JANANUDI.COM NETWORK
ದುಕ್ರಾ ಮಾಸ್ ವಜನ್ ಸಾರ್ಕೆಂ ನಾ, ಚರಾಬ್, ವೋಬ್, ಹಾಡಾಂ ಚಡ್: ಜಾಗೋ ಗ್ರಾಹಕ್ ಜಾಗೋ ಗ್ರಾಹಕ್
ಎಪ್ರಿಲ್ 16: ಆಜ್ ಕಾಲ್ ದುಕ್ರಾ ಮಾಸಾಚೆಂ ಮೋಲ್ ಕಿಲೋಕ್ 240 ಮ್ಹಣ್ತಾತ್ ಮಾಗಿರ್ ಧಾ ವೀಸ್ ರೂಪಯ್ ಉಣೆ ಕರುನ್ ದಿತಾತ್. ದುಕ್ರಾಚೊಂ ಪೋಸ್ , ಖಾಣ್ , ವಾಂವ್ಟ್, ಸಾಗಾಟ್ ಕಷ್ಟ್ – ನಷ್ಟಾ ನಿಮ್ತಿಂ ವರ್ಸಾಕ್ 5-10 % ಚಡಂವ್ಚೆ ಸಹಜ್‌. ಆನಿಂ ಹೆಂ ಸಕಾಲಿಕ್. ಪುಣ್ ಥೊಡ್ಯಾ ದಿಸಾಂ ಆದಿಂ ತೀನ್ ಕೀಲೊ ಮಾಸ್ (2 ಕಿ.ಲೋ ಆನಿಂ 1 ಕಿ.ಲೋ ಪ್ಯಾಕ್) ಏಕಾ ಬೇಕರಿ ದುಕಾನಾ ಥಾವ್ನ್ ಹಾಡ್ನ್ ಆಯಿಲ್ಲೊಂ ಆನಿ ತ್ಯಾ ದುಕಾನಾಂತ್ ವಜನ್ ತೂಕ್ ಕರ್ಚೆಂ ಸ್ಕೇಲ್ ನಾತಲ್ಲೆಂ. ಘರಾ ಪಾವ್ತಚ್ ಮ್ಹಾಕಾ ಮಾಸ್ ಉಕಲ್ನ್ ಪಳೆಯ್ತಾನಾ ಇಲ್ಲೆಂ ಉಣೆಂ ಆಸ್ಚೆಂ ದುಬಾವ್ ಯೇವ್ನ್ ಆಮ್ಗೆರ್ ಆಸ್ಚ್ಯಾ ಸ್ಕೇಲಾಚೆರ್ ಜೊಕ್ತಾನಾ 2 ಕಿ.ಲೊ ಚ್ಯಾ ಪ್ಯಾಕೇಟಿಂತ್ 300 ಗ್ರಾಂ ಉಣೆಂ ಆಸಲ್ಲೆಂ. ತಕ್ಷಣ್ ಪಾಟಿಂ ವೆತಾನಾ ಮ್ಹಜ್ಯಾ ವಳ್ಕಿಚ್ಯಾ ಆಂಗ್ಡಿಂತ್ ಅನ್ಯೇಕ್ ಪಾವ್ಟಿ ಜೊಕ್ತಾನಾಂಯ್ 300 ಗ್ರಾಂ ಉಣೆಂ ದಾಕಯ್ಲೆಂ. ತಕ್ಷಣ್ ಪಾಟಿಂ ದುಕ್ರಾಮಾಸಾಚ್ಯಾ ದುಃಖಾನಾಕ್ ವಚೊನ್ ಕಳಯ್ಲೆಂ , ಆನಿಂ ಮ್ಹಾಲಕ್ ಒಪ್ಪೊನ್ ದುಸ್ರಿ ಪ್ಯಾಕೆಟ್ ದಿಲಿ.
