HOLY ROSARY CHURCH, KUNDAPUR – 450 th JUBILEE SOUVENIR 2021

ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಮಣಿಪಾಲದ ಅಕಾಡೆಮಿ ಆಫ್ ಜನರಲ್ ಎಜುಕೇಷನ್ ಮತ್ತು ಇಂಟರ್ನಲ್ ಕ್ವಾಲಿಟಿ ಅಶ್ಯುರನ್ಶ್ ಕೋಶ ಇದರ ಸಹಯೋಗದಲ್ಲಿ “ಆನ್ ಲೈನ್ ತರಗತಿಯ ಪ್ರೆಸೆಂಟೇಶನ್ ವಿನ್ಯಾಸ” ರಾಷ್ಟ್ರೀಯ ವೆಬಿನಾರ್

JANANUDI.COM NETWORK

ಕುಂದಾಪುರ: ನವೆಂಬರ್ 6ರಂದು ಇಲ್ಲಿನ ಭಂಡಾರ್ಕಾರ್ಸ್ ಕಾಲೇಜಿನಲ್ಲಿ ಮಣಿಪಾಲದ ಅಕಾಡೆಮಿ ಆಫ್ ಜನರಲ್ ಎಜುಕೇಷನ್ ಮತ್ತು ಇಂಟರ್ನಲ್ ಕ್ವಾಲಿಟಿ ಅಶ್ಯುರನ್ಶ್ ಕೋಶ ಇದರ ಸಹಯೋಗದಲ್ಲಿ “ಆನ್ ಲೈನ್ ತರಗತಿಯ ಪ್ರೆಸೆಂಟೇಶನ್ ವಿನ್ಯಾಸ” ಕುರಿತು ರಾಷ್ಟ್ರೀಯ ವೆಬಿನಾರ್ ನಡೆಯಿತು.
ಮಣಿಪಾಲದ ಮಣಿಪಾಲ ಅಕಾಡೆಮಿ ಆಫ್ ಹೈಯರ್ ಎಜುಕೇಷನ್ ಇಲ್ಲಿನ ಆನ್ ಲೈನ್ ಶಿಕ್ಷಣ ಕೇಂದ್ರದ ನಿರ್ದೇಶಕರಾದ ಡಾ. ಮನೋಜ್ ಕುಮಾರ್ ನಾಗಸಂಪಿಗೆ ಮಾತನಾಡಿ ಆನ್ಲೈನ್ ತರಗತಿಗೆ ಪ್ರೆಸೆಂಟೇಶನ್ ತಯಾರಿಸುವ ಸುಲಭದ ಉಪಯುಕ್ತ ವಿಧಾನಗಳನ್ನು ತಿಳಿಸಿದರು.
2000 ಜನ ನೋಂದಾಯಿಸಿ 1400 ಜನರು ವೆಬಿನಾರ್ ನಲ್ಲಿ ಭಾಗವಹಿಸಿದ್ದರು. ಅದರಲ್ಲಿ 17 ದೇಶಗಳ ಅಂತರಾಷ್ಟ್ರೀಯ ಮಟ್ಟದಲ್ಲಿ 54 ಜನರು ಭಾಗವಹಿಸಿದ್ದರು.
ಕಾಲೇಜಿನ ಐ.ಟಿ ತಂಡದ ಅಮರ್ ಸಿಕ್ವೆರಾ ನಿರ್ವಹಿಸಿ ಸ್ವಾಗತಿಸಿದರು.
ಕಾಲೇಜಿನ ಐಟಿ ತಂಡದ ಅಮರ್ ಸಿಕ್ವೆರಾ ಗಣೇಶ್ ಕುಮಾರ್ ಗುರುದಾಸ್ ಪ್ರಭು ಮತ್ತು ಪ್ರವೀಣ್ ಸಹಕರಿಸಿದರು.
ಐಟಿ ತಂಡದ ಸಂಯೋಜಕರಾದ ನಟರಾಜ್ ಎಂ.ಬಿ ಮತ್ತು ಐಕ್ಯೂಎಸಿ ಸಂಯೋಜಕರಾದ ಶಶಿಕಾಂತ್ ಹತ್ವಾರ್ ಉಪಸ್ಥಿತರಿದ್ದರು.

ಜೀವ ವಿಮಾ ಪ್ರತಿನಿಧಿಗಳು ಕಳೆದ ವರ್ಷದಲ್ಲಿ ಉತ್ತಮ ವಹಿವಾಟು, ಈ ವರ್ಷ ಕೋವಿಡ್ ‌ನಿಂದ ವಹಿವಾಟ ಕಡಿಮೆ, ಮುಂದಿನ 5 ತಿಂಗಳಲ್ಲಿ ಹೆಚ್ಚಿನಪಾಲಿಸಿಗಳು ಮಾಡಿ : ಎಸ್.ಸತಿಶ್‌

