14 ದಸೆಂಬರ್: 2000 ಇಸ್ವೆಂತ್ ಕುವೆಯ್ಟಾಂತ್ ಸುರ್ವಾತ್ ಜಾಲ್ಲೆಂ ಆಶಾವಾದಿ ಪ್ರಕಾಶನ್ 25 ವ್ಯಾ ವರ್ಸಾಕ್, ತಶೆಂಚ್ 2015 ಇಸ್ವೆಂತ್ ಮುಂಬಂಯ್ತ್ ಸುರ್ವಾತ್ ಜಾಲ್ಲೆಂ ಪಯ್ಣಾರಿ.ಕೊಮ್ 10 ವ್ಯಾ ವರ್ಸಾಕ್ ಮೇಟ್ ಕಾಡ್ಚ್ಯಾ ಸಂಧರ್ಭಾರ್ 12 ಕೊಂಕಣಿ ಪುಸ್ತಕ್ ಉಗ್ತಾವಣಾಚೆಂ ಡಿಜಿಟಲ್ ಕಾರ್ಯೆಂ, ಆಶಾವಾದಿ ಪ್ರಕಾಶನಾನ್ 14 ದಸೆಂಬ್ರಾಂತ್ ಸಾಂಜೆಚ್ಯಾ ಚ್ಯಾರ್ ಥಾವ್ನ್ ಸ ಪರ್ಯಾಂತ್ ಮಾಂಡುನ್ ಹಾಡ್ಲೆಂ. ತೀನ್ ಪ್ರಿಂಟ್ ರುಪಾಚಿಂ, ಸಾತ್ ಡಿಜಿಟಲ್ ಇ-ಪುಸ್ತಕಾಂ, ಆನಿಂ ದೋನ್ ಆ(ಆಡಿಯೊ)-ಪುಸ್ತಕಾಂ ಹಿಂ ಜಾವ್ನಾಸೊನ್, ಫುಡ್ಲ್ಯಾ ವರ್ಸಾಂತ್ ಬಸ್ತಿ ವಾಮನ್ ಶೆಣಯ್ ಸ್ಮಾರಕ್ 25 ಕೊಂಕಣಿ ಪುಸ್ತಕಾಂ ಪ್ರಕಾಶನಾಚಿ ಯೆವ್ಜಣ್ ಜಾಹೀರ್ ಕೆಲಿ.
ಸೆವಕ್ ನೇಮಾಳ್ಯಾಚ್ಯಾ ಸಂಪಾದಕ್ ಮಾ.ಬಾ.ಚೇತನ್ ಲೋಬೊಚ್ಯಾ ಅಧ್ಯಕ್ಶ್‍ಪಣಾಖಾಲ್ ಚಲ್‍ಲ್ಲ್ಯಾ ಹ್ಯಾ ಡಿಜಿಟಲ್ ಕಾರ್ಯಾಚ್ಯಾ ಸುರ್ವಾತೆರ್ ಸೂತ್ರ್ ಸಂಚಾಲಕ್ ಶೈಲೇಂದ್ರ ಮೆಹ್ತಾನ್ ಆಯ್ಲೆವಾರ್ ಆಮ್ಕಾಂ ಸಾಂಡುನ್ ಗೆಲ್ಲ್ಯಾ ಕೊಂಕಣಿ ಬರವ್ಪ್ಯಾಂಚಿ ಯಾದ್ ಕಾಡುನ್ ಏಕ್ ಮಿನುಟಾಚೆಂ ಮೌನ್ ಪ್ರಾರ್ಥನಾಸವೆಂ ಸುರ್ವಾತ್ ಕರುನ್ ಆಶಾವಾದಿ ಪ್ರಕಾಶನಾಚ್ಯಾ ಚೊವೀಸ್ ವರ್ಸಾಂಚ್ಯಾ ವಾವ್ರಾಚೆರ್ ಮೊಟ್ವಿ ಒಳೊಕ್ ಕೆಲಿ. ರಾಕ್ಣೊ ನೇಮಾಳ್ಯಾಚ್ಯಾ ಸಂಪಾದಕ್ ಮಾ.ಬಾ.ರುಪೇಶ್ ಮಾಡ್ತಾನ್ ಹ್ಯಾ ಡಿಜಿಟಲ್ ಕಾರ್ಯಾಚೆಂ ಉಗ್ತಾವಣ್ ಕರುನ್ ಆಮ್ಚೆಂ ವಾಚಪ್ ಉಣೆಂ ದೆಕುನ್ ಗುಣಮಟ್‍ಟಾಚ್ಯಾ ಸಾಹಿತ್ಯಾಚಿ ರೂಚ್ ಆಮ್ಚೆಥಂಯ್ ಉಣಿ ಜಾಲ್ಯಾ. ಆಮ್ಚೆಂ ಜಿವಿತ್ ಗಿನ್ಯಾನಾಚ್ಯಾಕೀ ಚಡಿತ್ ಜಾವ್ನ್ ದಾಕವ್ಪಾಚೆಂ ಜಾಲಾಂ ಮ್ಹಳ್ಳೊ ಸಂದೇಶ್ ದಿಲೊ, ಹೆಚ್ ಸಂಧರ್ಭಾರ್ ಕನ್ನಡ ಆನಿ ನಾಗರಿ ಲಿಪಿಂತ್ಲೆಂ ಪಯ್ಣಾರಿ ಡಿಜಿಟಲ್ ಜರ್ನಲ್-7 ಲೊಕಾರ್ಪಣ್ ಕೆಲೆಂ.
