HOLY ROSARY CHURCH, KUNDAPUR – 450 th JUBILEE SOUVENIR 2021

ಶ್ರೀನಿವಾಸಪುರ : ಗೌನಿಪಲ್ಲಿ ಗ್ರಾಮ ಪಂಚಾಯತಿ ಅಧ್ಯಕ್ಷರ ಸ್ಥಾನಕ್ಕೆ ಜನವರಿ 2 ಗುರುವಾರ ರಂದು ಚುನಾವಣೆ ನಡೆದಿದ್ದು ಗ್ರಾಮ ಪಂಚಾಯತಿ ಅಧ್ಯಕ್ಷರಾಗಿ ಅಕ್ಕಯ್ಯಮ್ಮನವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಗ್ರಾಮ ಪಂಚಾಯತಿ ಅಧ್ಯಕ್ಷರಾಗಿದ್ದ ನಾಗರತ್ನಮ್ಮ ರಾಮ್ ಮೋಹನ್ ರವರು ತಮ್ಮ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿ ತೆರವಾಗಿದ್ದಂತಹ ಸ್ಥಾನಕ್ಕೆ ಚುನಾವಣೆ ನಡೆಸಲಾಗಿದ್ದು ಅಧ್ಯಕ್ಷರ ಸ್ಥಾನಕ್ಕೆ ಅಕ್ಕಯ್ಯಮ್ಮ ನವರು ಒಂದೇ ನಾಮಪತ್ರ ಸಲ್ಲಿಕೆ ಮಾಡಲಾಗಿದ್ದ ಕಾರಣ ಚುನಾವಣಾ ಅಧಿಕಾರಿ ರವಿಚಂದನ್ ರವರು ನಾಮಪತ್ರ ಸಲ್ಲಿಕೆ ಸಮಯ ಮುಕ್ತಾಯವಾಗುತ್ತಿದ್ದಂತೆ ಒಂದೇ ನಾಮಪತ್ರ ಸಲ್ಲಿಕೆಯಾಗಿದ್ದ ಕಾರಣ ಅಕ್ಕಯ್ಯಮ್ಮ ರವರನ್ನು ಮುಂದಿನ ಅವಧಿಗೆ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಲಾಗಿದೆ ಎಂದು ಚುನಾವಣಾಧಿಕಾರಿ ಘೋಷಣೆ ಮಾಡಿದರು.
ಸದಸ್ಯರಾದ ಶೇಷಾದ್ರಿ,ಬಕ್ಷುಸಾಬ್ ಮಾತನಾಡಿ ಗೌನಿಪಲ್ಲಿ ಇತಿಹಾಸದಲ್ಲಿಯೇ ಮೊದಲಬಾರಿಗೆ ಅಧ್ಯಕ್ಷಗಾದೆ ಚುನವಾಣೆ ನಡಿಸದೆ ಅವಿರೋಧ ಪ್ರಕ್ರಿಯೆಯು ನಡೆದಿದ್ದು, ನಮ್ಮ ಗ್ರಾಮಪಂಚಾಯತಿಯನ್ನ ಅಭಿವೃದ್ಧಿ ಪಡಿಸುವ ನಿಟ್ಟಿನಲ್ಲಿ ಅಕ್ಕಯ್ಯಮ್ಮ ವೆಂಕಟರಮಣಪ್ಪರವರನ್ನ ಎರಡು ಪಕ್ಷದ ಸದಸ್ಯರು ಸೇರಿ ಒಮ್ಮತದಿಂದ ಆಯ್ಕೆ ಮಾಡಲಾಗಿದೆ ಎಂದು ಮಾಹಿತಿ ನೀಡಿದರು.
ಪಿಡಿಒ ಶಂಕರಪ್ಪ, ಮುಖಂಡರಾದ ಜಾಮಕಾಯಿಲ ವೆಂಕಟೇಶ್, ಮುನಿರಾಜು, ಅಶ್ವಥ್,ಅನಿಲ್‌ಕುಮಾರ್, ಎನ್.ಶ್ರೀನಿವಾಸ್, ಅಪ್ಪಲ್ಲ,ರಾಘವೇಂದ್ರನಾಯಕ್, ಶೋಕತ್‌ಖಾನ್, ಅಬ್ಬು, ಪಾಪಶೆಟ್ಟಿಪಲ್ಲಿ ವಿನೋಧ, ಕಾರ್ತಿಕ್, ಕರುಕೋನಪಲ್ಲಿ ಗಣ, ಅಶೋಖ್, ಎಫ್‌ಡಿಎ ಈಶ್ವರ್, ಗಣಕಯಂತ್ರ ಸಹಾಯಕ ಮಂಜುನಾಥ್, ಕರವಸೂಲಿಗಾರರಾದ ಗಂಗಪ್ಪ, ಮಲ್ಲಕಾ, ಕಾಯಕಮಿತ್ರರಾದ ನಾಗಲಕ್ಷಿö್ಮ, ಜ್ಯೋತಿ ಇದ್ದರು.

ಕೋಲಾರ: ಜಿಲ್ಲೆಯ ಹಿರಿಯ ಪತ್ರಕರ್ತರಾದ ವಾಸುದೇವ ಹೊಳ್ಳ, ಹಾಬಿ ರಮೇಶ್‌ ಹಾಗೂ ‘ಪ್ರಜಾವಾಣಿ’ ಜಿಲ್ಲಾ ವರದಿಗಾರ ಕೆ.ಓಂಕಾರ ಮೂರ್ತಿ ಅವರು ಕರ್ನಾಟಕ ಮಾಧ್ಯಮ ಅಕಾಡೆಮಿ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ.

ಅಕಾಡೆಮಿ ಅಧ್ಯಕ್ಷರು ಗುರುವಾರ ಪ್ರಶಸ್ತಿ ಪಟ್ಟಿ ಪ್ರಕಟಿಸಿದ್ದು, ವಾಸುದೇವ ಹೊಳ್ಳ ಅವರಿಗೆ 2023ನೇ ಸಾಲಿನ ‘ವಾರ್ಷಿಕ ಪ್ರಶಸ್ತಿ’ ಹಾಗೂ ಹಾಬಿ ರಮೇಶ್‌ ಅವರಿಗೆ 2024ನೇ ಸಾಲಿನ ‘ವಾರ್ಷಿಕ ಪ್ರಶಸ್ತಿ’ ಒಲಿದಿದೆ.

