ಆತ್ತೂರ್: ಆತ್ತೂರ್ ಸಾಂ.ಲೊರೆಸ್ ಬಾಸಿಲಿಕಾ ಮಹಾ ಪರಬ್ ಜನವರಿಚ್ಯಾ 22 ವೆರ್ ಆರಂಭ್ ಜಾಲಾಸ್ತಾಂ, ಪರ್ಬೆಚ್ಯಾ ಪಯ್ಲ್ಯಾ ದಿಸಾ ಆಕ್ರೇಚ್ಯಾ ರಾತಿ 8 ವೊರಾಚ್ಯಾ ಬಲಿದಾನಾಕ್ ಕುಂದಾಪುರ್ ರೊಜಾರ್ ಮಾಯ್ ಫಿರ್ಗಜೆಚ್ಯಾ ಗಾಯಾನ್ ಪಂಗ್ಡಾನ್ ಗಾಯನ್ ಚಲವ್ನ್ ವೆಲೆಂ. ಗಾಯಾನ್ ಪಂಗ್ಡಾನ್ ಉತ್ತಮ್ ರೀತಿನ್ ಗಾಯಾನ್ ಗಾಯ್ಲೆಂ. ಉಡುಪಿ ವಾರಾಡೊ ಪ್ರಧಾನ್, ಉಡುಪಿ ಫಿರ್ಗಜೆಚೊ ವಿಗಾರ್ ಭೊ|ಮಾ|ಬಾ|ಚಾರ್ಲ್ಸ್ ಮಿನೆಜೆಸ್ ಹಾಣಿ ಬಲಿದಾನ್ ಭೆಟಯ್ಲೆಂ. ಕುಂದಾಪುರ್ ಫಿರ್ಗಜೆಚೊ ಸಹಾಯಕ್ ಯಾಜಕ್ ಮಾ|ಬಾ|ಅಶ್ವಿನ್ ಆರಾನ್ಹಾ ಆನಿ ಸಯ್ರ್ಯಾ ಯಾಜಕಾನ್ ಸಹ ಭೆಟವ್ಣಿ ಕೆಲಿ. ಕಣಜಾರ್ ಫಿರ್ಗಜೆಚೊ ವಿಗಾರ್ ಮಾ|ಬಾ|ವಿಶಾಲ್ ಲೋಬೊ ಹಾಣಿ ಉಪ್ಕಾರ್ ಆಟಯ್ಲೊ. ಭೊ|ಮಾ|ಬಾ|ಚಾರ್ಲ್ಸ್ ಮಿನೆಜೆಸ್ ಹಾಣಿ ಗಾಯಾನ್ ಬೊರೆಂ ಜಾಲೆಂ ಮ್ಹಣುನ್ ಗಾಯಾನ್ ಪಂಗ್ಡಾಚ್ಯಾ ಸಾಂದ್ಯಾಲಾಗಿಂ ಹೊಗ್ಳಿಕ್ ಉಚಾರ್ಲಿ. ವಾಜಂತ್ರ್ ಅಲ್ಡ್ರಿನ್ ಡಿಸೋಜಾನ್ ವಾಜಯ್ಲೆ. ಗಾಯನ್ ಪಂಗ್ಡಾಚಿ ಅಧ್ಯಕ್ಷಿಣ್ ವಿನಯಾ ಡಿಕೋಸ್ತಾ, ಕಾರ್ಯದರ್ಶಿ ರೀಮಾ ಡಿಆಲ್ಮೇಡಾ ಆನಿ ಸಾಂದೆ ಹಾಜರ್ ಆಸ್ಲೆಂ.