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ , ಸ್ಥಳಿಯವಾಗಿ ಜೀವ ವಿಮಾ ಪ್ರತಿನಿಧಿಗಳು ಕಳೆದ ವರ್ಷದಲ್ಲಿ ಉತ್ತಮವಾಗಿ ವಹಿವಾಟು ನಡೆಸಿ ಹೆಚ್ಚಿನ ಪಾಲಿಸಿಗಳು ಮಾಡಿಸಲಾಗಿದೆ . ಈ ವರ್ಷ ಕೋವಿಡ್ ‌ನಿಂದ ವಹಿವಾಟ ಕಡಿಮೆ ಯಾಗಿದ್ದು ಇರುವ 5 ತಿಂಗಳಲ್ಲಿ ಹೆಚ್ಚಿನಪಾಲಿಸಿಗಳು ಮಾಡಿಸಿ ತಮ್ಮ ಕರ್ತವ್ಯಶಿಸ್ತುಬದ್ಧವಾಗಿ ನಿರ್ವಹಿಸಬೇಕೆಂದು ವ್ಯವಸ್ಥಾಪಕರು ಎಸ್.ಸತಿಶ್‌ ಹೇಳಿದರು.
ಪಟ್ಟಣದ ಎಲ್ಐಸಿ ಕಚೇರಿ ಸಭಾಂಗಣದಲ್ಲಿ ಎಲ್‌ಐಸಿ ತಾಲೂಕು ಆಭಿವೃದ್ಧಿಅಧಿಕಾರಿ ಆರ್‌. ವಿ. ಕುಲಕರ್ಣಿ ಏರ್ಪಡಿಸಿದ್ದ ಪ್ರತಿನಿಧಿಗಳ ತರಬೇತಿ ಕಾರ್ಯಾಗಾರದಲ್ಲಿ ಮಾತನಾಡಿದರು . ಯಾತ್ರಿಕ ಕೌಶಲ್ಯ ಮುಂದುವರೆದ ಈ ಕಾಲದಲ್ಲಿ ಜನರ ಆರೋಗ್ಯ ಸುರಕ್ಷತೆಗೆ ಜೀವ ವಿಮಾ ಮತ್ತು ಕ್ಯಾನ್ಸರ್‌ ಪಾಲಿಸಿಗಳು ಮಾಡಿಸಿ ಜನರ ಆರ್ಥಿಕ ಮತ್ತು ಆರೋಗ್ಯ ರಕ್ಷಣೆಗೆ ಆದ್ಯತೆ ಕೊಡ ಬೇಕು . ಶ್ರೀನಿವಾಸಪುರದಲ್ಲಿ ಎಲ್ ಐ ಸಿ ಕಚೇರಿ ಪ್ರಾರಂಭಿಸಿರುವುದೆ ಇಲ್ಲಿನ ಜೀವ ವಿಮಾ ಗ್ರಾಹಕರಿಗೆ ಸಕಾರಾತ್ಮಕವಾಗಿ ಸೇವೆ ನೀಡ ಬೇಕೆನ್ನುವ ಉದ್ದೇಶದಿಂದ .
ಕೃಷಿ ಹೊಂದಿರುವ ರೈತರೆ ಹೆಚ್ಚಿನ ಸಂಖ್ಯೆಯಲ್ಲಿರುವುದರಿಂದ ತಾಲೂಕಲ್ಲಿ ವರ್ಷದಿಂದ ವರ್ಷಕ್ಕೆ ಶೇಕಡಾವಾರಮಹಿ ವಾಟುಬೆಳೆಸಬೇಕು . ಕಾಲಕಾಲಕ್ಕೆ ಪಾಲಿಸಿದಾರರಿಗೆ ಇರುವಲ್ಲಿಗೆ ಸೇವೆ ನೀಡುವುದೆ ನಮ್ಮ ಗುರಿಯಾಗಿಸಿಕೊಳ್ಳಬೇಕೆಂದು ತಿಳಿಸಿದರು . ತಾಲೂಕು ಅಭಿವೃದ್ಧಿಅಧಿಕರಿ ಆರ್‌ ವಿ ಕುಲಕರ್ಣಿ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿ ಎಲ್ ಐ ಸಿ ಪ್ರತಿನಿಧಿಗಳು ಪ್ರತಿ ದಿನ ಜನಸಾಮಾನ್ಯರ ಆರೋಗ್ಯದ ಬಗ್ಗೆ ಹೆಚ್ಚು ಗಮನಹರಿಸಬೇಕು , ಅವರಿಗಾಗಿ ವರ್ಷಕ್ಕೆ ಕನಿಷ್ಟ 3 ಸಾವಿರರೂ. ಕ್ಯಾನ್ಸರ್‌ ಆರೋಗ್ಯ ವಿಮಾ ಪಾಲಿಸಿ
ಮಾಡಿಸಿದರೆ 10 ಲಕ್ಷರೂ ಭದ್ರತೆಯ ಪಾಲಿಸಿ ಕೊಡಬಹುದು .
ಇತ್ತೀಚಿನ ದಿನಗಳಲ್ಲಿ ಬಹುತೇಕ ಜನರ ಆರೋಗ್ಯಕ್ಷೀಣಿಸುತ್ತಿದೆ . ಕಾಯಿಲೆ ಬಂದಾಗ ಕಷ್ಟ ಪಡುವ ಬದಲು ಈಗಿಂದಲೆ ಎಚ್ಚರ ವಹಿಸಿ . ಸಮಯ ವ್ಯರ್ಥ ಮಾಡದೆ ಹಣದಂತೆ ಬಳಸಿಕೊಳ್ಳಿ ಹಣದಿಂದಲೆ ಎಲ್ಲವೂ ನಡೆಯುತ್ತದೆ ಎನ್ನಲಾಗದು . ಅಗತ್ಯಗಳಿಗೆ ಹಣ ಬೇಕೇಬೇಕು .
ನಮ್ಮ ತಂಡದಲ್ಲಿ ಈಗಾಗಲೆ ಇಬ್ಬರು ಎಂ ಡಿ ಆರ್ ಟಿ ಮಾಡಿ ತಂಡದ ಗೌರವ ಹೆಚ್ಚಿಸಿದ್ದಾರೆ . ನಾವು ಯಾವುದೆ ಕೆಲಸವನ್ನು ಮಾಡುವಾಗ ದೃಡ ಸಂಕಲ್ಪಮತು ಗುರಿ ಇರಬೇಕು . ಸರಕಾರಿ ಸೌಕರರಿಗೆ ನಿರಂತರ ಕೆಲಸ ಮಾಡಿದರೆ ವೇತನ ಸಿಗುತ್ತದೆ . ಅದೇ ರೀತಿ ಪ್ರತಿನಿಧಿಗಳು ವೃತ್ತಿ ಧರ್ಮ ಜವಾಬ್ದಾರಿ ಅರಿತು ಪ್ರತಿ ದಿನ ನಿರ್ಧಿಷ್ಟ ವಧಿ ಜೀವ ವಿಮೆ ಪಾಲಿಸಿ ಮಾಡಿಸಲು ಕಾಲ ಮೀಸಲಿಟ್ಟು ಕೆಲಸ ಮಾಡಬೇಕೆಂದು ತಿಳಿಸಿದರು .

ಅಗಲಿದ ಹಿರಿಯ ಯಕ್ಷಗಾನ ಕಲಾವಿದ ವಾಸುದೇವ ಸಾಮಗರಿಗೆ ಮೋಡರ್ನ್ ಮಹಾಭಾರತ ಚಿತ್ರ ತಂಡದ ಶ್ರದ್ಧಾಂಜಲಿ

