ಆದರೂ ಅವರ ಇಳಿ ವಯಸಿನಲ್ಲಿಯೂ ಒಳ್ಳೆಯ ಕನ್ನಡ ಮಾತುಗಳು ಅವರಿಗೆ ಬರುತ್ತವೆಂದು ಅವರ ಮಾತಲ್ಲಿ ಕೇಳಿದೆ. ಯಾರೂ ಕನ್ನಡ ಮಾಧ್ಯಮದಲ್ಲಿ ಕಲಿಯಲು ಹಿಂಜರಿಯುವುದು ಬೇಡ, ಪ್ರೊ|ಎಂ.ಎಸ್.ಶೆಟ್ಟಿಯವ ಸಾಧನೆಯೆ ಉದಾರಣೆಯಾಗಿದೆ’ ಎಂದರು.
ಅಧ್ಯಕ್ಷತೆ ವಹಿಸಿದ್ದ ಉಡುಪಿ ಜಿಲ್ಲೆಯ ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು ಪಠ್ಯೇತರ ಚಟುವಟಿಕೆಗಳಲ್ಲಿ ಸಾಧನೆಗೈದ ತಾಲೂಕಿನ ವಿದ್ಯಾರ್ಥಿಗಳಿಗೆ ಪುರಸ್ಕಾರ ನೀಡಿ ‘ಕುಂದಾಪುರ ಸಣ್ಣ ನಗರವಾದರೂ, ಇಲ್ಲಿ ಹಲವಾರು ಉತ್ತಮ ಕಾರ್ಯಕ್ರಮಗಳು ನಡೆಯುತ್ತಲೆ ಇರುತ್ತವೆ. ಕುಂದಾಪುರ ಬಹಳ ಚಟುವಟಿಕೆಯುಳ್ಳ ನಗರವಾಗಿದ್ದು ಬೇರೆ ಕಡೆ ಹೋದಾಗ ಇಲ್ಲಿನ ವಿಷಯಗಳನ್ನು ಪ್ರಸ್ತಾವಿಸುತ್ತೇನೆ’ ಎಂದರು. ಕುಂದಪ್ರಭದ ಸಂಪಾದಕ ಯು.ಎಸ್.ಶೆಣೈ ಪ್ರಸ್ತಾವಿಕ ಮಾತುಗಳನ್ನಾಡಿ ಸ್ವಾಗತಿಸಿದರು. ಕೋ.ಮ.ಕಾರಂತರ ಸಹೋದರ ಕೋ.ಶಿವಾನಂದ ಕಾರಂತ ಪ್ರಶಸ್ತಿ ಪತ್ರ ವಾಚಿಸಿದರು. ಉಪನ್ಯಾಸಕ ವಿಶ್ವನಾಥ ಕರಬ ಕಾರ್ಯಕ್ರಮ ನಿರೂಪಿಸಿದರು. ಜಯವಂತ ಪೈ ವಂದಿಸಿದರು.

ಸಮುದಾಯೋತ್ಸವ-2020 ಬಿಶಪ್ ಅತಿ ವಂ|ಡಾ|ಜೆರಾಲ್ಡ್ ಐಸಾಕ್ ಲೋಬೊ ಇವರಿಂದ ಉದ್ಘಾಟನೆ : ನಾವು ಚರ್ಚ್ ಗೋಡೆಗಳಿಂದ ಹೊರ ಬಂದು ಇತರ ಸಮಾಜದೊಂದಿಗೆ ಬೆರೆತು ಜಿವಿಸ ಬೇಕು

JANANUDI.COM NETWORK

 

ಸಮುದಾಯೋತ್ಸವ-2020 ಬಿಶಪ್ ಅತಿ ವಂ|ಡಾ|ಜೆರಾಲ್ಡ್ ಐಸಾಕ್ ಲೋಬೊ ಇವರಿಂದ ಉದ್ಘಾಟನೆ : ನಾವು ಚರ್ಚ್ ಗೋಡೆಗಳಿಂದ ಹೊರ ಬಂದು ಇತರ ಸಮಾಜದೊಂದಿಗೆ ಬೆರೆತು ಜಿವಿಸ ಬೇಕು

 

 

 

 

ಉಡುಪಿ : “ನಾವು ಚರ್ಚ್ ಗೋಡೆಗಳಿಂದ ಹೊರ ಬಂದು ಇತರ ಸಮಾಜದೊಂದಿಗೆ ಬೆರೆತು ಜಿವಿಸ ಬೇಕು. ನಮ್ಮ ಕಾರ್ಯ ವ್ಯಾಪ್ತಿ ವಿಸ್ತರಿಸಿಕೊಳ್ಳಬೇಕು.  ಕೆಥೊಲಿಕ್ ಉಡುಪಿ ಪ್ರದೇಶ್ ಇದರ ವತಿಯಿಂದ ಉಡುಪಿ ಧರ್ಮಪ್ರಾಂತ್ಯದ 2020 ಜನವರಿ 19ರಂದು ಕಲ್ಯಾಣಪುರದ ಮೌಂಟ್ ರೋಜರಿ ಚರ್ಚಿನ ಮೈದಾನದಲ್ಲಿ ಆಯೋಜಿಸಿರುವ ಉಡುಪಿ ಧರ್ಮಪ್ರಾಂತ್ಯ ಮಟ್ಟದ ಚಾರಿತ್ರಿಕ ಸಮ್ಮೇಳನ ಸಮುದಾಯೋತ್ಸವ-2020 ಇದರ ಉದ್ಘಾಟನೆಯನ್ನು ನೆರವೇರಿಸಿ ಉಡುಪಿ ಧರ್ಮ ಪ್ರಾಂತ್ಯದ ಧರ್ಮಾಧ್ಯಕ್ಷರಾದ  ಅತಿ ವಂ|ಡಾ|ಜೆರಾಲ್ಡ್ ಐಸಾಕ್ ಲೋಬೊ ಮಾತನಾಡಿದರು.

 

    ದೇಶದಲ್ಲಿ ಇಂದು ಪ್ರಜಾಪ್ರಭುತ್ವ ದುರ್ಬಲ ಗೊಳ್ಳುತ್ತಲಿದೆ.   ವಸ್ತುಗಳ ಬೆಲೆ ಏರುತ್ತಿದ್ದು ನಿರುದ್ಯೋಗ ಸಮಸ್ಯೆ ಹೆಚ್ಚಾಗುತ್ತಿದೆ. ಆರ್ಥಿಕ ಸ್ಥಿತಿ ಕಳೆಗುಂದಿದೆ, ಹೀಗಿರುವಾಗ ನಾವು ಎಚ್ಚೆತ್ತುಕೊಳ್ಳಬೇಕು.  ಇತ್ತಿಚಿನ   ವರ್ಷಗಳಿಗೆ ಹೋಲಿಸಿದರೆ ನಮ್ಮ ಧರ್ಮಪ್ರಾಂತ್ಯದ ಹಿರಿಯರ ಸಂಖ್ಯೆ ಹೆಚ್ಚುತ್ತಿದೆ ಮತ್ತು ಕ್ರೈಸ್ತರ ಸಂಖ್ಯೆ ಕಡಿಮೆಯಾಗುತ್ತಿದೆ. ಸಮುದಾಯವಾಗಿ ನಾವು ನಮ್ಮ ಜಿಲ್ಲೆಯಲ್ಲಿ ಬಹುಮತದಲ್ಲಿ ಮೂರನೇ ಸ್ಥಾನದಲ್ಲಿದ್ದೇವೆ. ಆದರೆ ನಮಗೆ ಸಿಗ ಬೇಕಾದ ಸೌಲಭ್ಯಗಳನ್ನು ಪಡೆಯುವಲ್ಲಿ ವಿಫಲರಾಗಿದ್ದೆವೆ ನಾವು ನಮ್ಮ ಹಿಂಜರಿಯುವ ಗುಣದಿಂದಾಗಿ ನಮ್ಮ ಶಕ್ತಿಯನ್ನು ಅಥವಾ ನಮ್ಮ ಹಕ್ಕುಗಳನ್ನು ಕಳೆದುಕೊಳ್ಳುತ್ತಿದ್ದೇವೆ. ನಾವು ನಮ್ಮ ದೇಶದ ಪ್ರಜೆಗಳು. ನಾವು ಭಾರತೀಯ ಮೂಲದವರು ಎಂದು ಸಾಬೀತುಪಡಿಸುವಲ್ಲಿ ವಿಫಲರಾಗಿದ್ದೇವೆ. ನಾವು  ಎಲ್ಲದಕ್ಕೂ ಧಾರ್ಮಿಕ ಮುಂದಾಳತ್ವಕ್ಕೆ ಹೊಂದಿಕೊಂಡು ಇದ್ದೆವೆ. ಅದು ಬಿಟ್ಟು ಸಮಾಜದ ಜನರು ಮುಂದಾಳತ್ವವನ್ನು ವಹಿಸಿಕೊಳ್ಳಬೇಕು. ಧಾರ್ಮಿಕ ಮುಖಂಡರನ್ನು ಅವಲಂಬಿಸುತ್ತಿದ್ದು ನಾವಾಗಿ ಯಾವುದೇ ನಿರ್ಧಾರ ಕೈಗೊಳ್ಳೂವ ನಿಟ್ಟಿನಲ್ಲಿ ಶಕ್ತರಾಗಬೇಕು’ ಎಂದು ಅವರು ಸಂದೇಶ ನೀಡಿದರು.

