ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ

ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ

ಕೋಲಾರ,ಮೇ.14- ಎಪಿಎಂಸಿ ಕಾಯಿದೆಯ ತಿದ್ದುಪಡಿಯಿಂದ ರೈತರು ಉದ್ಧಾರವಾಗುವುದಿಲ್ಲ, ರೈತರು ಉಳಿಯಬೇಕಾದರೆ ಈ ಕಾಯಿದೆ ತಿದ್ದುಪಡಿಯ ವಿರುದ್ಧ ರೈತರೇ ಹೋರಾಟ ಮಾಡಬೇಕು ಎಪಿಎಂಸಿ ಮಾಜಿ ಅಧ್ಯಕ್ಷೆ ಕುರ್ಕಿ ರಾಜೇಶ್ವರಿ ಹೇಳಿದ್ದಾರೆ.
ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿರುವ ಅವರು ದೊಡ್ಡ ದೊಡ್ಡ ಕಂಪನಿಗಳಿಗೆ ಅನುಕೂಲ ಮಾಡಲು ಈ ಕಾನೂನು ತರಲು ಮುಂದಾಗಿದ್ದಾರೆ. ದೇಶದಲ್ಲಿ ಕಾಯ್ದೆಯ ಪ್ರಕಾರ ರೈತರಿಗೆ 5 ಕಿ.ಲೋ ವ್ಯಾಪ್ತಿಯಲ್ಲಿ ಎ.ಪಿಎಂ.ಸಿ ಒದಗಿಸಬೇಕಾದರೆ 42 ಸಾವಿರ ಎ.ಪಿ.ಎಂಸಿಗಳಿರಬೇಕು ಆದರೆ ಇಂದು ಕೇವಲ 7 ಸಾವಿರ ಎ.ಪಿ.ಎಂಸಿಗಳಿವೆ. ರೈತರಿಗೆ ವಿಶಾಲ ಜಾಗವನ್ನು ನೀಡುವ ಬಗ್ಗೆ ಸರ್ಕಾರ ಸಮಾಲೋಚನೆ ಮಾಡಬೇಕು ಎಂದಿದ್ದಾರೆ.
ದೇಶ್ಯಾದ್ಯಂತ ಕೊರೋನಾ ತಾಂಡವ ಆಡುತ್ತಿದೆ. ಕೊರೋನಾ ಹರಡುವಿಕೆ ತಡೆಯುವತ್ತ ಲಕ್ಷ್ಯವಹಿಸಿ ಸರ್ಕಾರ ಕ್ರಮ ತೆಗೆದುಕೊಳ್ಳಬೇಕು. ಜನ ಲಾಕ್ಡೌನ್, ಸಾಮಾಜಿಕ ಅಂತರದ ಪಾಲನೆ ಮಾಡಿದ್ದಾರೆ. ಶೇ.80ರಷ್ಟು ಜನ ಸರ್ಕಾರದ ಎಲ್ಲಾ ಆದೇಶಕ್ಕೆ ಸ್ಪಂದನೆ ಮಾಡಿದ್ದಾರೆ. ಆದರೆ ಜನರು ಪ್ರಾರಂಭದಲ್ಲಿ ತೋರಿಸಿದ ವೇಗ ಈಗ ಕಡಿಮೆ ಆಗಿದೆ. ರಾಜ್ಯದಲ್ಲಿ ಅನೇಕ ನಿಯಮ ಸಡಿಲಿಕೆ ಮಾಡಿದ್ದಾರೆ. ದಿನಕ್ಕೊಂದು ನಿರ್ಧಾರವನ್ನು ತೆಗೆದುಕೊಂಡು ಜನರಿಗೆ ಸರ್ಕಾರ ಗೊಂದಲ ಮೂಡಿಸಿದೆ ಎಂದಿದ್ದಾರೆ.
ಎಪಿಎಂಸಿಯ 2017ರ ಕಾಯ್ದೆಗೆ ಪ್ರಮುಖ ಅಂಶಗಳ ತಿದ್ದು ಪಡಿಯನ್ನು ತಂದು ಸಂಪೂರ್ಣವಾಗಿ ದೇಶಾದ್ಯಂತ ಎಪಿಎಂಸಿಗಳನ್ನು ಸರ್ವನಾಶ ಮಾಡಿ ಅದನ್ನೇ ನಂಬಿರುವ ಕೋಟ್ಯಾಂತರ ರೈತರನ್ನು ಬೀದಿಗೆ ತಳ್ಳುವ ಕಾಯ್ದೆ ಜಾರಿಗೆ ತಂದು ಕಾರ್ಪೊರೇಟ್ ಕಂಪನಿಗಳು ಹಾಗೂ ವರ್ತಕರಿಗೆ ಅನುಕೂಲವಾ ಗಿಸಿ ರೈತರಿಗೆ ತೂಕ, ಗುಣಮಟ್ಟಕ್ಕೆ ತಕ್ಕ ಬೆಲೆ ಸಿಗದೆ ಕಾರ್ಪೊರೇಟ್ ಕಂಪನಿಗಳು ನಿರ್ಧಾರ ಮಾಡುವ ಬೆಲೆಗೆ ರೈತರು ತಮ್ಮ ಉತ್ಪನ್ನಗಳನ್ನು ನೀಡಬೇಕಾಗುವ ಪರಿಸ್ಥಿತಿ ಬರುತ್ತದೆ ಎಂದಿದ್ದಾರೆ.