ಓಂಕಾರ ಮೂರ್ತಿ ಅವರು ಅಕಾಡೆಮಿಯ 2024ನೇ ಸಾಲಿನ ‘ಅಭಿಮಾನಿ ದತ್ತಿ ಪ್ರಶಸ್ತಿ’ಗೆ ಭಾಜನರಾಗಿದ್ದಾರೆ. ‘ಕೆರೆ ಒಡಲಿಗೆ ಬೆಂಗಳೂರಿನ ಚರಂಡಿ ನೀರು; ತರಕಾರಿ ಗುಣಮಟ್ಟ ಕುಸಿತ, ಅವಳಿ ವ್ಯಾಲಿಯಲ್ಲಿ ಅಪಾಯ’ ವಿಶೇಷ ವರದಿಗೆ ಈ ಪ್ರಶಸ್ತಿ ಒಲಿದಿದೆ.

ಪ್ರಶಸ್ತಿ ಪುರಸ್ಕೃತರಿಗೆ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಬಿ.ವಿ.ಗೋಪಿನಾಥ್‌, ಪ್ರಧಾನ ಕಾರ್ಯದರ್ಶಿ ಎಸ್‌.ಕೆ.ಚಂದ್ರಶೇಖರ್‌, ಖಜಾಂಚಿ ಎ.ಜಿ.ಸುರೇಶ್‌ ಕುಮಾರ್‌ ರಾಜ್ಯ ಕಾರ್ಯಕಾರಿಣಿ ಸದಸ್ಯರಾದ ಕೆ.ಎಸ್.ಗಣೇಶ್, ವಿ.ಮುನಿರಾಜು ಅಭಿನಂದನೆ ಸಲ್ಲಿಸಿದ್ದಾರೆ.

ಕೋಲಾರ,ಜ.03: ಪತ್ರಕರ್ತರಿಗೆ ವೃತ್ತಿ ಬದ್ಧತೆ ಇದ್ದರೆ ಪ್ರಶಸ್ತಿಗಳು ತಾವಾಗಿಯೇ ಹುಡುಕಿಕೊಂಡು ಬರುತ್ತವೆ. ಇಂಥ ಸಂದರ್ಭದಲ್ಲಿ ಯಾವುದೇ ಲಾಬಿ ಅಗತ್ಯ ಇರುವುದಿಲ್ಲ ಎಂದು ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ಬಿ.ವಿ.ಗೋಪಿನಾಥ್ ಹೇಳಿದರು.

ಕರ್ನಾಟಕ ಮಾಧ್ಯಮ ಅಕಾಡೆಮಿ ಪ್ರಶಸ್ತಿಗೆ ಆಯ್ಕೆಯಾಗಿರುವ ಜಿಲ್ಲೆಯ ಹಿರಿಯ ಪತ್ರಕರ್ತರಾದ ವಾಸುದೇವ ಹೊಳ್ಳ, ಹಾಬಿ ರಮೇಶ್ ಹಾಗೂ ಪ್ರಜಾವಾಣಿ ಜಿಲ್ಲಾ ವರದಿಗಾರ ಕೆ.ಓಂಕಾರ ಮೂರ್ತಿ ಅವರಿಗೆ ನಗರದ ಪತ್ರಕರ್ತರ ಭವನದಲ್ಲಿ ಶುಕ್ರವಾರ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದಿಂದ ಹಮ್ಮಿಕೊಂಡಿದ್ದ ಸನ್ಮಾನ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.

ಕಳೆದ ಹತ್ತು ವರ್ಷಗಳಿಂದ ಜಿಲ್ಲೆಗೆ ಅಕಾಡೆಮಿ ಪ್ರಶಸ್ತಿಗಳು ಹೆಚ್ಚಾಗಿ ಸಿಗುತ್ತಿವೆ. ಜಿಲ್ಲೆಯ ಮೂವರಿಗೆ ಲಭಿಸಿರುವ ಈ ಪುರಸ್ಕಾರಗಳು ಯುವ ಪತ್ರಕರ್ತರಿಗೆ ಸ್ಫೂರ್ತಿ ಆಗಬೇಕು. ತಾವೂ ಅವರ ಮಟ್ಟಕ್ಕೆ ಬೆಳೆಯಬೇಕೆಂಬ ಇಚ್ಛಾಶಕ್ತಿ ಬೆಳೆಸಿಕೊಳ್ಳಬೇಕು ಎಂದರು.

ಹಿರಿಯ ಪತ್ರಕರ್ತ ಮಹಮದ್ ಯೂನಸ್ ಮಾಧ್ಯಮ ಅಕಾಡೆಮಿ ಸದಸ್ಯರಾದ ನಂತರ ಕೋಲಾರದ ಪತ್ರಕರ್ತರೂ ಸೇರಿದಂತೆ ಗ್ರಾಮೀಣ ಪತ್ರಕರ್ತರಿಗೂ ಸಹ ಅಕಾಡೆಮಿ ಪ್ರಶಸಿಗಳು ಲಭಿಸುತ್ತಿವೆ ಎಂದರು.

ರಾಜ್ಯ ಕಾರ್ಯಕಾರಿಣಿ ಸಮಿತಿ ಸದಸ್ಯ ವಿ.ಮುನಿರಾಜು ಮಾತನಾಡಿ, ಪ್ರಶಸ್ತಿ ಘೋಷಣೆಯಾದ 24 ಗಂಟೆಯಲ್ಲಿ ಸಂಘವು ಸನ್ಮಾನ ಕಾರ್ಯಕ್ರಮ ಇಟ್ಟು ಕೊಂಡಿದೆ. ಇದು ತನ್ನ ಸದಸ್ಯರಿಗೆ ತೋರುವ ಗೌರವವಾಗಿದೆ. ನಾವು ಮಾಡುವ ಕೆಲಸ, ಚಟುವಟಿಕೆ, ಶ್ರಮ ನೋಡಿ ಪ್ರಶಸ್ತಿಗಳು ಬರುತ್ತವೆ. ಈ ಪ್ರಶಸ್ತಿಯಿಂದ ಉಳಿದವರಿಗೆ ಮತ್ತಷ್ಟು ಸ್ಫೂರ್ತಿ ಸಿಗಲಿ ಎಂದು ತಿಳಿಸಿದರು.

ರಾಜ್ಯ ಕಾರ್ಯಕಾರಣಿ ಸಮಿತಿ ಸದಸ್ಯ ಕೆ.ಎಸ್.ಗಣೇಶ್ ಮಾತನಾಡಿ, ಹಿಂದೆ ಜಿಲ್ಲೆಗೆ ಅಕಾಡೆಮಿ ಪ್ರಶಸ್ತಿ ಬರುವುದೇ ಅಪರೂಪವಾಗಿತ್ತು. ಪೊನ್ನಪ್ಪ ಅವರು ಮಾಧ್ಯಮ ಅಕಾಡೆಮಿ ಅಧ್ಯಕ್ಷರಾಗಿದ್ದ ಸಮಯದಿಂದ ಸಾಮಾಜಿಕ ನ್ಯಾಯ ಸಿಗುತ್ತಿದೆ. ಪ್ರತಿ ವರ್ಷ ಜಿಲ್ಲೆಗೆ ಈ ರೀತಿ ಪ್ರಶಸ್ತಿಗಳು ಬರುತ್ತಿರಬೇಕು. ಈ ಪ್ರಶಸ್ತಿ ಜಿಲ್ಲೆಯ ಎಲ್ಲಾ ಪತ್ರಕರ್ತರಿಗೆ ಪ್ರೇರಣೆಯಾಗಲಿ’ ಎಂದರು.