 

     ಮುಖ್ಯ ಅತಿಥಿಗಳಾಗಿ ಆಗಮಿಸಿದ ಉತ್ತರಾಖಂಡದ ಮಾಜಿ ರಾಜ್ಯಪಾಲರಾದ ಮಾರ್ಗರೇಟ್ ಆಳ್ವ ಪ್ರಸ್ತುತ ದೇಶದಲ್ಲಿ ನಡೆಯುತ್ತಿರುವ ಘಟನಾವಳಿಗಳ ಕುರಿತು ಖೇದ ವ್ಯಕ್ತಪಡಿಸಿ ಮಾತನಾಡಿ ರಾಷ್ಟ್ರೀಯ ಪೌರತ್ವ ನೋಂದಣಿ ವಿಚಾರ ದೇಶದ ಅಭಿವೃದ್ಧಿಗೆ ಆತಂಕಕ್ಕೆ ಕಾರಣವಾಗಿದೆ. ದೇಶದಲ್ಲಿ ಪ್ರಸ್ತುತ ನೇರವಾಗಿ ಅಲ್ಲವಾದರೂ ಕ್ರೈಸ್ತ ಸಮುದಾಯವನ್ನು ವಿವಿಧ ರೀತಿಯಲ್ಲಿ ಅಪಾಯಕ್ಕೆ ಸಿಲುಕುವ ಪರಿಸ್ಥಿತಿ ಉಂಟಾಗಿದೆ.  ಉದಾಹರಣೆ ಎಂಬಂತೆ ಕನಕಪುರದ ಕ್ರಿಸ್ತ ಪ್ರತಿಮೆ ನಿರ್ಮಾಣದಲ್ಲಿ ನಡೆಯುತ್ತಿರುವ ರಾಜಕೀಯ ನಾಚಿಕೆಗೀಡು. ಅಲ್ಲಿನ ಪ್ರತಿ ಕ್ರೈಸ್ತ ಕುಟುಂಬಗಳು ಒಂದು ಲಕ್ಷ ದೇಣಿಗೆ ನೀಡಿ ಯೇಸು ಕ್ರಿಸ್ತರ ಮೂರ್ತಿ ನಿರ್ಮಾಣ ಮಾಡಲು ಹೊರಟರೆ ಅದಕ್ಕೆ ವಿರೋಧ ಮಾಡುತಿದ್ದಾರೆ.  ಇಂದು ದೇಶದಲ್ಲಿ ಪ್ರತಿಯೊಬ್ಬರ ಪ್ರತಿಮೆಗಳನ್ನು ನಿರ್ಮಾಣ ಮಾಡಲು ಯಾವುದೇ ವಿರೋಧ ಇಲ್ಲ ಆದರೆ ಕ್ರಿಸ್ತನ ಪ್ರತಿಮೆ ನಿರ್ಮಾಣ ಮಾಡಲು ಮಾತ್ರ ವಿರೋಧ ಯಾಕೆ ಎಂದು  ಕೇಳುತ್ತಾ. ನನ್ನ ಹಿರಿಯವರು ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ಭಾಗವಹಿಸಿ ಜೈಲು ಶಿಕ್ಷೆ ಅನುಭವಿಸಿದ್ದಾರೆ, ಮೋದಿ ಮತ್ತು ಶಾ ಸ್ವಾತಂತ್ರ್ಯ ಸಂಗಾರಮದಲ್ಲಿ  ಭಾಗವಹಿಸಿದ್ದಾರಾ?    ಎಂದು ಪ್ರಶ್ನೆ ಹಾಕಿದರು, ಮೋದಿಯ ಡಿಗ್ರಿ ಸರ್ಟಿಫಿಕೆಟ್ ಇನ್ನು ಹುಡುಕಲಾಗಲಿಲ್ಲಾ, ಇತ್ತೀಚೆಗೆ ಹೊಸದಾಗಿ ಪೌರತ್ವ ನೋಂದಣಿ ಕಾಯ್ದೆಯ ಮೂಲಕ ದೇಶದಲ್ಲಿ ಗೊಂದಲಕ್ಕೆ ಕಾರಣವಾಗಿದೆ. ಹೊಸ ಪೌರತ್ವ ನೋಂದಣಿ ಕಾಯಿದೆಯ ಪ್ರಕಾರ ನಮ್ಮ ಅಜ್ಜ ಮತ್ತು ಪೂರ್ವಜರ ಜನನ ಪ್ರಮಾಣ ಪ್ರತ್ರ ನೀಡಲು ಕೇಳುತ್ತಾರೆ.  ಮತ್ತೆ ನಾವೆಲ್ಲಾ ನಮ್ಮ ಅಜ್ಜ ಅಜ್ಜಿಯರ ದಾಖಲೆ ಹುಡುಕಲಿಕ್ಕಾಗುತ್ತೆದೆಯೊ’ ಎಂದು ಮಾರ್ಮಿಕವಾಗಿ ಪ್ರಶ್ನಿಸಿಸಿದರು.ಈ ಕಾಯಿದೆ ಕ್ರೈಸ್ತರು ಮತ್ತು ಮುಸ್ಲಿಂರಿಗೆ ಮಾತ್ರ ಸೀಮಿತವಾಗಿಲ್ಲ ಬದಲಾಗಿ ಎಲ್ಲಾ ಭಾರತೀಯರಿಗೆ ಸಂಬಂಧಿಸಿದೆ. ನಾನು ಭಾರತೀಯಳಾಗಿ ಜನಸಿದ್ದು ಮತ್ತೊಮ್ಮೆ ಇದನ್ನು ಸಾಬೀತುಪಡಿಸಬೇಕಾಗಿಲ್ಲ ಅದಕ್ಕಾಗಿ ಮತ್ತೊಮ್ಮೆ ಅದಕ್ಕಾಗಿ ಯಾವುದೇ ಅರ್ಜಿಯನ್ನು ಭರ್ತಿ ಮಾಡುವುದಿಲ್ಲ. ನಮ್ಮ ಏನೂ ತಿಳಿಯದ ಬಡ ಜನರ ಪ್ರಮಾಣ ಪತ್ರಗಳನ್ನು ಕೇಳುವುದು ಸರಿಯಲ್ಲ’ ಎಂದರು.

 

ಕಾರ್ಯಕ್ರಮದಲ್ಲಿ ಎಡ್ವರ್ಡ್ ಲಾರ್ಸನ್ ಡಿಸೋಜಾ ಅವರ ನಮ್ಮ ಸಂವಿಧಾನ ಮತ್ತು ಹಕ್ಕುಗಳು ಇದರ ಕೊಂಕಣಿ ಪುಸ್ತಕ ಹಾಗೂ ಡಾ|ಜೆರಾಲ್ಡ್ ಪಿಂಟೊ ರಚಿತ ಕೆಥೊಲಿಕ್ ಸಭಾ ಚರಿತ್ರೆಯ ಪುಸ್ತಕಗಳನ್ನು ಬಿಡುಗಡೆ ಗೊಳಿಸಲಾಯಿತು.

 

ಕ್ರೈಸ್ತ ಸಮುದಾಯದ ಪ್ರಸ್ತುತ ಪರಿಸ್ಥಿತಿ ಮತ್ತು ಭವಿಷ್ಯದ ದೃಷ್ಟಿಕೋನ ವಿಚಾರದಲ್ಲಿ ಮಾಜಿ ಶಾಸಕ ಹಾಗೂ ನಿವೃತ್ತ ಕೆ ಎಸ್ ಅಧಿಕಾರಿ ಜೆ ಆರ್ ಲೋಬೊ ಪ್ರಧಾನ ಭಾಷಣ ಮಾಡಿದರು.