ಪುಸ್ತಕ್ ಉಗ್ತಾವಣ್ ಕಾರ್ಯಾಚಿ ಸುರ್ವಾತ್ ಡಿಜಿಟಲ್ ಇ-ಪುಸ್ತಕಾಂಚೆಂ ಲೊಕಾರ್ಪಣ್ ಕಾರ್ಯೆಂ ಚಲ್ಲೆಂ.
ಲಿಪ್ಯಂತರ್ ತಶೆಂಚ್ ಸಂಪಾದನ್ ವಲ್ಲಿ ಕ್ವಾಡ್ರಸಾನ್ ಕೆಲ್ಲ್ಯಾ ಡೊ. ಜಯಂತಿ ನಾಯ್ಕಾಚ್ಯಾ ‘ತಿಚಿ ಕಾಣಿ’ ಕನ್ನಡ ಲಿಪ್ಯಂತರ್ ಕಥಾ ಪುಸ್ತಕಾಕ್ ಡೊ.ಆಸ್ಟಿನ್ ಡಿಸೋಜ್ ಪ್ರಭುನ್ ಲೊಕಾರ್ಪಣ್ ಕರುನ್ ಅಪ್ಲೆ ಸಂದೇಶ್ ದಿತಚ್ ಡೊ.ಜಯಂತಿ ನಾಯ್ಕಾನ್ ಅಪ್ಲಿಂ ಭಗ್ಣಾಂ ಉಚಾರ್ಲಿಂ.
ಲಿಪ್ಯಂತರ್ ತಶೆಂಚ್ ಸಂಪಾದನ್ ವಲ್ಲಿ ಕ್ವಾಡ್ರಸಾನ್ ಕೆಲ್ಲ್ಯಾ ಉದಯ್ ಎನ್ ಮ್ಹಾಂಭ್ರೊಚ್ಯಾ ‘ಸಪ್ಣಾಂತ್ಲ್ಯಾ ಗಾಂವ್ಚಿ ವಾಟ್ (ಆಶಾವಾದಿ ಪ್ರಕಾಶನಾಚೆಂ ಪನ್ನಾಸವೆಂ ಡಿಜಿಟಲ್ ಇ-ಪುಸ್ತಕ್)’ ಕನ್ನಡ ಲಿಪ್ಯಂತರ್ ಕವಿತಾ ಪುಸ್ತಕಾಕ್ ಫ್ರೆಡ್ರಿಕ್ ನೊರೊನ್ಹಾನ್ ಲೊಕಾರ್ಪಣ್ ಕರುನ್ ಅಪ್ಲೆ ಸಂದೇಶ್ ದಿತಚ್ ಉದಯ್ ಮ್ಹಾಂಬ್ರೊನ್ ಅಪ್ಲಿಂ ಭಗ್ಣಾಂ ಉಚಾರ್ಲಿಂ.
