ಜೆಸಿಐ ವಲಯ 15ರ ವಲಯಾಧ್ಯಕ್ಷ ಅಭಿಲಾಷ್ ಬಿ.ಎ ಅವರಿಗೆ ಸನ್ಮಾನ ಕೋಟ: ಕೋಟೇಶ್ವರ ಗಾಣಿಗ ಯುವ ಸಂಘಟನೆ ಮತ್ತು ಮಹಿಳಾ ಸಂಘಟನೆ ಆಶ್ರಯದಲ್ಲಿ ಭಾನುವಾರ ಬೀಜಾಡಿ ಮಿತ್ರಸೌದದಲ್ಲಿ ಜೆಸಿಐ ಭಾರತದ ಪ್ರತಿಷ್ಠಿತ ವಲಯ 15ರ ವಲಯಾಧ್ಯಕ್ಷರಾಗಿ ಆಯ್ಕೆಯಾದ ಕೋಟೇಶ್ವರ ಗಾಣಿಗ ಯುವ ಸಂಘಟನೆಯ ಮಾಜಿ ಅಧ್ಯಕ್ಷ ಅಭಿಲಾಶ್ ಬಿ ಎ ಅವರನ್ನು ಸನ್ಮಾನಿಸಿ ಗೌರವಿಸಲಾಯಿತು. ಡಾ.ಶಿವರಾಮ ಕಾರಂತ ಶಿಕ್ಷಣ ಶಿಕ್ಷಕ ಪ್ರಶಸ್ತಿ ಪುರಸ್ಕøತ ಮುಖ್ಯಶಿಕ್ಷಕ ಕೆ.ಎಸ್.ಮಂಜುನಾಥ್ ಅಭಿನಂದನಾ ಭಾಷಣ ಮಾಡಿ ಇದು ಜೆಸಿಐ ಸಂಸ್ಥೆಯಲ್ಲಿ ದೊಡ್ಡ ಗೌರವದ ಪದವಿಯಾಗಿದೆ.ಒಳ್ಳೆಯ ನಾಯಕತ್ವ ಗುಣ ಉಳ್ಳ ಅಭಿಲಾಷ್ ಬಿ.ಎ ಅವರಿಗೆ ಇದು ಅರ್ಹವಾಗಿಯೇ ಒಲಿದು ಬಂದಿದೆ ಎಂದರು.ಸಮಾರಂಭದ ಅಧ್ಯಕ್ಷತೆಯನ್ನು ಕೋಟೇಶ್ವರ ಗಾಣಿಗ ಯುವ ಸಂಘಟನೆಯ ಅಧ್ಯಕ್ಷ ಬಿ.ಜಿ.ನಾಗರಾಜ ವಹಿಸಿದ್ದರು. ಈ ಸಂದರ್ಭದಲ್ಲಿ ಕೋಟೇಶ್ವರ ಗಾಣಿಗ ಯುವ ಸಂಘಟನೆಯ ಕಾರ್ಯದರ್ಶಿ ಮಹೇಶ್ ಗಾಣಿಗ,ಕೋಶಾಧಿಕಾರಿ ಎಸ್.ಎನ್.ಗೋಪಿರಾಜ್, ಮಾಜಿ ಗೌರವಾಧ್ಯಕ್ಷರಾದ ಶಂಕರನಾರಾಯಣ ಗಾಣಿಗ, ಪ್ರಕಾಶ ಗಾಣಿಗ, ಮಹಿಳಾ ಘಟಕದ ಅಧ್ಯಕ್ಷೆ ಸವಿತಾ ಗಾಣಿಗ, ಗೌರವಾಧ್ಯಕ್ಷೆ ಕಲಾವತಿ ಗಾಣಿಗ,ಕೋಶಾಧಿಕಾರಿ ನೇತ್ರಾವತಿ ಗಾಣಿಗ ಉಪಸ್ಥಿತರಿದ್ದರು.
ಮಹಿಳಾ ಘಟಕದ ಕಾರ್ಯದರ್ಶಿ ವೀಣಾ ರಾವ್ ಸ್ವಾಗತಿಸಿ ವಂದಿಸಿದರು.