ಖಜಾಂಚಿ ಎ.ಜಿ.ಸುರೇಶ್ ಕುಮಾರ್ ಪ್ರಾಸ್ತಾವಿಕವಾಗಿ ಮಾತನಾಡಿ, ಮೂವರಿಗೆ ಪ್ರಶಸ್ತಿ ಒಲಿದಿರುವುದು ಜಿಲ್ಲೆಯ ಪಾಲಿಗೆ ಹೆಮ್ಮೆಯ ವಿಚಾರ. ಓಂಕಾರ ಮೂರ್ತಿ ಜಿಲ್ಲೆಯ ಸಮಸ್ಯೆ ಮೇಲೆ ಬೆಳಕು ಚೆಲ್ಲಿದ ಕೆರೆ ಒಡಲಿಗೆ ಬೆಂಗಳೂರಿನ ಚರಂಡಿ ನೀರು; ತರಕಾರಿ ಗುಣಮಟ್ಟ ಕುಸಿತ, ಅವಳಿ ವ್ಯಾಲಿಯಲ್ಲಿ ಅಪಾಯ ವಿಶೇಷ ವರದಿಗೆ ಪ್ರಶಸ್ತಿ ಲಭಿಸಿದೆ. ಇಂಥ ವರದಿಗಳು ಎಲ್ಲರಿಂದ ಬರಲಿ ಎಂದು ಆಶಿಸಿದರು.

ಪಾ.ಶ್ರೀ.ಅನಂತರಾಮ್, ಬಿ.ಸುರೇಶ್, ಕೋಲಾರ ನ್ಯೂಸ್ ಚಂದ್ರು ಮಾತನಾಡಿದರು.

ಅಕಾಡೆಮಿಯ ವಾರ್ಷಿಕ ಪ್ರಶಸ್ತಿ ಭಾಜನರಾಗಿರುವ ವಾಸುದೇವ ಹೊಳ್ಳ, ಹಾಬಿ ರಮೇಶ್ ಹಾಗೂ ಅಭಿಮಾನಿ ದತ್ತಿ ಪ್ರಶಸ್ತಿಗೆ ಆಯ್ಕೆಯಾಗಿರುವ ಓಂಕಾರ ಮೂರ್ತಿ ತಮ್ಮ ಅನಿಸಿಕೆ ಹಂಚಿಕೊಂಡರು.

ಕೋ.ನಾ.ಪ್ರಭಾಕರ್ ಪ್ರಾರ್ಥಿಸಿ, ಸಂಘದ ಕಾರ್ಯದರ್ಶಿ ಸಿ.ಜಿ.ಮುರಳಿ ಸ್ವಾಗತಿಸಿದರು. ಜಿಲ್ಲೆಯ ಪತ್ರಕರ್ತರು ಪಾಲ್ಗೊಂಡಿದ್ದರು.

