Author: Jananudi News Network

ಮಂಗಳೂರು; ಮದರ್ ಆಫ್ ಗಾಡ್ ಚರ್ಚ್, ಶಕ್ತಿನಗರ, ಕಥೊಲಿಕ್ ಸಭಾ ಶಕ್ತಿನಗರ ಘಟಕ, ಸಂತ ಲಾರೆನ್ಸ ವಾರ್ಡ್, ನೇಜಿಗುರಿ ಗುಂಪು
ಇವರ ವತಿಯಿಂದ ಬಂದುತ್ವ ಕ್ರಿಸ್ಮಸ್ ಹಾಗೂ ಹೊಸ ವರ್ಷ-2025 ಆಚರಣೆ ಕಾರ್ಯಕ್ರಮ ಬುಧವಾರ 01.01.2025 ಸಂಜೆ 6.30 ಗಂಟೆಗೆ ಸರಿಯಾಗಿ, ನೇಜಿಗುರಿಯ ಸುಜಿ ಅಣ್ಣ (ತಾರಕ್ಕ) ಮನೆ ವಟಾರದಲ್ಲಿ ಅತ್ಯಂತ ಯಶಸ್ವಿಯಾಗಿ ನೆರವೇರಿತ್ತು.
ಸಮಾಜ ಸೇವೆಗೆ ತನ್ನನ್ನು ತಾನು ತೊಡಗಿಕೊಂಡಿರುವ ನೇಜಿಗುರಿ ಗುಂಪಿನ ಕಾರ್ಯದರ್ಶಿ ಹಾಗೂ ನೇಜಿಗುರಿ ಸ್ವಸಹಾಯ ಸಂಘ ಇದರ ಅಧ್ಯಕ್ಷರಾದ ಹರಿಣಿ ನೇಜಿಗುರಿ ಇವರನ್ನು ಸನ್ಮಾನಿಸಲಾಯಿತು.
ಶಕ್ತಿನಗರ ಚರ್ಚಿನ ಪಾಲನ ಸಮಿತಿಯ ಕಾರ್ಯದರ್ಶಿ ಶ್ರೀಮತಿ ಮೇರಿ ಪಿಂಟೊ, ಶಕ್ತಿನಗರ್ ಘಟಕದ ಕಾರ್ಯದರ್ಶಿ ಶ್ರೀಮತಿ ಲವೀನಾ ಪಿಂಟೊ, ಸಹ ಕಾರ್ಯದರ್ಶಿ ಶ್ರೀಯುತ ಅನೀಶ್ ಮಿನೆಜಸ್, ಸಂತ ಲಾರೆನ್ಸ ವಾರ್ಡಿನ ಗುರ್ಕಾರ್ ಶ್ರೀಮತಿ ಸರಿತಾ ಡಿಸೋಜ,
ನೇಜಿಗುರಿ ಗುಂಪು ಅಧ್ಯಕ್ಷರು ಹಾಗೂ ನೇಜಿಗುರಿ ಧ್ವನಿ ಸಂಪಾದಕರಾದ ಶ್ರೀಯುತ ಅರುಣ್ ಡಿಸೋಜಾ, ನೇಜಿಗುರಿ ಗುಂಪಿನ ರಾಕೇಶ್, ರಾಮಚಂದ್ರ, ವಿಜೇತ್, ತಾರಕ್ಕ, ಸುಂದರ, ನೇಜಿಗುರಿ ಕ್ರಿಕೆಟರ್ ಟೀಮಿನ ಧನರಾಜ್, ದೀಕ್ಷಿತ್, ಚೇತನ್, ನೇಜಿಗುರಿ ಸ್ವಸಹಾಯ ಸಂಘದ ಕಾರ್ಯದರ್ಶಿ ಶ್ರೀಮತಿ ಮೀನಾಕ್ಷಿ ಹಾಗೂ ಸರ್ವ ಸದಸ್ಯರು ಭಾಗವಹಿಸಿದ್ದರು.
ಕಾರ್ಯಕ್ರಮದ ಕೊನೆಯಲ್ಲಿ ವಿಶೇಷ ಆಕರ್ಷಣೆ ರಾಜ್ ಸೌಂಡ್ ಅಂಡ್ ಲೈಟ್ಸ್ …ತುಳು ಸಿನಿಮ ಪ್ರದೇಶನಗೊಂಡಿತ್ತು.
ಎಲ್ಲರೂ ಕ್ರಿಸ್ಮಸ್ ಹಾಗೂ ಹೊಸ ವರ್ಷದ ಶುಭಾಶಯವನ್ನು ಕೋರಿದರು.

ಬಂಧುತ್ವ ಕ್ರಿಸ್ಮಸ್ ಅಂಗವಾಗಿ 25 ಕುಟುಂಬಕ್ಕೆ ಕ್ರಿಸ್ಮಸ್ ಕಿಟ್ ವಿತರಿಸಲಾಯಿತು. ಒಂದು ಕುಟುಂಬಕ್ಕೆ 9000 ಇನ್ನೊಂದು ಕುಟುಂಬಕ್ಕೆ 5000 ರೂಪಾಯಿಯ ಧನ ಸಹಾಯ ಕೂಡ ವಿತರಿಸಲಾಯಿತು.

