ಕುಂದಾಪುರ್, ಎ.6; ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆಚ್ಯಾ ಎ.5 ಸುವಾರ್ತಾ ಆಯೋಗಾನ್ ಮಾಂಡುನ್ ಹಾಡ್ಲೊ ಡ್ರಾಮಾ “ದಾದ್ಲ್ಯಾ ಮಧೆಂ ತುಂ ಸದೆಂವ್” ಯಶಸ್ವೆನ್ ಪ್ರದರ್ಶನ್ ಜಾಲೊ.
ಡ್ರಾಮಾ ಆರಂಭ್ ಜಾಂವ್ಚ್ಯಾ ವೇಳಾರ್ ಕುಂದಾಪುರ್ ಪಾವ್ಸ್ ಆಯ್ಲ್ಯಾನ್ ಇಗರ್ಜೆಚ್ಯಾ ಸಭಾಸಾಲಾಂತ್ ನಾಟಕ್ ಪ್ರದರ್ಶನ್ ಜಾಲೊ. ಕಲಾಕಾರಾನಿ ಅರ್ದ್ಯಾ ವೊರಾ ಭಿತರ್ ನಾಟಕ್ ಪ್ರದರ್ಶನ್ ಕರುಂಕ್ ಕಶ್ಟಾಂಚಿ ರಂಗ್ ಮಂಚ್ ತಿ, ಜಾಲ್ಯಾರಿ ಕಲಾಕಾರಾನಿ ರಂಗ್ ಮಂಚಾರ್ ಜಾಯ್ ಆಸ್ಲೆ ಸನ್ನಿವೇಶ್, ದ್ರಶ್ಯ್ ಮಾಂಡುನ್ ಹಾಡ್ನ್ ನಾಟಕ್ ಪ್ರದರ್ಶನ್ ಉತ್ತಿಮ್ ರೀತಿರ್ ಪ್ರದರ್ಶನ್ ಕೆಲೊ.
ನಾಟಕಾಚಿ ಕಥಾ ಏಕ್ ಕಾಲ್ಪನಿಕ್ ಜಾವ್ನಾಸೊನ್, ಜೆಜು ಕ್ರಿಸ್ತಾಕ್ ಖುರ್ಸ್ಯಾಯ್ಲ್ಯಾ ಉಪ್ರಾಂತ್ ಸಕ್ಕಡ್ ಶಿಸ್ ಪೊಳ್ನ್ ದಾಂವ್ತಾತ್, ಭಿಯಾನ್ ಬಿಜುಡ್ತಾತ್, ದದೆಸ್ಪಾರ್ ಜಾತಾತ್, ಹ್ಯಾ ವೇಳಾ ಶಿಸ್ ದದೆಸ್ಪಾರ್ ಜಾವ್ನ್ ಲಿಪೊನ್ ರಾವ್ಲೆ, ತೆಂ ಎಕಾ ಮೆಕಾ ಜಗ್ಡ್ಯಾ ಬರಿ ಸಂಭಾಷಣ್ ಚಲಯ್ತಾತ್, ಪೆದ್ರು ಭಿಯೆಲ್ಯಾನ್ ಹಾಂವೆಂ ನೆಗಾರ್ ಕೆಲ್ಲೊ ಮ್ಹಣುನ್ ರುಜು ಕರ್ಚ್ಯಾ ಖಾತಿರ್ ತಲ್ವಾರಿನ್ ತಾಚ್ಯಾ ಸಾಂಗಾತಿ ಶಿಸಾಕ್ ಆಡ್ ಘಾಲ್ನ್ ತಲ್ವಾರ್ ಗೊಮ್ಟೆಲಾಗಿಂ ಧವರ್ನ್ ಭಿಂವ್ಡಾಯ್ತಾ, ಆತಾಂ ತುಂ ಭಿಯೆಲೊಯ್ಗೀ ವಿಚಾರ್ತಾ (ಹಾಂಗಾಸರ್ ತಲ್ವಾರಿಚಿ ಗರ್ಜ್ ಆಸ್ಲಿಗಿ ಮ್ಹಣುನ್ ಮ್ಹಾಕಾ ಬೊಗ್ಲೆ. ಕಿತ್ಯಾಕ್ ಮ್ಹಳ್ಯಾರ್ ಜೆಜುಕ್ ಮೊಳ್ಯಾಂತ್ ಧರ್ಲ್ಯಾ ವೇಳಾರ್ ಎಕಾ ಸೆವಕಾಚೊ ಕಾನ್ ಕಾಪ್ಲ್ಯಾ ವೇಳೀ ತುಜಿ ತಲ್ವಾರ್ ಭಿತರ್ ಗಾಲ್’ ಮ್ಹಣುನ್ ಪೆದ್ರುಕ್ ಭೆಷ್ಟಾಯ್ತಾ, ಜೆಜುನ್ ಹ್ಯಾ ಶಿಸಾಂಕ್ ಚಡ್ ಉಣೆ ತೀನ್ ವರ್ಸಾಂ ತರ್ಬೆತಿ ದಿಲ್ಯಾ. ಅಸಲೆ ಶಿಸ್ ತಲ್ವಾರ್ ಉಭಾರ್ತಾತ್ ಗಿ ? ಮ್ಹಳೆ ಸವಾಲ್ ದೊಷ್ತಾ. ದೇಶ್ ಭಕ್ತ್ ಸಿಮಾಂವಾಲಾಗಿಂ ವ್ಹಡ್ಲಿ ಜಯ್ತ್ ತಲ್ವಾರ್ ನಾಟ್ಕಾಚ್ಯಾ ಪೂರ್ಣ್ ವೇಳಾ ಆಸ್ತಾ, ಶಿಸ್ ತೊಮಾಸಾಚೆ, ದುಭಾವ್ ಪಣಾಚಿಂ ಸಂಭಾಷಣ್ ಆಸಾ, ಅಸಲೆಂ ಸಭಾರ್ ಅನ್ವಯ್ ಜಾಯ್ನಾತ್ಲೆಂ ಸಂಭಾಷಣ್ ಆಸಾ ಹ್ಯಾ ನಾಟಕಾಂತ್, ಮರಿ ಮಾಯ್ ಹ್ಯಾ ವೇಳಾ ದಾಖಯ್ಚ್ ನಾಂತ್, ಭಿಜುಡ್ಲ್ಯಾ ಶಿಸಾಂಕ್ ಧೈರ್ ದಿಲೆಂಚ್ ಮರಿಯೆ ಮಾಯೆನ್.
ಹಾಂವೆ ಹೊ ನಾಟಕ್ ಬೊರೊ ನಾ ಮ್ಹಣುನ್ ಸಾಂಗೊಕ್ ವೆಚೆಂ ನ್ಹಯ್. ಹ್ಯಾ ನಾಟ್ಕಾಚೊ ಬರಯ್ಣಾರ್ ದೊ. ಆಲ್ವಿನ್ ಸೆರಾವೊ. ತೊ ಜಾವ್ನಾಸಾ. ಏಕ್ ಯಾಜಕಾಕ್ ಲೋಕ್ ಮಾಂದ್ತಾ ಪಾತ್ಯೆತಾ, ಹ್ಯಾ ವೇಳಾ ಜೆಜುಚೆಂ ಶಿಸ್ ಜೆಜುಚ್ಯಾ ಮರ್ಣಾ ಉಪ್ರಾಂತ್ ಕಚ್ಚಾಟ್ ಕರ್ತಾತ್ ಮ್ಹಳೆ ದಾಖಯ್ಲಾರ್, ಆಮ್ಚೆಂ ಮಧೆಂ ಬೊಳೊ ಲೋಕ್ ಆಸಾ, ಕಾಲ್ಪನಿಕ್ ಮ್ಹಳ್ಯಾರಿ, ಅಸೆಂ ಘಡ್ಲಾ ಜಾಂವ್ಕ್ ಪುರೊ ಮ್ಹಳ್ಯಾ ಬರಿ ತಾಂಚ್ಯಾ ಮತಿಂತ್ ವಿಷಯ್ ಗುವಾಂತ್ ಆಸ್ತಾ, ಸಾಂತಾಕ್ಲಾಸ್ ಮ್ಹಳೊ ಎಕ್ ಯಾಜಕ್ ನತಾಲಾ ವೆಳಾರ್ ಅನಾಥಾಂಕ್, ಭುರ್ಗ್ಯಾಂಕ್ ಕಾಣಿಕ್ ದಿವ್ನ್ ಖ್ಯಾತ್ ಜಾಲ್ಲೊ ತಾಕಾ ವಿಚಿತ್ರ್ ರೀತಿರ್ ಕಾಲ್ಪನಿಕ್ ರೀತಿರ್ ರಂಗಾಳ್ ಕರ್ನ್, ವ್ಹಡ್ಲೆ ಖಾಡ್, ಮಿಸಿ, ಟೋಪಿ, ತಾಂಬ್ಡೊ ದಗ್ಲೊ ಘಾಲ್ನ್ ವಿಚಿತ್ರ್ ರೀತಿರ್ ಶ್ರಗಾಂವ್ನ್ ದಾಖಯ್ಲ್ಯಾನ್ ಆಜ್ ಸಾಂತಾಕ್ಲಾಸ್ ಚ್ ಜೆಜು ಮ್ಹಣುನ್ ಹಿಂದ್ವಾನಿ ಚಿಂತ್ಲಾ, ಕ್ರಿಸ್ ಮಸ್ ವೆಳಾರ್ ಖಂಯ್ ಗೆಲ್ಯಾರಿ ಸಾಂತಾಕ್ಲಾಸಾಚೊ ವೈಭವ್. ಹೆಂ ಪೂರಾ ಕಾಲ್ಪನಿಕ್ ಕಥಾ ದ್ವಾರಿ ಜಾಲ್ಲೆಂ.