ದೇಶಾದ್ಯಂತ ರೈತರು, ಕೃಷಿ ಕೂಲಿಕಾರ್ಮಿಕರು ಬದುಕು ಕಟ್ಟಿಕೊಳ್ಳಲು ಹರಸಾಹಸ ಪಡುತ್ತಿದ್ದರೆ ಸರ್ಕಾರಗಳು ಮಾತ್ರ ರೈತಕುಲವನ್ನೇ ನಾಶ ಮಾಡುವ ಆದೇಶಗಳಾದ ನೂರಾರು ರೈತ ವಿರೋಧಿ ಕಾನೂನುಗಳಿಂದ ರೈತರು ಬೀದಿಗೆ ಬಿದ್ದಿದ್ದಾರೆ.
ಪ್ರಧಾನಿಗಳ ಜನವಿರೋಧಿ ಕೆಲಸಗಳಿಗೆ ಯಡಿಯೂರಪ್ಪ ಕೈಜೋಡಿಸಬಾರದು. ಎಪಿಎಂಸಿ ಕಾಯಿದೆ ರೈತರ ಮೂಲಕ್ಕೆ ತೊಂದರೆ ಮಾಡುವುದಾಗಿದೆ. ರೈತರು ಇದನ್ನು ಅರ್ಥ ಮಾಡಿಕೊಳ್ಳಬೇಕು. ಸುಗ್ರೀವಾಜ್ಞೆ ಮೂಲಕ ಕಾನೂನು ಜಾರಿಮಾಡುವ ಅಗತ್ಯವೇನಿದೆ ಎಂದು ಎಪಿಎಂಸಿ ಮಾಜಿ ಅಧ್ಯಕ್ಷೆ ಕುರ್ಕಿ ರಾಜೇಶ್ವರಿ ಪ್ರಶ್ನಿಸಿದ್ದಾರೆ.
ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ
ಕೋಲಾರ, ರೈತರು ಮತ್ತು ಕೃಷಿ ಉತ್ಪನ್ನ ಮಾರುಕಟ್ಟೆಗೆ ಮಾರಕವಾಗುವ (ಎಪಿಎಂಸಿ) ಕಾಯ್ದೆ 2017ರ ಸೆಕ್ಷನ್ 8 ನ್ನು ಯಾವುದೇ ತಿದ್ದುಪಡಿ ಮಾಡಬಾರದೆಂದು ರೈತಸಂಘದಿಂದ ಒತ್ತಾಯ

ಕೋಲಾರ: ರೈತರು ಮತ್ತು ಕೃಷಿ ಉತ್ಪನ್ನ ಮಾರುಕಟ್ಟೆಗೆ ಮಾರಕವಾಗುವ (ಎಪಿಎಂಸಿ) ಕಾಯ್ದೆ 2017ರ ಸೆಕ್ಷನ್ 8ಅನ್ನು ಯಾವುದೇ ತಿದ್ದುಪಡಿ ಮಾಡಬಾರದೆಂದು ರೈತಸಂಘದಿಂದ ಮಾನ್ಯ ಪ್ರಧಾನಮಂತ್ರಿಗಳಿಗೆ ಜಿಲ್ಲಾಧಿಕಾರಿಗಳ ಮುಖಾಂತರ ಮನವಿ ನೀಡಿ ಒತ್ತಾಯಿಸಲಾಯಿತು.
ಮನವಿ ಸಲ್ಲಿಸಿ ಮಾತನಾಡಿದ ರೈತಸಂಘದ ರಾಜ್ಯ ಉಪಾಧ್ಯಕ್ಷ ಕೆ.ನಾರಾಯಣಗೌಡ, ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಅಧಿಕಾರಕ್ಕೆ ಬರುವಾಗ ರೈತರ ಹಸಿರುಶಾಲು ಧರಿಸಿ ರೈತರ ಮೇಲೆ ಪ್ರಮಾಣ ಮಾಡಿ, ರೈತರೇ ದೇಶದ ಬೆನ್ನೆಲುಬು. ರೈತರ ಸಮಸ್ಯೆಗಳಿಗೆ ಸರ್ಕಾರ ಬೆನ್ನೆಲುಬಾಗಿ ನಿಲ್ಲುತ್ತದೆ ಎಂಬ ಪ್ರಮಾಣ ಮಾಡಿದ ಮಾತು ಇಂದು ರೈತಕುಲಕ್ಕೆ ಮಾರಕವಾಗುವ ಕಾರ್ಪೊರೇಟ್ ಕಂಪನಿಗಳ ಬೆನ್ನೆಲುಬಾಗಿ ಅನ್ನದಾತನ ಬೆನ್ನನ್ನು ಮುರಿಯುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಇಂದು ದೇಶದಲ್ಲಿ ಕಾಯ್ದೆಯ ಪ್ರಕಾರ ರೈತರಿಗೆ 5 ಕಿ.ಲೋ ವ್ಯಾಪ್ತಿಯಲ್ಲಿ ಎ.ಪಿಎಂ.ಸಿ ಒದಿಸಬೇಕಾದರೆ 42 ಸಾವಿರ ಎ.ಪಿ.ಎಂಸಿಗಳಿರಬೇಕು ಆದರೆ ಇಂದು ಕೇವಲ 7 ಸಾವಿರ ಎ.ಪಿ.ಎಂಸಿಗಳಿವೆ. ರೈತರಿಗೆ ವಿಶಾಲ ಜಾಲವನ್ನು ನೀಡುವ ಬಗ್ಗೆ ಸರ್ಕಾರ ಸಮಾಲೋಚನೆ ಮಾಡಬೇಕು