ಶ್ರೀನಿವಾಸಪುರ,ಜ.2-ಮಾವಿನ ತೋಟಗಳಲ್ಲಿ ಹಳಸಿದ ಕಾಯಿಗಳು ಕ್ಲೀನಿಂಗ್ ಮಾಡಿ ತೋಟಗಳು ಸುರಕ್ಷತವಾಗಿ ಇಟ್ಟುಕೊಂಡರೆ ಬರುವ ಹೂವು ಕಾಯಿಗೆ ಕೀಟ ಬಾದೆ ಕಡಿಮೆಯಾಗುತ್ತದೆ. ತೋಟದಲ್ಲಿ ಉದುರಿರುವ ಕಾಯಿಗಳನ್ನು ತೆಗೆದು ಹಾಕಿ ತೋಟಗಳು ನಿರ್ವಹಣೆ ಮಾಡಿ ಅಗತ್ಯ ಪ್ರಮನದಲ್ಲಿ ಮಾತ್ರ ಕ್ರೀಮಿನಾಶಕ ಸಿಂಪಡಿಸಿದರೆ ಉತ್ತಮವಾಗಿ ಪಸಲು ಸಿಗುತ್ತದೆ ಎಂದು ಸಂಶೋದಕಿ ಡಾ.ಅಶ್ವಥನಾರಾಯಣರೆಡ್ಡಿ ಸಲಹೆ ಮಾಡಿದರು.
ಇಲ್ಲಿನ ಮಾರುತಿ ಸಭಾ ಭವನದಲ್ಲಿ ತೋಟಗಾರಿಕೆ ಇಲಾಖೆ, ಕೃಷಿ ಇಲಾಖೆ ಮತ್ತು ಮಾವು ಅಭಿವೃದ್ಧಿ ಮಂಡಳಿ ಹಾಗೂ ಜಿಲ್ಲಾ ಮಾವು ಬೆಳೆಗಾರ ಸಂಯುಕ್ತ ಹೋರಾಟ ಸಮಿತಿಯ ಸಂಯುಕ್ತಾಶ್ರಯದಲ್ಲಿ ಏರ್ಪಡಿಸಿದ್ದ ಭಾರತಿಯ ತೋಟಗಾರಿಕೆ ಸಂಯೋದನ ಸಂಸ್ಥೆ ಹೆಸರುಘಟ್ಟ ಹಾಗೂ ಕೃಷಿ ವಿಜ್ಞಾನ ಕೇಂಧ್ರ ಕೋಲಾರ ಅವರ ನುರಿತ ವಿಜ್ಞಾನಿಗಳಿಂದ ರೈತರಿಗೆ ಮಾವು ಬೆಳೆಯುವ ವಿಚಾರ ಸಂಕೀರಣ ಕಾರ್ಯಾಗಾರ ಸಮಾವೇಶಕ್ಕೆ ಚಾಲನೆ ನೀಡಿ ಮಾತನಾಡಿದರು.
ಮಾವಿನ ತೋಟಗಳಿಗೆ ಕೆಲವು ಕ್ರಿಮಿನಾಶಕ ಔಷದಿಗಳು ಹೆಚ್ಚಿನ ಪರಮಾಣದಲ್ಲಿ ಸಿಂಪಡಿಸುವುದರಿಂದ ದರೆ ಪ್ರಯೋಜನವಿಲ್ಲ. ಸಸಿಗಳಿಗೆ ಸಕಾಲಕ್ಕೆ ಸರಿಯಾಗಿ ನೀರು ಗೊಬ್ಬರ ಕೊಟ್ಟರೆ ರೋಗ ಬರುವುದು ಕಡಿಮೆ. ರಸಗೊಬ್ಬರ ಮತ್ತು ಕೊಟ್ಟಿಗೆ ಗೊಬ್ಬರ ಸಮರ್ಪಕವಾಗಿ ನೀಡಿದ್ದರೆ ಉತ್ತಮವಾಗಿ ಪಸಲು ಬರುತ್ತದೆ. ಪರಿಸರದಲ್ಲಿ ವಿವಿದ 496 ಕೀಟಾನುಗಳಿರುವುದು ನಮ್ಮಲ್ಲಿ ದಾಖಲೆ ಇದೆ. ಅವುಗಳಲ್ಲಿ ಕೆಲವು ಮಾತ್ರ ಪಸಲನ್ನು ನಷ್ಟ ಮಾಡುತ್ತವೆ. ಜಿಗುಟುಳ ಮೊಗ್ಗಿ ಎಳೆ ಕಾಯಿ ರಸ ಹೀರುತ್ತವೆ. ಇವು ಮರಕ್ಕೆ ಬಿದ್ದರೆ ಮರ ಸಹ ಒಣಗಿ ಹೋಗುತ್ತದೆ ಎನ್ನುವುದು ರೈತರು ಮರೆಯಬಾರದು. ಎಳೆಗಳ ಮೇಲೆ ಬೀಳುವ ಹುಳುಗಳು ಹೂವು ಎಳೆ ತಿನ್ನದೆ ರಸ ಹೀರಿಕೊಂಡು ಎಳೆಯನ್ನು ನಾಶ ಮಾಡಿ ಮರವೆ ಒಣಗಿಹೋಗುತ್ತ್ತದೆ. ಎಳೆಗಳಿಗೆ ಸೂರ್ಯನ ಶಕ್ತಿ ಹಿರಿಕೊಳ್ಳುವ ಶಕ್ತಿ ಇಲ್ಲದೆ ಸಸಿಗಳು ನಾಶವಾಗುತ್ತವೆ. ಕಾಲಕಾಲಕ್ಕೆ ಕೃಷಿ ಅಥವಾ ತೋಟಗಾರಿಕೆ ಅಧಿಕಾರಿಗಳಿಂದ ಅಗತ್ಯ ಮಾಹಿತಿ ಪಡೆದು ತೋಟಗಳನ್ನು ರಕ್ಷಿಸಿಕೊಳ್ಳಬೇಕೆಂದು ತಿಳಿಸಿದರು.
ಭೂ ವಿಜ್ಞಾನಿ ಡಾ.ರೂಪಾ ಮಾತನಾಡಿ ಭೂಮಿಗೆ ಕಾರ್ಭನ್ಡೈ ಆಕ್ಸೈಡ್ ಸೇರಿ ಪೋಟ್ಯಾಷಿಯಂ ಕಡಿಮೆಯಾಗದಂತೆ ತೋಟಗಳಿಗೆ ಪೋಟಾಷಿಯಂ ಪೋಷಕಾಂಶ ಮಿಶ್ರಣ ಮಾಡಿ ಸಿಂಪಡಿಸಿ ತೋಟಗಳು ಹಳದಿಯಾಗುವುದು ಅಥವಾ ಎಳೆ ಮುದುಡುವುದು ಇರುವುದಿಲ್ಲ. ಭೂಮಿಗೆ ಅಗತ್ಯವಾದ ಪ್ರಮಾಣದಲ್ಲಿ ಮಾತ್ರ ಗೋಬ್ಬರ ಹಾಕಬೇಕು. ಆಗ ಸಮರ್ಪಕವಾದ ರೀತಿಯಲ್ಲಿ ಪಸಲಿ ದೊರೆಯುತ್ತದೆ ಎಂದು ತಿಳಿಸಿದರು.
ಕೃಷಿ ವಿಜ್ಞಾನಿ ಡಾ.ಅನಿಲ್ ಕುಮಾರ್ ಪ್ರತಿಕ್ರಿಯಿಸಿ ಶ್ರೀನಿವಾಸಪುರ ಮುಳಬಾಗಿಲು ತಾಲ್ಲೂಕಲ್ಲಿ ಉತ್ತಕೃಷ್ಟವಾಗಿ ಮಾವು ಬೆಳೆಯಲಾಗುತ್ತಿದೆ. ತೋಟಗಳಿಗೆ ನೀರು ಹೆಚ್ಚು ಹುಣ್ಣಿಸಿದರೆ ತಂಪಿನಿಂದ ಹೂವು ಬರುವುದು ತಡವಾಗುತ್ತದೆ. ಜನವರಿ 28ರೊಳಗೆ ಹೂವು ಬರುತ್ತದೆ. ಆದರೆ ಒಂದು ಬಾರಿ 2.5 ಎಂಎಲ್ ಪ್ರಮಾನದಲ್ಲಿ ಮಾತ್ರ ಕ್ರಿಮಿನಾಶಕ ಸಿಂಪಡಿಸಿ. ರಂಜಕದಲ್ಲಿ ವ್ಯತ್ಯಾಸವಾದರೆ ಒಂದೇ ಸಲ ಹೂವು ಬಿಡುವುದಿಲ್ಲ. ಸರಿಯಾದ ಪ್ರಮಾಣದಲ್ಲಿ ಔಷದಿಗಳು ಸ್ಪ್ರೆ ಮಾಡಿದ್ದೆ ಆದಲ್ಲಿ ಗುಣಾತ್ಮಕವಾಗಿ ಮಾವು ಪಸಲು ಬರುತ್ತದೆ. ಈ ಬಗ್ಗೆ ಬೇಕಿದ್ದರೆ ಕಾಲ ಪಕ್ವದಲ್ಲಿ ನಮಗೆ ಕರೆ ಮಾಡಿ ನಿಮಗೆ ಅಗತ್ಯ ಸಲಹೆ ಸೂಚನೆಗಳು ಕೊಡುತ್ತೇವೆಂದು ತಿಳಿಸಿದರು. ಕೃಷಿ ಸಹಾಯಕ ನಿರ್ದೇಶಕ ಮಂಜುನಾಥ್, ಜಿಲ್ಲಾ ಮಾವು ಬೆಳೆಗಾರರ ಸಂಘದ ಜಿಲ್ಲಾಧ್ಯಕ್ಷ ನೀಲಟೂರು ಚಿನ್ನಪರೆಡ್ಡಿ, ಕಾರ್ಯದರ್ಶಿ ಪಾತಕೋಟೆ ನವೀನ್ ಕುಮಾರ್, ತೋಟಗಾರಿಕೆ ಸಹಾಯಕ ನಿರ್ದೇಶಕ ಎಂ.ಶ್ರೀನಿವಾಸನ್, ರೈತರ ಸಂಘದ ಅಧ್ಯಕ್ಷ ಶ್ರೀರಾಮರೆಡ್ಡಿ, ಎನ್.ಈರಪ್ಪರೆಡ್ಡಿ ಹಾಜರಿದ್ದರು.
ಸನ್ಮಾನ: ಡಾ.ರಂಗರಾವ್, ತೋಟಗಾರಿಕೆ ಇಲಾಖೆ ಅಧಿಖಾರಿ ಬೈರಾರೆಡ್ಡಿ ಸೇರಿದಂತೆ ಎಲ್ಲಾ ವಿಜ್ಞಾನಿಗಳನ್ನು ಸನ್ಮಾನಿಸಲಾಯಿತು.