 

ಕಾರ್ಯಕ್ರಮದಲ್ಲಿ ಕೆಥೊಲಿಕ್ ಸಭಾ ಆಧ್ಯಾತ್ಮಿಕ ನಿರ್ದೇಶಕ, ವಂ|ಫರ್ಡಿನಾಂಡ್ ಗೊನ್ಸಾಲ್ವಿಸ್,  ನಿವೃತ್ತ ಕೆ ಎ ಎಸ್ ಅಧಿಕಾರಿ ಅ್ಯಂಟನಿ ಮೆಂಡೊನ್ಸಾ, ನ್ಯಾಯಾವಾದಿ ವಂ|ಫ್ರಾನ್ಸಿಸ್ ಆಸ್ಸಿಸಿ ಆಲ್ಮೇಡಾ, ಹಿರಿಯ ಪತ್ರಕರ್ತ ಗ್ಯಾಬ್ರಿಯಲ್ ವಾಸ್, ಮಿಲಾಗ್ರಿಸ್  ಕಾಲೇಜಿನ ಪ್ರಾಂಶುಪಾಲ ಡಾ|ವಿನ್ಸೆಂಟ್ ಆಳ್ವ, ಮುಂಬೈ ಮಾಡೆಲ್ ಬ್ಯಾಂಕಿನ ಆಲ್ಬರ್ಟ್ ಡಿಸೋಜಾ, ಎಐಸಿಯು ಕಾರ್ಯದರ್ಸಿ ಜೆನೆಟ್ ಡಿಸೋಜಾ, ಎ ಐ ಸಿಯು ಅಧ್ಯಕ್ಷ ಆಸ್ಸಿಸಿ ಗೊನ್ಸಾಲ್ವಿಸ್, ಕೆಥೊಲಿಕ್ ಸಭಾ ಮಂಗಳೂರು ಪ್ರದೇಶ ಅಧ್ಯಕ್ಷ ರೋಲ್ಫಿ ಡಿಕೊಸ್ತಾ, ಜಾನ್ ಡಿಸಿಲ್ವಾ, ವಂ|ಡಾ|ಲೆಸ್ಲಿ ಕ್ಲಿಫರ್ಡ್ ಡಿಸೋಜಾ, ಕೆಥೊಲಿಕ್ ಸ್ತ್ರೀ ಸಂಘಟನೆಯ ಅಧ್ಯಕ್ಷೆ ಪ್ರಮೀಳಾ ಡೆಸಾ, ಎಲಿಯಾಸ್ ಡಿಸೋಜಾ ಸಂತೆಕಟ್ಟೆ, ಕಾರ್ಯದರ್ಶಿ ಸಂತೋಷ್ ಕರ್ನೆಲಿಯೊ, ಕೋಶಾಧಿಕಾರಿ ಜೆರಾಲ್ಡ್ ರೊಡ್ರಿಗಸ್, ನಿಯೋಜಿತ ಅಧ್ಯಕ್ಷ ರೋಬರ್ಟ್ ಮಿನೇಜಸ್, ನಿಕಟಪೂರ್ವ ಅಧ್ಯಕ್ಷ ವಲೆರೀಯನ್ ಫೆರ್ನಾಂಡಿಸ್, ಸಮುದಾಯೋತ್ಸವ ಸಂಚಾಲಕ ಎಲ್ ರೋಯ್ ಕಿರಣ್ ಕ್ರಾಸ್ಟೊ, ವಲಯಗಳ ಅಧ್ಯಕ್ಷರಾದ ರೊನಾಲ್ಡ್, ಹೆರಿಕ್ ಗೊನ್ಸಾಲ್ವಿಸ್, ಐಡಾ ಕರ್ನೆಲಿಯೊ, ಹಾಗೂ ಇನ್ನಿತರರು ಉಪಸ್ಥಿತರಿದ್ದರು.

 

ಕೆಥೊಲಿಕ್ ಸಭಾ ಉಡುಪಿ ಪ್ರದೇಶ್ ಅಧ್ಯಕ್ಷ ಆಲ್ವಿನ್ ಕ್ವಾಡ್ರಸ್ ಸ್ವಾಗತಿಸಿ, ಸಮುದಾಯೋತ್ಸವ ಕಾರ್ಯದರ್ಶಿ ಮೇರಿ ಡಿಸೋಜಾ ವಂದಿಸಿದರು. ಲೆಸ್ಲಿ ಆರೋಜಾ, ಎಡ್ವರ್ಡ್ ಲಾರ್ಸನ್ ಡಿಸೋಜಾ ಕಾರ್ಯಕ್ರಮ ನಿರೂಪಿಸಿದರು.

 

 

 

ಕೊಟೇಶ್ವರ ಕಟ್ಕರೆಯಲ್ಲಿ ಬಾಲ ಯೇಸುಸುವಿನ ವಾರ್ಷಿಕ ಮಹೊತ್ಸೋವ

JANANUDI.COM NETWORK

 

 

 

 

ಕೊಟೇಶ್ವರ ಕಟ್ಕರೆಯಲ್ಲಿ ಬಾಲ ಯೇಸುಸುವಿನ ವಾರ್ಷಿಕ ಮಹೊತ್ಸೋವ

 

 

 

