ಕುಂದಾಪುರ್ ಗಾಯನ್ ಪಂಗ್ಡಾಚೊ ಮೇಸ್ತ್ರಿ ಪಾಸ್ಕಲ್ ಡಿಸೋಜಾಚೊ ಭಾಂಗ್ರಾಳೊ ಜಲ್ಮಾ ದೀಸ್ ಆಚರಣ್
ಕುಂದಾಪುರ್, ಮಾ, 18: ಕುಂದಾಪುರ್ ರೊಜಾರ್ ಮಾಯ್ ಇಗರ್ಜೆಚೊ ಗಾಯನ್ ಪಂಗ್ಡಾಚೊ ಮೇಸ್ತ್ರಿ ಜಾವ್ನ್ ಸಭಾರ್ ವರ್ಷಾಂ ಥಾವ್ನ್ ವಾವ್ರ್ Pದಿಂವ್ನ್ ಆಸ್ಚೊ ಸಂಗೀತ್‍ಗಾರ್ ಪಾಸ್ಕಲ್ ಡಿಸೋಜ್ಚೊ ಜಲ್ಮಾ ದಿವಸ್ ಮಾಚ್ರ್ಯಾಚ್ಯಾ 17 ವೇರ್ ಅಯ್ತಾರಾ ಸಾಂಜೆರ್ ಗಾಯನ್ ಪಂಗ್ಡಾನ್ ಇಗರ್ಜೆಚ್ಯಾ ಮಿನಿ ಸಭಾಸಾಲಾಂತ್ ಗದ್ದಾಳಾಯೆನ್ ಆಚರ್ಸಿಲೊ.
ಪಾಸ್ಕಲಾಚೊ ಮೇಸ್ತ್ರೀ ಆನಿ ತಾಚೊ ಮಾರ್ಗದರ್ಶಕ್ ಜಾವ್ನಾಸ್ಲೊ ಕ್ಲಿಫರ್ಡ್ ಗೊನ್ಸಾಲ್ವಿಸ್ ಹಾಣಿ ‘ಪಾಸ್ಕಲ್ ಕೇವಲ್ ತೇರಾ ವರ್ಷಾಂಚೊ ಭುರ್ಗೊ ಆಸ್ತಾನಾ, ಸಂಗೀತಾಂತ್ ಆಸಕ್ತ್ ದಾಖಯ್ಲ್ಯಾನ್ ಹಾಂವೆ ತಾಕಾ ಪ್ರೇರಣ್, ಮಾರ್ಗದರ್ಶನ್ ದಿಲೆಂ. ಬರೊ ಸಂಗೀತ್‍ಗಾರ್ ಜಾಯ್ಜೆ ತರ್, ತರ್ಭೆತಿ ಅಪ್ಣಾಯ್ಜೆ ಮ್ಹಳ್ಯಾನ್ ಥೊಡ್ಯಾ ಕುಸಿನ್ ತಾಣೆ ತರ್ಭೆತಿ ಜೊಡ್ಲಿ, ಆತಾಂ ಸಭಾರ್ ವರ್ಷಾಂ ಥಾವ್ನ್ ಕುಂದಾಪುರ್ ರೊಜಾರ್ ಮಾಯ್ ಇಗರ್ಜೆಚ್ಯಾ ಗಾಯಾನ್ ಪಂಗ್ಡಾಚೊ ಮೇಸ್ತ್ರಿ ಜಾವ್ನ್ ಸೇವಾ ದಿಂವ್ನ್ ಆಸಾ. ಹ್ಯಾ ತಾಚ್ಯಾ ಸೇವೆ ವರ್ವಿಂ ಕುಂದಾಪುರ್ ಫಿರ್ಗಜ್ ವಾರಾಡ್ಯಾತಂಚ್ ಬೊರೆ ಗಾಯನ್ ಪಂಗಡ್ ಮ್ಹಣನ್ ನಾಂವಾಡ್ಲ್ಯಾ. ಪಾಸ್ಕಲಾನ್ ತಾಚೆಂ ದೆಣೆ ಹೆರಾಂಕ್ ವಾಂಟುನ್ ವರ್ಷಾಕ್ ದೋಗ್ ಜಣಾಂಕ್ ತರೀ ಸಂಗೀತ್ ವಾಜಯ್ತೆಲ್ಯಾಂಕ್ ತಯಾರ್ ಕರಿಜೆ’ ಮ್ಹಣ್ತಾ ದೇವ್ ತಾಕಾ ಲಾಂಭ್ ಆವ್ಕ್ ಬಳ್ ಭಲಾಯ್ಕಿ ದಿಂವ್ದಿ ಮ್ಹಣನ್ ತಾಣಿ ಸರ್ವಾಂಚ್ಯಾ ನಾಂವಿ ಬೊರೆ ಮಾಗ್ಲೆಂ.