ಕುಂದಾಪುರ;ಫ್ರೆಂಡ್ಸ್ ಗ್ರೂಪ್ ಖಾರ್ವಿಕೇರಿ ಕುಂದಾಪುರ ಇವರು ಶ್ರೀ ಮಹಾಕಾಳಿ ಅಂಗನವಾಡಿ ಕೇಂದ್ರದ ಮಕ್ಕಳಿಗೆ ಟಿವಿ ಮತ್ತು ಮ್ಯಾಜಿಕ್ ಸ್ಲೇಟ್, ಕ್ರೇಯಾನ್ಸ್, ಡ್ರಾಯಿಂಗ್ ಬುಕ್ ಹಸ್ತಾಂತರಿಸುವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಫ್ರೆಂಡ್ಸ್ ಗ್ರೂಪಿನ ಅಧ್ಯಕ್ಷರಾದ ಯೋಗೇಶ್ ಖಾರ್ವಿ ವಹಿಸಿದ್ದರು ಉದ್ಘಾಟಕರಾಗಿ ಮಹಾಕಾಳಿ ದೇವಸ್ಥಾನದ ಅಧ್ಯಕ್ಷರಾದ ಅಜಂತ್ ಖಾರ್ವಿ, ಮುಖ್ಯ ಅತಿಥಿಗಳಾಗಿ ಮಹಿಳಾ ಮತ್ತು ಮಕ್ಕಳ ಇಲಾಖೆಯ ಯೋಜನಾಧಿಕಾರಿ ಶ್ರೀಯುತ ಉಮೇಶ್ ಟಿ, ಮೇಲ್ವಿಚಾರಕಿಯಾದ ಶ್ರೀಮತಿ ಲಲಿತ ,ಪುರಸಭೆ ಸದಸ್ಯರಾದ ಎಚ್ ಎನ್ ಚಂದ್ರಶೇಖರ್ ಖಾರ್ವಿ, ವಿದ್ಯಾರಂಗ ಮಿತ್ರ ಮಂಡಳಿ ಅಧ್ಯಕ್ಷ ದಾಮೋದರ್, ಬಾಲಾ ವಿಕಾಸ ಸಮಿತಿಯ ಅಧ್ಯಕ್ಷೆ ಶ್ರೀಮತಿ ಐಶ್ವರ್ಯ ಮತ್ತು ಅಂಗನವಾಡಿಯ ಕಾರ್ಯಕರ್ತೆ ಶ್ರೀಮತಿ ಪ್ರೇಮ, ಅಂಗನವಾಡಿ ಸಹಾಯಕಿ ಶ್ರೀಮತಿ ಯಮುನ ಹಾಗೂ ಫ್ರೆಂಡ್ಸ್ ಗ್ರೂಪಿನ ಎಲ್ಲಾ ಸದಸ್ಯರು ಉಪಸ್ಥಿತರಿದ್ದರು

ಕುಂದಾಪುರ; ನಾಳೆ ಜನವರಿ 5 ರಂದು 10:30 ಯಿಂದ 12 ರ ತನಕ ಕುಂದಾಪುರ ಚಿನ್ಮಯಿ ಆಸ್ಪತ್ರೆ ಎದುರುಗಡೆ ಇರುವ ಸೈಂಟ್ ಮೇರಿಸ್ ಶಾಲಾ ಸಭಾಂಗಣದಲ್ಲಿ ಕುಂದಾಪುರ ಆಲ್ಕೋಹಾಲಿಕ್ಸ್ ಎನೋ ನಿಮಸ್

.ಎ.ಎ. ಕೂಟದ 25ನೇ ವರ್ಷದ ಕೃತಜ್ಞತಾ ಕಾರ್ಯಕ್ರಮನಡೆಸಲಾಗುವುದು. ಈ ಸಂದರ್ಭದಲ್ಲಿ ಮಧ್ಯಪಾನ ಅಥವಾ ಇತರ ಅಮಲು ಸಮಸ್ಯೆಯಿಂದ ಬಳಲುತ್ತಿರುವವರಿಗೆ ಅದರಿಂದ
ಪರಿಹಾರ ಪಡೆಯಲು ಎಎ ಕಾರ್ಯಕ್ರಮ ಹೇಗೆ ಸಹಕಾರ ನೀಡುತ್ತದೆ ಎನ್ನುವ ಬಗ್ಗೆ ಸವಿವರವಾದ ಮಾಹಿತಿ ನೀಡುತ್ತೇವೆ.ಸಾರ್ವಜನಿಕರು ಈ ಕಾರ್ಯಕ್ರಮದ ಬಗ್ಗೆ ಮಾಹಿತಿ ಪಡೆಯಲು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅಮಲು ಸೇವನೆಯಿಂದ ಬಳಲುತ್ತಿರುವವರಿಗೆ ತಾವು ಹೇಗೆ ಸಹಾಯ ಮಾಡುವುದನ್ನು ಬಗ್ಗೆ ವಿವರಗಳನ್ನು ಪಡೆಯಬಹುದು.ಇದರ ಬಗ್ಗೆ ಎ. ಎಸದಸ್ಯರು ಸಂವಾದ ನಡೆಸುವವರು.ಈ ಕಾರ್ಯಕ್ರಮದಲ್ಲಿ ಭಾಗವಹಿಸುವವರ ಬಗ್ಗೆ ಅನಾಮಿಕತೆಯನ್ನು ಕಾಪಾಡಲಾಗುವುದು ಹಾಗೂ ಇದಕ್ಕೆ ಯಾವುದೇ ರೀತಿಯ ಹಣ ನೀಡಲು ಇಲ್ಲ. ಎಲ್ಲರಿಗೆ ಸ್ವಾಗತ. ಇದೊಂದು ಅಪರೂಪದ ಕಾರ್ಯಕ್ರಮವಾಗಿದ್ದು ಪ್ರತ್ಯೇಕವಾಗಿ ಇಂದಿನ ನಮ್ಮ ಯುವ ಸಮಾಜ ಒಳ್ಳೆಯ ಸನ್ನಡತೆ ಕಡೆಗೆ ಹೋಗಲು ಸಹಾಯ ಮಾಡಲು ತಾವು ಬರಬೇಕು ಇದರ ಬಗ್ಗೆ ಹೆಚ್ಚುವರಿ ಮಾಹಿತಿ ಬೇಕಾದಲ್ಲಿ 9964280840 9902575471 8105924678*
ಇದಕ್ಕೆ ಸಂಪರ್ಕ ಮಾಡಬಹುದು