ಲಿಪ್ಯಂತರ್ ತಶೆಂಚ್ ಸಂಪಾದನ್ ವಲ್ಲಿ ಕ್ವಾಡ್ರಸಾನ್ ಕೆಲ್ಲ್ಯಾ ಮಾ.ಬಾ.ರೋಯ್ಸನ್ ಫೆರ್ನಾಂಡಿಸಾಚ್ಯಾ ‘ಪಯ್ಲಿ ಭೆಟ್’ ನಾಗರಿ ಲಿಪ್ಯಂತರ್ ಪುಸ್ತಕಾಕ್ ಬಾಬ್ ವಸಂತ್ ಸಾವಂತಾನ್ ಲೊಕಾರ್ಪಣ್ ಕರುನ್ ಅಪ್ಲೆ ಸಂದೇಶ್ ದಿತಚ್ ಮಾ.ಬಾ.ರೋಯ್ಸನ್ ಫೆರ್ನಾಂಡಿಸಾನ್ ಅಪ್ಲಿಂ ಭಗ್ಣಾಂ ಉಚಾರ್ಲಿಂ.
ಮಾ.ಬಾ.ಜೇಸನ್ ಪಿಂಟೊಚ್ಯಾ ‘ಆಮ್ಗೆಲ್ಯೊ ಕೊಂಕಣಿ ಕಾಣಿಯೊ’ ಕನ್ನಡ ಆನಿ ನಾಗರಿ ಲಿಪಿಯೆಚ್ಯಾ ದೋನ್ ಪುಸ್ತಕಾಂಕ್ ಮಾನೆಸ್ತಿಣ್ ಉಶಾ ರಾಣೆನ್ ಲೊಕಾರ್ಪಣ್ ಕರುನ್ ಅಪ್ಲೆ ಸಂದೇಶ್ ದಿತಚ್ ಹ್ಯಾ ಪುಸ್ತಕಾಚೆಂ ಲಿಪ್ಯಂತರ್ ಕೆಲ್ಲ್ಯಾ ಮಾ.ಬಾ.ಜೇಸನ್ ಪಿಂಟೊನ್ ಅಪ್ಲಿಂ ಭಗ್ಣಾಂ ಉಚಾರ್ಲಿಂ.
- ಬಸ್ತಿ ವಾಮನ್ ಶೆಣಯ್ ಸ್ಮಾರಕ್ ಆಶಾವಾದಿ ಪ್ರಕಾಶನಾಚಿಂ 25 ಪುಸ್ತಕ್ ಪ್ರಕಾಶನ್ ಯೆವ್ಜಣ್ ಮಾನೆಸ್ತ್ ನಂದಗೋಪಾಲ ಶೆಣಯ್ ಹಾಣಿಂ ಜಾಹೀರ್ ಕರುನ್ ಅಪ್ಲೆ ಸಂಧೇಶ್ ದಿಲೆ. ಕೊಂಕಣಿಚ್ಯಾ ಖಂಚ್ಯಾಯ್ ಲಿಪಿಂತ್/ಬೊಲಿಂತ್ ಬರಯ್ತೆಲ್ಯಾಂಕ್ ಹ್ಯಾ 25 ಪುಸ್ತಕ್ ಪ್ರಕಾಶನಾಚಿ ಪುರ್ತಿ ಜವಾಬ್ದಾರಿ ಆಶಾವಾದಿ ಪ್ರಕ್ಶನ್ ಪಳೆತಲೆಂ.
- ಕನ್ನಡ ಲಿಪಿಂತ್ ಲಿಪ್ಯಂತರ್ ಜಾಲ್ಲ್ಯಾ ಭೋವ್ ಉತ್ತೀಮ್ ಪುಸ್ತಕ್ ಪುರಸ್ಕಾರ್ 2025 (ರುಪಯ್ 25,000 ಹಾಚೆಂ ಘೋಷಣ್ ಕವಿ ಆಂಡ್ರ್ಯೂ ಎಲ್. ಡಿಕುನ್ಹಾನ್ ಕರುನ್ ಅಪ್ಲೆ ಸಂಧೇಶ್ ದಿಲೆ.