ವಿಶ್ವ ಕುಂದಾಪುರ

ಹತ್ತಾರು ನೂರಾರು ಜನರು ಭಾಗವಹಿಸಿದ ಯಾವುದೇ ಸಣ್ಣಪುಟ್ಟ ಕಾರ್ಯಕ್ರಮಗಳಿರಬಹುದು, ಅಥವಾ ಸಾವಿರಾರು ಜನರು ಪಾಲ್ಗೊಂಡ ಬಹಿರಂಗ ಸಭೆಗಳೇ ಇರಬಹುದು; ಆಗಾಗ ಕೆಲವು ಮುಖಂಡರು ವೇದಿಕೆಗಳಲ್ಲೇ; ಇನ್ನೂ ಕೆಲವೊಮ್ಮೆ ತೀವ್ರ ಹೋರಾಟಗಳ ನಡುವೆಯೂ ಔಷಧಿ ಸೇವಿಸುವುದನ್ನು ನಾವು ಕಾಣುತ್ತೇವೆ. ಅನಿವಾರ್ಯವಾಗಿ ಬಿಸ್ಕತ್‍ನಂಥ ಆಹಾರ ತಿನ್ನುವುದನ್ನು ನೋಡುತ್ತೇವೆ. ಆದರೆ, ಉಸಿರಾಡುವ ಕಿಟ್, ಅಂದರೆ ಆಮ್ಲಜನಕದ ಸಿಲಿಂಡರ್ ಹೊತ್ತುಕೊಂಡೇ ಈ ರೀತಿ ಸಭೆ-ಹೋರಾಟಗಳಲ್ಲಿ ಭಾಗವಹಿಸಿದ್ದನ್ನು ನೋಡಿದ್ದೀರಾ? ಹೌದು, ಅಂಥ ದೃಶ್ಯವನ್ನು ಇತ್ತೀಚೆಗೆ ಬೆಂಗಳೂರಿನಲ್ಲೂ ಕೋಲಾರದಲ್ಲೂ ಕಾಣಬಹುದಾಗಿತ್ತು.
ಜೀವಪರ ಚಳವಳಿಯ ನೇತಾರ, ಆಪ್ತ ವಲಯದಲ್ಲಿ ಜಿಸಿಬಿ ಎಂದೇ ಚಿರಪರಿಚಿತರಾದ ಜಿ.ಸಿ. ಬಯ್ಯಾರೆಡ್ಡಿ ಅವರೇ ಉಸಿರಾಟದ ತೀವ್ರ ತೊಂದರೆಯಿದ್ದರೂ ಕೃತಕ ಉಸಿರಾಟದ ವ್ಯವಸ್ಥೆಯೊಂದಿಗೆ ಊರೂರು ತಿರುಗಾಡುತ್ತಿದ್ದ ಒಬ್ಬ ಹೋರಾಟದ ಒಡನಾಡಿ.
ಈ ರೀತಿ, ವೈಯಕ್ತಿಕ ಆರೋಗ್ಯ ವಿಚಾರ ಏನೇ ಇದ್ದರೂ ಚಳವಳಿಯನ್ನು ಬಿಡಬಾರದು ಎಂಬ ದೃಢ ಮನಸ್ಸಿನಿಂದ ಉಸಿರಾಡುತ್ತಿದ್ದ ಈ ಅಪರೂಪದ ಚಳವಳಿಕಾರನ ಉಸಿರು ಶನಿವಾರ ಮುಂಜಾನೆ (2025 ಜನವರಿ 4) ನಿಂತು ಅವರ ಕುಟುಂಬ ಮಾತ್ರವಲ್ಲದೆ ಅವರು ಒಡನಾಡಿದ್ದ ಚಳವಳಿಯ ಲಕ್ಷಾಂತರ ಜನರು ನಿಟ್ಟುಸಿರು ಬಿಡುವಂತೆ ಮಾಡಿದೆ.
ಸುಮಾರು 42 ವರ್ಷಗಳಿಂದ ನನಗೆ ಪರಿಚಿತರಾಗಿದ್ದ ಜಿಸಿಬಿ ಅಗಲಿಕೆ ತೀರಾ ಹತ್ತಿರದ ಬಂಧುವೊಬ್ಬರನ್ನು ಕಳೆದುಕೊಂಡ ನೋವನ್ನು ಸೃಷ್ಟಿಸಿದೆ. ಚಳವಳಿಗಳಲ್ಲಿ ಸಂಪರ್ಕಕ್ಕೆ ಬಂದವರನ್ನು ಆಪ್ತತೆಯಿಂದ ಕಾಣುವ ಅವರ ಪರಿಯೇ ಅಂಥದ್ದು.
ವಿದ್ಯಾರ್ಥಿ ದಿನಗಳಿಂದಲೇ ಭಾರತ ವಿದ್ಯಾರ್ಥಿ ಫೆಡರೇಶನ್ (ಎಸ್‍ಎಫ್‍ಐ) ಸಂಘಟಕನಾಗಿ ಹೊರಹೊಮ್ಮಿದ್ದ ಜಿಸಿಬಿ ನೇತೃತ್ವದಲ್ಲಿ ಅವಿಭಜಿತ ಕೋಲಾರ ಜಿಲ್ಲೆ ಸಹಿತ ಬಯಲುಸೀಮೆ ಭಾಗದಲ್ಲಿ ನಡೆಯುತ್ತಿದ್ದ ದಿಟ್ಟ ಹೋರಾಟಗಳು ಕರಾವಳಿ-ಮಲೆನಾಡು ಭಾಗದಲ್ಲಿ ಚಳವಳಿಯಲ್ಲಿ ತೊಡಗಿಸಿಕೊಂಡಿದ್ದ ನನ್ನಂಥವರಿಗೆ ಪರಿಚಿತವಾಗಿ ಸ್ಫೂರ್ತಿಯುತವೂ ಆಗಿ ಸೂಕ್ಷ್ಮವಾಗಿ ಗಮನಿಸುತ್ತಿದ್ದೆವು. ಸರ್ವರಿಗೂ ಶಿಕ್ಷಣ-ಸರ್ವರಿಗೂ ಉದ್ಯೋಗ ಬೇಡಿಕೆ ಆಧಾರದಲ್ಲಿ ಎಸ್‍ಎಫ್‍ಐ ಮತ್ತು ಡಿವೈಎಫ್‍ಐ ನೇತೃತ್ವದಲ್ಲಿ 1981ರಲ್ಲಿ ನಡೆದ ಅಖಿಲ ಭಾರತ ಮಟ್ಟದ ಆಂದೋಲನದ ಭಾಗವಾಗಿ ನಡೆದ ಬೃಹತ್ ರ್ಯಾಲಿಯಲ್ಲಿ ಪಾಲ್ಗೊಳ್ಳಲು ಬಂದಿದ್ದು ನನ್ನ ಪ್ರಥಮ ಬೆಂಗಳೂರು ದರ್ಶನವಾಗಿತ್ತು. ಅಲ್ಲಿಯೇ ಜಿಸಿಬಿಯವರನ್ನು ಮೊದಲ ಬಾರಿಗೆ ಕಂಡಂಥ ನೆನಪು. ಆದರೆ, 1982-83ರ ಆಸುಪಾಸಿನಲ್ಲಿ ನಡೆದ ಎಸ್‍ಎಫ್‍ಐ ಕರ್ನಾಟಕ ರಾಜ್ಯ ಸಮ್ಮೇಳನದಲ್ಲಿ ಬಹುಶಃ ನಮ್ಮ ಒಡನಾಟ ಗಟ್ಟಿಯಾಯಿತು. ಆ ಸಮ್ಮೇಳನದಲ್ಲಿ ನಾನು ಮತ್ತು ಜಿಸಿಬಿ ಇಬ್ಬರೂ ಎಸ್‍ಎಫ್‍ಐ ರಾಜ್ಯ ಸಮಿತಿ ಸಹ ಕಾರ್ಯದರ್ಶಿಗಳಾಗಿ ಆಯ್ಕೆಯಾಗಿದ್ದೆವು. ನಂತರ ಅವರು ಎಸ್‍ಎಫ್‍ಐ ರಾಜ್ಯ ಅಧ್ಯಕ್ಷ, ಕರ್ನಾಟಕ ಪ್ರಾಂತ ರೈತ ಸಂಘದ (ಕೆಪಿಆರ್‍ಎಸ್) ಅಧ್ಯಕ್ಷ, ಸಿಪಿಐ (ಎಂ) ರಾಜ್ಯ ಕಾರ್ಯದರ್ಶಿ ಮಂಡಳಿ ಸದಸ್ಯ … ಹೀಗೆ ಹಲವಾರು ಪ್ರಮುಖ ಜವಾಬ್ದಾರಿ ಸ್ಥಾನಗಳಲ್ಲಿ ರಾಜ್ಯದ ಎಡ ಪಂಥೀಯ ಚಳವಳಿ, ಜನಪರ ಆಂದೋಲನ, ಕೋಮುವಾದ-ವಿರೋಧಿ ಆಂದೋಲನ ಹಾಗೂ ಅನ್ನದಾತರ ಹೋರಾಟಗಳನ್ನು ನೆಲೆಗೊಳಿಸಲು ಸಮರ್ಪಣಾ ಭಾವದಿಂದ ದುಡಿದಿದ್ದು ಕಣ್ಣ ಮುಂದಿರುವ ವಾಸ್ತವ ಇತಿಹಾಸ.
ಬೇರೆ ರಾಜಕೀಯ ಪಕ್ಷಗಳು, ಸಂಘಟನೆಗಳಂತಲ್ಲದೆ ಎಡ ಪಂಥೀಯರಲ್ಲಿ ಯಾವುದೇ ಪದಾಧಿಕಾರ ಎನ್ನುವುದು ಅದು ಅಧಿಕಾರವಲ್ಲ; ಜವಾಬ್ದಾರಿ ನಿರ್ವಹಿಸುವ ಮಹತ್ವದ ಅವಕಾಶ. ಒಬ್ಬ ಮಾಕ್ರ್ಸ್‍ವಾದಿಗಿರಬೇಕಾದ ಅಧ್ಯಯನಶೀಲತೆಯೊಂದಿಗೆ ಜಿಸಿಬಿ ಅದನ್ನು ಸಮರ್ಥವಾಗಿ ನಿರ್ವಹಿಸಿದರು ಎನ್ನುವುದರಲ್ಲಿ ಅನುಮಾನವಿಲ್ಲ. ಮಾಧ್ಯಮ ಗೋಷ್ಠಿಗಳೇ ಇರಲಿ ಕಾರ್ಯಕ್ರಮಗಳೇ ಇರಲಿ ಅವರ ಭಾಷಣಗಳಲ್ಲಿ ಅಧ್ಯಯನಶೀಲತೆಯ ಸೊಗಸು ಕಾಣಿಸುತ್ತಿತ್ತು.
2007ರ ಆರಂಭದಲ್ಲಿ ದಿ ಹಿಂದೂ' ಜಿಲ್ಲಾ ವರದಿಗಾರನಾಗಿ ಕೋಲಾರಕ್ಕೆ ಬಂದಿದ್ದ ನನಗೆ ಹಲವು ವರ್ಷಗಳ ಅಂತರದ ನಂತರ ಜಿಸಿಬಿಯವರೊಂದಿಗೆ ಆಗಾಗ ಮಾತನಾಡುವ, ಅವರ ಹೋರಾಟದ ಕೆಚ್ಚನ್ನು ಕಾಣುವ ಅವಕಾಶ ಲಭಿಸಿತ್ತು. ಒಬ್ಬ ಪತ್ರಕರ್ತನಾಗಿ, ಅನ್ನದಾತರ ಬಿಕ್ಕಟ್ಟು-ಸಂಕಷ್ಟಗಳ ಬಗ್ಗೆ ವಿವರ ಪಡೆಯಲು ಜಿಸಿಬಿ ಒಬ್ಬ ಉತ್ತಮ ಮಾಹಿತಿ ಮೂಲವಾಗಿದ್ದರು. ಪಕ್ಷ ಭೇದ ಮರೆತು ಎಲ್ಲರೊಂದಿಗೆ ಉತ್ತಮ ಬಾಂಧವ್ಯ ಹೊಂದಿದ್ದ ಅವರು, ಮಾಧ್ಯಮದವರ ಜತೆಯೂ ಒಳ್ಳೆಯ ಸಂಬಂಧ ಇಟ್ಟುಕೊಂಡಿದ್ದರು. ಅವಿಭಜಿತ ಕೋಲಾರ ಜಿಲ್ಲೆ ಮಾತ್ರವೇ ಅಲ್ಲದೆ ಇಡೀ ರಾಜ್ಯದಲ್ಲಿ ಶೋಷಿತ ಜನರಿಗೆ ಆಗುವ ಅನ್ಯಾಯ ಹಾಗೂ ಪತ್ರಿಕೆಗಳಲ್ಲಿ ಬರುತ್ತಿದ್ದ ವರದಿಗಳ ಬಗ್ಗೆ ನಿಕಟ ಗಮನ ಹರಿಸುತ್ತಿದ್ದುದಕ್ಕೆ ಒಂದು ಉದಾಹರಣೆ ಕೊಡಬಯಸುತ್ತೇನೆ. ನಾನು ಕೋಲಾರಕ್ಕೆ ಬಂದಿದ್ದ ಸಂದರ್ಭದಲ್ಲಿ, ಮಹಾತ್ಮಾ ಗಾಂಧಿ ಗ್ರಾಮೀಣ ಉದ್ಯೋಗ ಖಾತರಿ ಯೋಜನೆ (ನರೇಗಾ) ಇಲ್ಲಿ ಜಾರಿಯಾಗದೇ ಇದ್ದದ್ದು ನನ್ನ ಕುತೂಹಲಕ್ಕೆ ಕಾರಣವಾಗಿತ್ತು. ನದಿ-ನಾಲೆಗಳಿಲ್ಲದ, ಕೈಗಾರಿಕೆಗಳಿಲ್ಲದ ಒಂದು ಪ್ರದೇಶದಲ್ಲಿ ಗ್ರಾಮೀಣರಿಗೆ ಉದ್ಯೋಗ ಖಾತರಿಪಡಿಸಲೆಂದೇ ಇರುವ ನರೇಗಾ ಯಾಕೆ ಜಾರಿಯಾಗಿಲ್ಲ ಎನ್ನುವುದು ಅದಕ್ಕೆ ಕಾರಣವಾಗಿತ್ತು. ಅದರ ಬಗ್ಗೆದಿ ಹಿಂದೂ’ನಲ್ಲಿ ನಾನು ಬರೆದ ಒಂದು ವಿಸ್ತ್ರತ ವರದಿ ವಿಧಾನಸೌಧದ ಮೊಗಸಾಲೆಯಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿತ್ತು ಎನ್ನುವುದನ್ನು ಸ್ವಲ್ಪ ಸಮಯದ ನಂತರ ಭೇಟಿಯಾಗಿದ್ದ ಜಿಸಿಬಿ ತಿಳಿಸಿದ್ದರು. ಆ ವರದಿ ಕಂಡು ಜಿಲ್ಲೆಗೆ ಆಗಮಿಸಿದ ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಲಾಖೆಯ ಉನ್ನತ ಅಧಿಕಾರಿಯೊಬ್ಬರು ಪರಿಶೀಲಿಸಿದ ನಂತರ ನರೇಗಾವನ್ನು ಜಿಲ್ಲೆಯಲ್ಲಿ ಅನುಷ್ಠಾನಗೊಳಿಸಲಾಗಿತ್ತು.

