JANANUDI.COM NETWORK
ಕಥಾಪಾಠ್ – ಕಥೆಚೆರ್ ಅಧ್ಯಯನಾಚೆಂ ಕಾಮಾಸಾಳ್ಅಕ್ತೋಬರ್ ೨೫: ಕೊಂಕಣಿ ಕಥೆಂಚೆರ್ ಅಧ್ಯಯನ್ ಕರ್ಚ್ಯಾ ಇರಾದ್ಯಾನ್ ಆಶಾವಾದಿ ಪ್ರಕಾನ್ ಆನಿ ಉಜ್ವಾಡ್ ಪಂದ್ರಾಳೆಂ ಹಾಣಿಂ ಡಿಜಿಟಲ್ ಮಾಧ್ಯಮಾಚೆರ್ ಮಾಂಡುನ್ ಹಾಡ್ಲೆಲ್ಯಾ ಪಾಂಚ್ ವೆಬಿನಾರಾಂಚೆಂ ಪಯ್ಲೆಂ ವೆಬಿನಾರ್ ಅಕ್ತೋಬರ್ ೨೫ ತಾರಿಕೆರ್ (ಆಯ್ತಾರಾ) ಸಾಂಜೆರ್ ೪:೩೦ ಥಾವ್ನ್ ೬:೦೦ ಪರ‍್ಯಾಂತ್ ಚಲ್ಲೆಂ.
ಸಾಹಿತ್ಯ್ ಅಕಾಡೆಮಿ ಪುರಸ್ಕೃತ್ ಗೋಕುಲ್‌ದಾಸ್ ಪ್ರಭು ತಶೆಂಚ್ ಪಯ್ಣಾರಿ ಸಂಪಾದಕ್ ವಲ್ಲಿ ಕ್ವಾಡ್ರಸ್ ಹಾಣಿಂ ಮಟ್ವಿ ಕತೆಚ್ಯಾ ತಾಂತ್ರಿಕತೆಚೆರ್ ಉಪನ್ಯಾಸ್ ದಿಲೆಂ.ಸ್ಮಿತಾ ಶೆಣಯ್ ಹಿಣೆಂ ಉಪನ್ಯಾಸಕಾಂಚಿ ಮಟ್ವಿ ವಳೊಕ್ ಕರುನ್ ದಿತಚ್ ಸ್ವಾಗತ್ ಉಲವ್ಪಾಂತ್ ವಲ್ಲಿ ಕ್ವಾಡ್ರಸಾನ್ ೨೦೦೬ ಇಸ್ವೆಂತ್ ಕುವೆಯ್ಟಾಂತ್ ಸುರು ಕೆಲ್ಲ್ಯಾ ’ಕಥಾಪಾಠ್’ ವಿಶಿಂ ಉಲವ್ನ್, ಕೊಂಕಣಿ ಕಾಣಿಯಾಂಚೆಂ ಗುಣ್‌ಮಟ್ಟ್ ಚಡಂವ್ಚ್ಯಾ ದಿಶೆನ್ ಆಮಿ ಆಮ್ಚೆಂ ವಾಚಪ್ ಚಡಯ್ಜಯ್ ಆನಿ ಹೆರಾಂಚ್ಯೊ ಕಾಣಿಯೊ ವಾಚುಂಕ್ ಜಾಯ್ ಮ್ಹಣಾಲೊ. ಕಥಾಪಾಠಾಂತ್ ಸಹ-ಭಾಗಿತ್ವ್ ಜಾಲ್ಲ್ಯಾ ಸಮೇಸ್ತ್ ಕೊಲೆಜಿಚ್ಯಾ ಮುಖೆಸ್ತಾಂಕ್ ತಶೆಂಚ್ ವಿಧ್ಯಾರ್ಥಿಂಕ್ ಉಲ್ಲಾಸ್ ಪಾಟಯ್ಲೆ.
ಕಥಾಪಾಠಾಚೆಂ ಉಗ್ತಾವಣ್ ಕೆಲ್ಲ್ಯಾ ಮಾ|ಚೇತನ್ ಲೋಬೊನ್ ಸಮಾಜೆಚ್ಯಾ ಮೆಳ್ಯಾ ಚಿಂತ್ಪಾಕ್ ನಿತಳ್ ಕರ್ಚೆಂ ಕಾಮ್ ಸಾಹಿತ್ಯಾನ್ ಕರುಂಕ್ ಜಾಯ್ ಆನಿ ತ್ಯೇ ದಿಶೆನ್ ಮಟ್ವಿ ಕಾಣಿ ಏಕ್ ಬಳ್ವಂತ್ ಮಾಧ್ಯಮ್ ಮ್ಹಣಾಲೆ.