ವರದಿ : ಕೆ.ಜಿ.ವೈದ್ಯ,ಕುಂದಾಪುರ


ಕುಂದಾಪುರ : ಹಿರಿಯ ಯಕ್ಷಗಾನ ಕಲಾವಿದ ವಾಸುದೇವ ಸಾಮಗರ ನಿಧನಕ್ಕೆ ಕೋಟೇಶ್ವರದ ಮೋಡರ್ನ್ ಮಹಾಭಾರತ ಚಲನ ಚಿತ್ರ ತಂಡ ಅತೀವ ಸಂತಾಪ ವ್ಯಕ್ತಪಡಿಸಿದೆ. ಸಾಂಸಾರಿಕ ಕಥಾನಕ ಹೊಂದಿರುವ ಕನ್ನಡ ಚಲನ ಚಿತ್ರ ‘ಮೋಡರ್ನ್ ಮಹಾಭಾರತ’ ದಲ್ಲಿ ಸಾಮಗರು ಹರಿಕಥಾ ಕೀರ್ತನಕಾರರ ಪಾತ್ರದಲ್ಲಿ ಅಭಿನಯಿಸಿದ್ದರು. ಅವರ ಚೊಚ್ಚಲ ಸಿನಿಮಾ ನಟನೆಯಿಂದಾಗಿ ಅವರು ಬಹಳ ಉತ್ಸಾಹದಿಂದಲೇ ತಮ್ಮ ಪಾತ್ರ ನಿರ್ವಹಿಸಿದ್ದರು. ಅವರ ಅಭಿನಯದ ಈ ಭಾಗವನ್ನು ಕೋಟೇಶ್ವರದ ಶ್ರೀ ಕೋಟಿಲಿಂಗೇಶ್ವರ ದೇವಾಲಯದ ಆವರಣದಲ್ಲಿ ಚಿತ್ರೀಕರಿಸಲಾಗಿತ್ತು. 
ಖ್ಯಾತ ಚಿತ್ರನಟ ಮಂಡ್ಯ ರಮೇಶ್ ಉಡುಪಿಯಲ್ಲಿ ಮೋಡರ್ನ್ ಮಹಾಭಾರತ ಚಿತ್ರದ ಟೀಸರನ್ನು ಬಿಡುಗಡೆಗೊಳಿಸಿದ್ದರು. ಈ ಟೀಸರ್ ನೋಡಿ ಬಹುವಾಗಿ ಮೆಚ್ಚಿಕೊಂಡ ವಾಸುದೇವ ಸಾಮಗರು,  “ನೀವು ಇಷ್ಟು ಚೆನ್ನಾಗಿ ಸಿನಿಮಾ ಮಾಡುತ್ತೀರಿ ಎಂದು ಎಣಿಸಿರಲಿಲ್ಲ. ಏನೋ ಹುಡುಗರಿಗೆ ಉಮೇದು ಇದೆ, ಅವರ ಉತ್ಸಾಹಕ್ಕೆ ತಾನೇಕೆ ತಣ್ಣೀರು ಎರಚಲಿ ಎಂದು ಚಿತ್ರದಲ್ಲಿ ಪಾತ್ರ ಮಾಡಲು ಒಪ್ಪಿಕೊಂಡೆ. ಟೀಸರ್ ನಲ್ಲಿ ಸಿನಿಮಾದ ಒಂದು ತುಣುಕು ನೋಡಿದಾಗಲೇ ಇಷ್ಟು ಚೆನ್ನಾಗಿರಬೇಕಾದರೆ ಪೂರ್ಣ ಸಿನಿಮಾ ಹೇಗಿದ್ದಿರಬಹುದು. ಅದನ್ನು ನೋಡುವ ಕುತೂಹಲ ನನಗೆ ತುಂಬಾ ಇದೆ”  ಎಂದು ಭಾವೋದ್ವೇಗದಿಂದ ಹೇಳಿಕೊಂಡಿದ್ದರು. ಮೋಡರ್ನ್ ಮಹಾಭಾರತ ಚಿತ್ರಕ್ಕೆ ಮೂರು ಅಂತರ್ ರಾಷ್ಟ್ರೀಯ ಅವಾರ್ಡ್ ಗಳು ಬಂದಾಗಲೂ ಈ ವಿಷಯ ತಿಳಿದು ಸಾಮಗರು ಸಂತಸಪಟ್ಟು ಹರಸಿದ್ದರು. ಆದರೆ ಕೊರೊನಾ ದೆಸೆಯಿಂದಾಗಿ ನಿಗದಿತ ವೇಳೆಗೆ ಚಿತ್ರ ಬಿಡುಗಡೆಗೆ ಸಾಧ್ಯವಾಗದೇ ಸಾಮಗರು ಸಿನಿಮಾ ವೀಕ್ಷಿಸಲು ಆಗಲೇ ಇಲ್ಲ . 
ಚಿತದ ನಿರ್ದೇಶಕ ಶ್ರೀಧರ ಉಡುಪ ಅಗಲಿದ ಹಿರಿಯ ಕಲಾವಿದರಿಗೆ ಸಮಗ್ರ ಮೋಡರ್ನ್ ಮಹಾಭಾರತ ಚಿತ್ರ ತಂಡದ ಪರವಾಗಿ ಶ್ರದ್ದಾಂಜಲಿ ಸಲ್ಲಿಸಿ, ಚಿತ್ರದಲ್ಲಿ ಬರುವ ಹರಿಕಥೆ ಕೀರ್ತನಕಾರರ ಪಾತ್ರಕ್ಕೆ ಸಾಮಗರು ಸೂಕ್ತ  ಎನಿಸಿ ಅವರನ್ನು ಅಳುಕಿನಿಂದಲೇ ಕೇಳಿಕೊಂಡಾಗ ಅವರು ಕತೆಯನ್ನು ಕೇಳಿ ಮೆಚ್ಚಿಕೊಂಡು, ಹುಡುಗರ ಉತ್ಸಾಹಕ್ಕೆ ಭಂಗ ತರಬಾರದು ಎಂಬ ಭಾವನೆಯಿಂದ ತಕ್ಷಣ ನಟಿಸಲು ಒಪ್ಪಿಕೊಂಡರು. ಸಿನಿಮಾದಲ್ಲಿ ಅವರ ನಟನೆ ಅದ್ಭುತವಾಗಿ ಮೂಡಿಬಂದಿದೆ. ಇದೀಗ ಸಿನಿಮಾಗೆ ಮೂರು ಅಂತರ್ ರಾಷ್ಟ್ರೀಯ ಪ್ರಶಸ್ತಿಗಳು ಬಂದಿದ್ದರೂ, ಹಿರಿಯರಿಗೆ ಪೂರ್ತಿ ಸಿನಿಮಾ ತೋರಿಸಲಾಗದ್ದಕ್ಕೆ ಅತೀವ ಬೇಸರವಾಗುತ್ತಿದೆ ಎಂದು ಹೇಳಿದ್ದಾರೆ. ಚಿತ್ರದ ಸಹನಿರ್ಮಾಪಕರಾದ ಅನಂತ ಪದ್ಮನಾಭ ಉಡುಪ ಮತ್ತು ಡಾ. ರಾಮಕೃಷ್ಣ ಉಡುಪರೂ ಹಿರಿಯ ಕಲಾವಿದ ವಾಸುದೇವ ಸಾಮಗರ ಅಗಲಿಕೆಗೆ ದುಃಖಪಟ್ಟಿದ್ದಾರೆ. ಅಗಲಿದ ಹಿರಿಯರ ಆತ್ಮಕ್ಕೆ ಸದ್ಗತಿ ದೊರೆಯಲಿ ಎಂದು ಸಮಗ್ರ ಚಿತ್ರತಂಡ ಪ್ರಾರ್ಥಿಸಿದೆ.

ಯಲ್ದೂರು ಗ್ರಾಮದ ಕೆರೆಯಲ್ಲಿ ಶನಿವಾರ ಅಕ್ರಮವಾಗಿ ಮಣ್ಣು ತೆಗೆದು ಸಾಗಿಸುತ್ತಿದ್ದ 2 ಟ್ರ್ಯಾಕ್ಟರ್, 1500ಟನ್‌ ಮಣ್ಣು ಹಾಗೂ 2 ಜೆಸಿಬಿ ಯಂತ್ರಗಳನ್ನು ತಹಶೀಲ್ದಾರ್ ಎಸ್‌.ಎಂ.ಶ್ರೀನಿವಾಸ್‌ ವಶಪಡಿಸಿಕೊಂಡಿದ್ದಾರೆ.

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ತಾಲ್ಲೂಕಿನ ಯಲ್ದೂರು ಗ್ರಾಮದ ಕೆರೆಯಲ್ಲಿ ಶನಿವಾರ ಅಕ್ರಮವಾಗಿ ಮಣ್ಣು ತೆಗೆದು ಸಾಗಿಸುತ್ತಿದ್ದ 2 ಟ್ರ್ಯಾಕ್ಟರ್, 1500ಟನ್‌ ಮಣ್ಣು ಹಾಗೂ 2 ಜೆಸಿಬಿ ಯಂತ್ರಗಳನ್ನು ತಹಶೀಲ್ದಾರ್ ಎಸ್‌.ಎಂ.ಶ್ರೀನಿವಾಸ್‌ ವಶಪಡಿಸಿಕೊಂಡಿದ್ದಾರೆ.
  ಕೆಲವು ವ್ಯಕ್ತಿಗಳು ಕೆರೆಯಲ್ಲಿನ ಬೆಲೆಬಾಳುವ ಮಣ್ಣು ತೆಗೆದು ಬೇರೆಡೆಗೆ ಸಾಗಿಸುತ್ತಿರುವುದಾಗಿ ಗ್ರಾಮಸ್ಥರು ನೀಡಿದ ದೂರಿನ ಮೇರೆಗೆ ತಹಶೀಲ್ದಾರ್‌ ತಮ್ಮ ಸಿಬ್ಬಂದಿಯೊಂದಿಗೆ ದಾಳಿ ನಡೆಸಿ ಮಣ್ಣು ತೆಗೆದು ಸಾಗಿಸುತ್ತಿದ್ದ ಯಂತ್ರಗಳನ್ನು ವಶಕ್ಕೆ ಪಡೆದರು.  ಉಪ ತಹಶೀಲ್ದಾರ್‌ ಚಂದ್ರಪ್ಪ, ಕಂದಾಯ ನಿರೀಕ್ಷಕ ಸಿ.ಎನ್‌್.ವಿನೋದ್ ಇದ್ದರು.