ಕುಂದಾಪುರಃ ಇದೇ ಜನವರಿ 4 ಶನಿವಾರ ಎರಡು ಗಂಟೆಗೆ ಹಟ್ಟಿ ಅಂಗಡಿ ಸಿದ್ಧಿವಿನಾಯಕ ದೇವಸ್ಥಾನದ ಎದುರು ಇರುವ ಸಭಾಂಗಣದಲ್ಲಿ ಮಧ್ಯಪಾನದ ಸಮಸ್ಯೆ ಇರುವವರಿಗೆ ಅದನ್ನು ನಿಲ್ಲಿಸುವ ಬಗ್ಗೆ ಹಾಗೂ ಕುಟುಂಬದ ಸದಸ್ಯರು ಇದನ್ನು ನಿಭಾಯಿಸುವ ವಿಶೇಷ ಮಾಹಿತಿ ಸಭೆಯನ್ನು ನಡೆಸಲಾಗುವುದು
ಈ ಮಾಹಿತಿ ಸಭೆಯಲ್ಲಿ ಹಟ್ಟಿ ಅಂಗಡಿ ಸಿದ್ಧಿವಿನಾಯಕ ದೇವಸ್ಥಾನದ ಮುಖ್ಯಸ್ಥರಾದ ಶ್ರೀ ಬಾಲಚಂದ್ರ ಭಟ್ಟರು ಮುಖ್ಯ ಅತಿಥಿಗಳಾಗಿ ಭಾಗವಹಿಸುವರು ಇಂದಿನ ನಮ್ಮ ಸಮಾಜದಲ್ಲಿ ಹಲವಾರು ಮಂದಿ ಮುಖ್ಯವಾಗಿ ಯುವಜನತೆ ಅಮಲು ಪದಾರ್ಥದ ಸೇವನೆಗೆ ಬಲಿಯಾಗುತ್ತಿದ್ದು ಅವರನ್ನು ಈ ದುಷ್ಟ ಪೀಡೆಯಿಂದ ರಕ್ಷಿಸುವುದು ನಮ್ಮೆಲ್ಲರ ಹೊಣೆಗಾರಿಕೆಯಾಗಿದ್ದು ಅಮಲು ಪದಾರ್ಥದ ಸೇವನೆಗೆ ಬಲಿಯಾದವರಿಗೆ ಸಹಾಯ ಮಾಡಲು ಆಲ್ಕೋಹಾಲಿಕ್ ಅನಾನಿಮಸ್ ಎ ಎ ಸಂಸ್ಥೆ ಸಹಾಯ ಮಾಡುತ್ತಿದ್ದು ಈ ಕಾರ್ಯಕ್ರಮದ ಬಗ್ಗೆ ಮಾಹಿತಿಯನ್ನು ಈ ಸಂದರ್ಭದಲ್ಲಿ ನೀಡಲಾಗುವುದು ಸಾರ್ವಜನಿಕರು ಇದರ ಉಪಯೋಗವನ್ನು ಪಡೆದುಕೊಳ್ಳಬೇಕಾಗಿ ಸಂಘಟಕರು ವಿನಂತಿಸಿದ್ದಾರೆ ಹಾಗೆ ಅದೇ ದಿನ ಗಂಗೊಳ್ಳಿ ಚರ್ಚ್ ವಠಾರದಲ್ಲಿ ಸಂಜೆ 4.30ಕ್ಕೆ ಮಧ್ಯಪಾನ ತ್ಯಜಿಸುವ ಬಗ್ಗೆ ಸಂವಾದ ಸಭೆ ನಡೆಯಲಿದ್ದು ಈ ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ಪೂಜ್ಯ ಗುರು ರೋಷನ್ ಡಿ ಸೋಜರವರು ಭಾಗವಹಿಸಲಿದ್ದು ಆಸುಪಾಸಿನ ಜನರು ಇದರಲ್ಲಿ ಭಾಗವಹಿಸಬೇಕಾಗಿ ಸಂಘಟಕರು ತಿಳಿಸಿದ್ದಾರೆ ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲು ಯಾವುದೇ ರೀತಿಯ ಸಂದಾಯ ಇರುವುದಿಲ್ಲ ಹಾಗೂ ಎಲ್ಲಾ ವಿಚಾರಗಳ ಬಗ್ಗೆ ಅನಾಮಿಕತೆಯನ್ನು ಕಾಪಾಡಲಾಗುವುದು
ಹೆಚ್ಚುವರಿ ಮಾಹಿತಿಗಾಗಿ. 9964280840, 9902575471

ಮಂಗಳೂರು, ಕರ್ನಾಟಕ – ಜನವರಿ 2, 2025: ಸಾಂಸ್ಕೃತಿಕ ಮತ್ತು ಶಿಕ್ಷಣ ಕ್ಷೇತ್ರದಲ್ಲಿ ಅಗ್ರಸ್ಥಾನದಲ್ಲಿರುವ ಸಂದೇಶ ಪ್ರತಿಷ್ಠಾನ, ತನ್ನ ಬಜ್ಜೋಡಿ, ಮಂಗಳೂರಿನ ಆವರಣದಲ್ಲಿ “ಕೃಪೆಯ ಕುರುಬ: ಡಾ. ಹೆನ್ರಿ ಡಿ’ಸೋಜ ಅವರ 75 ವರ್ಷಗಳ ಆಶೀರ್ವಾದಗಳ ಮಹೋತ್ಸವ” ಶೀರ್ಷಿಕೆಯ ಅಡಿಯಲ್ಲಿ ಬೃಹತ್ ಕಾರ್ಯಕ್ರಮವನ್ನು ಆಯೋಜಿಸಿತು. ಸಂಜೆ 6 ಗಂಟೆಗೆ ಆರಂಭವಾದ ಈ ಕಾರ್ಯಕ್ರಮವು ಡಾ. ಹೆನ್ರಿ ಡಿ’ಸೋಜ ಅವರ ಜೀವನ ಮತ್ತು ಅವರ ಐತಿಹಾಸಿಕ ಸೇವೆಯನ್ನು ಗೌರವಿಸುವ ಮಹತ್ವದ ಸಂದರ್ಭವಾಗಿ ಗುರುತಿಸಲ್ಪಟ್ಟಿತು.