ಗೋಕುಲ್‌ದಾಸ್ ಪ್ರಭುನ್ ಮಟ್ವಿ ಕಥಾ ಕಶಿ ಆಸುಂಕ್ ಜಾಯ್, ಕಥೆಚೆಂ ಉಗಮ್, ಘಟಕಾಂ, ಮಾಂಡಾವಳ್, ಕಥಾಪಾತ್ರ್, ಸಂವಾದ್ ಅಶೆಂ ಸವಿಸ್ತಾರ್ ಮಾಹೆತ್ ದಿಲಿ. ವಲ್ಲಿ ಕ್ವಾಡ್ರಸಾನ್ ಪುರಾತನ್ ಕಾಳಾಥಾವ್ನ್ ಕಶೆಂ ಮವ್ಕಿಕ್ (ತೊಂಡ್ಪಾಶಿಂ), ಚಿತ್ರ್ ಮಾಧ್ಯಮಾಂನಿ (ಸ್ಕೆಚಾಂನಿ) ಮನಿಸ್ ಅಪ್ಲಿ ಅಭಿವ್ಯಕ್ತ್ ಕರೀತ್ ಆಯ್ಲಾ ಆನಿ ಜಾಗತಿಕ್ ಸಾಹಿತ್ಯಾಂತ್ ಕಥಾ; ಪ್ರತ್ಯೇಕ್ ಜಾವ್ನ್ ಮಟ್ವಿ ಕಥಾ ಕೆದ್ನಾಂ ಸುರು ಜಾಲ್ಲಿ, ಕೊಂಕಣಿಂತ್ ಕೆದ್ನಾಂ ಸುರು ಜಾಲ್ಲಿ ಮ್ಹಳ್ಳೆವಿಶಿಂ ಸುರ್ವಾತುನ್ ಮಟ್ವ್ಯಾ ಕತೆಚ್ಯಾ ಲಾಂಬಾಯ್, ಸುರ‍್ವಾತ್, ಸಂಪ್ಣಿ, ತಶೆಂಚ್ ಎಕಾ ಕಾಣಿಯೆಂತ್ ಆಸುಂಕ್ ಜಾಯ್ ಜಾಲ್ಲೆ ಗೂಣ್ ತಶೆಂಚ್ ಘಟಕಾಂ (Elements) ವಿಶಿಂ ಗುಂಡಾಯೆಚಿ ಮಾಹೆತ್ ದಿಲಿ.
ಉಜ್ವಾಡ್ ಪತ್ರಾಚ್ಯಾ ಸಂಪಾದಕ್ ಮಾ|ರೋಯ್ಸನ್ ಫೆರ್ನಾಂಡಿಸ್ ಹಾಣಿಂ ಧಿನ್ವಾಸ್ ಪಾಟಯ್ಲೆ. ಸ್ಮಿತಾ ಶೆಣಯ್ ಹಿಣೆಂ ಸೊಭಿತ್ ರಿತಿನ್ ಕಾರ‍್ಯೆಂ ಚಲಯ್ಲೆಂ. ಮಂಗ್ಳುರ್, ಮುಂಬಯ್, ಗೊಂಯ್‌ಚ್ಯಾ ಕೊಜೆಲಿಚ್ಯಾ ಸುಮಾರ್ ಶೆಂಭೊರ್ ಯುವಜಣಾಂನಿ ಹ್ಯಾ ಕಥಾಪಾಠಾಂತ್ ವಾಂಟೊ ಘೆತ್ಲೊ.
कथापाठ – कथेचेर अध्ययनाचें कामासाळ
अक्तोबर २५: कोंकणी कथेंचेर अध्ययन कर्च्या इराद्यान आशावादी प्रकान आनी उज्वाड पंद्राळें हाणीं डिजिटल माध्यमाचेर मांडून हाडलेल्या पांच वेबिनारांचें पयलें वेबिनार अक्तोबर २५ तारिकेर (आयतारा) सांजेर ४:३० थावन ६:०० पर्यांत चल्लें. साहित्य अकाडेमी पुरसकृत गोकूलदास प्रभू तशेंच पयणारी संपादक वल्ली क्वाड्रस हाणीं मटवी कतेच्या तांत्रिकतेचेर उपन्यास दिलें.
स्मिता शेणय हिणें उपन्यासकांची मटवी वळोक करून दितच स्वागत उलवपांत वल्ली क्वाड्रसान २००६ इस्वेंत कुवेयटांत सुरू केल्ल्या ’कथापाठ’ विशीं उलवन, कोंकणी काणियांचें गूणमट्ट चडंवच्या दिशेन आमी आमचें वाचप चडयजय आनी हेरांच्यो काणियो वाचुंक जाय म्हणालो. कथापाठांत सह-भागित्व जाल्ल्या समेसत कोलेजिच्या मुखेसतांक तशेंच विध्यार्थिंक उल्लास पाटयले.
कथापाठाचें उग्तावण केल्ल्या मा|चेतन लोबोन समाजेच्या मेळ्या चिंत्पाक नितळ कर्चें काम साहित्यान करुंक जाय आनी त्ये दिशेन मटवी काणी एक बळवंत माध्यम म्हणाले.
गोकूलदास प्रभून मटवी कथा कशी आसुंक जाय, कथेचें उगम, घटकां, मांडावळ, कथापात्र, संवाद अशें सविसतार माहेत दिली. वल्ली क्वाड्रसान पुरातन काळाथावन कशें मवकीक (तोंडपाशीं), चित्र माध्यमांनी (स्केचांनी) मनीस अपली अभिव्यक्त करीत आयला आनी जागतीक साहित्यांत कथा; प्रत्येक जावन मटवी कथा केदनां सुरू जाल्ली, कोंकणिंत केदनां सुरू जाल्ली म्हळ्ळेविशीं सुर्वातून मटव्या कतेच्या लांबाय, सूर्वात, संपणी, तशेंच एका काणियेंत आसुंक जाय जाल्ले गूण तशेंच घटकां (Elements) विशीं गुंडायेची माहेत दिली.
उज्वाड पत्राच्या संपादक मा|रोयसन फेर्नांडीस हाणीं धिन्वास पाटयले. स्मिता शेणय हिणें सोभीत रितीन कार्यें चलयलें.
मंगळूर, मुंबय, गोंयच्या कोजेलिच्या सुमार शेंभोर युवजणांनी ह्या कथापाठांत वांटो घेतलो.
–