ಫಿರ್ಗಜೆಚೊ ವಿಗಾರ್ ಭೊ|ಮಾ|ಬಾ|ಸ್ಟ್ಯಾನಿ ತಾವ್ರೊ ‘ಸಂಗೀತ್ ಆನಿ ಗಾಯನ್ ಬೊರೆ ಆಸ್ಲ್ಯಾರ್ ಭವಾಥ್ರ್ಯಾಂಕ್ ಬಲಿದಾನಾಂತ್ ಸಮಾಧಾನ್ ಜಾತಾಂ, ಲೋಕ್ ಬಲಿದಾನಾಕ್ ಚಡ್ ವಾಂಟೊ ಘೆತಾಂ, ಹೆಂ ಆಮ್ಚ್ಯಾ ಇಗರ್ಜೆ ಘಡ್ತಾಂ, ಹಾಂತುನ್ ಪಾಸ್ಕಲಾಚೊ ವಾಂಟೊ ಮಸ್ತ್ ಆಸಾ ಮ್ಹಣ್ತಾಂ’ ತಾಕಾ ಶುಭಾಷಯ್ ಪಾಟವ್ನ್ ಗಾಯನ್ ಪಂಗ್ಡಾ ಸವೆಂ ಮೆಳೊನ್ ಫುಲ್ ಫಳಾಂ, ಶೋಲ್ ಪಾಂಗರ್ನ್, ಪೆಟಾ ಗಾಲುನ್ ತಾಕಾ ಸನ್ಮಾನ್ ಕೆಲೊ. ಅಭಿನಂದನಾಕ್ ಲಾಗೊನ್ ಕವಿ ಬರ್ನಾಡ್ ಜೆ.ಕೋಸ್ತಾನ್ ರಚಲ್ಲಿ ಅಭಿನಂದನ್ ಕವಿತಾ ಗಾಯನ್ ಪಂಗ್ಡಾಚಿ ಅಧ್ಯಕ್ಷಿಣ್ ವಿನಯಾ ಡಿಕೋಸ್ತಾನ್ ವಾಚನ್ ಕರ್ನ್ ಅರ್ಪಣ್ ಕೆಲೆಂ.
