ವರದಿ : ಲಾರೆನ್ಸ್ ಫೆರ್ನಾಂಡಿಸ್ ಬೈಂದೂರ್
ಬೈಂದೂರ್: ಕಥೊಲಿಕ್ ಸಭಾ ಬೈಂದೂರ್ ಘಟಕಾ ಥಾವ್ನ್ ಪ್ರತಿಭಾ ಪುರಸ್ಕಾರ್ ಕಾರ್ಯಕ್ರಮ್ ಆಯ್ತಾರಾ, ಎಪ್ರೀಲ್ 3 ತಾರೀಕೆರ್ ಫಿರ್ಗಜೆಚಾ ಮಿನಿ ಹೊಲಾಂತ್ ಚಲ್ಲೆಂ.
ಹ್ಯಾ ಕಾರ್ಯಕ್ರಮಾಂತ್ ವಿಗಾರ್ ಮಾ| ಬಾ| ವಿನ್ಸೆಂಟ್ ಕುವೆಲ್ಲೊ, ಕಥೊಲಿಕ್ ಸಭಾ ಕುಂದಾಪುರ್ ವಾರಾಡೊ ಪ್ರಸ್ತುತ್ ಅಧ್ಯಕ್ಷ್ ಮೇಬಲ್ ಡಿ’ಸೋಜಾ, ಕಥೊಲಿಕ್ ಸಭಾ ಕುಂದಾಪುರ್ ವಾರಾಡೊ ಆದ್ಲೊ ಆಧ್ಯಕ್ಷ್ ವಿನೋದ್ ಕ್ರಾಸ್ತಾ, ಸಿ| ಸಹಾಯ, ಬ್ರ| ಸ್ಟೀವನ್ ಡಿ’ಸೋಜಾ, ಫಿರ್ಗಜ್ ಮಂಡಳಿ ಉಪಾಧ್ಯಕ್ಷ್ ಸ್ಟ್ಯಾನಿ ಡಾಯಸ್, ಕಾರ್ಯದರ್ಶಿ ಅನಿತಾ ನಜ್ರೆತ್, ವಿವಿಧ್ ಆಯೋಗಾಚಿ ಸಂಚಾಲಕಿ ಮೇಬಲ್ ನಜ್ರೆತ್ ಆನಿ ಕಥೊಲಿಕ್ ಸಭಾ ಬೈಂದೂರ್ ಘಟಕ್ ಅಧ್ಯಕ್ಷ್ ಇಗ್ನೇಶಿಯಸ್ ನಜ್ರೆತ್ ವೇದಿಚೆರ್ ಹಾಜರ್ ಆಸ್‍ಲ್ಲಿಂ.
ಪ್ರತಿಭಾ ಪುರಸ್ಕಾರ್ ಫಾವೊ ಜಾಲ್ಲ್ಯಾ ಭುರ್ಗ್ಯಾಂಕ್ ಉಗ್ಡಾಸಾಚಿ ಕಾಣಿಕ್, ಪ್ರಶಸ್ತಿ ಪತ್ರ್ ದೀವ್ನ್ ಅಭಿನಂದನ್ ಪಾಟಯ್ಲೆಂ ಆನಿ ಕೃಷಿಯೆಂತ್ “ಉತ್ತಮ ಕೃಷಿ ಬೆಳವಣಿ” ಪ್ರಶಸ್ತಿ ಆಪ್ಣಾವ್ನ್ ಸಾಧನ್ ಕೆಲ್ಲ್ಯಾ ಸಾವೆರ್ ಫೆರ್ನಾಂಡಿಸ್, ಉಪ್ಪುಂದ ಹಾಂಕಾಂ ಅಭಿನಂದನ್ ಪಾಟವ್ನ್ ಕಥೊಲಿಕ್ ಸಭಾ ಘಟಕಾನ್ ಸನ್ಮಾನ್ ಕೆಲೊ .
ಕಾರ್ಯಕ್ರಮಾಕ್ ಅಧ್ಯಕ್ಷ್ ಇಗ್ನೇಶಿಯಸ್ ನಜ್ರೆತಾನ್ ಸ್ವಾಗತ್ ಕೆಲೆಂ ಆನಿ ಜೊಸ್ಪಿನ್ ರೊಡ್ರಿಗಸಾನ್ ಕಾರ್ಯೆಂ ಚಲವ್ನ್ ವೆಲೆಂ.