ಅಶೆಂ ಹೆಂ ನಿಜಚ್ ಘಡ್ಲೆಂ ಮ್ಹಣುನ್ ಪಾತ್ಯೆವ್ನ್ ಸಂದೇಶ್ ದುಸ್ರೊ ಜಾವ್ನ್ ಬದ್ಲುಂಕ್ ಪುರೊ. ಜೆಜು ವಿಶ್ಯಾಂತ್, ಬೈಬಲಾಂತ್ಲ್ಯಾ ಘಡಿತಾ ವಿಶ್ಯಾಂತ್ ಕಾಲ್ಪನಿಕ್ ಕಥಾ ವಿಣ್ತಾನಾ, ಮಸ್ತ್ ಚಿಂತಿಜೆ ಪಡ್ತಾಂ, ಹೊ ನಾಟಕ್ ಕ್ರಿಸ್ಟಿ ನಿನಾಸಂ ಖೆಳ್ನ್ ದಾಖಯ್ತಾ. ಹ್ಯಾ ಪಂಗ್ಡಾಕ್ ಕ್ರಿಸ್ತಾಂವ್ ಸೊಡ್ನ್ ಹಿಂದ್ವಾಚೆಯಿ ಅಭಿಮಾನಿ ಆಸಾತ್, ಜೆಜುಚೆ ಕಚ್ಚಾಟ್ ಪಳೆಲೆಂ ತೆಂ ಕಿತೆಂ ಚಿಂತಾತ್?
ಲೇಕಕಾನ್ ದುಸ್ರ್ಯಾಯಿ ಕಾಲ್ಪನಿಕ್ ಥರಾನ್ ಚಿಂತ್ಯೆತ್ ಆಸಲ್ಲೆಂ. ಹ್ಯಾ ನಾಟಕಾಚಿ ಕಥಾ, ಲಾಯಿಕ್ ಮನ್ಸ್ಯಾನ್ ಬರಯ್ಲಿ ತರ್ ಲೋಕ್ ಸಭಾರ್ ಥರಾಂಚಿಂ ಸವಾಲಾಂ ವಿಚಾರ್ತಾ ಆಸ್ಲೊ. ಯಾಜಕಾನ್ ನಾಟಕ್ ವ ಪುಸ್ತಕ್ ಬರಯ್ಲ್ಯಾಕ್ಷಣ ಥೊಡ್ಯಾ ಲೋಕಾಂಚಿ, ಥೊಡ್ಯಾ ಯಾಜಕ್, ಧಾರ್ಮಿಕ್ ಭಯ್ಣ್ಯಾಚಿ ಅಭಿಪ್ರಾಯ್, ಬೊಗ್ಣಾ ಬರಿಚ್ ಆಸ್ತಾತ್. ಪುಣ್ ತಸೆಂಚ್ ಲಾಯಿಕಾನ್ ಬರಯ್ಲ್ಯಾರ್ ಅಭಿಪ್ರಾಯ್, ಬೊಗ್ಣಾ ದುಸ್ರಿಚ್ ಆಸ್ತಾತ್.
ಜೆಜು ವಿಶ್ಯಾಂತ್, ಬೈಬಲಾಂತ್ ಅನೇಕ್ ಬರೆಂ ಬರೆಂ ಡ್ರಾಮಾ ರಚನ್ ಕರ್ಚೆ ಅವ್ಕಾಸ್ ಆಸಾ. ಹಾಂವೆ ಹ್ಯಾ ನಾಟಕಾಕ್ ಖೆಂಡುನ್ ಉಲಂವ್ಚೆ ವ ಬರಂವ್ಚೆ ನ್ಹಯ್, ಮುಕಾರ್ ನಾಟ್ಕಾಕ್ ಆನಿಕಿ ಉತ್ತಮ್ ಜಾಂವ್ಚ್ಯಾಕ್ ಆದಾರ್ ಜಾಂವ್ ಮ್ಹಣುನ್ ಬರಂವ್ಚೆ.