ಫಿರ್ಗಜೆಚೊ ಉಪಾಧ್ಯಕ್ಷ್ ಜೇಕಬ್ ಡಿಸೋಜಾನ್ ‘ಪಾಸ್ಕಲ್ ಎಕ್ ಬರೊ ಸಂಗೀತ್‍ಗಾರ್, ತಾಚೆಂ ವರ್ವಿಂ ಕುಂದಾಪುರ್ಚೆ ಗಾಯನ್ ಬೊರೆ ಚಲ್ತಾಂ. ಮಾತ್ರ್ ನ್ಹಯ್ ತಾಣೆ ಸಂಗೀತ್ ಸಾಂಜ್ ಕೆಲ್ಯಾ, ಪೆÇದಾಂಚ್ಯೊ ಕೊವ್ಳಿ ಕಾಡ್ಲ್ಯಾತ್’ ಮ್ಹಣನ್ ಬೊರೆ ಮಾಗ್ಲೆಂ. ಸನ್ಮಾಕ್ ಜಾಪ್ ಜಾವ್ನ್ ‘ಆಪ್ಣಾಕ್ ಸಂಗೀತ್ ಶಿಕೊಂಕ್ ಪ್ರೇರಣ್ ಆನಿ ಮಾರ್ಗದರ್ಶನ್ ಕೆಲ್ಯಾ, ಕ್ಲಿಫರ್ಡ್ ಗೊನ್ಸಾಲ್ವಿಸಾಚೊ ಉಪ್ಕಾರ್ ಭಾವುಡ್ಲೊ, ಆನಿ ಆಪ್ಣಾಕ್ ಸಂಗೀತಾಂತ್ ಆನಿ ಗಾಯನಾಂತ್ ಆಸಕ್ತ್ ಯೆಂವ್ಕ್ ಆಪ್ಣಾಚಿ ಆವಯ್ ಕಾರಣ್ ಮ್ಹಣನ್ ತಾಣೆ ಆವಯ್ಚೊ ಉಗ್ಡಾಸ್ ಕಾಡ್ಲೊ, ತಶೆಂಚ್ ಮ್ಹಾಕಾ ಲಾಭ್ಲೆಂ ದೆಣೆ ಹಾಂವ್ ಹೆರಾಂಕ್ ವಾಂಟುನ್ ಘೆತೆಂ ಆಸಾ, ಅಶೆಂ ಥೊಡೆಂ ಸಂಗೀತ್‍ಗಾರ್ ಉದ್ಯೆಲ್ಯಾತ್. ತಶೆಂಚ್ ಆಪ್ಣಾಚೆ ಸಂಗೀತ್ ಉತ್ತಿಮ್ ಜಾಂವ್ಚ್ಯಾ ಪಾಸೊತ್ ಮಾರ್ಗದರ್ಶನ್ ದಿಲ್ಯಾ ಸರ್ವಾಂಕ್, ಆನಿ ಅಪ್ಣಾಚೊ ಜಲ್ಮಾ ದೀಸ್ ಗದ್ದಾಳೆಯೆನ್ ಆಸಾ ಕೆಲ್ಯಾ ಗಾಯನ್ ಪಂಗ್ಡಾಚೊ ತಾಣೆ ಉಪ್ಕಾರ್ ಭಾವುಡ್ಲೊ.
ಪ್ರಾಂಶುಪಾಲ್ ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸಾನ್ ಮಾಗ್ಣ್ಯಾಚಿ ರೀತ್ ಚಲವ್ನ್ ವೆಲಿ. ಸಹಾಯಕ್ ಯಾಜಕ್ ಮಾ|ಬಾ|ರೋಯ್ ಲೋಬೊನ್ ಜೆವ್ಣಾಚೆರ್ ಆಶಿರ್ವಚನ್ ಮಾಗ್ಲೆಂ. ಗಾಯನ್ ಪಂಗ್ಡಾಚಿ ಅಧ್ಯಕ್ಷಿಣ್ ವಿನಯಾ ಡಿಕೋಸ್ತಾನ್ ಸ್ವಾಗತ್ ಮಾಗ್ಲೊ. ಕಾರ್ಯದರ್ಶಿ ರೀಮಾ ಜೆ. ಡಿಆಲ್ಮೇಡಾನ್ ಧನ್ಯವಾದ್ ಪಾಠಯ್ಲೆಂ. ಫಿರ್ಗಜ್ ಕಾರ್ಯದರ್ಶಿ ಫೆಲ್ಸಿಯಾನ್ ಡಿಸೋಜಾ ಕಾರ್ಯೆ ಚಲವ್ನ್ ವೆಲೆಂ. ಹ್ಯಾ ಕಾರ್ಯಾಕ್ ಗಾಯನ್ ಪಂಗ್ಡಾಚೆ ಸರ್ವ್ ಸಾಂದೆ, ಸಾಂ.ಜುಜೆ ಕೊವೆತಾಂಚಿ ವ್ಹಡಿಲ್ನ್ ವೈಲೆಟ್ ತಾವ್ರೊ ಆನಿ ಗಾಯನ್ ಪಂಗ್ಡಾಚಿ ಧರ್ಮ್ ಭಯ್ಣ್ಯೊ ಹಾಜರ್ ಆಸ್ಲೆಂ.