ಕುಂದಾಪುರ ಬ್ಲಾಕ್ ಕಾಂಗ್ರೆಸ್: ಕೃಷಿ ಮಸೂದೆ ವಿರೋಧಿಸಿ ಸಹಿ ಸಂಗ್ರಹ ಅಭಿಯಾನ

JANANUDI.COM NETWORK


ಕುಂದಾಪುರ, ಒ.8: ಕೇಂದ್ರ ಸರಕಾರ ಸಂಸತ್ತಿನಲ್ಲಿ ಜ್ಯಾರಿಗೊಳಿಸಿದ ಕೃಷಿ ಮಸೂದೆಯನ್ನು ವಿರೋಧಿಸಿ ಸಹಿ ಸಂಗ್ರಹ ಅಭಿಯಾನವನ್ನು ಕೆ.ಪಿ.ಸಿ.ಸಿ ಮತ್ತು ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷರಾದ ಅಶೋಕ್ ಕುಮಾರ್ ಕೊಡವೂರು ಸೂಚನೆಯಂತೆ, ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷರಾದ ಹರಿಪ್ರಸಾದ್ ಶೆಟ್ಟಿಯವರ ಮಾರ್ಗದರ್ಶನದಲ್ಲಿ ಕುಂದಾಪುರ ಪುರಸಭೆ ವ್ಯಾಪ್ತಿಯ ಕಾಂಗ್ರೆಸ್ ನೇತಾರರು ಕುಂದಾಪುರ ಪುರಸಭಾ ವ್ಯಾಪ್ತಿಯಲ್ಲಿ ನಡೆಸಿದರು


ಕುಂದಾಪುರ ನಗರ ಪ್ರಾಧಿಕಾರದ ಮಾಜಿ ಅಧ್ಯಕ್ಷರಾದ ಜಾಕೋಬ್ ಸಂತಾನ್ ಡಿಸೋಜಾ, ಚಿಕ್ಕನಸಾಲು ವಾರ್ಡ್ ಸಂಗಮ್ ವಠಾರದಲ್ಲಿ.
ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ವಿನೋದ್ ಕ್ರಾಸ್ಟೊ, ಚಿಕ್ಕನಸಾಲು ರಸ್ತೆಯ ಬಲ ಭಾಗದಲ್ಲಿ.
ಯುವ ಮುಖಂಡ ಕೋಡಿ ಸುನೀಲ್ ಪೂಜಾರಿ, ಕೋಡಿ ಉತ್ತರ ಭಾಗದಲ್ಲಿ. ಪುರಸಭೆ ಸದಸ್ಯೆ ದೇವಕಿ ಸಣ್ಣಯ್ಯ ಸರಕಾರಿ ಆಸ್ಪತ್ರೆ ವಾರ್ಡಿನಲ್ಲಿ.
ಕುಂದಾಪುರ ಪುರಸಭೆಯ ಮಾಜಿ ನಾಮ ನಿರ್ದೇಶಿತ ಸದಸ್ಯ ಕೇಶವ ಭಟ್ ಸೆಂಟ್ರಲ್ ವಾರ್ಡಿನಲ್ಲಿ.
ಜ್ಯೋತಿ ಡಿ ನಾಯ್ಕ್ ನಾನಾ ಸಾಹೇಬ್ ವಾರ್ಡಿನಲ್ಲಿ.
ಪುರಸಭೆ ಸದಸ್ಯೆ ಪ್ರಭಾವತಿ ಶೆಟ್ಟಿ ಈಷ್ಟ್ ವೆಷ್ಟ್ ವಾರ್ಡಿನಲ್ಲಿ.
ವೇಣುಗೋಪಾಲ ಶಾಂತಿನಿಕೇತನ ವಾರ್ಡ್ 22 ರಲ್ಲಿ.
ಸೀಮಾ ಪೂಜಾರಿ ಮತ್ತ್ತು ಶಸಿಕುಮಾರ್ ಕಲ್ಲಾಗರ ವಾರ್ಡಿನಲ್ಲಿ.
ಅಶೋಕ ಸುವರ್ಣ ವೇಣುಗೋಪಾಲ ಶಾಂತಿನಿಕೇತನ ವಾರ್ಡ್ 23 ರಲ್ಲಿ, ವಿಶ್ವನಾಥ ಪೂಜಾರಿ ಹುಂಚಾರಬೆಟ್ಟು ವಾರ್ಡಿನಲ್ಲಿ. ಆಶಾ ಕರ್ವಾಲ್ಲೊ ಚರ್ಚ್ ವಾರ್ಡಿನಲ್ಲಿ ಸಹಿ ಅಭಿಯಾನವನ್ನು ನಡೆಸಿದರು

ಕುಂದಾಪುರ ನಗರ ಪ್ರಾಧಿಕಾರದ ಮಾಜಿ ಅಧ್ಯಕ್ಷರಾದ ಜಾಕೋಬ್ ಸಂತಾನ್ ಡಿಸೋಜಾ, ಚಿಕ್ಕನಸಾಲು ವಾರ್ಡ್ ಸಂಗಮ್ ವಠಾರ
ಕುಂದಾಪುರ ಬ್ಲಾಕ್ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ವಿನೋದ್ ಕ್ರಾಸ್ಟೊ,ಚಿಕ್ಕನಸಾಲು ರಸ್ತೆಯ ಬಲ ಭಾಗ
ಯುವ ಮುಖಂಡ ಕೋಡಿ ಸುನೀಲ್ ಪೂಜಾರಿ, ಕೋಡಿ ಉತ್ತರ ಭಾಗ
ಪುರಸಭೆ ಸದಸ್ಯೆ ದೇವಕಿ ಸಣ್ಣಯ್ಯ ಸರಕಾರಿ ಆಸ್ಪತ್ರೆ ವಾರ್ಡ್
ಕುಂದಾಪುರ ಪುರಸಭೆಯ ಮಾಜಿ ನಾಮ ನಿರ್ದೇಶಿತ ಸದಸ್ಯ ಕೇಶವ ಭಟ್ ಸೆಂಟ್ರಲ್ ವಾರ್ಡ್
ಜ್ಯೋತಿ ಡಿ ನಾಯ್ಕ್ ನಾನಾ ಸಾಹೇಬ್ ವಾರ್ಡ್
ಪುರಸಭೆ ಸದಸ್ಯೆ ಪ್ರಭಾವತಿ ಶೆಟ್ಟಿ ಈಷ್ಟ್ ವೆಷ್ಟ್ ವಾರ್ಡ್
ವೇಣುಗೋಪಾಲ ಶಾಂತಿನಿಕೇತನ ವಾರ್ಡ್ 22
ಸೀಮಾ ಪೂಜಾರಿ ಮತ್ತ್ತು ಶಸಿಕುಮಾರ್ ಕಲ್ಲಾಗರ ವಾರ್ಡ್
ಅಶೋಕ ಸುವರ್ಣ ವೇಣುಗೋಪಾಲ ಶಾಂತಿನಿಕೇತನ ವಾರ್ಡ್ 23
ವಿಶ್ವನಾಥ ಪೂಜಾರಿ ಹುಂಚಾರಬೆಟ್ಟು ವಾರ್ಡ್
ಆಶಾ ಕರ್ವಾಲ್ಲೊ ಚರ್ಚ್ ವಾರ್ಡ್