ಪುರಾತನ ಕಾಲದಿಂದ ಕೃಷಿಯನ್ನೇ ನಂಬಿಕೊಂಡು ಜೀವನ ಮಾಡುತ್ತಿರುವ ರೈತಾಪಿವರ್ಗಕ್ಕೆ ಸರ್ಕಾರಗಳ ಅವೈಜ್ಞಾನಿಕ ನೀತಿಗಳು ರೈತಕುಲವನ್ನೇ ಸರ್ವನಾಶ ಮಾಡುತ್ತಿವೆ. ಪ್ರತಿಯೊಂದು ರೈತರ ಹೆಸರಿನಲ್ಲಿ ಲಕ್ಷ, ಕೋಟಿಗಳ ಲೆಕ್ಕದಲ್ಲಿ ಅನುದಾನಗಳನ್ನು ಬಿಡುಗಡೆ ಮಾಡಿ ಅದನ್ನು ನೇರವಾಗಿ ರೈತರ ಹೆಸರಿನಲ್ಲಿ ಕಾರ್ಪೊರೇಟ್ ಕಂಪನಿಗಳ ಮನೆಬಾಗಿಲಿಗೆ ತಲುಪಿಸುವ ಪುಣ್ಯದ ಕೆಲಸಗಳು ಸರ್ಕಾರಗಳು ಮಾಡುತ್ತಿವೆ ಎಂದು ಕಿಡಿಕಾರಿದರು.
ಮಹಿಳಾ ಘಟಕದ ಜಿಲ್ಲಾಧ್ಯಕ್ಷೆ ಎ.ನಳಿನಿಗೌಡ ಮಾತನಾಡಿ, ವಿಶ್ವವೇ ಕಣ್ಣಿಗೆ ಕಾಣದ ವೈರಸ್ ನಿಯಂತ್ರಣಕ್ಕೆ ತರಲು ಹರಸಾಹಸ ಪಡುತ್ತಿತುವ ಜೊತೆಗೆ ದೇಶಾದ್ಯಂತ ರೈತರು, ಕೃಷಿ ಕೂಲಿಕಾರ್ಮಿಕರು ಬದುಕು ಕಟ್ಟಿಕಕೊಳ್ಳಲು ಹರಸಾಹಸ ಪಡುತ್ತಿದ್ದರೆ ಸರ್ಕಾರಗಳು ಮಾತ್ರ ರೈತಕುಲವನ್ನೇ ನಾಶ ಮಾಡುವ ಆದೇಶಗಳಾದ ಭೂಸ್ವಾಧೀನ ಕಾಯ್ದೆ ಸಣ್ಣ ಬೀದಿ ವ್ಯಾಪಾರಿಗಳಿಗೆ ಮಾರಕವಾಗುವ ಮಾಲ್ ಪದ್ಧತಿಗಳು ಮತ್ತಿತರರ ನೂರಾರು ರೈತ ವಿರೋಧಿ ಕಾನೂನುಗಳಿಂದ ರೈತರು ಬೀದಿಗೆ ಬಿದ್ದಿದ್ದಾರೆ. ಜೊತೆಗೆ ಈಗ ರೈತರ ಒಡನಾಡಿಯಾಗಿರುವ ಎಪಿಎಂಸಿಯ 2017ರ ಕಾಯ್ದೆಗೆ ಪ್ರಮುಖ ಅಂಶಗಳ ತಿದ್ದುಪಡಿಯನ್ನು ತಂದು ಸಂಪೂರ್ಣವಾಗಿ ದೇಶಾದ್ಯಂತ ಎಪಿಎಂಸಿಗಳನ್ನು ಸರ್ವನಾಶ ಮಾಡಿ ಅದನ್ನೇ ನಂಬಿರುವ ಕೋಟ್ಯಂತರ ರೈತರನ್ನು ಬೀದಿಗೆ ತಳ್ಳುವ ಕಾಯ್ದೆ ಜಾರಿಗೆ ತಂದು ಕಾರ್ಪೊರೇಟ್ ಕಂಪನಿಗಳು ಹಾಗೂ ವರ್ತಕರಿಗೆ ಅನುಕೂಲವಾಗಿಸಿ ರೈತರಿಗೆ ತೂಕ, ಗುಣಮಟ್ಟಕ್ಕೆ ತಕ್ಕ ಬೆಲೆ ಸಿಗದೆ ಕಾರ್ಪೊರೇಟ್ ಕಂಪನಿಗಳು ನಿರ್ಧಾರ ಮಾಡುವ ಬೆಲೆಗೆ ರೈತರು ತಮ್ಮ ಉತ್ಪನ್ನಗಳನ್ನು ನೀಡಬೇಕಾಗುವ ಪರಿಸ್ಥಿತಿ ಬರುತ್ತದೆ.
