JANANUDI.COM NETWORK
ಕುಂದಾಪುರ್ ಸಹಾಯಕ್ ವಿಗಾರ್ ಬಾಪ್ ವಿಜಯ್ ಜೊಯ್ಸನ್ ಡಿಸೋಜಾ ಜಲ್ಮಾ ದೀಸ್ ಆಚರಣ್
ಕುಂದಾಪುರ್, ಸೆ.29: ಕುಂದಾಪುರ್ ಸಹಾಯಕ್ ಯಾಜಕ್ ಬಾಪ್ ವಿಜಯ್ ಜೊಯ್ಸನ್ ಡಿಸೋಜಾನ್ ಜಲ್ಮಾ ದಿವಸ್ ಆಜ್ ಫಿರ್ಗಜ್ ಲೊಕಾಂ ಸವೆಂ ಆನಿ ಆಯ್ಚ್ಯಾ ದಿಸಾ ಜಲ್ಮಾಲ್ಯಾ ಫಿರ್ಗಜ್‍ಗಾರಂ ಸವೆಂ ಸಾದ್ಯಾ ರೀತಿನ್ ಆಚರಣ್ ಕೆಲೊ. ಸಕಾಳಿ ಅರ್ಗಾಂ ಬಲಿದಾನ್ ಭೆಟಯ್ಲ್ಯಾ ಉಪ್ರಾಂತ್ ಯಾಜಕಾಂಚ್ಯಾ ಘರಾ ಮುಖಾರ್ ಕೇಕ್ ಕಾತರ್ನ್ ಆಚರಣ್ ಜಲ್ಮಾ ದೀಸ್ ಕೆಲೊ ಬಾಪ್ ವಿಜಯ್ ಜೊಯ್ಸನ್ ಡಿಸೋಜಾಕ್ ಲಾಂಭ್ ಆವ್ಕ್ ಬಳ ಭಲಾಯ್ಕಿ ಮಾಗೊನ್, ಯಾಜಕಿ ಜಿಣಿ ಸುಫಳ್ ಭರಿತ್ ಜಾಂವ್ದಿ ಮ್ಹಣನ್ ಸರ್ವಾಂಚ್ಯಾ ತರ್ಫೆನ್ ಗೊ.ಮಂ. ಉಪಾಧ್ಯಕ್ಷ್ ಜೇಕಬ್ ಡಿಸೋಜಾನ್ ಬೊರೆ ಮಾಗ್ಲೆಂ.
ಬಾಪ್ ವಿಜಯ್ ಹಾಣಿ ‘ಹಾಂವೆ ಯಾಜಕಿ ಭೆಸ್ ಅಪ್ಣಾಯ್ಲ್ಯಾನ್ ಆಜ್ ಹಾಂವ್ ಫಿರ್ಗಜೆಂತ್ ಜಲ್ಮಾ ದೀಸ್ ಆಚರಣ್ ಕರ್ಚೆಂ ಭಾಗ್ ಫಾವೊ ಜಾಲಾಂ. ಹಾಚ್ಯಾ ಪಾಟಿಂ ಮೊಜಿ ಆವಯ್ ಬಾಪಯ್ ಆಸಾತ್, ತಾಂಕಾಂ ಅಭಾರಿ ಜಾವ್ನಾಸಾ, ಇತ್ಲ್ಯಾ ವ್ಹಡಾ ಸಂಖ್ಯಾನ್ ಮ್ಹಾಕಾ ಶುಭಾಷಯ್ ಪಾಠಂವ್ಕ್ ಎಕ್ಟಾಯ್ ಜಾಲ್ಯಾ ಫಿರ್ಗಜ್‍ಗಾರಾಂಚೊ ಉಪ್ಕಾರ್ ಆಟಯ್ತಾ, ತಶೆಂಚ್ ಹಾಂವ್ ಯಾಜಕ್ ಜಾಂವ್ಕ್ ಮ್ಹಜಿಂ ವ್ಹಡಿಲಾ ಕಾರಣ್ ತಾಂಚೊ ಹಾಂವ್ ಉಪ್ಕಾರ್ ಆಟಯ್ತಾ, ಸಭಾರ್ ಸಂಗ್ತಿನಿಂ ಮ್ಹಾಕಾ ದೆವಾನ್ ರಾಕ್ಲಾ. ದೆವಾಕ್ ಅರ್ಗಾಂ. ತಶೆಂಚ್ ವಿಗಾರ್ ಮಾ|ಬಾ|ಸ್ಟ್ಯಾನಿ ತಾವ್ರೊ ಆನಿ ಪ್ರಾಂಶುಪಾಲ್ ಬಾಪ್ ಮ್ಹಾಕಾ ಮೊಗಾನ್ ಪಳೆತಾತ್ ತಾಂಚೊಯಿ ಉಪ್ಕಾರ್ ಭಾವುಡ್ತಾ’ ಮ್ಹಣನ್ ಉಪ್ಕಾರ್ ಆಟಯ್ಲೊ.
ವಿಗಾರ್ ಮಾ|ಬಾ|ಸ್ಟ್ಯಾನಿ ತಾವ್ರೊ ಹಾಜರ್ ಆಸೊನ್ ತಾಣಿ ಉಪ್ಕಾರ್ ಆಟಯ್ಲೊ ಬಾಪ್ ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಣಿ ಕಾರ್ಯೆ ಚಲವ್ನ್ ವೆಲೆಂ. ಹ್ಯಾ ಕಾರ್ಯಾಕ್ ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ, 18 ಆಯೋಗಾಚಿ ಸಂಚಾಲಕಿ ಪ್ರೇಮಾ ಡಿಕುನ್ಹಾ, ಕೊವೆತಾಂಚಿ ಸಿಸ್ಟರಾಂ, ಗುರ್ಕಾರ್, ಪ್ರತಿನಿಧಿ ತಶೆಂ ಅಧಿಕ್ ಸಂಖ್ಯಾನ್ ಫಿರ್ಗಜ್ ಪರ್ಜಾ ಹಾಜರ್ ಆಸ್ಲಿ.