ಕುಂದಾಪುರ ತಾಲೂಕು ದ್ರಾವಿಡ ಬ್ರಾಹ್ಮಣ ಪರಿಷತ್ ನೂತನ ಅಧ್ಯಕ್ಷರಾಗಿ ಅನಂತ ಪದ್ಮನಾಭ ಬಾಯಿರಿ ಅವಿರೋಧ ಆಯ್ಕೆ

ವರದಿ : ಕೆ.ಜಿ.ವೈದ್ಯ,ಕುಂದಾಪುರ


ಕುಂದಾಪುರ : ಕುಂದಾಪುರ ತಾಲೂಕು ದ್ರಾವಿಡ ಬ್ರಾಹ್ಮಣ ಪರಿಷತ್ ನ 2020 – 22 ನೇ ಸಾಲಿನ ಅಧ್ಯಕ್ಷರಾಗಿ ಬೆಳ್ವೆ ವಲಯದ ಪ್ರಗತಿಪರ ಕೃಷಿಕ, ಹೈನುಗಾರ ಅನಂತಪದ್ಮನಾಭ ಬಾಯಿರಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
  ಕಮಲಶಿಲೆ ಶ್ರೀ ಬ್ರಾಹ್ಮೀ ದುರ್ಗಾಪರಮೇಶ್ವರೀ ದೇವಾಲಯದಲ್ಲಿ ನಡೆದ ಪರಿಷತ್ ನ 26 ನೇ ವಾರ್ಷಿಕ ಮಹಾಸಭೆಯಲ್ಲಿ ನೂತನ ಪದಾಧಿಕಾರಿಗಳ ಆಯ್ಕೆ ನಡೆಸಲಾಯಿತು. ಗೌರವಾಧ್ಯಕ್ಷರಾಗಿ ಪರಿಷತ್ ನ ನಿಕಟಪೂರ್ವ ಅಧ್ಯಕ್ಷ ರಾಘವೇಂದ್ರ ಅಡಿಗ ಕಲ್ಕಟ್ಟೆ, ಉಪಾಧ್ಯಕ್ಷರುಗಳಾಗಿ ಪ್ರಕಾಶ್ ಐತಾಳ್ ಕಿರಿಮಂಜೇಶ್ವರ ಹಾಗೂ ಜಗದೀಶ್ ರಾವ್ ಕುಂಭಾಶಿ, ಪ್ರಧಾನ ಕಾರ್ಯದರ್ಶಿ ರತ್ನಾಕರ ಉಡುಪ ನಾಗೂರು, ಜೊತೆ ಕಾರ್ಯದರ್ಶಿ ಮಂಜುನಾಥ ಹೆಬ್ಬಾರ್ ಮರವಂತೆ, ಖಜಾಂಚಿ ವಿಶ್ವಂಬರ ಐತಾಳ ಗುಜ್ಜಾಡಿ, ಸಂಘಟನಾ ಕಾರ್ಯದರ್ಶಿ ಅನಂತ ಪದ್ಮನಾಭ ಉಡುಪ ಮಾರಣಕಟ್ಟೆ, ಮಹಿಳಾ ವೇದಿಕೆ ಅಧ್ಯಕ್ಷರಾಗಿ ಭಾವನಾ ಎಂ. ಭಟ್ ಸೌಕೂರು, ಪರಿಷತ್ ನ ಮುಖವಾಣಿ ‘ವಿಪ್ರವಾಣಿ’  ತ್ರೈಮಾಸಿಕದ ಸಂಪಾದಕರಾಗಿ ಕೋಟೇಶ್ವರ ವಲಯದ ಪ್ರೊ. ಶಂಕರ್ ರಾವ್ ಕಾಳಾವರ, ಸಂಪಾದಕ ಮಂಡಳಿ ಸದಸ್ಯರಾಗಿ ಅಶೋಕ್ ಕುಮಾರ್ ಹೊಳ್ಳ ಹಾಗೂ ಹಳ್ಳಿ ಶ್ರೀನಿವಾಸ ಭಟ್, ಗೌರವ ಸಲಹೆಗಾರರಾಗಿ ಭಾಸ್ಕರ ಉಡುಪ ಇವರುಗಳು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಮಹಾಸಭೆಯ ಅಧ್ಯಕ್ಷತೆಯನ್ನು ತಾಲೂಕು ಪರಿಷತ್ ಅಧ್ಯಕ್ಷ ರಾಘವೇಂದ್ರ ಅಡಿಗ ಕಲ್ಕಟ್ಟೆ ವಹಿಸಿದ್ದು, ಜೊತೆ ಕಾರ್ಯದರ್ಶಿ ವೆಂಕಟರಾಮ ಭಟ್ ಆಯ್ಕೆ ಪ್ರಕ್ರಿಯೆಯನ್ನು ನಿರ್ವಹಿಸಿದರು. ಕಮಲಶಿಲೆ ಶ್ರೀ ಬ್ರಾಹ್ಮೀ ದುರ್ಗಾಪರಮೇಶ್ವರೀ ದೇವಾಲಯದ ಆನುವಂಶಿಕ ಆಡಳಿತ ಮೊಕ್ತೇಸರ ಶೆಟ್ಟಿಪಾಲು ಸಚ್ಚಿದಾನಂದ ಚಾತ್ರ, ಜೊತೆ ಮೊಕ್ತೇಸರ ಶ್ರೀನಿವಾಸ ಚಾತ್ರ, ರಾಜ್ಯ ಬ್ರಾಹ್ಮಣ ಅಭಿವೃದ್ಧಿ ಮಂಡಳಿ ಸದಸ್ಯ ಶಿವರಾಮ ಉಡುಪ ಸಾಲಿಗ್ರಾಮ, ಕಮಲಶಿಲೆ ವಲಯ ಅಧ್ಯಕ್ಷ ಶ್ರೀಧರ ಅಡಿಗ, ಡಾ. ವಿಜಯಶಂಕರ್ ಉಪಾಧ್ಯಾಯ, ಮಹಿಳಾ ವೇದಿಕೆ ಅಧ್ಯಕ್ಷೆ ಪವಿತ್ರಾ ಅಡಿಗ, ಯುವ ವಿಪ್ರ ವೇದಿಕೆ ಅಧ್ಯಕ್ಷ ಡಾ. ಸಂಪತ್ ಕುಮಾರ್, ಪರಿಷತ್ ಕಾರ್ಯದರ್ಶಿ ಎನ್. ಸತೀಶ ಅಡಿಗ, ವಿಪ್ರವಾಣಿ ಸಂಪಾದಕಿ ಪೂರ್ಣಿಮಾ ಭಟ್ ಉಪಸ್ಥಿತರಿದ್ದರು.