ರೈತರ ಮೇಲೆ ಸರ್ಕಾರಗಳಿಗೆ ಗೌರವ ಇದ್ದರೆ ಕೂಡಲೇ ಮಾನ್ಯ ಗೌರವಾನ್ವಿತ ಪ್ರಧಾನ ಮಂತ್ರಿಗಳು ದಿನಾಂಕ 14-5-2020ರಂದು 2017ರ ಎಪಿಎಂಸಿ ಕಾಯ್ದೆಯ ಪ್ರಮುಖ ಅಂಶಗಳಿಗೆ ತಿದ್ದುಪಡಿಗೆ ಮುಂದಾಗುವ ಮೊದಲು ದೇಶಾದ್ಯಂತ ಮುಖ್ಯಮಂತ್ರಿಗಳ, ಜಿಲ್ಲಾಧಿಕಾರಿಗಳ, ಕೃಷಿ ತಜ್ಞರ, ರೈತರೊಡನೆ ತಿದ್ದುಪಡಿಯಿಂದಾಗುವ ಅನಾನುಕೂಲಗಳ ಬಗ್ಗೆ ಕೂಲಂಕುಶವಾಗಿ ಪರಿಶೀಲನೆ ಮಾಡಿ ವರದಿ ತರಿಸಿಕೊಂಡು ಆರ್ಥಿಕತೆಯನ್ನು ಸೃಷ್ಟಿ ಮಾಡುವ ಪ್ರಮುಖ ಐಎಎಸ್ ಅಧಿಕಾರಿಗಳ ಸಲಹೆ ಪಡೆದು ಮುಂದಿನ ಭವಿಷ್ಯದಲ್ಲಿ ಆಗುವ ಅನಾನುಕೂಲಗಳ ಬಗ್ಗೆ ಮುಂದಾಲೋಚನೆ ನಡೆಸಿ ಯಾವುದೇ ಕಾರಣಕ್ಕೂ ಕಾಯ್ದೆ ತಿದ್ದುಪಡಿಗೆ ಅವಕಾಶ ನೀಡದೆ ರೈತರ ಒಡನಾಡಿಯಾಗಿರುವ ಎಪಿಎಂಸಿಯನ್ನು ಉಳಿಸಿಕೊಡಬೇಕಿದ್ದು, ಇಲ್ಲವಾದರೆ ತರಕಾರಿಗಳ ಸಮೇತ ಎಲ್ಲಾ ರಾಷ್ಟ್ರೀಯ ಹೆದ್ದಾರಿಗಳ ಬಂದ್ ಮಾಡುವ ಎಚ್ಚರಿಕೆಯನ್ನು ನೀಡಿದರು.
ಮನವಿ ಸ್ವೀಕರಿಸಿ ಮಾತನಾಡಿದ ಅಪರ ಜಿಲ್ಲಾಧಿಕಾರಿಗಳಾದ ಶಿವಸ್ವಾಮಿರವರು ಇದರ ಬಗ್ಗೆ ತಮ್ಮ ಗಮನಕ್ಕೆ ಬಂದಿಲ್ಲ. ನಿಮ್ಮ ಮನವಿಯನ್ನು ಮುಖ್ಯಮಂತ್ರಿಗಳ ಮುಖಾಂತರ ಕೇಂದ್ರ ಸರ್ಕಾರಕ್ಕೆ ಕಳುಹಿಸಲಾಗುವುದೆಂದು ಭರವಸೆ ನೀಡಿದರು.
ಮನವಿ ನೀಡುವಾಗ ಜಿಲ್ಲಾದ್ಯಕ್ಷ ಮರಗಲ್ ಶ್ರೀನಿವಾಸ್, ಮಂಗಸಂದ್ರ ತಿಮ್ಮಣ್ಣ, ವೆಂಕಟೇಶಪ್ಪ, ವಕ್ಕಲೇರಿ ಹನುಮಯ್ಯ, ಮುಂತಾದವರಿದ್ದರು.

JANANUDI.COM NETWORK

JANANUDI.COM NETWORK
ತೀರ್ಥಹಳ್ಳಿ ತಾಲ್ಲೂಕಿನ ಮಂಡಗದ್ದೆಯಲ್ಲಿ ಟಿಪ್ಪರ್ ಲಾರಿ ಮತ್ತು ಬೈಕ್ ರಸ್ತೆ ಅಪಘಾತ ಬೈಕ್ ಸವಾರ ಮ್ರತ್ಯು

ತೀರ್ಥಹಳ್ಳಿ:-ತೀರ್ಥಹಳ್ಳಿ ತಾಲ್ಲೂಕಿನ ಮಂಡಗದ್ದೆಯ ತಿರುವಿನಲ್ಲಿ ನಿನ್ನೆ ಸಂಜೆ
ಬೈಕ್ ಟಿಪ್ಪರ್ ಲಾರಿ ನಡುವೆ ಅಪಘಾತ ಸಂಭವಿಸಿದ್ದು. ಟಿಪ್ಪರ್ ಲಾರಿ ಹಿಂಭಾಗ ಡಿಕ್ಕಿಯಾಗಿ ಬೈಕ್ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿದು.