ಕುಂದಾಪುರ,ಜ.19 ಕೊಟೇಶ್ವರ ಕಟ್ಕರೆಯ ಬಾಲ ಯೇಸುವಿನ ಕಾರ್ಮೆಲ್ ಮಠಾಶ್ರಮದಲ್ಲಿ ಬಾಲಾ ಯೇಸುವಿನ ವಾರ್ಷಿಕ ಮಹೊತ್ಸೋವವು ಜನವರಿ 18 ಶನಿವಾರದಂದು ಭಕ್ತಿ ಬಲಿದಾನದ ಮೂಲಕ ನಡೆಯಿತು. ‘ನೀನೆ ಸಾಕು ದೆವಾ’ ಎಂಬ ಧೇಯ್ಯ ವಾಖ್ಯದೊಂದಿಗೆ ನಡೆದ ಉತ್ಸವದಲ್ಲಿ ರಿಷಿವನ ಇನ್ಸುಟ್ಯುಟ್‍ನ ಪ್ರಾದ್ಯಪಕರಾದ ಧರ್ಮಗುರು ವಂ| ಜೊಸೆಫ್ ಡಿಸೋಜಾ ಒ.ಸಿ.ಡಿ.ಇವರು ಉತ್ಸವದ ದಿವ್ಯ ಬಲಿಪೂಜೆಯನ್ನು ಅರ್ಪಿಸಿ ಬಾಲಾ ಯೇಸುವಿಗೆ ನಾವು ಎಷ್ಟು ಗೌರವಿಸುತ್ತೇವೊ, ಅದಕ್ಕಿಂತ ಹೆಚ್ಚು ನಿಮ್ಮನ್ನು ಬಾಲ ಯೇಸು ಆಶಿರ್ವಾದಿಸುತ್ತಾರೆ, ನಾವುಗಳು ಕ್ರೈಸ್ತರು ಅಂದರೆ ನಾವು ಕ್ರಿಸ್ತನ ಅನುಯಾಯಿಗಳಾದ ನಾವು ಯೇಸುವಿನ ತತ್ವಗಳಂತೆ ನಡೆಯಬೇಕು, ನಾವು ತಪ್ಪುಗಳನ್ನು ಎಸಗಿದರು, ನಮ್ಮಂತಹ ಪಾಪಿಗಳನ್ನು ಕ್ಷಮಿಸಿ ತನ್ನೊಟ್ಟಿಗೆ ಜೀವಿಸಲು ಬರಮಾಡಿಕೊಳ್ಳುವಂತವರು ನಮ್ಮ ದೇವರು. ಅಧಿಕಾರ ಅಂತಸ್ತು, ಮಾನ ಮರ್ಯಾದೆಗೆ ಅಂಟ್ಟಿಕೊಳ್ಳದಿರಿ, ಸೇವಕರಂತ್ತೆ ಸಮಾಜದ ಸೇವೆ ಮಾಡಿ. ಸೈತಾನನು ನಿಮಗೆ ದೇವರಂತೆ ದಿವ್ಯ ಶಕ್ತಿಯಿದೆಯೆಂದು ತಪ್ಪು ನಿಮಗೆ ತಪ್ಪು ದಾರಿಗೆ ಎಳೆಯುತ್ತಾನೆ, ಆದರೆ ನಾವು ಜಾಗ್ರತರಾಗಿದ್ದು ದೇವರ ಮುಂದೆ ಅತೀ ಸಣ್ಣವರಾಗಿ ಸೇವೆ ಮಾಡಿ ದೇವರ ಸಾಮ್ರಾಜ್ಯದಲ್ಲಿ ಸ್ಥಾನ ಗಳಿಸಲು ಪ್ರಯತ್ನಿಸೋಣ’ ಎಂದು ಸಂದೇಶ ನೀಡಿದರು.
ಈ ಉತ್ಸವದ ತಯಾರಿಗಾಗಿ ಆಶ್ರಮದಲ್ಲಿ 3 ದಿನಗಳ ಧ್ಯಾನ ಕೂಟವನ್ನು ಹಮ್ಮಿಕೊಂಡಿತ್ತು. ಈ ಧ್ಯಾನ ಕೂಟವನ್ನು ವಂ|ಫಾ| ಸ್ಟೀವನ್ ಲೋಬೊ, ಜೊಯೆಲ್ ಲಸ್ರಾದೊ, ರೊನಾಲ್ಡ್ ಡಿಸೋಜಾ ಇವರು ನೆಡೆಸಿಕೊಟ್ಟರು. ಮಹಾ ವಾರ್ಷಿಕದ ಈ ಉತ್ಸವದ ಬಲಿ ಪೂಜೆಯಲ್ಲಿ ಕುಂದಾಪುರ ವಲಯದ ಪ್ರಧಾನ ಧರ್ಮಗುರು ಅ|ವಂ|ಸ್ಟ್ಯಾನಿ ತಾವ್ರೊ ಬಲಿದಾನದಲ್ಲಿ ಭಾಗಿಯಾಗಿ ಉತ್ಸವದ ಕಾರ್ಮೆಲ್ ಸಂಸ್ಥೆಯ ಯಾಜಕರಿಗೆ ಶುಭಾಶಯಗಳನ್ನು ಕೋರಿದರು.
ಬಿಕರ್ನಕಟ್ಟೆ ಬಾಲ ಯೇಸು ಪುಣ್ಯ ಕ್ಷೇತ್ರದ ರೆಕ್ಟರ್ ಧರ್ಮಗುರು ವಂ| ಪ್ರಕಾಶ್ ಡಿಕುನ್ಹಾ, ಸಂತ್ ಅಂತೋನಿ ಪುಣ್ಯ ಕ್ಷೇತ್ರದ ರೆಕ್ಟರ್ ಕ್ಷೇವಿಯರ್ ಪಿಂಟೊ, ವಂ|ಫಾ|ಪ್ರವೀಣ್ ಮಾರ್ಟಿಸ್, ವಂ|ಫಾ|ವಿಜಯ್ ಡಿಸೋಜಾ, ವಂ|ಫಾ|ಜೋನ್ ಮಿನೇಜೆಸ್, ವಂ|ಫಾ| ಜೋನ್ ಆಲ್ಫ್ರೆಡ್ ಬಾರ್ಬೊಜಾ ಮತ್ತು ಬಿಕರ್ನ ಕಟ್ಟೆಯ ಬಾಲ ಯೇಸು ಪುಣ್ಯ ಕ್ಷೇತ್ರದ ಹಲವಾರು ಧರ್ಮಗುರುಗಳು ಹಾಗೇ ಕುಂದಾಪುರ ವಲಯದ ಧರ್ಮಗುರುಗಳು, ಅತಿಥಿ ಇತರ ಅನೇಕ ಧರ್ಮಗುರುಗಳು ಈ ಉತ್ಸವದ ಬಲಿದಾನದಲ್ಲಿ ಭಾಗಿಯಾದರು. ಈ ಸಂದರ್ಭದಲ್ಲಿ ವಂ|ಫಾ| ಆಲ್ವಿನ್ ಇವರ ಭಕ್ತಿ ಗೀತೆಗಳ ಸಿಡಿಯನ್ನು ಬಿಡುಗಡೆಗೊಳಿಸಲಾಯಿತು. ಕಟ್ಕರೆ ಬಾಲ ಯೇಸುವಿನ ಆಶ್ರಮದ ಮುಖ್ಯಸ್ಥರಾದ ಸಿರಿಲ್ ಮಿನೇಜಸ್ ಧನ್ಯವಾದಗಳನ್ನು ಅರ್ಪಿಸಿದರು.. ವಂ|ಫಾ|ಸ್ಟೀವನ್ ಲೋಬೊ ಸ್ವಾಗತಿಸಿ, ಗಾಯನ ತಂಡದ ನೇತ್ರತ್ವನ್ನು ವಹಿಸಿದರು ವಂ|ಫಾ| ದೀಪ್ ಫೆರ್ನಾಂಡಿಸ್ ಕಾರ್ಯಕ್ರಮವನ್ನು ನಿರೂಪಿಸಿದರು.

 

ಅಣ್ಣಿಹಳ್ಳಿ ಸೊಸೈಟಿಗೆ ನಾಗರಾಜು ಸಾರಥ್ಯ

ವರದಿ: ಶಬ್ಬಿರ್ ಅಹ್ಮದ್,ಶ್ರೀನಿವಾಸಪುರ

 

 

 

 

ಅಣ್ಣಿಹಳ್ಳಿ ಸೊಸೈಟಿಗೆ ನಾಗರಾಜು ಸಾರಥ್ಯ

 

 

 

 

 

ಕೋಲಾರ: ತಾಲೂಕಿನ ಅಣ್ಣಿಹಳ್ಳಿ ರೇಷ್ಮೆ ಬೆಳೆಗಾರರ ಹಾಗೂ ರೈತರ ಸೇವಾ ಸಹಕಾರ ಸಂಘದ ಅಧ್ಯಕ್ಷರಾಗಿ ಅಣ್ಣಿಹಳ್ಳಿನಾಗರಾಜ, ಉಪಾಧ್ಯಕ್ಷರಾಗಿ ತೊಂಡಾಲ ವನಿತಾವೆಂಕಟರಾಮ್ ಅವಿರೋಧ ಆಯ್ಕೆಯಾದರು. ಅಂತೆಯೇ ಸುಗಟೂರು ರೇಷ್ಮೆ ಬೆಳೆಗಾರರ ಹಾಗೂ ರೈತರ ಸೇವಾ ಸಹಕಾರ ಸಂಘದ ಅಧ್ಯಕ್ಷರಾಗಿ ಜನ್ನಘಟ್ಟ ಟಿ.ವಿ.ತಿಮ್ಮರಾಯಪ್ಪ, ಉಪಾಧ್ಯಕ್ಷರಾಗಿ ಸುಗಟೂರುರುಕ್ಕಮ್ಮ ಅವಿರೋಧವಾಗಿ ಚುನಾಯಿತರಾದರು.

ಸೊಸೈಟಿ ನಿರ್ದೇಶಕರುಗಳ ಸ್ಥಾನಕ್ಕೆ ಚುನಾವಣೆ ನಡೆದು ಅವಿರೋಧ ಆಯ್ಕೆ ಪೂರ್ಣಗೊಂಡಿದ್ದು ಈ ಹಿನ್ನೆಲೆಯಲ್ಲಿ ಡಿಸಿಸಿ ಬ್ಯಾಂಕ್ ಅಧ್ಯಕ್ಷರಾದ ಬ್ಯಾಲಹಳ್ಳಿ ಎಂ.ಗೋವಿಂದಗೌಡ ಹಾಗೂ ನಿರ್ದೇಶಕ ಎಂಎಲ್.ಅನಿಲ್ ಕುಮಾರ್ ನೇತೃತ್ವದಲ್ಲಿ ಶುಕ್ರವಾರ ನಗರದ ಯೂನಿಯನ್ ಕಚೇರಿಯಲ್ಲಿ ನಡೆದ ಚುನಾವಣೆಯಲ್ಲಿ ಎರಡೂ ಸಂಘಗಳಿಗೆ ಅಧ್ಯಕ್ಷರು ಮತ್ತು ಉಪಾಧ್ಯಕ್ಷರನ್ನು ಅವಿರೋಧವಾಗಿ ಆಯ್ಕೆ ಮಾಡಲಾಯಿತು.