ರಾಯಲ್ಪಾಡ್‌ ಹಾಗೂ ಲಕ್ಷ್ಮೀಪುರ ಗ್ರಾಮಗಳಲ್ಲಿ ಅನಧಿಕೃತವಾಗಿ ನಡೆಸಲಾಗುತ್ತಿದ್ದ ಚಿಕಿತ್ಸಾಲಯಗಳಿಗೆ ಆರೋಗ್ಯ ಹಾಗೂ ಪೊಲೀಸ್‌ ಇಲಾಖೆ ಅಧಿಕಾರಿಗಳು ಜಂಟಿ ಕಾರ್ಯಾಚರಣೆ ನಡೆಸಿ ಬೀಗ ಮುದ್ರೆ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಶ್ರೀನಿವಾಸಪುರ: ರಾಯಲ್ಪಾಡ್‌ ಹಾಗೂ ಲಕ್ಷ್ಮೀಪುರ ಗ್ರಾಮಗಳಲ್ಲಿ ಅನಧಿಕೃತವಾಗಿ ನಡೆಸಲಾಗುತ್ತಿದ್ದ ಚಿಕಿತ್ಸಾಲಯಗಳಿಗೆ ಆರೋಗ್ಯ ಹಾಗೂ ಪೊಲೀಸ್‌ ಇಲಾಖೆ ಅಧಿಕಾರಿಗಳು ಜಂಟಿ ಕಾರ್ಯಾಚರಣೆ ನಡೆಸಿ ಬೀಗ ಮುದ್ರೆ ಹಾಕಿ, ಚಿಕಿತ್ಸಾಲಯ ನಡೆಸಲು ಹೊಂದಿರುವ ದಾಖಲೆಗಳೊಂದಿಗೆ ತಾಲ್ಲೂಕು ಆರೋಗ್ಯಾಧಿಕಾರಿಯನ್ನು ಭೇಟಿಯಾಗುವಂತೆ ಸೂಚಿಸಿ ಬಾಗಿಲಿಗೆ ನೋಟಿಸ್‌ ಅಂಟಿಸಿದರು.
ತಾಲ್ಲೂಕು ವೈದ್ಯಾಧಿಕಾರಿ ಡಾ. ಎಂ.ಸಿ.ವಿಜಯ ಮಾತನಾಡಿ, ಈ ಹಿಂದೆ ಜಿಲ್ಲಾಧಿಕಾರಿಗಳ ಆದೇಶದ ಮೇರೆಗೆ ಅನಧಿಕೃತ ಚಿಕಿತ್ಸಾಲಯಗಳಿಗೆ ಬೀಗ ಮುದ್ರೆ ಹಾಕಿ, ವೈದ್ಯಕೀಯ ಸೇವೆ ನಡೆಸಲು ತಮ್ಮ ಬಳಿ ಇರುವ ದಾಖಲೆಗಳನ್ನು ಹಾಜರುಪಡಿಸುವಂತೆ ಸೂಚಿಸಲಾಗಿತ್ತು. ಆದರೆ ಯಾರೊಬ್ಬರೂ ಸರಿಯಾದ ದಾಖಲೆ ನೀಡಲಿಲ್ಲ. ಬದಲಿಗೆ ಮತ್ತೆ ತಮ್ಮ ಹಿಂದಿನ ಚಾಳಿ ಮುಂದುವರಿಸಿದ್ದರು. ಇದನ್ನು ಗಮನಿಸಿದ ಜಿಲ್ಲಾಧಿಕಾರಿ ಸತ್ಯಭಾಮ ಅವರು ಅನಧಿಕೃತ ಕ್ಲಿನಿಕ್‌ಗಳಿಗೆ ಬೀಗ ಮುದ್ರೆ ಹಾಕುವಂತೆ ಆದೇಶಿಸಿದ್ದಾರೆ ಎಂದು ಹೇಳಿದರು.
ತಾಲ್ಲೂಕು ಆರೋಗ್ಯಾಧಿಕಾರಿ ಡಾ. ಎಂ.ಸಿ.ವಿಜಯ, ಆರೋಗ್ಯ ನಿರೀಕ್ಷಕ ಸುಬ್ರಮಣಿ, ಪೊಲೀಸ್‌ ಸಬ್‌ ಇನ್ಸ್‌ಪೆಕ್ಟರ್‌ನರಸಿಂಹಮೂರ್ತಿ, ಹರೀಶ್‌ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.

ಕೊವೀಡ್-19 ಸೊಂಕು ಹರಡದಂತೆ ಮುಂಜಾಗೃತ ಕ್ರಮಗಳ ಕುರಿತು ಮಾದ್ಯಮಗಳು ವಾರಿಯರ್ಸ್ ಮಾದರಿಯಲ್ಲಿ ನಿಯಂತ್ರಿಸಲು ಶ್ರಮಿಸುತ್ತಿದೆ : ಪತ್ರಕರ್ತರ ಸಂಘದ ಅಧ್ಯಕ್ಷ ವಿ. ಮುನಿರಾಜು