ಹಿಂಬದಿಯ ಸವಾರರಿಗೆ ತೀವ್ರ ಗಾಯಗಳಾಗಿದ್ದು ಹೆಚ್ಚಿನ ಚಿಕಿತ್ಸೆಗೆ ಮಣಿಪಾಲಕ್ಕೆ ಕರೆದೊಯ್ಯಲಾಗಿದೆ.
ಇನ್ನು ಕಾರಿನಲ್ಲಿ ವಿಡಿಯೋ ಚಿತ್ರೀಕರಿಸುತ್ತಿದ್ದ ಕಾರಿಗೂ ಕೂಡ ಲಾರಿ ಡಿಕ್ಕಿ ಹೊಡೆದಿದ್ದು ಕಾರಿನವರೆಗೂ ಕೂಡ ಗಂಭೀರ ಗಾಯಗಳಾಗಿದೆ ಎಂದು ತಿಳಿದು ಬಂದಿದೆ.

ವರದಿ: ವೈ.ಸೀತಾರಾಮ ಶೆಟ್ಟಿ
ಕುಂದಾಪುರದಲ್ಲಿ ರೆಡ್ ಕ್ರಾಸ್ ದಿನಾಚರಣೆ : ಲಾಖ್ ಡೌನ್ ಸ್ವಂಯ ಸೇವಕರಿಗೆ ಸನ್ಮಾನ

ಕುಂದಾಪುರ, ಮೇ. 9: ಮೇ 8 ರಂದು ವಿಶ್ವಾದ್ಯಾಂತ ರೆಡ್ ಕ್ರಾಸ್ ದಿನಾಚರಣೆಯನ್ನು ಆಚರಿಸಲಾಯಿತು. ಕುಂದಾಪುರದಲ್ಲಿಯೂ ರೆಡ್ ಕ್ರಾಸ್ ದಿನಾಚರಣೆಯನ್ನು ರೆಡ್ ಕ್ರಾಸ್ ಸಂಸ್ಥೆಯಲ್ಲಿ ಆಚರಿಸಲಾಯಿತು.
ಈ ಸಂದರ್ಭದಲ್ಲಿ ಕೊರೊನಾ ಕಾರಣಕ್ಕೆ ಲಾಖ್ ಡೌನ್ ಸಂದರ್ಭದಲ್ಲಿ ಸಂಕಷ್ಟಕ್ಕೆ ಒಳಗಾದವರಿಗೆ ಆಹಾರದ ಕಿಟ್, ಸಾನಿಟರಿ ವಸ್ತುಗಳನ್ನು ವಿತರಿಸಲು ನೆರವಾದ ಇಂಡಿಯನ್ ರೆಡ್ ಕ್ರಾಸ್ ಸಂಸ್ಥೆಯ ಗಣೇಶ್ ಆಚಾರ್ಯ, ಡಾ.ಸೋನಿ ಡಿಕೋಸ್ತಾ, ಮೊನಿಶಾ ಕರ್ವಾಲ್ಲೊ,ಅಕ್ಷತಾ ಮತ್ತು ಶ್ವೇತಾ ಭಟ್ ಇವರನ್ನು ಸಂಸ್ಥೆ ಸನ್ಮಾನಿಸಿತು.
ಇವರುಗಳು ಕುಂದಾಪುರ ಮತ್ತು ಬೈಂದೂರು ತಾಲ್ಲೂಕಿನ ಹಳ್ಳಿ ಹಳ್ಳಿಗಳಿಗೆ ಹೋಗಿ ಆಹಾರದ ಕಿಟಗಳು ಸಾಬೂನು, ಮಾಸ್ಕ್ ಸಾನಿಟರಿ ವಸ್ತುಗಳನ್ನು ವಿತರಿಸಲು ಸಹಕರಿಸಿದ್ದರು, ಹಾಗೇ ಕುಂದಾಪುರ ಜನ್ವೊಷಧಿ ಓಷಧಿ ಅಂಗಡಿಯಲ್ಲಿ ಸಾಮಾಜಿಕ ಅಂತರ ಕಾಪಾಡಲು ನೆರವಾಗುತಿದ್ದರು. ಈ ಸಂದರ್ಭದಲ್ಲಿ ರೆಡ್ ಕ್ರಾಸ್ ಘಠಕದ ಸಭಾಪತಿಯವರಾದ ಎಸ್. ಜಯಕರ ಶೆಟ್ಟಿ, ಕಾರ್ಯದರ್ಶಿ ವೈ ಸೀತಾರಾಮ್ ಶೆಟ್ಟಿ , ಖಜಾಂಚಿ ಶಿವರಾಮ ಶೆಟ್ಟಿ ಮತ್ತಿತರರು ಹಾಜರಿದ್ದರು.

ವರದಿ ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ
ಶ್ರೀನಿವಾಸಪುರ : ಮಾಜಿ ಮುಖ್ಯ ಮಂತ್ರಿ ಎಚ್. ಡಿ ಕುಮಾರಸ್ವಾಮಿ ಮುಳಬಾಗಿಲಿಗೆ ಹೋಗುವಾಗ ಪಟ್ಟಣದಲ್ಲಿ ಜೆಡಿಎಸ್ ಕಾರಕರ್ತರು ಹೂಗುಚ್ಛ ನೀಡಿ ನೆಚ್ಚಿನ ನಾಯಕನಿಗೆ ಅಭಿನಂದನೆ ಸಲ್ಲಿಸಿದರು.