ಕಾರ್ಯಕ್ರಮದಲ್ಲಿ ಹಲವು ಪ್ರಮುಖ ವ್ಯಕ್ತಿಗಳಿಂದ ಹೃದಯಸ್ಪರ್ಶಿ ಅಭಿನಂದನೆಗಳು ವ್ಯಕ್ತವಾಯಿತು. ಮಂಗಳೂರು ಧರ್ಮಪ್ರಾಂತ್ಯದ PRO ಶ್ರೀ ರಾಯ್ ಕ್ಯಾಸ್ಟೆಲಿನೊ, ಸಂದೇಶ ಪ್ರತಿಷ್ಠಾನದ ಟ್ರಸ್ಟಿ, ಪ್ರಸಿದ್ಧ ಕೊಂಕಣಿ ಕವಿ ಮತ್ತು ಲೇಖಕ ಕಿಶೂ ಬಾರ್ಕೂರ್, ಕವಿತಾ ಟ್ರಸ್ಟ್ ಅಧ್ಯಕ್ಷರು, ಜೆ. ಆರ್. ಲೋಬೊ, ಮಾಜಿ ಶಾಸಕ, ಅತೀ ವಂ. ಡಾ. ಪೀಟರ್ ಪಾಲ್ ಸಲ್ಡಾನ್ಹಾ, ಮಂಗಳೂರು ಬಿಷಪ್, ಫಾ. ಐವನ್ ಪಿಂಟೊ, ಟ್ರಸ್ಟಿ, ಸಂದೇಶ, ಮತ್ತು ಅನಿತಾ, ಸಂದೇಶ ಹಳೆಯ ವಿದ್ಯಾರ್ಥಿಗಳ ಪ್ರತಿನಿಧಿ, ಅವರು ತಮ್ಮ ಮಾತುಗಳ ಮೂಲಕ ಬಿಷಪ್ ಹೆನ್ರಿಯ ದೃಷ್ಟಿಯುತ ನಾಯಕತ್ವ, ಸೇವೆ ಪ್ರತಿಬದ್ಧತೆಯನ್ನು ಹಂಚಿಕೊಂಡರು.

ಈ ಸಂದರ್ಭದಲ್ಲಿ ಬಿಷಪ್ ಹೆನ್ರಿಯ ದಶಕಗಳ ನಿಸ್ವಾರ್ಥ ಸೇವೆ ಮತ್ತು ಪ್ರೇರಣಾದಾಯಕ ನಾಯಕತ್ವದ ಸ್ಮರಣೆಗಳನ್ನು ಸಂಭ್ರಮಿಸುವ ಸಾಂಸ್ಕೃತಿಕ ಪ್ರದರ್ಶನಗಳು, ಗೌರವ ಸಮರ್ಪಣೆಗಳು, ಮತ್ತು ಚಿಂತನೆಗಳು ನಡೆಯಿತು. ಈ ಕಾರ್ಯಕ್ರಮದ ಮುಖ್ಯ ಆಕರ್ಷಣೆಯಾಗಿ “ಫೇತ್ ಅಂಡ್ ಸರ್ವಿಸ್: ಎ ಟ್ರಿಬ್ಯೂಟ್ ಟು ಬಿಷಪ್ ಹೆನ್ರಿ ಡಿ’ಸೋಜ’ಸ್ ಲೆಗಸಿ” ಶೀರ್ಷಿಕೆಯ ಪುಸ್ತಕವನ್ನು ಬಿಡುಗಡೆ ಮಾಡಲಾಯಿತು. ಫಾ. ಸುದೀಪ್ ಪಾಲ್ MSFS, ಸಂದೇಶ ಪ್ರತಿಷ್ಠಾನ ನಿರ್ದೇಶಕರು, ಸಂಪಾದಿಸಿದ ಈ ಪುಸ್ತಕವನ್ನು ಅತೀ ವಂ. ಡಾ. ಪೀಟರ್ ಪಾಲ್ ಸಲ್ಡಾನ್ಹಾ, ಮಂಗಳೂರು ಬಿಷಪ್, ಅವರು ಬಿಡುಗಡೆ ಮಾಡಿದರು ಮತ್ತು ಮೊದಲ ಪ್ರತಿಯನ್ನು ಬಿಷಪ್ ಹೆನ್ರಿಯವರಿಗೆ ಆಕರ್ಷಣೀಯವಾಗಿ ಹಸ್ತಾಂತರಿಸಲಾಯಿತು.

ಈ ಪುಸ್ತಕದಲ್ಲಿ ಬಿಷಪ್ ಹೆನ್ರಿಯವರನ್ನು ವ್ಯಕ್ತಿಯಾಗಿ, ನಾಯಕರಾಗಿ, ಮತ್ತು ಸಾಂಸ್ಕೃತಿಕ ದೂತನಾಗಿ ರೂಪಿಸಿದ ಅಪರೂಪದ ಕ್ಷಣಗಳನ್ನು ಒಳಗೊಂಡ ಚುಟುಕು ಜೀವನ ಚರಿತ್ರೆಯನ್ನು ಒಳಗೊಂಡಿದೆ. ಅವುಗಳು ತಮ್ಮ ಜೀವಿತದಲ್ಲಿ ಬರೆದ ವ್ಯಕ್ತಿತ್ವವನ್ನು ಮತ್ತು ಅವರ ಐತಿಹಾಸಿಕ ಪರಿಪೂರ್ಣತೆಯನ್ನು ಮೆಲುಕು ಹಾಕುತ್ತದೆ. ಜೊತೆಗೆ, ಸ್ನೇಹಿತರು, ಸಹೋದ್ಯೋಗಿಗಳು, ಮತ್ತು ಅವರೊಂದಿಗೆ ಕೆಲಸ ಮಾಡಿದವರಿಂದ ಹಂಚಿಕೊಳ್ಳಲ್ಪಟ್ಟ ಸ್ಮರಣಾತ್ಮಕ ಲೇಖನಗಳ ಮೂಲಕ ಈ ಪುಸ್ತಕವು ವೈಯಕ್ತಿಕ ಸ್ಪರ್ಶತೆಯನ್ನು ಕೂಡ ನೀಡುತ್ತದೆ.

ಕಾರ್ಯಕ್ರಮದ ಸಂಗೀತದ ಭಾಗವಾಗಿ, ಬಿಷಪ್ ಹೆನ್ರಿಗೆ ಸಮರ್ಪಿಸಲಾದ “ಕುರ್ಪೆ ಜಿಣೆಂ: ಭಾವಾರ್ಥ್ ಆನಿ ಮೊಗಾಚೊ ಪಾವುಣ್ಶ್ಯಾಂವೊ ಸುವಾಳೊ” ಎಂಬ ಹೊಸ ಗೀತೆಯನ್ನು ಬಿಡುಗಡೆ ಮಾಡಲಾಯಿತು. ಈ ಗೀತೆಯ ಸಾಹಿತ್ಯವನ್ನು ಕಿಶೂ ಬಾರ್ಕೂರ್ ಬರೆದಿದ್ದು, ಸಂಗೀತವನ್ನು ಕಾಜೆಟನ್ ಡಯಾಸ್ ಸಂಯೋಜಿಸಿದರು.

