ಕುಂದಾಪುರ, ಎ.26 ಉಡುಪಿ-ಚಿಕ್ಕಮಗಳೂರು ಲೋಕಸಭಾ ಕ್ಷೇತ್ರ ವ್ಯಾಪ್ತಿಯ ಕುಂದಾಪುರ ನಗರದಲ್ಲಿ ಬೆಳಿಗ್ಗೆ ಬೆಳಿಗ್ಗೆಯೆ ಮತದಾನ ಮಾಡಲು ಮತದಾರರು ಆಗಮಿಸಿ ಮತ ಚಲಾಯಿಸಲು ಆರಂಭಿಸಿದರು. ಕುಂದಾಪುರ ನಗರದ ಹ್ರದಯ ಭಾಗದಲ್ಲಿರುವ ಕುಂದಾಪುರ ಸರಕಾರಿ ಪದವಿ ಪೂರ್ವ ಕಾಲೇಜಿನ ಮತ ಕಟ್ಟೆಯಲ್ಲಿ ಬೆಳಿಗ್ಗೆಯೆ ಬಿರುಸಿನ ಮತದಾನ ನಡೆಯಿತು.
ಅಲ್ಲಲ್ಲಿ ಸಾಂಪ್ರಾದಯಕ ಮತಕಟ್ಟೆಗಳನ್ನು ನಿರ್ಮಿಸಲಾಗಿದ್ದು, ಆಕರ್ಷಣೆಗೆ ಒಳಗಾಗಿದ್ದವು. ಕುಂದಾಪುರ ಸಂತ ಮೇರಿಸ್ ಶಿಕ್ಷಣ ಸಂಸ್ಥೆಗಳ ಅವರಣದಲ್ಲಿ, ಹಿಂದು ಶಾಲೆಯಲ್ಲಿ, ಇನ್ನಿತರ ಶಾಲೆಗಳಲ್ಲಿ ಸಾಂಪ್ರಾದಾಯಿಕ ಮತ ಕಟ್ಟೆಗಳನ್ನು ನಿರ್ಮಿಸಲಾಗಿದ್ದು ಜನಾಕರ್ಷಣೆಗೆ ಒಳಾಗಾದವು. ಅದಲ್ಲದೆ ಸೆಲ್ಫಿ ಫೋಟೊಗಳನ್ನು ತೆಗೆದುಕೊಳ್ಳಲು ವಿಶೇಷವಾಗಿ ವೇದಿಕೆಗಳನ್ನು ಕೂಡ ತಯಾರಿಸಲಾಗಿತ್ತು.
