ಶ್ರೀನಿವಾಸಪುರ : ನಮಗೆ ಸ್ವಾತಂತ್ರವನ್ನು ತಂದುಕೊಟ್ಟಿರುವಂತಹ ಗಾಂದೀಜಿ ಹಾಗು ಶಾಸ್ತ್ರೀಜಿಯಂತಹವರ ಜೀವನದ ಮೌಲ್ಯಗಳನ್ನು ಹಾಗು ದೇಶ ಭಕ್ತಿಯನ್ನು ನಾವೆಲ್ಲರೂ ಅಳವಡಿಸಿಕೊಳ್ಳಬೇಕಾಗಿದೆ ಎಂದು ಬಿಜೆಪಿ ಪಕ್ಷದ ಜಿಲ್ಲಾಧ್ಯಕ್ಷ ಕೆ.ಎನ್.ವೇಣುಗೋಪಾಲ್ ತಿಳಿಸಿದರು.
ಪಟ್ಟಣದ ತಹಶೀಲ್ದಾರ್ ಕಚೇರಿ ಆವರಣದಲ್ಲಿ ತಾಲೂಕು ಬಿಜೆಪಿ ಪಕ್ಷದ ವತಿಯಿಂದ ಅಂಬೇಡ್ಕರ್ ಉದ್ಯಾನವನದಲ್ಲಿ ಬುಧವಾರ ಶ್ರಮದಾನ ಕಾರ್ಯಕ್ರಮದ ಮೂಲಕ ಗಾಂಧಿಜೀ ಜಯಂತಿ, ಲಾಲ್ ಬಹುದ್ದೂರ್ ಶಾಸ್ತ್ರಿ ಜಯಂತಿ ಆಚರಣೆಗೆ ಚಾಲನೆ ನೀಡಿ ಮಾತನಾಡಿದರು.
ಮಂಡಲ ಅಧ್ಯಕ್ಷ ರೋಣೂರು ಚಂದ್ರಶೇಖರ್ ಮಾತನಾಡಿ ಭಾರತ ದೇಶವು ಎಲ್ಲಾ ಸಮುದಾಯಗಳನ್ನು ಬೆಳಸಿದ ದೇಶ. ಭಾರತ ದೇಶಕ್ಕೆ ಒಳ್ಳೇಯ ಮಾರ್ಗದರ್ಶನವನ್ನು ಕೊಟ್ಟವರು ಅಂಬೇಡ್ಕರ್ . ಅವರು ರಚಿಸಿದ ಸಂವಿದಾನದ ಮಾರ್ಗದರ್ಶನದಲ್ಲಿ ಇಂದಿಗೂ ನಡೆಯುತಿದ್ದು, ಇಂದು ನಮ್ಮ ದೇಶ ಅಭಿವೃದ್ಧಿಶೀಲ ರಾಷ್ಟ್ರವಾಗಿ ಬೆಳೆಯುತ್ತಿದೆ.
ಇಂದು ನರೇಂದ್ರ ಮೋದಿರವರು ಅಂಬೇಡ್ಕರ್ ರವರ ಸಂವಿದಾನದ ಮೂಲಕ ದೇಶವನ್ನು ಪುನರ್ ಸ್ಥಾಪಿಸುತ್ತಿದ್ದಾರೆ ನಾವೆಲ್ಲರೂ ಸೇರಿ ನರೇಂದ್ರ ಮೋದಿರವರ ಆಶಯಕ್ಕೆ ಕೈಜೋಡಿಸೋಣ ಎಂದರು.
ಇದೇ ಸಮಯದಲ್ಲಿ ಬಿಜೆಪಿ ಪಕ್ಷದ ಸದಸ್ಯತ್ವದಲ್ಲಿ ಹೆಚ್ಚು ಸದಸ್ಯತ್ವವನ್ನು ಮಾಡಿಸಿದವರಿಗೆ ಸನ್ಮಾನವನ್ನು ಹಮ್ಮಿಕೊಳ್ಳಲಾಯಿತು. ಮಂಡಲ ಉಪಾಧ್ಯಕ್ಷ ವರದರಾಜು, ಪ್ರದಾನ ಕಾರ್ಯದರ್ಶಿ ಶೆಟ್ಟಿಹಳ್ಳಿ ನಾಗಭೂಷನ್, ಒಬಿಸಿ ಮೋರ್ಚ ತಾಲೂಕು ಅಧ್ಯಕ್ಷ ಗಟ್ಟಹಳ್ಳಿ ನಾಗೇಶ್,ಮುಖಂಡರಾದ ಬಿಜೆಪಿ ಶಿವಣ್ಣ, ನಲ್ಲಪಲ್ಲಿ ರೆಡ್ಡಪ್ಪ, ಅಂಕುಂಶಂ ನಾರಾಯಣಸ್ವಾಮಿ, ಸಾತಂಡ್ಲಹಳ್ಳಿ ನಾಗರಾಜ್, ಷೇಕ್‍ಷಫೀವುಲ್ಲಾ ಇದ್ದರು.