ಮುಳಬಾಗಿಲಿನಲ್ಲಿ ಜೆಡಿಎಸ್ ಮುಖಂಡ ಸಮೃದ್ದಿ ಮಂಜುನಾಥ್ ಹಮ್ಮಿಕೊಂಡಿರುವ ದಿನಸಿ ಕಿಟ್ ವಿತರಣೆ ಕಾಠ್ಯಕ್ರಮದಲ್ಲಿ ಭಾಗವಹಿಸಲು ತೆರಳುವ ಸಂದರ್ಭದಲ್ಲಿ ಜೆಡಿಎಸ್ ಕಾರ್ಯಕರ್ತರು ಪಟ್ಟಣದಲ್ಲಿ ಹೂಗುಚ್ಛ ನೀಡಲು ಮುಂದಾದರು . ಈ ವೇಳೆ ರಕ್ಷಣಾ ಪೊಲೀಸರು ಕಾರಕರ್ತರನ್ನು ದೂರ ಸರಿಸಲು ಹರಸಾಹಸ ಪಡುವಂತಾಯಿತು . ಮಾಜಿ ಶಾಸಕ ಜಿ ಕೆ ವೆಂಕಟಶಿವಾರೆಡ್ಡಿ ವಿಧಾನ ಪರಿಷತ್ ಸದಸ್ಯ ತೂಪಲ್ಲಿ ಅರ್. ಚೌಡರೆಡ್ಡಿ ಜಿಪಂ ಸದಸ್ಯ ಅರ್. ನಾರಾಯಣಸ್ವಾಮಿ , ತಾಪಂ ಸದಸ್ಯರಾದ ಜಿ . ಎಂ . ಕೃಷ್ಣಾರೆಡ್ಡಿ – ಎಸ್ . ಎನ್ . ಮಂಜುನಾಥ್ , ಪುರಸಭಾ ಸದಸ್ಯರಾದ ಅಪ್ಯೂರು ರಾಜು , ಶಬ್ಬೀರ್ ಖಾನ್, ರಸೂಲ್ ಖಾನ್, ಎಪಿಎಂಸಿ ನಿರ್ದೇಶಕ ಅಥಾ ಉಲ್ಲಾ ಖಾನ್, ಪುರಸಭೆ ಮಾಜಿ ಸದಸ್ಯರಾದ ಇಜಾಜ್ ಪಾಷ, ನಯಾಜ್ ಅಹಮ್ಮದ್, ಕಿಸಾನ್ ಇಜಾಜ್ ಖಾನ್, ವಕೀಲ ಶಿವಪ್ಪ ರಾಘವರೆಡ್ಡಿ ಇಂದಿರಾ ಭವನ್ ರಾಜಣ್ಣ ಪೂಲು ಶಿವಾರೆಡ್ಡಿ ಸಂತೋಷ್ ಇತರರು ಇದ್ದರು .

ವರದಿ: ಶಬ್ಬೀರ್ ಅಹಮ್ಮದ್ ಶ್ರೀನಿವಾಸಪುರ
ಶ್ರೀನಿವಾಸಪುರ ಎಪಿಎಂಸಿಯಲ್ಲಿ ಮಾವು ವಹಿವಾಟು ಬೇಡ ರೈತರ ತೋಟಗಳಲ್ಲೇ ಖರೀದಿಗೆ ಕ್ರಮವಹಿಸಿ – ಬಿಜೆಪಿ ಜಿಲ್ಲಾಧ್ಯಕ್ಷ ವೇಣುಗೋಪಾಲ್.

ಕೋಲಾರ : ಕೋಲಾರ ಜಿಲ್ಲೆಯ ಶ್ರೀನಿವಾಸಪುರ ಮಾವು ವಹಿವಾಟನ್ನು ಎ ಪಿ ಎಂ ಸಿಯಲ್ಲಿ ನಡೆಸದೇ ನೇರವಾಗಿ ರೈತರ ತೋಟಗಳಲ್ಲೇ ನಡೆಸುವ ಮೂಲಕ ಕೊರೋನಾ ಸೋಂಕಿನ ಆತಂಕ ಕೊನೆಗಾಣಿಸುವಂತೆ ಆಗ್ರಹಿಸಿ ಬಿಜೆಪಿ ಜಿಲ್ಲಾಧ್ಯಕ್ಷ ಡಾ ಕೆ.ಎನ್ ವೇಣುಗೋಪಾಲ್ ಜಿಲ್ಲಾ ಉಸ್ತುವಾರಿ ಸಚಿವ ಹೆಚ್ . ನಾಗೇಶ್ ಅವರಿಗೆ ಮನವಿ ಸಲ್ಲಿಸಿದರು.