ದಾಖಲೆ ಸಾಲ ವಿತರಣೆ: ಈ ಸಂದರ್ಭದಲ್ಲಿ ಮಾತನಾಡಿದ ಅಣ್ಣಿಹಳ್ಳಿ ಸೊಸೈಟಿ ನೂತನ ಅಧ್ಯಕ್ಷ ಅಣ್ಣಿಹಳ್ಳಿನಾಗರಾಜ, ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಅವಳಿ ಜಿಲ್ಲೆಗಳಲ್ಲಿ ಎರಡೂ ಸಹಕಾರ ಸಂಘಗಳಿಂದ ಅತಿ ಹೆಚ್ಚಿನ ಸಾಲವನ್ನು ಸ್ತ್ರೀ ಶಕ್ತಿ ಸಂಘಗಳಿಗೆ ನೀಡುವ ಮೂಲಕ ದಾಖಲೆ ಮಾಡಲಾಗಿದ್ದು ಎರಡೂ ಹೋಬಳಿಯಲ್ಲಿ ಹೆಣ್ಣು ಮಕ್ಕಳಲ್ಲಿ ಮನೆ ಮಾತಾಗಿದೆ. ಮಾಜಿ ಸ್ಪೀಕರ್ ಕೆ.ಆರ್.ರಮೇಶ್ ಕುಮಾರ್, ಶಾಸಕ ಕೆ.ಶ್ರೀನಿವಾಸಗೌಡ, ಡಿಸಿಸಿ ಬ್ಯಾಂಕ್ ಅಧ್ಯಕ್ಷರಾದ ಬ್ಯಾಲಹಳ್ಳಿ ಎಂ.ಗೋವಿಂದಗೌಡ, ನಿರ್ದೇಶಕರಾದ ಅನಿಲ್ ಕುಮಾರ್, ಜಿಪಂ ಮಾಜಿ ಅಧ್ಯಕ್ಷ ವೆಂಕಟಮುನಿಯಪ್ಪ,ಕೋಚಿಮುಲ್ ಮಾಜಿ ಅಧ್ಯಕ್ಷ ಎನ್.ಜಿ.ಬ್ಯಾಟಪ್ಪ ಅವರ ಮಾರ್ಗದರ್ಶನದಲ್ಲಿ ರೈತರು ಹಾಗೂ ಬಡ ಹೆಣ್ಣು ಮಕ್ಕಳ ಅಭಿವೃದ್ಧಿಗೆ ಪಕ್ಷಾತೀತ ಮತ್ತು ಜಾತ್ಯಾತೀತವಾಗಿ ಯಾವುದೇ ವರ್ಗಕ್ಕೂ ನೋವಾಗದ ರೀತಿಯಲ್ಲಿ ಶ್ರಮಿಸುವುದಾಗಿ ಭರವಸೆ ನೀಡಿದರು.

ಮಾದರಿ ಸಂಘ: ಸುಗಟೂರು ಸೊಸೈಟಿ ನೂತನ ಅಧ್ಯಕ್ಷ ಜನ್ನಘಟ್ಟ ಟಿ.ವಿ.ತಿಮ್ಮರಾಯಪ್ಪ ಮಾತನಾಡಿ, ಸಹಕಾರ ಸಂಘದ ನಿರ್ದೇಶಕರು ಮತ್ತು ಮುಖಂಡರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ರೇಷ್ಮೆ ಬೆಳೆಗಾರರ ಹಾಗೂ ರೈತರ ಸೇವಾ ಸಹಕಾರ ಸಂಘವನ್ನು ಮಾದರಿಯಾಗಿ ಅಭಿವೃದ್ಧಿ ಮಾಡುವ ಜತೆಗೆ ರೈತರು ಹಾಗೂ ಸ್ತ್ರೀ ಶಕ್ತಿ ಸಂಘದ ಬಡ ಮಹಿಳೆಯರಿಗೆ ಮತ್ತಷ್ಟು ಸೌಲಭ್ಯಗಳನ್ನು ಒದಗಿಸುವ ಮೂಲಕ ಸ್ವಾವಲಂಭಿಗಳನ್ನಾಗಿಸಲು ದುಡಿಯುವುದಾಗಿ ಆಶ್ವಾಸನೆ ನೀಡಿದರು. ಸಹಕಾರಿ ಮುಖಂಡರಾದ ಕೃಷ್ಣೇಗೌಡ, ಅರಹಳ್ಳಿ ಲಿಂಗಣ್ಣ, ಸಿಇಒಗಳಾದ ಅಣ್ಣಹಳ್ಳಿಶ್ರೀನಿವಾಸ್, ಸುಗಟೂರು ಎಂ.ಪುಟ್ಟರಾಜು, ಚುನಾವಣಾಧಿಕಾರಿ ಎಲೀಶ್ ಕುಮಾರ್ ಮತ್ತು ವೆಂಕಟೇಶಬಾಬು ಅವರು ನೂತನ ಅಧ್ಯಕ್ಷರುಗಳು ಮತ್ತು ಉಪಾಧ್ಯಕ್ಷರುಗಳನ್ನು ಅಭಿನಂದಿಸಿದರು.

ಅಣ್ಣಹಳ್ಳಿ ಸೊಸೈಟಿ ನಿರ್ದೇಶಕರಾದ ಬ್ಯಾಟಪ್ಪ,ಲಕ್ಷ್ಮಮ್ಮ,ಎಂ.ಮುನಿವೆಂಕಟಪ್ಪ,ಟಿ.ನಾರಾಯಣಸ್ವಾಮಿ,ಮುನೇಗೌಡ,ಮುನಿವೆಂಕಟಪ್ಪ,ಸುಬ್ರಮಣಿ ಇದ್ದರು. ಸುಗಟೂರು ಸೊಸೈಟಿ ನಿರ್ದೇಶಕರಾದ ವೆಂಕಟರಾಮರೆಡ್ಡಿ,ಎ.ಸಿ.ಭಾಸ್ಕರ್,ವೆಂಕಟರಾಮಪ್ಪ,ಗೋಪಾಲಗೌಡ,ಡಿ.ಗೋಪಾಲಪ್ಪ,ಎಂ.ಎಸ್.ರಮಣಾರೆಡ್ಡಿ,ಅಮರನಾರಾಯಣಸ್ವಾಮಿ,ವೆಂಕಟಮ್ಮ,ಸವಿತಾ ಎನ್.ಶೆಟ್ಟಿ ಹಾಜರಿದ್ದರು. ಫೋಟೋ ಕ್ಯಾಪ್ಷನ್:ಕೋಲಾರ ತಾಲೂಕಿನ ಅಣ್ಣಿಹಳ್ಳಿ ಹಾಗೂ ಸುಗಟೂರು ಸೊಸೈಟಿ ಅಧ್ಯಕ್ಷರು ಮತ್ತು ಉಪಾಧ್ಯಕ್ಷರುಗಳನ್ನು ಸಹಕಾರಿ ಯೂನಿಯನ್‍ನಲ್ಲಿ ಅವಿರೋಧವಾಗಿ ಆಯ್ಕೆ ಮಾಡಲಾಯಿತು.(17ಕೆಪಿಎಚ್1)

ಸೊಸೈಟಿ ಗಟ್ಟಿ ಆದರೆ ಬ್ಯಾಂಕ್ ಅಭಿವೃದ್ಧಿ: ಗೋವಿಂದಗೌಡ ಕೋಲಾರ ಡಿಸಿಸಿ ಬ್ಯಾಂಕ್ ಸಾಧನೆಗೆ ರೇಷ್ಮೆ ಬೆಳೆಗಾರರ ಹಾಗೂ ರೈತರ ಸೇವಾ ಸಹಕಾರ ಸಂಘಗಳೇ ಬುನಾದಿ. ಸೊಸೈಟಿಗಳು ಗಟ್ಟಿ ಆಗದ ಹೊರತು ಬ್ಯಾಂಕ್ ಸುಸ್ಥಿರ ಅಭಿವೃದ್ಧಿ ಕಷ್ಟ ಸಾಧ್ಯ ಎಂದು ಡಿಸಿಸಿ ಬ್ಯಾಂಕ್ ಅಧ್ಯಕ್ಷ ಬ್ಯಾಲಹಳ್ಳಿ ಎಂ.ಗೋವಿಂದಗೌಡ ಹೇಳಿದರು. ಸೊಸೈಟಿ ಅಧ್ಯಕ್ಷರು, ಉಪಾಧ್ಯಕ್ಷರು, ನಿರ್ದೇಶಕರು ಮತ್ತು ಸಿಇಒಗಳು ಜನರಿಂದ ಠೇವಣಿ ಸಂಗ್ರಹಣೆ ಮಾಡುವ ಮೂಲಕ ಸಹಕಾರಿ ಕ್ಷೇತ್ರವನ್ನು ಬಲಪಡಿಸಲು ಮುಂದಾಗಬೇಕು. ಮೊದಲು ಹಾಲು ಡೇರಿಗಳನ್ನು ಸಹಕಾರಿ ವ್ಯಾಪ್ತಿಗೆ ತೆಗೆದುಕೊಳ್ಳುವ ಜತೆಗೆ ಎಲ್ಲ ರೈತರಿಂದಲೂ ವೈಯಕ್ತಿಕ ಖಾತೆಗಳನ್ನು ತೆರೆಸಲು ಮುಂದಾಗಬೇಕು.