• ಸಮ್ಮೇಳನದಲ್ಲಿ ಭಾಗವಹಿಸಲು ಕಾತರ…
  2024ರ ಡಿಸೆಂಬರ್ 29ರಿಂದ 31ರ ವರೆಗೆ ತುಮಕೂರಿನಲ್ಲಿ ನಡೆದ ಸಿಪಿಐ (ಎಂ) 24ನೇ ರಾಜ್ಯ ಸಮ್ಮೇಳನಕ್ಕೆ ಹೋಗಲು ಅನಾರೋಗ್ಯವಿದ್ದರೂ ಜಿಸಿಬಿ ತಯಾರಿ ಮಾಡಿಕೊಂಡಿದ್ದರು. ಆಸ್ಪತ್ರೆಗೆ ದಾಖಲಾದರೆ ಸಮ್ಮೇಳನಕ್ಕೆ ಹೋಗಲು ಆಗುವುದಿಲ್ಲವೆಂಬುದು ಅವರ ದೃಢ ಅಭಿಪ್ರಾಯವಾಗಿತ್ತು. ಆದರೆ ಕುಟುಂಬಸ್ಥರು ಹಾಗೂ ಪಕ್ಷದವರು ಮನವರಿಕೆ ಮಾಡಿ ಆಸ್ಪತ್ರೆಗೆ ದಾಖಲಿಸಿದ್ದರು ಎನ್ನುತ್ತಾರೆ ಕೋಲಾರದಲ್ಲಿ ನಾಲ್ಕು ದಶಕ ಕಾಲ ಅವರ ಒಡನಾಡಿಯಾಗಿದ್ದ ಗಾಂಧಿನಗರ ನಾರಾಯಣಸ್ವಾಮಿ.
  ನವೆಂಬರ್ ಕೊನೆಯಲ್ಲಿ ನಡೆದ ಸಿಪಿಐ (ಎಂ) ಕೋಲಾರ ಜಿಲ್ಲಾ ಸಮ್ಮೇಳನದಲ್ಲಿ ಆಕ್ಸಿಜನ್ ಕಿಟ್ ಸಮೇತರಾಗಿ ಭಾಗವಹಿಸಿ ಸ್ಫೂರ್ತಿಯುತ ಭಾಷಣ ಮಾಡಿದ್ದೇ ಜಿಸಿಬಿಯವರ ಕೊನೆಯ ಭಾಷಣವಾಗಿದೆ ಎಂದು ಕೆಪಿಆರ್‍ಎಸ್ ಕಾರ್ಯಕರ್ತೆ ಗಂಗಮ್ಮ ಗದ್ಗದಿತರಾಗಿ ನೆನಪಿಸಿಕೊಳ್ಳುತ್ತಾರೆ.
  ಉಸಿರು ಹೋದ ಮೇಲೂ ಹೆಸರು ಉಳಿಯುವಂಥ ಕೆಲಸ ಮಾಡಬೇಕು ಎನ್ನುವ ಒಂದು ಮಾತಿದೆ. ಜಿಸಿಬಿಯವರು ಹೆಸರು ಮಾಡಿಕೊಳ್ಳಲು ಕೆಲಸ ಮಾಡಲಿಲ್ಲ. ಶೋಷಿತರ ಜೀವನದಲ್ಲಿ ಉಲ್ಲಾಸದ ಹೊಸ ಉಸಿರು ತುಂಬಲು ಅವರು ಉಸಿರಾಟದ ಸಮಸ್ಯೆ ನಡುವೆಯೂ ಅಕ್ಷರಶಃ ಜೀವನದ ಕೊನೆ ಉಸಿರು ಇರುವವರೆಗೂ ಶ್ರಮಿಸಿದರು. ಈ ರೀತಿಯಾಗಿ ಜೀವನ ನಡೆಸಿದ ಅವರು ಹೋರಾಟಗಾರರಿಗೆ ಒಂದು ಮಾದರಿ. ಜಿಸಿಬಿ ಆಕ್ಸಿಜನ್ ಕಿಟ್‍ನೊಂದಿಗೆ ಕಾರ್ಯಕ್ರಮಗಳಲ್ಲಿ ಪಾಲ್ಗೊಳ್ಳುತ್ತಿದ್ದುದನ್ನು ನನ್ನ ಮಡದಿ ಮಮತಾ ಬೆರಗುಗಣ್ಣಿನಿಂದ ಕಂಡು ಚಳವಳಿಕಾರರು ಹೀಗೂ ಇರುತ್ತಾರೆಯೇ ಎಂದು ಹಲವು ಬಾರಿ ನನ್ನನ್ನು ಪ್ರಶ್ನಿಸಿದ್ದಿದೆ.

