ಏ ಚೆಡ್ವಾ ತುಂ ….. (ಸುರೇಶ್ ಸಲ್ದಾನ್ಹಾ, ಸಕಲೇಶ್ಪುರ್)
***************
ಏ ಚೆಡ್ವಾ ತುಂ …..
ಮೊವಾಳ್ ಕಾಳ್ಜಾಚೆಂ
ನಿತಳ್ ಮ್ಹನಾಚೆಂ
ಫುಲ್ ತುಂ ಗುಲೊಬಾಚೆಂ
ಸರ್ವಾಂಕ್ ಮೊಗಾಚೆಂ…
ಆಪ್ಣಾಕ್ ದುಕ್ಲ್ಯಾರಿ ದಾಕಯ್ನಾಯ್
ಬೊಗ್ಸಿ ಮ್ಹಳ್ಳೆಂಚ್ ಸರ್ವ್ ವಿಸ್ರಾತಾಯ್
ದುಸ್ರ್ಯಾಂಚ್ಯಾ ಕುಶೆಕ್ ಲಾಗೊನ್
ಆಪ್ಣಾಕಚ್ ಸಾಕ್ರಿಫಿಸ್ ದಿತಾಯ್…..
ಪ್ರಥ್ವಿ ಸಯ್ತ್ ತುಜಿಚ್ ಜಾಲಿ
ದೇಶಾಚಿ ತುಂ ಮಾತಾ ಜಾಲಿ….
ನ್ಹಂಯಾಂಕ್ ಸಯ್ತ್ ತುಜಿಂಚ್ ನಾಂವಾಂ
ಅಸಾತ್ ಸಬಾರ್ ತುಜಿಂಚ್ ಗಾಂವಾ
ಸದಾನಿತ್ ತುಜೆರ್ ಚಲ್ತಾ ಅತ್ಯಾಚ್ಯಾರ್
ಸಾಮೂಹಿಕ್ ಥರಾನ್ ಭಲಾತ್ಕಾರ್
ಕುಶಿನ್ ತುಜ್ಯಾ ಗುಂವ್ತಾತ್ ಲುಟ್ಕಾರ್
ಚಿಂತೊನ್ ಜಾಲಾಂಯ್ ಲಾಚ್ಯಾರ್…
ಚೆಡ್ವಾ ತುಜ್ಯಾ ಮೊಗಾಕ್ ನಾ ಮೊಲ್
ಸಗ್ಳ್ಯಾನಿಂ ಚಲೊನ್ ಅಸಾ ಗೊಲ್ ಮಾಲ್
ಥೊಡೆ ತುಕಾ ಪಳೆತಾಚ್ ಜಾತಾತ್ ಅಮಲ್
ಬಗರ್ ಚೆಡುಂ ತುಂ ಎಕ್ದಮ್ ಕಮಲ್ ಅಹ್ವಲ್
* ಸುರೇಶ್ ಸಲ್ದಾನ್ಹಾ, ಸಕಲೇಶ್ಪುರ್
[ಸುರೇಶ್ ಸಲ್ಡಾನ್ಹಾ, ಪ್ರಸ್ತುತ್ ಆಭುದಾಬಿಂತ್ ವಾವ್ರ್ ಕರ್ನ್ ಆಸ್ಚೊ ಗೂಂಡ್ ಚಿಂತ್ಪಾಚೊ ಕವಿ. ಮಾಂಯ್ ಗಾಂವಾಂತ್ ಸಕಲೇಶಪುರಾಚೊ. ಪಾಟ್ಲ್ಯಾ ವೀಸ್ ವರ್ಸಾಥಾವ್ನ್ ನವಿ ಮುಂಬಯಾತ್ಲ್ಯಾ ಪನ್ವೆಲಾಂತ್ ಆಪ್ಲ್ಯಾ ಕುಟ್ಮಾ ಸವೆಂ ವಸ್ತಿ ಕರ್ನ್ ಆಸಾ. ಹಾಚಿಂ ವಿಂಚ್ಣಾರ್ ಕವನಾಂ ಮಾಂಯ್ ಭಾಸ್.ಕೊಮ್, ಕೊಂಕ್ಣಿ ಲವ್, ಆಂಕ್ರಿ, ವೀಜ್ ಹಪ್ತ್ಯಾಳೆಂ ತಸಲ್ಯಾ ಜಾಳಿ ಜಾಗ್ಯಾನಿ೦ ಪರ್ಜಳ್ಳ್ಯಾಂತ್ ತರ್, ದಿವೊ, ಕುರೊವ್ ಆನಿಂ ಝೆಲೊ ತಸಲ್ಯಾ ಕೊಂಕ್ಣೆಚ್ಯಾ ಮಾಲ್ಘಡ್ಯಾ ಪತ್ರಾನಿಂ ಫಾಯ್ಸ್ ಜಾಲ್ಯಾಂತ್. ಕಾನಡಿ ಲಿಪಿಂತ್ ವರೆಗ್ ಕವನಾಂ ಬರಯ್ಲೆಲಿ ಹೊಗ್ಳಿಕ್ ಆನಿ ಕೀರ್ತ್ ಹಾಕಾ ಫಾವೊ. ಕೊಂಕಣಿಂತ್ ಆಯ್ಲೆವಾರ್ ಸರಾಗ್ ಬರೊಂವ್ಚ್ಯಾ ಕವಿ/ಲೇಖಕಾಂ ಪಯ್ಕಿ ಎಕ್ಲೊ ಜಾವ್ನಾಸಾ. ಫೇಸ್ ಬುಕ್, ಅಂತರ್ ಜಾಳಿ ಜಾಗೆ ಆನಿ ವಾಟ್ಸಾಪ್ ಪಂಗ್ಡಾಂನಿ ಪ್ರಸ್ತುತ್ ವಿಷಯಾಂ ವಯ್ರ್ ಬರಯ್ತಾ. ಕವಿತಾ ಕಾಮಾ ಶಾಳಾಂನಿ ಚುಕಾನಾಸ್ತಾಂ ಪಾತ್ರ್ ಕಾಣ್ಘೆತಾ. ಆಪುಟ್ ಕೊಂಕಣಿ ಮೊಗಿ ಜಾವ್ನಾಸಾ.
ಸುರೇಶ್ ಸಲ್ಡಾನ್ಹಾ,ಸಕಲೇಶ್ಪುರ್(ಪನ್ವೆಲ್)