ಮೋಗ್……..          ಕವಿತಾ  -> ರೇಷ್ಮಾ ಡಿಸಿಲ್ವಾ , ವಾಲೆನ್ಸಿಯಾ

ಮೋಗ್........          ಕವಿತಾ  -> ರೇಷ್ಮಾ ಡಿಸಿಲ್ವಾ , ವಾಲೆನ್ಸಿಯಾ                   

 

ಮೊಗಾವಿಣೆಂ ಜಿಣೆಂ

ಫುಲಾಂ ನಾತ್ಲೆಲ್ಯಾ ವಾಳಿಬರಿ

ಫಳ್ ದಿನಾತ್ಲೆಲ್ಯಾ ರುಕಾಬರಿ

ಝರ್ ನಾತಲ್ಯಾ ಬಾಂಯ್ ಬರಿ

 

 

 

ಮೋಗ್ ದೋನ್ ಕಾಳ್ಜಾಂಕ್ ಎಕ್ವೊಟ್ತಾ

ಸ್ವಪ್ಣಾ ಸಾಗೊರಾಂತ್ ಧಲಾಯ್ತಾ….

ಫುಲ್ಚ್ಯಾ ಫುಲಾ ಬರಿ ಕಾಳಿಜ್ ಫುಲಯ್ತಾ

ವ್ಹಾಳ್ಚ್ಯಾ ವ್ಹಾಳಾ ಉದ್ಕಾ ತಸೆಂ ನಿತ್ಳಯ್ತಾ

 

 

 

ಮೋಗ್ ಜಿಯೆಂವ್ಕ್ ಶಿಕಾಯ್ತಾ

ಮೋಗ್ ದಾದೊಸ್ಕಯ್ ದಿತಾ

ಮೋಗ್ ಅಪ್ಣೆಪಣಾಕ್ ಅಪ್ಣಾಯ್ತಾ

ಮೋಗ್ ಅವ್ಯಕ್ತ್ ಸಕತ್ ಭರಯ್ತಾ

 

 

ಮೊಗಾಕ್ ನಾಂತ್ ದೊಳೆ

ಮೊಗಾರ್ ಪಡ್ತಾನಾ ಚಿಂತೊನ್ ಪಳೆ

ಮೊಗಾರ್ ಫುಲ್ತಿತ್  ಕಳೆ …ಯಾ

ಮೊಗಾಕ್ ವೆಂಗ್ತಿತ್ ಕಳೆ

 

 

ಮೊಗಾ ಸಾಗೊರಾಂತ್  ದೆವ್ಲೆಲೊ

ಉಪ್ಯೆಂವ್ಕ್ ತರೀ ಶಿಕ್ತಾಲೊ

ನಾ ತರ್ ಎಕ್ ಬೊರೊ

ನಾವಿಕ್ ಖಂಡಿತ್ ಜಾತೊಲೊ

 

* ರೇಷ್ಮಾ ಡಿಸಿಲ್ವಾ , ವಾಲೆನ್ಸಿಯಾ .

[ರೇಶ್ಮಾ ಡಿಸಿಲ್ವಾ ಗಾಂವಾನ್ ಕುಂದಾಪುರಚಿ , ಆನಿಂ ಲಗ್ನ್ ಜಾಲ್ಯಾ ಉಪ್ರಾಂತ್ ಆತಾ  ಮಂಗಳೂರಾಂತ್ ವಸ್ತಿ ಕರ್ನ್ ಆಸಾ. ತಿ ಸಂತ ಜೆರೋಸಾ ಇಂಗ್ಲೀಷ್ ಮಧ್ಯಮ್ ಸ್ಕೂಲಾಂತ್ ಶಿಕ್ಷಕಿ ಜಾವ್ನ್ ವಾವ್ರ್ ದೀವ್ನ್ ಆಸಾ . ರೇಶ್ಮಾ ಡಿಸಿಲ್ವಾಕ್  ಕವಿತೆಂತ್ ಮಸ್ತ್ ಆಸಕ್ತ್, ತಿ ಸಭಾರ್ ಜಣ್ ಕವಿಚಿಂ ಕವಿತಾ ವಾಚ್ತಾ, ಆನಿ ಎಕ್ ಕವಿಯಿತ್ರಿ ಜಾಂವ್ಕ್ ಪ್ರಯತನ್ ಕರಿಚ್ ಆಸಾ. ತಿಚ್ಯಾ ಪ್ರಯತ್ನಾಕ್ ಆಮಿ ಪಾಟಿಂಬೊ ದಿತಾಂವ್. ಆನಿ ಬರೆ ಮಾಗ್ತಾಂವ್ : ಸಂಪಾದಕ್ ಬರ್ನಾಡ್ ಜೆ.ಕೋಸ್ತಾ]