ದೆಕುನ್ ಆಮ್ಚೆ ಅಭಿಮಾನಿ ಗ್ರಾಹಕಾಂಕ್ “ಜಾಗೋ ಗ್ರಾಹಕ್ ಗ್ರಾಹಕ್ ಜಾಗೋ “ ಮ್ಹಣನ್ ತೊ ಪ್ರಬುಧ್ ಗ್ರಾಹಕ್ ಜಾಗಂವ್ಚ್ಯಾ ಖಾತಿರ್ ಗ್ರಾಹಕಾನ್ ಜನನುಡಿ. ಡಾಟ್ ಕಾಂ. ಆಮ್ಕಾಂ ಪತ್ರ ಬರಯ್ಲಾ.
ಭರ್ಪೂರ್ ದುಕ್ರಾಮಾಸಾಂಚೆ ವ್ಯಾರ್ ಕರ್ತಾನಾಂ ದುಕಾನಾಂತ್ ಏಕ್ ಲ್ಹಾನ್ ಸ್ಕೇಲ್ ದವ್ರುನ್ ಪಾರದರ್ಶಕ್ ವ್ಯಾರ್ ಕರುಂಕ್ ಕಿತೆಂ ಆಡ್ಕಳ್..??” ತೊ ವಿಚಾರ್ತಾ. ಪೆಕೆಟ್ ಕರ್ತಾನಾ ಫರಾಮಶೆನ್ ಚಡ್ ಉಣೆ ಜಾತಾ ಯಾ ಜಾಯ್ ಮ್ಹಣ್ ಉಣೆಂ ಘಾಲುಂಕೀ ಪುರೊ. ಯಾ ತಾಂಚೋ ಸ್ಕೇಲ್ ಸಮಾ ನಾಂ ಆಸೋಂಕೀ ಪುರೊ, ಸಪ್ಲಾಯ್ ಕರ್ತೆಲ್ಯಾನಿ ಸ್ಕೇಲ್ ಜಾಯ್ ಮ್ಹಣನ್ ಎಜೆಶ್ಟ್ ಕರುಂಕಯಿ ಪುರೊ, ಪುಣ್ ವ್ಯಾರ್ ಕರ್ತೆಲ್ಯಾನಿ ಹರ್ಯೇಕ್ ದುಕಾನ್ ದಾರಾಂನಿ ಖಡ್ಡಾಯ್ ಜಾವ್ನ್ ದುಕಾನಾಂತ್ ಸ್ಕೇಲ್ (ವಜನ್ ಮಾಪ್ಚೆ ಮೇಶಿನ್) ದವರ್ನ್ ದೊಳ್ಯಾ ಮುಕಾರ್ ತೂಕುನ್ ಪಾರದರ್ಶಕ್ ವ್ಯಾರ್ ಕರೀಜೆ” ಮ್ಹಣ್ ವಿನಂತಿ ಕರ್ತಾ ತೊ ಪ್ರಬುದ್ದ್ ಗ್ರಾಹಕ್.
ಸಬಾರ್ ಗ್ರಾಹಕ್ ದುಕಾನ್ ದಾರಾಚ್ಯಾ ವಳ್ಕಿಚೆಂ ಜಾಲ್ಯಾನ್ ದಾಕ್ಷೆಣೆಂಕ್ ಲಾಗೊನ್ ವೊಗೆಚ್ ರಾವ್ತಾತ್, ಆನಿಂ ಸಭಾರಾಂಕ್ ಉಣೆಂ ಆಸಲ್ಲೆಂ ಕಳಿತಚ್ಚ್ ಆಸಾನಾಂ! ಘರಾಂತ್ ಸ್ಕೇಲ್ ಯೀ ಆಸಾನಾಂ, ದೆಕುನ್ ಚತ್ರಾಯ್ ಕರಿಜೆ ಮ್ಹಣ್ತಾ ತೊ, ಅಶೆಂ ಖಾಲಿ ದುಕ್ರಾ ಮಾಸ್ ವ್ಯಾರ್ ಕರ್ತಾಲೆ ಮಾತ್ರ್ ನ್ಹಯ್, ಹೇರ್ ವಸ್ತುಂ, ಖಾಣ್, ತರಕಾರಿ, ವ್ಯಾರ್ ಕರ್ತಾಲೆಯಿ ವಜನಾಂತ್ ಮೋಸ್ ಕರ್ತಾಲೆ ಆಸಾತ್, ದೆಕುನ್ ಜರುರ್ ಘರಾಂತ್ ಏಕ್ ಕಿಚನ್ ಸ್ಕೇಲ್ ಆಸಾಜೆ.