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ,ನ.5: – ಕೊವೀಡ್-19 ಸೊಂಕು ಹರಡದಂತೆ ಮುಂಜಾಗೃತ ಕ್ರಮಗಳ ಕುರಿತು ಮಾದ್ಯಮಗಳು ವಾರಿಯರ್ಸ್ ಮಾದರಿಯಲ್ಲಿ ದಿನದ 24 ಗಂಟೆಗಳು ಶ್ರಮಿಸುವ ಮೂಲಕ ಸೊಂಕನ್ನು ನಿಯಂತ್ರಿಸಲು ಸರ್ಕಾರದೊಂದಿಗೆ ಕೈ ಜೋಡಿಸಿ ಶ್ರಮಿಸುತ್ತಿದೆ ಎಂದು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ವಿ. ಮುನಿರಾಜು ತಿಳಿಸಿದರು.
ನಗರದ ಪತ್ರಕರ್ತರ ಭವನದಲ್ಲಿಂದು ಜಿಲ್ಲಾ ಕಾಯ್ನಿರತ ಪತ್ರಕರ್ತರ ಸಂಘ, ಬಂಗಾರಪೇಟೆಯ ಚಿಗುರು ಟ್ರಸ್ಟ್ ಮತ್ತು ಬೆಂಗಳೂರಿನ ಕ್ರೈ ಸಂಸ್ಥೆಯ ಸಂಯುಕ್ತಾಶ್ರದಲ್ಲಿ ನಗರದ ಕೋವಿಡ್ ವಾರಿಯರ್ಸ್ ಪತ್ರಕರ್ತರಿಗೆ ಮಾಸ್ಕ್ ಹಾಗೂ ಸ್ಯಾನಿಟೈಸರ್ ವಿತರಣಾ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿ, ಸಮಾಜದ ಅಗುಹೋಗುಗಳ ವರದಿಯನ್ನು ಸಾರ್ವಜನಿಕರಿಗೆ ಮುಟ್ಟಿಸುವ ಹಾಗೂ ಕೊರೋನಾ ಮಾಹಿತಿಗಳು ಹಾಗೂ ಮುಂಜಾಗೃತಿಯ ಅರಿವು ಮೂಡಿಸುವ ವೃತ್ತಿಯಲ್ಲಿ ತೊಡಗಿಸಿಕೊಂಡಿದೆ. ರಾಜ್ಯದಲ್ಲಿ ಅನೇಕ ಮಂದಿ ಮಾದ್ಯಮ ಮಿತ್ರರು ತಮ್ಮ ವೃತ್ತಿ ಸೇವೆಯಲ್ಲಿ ಕೋರೋನಾ ಮಹಾಮಾರಿಗೆ ಬಲಿಯಾಗಿರುವುದು ವಿಷಾಧನಿಯ ಸಂಗತಿಯಾಗಿದೆ ಎಂದರು.
ಪ್ರತಿಯೊಬ್ಬರು ಮನೆಯಿಂದ ಹೊರಗೆ ಬಂದಾಗ ಕಡ್ಡಾಯವಾಗಿ ಮಾಸ್ಕ್ ಹಾಕಿರಬೇಕು. ಸಾಮಾಜಿಕ ಅಂತರ ಕಾಪಾಡಿ ಕೊಳ್ಳ ಬೇಕು, ಸ್ಯಾನಿಟೈಸರ್ ಬಳಸುವ ಮೂಲಕ ಪದೇ ಪದೇ ಕೈ ತೊಳೆಯ ಬೇಕು. ಈ ನಿಟ್ಟಿನಲ್ಲಿ ಚಿಗುರು ಟ್ರಸ್ಟ್ ಹಾಗೂ ಕ್ರೈ ಸಂಸ್ಥೆ ವತಿಯಿಂದ ಮಾದ್ಯಮದವರಿಗೆ ಮಾಸ್ಕ್ ಹಾಗೂ ಸ್ಯಾನಿಟೈಟರ್ ವಿತರಿಸುತ್ತಿರುವುದು ಶ್ಲಾಘನೀಯ ಎಂದ ಅವರು ಬೆಂಗಳೂರಿನಲ್ಲಿ ಮಾಸ್ಕ್ ಧರಿಸದೆ ವಾಯು ವಿಹಾರಕ್ಕೆ ಹೋಗಿದ್ದ ಸಂದರ್ಭದಲ್ಲಿ ನಡೆದ ಪ್ರಕರಣವನ್ನು ವಿವರಿಸಿದರು.
ಬಂಗಾರಪೇಟೆ ಚಿಗರು ಟ್ರಸ್ಟ್ ಅಧ್ಯಕ್ಷೆ ಪ್ರಭಾವತಿ ಪ್ರಸ್ತಾವಿಕ ನುಡಿಗಳಾಡಿ ಟ್ರಸ್ಟ್ ವತಿಯಿಂದ ಸಮಾಜಿಕ ಸೇವಾ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡು ಬರಲಾಗುತ್ತಿದ್ದು, ಕೊರೋನಾ ಸೊಂಕು ಸಂದರ್ಭದಲ್ಲಿ ಆರೋಗ್ಯ ಇಲಾಖೆ, ಆಶಾ ಹಾಗೂ ಅಂಗನವಾಡಿ ಕಾರ್ಯಕರ್ತರ ಮಾದರಿಯಲ್ಲಿ ಟ್ರಸ್ಟ್ ಕೊರೋನಾ ಮುಂಜಾಗೃತ ಅರಿವು, ಮಾಸ್ಕ್ ಹಾಗೂ ಸ್ಯಾನಿಟೈಸರ್ ವಿತರಣಾ ಕಾರ್ಯಕ್ರಮಗಳನ್ನು ಗ್ರಾಮೀಣ ಭಾಗಗಳಲ್ಲಿ ಆಯೋಜಿಸಿಕೊಂಡು ಬರಲಾಗುತ್ತಿದೆ ಎಂದರು.
ಟ್ರಸ್ಟ್‍ನ ಮುಖ್ಯ ಉದ್ದೇಶ ಮಹಿಳೆಯರಿಗೆ ಮತ್ತು ಮಕ್ಕಳಿಗೆ ಅಪೌಷ್ಠಿಕತೆಯಿಂದ ಉಂಟಾಗುತ್ತಿರುವ ಅಘಾತಗಳನ್ನು ನಿಯಂತ್ರಿಸಲು ಎಲ್ಲರೂ ಸಹಕಾರ ನೀಡಿದಾಗ ಸಾಧ್ಯವಾಗುತ್ತದೆ ಎಂಬ ನಿಟ್ಟಿನಲ್ಲಿ ನಮ್ಮ ಟ್ರಸ್ಟ್‍ನಿಂದ ಸೇವಾ ಕಾರ್ಯಗಳನ್ನು ಹಮ್ಮಿ ಕೊಂಡು ಬರಲಾಗುತ್ತಿದೆ ಎಂದರು.
ಇದರ ಜೂತೆಗೆ ಶಾಲೆ ಬಿಟ್ಟ ಮಕ್ಕಳನ್ನು ಮರು ಸೇರ್ಪಡೆ, ಕೊಲಿ ಕಾರ್ಮಿಕರ ಮಕ್ಕಳು ವಲಸೆ ಕಾರ್ಮಿಕರ ಮಕ್ಕಳಿಗೆ ಶಿಕ್ಷಣ ಕೊಡಿಸುವ ಕಾರ್ಯಕಗಳನ್ನು ಮಾಡಲಾಗುತ್ತಿದೆ. ಶೋಷಿತರಿಗೆ, ನೊಂದವರಿಗೆ ಆಶ್ರಯ ಕಲ್ಪಿಸಿ ನೆರವು ನೀಡುವ ಕಾರ್ಯಗಳನ್ನು ಮಾಡುತ್ತಾ ಬರುತ್ತಿದೆ ಎಂದು ತಿಳಿಸಿದರು.
ಕಾರ್ಯಕ್ರಮದಲ್ಲಿ ಜಿಲ್ಲಾ ಪತ್ರಕರ್ತರ ಸಂಘದ ಖಜಾಂಜಿ ಎ.ಜಿ.ಸುರೇಶ್ ಕುಮಾರ್ ಹಾಗೂ ಟ್ರಸ್ಟ್ ಪದಾಧಿಕಾರಿಗಳು ಉಪಸ್ಥಿತರಿದ್ದರು.

ಪ್ರೌಢಶಾಲಾ ಶಿಕ್ಷಕರಿಗೆ ತಂತ್ರಜ್ಞಾನ ಬೆಂಬಲಿತ ಕಲಿಕಾ ಕಾರ್ಯಾಗಾರ ಬೋಧನೆಯಲ್ಲಿ ತಂತ್ರಜ್ಞಾನ ಬಳಸಲು ತರಬೇತಿ ಅಗತ್ಯ:ಜಯರಾಮರೆಡ್ಡಿ

