JANANUDI.CO NETWORK
ಒಕ್ಟೋಬರ್ 2 ವೆರ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರ್ ಕುಂದಾಪುರಾಂತ್ ಮಹಾ ಪ್ರಥಮ್ ಪ್ರದರ್ಶನ್
ಕುಂದಾಪುರ್, ಸೆ.25: ಯಶಸ್ವಿ ಪ್ರದರ್ಶನ್ ಜಾವ್ನಾಸ್ಚೆಂ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಕೊಂಕಣಿ ಪಿಂತುರ್ ಕುಂದಾಪುರಾಂತ್ ಒಕ್ಟೋಬರಾಚ್ಯಾ 2 ತಾರೀಕೆರ್ 2 ವೊರಾರ್ ತ್ರಾಸಿಚ್ಯಾ ಕೊಂಕಣ್ ಖಾರ್ವಿ ಭವನಾಂತ್ ಉಗ್ತಾವಣ್ ಕಾರ್ಯಾಚ್ಯಾ ಉಪ್ರಾಂತ್ ಪ್ರಥಮ್ ಮಹಾ ಪ್ರದರ್ಶನ್ ಜಾತಲೆಂ.
‘ನಿರ್ಮಿಲ್ಲೆಂ ನಿರ್ಮೊಣೆಂ’ ಕೊಂಕಣಿ ಪಿಂತುರ್ ಅಗೋಸ್ತಾಚ್ಯಾ 23 ತಾರೀಕೆರ್ ಕೊಡಿಯಾಳ್ ಶಹರಾಂತ್ ‘ಪ್ರೆಸೆಟೊಂನ್ ಎಂಟರ್ ಪ್ರೈಸಸ್’ ಬ್ಯಾನರಾಚ್ಯಾ ಸಕಲ್ ಪ್ರದರ್ಶನ್ ಜಾವ್ನ್ ಹರ್ಯೆಕ್ ಪ್ರದರ್ಶನ್ ಹೌಸ್‍ಫುಲ್ ಜಾವ್ನ್ ಪ್ರೇಕ್ಷಕಾಂಚಿಂ ಮನಾಂ ಜಿಕ್ಚ್ಯಾಂತ್ ಸಫಲ್ ಜಾಲಾಂ.
ಆತಾಂ ಹ್ಯಾ ಫಿಲ್ಮಾಚೆಂ ಪ್ರದರ್ಶನ್ ಕುಂದಾಪುರ್ ತ್ರಾಸಿಂತ್ ಫಿಲ್ಮಾಚಿ ಮುಖ್ಯ್ ನಟಿ ಸೀಮಾ ಬುತೆಲ್ಲೊ ಆನಿ ಡಿಜೆ ರೋಶ್ ಇವೆಂಟ್ಸ್ ಹಾಂಚ್ಯಾ ಮುಖೇಲ್ಪಾಣಾರ್ ಪ್ರದರ್ಶನ್ ಜಾತಾಂ. ಹ್ಯಾ ಕುಂದಾಪುರ್ ಪ್ರಥಮ್ ಪರ್ದರ್ಶನಾಚೆಂ ಉಗ್ತಾವಣ್ ಕುಂದಾಪುರ್ ರೊಜಾರ್ ಮಾಯ್ ಫಿರ್ಗಜೆಚೊ ವಿಗಾರ್ ತಶೆಂ ಕುಂದಾಪುರ್ ವಾರಾಡೊ ವಿಗಾರ್ ವಾರ್ ಭೊ|ಮಾ|ಬಾ|ಸ್ಟ್ಯಾನಿ ತಾವ್ರೊ ಉಗ್ತಾವಣ್ ಕರ್ತಾಲೆಂ.
ಹೆಂ ಫಿಲ್ಮಾಚ್ಯಾ ಕಾಣಿಯೆಚೊ ಬರವ್ಪಿ ತಶೆಂ ಪ್ರೊಡ್ಯೂಸರ್ ಜಾವ್ನಾಸಾ ಹೆನ್ರಿ ಡಿಸಿಲ್ವಾ, ನಿರ್ದೇಶಕ್ ಮೆಲ್ವಿನ್ ಎಲ್ಪೆಲ್ ಜಾವ್ನಾಸಾ
‘ಹೆಂ ಫಿಲ್ಮ್ ಕುಟ್ಮಾದಾರಾನಿಂ ಬಸೊನ್ ಪಳೆಂವ್ಚೆ ಫಿಲ್ಮ್ ಜಾವ್ನಾಸಾ, ಹಾಂತುನ್ ಮಾರಾಮಾರಿ ನಾ, ಅಶ್ಲೀಲ್ ಹಾಸ್ಯ್ ನಾ. ತಶೆಂಚ್ ಹೆಂ ಕುಂದಾಪುರ್ ಕರಾವಳ್ ದೆಗೆರ್ ಶೂಟಿಂಗ್ ಕೆಲ್ಲೆಂ ಫಿಲ್ಮ್ ಜಾವ್ನಾಸಾ’ ಮ್ಹಣನ್ ನಟಿ ಸೀಮಾ ಬುತೆಲ್ಲೊ ಸಾಂಗ್ತಾ.
ಕಿತೆಂಯಿ ಜಾಂವ್ ಕೊಂಕ್ಣಿ ಲೋಕಾನ್ ಕಲೆಚ್ಯಾ ಮನೋಭಾವನ್ ಕೊಂಕ್ಣಿ ಫಿಲ್ಮಾಕ್ ಪ್ರೋತ್ಸಾಹ್ ದಿಜೆ, ಆನಿ ದಿಂವ್ಯಾ. ಫಿಲ್ಮಾಚ್ಯೊ ಟೀಕೆಟಿಂ ಖಂಯ್ ಮೆಳ್ತಾತ್ ತಾಂಕಾಂ ಸಂಪರ್ಕ್ ಕರ್ನ್ ಟಿಕೇಟ್ಯೊ ಅಮಾನತ್ ಕರಾ.
ಒಕ್ಟೋಬರ್ 2 ವೊರಾ ಉಪ್ರಾಂತ್ ಪರತ್ 5 ವೊರಾರ್ ಅನ್ಯೇಕ್ ಪ್ರದರ್ಶನ್ ಆಸ್ತೆಲೆಂ ಮ್ಹಣನ್ ಸಂಘಟನ್‍ಗಾರಾನಿಂ ಕಳಯ್ಲಾ.