ಇತ್ಲೆಂ ಮಾತ್ರ್ ನ್ಹಯ್ ದುಕ್ರಾ ಪ್ಯಾಕೆಟ್ ಮಾಸ್ ಗ್ರಾಹಕಾಂಚೆ ದುರ್ಸೊಣೆ. ತಾಂತುನ್ ಚರಾಬ್ ಚಡ್, ವೋಬ್ ಚಡ್, ಹಾಡಾಂ ಚಡ್, ಪಿಲಾಂ ಘಾಲ್ಲಿ ಬಾಯ್ಲ್ ದುಕ್ರಾಚೆಂ ಮಾಸ್” ಮ್ಹಣನ್ ಆನ್ಯೇಕ್ಲೊ ಗ್ರಾಹಕ್ ದುರ್ಸಾತಾ. ಅಶೆಂ ಮ್ಹಾಕಾ ಜಾಲ್ಲೊ ಅನುಭವ್ ಹೆರಾಂಕ್ ಜಾಯ್ನಾಯೆ ಮ್ಹಣನ್ ತೊ ಬರಯ್ತಾ ಮ್ಹಣ್ತಾಂ ತೊ ಗ್ರಾಹಕ್.
ಹೆಂ ಲೇಖನ್ ಸರ್ವ್ ದುಕ್ರಾ ಮಾಸ್ ವ್ಯಾಪರಿಸ್ತಾಂಕ್ ಲಾಗೊನ್ ಬರಯ್ಲೆ ನ್ಹಯ್. ಆನಿ ಹಿ ಸಂಗತ್ ಸರ್ವ್ ದುಕ್ರಾ ಮಾಸ್ ದಂಧೊ ಕರ್ತೆಲ್ಯಾ ವ್ಯಾಪರಿಸ್ತಾಂಕ್ ತಶೆಂ ಸ್ಕೇಲ್ ಆಸಲ್ಲ್ಯಾ ದುಕಾನ್ ದಾರಾಂಕ್ ಲಾಗೂ ಜಾಯ್ನಾ. ಪ್ರಮಾಣಿಕ್ ಥರಾನ್ ದುಕ್ರಾ ಮಾಸ್ ವ್ಯಾರ್ ಕರ್ತೆಲೆಂ ಸಭಾರ್ ಜಣ್ ಆಸಾತ್. ತಾಂಕಾಂ ಆಮಿ ದುರ್ಸಾನಾಂವ್ ಶಹಭಾಸ್ ಮ್ಹಣ್ತಾಂವ್ ಪುಣ್ ಆಮಿ ದುರ್ಸೊಂಚೆ ನ್ಯಾಯ್ ನ್ಹಯ್ ಆಸಲ್ಯಾ ರೀತಿನ್ ವ್ಯಾರ್ ಕರ್ತೆಲ್ಯಾಂಕ್ ಮಾತ್ರ್.