ಶ್ರೀನಿವಾಸಪುರ : ಶಿಕ್ಷಕರು ವಿದ್ಯಾರ್ಥಿಗಳನ್ನು ತಿದ್ದಬೇಕು, ತೀಡಬೇಕು, ವಿದ್ಯಾರ್ಥಿಗಳ ಚಿಂತನೆಗಳನ್ನ ಚರ್ಚಿಸಿ, ಅವುಗಳನ್ನು ಪ್ರೋತ್ಸಾಹಿಸಿ ಅವರನ್ನ ವಜ್ರದ ರೀತಿಯಲ್ಲಿ ತಯಾರಿಸುವ ಜವಾಬ್ದಾರಿ ಶಿಕ್ಷಕರ ಮೇಲಿದೆ. ವಿಶೇಷವಾಗಿ ವಿದ್ಯಾರ್ಥಿಗಳ ಪೋಷಕರು ಶಿಕ್ಷಕರೊಂದಿಗೆ ಕೈಜೋಡಿಸಿ ವಿದ್ಯಾರ್ಥಿಗಳ ಗುರಿಯನ್ನು ಮಟ್ಟುವಂತೆ ಪ್ರೋತ್ಸಾಹಿಸಬೇಕು ಎಂದು ನಿವೃತ್ತ ಐಎಎಸ್ ಅಧಿಕಾರಿ ಎನ್.ಸಿ.ಮುನಿಯಪ್ಪ ಎಂದರು.
ತಾಲೂಕಿನ ರೋಣೂರು ಕ್ರಾಸ್ ಬಳಿಯ ವಿಐಪಿ ಶಾಲೆಯ ಆವರಣದಲ್ಲಿ ಶುಕ್ರವಾರ ನಡೆದ ಶಾಲಾಕಾಲೇಜು ವಾರ್ಷಿಕೋತ್ಸವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದರು.
ಸಮಾಜಕ್ಕೆ ಪ್ರತಿಷ್ಟ ವ್ಯಕ್ತಿಗಳನ್ನು ರೂಪಿಸುವ ಶಿಕ್ಷಣ ಸಂಸ್ಥೆಯಾಗಿದ್ದು, ಇಂದಿನ ದಿನಗಳಲ್ಲಿ ಪ್ರತಿಯೊಬ್ಬರಿಗೂ ಸಹ ಶಿಕ್ಷಣ ಬೇಕು . ಶಿಕ್ಷಣವಿಲ್ಲದ ಸಮಾಜವನ್ನು ನಾವು ನೋಡಲು ಸಾಧ್ಯವಾಗುವುದಿಲ್ಲ. ಆದ್ದರಿಂದ ಪ್ರತಿಯೊಬ್ಬರು ಸಹ ಸ್ಪರ್ಧಾತ್ಮಿಕ ಜಗತ್ತನ್ನು ಮನಗಂಡು ಉತ್ತಮ ಶಿಕ್ಷಣವನ್ನು ಪಡೆಯುವಂತೆ ತಿಳಿಸಿದರು.
ವಿಐಪಿ ಶಾಲಾಕಾಲೇಜಿನ ಆಡಳಿತ ಮಂಡಲಿ ಅಧ್ಯಕ್ಷ ಡಾ||ಕೆ.ಎನ್.ವೇಣುಗೋಪಾಲ್‍ರೆಡ್ಡಿ ಮಾತನಾಡಿ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಕಲಿಯುತ್ತಿರುವ ಮಕ್ಕಳಿಗೆ ಪ್ರಸಕ್ತ ವಿದ್ಯಾಮಾನಗಳು ಜ್ಞಾನ ಅತ್ಯವಶ್ಯಕ .ಇಂತಹ ಜ್ಞಾನವನ್ನು ವೃದ್ದಿಗೊಳಿಸಲು ವಿದ್ಯಾರ್ಥಿಗಳು ಹೆಚ್ಚು ಆಸಕ್ತಿ ವಹಿಸಿಕೊಳ್ಳಬೇಕಾಗಿದೆ .
ಈ ಕಾರ್ಯಕ್ರಮದಲ್ಲಿ ಕಳೆದ ಸಾಲಿನಲ್ಲಿ ಎಸ್‍ಎಸ್‍ಎಲ್‍ಸಿ ಮತ್ತು ಪಿಯುಸಿ ಪರೀಕ್ಷೆ ಹೆಚ್ಚು ಅಂಕಗಳನ್ನು ಪಡೆದ ವಿದ್ಯಾರ್ಥಿಗಳನ್ನು ಹಾಗು ಪೋಷಕರನ್ನ ಸನ್ಮಾನಿಸಲಾಯಿತು. ಬೆಂಗಳೂರಿನ ಕಿಮ್ಸ್ ಆಸ್ಪತ್ರೆಯ ಚೇರ್‍ಮೆನ್ ಡಾ|| ವಿ.ನಾರಾಯಣಸ್ವಾಮಿ, ಅಸಿಸ್ಟೆಂಟ್ ಇನ್‍ಕಮ್ ಟ್ಯಾಕ್ಸ್ ಅಧಿಕಾರಿ ಡಾ||ಗೌತಮ್ , ಅಗ್ರಿಕ್ಲಚರಲ್ ನಿವೃತ್ತ ಅಧಿಕಾರಿ ನಾರಾಯಣಪ್ಪ , ವಿಐಪಿ ಶಾಲಾಕಾಲೇಜಿನ ಆಡಳಿತ ಮಂಡಲಿ ಕಾರ್ಯದರ್ಶಿ ಕವಿತಾ, ಪಿಯುಸಿ ಪ್ರಾಂಶುಪಾಲ ಡಾ|| ರಾಜಕುಮಾರ್, ಪ್ರಾಂಶುಪಾಲೆ ತಬ್ಸುಮ್‍ಸುಲ್ತಾನ ಹಾಗು ಶಾಲಾಕಾಲೇಜಿನ ಸಿಬ್ಬಂದಿ ಇದ್ದರು.

ಶಂಕರನಾರಾಯಣ : ಕುಂದಾಪುರದ ಪ್ರತಿಷ್ಟಿತ ವಿದ್ಯಾಸಂಸ್ಥೆಗಳಲ್ಲಿ ಮಂಚೂಣಿಯಲ್ಲಿರುವ ಮದರ್ ತೆರೇಸಾ ಶಿಕ್ಷಣ ಸಂಸ್ಥೆಯ 1ರಿಂದ 2 ನೇ ತರಗತಿ ವಿದ್ಯಾರ್ಥಿಗಳಿಗೆ ಶಾಲಾಮಟ್ಟದ ಹಾಡು & ಕಥೆ ಹೇಳುವ ಸ್ಪರ್ಧೆ ಹಮ್ಮಿಕೊಳ್ಳಲಾಯಿತು ಮುಖ್ಯ ಅತಿಥಿಯಾಗಿ ಆಗಮಿಸಿದ ಶ್ರೀ ಜಯಕರ ಪೂಜಾರಿ ಗುಲ್ವಾಡಿ ( ಕಾರ್ಯದರ್ಶಿ, ಉಡುಪಿ ಜಿಲ್ಲಾ ಭಜನಾ ಒಕ್ಕೂಟ, ಉಡುಪಿ ) ದೀಪಬೆಳಗಿಸಿ ಕಾರ್ಯಕ್ರಮ ಉದ್ಘಾಟಿಸಿದರು