ಕೋಲಾರ ಡಿಸಿಸಿ ಬ್ಯಾಂಕ್ ಎಲ್ಲ ವಿಭಾಗದಲ್ಲೂ ಇಡೀ ರಾಜ್ಯದಲ್ಲಿಯೇ ಪ್ರಥಮ ಸ್ಥಾನದಲ್ಲಿದ್ದು ಠೇವಣಿ ಸಂಗ್ರಹದಲ್ಲಿ ಸಾಧನೆ ಮಾಡಿದರೆ ಇಡೀ ದೇಶಕ್ಕೆ ನಂಬರ್ 1 ಬ್ಯಾಂಕ್ ಆಗುತ್ತದೆ. ಈ ದೆಸೆಯಲ್ಲಿ ಸೊಸೈಟಿಗಳಿಗೆ ಬ್ಯಾಂಕ್ ಎಲ್ಲ ರೀತಿಯ ನೆರವನ್ನು ನೀಡಲು ಬದ್ಧವಾಗಿದ್ದು 60 ಕಡೆ ಆನ್‍ಲೈನ್ ವ್ಯವಸ್ಥೆ ಪ್ರಕ್ರಿಯೆ ಈಗಾಗಲೇ ಚಾಲನೆಯಲ್ಲಿದೆ. ಅಂಬೇಡ್ಕರ್ ಜಯಂತಿಯಂದು ಅವಳಿ ಜಿಲ್ಲೆಯ ಎಲ್ಲ ತಾಲೂಕು ಕೇಂದ್ರಗಳಲ್ಲಿ ಸಹಕಾರಿ ಲ್ಯಾಬ್ ಉದ್ಘಾಟನೆ ಆಗಲಿದೆ ಎಂದು ಗೋವಿಂದಗೌಡ ತಿಳಿಸಿದರು. ಕೋಟ್ಮೊ ದಲು ಸಹಕಾರಿಗಳು ರಾಷ್ಟ್ರೀಕೃತ ಬ್ಯಾಂಕ್‍ಗಳಲ್ಲಿರುವ ಹಣವನ್ನು ಸೊಸೈಟಿ ಮತ್ತು ಡಿಸಿಸಿ ಬ್ಯಾಂಕಿನಲ್ಲಿ ಇಡುವ ಮೂಲಕ ಸಮಾಜಕ್ಕೆ ಮಾದರಿ ಆಗಬೇಕು. ಸಹಕಾರಿಗಳೇ ಸೊಸೈಟಿಯನ್ನು ನಂಬದೇ ಹೋದಲ್ಲಿ ಹೊಸಬರು ಸಹಕಾರಿ ವಲಯಕ್ಕೆ ಬರುವುದಾದರೂ ಹೇಗೆ? ಡಿಸಿಸಿ ಬ್ಯಾಂಕ್ ರೈತರು ಮತ್ತು ಸ್ತ್ರೀ ಶಕ್ತಿ ಸಂಘದ ವಿಷಯದಲ್ಲಿ ಬಹಳ ನಂಬಿಕೆ ಇಟ್ಟಿದ್ದು ಎಷ್ಟು ಸಾಲವನ್ನು ಬೇಕಾದರೂ ಕೊಡಲು ಸಿದ್ಧವಾಗಿದೆ. ಇದಕ್ಕೆ ಬೆಂಬಲ ನೀಡುವ ನಿಟ್ಟಿನಲ್ಲಿ ಕನಿಷ್ಠ ಮಟ್ಟದ ಠೇವಣಿಯನ್ನಾದರೂ ಕೊಡಲು ಸೊಸೈಟಿಗಳು ಮುಂದಾಗಬೇಕು. – ಎಂ.ಎಲ್.ಅನಿಲ್ ಕುಮಾರ್, ನಿರ್ದೇಶಕರು, ಡಿಸಿಸಿ ಬ್ಯಾಂಕ್.
ವರದಿ ಶಬ್ಬೀರ್ ಅಹಮದ್ ಶ್ರೀನಿವಾಸಪುರ

ಕುಂದಾಪುರ ಭಂಡಾರ್ಕಾರ್ಸ್‍ಕಾಲೇಜಿನ ಸುಮಾರು 69 ವಿದ್ಯಾರ್ಥಿಗಳು ಪ್ರತಿಷ್ಠಿತ ಇನ್ಫೋಸಿಸ್ ಕಂಪೆನಿಗೆ ಕ್ಯಾಂಪಸ್ ರಿಕ್ರುಟ್‍ಮೆಂಟ್ ಮೂಲಕ ಆಯ್ಕೆ

 

JANANUDI.CO NETWORK

 

 

 

ಕುಂದಾಪುರ ಭಂಡಾರ್ಕಾರ್ಸ್‍ಕಾಲೇಜಿನ ಸುಮಾರು 69 ವಿದ್ಯಾರ್ಥಿಗಳು ಪ್ರತಿಷ್ಠಿತ ಇನ್ಫೋಸಿಸ್ ಕಂಪೆನಿಗೆ ಕ್ಯಾಂಪಸ್ ರಿಕ್ರುಟ್‍ಮೆಂಟ್ ಮೂಲಕ ಆಯ್ಕೆ

 

 

ಕುಂದಾಪುರ: ಇಲ್ಲಿನ ಭಂಡಾರ್ಕಾರ್ಸ್‍ಕಾಲೇಜಿನ ಸುಮಾರು 69 ವಿದ್ಯಾರ್ಥಿಗಳು ಪ್ರತಿಷ್ಠಿತ ಇನ್ಫೋಸಿಸ್ ಕಂಪೆನಿಗೆ ಕ್ಯಾಂಪಸ್ ರಿಕ್ರುಟ್‍ಮೆಂಟ್ ಮೂಲಕ ಆಯ್ಕೆಯಾಗಿದ್ದಾರೆ. ಕಾಲೇಜಿನಲ್ಲಿಇನ್ಫೋಸಿಸ್, ಟಿಸಿಎಸ್ ಹೀಗೆ ಒಂದಲ್ಲಒಂದು ಕಂಪೆನಿಗಳ ಕಾಲೇಜಿಗೆ ಬಂದು ಕ್ಯಾಂಪಸ್ ರಿಕ್ರುಟ್‍ಮೆಂಟ್‍ನ್ನು ಕೈಗೊಳ್ಳುತ್ತಿದೆ. ವಿದ್ಯಾರ್ಥಿಗಳು ತಮ್ಮ ಭವಿಷ್ಯವನ್ನು ಕಟ್ಟಿಕೊಳ್ಳುವ ನೆಲೆಯಲ್ಲಿ ಕ್ಯಾಂಪಸ್‍ರಿಕ್ರುಟ್‍ಮೆಂಟ್ ನೆರವಾಗುತ್ತಿದೆ. ಇದರ ಹಿಂದೆಕಾಲೇಜಿನ ಕೆರಿಯರ್‍ಗೈಡೆನ್ಸ್ ಸೆಲ್‍ಇದರಕಾರ್ಯವನ್ನು ಶ್ಲಾಘಿಸಲೇಬೇಕು. ವಿದ್ಯಾರ್ಥಿಗಳನ್ನು ಆ ನಿಟ್ಟಿನಲ್ಲಿ ಸಂವಹನ ನಡೆಸುವುದು ಮತ್ತು ಸಹಕರಿಸುವುದು ಸಂದರ್ಶನಕ್ಕೆ ಬೇಕಾದಂತತಯಾರಿ ನಡೆಸುವುದು ಈ ಎಲ್ಲಾಕಾರ್ಯವನ್ನು ಕೆರಿಯರ್‍ಗೈಡೆನ್ಸ್ ಸೆಲ್ ಪರಿಪೂರ್ಣರೀತಿಯಲ್ಲಿ ನಡೆಸುತ್ತಿದೆ.

ಕೋಟೇಶ್ವರದ ಕುವರ, ದೇಶದ “ಕಾಂಕ್ರಿಟ್ ಪಿತಾಮಹ” ಡಾ.ಎನ್.ವಿನಯ ಹೆಗ್ಡೆಯವರಿಂದ ಪ್ರೊ. ಎಂ.ಎಸ್.ಶೆಟ್ಟಿಯವರಿಗೆ ಜ.19 ರಂದು ಕೋ.ಮ.ಕಾರಂತ ಪ್ರಶಸ್ತಿ ಪ್ರದಾನ

JANANUDI.COM NETWPRK

 

 

 