ಆನ್ಯೇಕ್ಲೊ ಮ್ಹಣ್ತಾಂ “ಡೀಪ್ ಪ್ರಿಜ್ಜಾಂತ್ ದವರ್ಲ್ಯಾ ಪ್ಯಾಕೆಟ್ ಮಾಸಾಚೆ, ಐಸ್ ಕೊಲ್ಡ್ ಮಾಸ್ ವಜನ್ ಕರ್ತಾನಾ, ವಜನ್ ದಾಖಯ್ತಾನಾ, 100/150 ಗ್ರಾಮ್ ಚಡಚ್ ದಾಖಯ್ಜೆ, ಕಿತ್ಯಾಕ್ ತಾಂತುನ್ ಐಸ್ ಗಟ್ ಜಾವ್ನಾಸ್ತಾಂ
ದುಕ್ರಾಚೆ ವಜನ್ ಚಡ್ ಜಾಯ್ಜೆ ಮ್ಹಣನ್ ಪೊಸುನಂಚ್ ಆಸ್ತಾತ್ ಆನಿ ತೊ ಚರ್ಬೆಲ್ಲೊ ದುಕೊರ್ ಕಾತರ್ನ್ ಕಿಲ್ಯಾಚಿಂ ಪ್ಯಾಕೆಟಿಂ ಕರ್ತಾನಾ, ಎಕ್ಲ್ಯಾಕ್ ವೊಬ್, ಎಕ್ಲ್ಯಾಕ್ ಚರಾಬ್, ಆನ್ಯೇಕ್ಲ್ಯಾಕ್ ಹಡಾಂ ಮೆಳ್ತಾತ್. ಅಶೆಂ ಜಾಯ್ನಾಯೆ ಮ್ಹಣ್ಚೆ ಆಮ್ಚ್ಯಾ ಗ್ರಾಹಕಾಚಿಂ ಅಭಿಪ್ರಾಯ್. ಪಾಂಚ್ ಪಾವ್ಟಿ ಪೆಕೆಟ್ ಮಾಸ್ ವ್ಹೆಲ್ಯಾರ್ 1 -2 ಪಾವ್ಟಿ ಮಾತ್ರ್ ಮಾಸ್ ಇಲ್ಲೆಶೆಂ ಬೊರೆಂ ಮೆಳೊಂಕ್ ಸಾಧ್ಯ್ ಆಸ್ತಾಂ ತೇಂಯ್ ಲಕ್ಕ್ ಆಸ್ಲ್ಯಾರ್” ಮ್ಹಣ್ತಾಂ ತೊ.
ಹೆಂ ಲೇಖನ್ ಖಂಯ್ಚಾಯಿ ಏಕ್ ನಿರ್ದಿಶ್ಟ್ ದುಕಾನಾಕ್ ಲಾಗೊನ್ ಬರಯ್ಲಿ ನ್ಹಯ್. ಆಮ್ಚ್ಯಾ ಕ್ರಿಸ್ತಾಂವಾಚಿ ಬ್ರಾಂಡ್ ದುಕೊರ್ ಮಾಸ್, ದೆಕುನ್ ಇಲ್ಲೆಶೆಂ ಬರೆ, ಜೊಕ್ತೆ,ಹಡಾಂ, ಮಾಸ್, ವೋಬ್, ಚರಾಬ್ ಮಿಕ್ಸ್ ಮಾಸ್ ಆನಿ ತಶೆಂ ಸಾರ್ಕ್ಯಾ ವಜನಾಚೆ ಮಾಸ್ ದಿಯಾ ಮ್ಹಣನ್ ಗ್ರಾಹಕಾಂಚಿಂ ವಿನಂತಿ. ಜರ್ ವ್ಯಾರ್ ಕರ್ತಾಲೊ ಅಶೆಂ ವಜನ್ ಉಣೆ ದಿಂವ್ನ್ ಚೂಕ್ ಕೆಲಿ ಆನಿ ಗ್ರಾಹಕ್ ಚಾಳ್ವೊನ್ ತೂಕ ಮಾಫನ ಅಧಿಕಾರಿಂಕ್ ದೂರ್ ದಿಲೆಂ ತರ್ ತುಮ್ಕಾಂ ಕಷ್ಟಾಂಚೆ ಜಾಂವ್ಕ್ ಪಾವ್ತಾಲೆ.