ಮಕ್ಕಳಿಗೆ ಹಾಡು ಹಾಡುವುದು ಮತ್ತು ಕಥೆಗಳನ್ನು ಹೇಳುವುದು ಮತ್ತು ಕೇಳುವುದನ್ನು ತುಂಬಾ ಇಷ್ಟಪಡುತ್ತಾರೆ ಈ ದಿಶೆಯಲ್ಲಿ
ಆಡಳಿತಮಂಡಳಿಯು ಆಯೋಜಿಸುತ್ತಿರುವ ಇಂತಹ ಕಾರ್ಯಕ್ರಮ ಶ್ಲಾಘನೀಯ ಇಂದಿನ ದಿನಗಳಲ್ಲಿ ಭಾಷೆ ಕೌಶಲ್ಯಗಳ ಬೆಳವಣಿಗೆ ಸಾಂಸ್ಕೃತಿಕ ಕಾರ್ಯಕ್ರಮ ಅತೀ ಅಗತ್ಯ,ಕಥೆಗಳು ವಿದ್ಯಾರ್ಥಿಗಳ ಮನಸ್ಸಿನಲ್ಲಿ ದೀರ್ಘಕಾಲ ಉಳಿಯುವ ಅನುಭವವಾಗಿರುತ್ತದೆ ಇವು ವಿವೇಕ ಹಾಗೂ ಜ್ಞಾನವನ್ನು ಅವಿಸ್ಮರಣೀಯವಾಗಿ ಕಲ್ಪನಾ ಶಕ್ತಿಯನ್ನು ಬೆಳೆಸುತ್ತದೆ ಲಯಬದ್ದವಾದ ಹಾಡುಗಾರಿಕೆ ಮಕ್ಕಳಲ್ಲಿ ಹೊಸ ಕ್ರಿಯಾಶೀಲತೆ ನೀಡುತ್ತದೆ ಎಂದರು
ನಿರ್ಣಾಯಕರಾಗಿ ಶ್ರೀ ಜಯಕರ ಪೂಜಾರಿ, ಗುಲ್ವಾಡಿ, ಸುಹಾಸ್ ಮಲ್ಯ (ಹಳೇವಿದ್ಯಾರ್ಥಿ) ಶಿಕ್ಷಕ ರಾಮ ಕಾರ್ಯನಿರ್ವಹಿಸಿದರು ಮುಖ್ಯಶಿಕ್ಷಕ ಡಾ. ರವಿದಾಸ್ ಶೆಟ್ಟಿ, ಪಾಲಕರು, ವಿದ್ಯಾರ್ಥಿಗಳು ಮತ್ತು
ಶಿಕ್ಷಕರು ಉಪಸ್ಥಿತರಿದ್ದರು
ಶಿಕ್ಷಕಿ ಅಕ್ಷತಾ ಸ್ವಾಗತಿಸಿ, ಶಿಕ್ಷಕಿ ರಶ್ಮಿತಾ ವಂದಿಸಿ, ಶಿಕ್ಷಕಿ ಅಮಿತಾ ಕಾರ್ಯಕ್ರಮ ನಿರೂಪಿಸಿದರು
ವಿಜೇತರ ಯಾದಿ :

ಹಾಡು ಹೇಳುವುದು
1ನೇ ತರಗತಿ
1.ದರ್ಶಿನಿ ಎಚ್ ಎನ್,ಪ್ರಥಮ
2.ಯಶ್ವಿ ಆರ್, ದ್ವಿತೀಯ
3.ಐಶಾನಿ ಸಿ, ತೃತೀಯ
ಹಾಡು ಹೇಳುವುದು
2ನೇ ತರಗತಿ
1.ಯುಕ್ತ ಬಿ ಭಟ್, ಪ್ರಥಮ
2.ಸನ್ನಿಧಿ ಪಿ, ದ್ವಿತೀಯ
3.ಅದ್ವಿತಿ ಸಿ, ತೃತೀಯ
4.ರಿತ್ವಿಕ್ ಆರ್, ತೃತೀಯ
ಕಥೆ ಹೇಳುವುದು
1ನೇ ತರಗತಿ
1.ಬ್ರಾಹ್ಮೀ ಎ ಶೆಟ್ಟಿ, ಪ್ರಥಮ
2.ಶ್ರೀಕೃತಿ ಕಲ್ಕೂರ್, ದ್ವಿತೀಯ
3.ಇಳಾ ಅಡಿಗ, ತೃತೀಯ
2ನೇ ತರಗತಿ.
1.ಆರ್ಯ ಜೆ ಕೊಠಾರಿ, ಪ್ರಥಮ
2.ಸಮೀಕ್ಷಾ ಡಿ ಶೆಟ್ಟಿ, ದ್ವಿತೀಯ
3.ಚಿರಂತ ಎಸ್ ದೇವಾಡಿಗ, ತೃತೀಯ
4.ಪ್ರಿಯಾಂಶ ಎಸ್ ನಾಯ್ಕ್, ತೃತೀಯ

ಶ್ರೀನಿವಾಸಪುರ : ಗೌನಿಪಲ್ಲಿ ಗ್ರಾಮ ಪಂಚಾಯತಿ ಅಧ್ಯಕ್ಷರ ಸ್ಥಾನಕ್ಕೆ ಜನವರಿ 2 ಗುರುವಾರ ರಂದು ಚುನಾವಣೆ ನಡೆದಿದ್ದು ಗ್ರಾಮ ಪಂಚಾಯತಿ ಅಧ್ಯಕ್ಷರಾಗಿ ಅಕ್ಕಯ್ಯಮ್ಮನವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಗ್ರಾಮ ಪಂಚಾಯತಿ ಅಧ್ಯಕ್ಷರಾಗಿದ್ದ ನಾಗರತ್ನಮ್ಮ ರಾಮ್ ಮೋಹನ್ ರವರು ತಮ್ಮ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿ ತೆರವಾಗಿದ್ದಂತಹ ಸ್ಥಾನಕ್ಕೆ ಚುನಾವಣೆ ನಡೆಸಲಾಗಿದ್ದು ಅಧ್ಯಕ್ಷರ ಸ್ಥಾನಕ್ಕೆ ಅಕ್ಕಯ್ಯಮ್ಮ ನವರು ಒಂದೇ ನಾಮಪತ್ರ ಸಲ್ಲಿಕೆ ಮಾಡಲಾಗಿದ್ದ ಕಾರಣ ಚುನಾವಣಾ ಅಧಿಕಾರಿ ರವಿಚಂದನ್ ರವರು ನಾಮಪತ್ರ ಸಲ್ಲಿಕೆ ಸಮಯ ಮುಕ್ತಾಯವಾಗುತ್ತಿದ್ದಂತೆ ಒಂದೇ ನಾಮಪತ್ರ ಸಲ್ಲಿಕೆಯಾಗಿದ್ದ ಕಾರಣ ಅಕ್ಕಯ್ಯಮ್ಮ ರವರನ್ನು ಮುಂದಿನ ಅವಧಿಗೆ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಲಾಗಿದೆ ಎಂದು ಚುನಾವಣಾಧಿಕಾರಿ ಘೋಷಣೆ ಮಾಡಿದರು.
ಸದಸ್ಯರಾದ ಶೇಷಾದ್ರಿ,ಬಕ್ಷುಸಾಬ್ ಮಾತನಾಡಿ ಗೌನಿಪಲ್ಲಿ ಇತಿಹಾಸದಲ್ಲಿಯೇ ಮೊದಲಬಾರಿಗೆ ಅಧ್ಯಕ್ಷಗಾದೆ ಚುನವಾಣೆ ನಡಿಸದೆ ಅವಿರೋಧ ಪ್ರಕ್ರಿಯೆಯು ನಡೆದಿದ್ದು, ನಮ್ಮ ಗ್ರಾಮಪಂಚಾಯತಿಯನ್ನ ಅಭಿವೃದ್ಧಿ ಪಡಿಸುವ ನಿಟ್ಟಿನಲ್ಲಿ ಅಕ್ಕಯ್ಯಮ್ಮ ವೆಂಕಟರಮಣಪ್ಪರವರನ್ನ ಎರಡು ಪಕ್ಷದ ಸದಸ್ಯರು ಸೇರಿ ಒಮ್ಮತದಿಂದ ಆಯ್ಕೆ ಮಾಡಲಾಗಿದೆ ಎಂದು ಮಾಹಿತಿ ನೀಡಿದರು.
ಪಿಡಿಒ ಶಂಕರಪ್ಪ, ಮುಖಂಡರಾದ ಜಾಮಕಾಯಿಲ ವೆಂಕಟೇಶ್, ಮುನಿರಾಜು, ಅಶ್ವಥ್,ಅನಿಲ್‌ಕುಮಾರ್, ಎನ್.ಶ್ರೀನಿವಾಸ್, ಅಪ್ಪಲ್ಲ,ರಾಘವೇಂದ್ರನಾಯಕ್, ಶೋಕತ್‌ಖಾನ್, ಅಬ್ಬು, ಪಾಪಶೆಟ್ಟಿಪಲ್ಲಿ ವಿನೋಧ, ಕಾರ್ತಿಕ್, ಕರುಕೋನಪಲ್ಲಿ ಗಣ, ಅಶೋಖ್, ಎಫ್‌ಡಿಎ ಈಶ್ವರ್, ಗಣಕಯಂತ್ರ ಸಹಾಯಕ ಮಂಜುನಾಥ್, ಕರವಸೂಲಿಗಾರರಾದ ಗಂಗಪ್ಪ, ಮಲ್ಲಕಾ, ಕಾಯಕಮಿತ್ರರಾದ ನಾಗಲಕ್ಷಿö್ಮ, ಜ್ಯೋತಿ ಇದ್ದರು.