ಹಣ್ಣಿನ ರಾಜ ವಾಹನ ಚಾಲಕರು – ಸಹಾ ಯಕರು , ವ್ಯಾಪಾರಸರು ಸಾವಿರಾರು ಸಂಖ್ಯೆಯಲ್ಲಿ ಬರುತ್ತಾರೆ , ಅಲ್ಲದೆ ಆಂಧ್ರ , ತಮಿಳುನಾಡು , ಕರ್ನಾಟಕ ಸೇರಿದಂತೆ ಸಾವಿರಾರು ಕಾರ್ಮಿಕರು ಸೇರಿ ಬರುತ್ತಾರೆ , ಈ ಜನಕ್ಕೆ ತಾತ್ಕಾಲಿಕ ಶೌಚಾಲಯಗಳು ಅಲ್ಲಿಯೇ ಸ್ಥಾಪಿಸುವ ಹೋಟೆಲ * ಗಳು ಅಲ್ಲಿಯೇ ಉಗಿದು ಗಲೀಜು ಮಾಡುವ ಅಭ್ಯಾಸಗಳು ಮಾಮೂಲಿಯಾಗಿರುತ್ತವೆ .ಈ ಸಾಲಿನ ಮಾವಿನ ಕಾಯಿಯನ್ನು ಎ . ಪಿ . ಎಂ . ಸಿ ಯಾರ್ಡಿನಲ್ಲಿ ಯಾವುದೇ ವಹಿವಾಟು ನಡೆಸದೇ ನೇರವಾಗಿ ರೈತರ ತೋಟಗಳಲ್ಲೇ ಮಾವಿನ ವಹಿವಾಟು ನಡೆಸಬೇಕು ಮಾವಿನ ಪಸಲಿನಲ್ಲಿ ಶೇಕಡ 80 % ತೊತಾ ಮರಿ ಬೆಳೆ ಇದ್ದು , ಇದು ನೇರವಾಗಿ ಮಾವಿನ ತಿರಳು ಘಟಕಗಳಿಗೆ ರವಾನಿಸಲಾಗುತ್ತದೆ . ಇದನ್ನು ನೇರವಾಗಿ ಮಾವಿನ ತೋಟಗ ಳಿಂದ ಸರಬರಾಜು ಮಾಡಬಹುದು ಎಂದರು . ಉಳಿದ ಶೇಕಡ 20 % ತಿನ್ನಲು ಉಪಯೋಗಿಸುವ ಮಾವನ್ನು ತೋಟಗಳಲ್ಲಿ ವಿಂಗಡಿಸಿ ವಿವಿಧ ಮಾರುಕಟ್ಟೆಗಳಿಗೆ ನೇರವಾಗಿ ತೋಟಗಳಿಂದ ರವಾನಿಸಬಹುದು – ದಯವಿಟ್ಟು ಈ ವಿಷಯಗಳ ಬಗ್ಗೆ ಸೂಕ್ತವಾಗಿ ಗಮನಹರಿಸಿ ಈ ಬಾರಿ ಎ . ಪಿ . ಎಂ. ಸಿ . ಯಾರ್ಡಿನಲ್ಲಿ ಮಾವಿನ ವಹಿವಾಟು ಮಾಡದೇ ನೇರವಾಗಿ ತೋಟಗಳಿಂದ ವಿಲೇ ವಾರಿ ಮಾಡಲು ಕ್ರಮ ತೆಗೆದುಕೊ ಳ್ಳಬೇಕಾಗಿ ಮನವಿ ಮಾಡಿದರು . ಹಣ್ಣು ರಾಜ ಮಾವಿನ ಋತುಮಾನ ಸಮೀಪಿಸಿದ್ದು ಏಷ್ಯಾದಲ್ಲೇ ಅತಿ ದೊಡ್ಡ ಮಾವಿನ ಮಾರುಕಟ್ಟೆ ಶ್ರೀನಿವಾಸಪುರದಲ್ಲಿದೆ, ಇಲ್ಲಿನ ಮಾವಿನ ಹಣ್ಣು ರುಚಿಗೆ ಸಹಾ ಹೆಸರುವಾಸಿಯಾಗಿದೆ. ಕೋಲಾರ ಮತ್ತು ಚಿಕ್ಕಬಳ್ಳಾಪುರ ಜಿಲ್ಲೆಗಳಲ್ಲಿ ಸುಮಾರು 60 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿ ಮಾವ ಬೆಳೆಯಿದ್ದು ಶ್ರೀನಿವಾಸಪುರ ತಾಲ್ಲೂಕಿನಲ್ಲಿಯೇ ಸುಮಾರು 32 ಸಾವಿರ ಹೆಕ್ಟೇರ್ ಪ್ರದೇಶದಲ್ಲಿರುತ್ತದೆ.
ಶ್ರೀನಿವಾಸಪುರ ಮಾವು ಮಾರುಕಟ್ಟೆಯಲ್ಲಿ ಪ್ರತಿದಿನ ಸುಮಾರು ನಾಲ್ಕು ಸಾವಿರದಿಂದ ಐದು ಸಾವಿರ ಟನ್ ವಹಿವಾಟು ನಡೆದು ಪ್ರತಿದಿನಕ್ಕೆ ಸರಾಸರಿ 8 ರಿಂದ 10 ಕೋಟಿ ರೂಪಾಯಿಯಂತೆ 45 ದಿನ ವಹಿವಾಟು ನಡೆಯಲಿದೆ ಎಂದರು.