ಡಾ.ಎನ್.ವಿನಯ ಹೆಗ್ಡೆಯವರಿಂದ ಪ್ರೊ. ಎಂ.ಎಸ್.ಶೆಟ್ಟಿಯವರಿಗೆ
ಜ.19 ರಂದು ಕೋ.ಮ.ಕಾರಂತ ಪ್ರಶಸ್ತಿ ಪ್ರದಾನ
ಕುಂದಪ್ರಭ ಸಂಸ್ಥೆಯ ಆಶ್ರಯದಲ್ಲಿ ಜ.19 ರಂದು ಕೋ.ಮ.ಕಾರಂತ ಪ್ರಶಸ್ತಿಯನ್ನು ಭಾರತದ ರಕ್ಷಣಾ ವಲಯದ ಹಿರಿಯ ಇಂಜಿನಿಯರ್ , ಫಾದರ್ ಆಫ್ ಕಾಂಕ್ರಿಟ್ ಬಿರುದಾಂಕಿತ ಪ್ರೊ. ಎಂ.ಸುಬ್ಬಣ್ಣ ಶೆಟ್ಟಿಯವರಿಗೆ ಪ್ರದಾನ ಮಾಡಲಾಗುತ್ತಿದ್ದು, ನಿಟ್ಟೆ ವಿಶ್ವವಿದ್ಯಾಲಯದ ಕುಲಪತಿ ಡಾ.ಎನ್. ವಿನಯ ಹೆಗ್ಡೆ ಈ ಸಮಾರಂಭ ಉದ್ಘಾಟಿಸಿ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ.
ಉಡುಪಿ ಜಿಲ್ಲೆಯ ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು ಅಧ್ಯಕ್ಷತೆ ವಹಿಸಲಿದ್ದು, ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಗೌರವಿಸಲಿದ್ದಾರೆ.
ಕುಂದಾಪುರದ ಅಸೋಸಿಯೇಷನ್ ಆಫ್ ಕನ್ಸಲ್ಟಿಂಗ್ ಸಿವಿಲ್ ಇಂಜಿನಿಯರ್ಸ್ ಎಂಡ್ ಆರ್ಕಿಟಿಕ್ಟ್ಸ್ ಸಂಘಟನೆಯ ಅಧ್ಯಕ್ಷ ಇಂಜಿನಿಯರ್ ರಾಮಚಂದ್ರ ಆಚಾರ್ ಅಭಿನಂದನಾ ಮಾತುಗಳನ್ನಾಡಲಿದ್ದಾರೆ.
ಈ ಕಾರ್ಯಕ್ರಮದಲ್ಲಿ 50ಕ್ಕೂ ಅಧಿಕ ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಗುರುತಿಸಲಾಗುತ್ತದೆ.
ಜನವರಿ 19 ರಂದು ಸಂಜೆ 4.00ಕ್ಕೆ ಕುಂದಾಪುರ ಸರಕಾರಿ ಪ.ಪೂ. ಕಾಲೇಜಿನ ರೋಟರಿ ಲಕ್ಷ್ಮೀ ನರಸಿಂಹ ಕಲಾಮಂದಿರದಲ್ಲಿ ಸಮಾರಂಭ ನಡೆಯಲಿದ್ದು ಸಾರ್ವಜನಿಕರು ಈ ಸಮಾರಂಭದಲ್ಲಿ ಪಾಲ್ಗೊಳ್ಳಬೇಕೆಂದು ಕುಂದಪ್ರಭ ಸಂಸ್ಥೆಯ ಅಧ್ಯಕ್ಷ ಯು.ಎಸ್.ಶೆಣೈ ಆಹ್ವಾನಿಸಿದ್ದಾರೆ.

 

 

 