ಕೋಲಾರ: ಜಿಲ್ಲೆಯ ಹಿರಿಯ ಪತ್ರಕರ್ತರಾದ ವಾಸುದೇವ ಹೊಳ್ಳ, ಹಾಬಿ ರಮೇಶ್‌ ಹಾಗೂ ‘ಪ್ರಜಾವಾಣಿ’ ಜಿಲ್ಲಾ ವರದಿಗಾರ ಕೆ.ಓಂಕಾರ ಮೂರ್ತಿ ಅವರು ಕರ್ನಾಟಕ ಮಾಧ್ಯಮ ಅಕಾಡೆಮಿ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಅಕಾಡೆಮಿ ಅಧ್ಯಕ್ಷರು ಗುರುವಾರ ಪ್ರಶಸ್ತಿ ಪಟ್ಟಿ ಪ್ರಕಟಿಸಿದ್ದು, ವಾಸುದೇವ ಹೊಳ್ಳ ಅವರಿಗೆ 2023ನೇ ಸಾಲಿನ ‘ವಾರ್ಷಿಕ ಪ್ರಶಸ್ತಿ’ ಹಾಗೂ ಹಾಬಿ ರಮೇಶ್‌ ಅವರಿಗೆ 2024ನೇ ಸಾಲಿನ ‘ವಾರ್ಷಿಕ ಪ್ರಶಸ್ತಿ’ ಒಲಿದಿದೆ.

ಓಂಕಾರ ಮೂರ್ತಿ ಅವರು ಅಕಾಡೆಮಿಯ 2024ನೇ ಸಾಲಿನ ‘ಅಭಿಮಾನಿ ದತ್ತಿ ಪ್ರಶಸ್ತಿ’ಗೆ ಭಾಜನರಾಗಿದ್ದಾರೆ. ‘ಕೆರೆ ಒಡಲಿಗೆ ಬೆಂಗಳೂರಿನ ಚರಂಡಿ ನೀರು; ತರಕಾರಿ ಗುಣಮಟ್ಟ ಕುಸಿತ, ಅವಳಿ ವ್ಯಾಲಿಯಲ್ಲಿ ಅಪಾಯ’ ವಿಶೇಷ ವರದಿಗೆ ಈ ಪ್ರಶಸ್ತಿ ಒಲಿದಿದೆ.

ಪ್ರಶಸ್ತಿ ಪುರಸ್ಕೃತರಿಗೆ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಬಿ.ವಿ.ಗೋಪಿನಾಥ್‌, ಪ್ರಧಾನ ಕಾರ್ಯದರ್ಶಿ ಎಸ್‌.ಕೆ.ಚಂದ್ರಶೇಖರ್‌, ಖಜಾಂಚಿ ಎ.ಜಿ.ಸುರೇಶ್‌ ಕುಮಾರ್‌ ರಾಜ್ಯ ಕಾರ್ಯಕಾರಿಣಿ ಸದಸ್ಯರಾದ ಕೆ.ಎಸ್.ಗಣೇಶ್, ವಿ.ಮುನಿರಾಜು ಅಭಿನಂದನೆ ಸಲ್ಲಿಸಿದ್ದಾರೆ.

ಕೋಲಾರ,ಜ.03: ಪತ್ರಕರ್ತರಿಗೆ ವೃತ್ತಿ ಬದ್ಧತೆ ಇದ್ದರೆ ಪ್ರಶಸ್ತಿಗಳು ತಾವಾಗಿಯೇ ಹುಡುಕಿಕೊಂಡು ಬರುತ್ತವೆ. ಇಂಥ ಸಂದರ್ಭದಲ್ಲಿ ಯಾವುದೇ ಲಾಬಿ ಅಗತ್ಯ ಇರುವುದಿಲ್ಲ ಎಂದು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಬಿ.ವಿ.ಗೋಪಿನಾಥ್ ಹೇಳಿದರು.

ಕರ್ನಾಟಕ ಮಾಧ್ಯಮ ಅಕಾಡೆಮಿ ಪ್ರಶಸ್ತಿಗೆ ಆಯ್ಕೆಯಾಗಿರುವ ಜಿಲ್ಲೆಯ ಹಿರಿಯ ಪತ್ರಕರ್ತರಾದ ವಾಸುದೇವ ಹೊಳ್ಳ, ಹಾಬಿ ರಮೇಶ್ ಹಾಗೂ ಪ್ರಜಾವಾಣಿ ಜಿಲ್ಲಾ ವರದಿಗಾರ ಕೆ.ಓಂಕಾರ ಮೂರ್ತಿ ಅವರಿಗೆ ನಗರದ ಪತ್ರಕರ್ತರ ಭವನದಲ್ಲಿ ಶುಕ್ರವಾರ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದಿಂದ ಹಮ್ಮಿಕೊಂಡಿದ್ದ ಸನ್ಮಾನ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ಕಳೆದ ಹತ್ತು ವರ್ಷಗಳಿಂದ ಜಿಲ್ಲೆಗೆ ಅಕಾಡೆಮಿ ಪ್ರಶಸ್ತಿಗಳು ಹೆಚ್ಚಾಗಿ ಸಿಗುತ್ತಿವೆ. ಜಿಲ್ಲೆಯ ಮೂವರಿಗೆ ಲಭಿಸಿರುವ ಈ ಪುರಸ್ಕಾರಗಳು ಯುವ ಪತ್ರಕರ್ತರಿಗೆ ಸ್ಫೂರ್ತಿ ಆಗಬೇಕು. ತಾವೂ ಅವರ ಮಟ್ಟಕ್ಕೆ ಬೆಳೆಯಬೇಕೆಂಬ ಇಚ್ಛಾಶಕ್ತಿ ಬೆಳೆಸಿಕೊಳ್ಳಬೇಕು ಎಂದರು.

ಹಿರಿಯ ಪತ್ರಕರ್ತ ಮಹಮದ್ ಯೂನಸ್ ಮಾಧ್ಯಮ ಅಕಾಡೆಮಿ ಸದಸ್ಯರಾದ ನಂತರ ಕೋಲಾರದ ಪತ್ರಕರ್ತರೂ ಸೇರಿದಂತೆ ಗ್ರಾಮೀಣ ಪತ್ರಕರ್ತರಿಗೂ ಸಹ ಅಕಾಡೆಮಿ ಪ್ರಶಸಿಗಳು ಲಭಿಸುತ್ತಿವೆ ಎಂದರು.

ರಾಜ್ಯ ಕಾರ್ಯಕಾರಿಣಿ ಸಮಿತಿ ಸದಸ್ಯ ವಿ.ಮುನಿರಾಜು ಮಾತನಾಡಿ, ಪ್ರಶಸ್ತಿ ಘೋಷಣೆಯಾದ 24 ಗಂಟೆಯಲ್ಲಿ ಸಂಘವು ಸನ್ಮಾನ ಕಾರ್ಯಕ್ರಮ ಇಟ್ಟು ಕೊಂಡಿದೆ. ಇದು ತನ್ನ ಸದಸ್ಯರಿಗೆ ತೋರುವ ಗೌರವವಾಗಿದೆ. ನಾವು ಮಾಡುವ ಕೆಲಸ, ಚಟುವಟಿಕೆ, ಶ್ರಮ ನೋಡಿ ಪ್ರಶಸ್ತಿಗಳು ಬರುತ್ತವೆ. ಈ ಪ್ರಶಸ್ತಿಯಿಂದ ಉಳಿದವರಿಗೆ ಮತ್ತಷ್ಟು ಸ್ಫೂರ್ತಿ ಸಿಗಲಿ ಎಂದು ತಿಳಿಸಿದರು.

ರಾಜ್ಯ ಕಾರ್ಯಕಾರಣಿ ಸಮಿತಿ ಸದಸ್ಯ ಕೆ.ಎಸ್.ಗಣೇಶ್ ಮಾತನಾಡಿ, ಹಿಂದೆ ಜಿಲ್ಲೆಗೆ ಅಕಾಡೆಮಿ ಪ್ರಶಸ್ತಿ ಬರುವುದೇ ಅಪರೂಪವಾಗಿತ್ತು. ಪೊನ್ನಪ್ಪ ಅವರು ಮಾಧ್ಯಮ ಅಕಾಡೆಮಿ ಅಧ್ಯಕ್ಷರಾಗಿದ್ದ ಸಮಯದಿಂದ ಸಾಮಾಜಿಕ ನ್ಯಾಯ ಸಿಗುತ್ತಿದೆ. ಪ್ರತಿ ವರ್ಷ ಜಿಲ್ಲೆಗೆ ಈ ರೀತಿ ಪ್ರಶಸ್ತಿಗಳು ಬರುತ್ತಿರಬೇಕು. ಈ ಪ್ರಶಸ್ತಿ ಜಿಲ್ಲೆಯ ಎಲ್ಲಾ ಪತ್ರಕರ್ತರಿಗೆ ಪ್ರೇರಣೆಯಾಗಲಿ’ ಎಂದರು.