ವರದಿ: ಶಬ್ಬೀರ್ ಅಹಮ್ಮದ್, ಶ್ರೀನಿವಾಸಪುರ

ಕೋಲಾರ:- ಬೋಧನೆಯಲ್ಲಿ ಆಧುನಿಕ ತಂತ್ರಜ್ಞಾನ ಅಳವಡಿಸಿಕೊಳ್ಳುವ ಮೂಲಕ ಮಕ್ಕಳ ಸುಲಭ ಕಲಿಕೆಗೆ ಪೂರಕವಾಗಿ ಬದಲಾಗಲು ಶಿಕ್ಷಕರಿಗೆ ತರಬೇತಿ ಅಗತ್ಯ ಎಂದು ಡಿಡಿಪಿಐ ಹಾಗೂ ಡಯಟ್ ಪ್ರಾಂಶುಪಾಲರೂ ಆದ ಕೆ.ಎಂ.ಜಯರಾಮರೆಡ್ಡಿ ತಿಳಿಸಿದರು.
ಗುರುವಾರ ನಗರದ ಬಾಲಕರ ಜೂನಿಯರ್ ಕಾಲೇಜಿನಲ್ಲಿ ಶಿಕ್ಷಣ ಮತ್ತು ತರಬೇತಿ ಸಂಸ್ಥೆ ಡಯಟ್ ವತಿಯಿಂದ ಪ್ರೌಢಶಾಲಾ ಶಿಕ್ಷಕರಿಗೆ ತಂತ್ರಜ್ಞಾನ ಬೆಂಬಲಿತ ಕಲಿಕಾ ಕಾರ್ಯಾಗಾರ (ಟಾಲ್ಪ್)ಕ್ಕೆ ಚಾಲನೆ ನೀಡಿ ಅವರು ಮಾತನಾಡುತ್ತಿದ್ದರು.
ರಾಷ್ಟ್ರೀಯ ಶಿಕ್ಷಣ ನೀತಿಗೆ ಅನುಗುಣವಾಗಿ ಬೋಧನೆ ಪರಿಣಾಮಕಾರಿಯಾಗಲು ಶಿಕ್ಷಕರಿಗೆ ಕಾಲಕಾಲಕ್ಕೆ ತಕ್ಕಂತೆ ಅಗತ್ಯ ತಾಂತ್ರಿಕ ತರಬೇತಿ ನೀಡಿ ಸಜ್ಜುಗೊಳಿಸುವ ಕೆಲಸ ಇಲಾಖೆಯಿಂದ ನಿರಂತರವಾಗಿ ನಡೆಯುತ್ತಿದೆ ಎಂದು ತಿಳಿಸಿದರು.
ಕೋವಿಡ್ ಸಂದರ್ಭದಲ್ಲಿ ಕಲಿಕೆಯಲ್ಲಿ ಬದಲಾವಣೆ ಅಗತ್ಯವಾಗಿದೆ, ಒಂದುಕಡೆ ಆನ್‍ಲೈನ್ ಶಿಕ್ಷಣದ ಕೂಗು ಇದೆ, ಜತೆಗೆ ಮಕ್ಕಳಿಗೆ ತಂತ್ರಜ್ಞಾನದೊಂದಿಗೆ ಶಿಕ್ಷಣ ನೀಡುವುದು ಅಗತ್ಯವೂ ಇದೆ ಎಂದರು.
ಸರ್ಕಾರಿ ಶಾಲೆಗಳಲ್ಲೂ ಮಕ್ಕಳಿಗೆ ಗಣಕಯಂತ್ರವನ್ನು ಬಳಸಿಕೊಂಡು ಗುಣಮಟ್ಟದ ಬೋಧನೆ ನೀಡಲು ಶಿಕ್ಷಕರು ಸಜ್ಜಾಗಬೇಕು, ಕಲಿಕೆಗೆ ಪೂರಕವಾದ ಅನೇಕ ತಂತ್ರಾಂಶಗಳು ಇಂದು ಆನ್‍ಲೈನ್‍ನಲ್ಲಿ ಸಿಗುತ್ತವೆ, ನಿಮ್ಮ ಬೋಧನೆಯ ಜತೆಗೆ ಆ ತಂತ್ರಾಂಶಗಳ ನೆರವು ಪಡೆದು ಮಕ್ಕಳಿಗೆ ಬೋಧನೆ ಮಾಡಿದಲ್ಲಿ ಮತ್ತಷ್ಟು ಪರಿಣಾಮಕಾರಿ ಎಂದರು.
ಶಾಲೆಗಳ ಆರಂಭದ ಕುರಿತು ಸರ್ಕಾರ ಇನ್ನೂ ಸ್ವಷ್ಟ ನಿರ್ಧಾರ ಕೈಗೊಂಡಿಲ್ಲ, ಆದರೆ ಕೆಲವೇ ದಿನಗಳಲ್ಲಿ ನಿರ್ಧಾರ ಹೊರ ಬೀಳುವ ಸಾಧ್ಯತೆ ಇರುವುದರಿಂದ ಶಾಲೆಗಳಲ್ಲಿ ಸ್ವಚ್ಚತೆ ಮತ್ತಿತರ ಕಾರ್ಯಗಳನ್ನು ಕೈಗೊಳ್ಳುವ ಅಗತ್ಯವಿದೆ ಎಂದರು.
ಕಂಪ್ಯೂಟರ್ ಶಿಕ್ಷಣ
ಅತ್ಯಗತ್ಯ-ಕೆ.ಉಮಾ
ಕಾರ್ಯಕ್ರಮ ಸಂಯೋಜಕರು ಹಾಗೂ ಡಯಟ್ ಹಿರಿಯ ಉಪನ್ಯಾಸಕರಾದ ಕೆ.ಉಮಾ ಮಾತನಾಡಿ, ಕಂಪ್ಯೂಟರ್ ಕಲಿಕೆ ಇಂದು ಪ್ರತಿಯೊಬ್ಬರಿಗೂ ಅಗತ್ಯವಿದೆ, ಮಕ್ಕಳಿಗೆ ವಿವಿಧ ತಂತ್ರಾಂಶಗಳನ್ನು ಬಳಸಿಕೊಂಡು ಅವರ ಆಶಯಕ್ಕೆ ತಕ್ಕಂತೆ ಕಲಿಕೆಯಲ್ಲಿ ಬದಲಾವಣೆ ತಂದುಕೊಳ್ಳುವುದು ಅಗತ್ಯವಾಗಿದೆ ಎಂದರು.
ಮಕ್ಕಳಿಗೆ ಶಿಕ್ಷಕರು ತಾತ್ವಿಕ ಬೋಧನೆಯ ಜತೆಗೆ ತಂತ್ರಜ್ಞಾನ ಬಳಸಿ ಚಿತ್ರಗಳ ಮೂಲಕ ಕಲಿಸಲು ಮುಂದಾದರೆ ಅದು ಹೆಚ್ಚು ಪರಿಣಾಮಕಾರಿಯೂ ಆಗಿರುತ್ತದೆ ಎಂದರು.
ಸರ್ಕಾರಿ ಶಾಲೆಗಳ ಎಲ್ಲಾ ಶಿಕ್ಷಕರಿಗೂ ರಾಷ್ಟ್ರೀಯ ಶಿಕ್ಷಣ ನೀತಿ ಜಾರಿ ಹಿನ್ನಲೆಯಲ್ಲಿ ಕಂಪ್ಯೂಟರ್ ಜ್ಞಾನ ಅಗತ್ಯವಿದೆ, ಮಕ್ಕಳಿಗೆ ಕಂಪ್ಯೂಟರ್ ಶಿಕ್ಷಣವನ್ನು ಕಲಿಸಿಕೊಡಲು ಅದು ಸಹಾಯವೂ ಆಗುತ್ತದೆ ಜತೆಗೆ ತಮ್ಮ ಕಲಿಕಾ ವಿಧಾನದಲ್ಲೂ ಕಂಪ್ಯೂಟರ್ ಬಳಸಿಕೊಂಡು ಮಕ್ಕಳನ್ನು ಕಲಿಕೆಯೆಡೆಗೆ ಆಕರ್ಷಿಸಲು ಸಹಕಾರಿಯಾಗಲಿದೆ ಎಂದರು.
ತರಬೇತಿಯಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ, ಸ್ಯಾನಿಟೈಸರ್ ಬಳಸಿ, ಕೋವಿಡ್ ಕುರಿತು ಎಚ್ಚರಿಕೆಯಿಂದಿರಿ, ತರಬೇತಿಯ ಪ್ರಯೋಜನ ಪಡೆದುಕೊಂಡು ಅದನ್ನು ಶಾಲೆಗಳಲ್ಲಿ ಅನುಷ್ಟಾನಗೊಳಿಸಿ ಎಂದು ಕೋರಿದರು.
ಕಾರ್ಯಕ್ರಮದಲ್ಲಿ ಜಿಲ್ಲಾ ದೈಹಿಕ ಶಿಕ್ಷಣಾಧಿಕಾರಿ ಮಂಜುನಾಥ್, ತಾಲ್ಲೂಕು ದೈಹಿಕ ಶಿಕ್ಷಣಾಧಿಕಾರಿ ಎಸ್.ಚೌಡಪ್ಪ, ಸಂಪನ್ಮೂಲ ವ್ಯಕ್ತಿಗಳಾದ ಬಿಜು ಥಾಮಸ್, ಶಿಲ್ಪಾ, ಪುಷ್ಪಲತಾ, ಪರಪ್ಪ, ಶಿಕ್ಷಕರಾದ ವಿ.ಗೋಪಾಲಕೃಷ್ಣ, ವೆಂಕಟೇಶ್ ಸೇರಿದಂತೆ ತಾಲ್ಲೂಕಿನ ವಿವಿಧ ಶಾಲೆಗಳ ಶಿಕ್ಷಕರು ಹಾಜರಿದ್ದರು
.