ಕೋಟೇಶ್ವರದ ಕುವರ, ದೇಶದ “ಕಾಂಕ್ರಿಟ್ ಪಿತಾಮಹ”ರಾದುದು
ಇವರಿಗೆ ಕನ್ನಡ ಶಿಕ್ಷಕನಾಗುವ ಹಂಬಲವಿತ್ತು. ತಂದೆಗೆ ಮಗ ಇಂಜಿನಿಯರ್ ಆಗಬೇಕೆಂಬ ಆಸೆ. ಕೊನೆಗೆ ಹೆತ್ತವರ ಆಶಯದಂತೆ ಮುನ್ನಡೆಯಲು ನಿರ್ಧರಿಸಿದರು. ಆದರೂ ಮಾತ್ರ ಭಾಷೆ ಕನ್ನಡವನ್ನು ಬಿಡದೇ ಇಂಜಿನಿಯರಿಂಗ್ ಕ್ಷೇತ್ರದಲ್ಲಿ ಅಪೂರ್ವ ಸಾಧನೆ ಮಾಡಿ ಕಾಂಕ್ರಿಟ್ ಪಿತಾಮಹ ಎಂದು ದೇಶದಲ್ಲಿ ಬಿರುದು ಪಡೆದವರು ಕೋಟೇಶ್ವರದ ಪ್ರೊ.ಎಂ.ಎಸ್.ಶೆಟ್ಟಿ .
ಊರಲ್ಲಿ ಸುಬ್ಬಣ್ಣ ಶೆಟ್ಟಿಯವರು ಎಂದೇ ಕರೆಯಲ್ಪಡುವ ಇವರು ವಕ್ವಾಡಿ, ಕೋಟೇಶ್ವರ ಗ್ರಾಮೀಣ ಪ್ರದೇಶಗಳಲ್ಲಿ ಪ್ರಾಥಮಿಕ ಶಿಕ್ಷಣ, ಕುಂದಾಪುರದಲ್ಲಿ ಪ್ರೌಢಶಿಕ್ಷಣ ಮಂಗಳೂರಿನಲ್ಲಿ ಇಂಟರ್‍ಮಿಡಿಯೇಟ್, ಮದ್ರಾಸ್‍ನಲ್ಲಿ ಇಂಜಿನಿಯರಿಂಗ್ ಶಿಕ್ಷಣ ಪಡೆದÀರು. ಇವರು ರಾಷ್ಟ್ರಮಟ್ಟದಲ್ಲಿ ಮಾಡಿದ ಸಾಧನೆ ವಿಸ್ಮಯಕಾರಿಯಾದುದು. ಕೋಟೇಶ್ವರದ ವಕ್ವಾಡಿ ವೆಂಕಪ್ಪ ಶೆಟ್ಟಿ -ಮೊಳಹಳ್ಳಿ ಸೀತಮ್ಮ ಶೆಡ್ತಿಯವರ ಪುತ್ರರಾದ ಇವರು ಹೆತ್ತವರ ಆಶಯದಂತೆ ಸಿವಿಲ್ ಇಂಜಿನಿಯರಿಂಗ್‍ನಲ್ಲಿ ಸ್ನಾತಕೋತ್ತರ ಪದವಿ ಪಡೆದು ದೇಶಕ್ಕೆ ನೀಡಿದ ಕೊಡುಗೆ ಅನನ್ಯವಾದುದು. 65 ವರ್ಷಗಳ ವೃತ್ತಿಸೇವಾ ಅನುಭವದಲ್ಲಿ ಸೈಟ್ ಇಂಜಿನಿಯರ್, ರಿಸರ್ಚ್ ವರ್ಕರ್, ಸೀನಿಯರ್ ಪ್ರೊಫೆಸರ್, ಪೋಸ್ಟ್ ಗ್ರಾಜ್ಯುವೇಟ್ ಗೈಡ್, ಕನ್ಸಲ್‍ಸ್ಟೆಂಟ್ ಮತ್ತು ಅಡ್ವೈಸರ್ ಆಗಿ ಸಲ್ಲಿಸಿದ ಸೇವೆ ಇವರ ಕರ್ತುತ್ವ ಶಕ್ತಿಗೆ ಉದಾಹರಣೆ .
ಕಾಂಕ್ರಿಟ್ ತಂತ್ರಜ್ಞತೆ ಬಗ್ಗೆ ಇವರಿಗೆ ಆಸಕ್ತಿ ಮೂಡಿದ್ದು ಇವರು ಮದ್ರಾಸ್‍ನ ಲೋಕೋಪಯೋಗಿ ಇಲಾಖೆ ಮತ್ತು ನಂತರ ಸೆಂಟ್ರಲ್ ರೈಲ್ವೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದಾಗ, ನೀರಾವರಿ ಕಾಲುವೆಗಳು, ಪುಟ್ಟ ಸೇತುವೆಗಳು, ದೊಡ್ಡ ಸೇತುವೆಗಳ ನಿರ್ಮಾಣದಲ್ಲಿ ತೊಡಗಿಸಿಕೊಂಡದ್ದು ಇವರಿಗೆ ಹೊಸ ಅನುಭವ ನೀಡಿತು. ಕೇಂದ್ರ ಸರ್ಕಾರದ ರಕ್ಷಣಾ ಇಲಾಖೆಯ ಕಾಲೇಜ್ ಆಫ್ ಮಿಲಿಟರಿ ಇಂಜಿನಿಯರಿಂಗ್‍ನಲ್ಲಿ ಪದವೀಧರರಿಗೆ ಮತ್ತು ಸ್ನಾತಕೋತ್ತರ ಅಭಿಯಂತರರಿಗೆ ಬೋಧನೆ ಹಾಗೂ ತರಬೇತಿ ನೀಡಿದ ಸಂದರ್ಭ ಬದುಕಿಗೆ ಹೊಸ ಆಯಾಮ ದೊರಕಿತು.
1960ರಲ್ಲಿ ಪುಣೆ ಯುನಿವರ್ಸಿಟಿಯಿಂದ ಸ್ನಾತಕೋತ್ತರ ಪದವಿ ಪಡೆದುದು ಇವರಿಗೆ ಬೋಧನೆ ಹಾಗೂ ನಿರ್ಮಾಣ ಮಾರ್ಗದರ್ಶನಕ್ಕೆ ಅನುಕೂಲವಾಯಿತು. ಕೇವಲ ಕೆಲವೇ ಮಂದಿ ಸ್ನಾತಕೋತ್ತರ ಪದವಿ ಪಡೆದ ಸಿವಿಲ್ ಇಂಜಿನಿಯರ್ಸ್ ಇದ್ದ ಆ ಕಾಲದಲ್ಲಿ ಕನ್ನಡ ಮಾಧ್ಯಮ ಗ್ರಾಮೀಣ ಪ್ರದೇಶದ ಯುವಕರಾಗಿದ್ದ ಇವರು ಪಡೆದ ಶೈಕ್ಷಣಿಕ ಗೌರವ ಹೆಮ್ಮೆಯನ್ನುಂಟುಮಾಡುವಂತದ್ದು, ಕೊೈನಾ ಜಲವಿದ್ಯುತ್ ಆಗರದ ಯೋಜನೆಗೆ ಆಗಾಗ ಭೇಟಿ ನೀಡುತ್ತ್ತಾ ಪಡೆದ ಅನುಭವ ಇವರಿಗೆ ಕಾಂಕ್ರಿಟ್ ತಾಂತ್ರಿಕತೆಯಲ್ಲಿ ವಿಶೇಷ ಸಂಶೋಧನೆ ಮಾಡಲು ಪ್ರೇರಣೆ ಒದಗಿಸಿತು.
ಕಾಂಕ್ರಿಟ್ ತಾಂತ್ರಿಕತೆ ಬಗ್ಗೆ ಮುಂದುವರಿದ ದೇಶಗಳ ತಾಂತ್ರಿಕ ತಜ್ಞರು ಬರೆದ ಹಲವಾರು ಗ್ರಂಥಗಳನ್ನು ಅಧ್ಯಯನ ಮಾಡಿದ ಇವರು ಆ ಜ್ಞಾನವನ್ನು ಧಾರೆ ಎರೆದುದರಿಂದ ಸುಮಾರು 3 ಲಕ್ಷಕ್ಕೂ ಹೆಚ್ಚು ರಕ್ಷಣಾ ಇಲಾಖೆಯ ಇಂಜಿನಿಯರುಗಳು ಮಾರ್ಗದರ್ಶನ ಪಡೆಯುವಂತಾಯ್ತು. 1964ರಲ್ಲಿ ಪುಣೆ ಯುನಿವರ್ಸಿಟಿಯಿಂದ ಪೋಸ್ಟ್ ಗ್ರಾಜ್ಯುವೇಟ್ ಗೈಡ್ ಆಗಿ ಗೌರವಿಸಲ್ಪಟ್ಟ ಇವರ ಮಾರ್ಗದರ್ಶನದಲ್ಲಿ ವರ್ಷದಲ್ಲಿ 45 ಡಿಗ್ರಿ ಇಂಜಿನಿಯರ್‍ಗಳು ಸ್ನಾತಕೋತ್ತರ ಪದವಿ ಪಡೆದು ಮುನ್ನಡೆಯುವ ಧೀಮಂತಿಕೆ ಪಡೆದುಕೊಂಡಿದ್ದಾರೆ. ದೇಶಕ್ಕಾಗಿ ಈ ಇಂಜಿನಿಯರ್‍ಗಳು ಕಟ್ಟಿದ ಹಲವಾರು ಸೇತುವೆಗಳು, ಮೆಟ್ರೋ ಕಾಮಗಾರಿಗಳು, ಕಟ್ಟಡಗಳ ಯಶಸ್ಸಿನಲ್ಲಿ ಪ್ರೊ.ಎಂ.ಎಸ್.ಶೆಟ್ಟಿಯವರ ಪಾತ್ರವಿದೆ.
ಕಾಂಕ್ರಿಟ್ ತಂತ್ರಜ್ಞಾನ ಅಭಿದಾನ ಹೊಂದಿದ ಇವರ “ಕಾಂಕ್ರಿಟ್ ಟೆಕ್ನಾಲಜಿ” ಹೊತ್ತಗೆಯು 1982ರಲ್ಲಿ ಪ್ರಕಟಿಸಲ್ಪಟ್ಟು ಒಂದು ಉತ್ಕ್ರಾಂತಿಯನ್ನೇ ಹುಟ್ಟುಹಾಕಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಅದು ಜನಪ್ರಿಯವಾಗಿ 50 ಬಾರಿ ಪುನಃ ಮುದ್ರಣಗೊಂಡಿದೆ. ಭಾರತೀಯ ಇಂಜಿನಿಯರರ ಪಾಲಿಗೆ ಮಾತ್ರವಲ್ಲದೇ ವಿದೇಶಿ ಇಂಜಿನಿಯರರ ಪಾಲಿಗೂ ಅದು ಕಾಂಕ್ರಿಟ್ ಭಗವದ್ಗೀತೆಯಾಯಿತು. ಇಂಜಿಯರಿಂಗ್ ಕಾಲೇಜುಗಳಲ್ಲಿ ಒಂದು ಶ್ರೇಷ್ಠ ಮಾರ್ಗದರ್ಶಕ ಪಠ್ಯಪುಸ್ತಕವಾಯಿತು. ಇಂದು 4 ಲಕ್ಷಕ್ಕೂ ಹೆಚ್ಚು ಇಂಜಿನಿಯರುಗಳು ಇವರ ಪಠ್ಯಪುಸ್ತಕ ಹಾಗೂ 500 ಕ್ಕೂ ಹೆಚ್ಚು ತರಬೇತಿ ಕಾರ್ಯಕ್ರಮಗಳಿಂದ ಅನುಕೂಲ ಪಡೆದಿದ್ದಾರೆ.
ಒಟ್ಟು 8 ಪ್ರತಿಷ್ಠಿತ ಪ್ರಶಸ್ತಿ ಗೌರವಗಳು ಹಾಗೂ ಹಲವಾರು ಸನ್ಮಾನ ಬಿರುದುಗಳು ಇವರಿಗೆ ದೊರಕಿವೆ. 90ರ ಹರೆಯದಲ್ಲೂ ಇಂದು ದೇಶದ ಪ್ರತಿಷ್ಠಿತ ಕಂಪೆನಿಗಳಿಗೆ ಸಲಹೆಗಾರರಾಗಿ ಇರುವ ಇವರ ತಜ್ಞತೆಯಿಂದ ಇಂದು ಕಾಂಕ್ರಿಟ್ ಗುಣಮಟ್ಟ ದೇಶದಲ್ಲಿ ಶ್ರೇಷ್ಠಮಟ್ಟಕ್ಕೆ ತಲುಪಿದೆ. ಇಂತಹ ಅಪೂರ್ವ ಸಾಧನೆ ಮಾಡಿದ ಕುಂದಾಪುರದ ಹೆಮ್ಮೆಯ ಪುತ್ರನಿಗೆ ಕುಂದಪ್ರಭ – ಕೋ.ಮ.ಕಾರಂತ ಪ್ರಶಸ್ತಿ ಜನವರಿ 19 ರಂದು ಪ್ರದಾನ ಮಾಡಲಾಗುತ್ತದೆ. ಕುಂದಾಪುರದ ಸರಕಾರಿ ಪ.ಪೂ.ಕಾಲೇಜಿನ ರೋಟರಿ ಲಕ್ಷ್ಮೀನರಸಿಂಹ ಕಲಾಮಂದಿರದಲ್ಲಿ ನಡೆಯುವ ಸಮಾರಂಭದಲ್ಲಿ ಸಂಜೆ 4.30 ಕ್ಕೆ ನಿಟ್ಟೆ ವಿಶ್ವವಿದ್ಯಾಲಯದ ಕುಲಪತಿ ಡಾ. ವಿನಯ ಹೆಗ್ಡೆ ಈ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ. ಸಮಾರಂಭದ ಅಧ್ಯಕ್ಷತೆಯನ್ನು ಉಡುಪಿ ಜಿಲ್ಲೆಯ ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು ವಹಿಸಲಿದ್ದಾರೆ. ಕುಂದಾಪುರ ಸಿವಿಲ್ ಇಂಜಿನಿಯರ್ ಅವರ ಸಂಘದ ಅಧ್ಯಕ್ಷ ರಾಮಚಂದ್ರ ಆಚಾರ್ ಅಭಿನಂದನಾ ಮಾತುಗಳನ್ನಾಡಲಿದ್ದಾರೆ.