ಕುಂದಾಪುರ್, ಎ.25; ಕುಂದಾಪುರ್ಚೊ ವಿಗಾರ್ ಮಾ।ಬಾ।ಪೌಲ್ ರೇಗೊ ಹಾಂಚೊ ೩೦ ವೊ ಯಾಜಕೀ ದೀಕ್ಷೆಚೊ ದೀಸ್ ತಾಣಿ ಪವಿತ್ರ್ ಬಲಿದಾನ್ ಭೆಟವ್ನ್ ಆಚರಣ್ ಕೆಲೊ. ಫಿರ್ಗಜ್ ಲೋಕಾನ್ ಪವಿತ್ರ್ ಬಲಿದಾನಾಂತ್ ವಾಂಟೊ ಘೆತ್ಲೊ.
ಪವಿತ್ರ್ ಬಲಿದಾನಾ ಉಪ್ರಾಂತ್ ಉಲ್ಲಾಸುಚೆಂ ಕಾರ್ಯವೇಳಿ ಫಿರ್ಗಜ್ ಉಪಾಧ್ಯಕ್ಷ್ ಶಾಲೆಟ್ ರೆಬೆಲ್ಲೊನ್ ವಿಗಾರಾಕ್ ಉಲ್ಲಾಸ್ ಪಾಠಯ್ಲೆಂ. ವಿಗಾರ್ ಬಾಪಾನ್ “ನಾ ಫಾವೊ ಜಾಲ್ಯಾ ಮ್ಹಾಕಾ ಯಾಜಕೀ ದೀಕ್ಷಾ ಫಾವೊ ಕರ್ನ್ ಮೆಲ್ಕಿದೆಸಾಚ್ಯಾ ವರ್ಗಾಂತ್ ಮೆಳಯ್ಲ್ಯಾಕ್ ಅರ್ಗಾಂ ಪಾಟಯ್ಲಿ. ಆಪ್ಣಾ ಪಾಸೊತ್ ಮಾಗ್ಲ್ಯಾ ಫಿರ್ಗಜೆಚ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ.
ಕೊವೆಂತಾಚಿಂ ವ್ಹಡಿಲ್ನ್ ಸಿ. ಮಾ।ಸುಪ್ರಿಯಾ, ಗೊವ್ಳಿಕ್ ಮಂಡಳಿ ಕಾರ್ಯದರ್ಶಿ ಆಶಾ ಕರ್ವಾಲ್ಲೊ, ಸರ್ವ್ ಆಯೋಗಾಂಚಿಂ ಸಂಯೋಜಕಿ ಪ್ರೇಮಾ ಡಿಕುನ್ಹಾ ಆನಿ ಹೇರ್ ಫಿರ್ಗಜ್ ಗಾರ್ ಹಾಜರ್ ಆಸೊನ್ ವಿಗಾರ್ ಬಾಪಾಕ್ ಉಲ್ಲಾಸ್ ಪಾಠಯ್ಲೆಂ.