ಖಜಾಂಚಿ ಎ.ಜಿ.ಸುರೇಶ್ ಕುಮಾರ್ ಪ್ರಾಸ್ತಾವಿಕವಾಗಿ ಮಾತನಾಡಿ, ಮೂವರಿಗೆ ಪ್ರಶಸ್ತಿ ಒಲಿದಿರುವುದು ಜಿಲ್ಲೆಯ ಪಾಲಿಗೆ ಹೆಮ್ಮೆಯ ವಿಚಾರ. ಓಂಕಾರ ಮೂರ್ತಿ ಜಿಲ್ಲೆಯ ಸಮಸ್ಯೆ ಮೇಲೆ ಬೆಳಕು ಚೆಲ್ಲಿದ ಕೆರೆ ಒಡಲಿಗೆ ಬೆಂಗಳೂರಿನ ಚರಂಡಿ ನೀರು; ತರಕಾರಿ ಗುಣಮಟ್ಟ ಕುಸಿತ, ಅವಳಿ ವ್ಯಾಲಿಯಲ್ಲಿ ಅಪಾಯ ವಿಶೇಷ ವರದಿಗೆ ಪ್ರಶಸ್ತಿ ಲಭಿಸಿದೆ. ಇಂಥ ವರದಿಗಳು ಎಲ್ಲರಿಂದ ಬರಲಿ ಎಂದು ಆಶಿಸಿದರು.

ಪಾ.ಶ್ರೀ.ಅನಂತರಾಮ್, ಬಿ.ಸುರೇಶ್, ಕೋಲಾರ ನ್ಯೂಸ್ ಚಂದ್ರು ಮಾತನಾಡಿದರು.

ಅಕಾಡೆಮಿಯ ವಾರ್ಷಿಕ ಪ್ರಶಸ್ತಿ ಭಾಜನರಾಗಿರುವ ವಾಸುದೇವ ಹೊಳ್ಳ, ಹಾಬಿ ರಮೇಶ್ ಹಾಗೂ ಅಭಿಮಾನಿ ದತ್ತಿ ಪ್ರಶಸ್ತಿಗೆ ಆಯ್ಕೆಯಾಗಿರುವ ಓಂಕಾರ ಮೂರ್ತಿ ತಮ್ಮ ಅನಿಸಿಕೆ ಹಂಚಿಕೊಂಡರು.

ಕೋ.ನಾ.ಪ್ರಭಾಕರ್ ಪ್ರಾರ್ಥಿಸಿ, ಸಂಘದ ಕಾರ್ಯದರ್ಶಿ ಸಿ.ಜಿ.ಮುರಳಿ ಸ್ವಾಗತಿಸಿದರು. ಜಿಲ್ಲೆಯ ಪತ್ರಕರ್ತರು ಪಾಲ್ಗೊಂಡಿದ್ದರು.

