ಕುಂದಾಪುರ್: ಕುಂದಾಪುರ್ ರೊಜಾರ್ ಮಾಯ್ ಫಿರ್ಗಜೆಚೊ ಸಹಾಯಕ್ ಯಾಜಕ್ ಮಾ|ಬಾ|ಅಶ್ವಿನ್ ಆರಾನ್ನ ಹಾಂಚೊ ಸಾತ್ವೊ ಒಡ್ದಿಚೊ ದೀಸ್ ಎಪ್ರಿಲಾಚ್ಯಾ ೨೪ ವೇರ್ ಪವಿತ್ರ್ ಬಲಿದಾನ್ ಅರ್ಪುನ್ ಆಚರಣ್ ಕೆಲೊ. ಫಿರ್ಗಜೆಚೊ ವಿಗಾರ್ ಬೋವ್ ಮಾನಾಧಿಕ್ ವಾಪ್ ಸ್ಟ್ಯಾನಿ ತಾವ್ರೊ ಆನಿ ಸಯ್ರೆ ಯಾಜಕ್ ಮಾ|ಬಾ| ಜಾರ್ಜ್ ಅಂದ್ರಾದೆ ಹಾಣಿ ಸಹಬಲಿದಾನ್ ಭೆಟಯ್ಲೆಂ.
ಉಪ್ರಾಂತ್ ಚಲಲ್ಯಾ ಮಟ್ವ್ಯಾ ಅಭಿನಂದನ್ ಕಾರ್ಯಾಂತ್ ಕೇಕ್ ಕಾತರ್ನ್ ಉಲ್ಲಾಸ್ ಪಾಟಯ್ಲೆ. ಫಿರ್ಗಜೆಚಿ ಉಪಾಧ್ಯಕ್ಷಿಣ್ ಶಾಲೆಟ್ ರೆಬೆಲ್ಲೊನ್ ಬರೆ ಮಾಗ್ಲೆಂ. ವಿಗಾರ್ ಬೋವ್ ಮಾನಾಧಿಕ್ ವಾಪ್ ಸ್ಟ್ಯಾನಿ ತಾವ್ರೊ ಹಾಣಿ ಬಾ|ಅಶ್ವಿನ್ ಆರಾನ್ನ ಹಾಣಿ ಫಿರ್ಗಜೆಂತ್ ಉತ್ತಮ್ ಸೆವಾ ದಿಲ್ಯಾ. ತಾಂಚೆಂ ಧಾರ್ಮಿಕ್ ಜಿಣೆಯೆಂತ್ ತಾಂಕಾ ಯಶಸ್ವಿಪಣ್ ಲಾಬೊಂದಿ ಮ್ಹಣುನ್ ಆಶಿರ್ವಾದ್ ಪಾಟಯ್ಲೆಂ.
ಬಾ|ಅಶ್ವಿನ್ ಆರಾನ್ನ ಹಾಣಿ ಮೊಜ್ಯಾ ಧಾರ್ಮಿಕ್ ಜಿಣ್ಯೆಂತ್ ಕಶ್ಟ್ ಅನ್ವಾರ್ ಆಯ್ಲ್ಯಾತ್. ಪುಣ್ ಸಾಯ್ಬಿಣ್ ಮಾಯೆನ್ ಆನಿ ದೆವಾನ್ ಮ್ಹಾಕಾ ರಾಕ್ಲಾ, ಫಿರ್ಗಜ್ ಲೋಕಾನ್ ಮ್ಹಾಕಾ ಮೊಜೆ ಧಾರ್ಮಿಕ್ ಜಿಣಿ ಬೊರಿ ಕರ್‍ನ್ ಚಲವ್ನ್ ವ್ಹರ್‍ಚ್ಯಾ ಖಾತಿರ್ ಸಹಕಾರ್ ದಿಲ್ಯಾ. ಆಯ್ಚ್ಯಾ ದಿಸಾ ಮೊಜೆ ಪಾಸೊತ್ ಮಾಗೊಂಕ್ ವ್ಹಡಾ ಸಂಖ್ಯಾನ್ ಹಾಜರ್ ಜಾಲ್ಯಾ ಖಾತಿರ್ ಸರ್ವಾಂಕ್ ದೇವ್ ಬರೆ ಕರುಂ ಮ್ಹಣುನ್ ತಾಣಿ ಉಪ್ಕಾರ್ ಆಟಾಯ್ಲೊ. ಫಿರ್ಗಜ್ ಕಾರ್ಯದರ್ಶಿ ಆಶಾ ಕರ್ವಾಲ್ಲೊ,ಸರ್ವ್ ಆಯೋಗಾಚಿಂ ಸಂಯೋಜಕಿ ಪ್ರೇಮಾ ಡಿಕುನ್ಹಾ, ಕೊವೆಂತಾಚಿ ವ್ಹಡಿಲ್ನ್ ಸಿಸ್ಟರ್ ಸುಪ್ರಿಯಾ ಆನಿ ಸಭಾರ್ ಧರ್ಮ್ ಭಯ್ಣಿ ಹಾಜರ್ ಆಸೊನ್ ಫಿರ್ಗಜ್ ಗಾರಾಂ ಹಾಜರ್ ಆಸ್ಲಿ.
