ಕುಂದಾಪುರ್, ಜೂ.6. ಕುಂದಾಪುರ್ ರೋಜಾರ್ ಮಾಯ್ ಫಿರ್ಗಜೆಚೊ ವಿಗಾರ್ ಭೋ।ಮಾ।ಪೌಲ್ ರೇಗೊ ಹಾಂಚೊ 61 ಜಲ್ಮತ್ಸೋವ್, ಫಿರ್ಗಜ್ ಲೋಕಾ ಸವೆಂ ಅರ್ಗಾಂಚೆಂ ಪವಿತ್ರ್ ಬಲಿದಾನ್ ಅರ್ಪುನ್ ಆಚರಣ್ ಕೆಲೊ.
ಉಪ್ರಾಂತ್ ಗೊವ್ಳಿಕ್ ಮಂಡಳೆನ್ ತಾಂಕಾಂ ಉಲ್ಲಾಸುಚೆಂ ಕಾರ್ಯೆ ಆಸಾ ಕೆಲ್ಲೆಂ. ಫಿರ್ಗಜ್ ಲೊಕಾಂ ತರ್ಫೆನ್ ವೆಲಂಕಣಿ ವಾಡ್ಯಾಚೊ ಗುರ್ಕಾರ್ ವಿಲ್ಸನ್ ಒಲಿವೇರಾನ್ ಶುಭಾಷಯ್ ಪಾಟಯ್ಲೆಂ. ವಿಗಾರ್ ಬಾಪಾನ್ ‘ಮೊಜ್ಯಾ ಜಲ್ಮಾ ದಿಸಾಕ್ ವ್ಹಡಾ ಸಂಖ್ಯಾನ್ ಹಾಜರ್ ಆಸೊನ್ ಮೊಜೆ ಪಾಸೊತ್ ಮಾಗ್ಲ್ಯಾಕ್ ಆನಿ ಶುಭಾಶಯ್ ಪಾಟಯ್ಲ್ಯಾಕ್ ಧನ್ಯವಾದ್ ಪಾಟಯ್ಲೆಂ ,ಹ್ಯಾ ಸಂದರ್ಭಾರ್ ತಾಣಿ ಆಪ್ಲ್ಯಾ ಆವಯ್ ಬಾಪಯ್ ಹಾಂಚೊ ಉಡಾಸ್ ಕಾಡ್ಲೊ. ತಸೆಂಚ್ ಕುಟ್ಮಾದಾರಾಂಚೊ ಉಡಾಸ್ ಕಾಡ್ಲೊ.
ಹ್ಯಾ ಸಂದರ್ಭಾರ್ ಫಿರ್ಗಜ್ ಕಾರ್ಯದರ್ಶಿ ಆಶಾ ಕರ್ವಾಲೊ ಹಿಚೊಯಿ ಜಲ್ಮಾ ದೀಸ್ ಜಾಲ್ಯಾನ್ ತಿಕಾಯಿ ಉಲ್ಲಾಸ್ ಪಾಟಯ್ಲೆಂ, ಉಲ್ಲಾಸುಂಚ್ಯಾ ಕಾರ್ಯಾಂತ್ ಗೊವ್ಳಿಕ್ ಮಂಡಳಿ ಉಪಾಧ್ಯಕ್ಷ್ ಶಾಲೆಟ್ ರೆಬೆಲ್ಲೊ, ಸರ್ವ್ ಆಯೋಗಾಂಚಿಂ ಸಂಯೋಜಕ್ ಪ್ರೇಮಾ ಡಿಕುನ್ಹಾ, ಕುಂದಪುರ್ ಸಾಂ.ಜುಜೆ ಕಾನ್ವೆಂಟಾಚಿಂ ವ್ಹಡಿಲ್ನ್ ಸಿಸ್ಟರ್ ಸುಪ್ರಿಯಾ ಆನಿ ಹೇರ್ ಧರ್ಮ್ ಭಯ್ಣಿ, ಗುರ್ಕಾರ್, ಪ್ರತಿನಿಧಿ, ಪಿರ್ಗಜ್ ಲೋಕ್ ಹಾಜರ್ ಆಸ್ಲೊ.