ಶ್ರೀನಿವಾಸಪುರ,ಜ.2-ಮಾವಿನ ತೋಟಗಳಲ್ಲಿ ಹಳಸಿದ ಕಾಯಿಗಳು ಕ್ಲೀನಿಂಗ್ ಮಾಡಿ ತೋಟಗಳು ಸುರಕ್ಷತವಾಗಿ ಇಟ್ಟುಕೊಂಡರೆ ಬರುವ ಹೂವು ಕಾಯಿಗೆ ಕೀಟ ಬಾದೆ ಕಡಿಮೆಯಾಗುತ್ತದೆ. ತೋಟದಲ್ಲಿ ಉದುರಿರುವ ಕಾಯಿಗಳನ್ನು ತೆಗೆದು ಹಾಕಿ ತೋಟಗಳು ನಿರ್ವಹಣೆ ಮಾಡಿ ಅಗತ್ಯ ಪ್ರಮನದಲ್ಲಿ ಮಾತ್ರ ಕ್ರೀಮಿನಾಶಕ ಸಿಂಪಡಿಸಿದರೆ ಉತ್ತಮವಾಗಿ ಪಸಲು ಸಿಗುತ್ತದೆ ಎಂದು ಸಂಶೋದಕಿ ಡಾ.ಅಶ್ವಥನಾರಾಯಣರೆಡ್ಡಿ ಸಲಹೆ ಮಾಡಿದರು.
ಇಲ್ಲಿನ ಮಾರುತಿ ಸಭಾ ಭವನದಲ್ಲಿ ತೋಟಗಾರಿಕೆ ಇಲಾಖೆ, ಕೃಷಿ ಇಲಾಖೆ ಮತ್ತು ಮಾವು ಅಭಿವೃದ್ಧಿ ಮಂಡಳಿ ಹಾಗೂ ಜಿಲ್ಲಾ ಮಾವು ಬೆಳೆಗಾರ ಸಂಯುಕ್ತ ಹೋರಾಟ ಸಮಿತಿಯ ಸಂಯುಕ್ತಾಶ್ರಯದಲ್ಲಿ ಏರ್ಪಡಿಸಿದ್ದ ಭಾರತಿಯ ತೋಟಗಾರಿಕೆ ಸಂಯೋದನ ಸಂಸ್ಥೆ ಹೆಸರುಘಟ್ಟ ಹಾಗೂ ಕೃಷಿ ವಿಜ್ಞಾನ ಕೇಂಧ್ರ ಕೋಲಾರ ಅವರ ನುರಿತ ವಿಜ್ಞಾನಿಗಳಿಂದ ರೈತರಿಗೆ ಮಾವು ಬೆಳೆಯುವ ವಿಚಾರ ಸಂಕೀರಣ ಕಾರ್ಯಾಗಾರ ಸಮಾವೇಶಕ್ಕೆ ಚಾಲನೆ ನೀಡಿ ಮಾತನಾಡಿದರು.
ಮಾವಿನ ತೋಟಗಳಿಗೆ ಕೆಲವು ಕ್ರಿಮಿನಾಶಕ ಔಷದಿಗಳು ಹೆಚ್ಚಿನ ಪರಮಾಣದಲ್ಲಿ ಸಿಂಪಡಿಸುವುದರಿಂದ ದರೆ ಪ್ರಯೋಜನವಿಲ್ಲ. ಸಸಿಗಳಿಗೆ ಸಕಾಲಕ್ಕೆ ಸರಿಯಾಗಿ ನೀರು ಗೊಬ್ಬರ ಕೊಟ್ಟರೆ ರೋಗ ಬರುವುದು ಕಡಿಮೆ. ರಸಗೊಬ್ಬರ ಮತ್ತು ಕೊಟ್ಟಿಗೆ ಗೊಬ್ಬರ ಸಮರ್ಪಕವಾಗಿ ನೀಡಿದ್ದರೆ ಉತ್ತಮವಾಗಿ ಪಸಲು ಬರುತ್ತದೆ. ಪರಿಸರದಲ್ಲಿ ವಿವಿದ 496 ಕೀಟಾನುಗಳಿರುವುದು ನಮ್ಮಲ್ಲಿ ದಾಖಲೆ ಇದೆ. ಅವುಗಳಲ್ಲಿ ಕೆಲವು ಮಾತ್ರ ಪಸಲನ್ನು ನಷ್ಟ ಮಾಡುತ್ತವೆ. ಜಿಗುಟುಳ ಮೊಗ್ಗಿ ಎಳೆ ಕಾಯಿ ರಸ ಹೀರುತ್ತವೆ. ಇವು ಮರಕ್ಕೆ ಬಿದ್ದರೆ ಮರ ಸಹ ಒಣಗಿ ಹೋಗುತ್ತದೆ ಎನ್ನುವುದು ರೈತರು ಮರೆಯಬಾರದು. ಎಳೆಗಳ ಮೇಲೆ ಬೀಳುವ ಹುಳುಗಳು ಹೂವು ಎಳೆ ತಿನ್ನದೆ ರಸ ಹೀರಿಕೊಂಡು ಎಳೆಯನ್ನು ನಾಶ ಮಾಡಿ ಮರವೆ ಒಣಗಿಹೋಗುತ್ತ್ತದೆ. ಎಳೆಗಳಿಗೆ ಸೂರ್ಯನ ಶಕ್ತಿ ಹಿರಿಕೊಳ್ಳುವ ಶಕ್ತಿ ಇಲ್ಲದೆ ಸಸಿಗಳು ನಾಶವಾಗುತ್ತವೆ. ಕಾಲಕಾಲಕ್ಕೆ ಕೃಷಿ ಅಥವಾ ತೋಟಗಾರಿಕೆ ಅಧಿಕಾರಿಗಳಿಂದ ಅಗತ್ಯ ಮಾಹಿತಿ ಪಡೆದು ತೋಟಗಳನ್ನು ರಕ್ಷಿಸಿಕೊಳ್ಳಬೇಕೆಂದು ತಿಳಿಸಿದರು.
ಭೂ ವಿಜ್ಞಾನಿ ಡಾ.ರೂಪಾ ಮಾತನಾಡಿ ಭೂಮಿಗೆ ಕಾರ್ಭನ್ಡೈ ಆಕ್ಸೈಡ್ ಸೇರಿ ಪೋಟ್ಯಾಷಿಯಂ ಕಡಿಮೆಯಾಗದಂತೆ ತೋಟಗಳಿಗೆ ಪೋಟಾಷಿಯಂ ಪೋಷಕಾಂಶ ಮಿಶ್ರಣ ಮಾಡಿ ಸಿಂಪಡಿಸಿ ತೋಟಗಳು ಹಳದಿಯಾಗುವುದು ಅಥವಾ ಎಳೆ ಮುದುಡುವುದು ಇರುವುದಿಲ್ಲ. ಭೂಮಿಗೆ ಅಗತ್ಯವಾದ ಪ್ರಮಾಣದಲ್ಲಿ ಮಾತ್ರ ಗೋಬ್ಬರ ಹಾಕಬೇಕು. ಆಗ ಸಮರ್ಪಕವಾದ ರೀತಿಯಲ್ಲಿ ಪಸಲಿ ದೊರೆಯುತ್ತದೆ ಎಂದು ತಿಳಿಸಿದರು.
ಕೃಷಿ ವಿಜ್ಞಾನಿ ಡಾ.ಅನಿಲ್ ಕುಮಾರ್ ಪ್ರತಿಕ್ರಿಯಿಸಿ ಶ್ರೀನಿವಾಸಪುರ ಮುಳಬಾಗಿಲು ತಾಲ್ಲೂಕಲ್ಲಿ ಉತ್ತಕೃಷ್ಟವಾಗಿ ಮಾವು ಬೆಳೆಯಲಾಗುತ್ತಿದೆ. ತೋಟಗಳಿಗೆ ನೀರು ಹೆಚ್ಚು ಹುಣ್ಣಿಸಿದರೆ ತಂಪಿನಿಂದ ಹೂವು ಬರುವುದು ತಡವಾಗುತ್ತದೆ. ಜನವರಿ 28ರೊಳಗೆ ಹೂವು ಬರುತ್ತದೆ. ಆದರೆ ಒಂದು ಬಾರಿ 2.5 ಎಂಎಲ್ ಪ್ರಮಾನದಲ್ಲಿ ಮಾತ್ರ ಕ್ರಿಮಿನಾಶಕ ಸಿಂಪಡಿಸಿ. ರಂಜಕದಲ್ಲಿ ವ್ಯತ್ಯಾಸವಾದರೆ ಒಂದೇ ಸಲ ಹೂವು ಬಿಡುವುದಿಲ್ಲ. ಸರಿಯಾದ ಪ್ರಮಾಣದಲ್ಲಿ ಔಷದಿಗಳು ಸ್ಪ್ರೆ ಮಾಡಿದ್ದೆ ಆದಲ್ಲಿ ಗುಣಾತ್ಮಕವಾಗಿ ಮಾವು ಪಸಲು ಬರುತ್ತದೆ. ಈ ಬಗ್ಗೆ ಬೇಕಿದ್ದರೆ ಕಾಲ ಪಕ್ವದಲ್ಲಿ ನಮಗೆ ಕರೆ ಮಾಡಿ ನಿಮಗೆ ಅಗತ್ಯ ಸಲಹೆ ಸೂಚನೆಗಳು ಕೊಡುತ್ತೇವೆಂದು ತಿಳಿಸಿದರು. ಕೃಷಿ ಸಹಾಯಕ ನಿರ್ದೇಶಕ ಮಂಜುನಾಥ್, ಜಿಲ್ಲಾ ಮಾವು ಬೆಳೆಗಾರರ ಸಂಘದ ಜಿಲ್ಲಾಧ್ಯಕ್ಷ ನೀಲಟೂರು ಚಿನ್ನಪರೆಡ್ಡಿ, ಕಾರ್ಯದರ್ಶಿ ಪಾತಕೋಟೆ ನವೀನ್ ಕುಮಾರ್, ತೋಟಗಾರಿಕೆ ಸಹಾಯಕ ನಿರ್ದೇಶಕ ಎಂ.ಶ್ರೀನಿವಾಸನ್, ರೈತರ ಸಂಘದ ಅಧ್ಯಕ್ಷ ಶ್ರೀರಾಮರೆಡ್ಡಿ, ಎನ್.ಈರಪ್ಪರೆಡ್ಡಿ ಹಾಜರಿದ್ದರು.
ಸನ್ಮಾನ: ಡಾ.ರಂಗರಾವ್, ತೋಟಗಾರಿಕೆ ಇಲಾಖೆ ಅಧಿಖಾರಿ ಬೈರಾರೆಡ್ಡಿ ಸೇರಿದಂತೆ ಎಲ್ಲಾ ವಿಜ್ಞಾನಿಗಳನ್ನು ಸನ್ಮಾನಿಸಲಾಯಿತು.

ಕುಂದಾಪುರ;ಫ್ರೆಂಡ್ಸ್ ಗ್ರೂಪ್ ಖಾರ್ವಿಕೇರಿ ಕುಂದಾಪುರ ಇವರು ಶ್ರೀ ಮಹಾಕಾಳಿ ಅಂಗನವಾಡಿ ಕೇಂದ್ರದ ಮಕ್ಕಳಿಗೆ ಟಿವಿ ಮತ್ತು ಮ್ಯಾಜಿಕ್ ಸ್ಲೇಟ್, ಕ್ರೇಯಾನ್ಸ್, ಡ್ರಾಯಿಂಗ್ ಬುಕ್ ಹಸ್ತಾಂತರಿಸುವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಫ್ರೆಂಡ್ಸ್ ಗ್ರೂಪಿನ ಅಧ್ಯಕ್ಷರಾದ ಯೋಗೇಶ್ ಖಾರ್ವಿ ವಹಿಸಿದ್ದರು ಉದ್ಘಾಟಕರಾಗಿ ಮಹಾಕಾಳಿ ದೇವಸ್ಥಾನದ ಅಧ್ಯಕ್ಷರಾದ ಅಜಂತ್ ಖಾರ್ವಿ, ಮುಖ್ಯ ಅತಿಥಿಗಳಾಗಿ ಮಹಿಳಾ ಮತ್ತು ಮಕ್ಕಳ ಇಲಾಖೆಯ ಯೋಜನಾಧಿಕಾರಿ ಶ್ರೀಯುತ ಉಮೇಶ್ ಟಿ, ಮೇಲ್ವಿಚಾರಕಿಯಾದ ಶ್ರೀಮತಿ ಲಲಿತ ,ಪುರಸಭೆ ಸದಸ್ಯರಾದ ಎಚ್ ಎನ್ ಚಂದ್ರಶೇಖರ್ ಖಾರ್ವಿ, ವಿದ್ಯಾರಂಗ ಮಿತ್ರ ಮಂಡಳಿ ಅಧ್ಯಕ್ಷ ದಾಮೋದರ್, ಬಾಲಾ ವಿಕಾಸ ಸಮಿತಿಯ ಅಧ್ಯಕ್ಷೆ ಶ್ರೀಮತಿ ಐಶ್ವರ್ಯ ಮತ್ತು ಅಂಗನವಾಡಿಯ ಕಾರ್ಯಕರ್ತೆ ಶ್ರೀಮತಿ ಪ್ರೇಮ, ಅಂಗನವಾಡಿ ಸಹಾಯಕಿ ಶ್ರೀಮತಿ ಯಮುನ ಹಾಗೂ ಫ್ರೆಂಡ್ಸ್ ಗ್ರೂಪಿನ ಎಲ್ಲಾ ಸದಸ್ಯರು ಉಪಸ್ಥಿತರಿದ್ದರು