ಜಿಲ್ಲಾಧಿಕಾರಿಗಳು, ಶಾಸಕರು, ವರ್ತಕರು ಹಾಗೂ ಕೆಲವೇ ರೈತರ ನ್ನೊಳಗೊಂಡ ಸಭೆಯಲ್ಲಿ ಸೇರಿ ಕೆಲವು ನಿಯಮಗಳನ್ನು ಪಾಲಿಸಿಕೊಂಡು ಮಾವು ವಹಿವಾಟು ಪ್ರಾರಂಭಿಸಬೇಕೆಂದು ಶಾಸಕರು ಡಿ ಸಿ . ಯವರಿಗೂ ಹಾಗೂ ಎಪಿಎಂಸಿ ಅಧ್ಯಕ್ಷರಿಗೂ ಸೂಚಿಸಿದ್ದಾರೆ.
ಪ್ರಪಂಚದಾದ್ಯಂತ ನರಬಲಿ ಪಡೆಯುತ್ತಿರುವ ಕೊರೋನಾ ಇರುವ ಸಂದರ್ಭದಲ್ಲಿ ದೇಶದ ವಿವಿಧ ರಾಜ್ಯಗಳ ಸಾವಿರಾರು ಮಂದಿ ವ್ಯಾಪಾರಸ್ತರು , ಲಾರಿ ಚಾಲಕರು ಹಾಗೂ ಕಾರ್ಮಿಕರು ಇಲ್ಲಿಗೆ ಬರುವುದರಿಂದ ಎಚ್ಚರಿಕೆ ಅಗತ್ಯವಾಗಿದೆ ಎಂದು ತಿಳಿಸಿದರು.
ಮಾರುಕಟ್ಟೆ ಪ್ರಾರಂಭವಾದಲ್ಲಿ ರಾಷ್ಟ್ರದ ಎಲ್ಲಾ ರಾಜ್ಯಗಳಿಂದಲೂ ವಾಹನ ಚಾಲಕರು ಸಹಾಯಕರು , ವ್ಯಾಪಾರಸರು ಸಾವಿರಾರು ಸಂಖ್ಯೆಯಲ್ಲಿ ಬರುತ್ತಾರೆ, ಅಲ್ಲದೆ ಆಂಧ್ರಪ್ರದೇಶದ , ತಮಿಳುನಾಡು, ಕರ್ನಾಟಕ ಸೇರಿದಂತೆ ಸಾವಿರಾರು ಕಾರ್ಮಿಕರು ಸೇರಿ ಬರುತ್ತಾರೆ , ಈ ಜನಕ್ಕೆ ತಾತ್ಕಾಲಿಕ ಶೌಚಾಲಯಗಳು ಅಲ್ಲಿಯೇ ಸ್ಥಾಪಿಸುವ ಹೋಟೆಲುಗಳು ಅಲ್ಲಿಯೇ ಉಗಿದು ಗಲೀಜು ಮಾಡುವ ಅಭ್ಯಾಸಗಳು ಮಾಮೂಲಿಯಾಗಿರುತ್ತವೆ.ಈ ಸಾಲಿನ ಮಾವಿನ ಕಾಯಿಯನ್ನು ಎಪಿಎಂಸಿ ಯಾರ್ಡಿನಲ್ಲಿ ಯಾವುದೇ ವಹಿವಾಟು ನಡೆಸದೇ ನೇರವಾಗಿ ರೈತರ ತೋಟಗಳಲ್ಲೇ ಮಾವಿನ ವಹಿವಾಟು ನಡೆಸಬೇಕು ಮಾವಿನ ಪಸಲಿನಲ್ಲಿ ಶೇಕಡ 80% ತೊತಾಪುರಿ ಬೆಳೆ ಇದ್ದು , ಇದು ನೇರವಾಗಿ ಮಾವಿನ ತಿರಳು ಘಟಕಗಳಿಗೆ ರವಾನಿಸಲಾಗುತ್ತದೆ. ಇದನ್ನು ನೇರವಾಗಿ ಮಾವಿನ ತೋಟಗಳಿಂದ ಸರಬರಾಜು ಮಾಡಬಹುದು ಎಂದರು. ಉಳಿದ ಶೇಕಡ 20% ತಿನ್ನಲು ಉಪಯೋಗಿಸುವ ಮಾವನ್ನು ತೋಟಗಳಲ್ಲಿ ವಿಂಗಡಿಸಿ ವಿವಿಧ ಮಾರುಕಟ್ಟೆಗಳಿಗೆ ನೇರವಾಗಿ ತೋಟಗಳಿಂದ ರವಾನಿಸಬಹದು ದಯವಿಟ್ಟು ಈ ವಿಷಯಗಳ ಬಗ್ಗೆ ಸೂಕ್ತವಾಗಿ ಗಮನಹರಿಸಿ ಈ ಬಾರಿ ಎ ಪಿ ಎಂ ಸಿ ಯಾರ್ಡಿನಲ್ಲಿ ಮಾವಿನ ವಹಿವಾಟು ಮಾಡದೇ ನೇರವಾಗಿ ತೋಟಗಳಿಂದ ವಿಲೇ ವಾರಿ ಮಾಡಲು ಕ್ರಮ ತೆಗೆದುಕೊಳ್ಳಬೇಕಾಗಿ ಮನವಿ ಮಾಡಿದರು.
ವರದಿ : ಶಬ್ಬೀರ್ ಅಹ್ಮದ್, ಶ್ರೀನಿವಾಸಪುರ