ಧಾರ್ಮಿಕ ನಾಯಕರು, ಗಣ್ಯರು, ಮತ್ತು ಸಮುದಾಯದ ವಿವಿಧ ಭಾಗಗಳಿಂದ ಬಂದವರು ಬಿಷಪ್ ಹೆನ್ರಿಯ ಅದ್ಭುತ ಸಾಧನೆಗಳನ್ನು ಗೌರವಿಸಲು ಭಾಗವಹಿಸಿದರು. ಈ ಕಾರ್ಯಕ್ರಮದ ನೇರಪ್ರಸಾರವು ಈ ಮಹತ್ವದ ಸಂದರ್ಭದಲ್ಲಿ ಪ್ರೇಕ್ಷಕರಿಗೆ ಈ ಅಪರೂಪದ ಕ್ಷಣವನ್ನು ಅನುಭವಿಸಲು ಅವಕಾಶ ಮಾಡಿಕೊಟ್ಟಿತು.

Shepherd of Grace: Celebrating 75 Years of Blessings of Most Rev. Dr. Henry D’Souza

Mangalore, Karnataka – January 2, 2025: The Sandesha Foundation for Culture and Education hosted a grand celebration titled “Shepherd of Grace: 75 Years of Blessings of Most Rev. Dr. Henry D’Souza” at its premises in Bajjodi, Mangalore. The event, held at 6:00 PM, marked a significant milestone in honouring the life and legacy of Most Rev. Dr. Henry D’Souza.

The event also included heartfelt felicitations by prominent individuals who have witnessed and been inspired by Bishop Henry’s legacy. Speeches were delivered by Mr. Roy Castelino, PRO, Diocese of Mangalore, Trustee Sandesha Foundation, Kishoo Barkur, a celebrated Konkani poet, lyricist, and writer, President Kavitha Trust,  J.R. Lobo, Former MLA,  Most Rev. Dr. Peter Paul Saldanha, Bishop of Mangalore, Fr. Ivan Pinto, Trustee, Sandesha, and Ms. Anitha, representing the alumni of Sandesha. Each speaker highlighted the Bishop’s visionary leadership, his unwavering commitment to service, and the lasting impact he has made on countless lives.

The occasion featured a variety of cultural performances, tributes, and reflections on Bishop Henry D’Souza’s decades of selfless service and inspirational leadership. A highlight of the event was the release of a book titled “Faith and Service: A Tribute to Bishop Henry D’Souza’s Legacy,” edited by Fr. Sudeep Paul MSFS, Director, Sandesha Foundation. The book was officially released by Most Rev. Dr. Peter Paul Saldanha, Bishop of Mangalore, and the first copy was ceremoniously handed over to Bishop Henry D’Souza. The book begins with a series of heartfelt felicitations—expressions of admiration, gratitude, and love from those who have been blessed to know him. The book also includes a succinct biographical sketch that takes readers through the defining moments of Bishop Henry’s life—from his humble beginnings to his extraordinary leadership as a pastor, mentor, and cultural ambassador. One of the highlights of this book is an insightful interview with Bishop Henry, where he reflects on his incredible journey, the challenges he faced, and the grace that guided him. Adding a deeply personal dimension to this book are the memoirs shared by friends, colleagues, and collaborators—individuals who walked beside him, learned from him, and were inspired by his humility and leadership.

Adding a musical touch to the evening, a song dedicated to Bishop Henry titled “ಕುರ್ಪೆ ಜಿಣೆಂ: ಭಾವಾರ್ಥ್ ಆನಿ ಮೊಗಾಚೊ ಪಾವುಣ್ಶ್ಯಾಂವೊ ಸುವಾಳೊ” (Kurpe Jinem: Bhavarth Ani Mogacho Pavunshyavo Suwalo) was released. The lyrics, penned by Kishoo Barkur, and music composed by Cajetan Dias, beautifully encapsulated the essence of Bishop Henry’s impactful journey and his contributions to the community. Dignitaries, religious leaders, and well-wishers from across the region gathered to honor Bishop Henry and celebrate his extraordinary achievements. The event’s live stream enabled an even wider audience to partake in this momentous occasion. The recording is available for viewing at the following.

ಕುಂದಾಪುರ : ದಿನಾಂಕ 2/01/2025 ರಂದು ದುರ್ಗಾ ಆಂಗ್ಲಮಾಧ್ಯಮ ಶಾಲೆ ಕೊಕ್ಕರ್ಣೆ, ಬ್ರಮ್ಮಾವರದಲ್ಲಿ ನಡೆದ ಉಡುಪಿ ಜಿಲ್ಲಾಮಟ್ಟದ ಮಟ್ಟದ ಪ್ರತಿಭಾ ಕಾರಂಜಿ ಸ್ಪರ್ಧೆಯಲ್ಲಿ ಮದರ್ ತೆರೇಸಾ ಸಂಸ್ಥೆಯ ವಿದ್ಯಾರ್ಥಿಗಳು ಅತ್ಯುತ್ತಮ ಪ್ರತಿಭೆಯನ್ನು ಪ್ರದರ್ಶಿಸುವುದರ ಮೂಲಕ ರಾಜ್ಯ ಮಟ್ಟಕ್ಕೆ ಆಯ್ಕೆಯಾಗಿರುತ್ತಾರೆ

ವಿಜೇತರ ಯಾದಿ :
ಪ್ರೀತಮ್ (9ನೇ ತರಗತಿ)
ಆದಿತ್ಯ ಬಿ (ದ್ವಿತೀಯ ಪಿ ಯು ಸಿ )
ರಸಪ್ರಶ್ನೆ : ಪ್ರಥಮ
ಶ್ರೀಶಾಂತ್ ಎಸ್ (ಪ್ರಥಮ ಪಿಯುಸಿ )
ಕನ್ನಡ ಕವನವಾಚನ:ತೃತೀಯ
ಪ್ರತೀಕ್ಷಾ (ಪ್ರಥಮ ಪಿಯುಸಿ)
ಚರ್ಚಾ ಸ್ಪರ್ಧೆ ದ್ವಿತೀಯ

ಈ ಎಲ್ಲಾ ಪ್ರತಿಭೆಗಳಿಗೆ ಆಡಳಿತಮಂಡಳಿ, ಪ್ರಾಂಶುಪಾಲರು, ಮುಖ್ಯಶಿಕ್ಷಕರು ಶಿಕ್ಷಕ ಮತ್ತು ಶಿಕ್ಷಕೇತರ ವೃಂದ ಹಾಗೂ ವಿದ್ಯಾರ್ಥಿಪ್ರತಿನಿಧಿಗಳು ಶುಭಕೋರಿರುತ್ತಾರೆ.