ಹ್ಯಾ ನಾಟಕಾಂತ್ ಸಕ್ಕಡ್ ಕಲಾಕಾರಾನಿ ತಾಂಕಾಂ ದಿಲ್ಲಿ ಜವಾಬ್ದಾರಿ ಬರಿ ಕರ್ನ್ ಕೆಲ್ಯಾ, ಸಂಗೀತ್, ಸೌಂಡ್, ಲಾಯ್ಟಿಂಗ್ ಬೋವ್ ಉತ್ತಿಮ್, ನಿರ್ದೇಶನ್ ಉತ್ತಿಮ್. ಪಾಟ್ಲ್ಯಾ ಹಪ್ತ್ಯಾಂತ್ ಜಾಲ್ಲ್ಯಾ ದಿಯಾತ್ ಆನಿ ಘೆಯಾತ್ ವೇಗ್ ಚಡ್ ಜಾಲೊ, ಪಯ್ಲೆಂ ಭಾಸೆಚಿ ಶೈಲಿ ವಿಂಗಡ್, ನಾಟಕಾಂತ್ ಮುಕಾರ್ ಕಿತೆ, ಮುಕಾರ್ ಕಿತೆ ಮ್ಹಳೆ ಆತುರಾಯ್ ಆಸೊಂಕ್ ಜಾಯ್, ನಾಟಕಾಂಚ್ಯಾ ಆಕ್ರೇಕ್ ಮಾತ್ರ್ ಬೊರೊ ಸಂದೇಶ್ ಆಸ್ಲ್ಯಾರ್ ಪಾವಾನಾ, ನಾಟಕಾಚೊ ಸೌಂಡಾ ವರ್ವಿ ಕರಾಂದಾಯ್ ಬೊಗ್ಲಿ ಆಸಾ. ಥೊಡೆಂ ಜಣ್ ಜೆಮಾತಾಲೆಂ.
ಸಕ್ಕಡ್ ನಾಟಕ್ ಕಾರ್ ಬರೆ ನಾಟಕ್ ರಚ್ತಾತ್, ತೆಂ ಯಶಸ್ವಿ ಜಾಯ್ಜೆ ತರ್, ಕಲಾಕಾರಾನಿಂ ತ್ಯಾ ಪಾತ್ರಾಕ್ ಜೀವ್ ದಿಜೆ.
ನಾಟಕ್ ಕಿತ್ಲ್ಯಾ ಪಾವ್ಟಿಂ ಪ್ರದರ್ಶನ್ ಜಾಲಾಂ ಮ್ಹಳೆಂ ಮುಖ್ಯ ನ್ಹಯ್. ಕೋಣಾಲಾಗಿಂ ನಾಟಕ್ ಪಂಗಡ್ ಆಸಾ, ತಾಂಚೆಂ ನಾಟಕ್ ಪ್ರದರ್ಶಿಸಿತ್ ಜಾತೆಂ ಆಸ್ತಾತ್, ಕಿತ್ಯಾಕ್ ಆಜ್ ಕಾಲ್ ಫಿರ್ಗಜ್ ಗಾರ್, ಯುವ ಯವತಿ ನಾಟಕ್ ಖೆಳೊನ್ ದಾಖಂವ್ಕ್ ಉರ್ಬಾ ದಾಖಯ್ನಾತ್, ಪಯ್ಸೆ ಎಕ್ಟಾಯ್ ಕರ್ತಾತ್ ಆನಿ ಬಾಡ್ಯಾಚೆ ಡ್ರಾಮಾ ಹಾಡ್ನ್ ಪ್ರದರ್ಶನ್ ಕರ್ತಾತ್, ಆನಿ ಆಮಿಂಚ್ ನಾಟಕ್ ಖೆಳೊನ್ ದಾಖಯ್ಲ್ಯಾ ಬರಿ ಸಂತೋಷ್ ಪಾವ್ತಾತ್…!!
ಆಮಿಂಚ್ ನಾಟಕ್ ಖೆಳೊನ್ ಪ್ರದರ್ಶನ್ ಕೆಲ್ಯಾರ್ ತಾಂತು ಆಸ್ಲೊ ಸಂತೋಸಚ್ ವೆಗ್ಳೊ. ಅಭಿನಯ್ ಕೆಲ್ಯಾ ತಾಂಚ್ಯಾ ವ್ಹಡಿಲಾಂಚೊ ಸಂತೋಸ್ ಆನಿಕಿ ಚಡ್.
ನಾಟಕಾಚ್ಯಾ ಸುರ್ವೆರ್ ವಿಲ್ಸನ್ ಒಲಿವೆರಾನ್ ಸ್ವಾಗತ್ ಕೆಲೊ, ಫಿರ್ಗಜ್ ಯಾಜಕ್ ಭೊ।ಮಾ।ಬಾ।ಪೌಲ್ ರೇಗೊ, ಉಪಾದ್ಯಕ್ಷಿಣ್ ಶಾಲೆಟ್ ರೆಬೆಲ್ಲೊ, ಕಾರ್ಯದರ್ಶಿ ಆಶಾ ಕರ್ವಾಲ್ಲೊ, ಹಾಜರ್ ಆಸೊನ್ ಡಾ,ಸೋನಿ ಡಿಕೋಸ್ತಾನ್ ಉಪ್ಕಾರ್ ಆಟಯ್ಲೊ.