ಡಿಜಿಟಲ್ ಆಡಿಯೊ ಪುಸ್ತಕಾಚೆಂ ಲೊಕಾರ್ಪಣ್ ಕಾರ್ಯಾಂತ್ ಪಯ್ಲೆಂ ದಾಯ್ಜ್ ವರ್ಸಾಚೊ ಕಥಾಕಾರ್ 2006 ಪುರಸ್ಕಾರಿತ್ ಸ್ಟೇನ್ ಅಗೇರಾಚ್ಯಾ ‘ಸ್ಟೇನ್ ಅಗೇರಾಚ್ಯೊ ಕಥಾ’ (ಆಶಾವಾದಿ ಪ್ರಕಾಶನಾಚೆಂ 10ವೆ ಆಡಿಯೊ ಪುಸ್ತಕ್) ಪುಸ್ತಕಾಚೆಂ ಉಗ್ತಾವಣ್ ಮಾ.ಬಾ.ಚೇತನ್ ಲೋಬೊನ್ ಕರ್ತಚ್ ಸ್ಟೇನ್ ಅಗೇರಾನ್ ತಶೆಂಚ್ ಕಥಾ ಸಾದರ್ ಕೆಲ್ಲ್ಯಾ ಮಾ.ಬಾ.ಚೇತನ್ ಲೋಬೊನ್ ಅಪ್ಲಿಂ ಭಗ್ಣಾಂ ಉಚಾರ್ಲಿಂ.
ತ್ಯೇ ಉಪ್ರಾಂತ್ ಪಯ್ಣಾರಿ ವರ್ಸಾಚೊ ಕಥಾಕಾರ್ 2024 ಪುರಸ್ಕಾರಿತ್ ಡೊ. ಎಡ್ವರ್ಡ್ ಎಲ್. ನಜ್ರೆತಾಚ್ಯಾ ‘ಗೋಲಿಮಾರ್‍ಚ್ಯೊ ಕಥಾ’ (ಆಶಾವಾದಿ ಪ್ರಕಾಶನಾಚೆಂ 11ವೆ ಆಡಿಯೊ ಪುಸ್ತಕ್) ಪುಸ್ತಕಾಚೆಂ ಉಗ್ತಾವಣ್ ಬಾಬ್ ದಿನೇಶ್ ಮಣೇರ್‍ಕಾರಾನ್ ಕರ್ತಚ್ ಅಪ್ಲೆ ಸಂಧೇಶ್ ದಿಲೆ.
ಫುಡ್ಲ್ಯಾ ಕಾರ್ಯಾಚೆಂ ಸೂತ್ರ್ ಸಂಚಾಲನ್ ಘೆತ್ಲಲ್ಯಾ ಬಾಯ್ ಮೆಗಾನ್ ಡೆ ಸೋಜಾನ್ ಪಯ್ಲೆಂ ಡೊ.ಎಡ್ವರ್ಡ್ ಎಲ್. ನಜ್ರೆತಾಚಿ ಮೊಟ್ವಿ ಒಳೊಕ್ ಕರ್ತಚ್ ಡೊ.ಜಯಂತಿ ನಾಯ್ಕಾನ್ ‘ಮೃಗಜಳ್’ ಪುಸ್ತಕಾಚೆಂ ಉಗ್ತಾವಣ್ ಕರ್ತಚ್ ಡೊ.ಎಡ್ವರ್ಡ್ ಎಲ್. ನಜ್ರೆತಾನ್ ಅಪ್ಲಿಂ ಭಗ್ಣಾಂ ಉಚಾರ್ಲಿಂ.
ದುಸ್ರೆಂ ಪುಸ್ತಕ್: ವಲ್ಲಿ ಕ್ವಾಡ್ರಸಾಚ್ಯಾ ‘ಮಾಯಾನಗರಿ’ ಕಥಾಜಮ್ಯಾಚೆಂ ಉಗ್ತಾವಣ್ ಮಾನೆಸ್ತ್ ಆವಿಲ್ ರಾಸ್ಕಿನ್ಹಾನ್ ಕರುನ್ ಅಪ್ಲೆ ಸಂಧೇಶ್ ದಿಲೆ.
ತಿಸ್ರೆಂ ಪುಸ್ತಕ್: ಶೈಲೇಂದ್ರ ಮೆಹ್ತಾಚ್ಯಾ ‘ನಿರ್ವಾಸಿತ್ ಯಾತ್ರಿಚಿ ಭಂವ್ಡಿ’ ಕನ್ನಡ ಲಿಪ್ಯಂತರ್ ಪುಸ್ತಕಾಚೆಂ ಉಗ್ತಾವಣ್ ಮಾನೆಸ್ತಿಣ್ ಮೊನಿಕಾ ಡೆಸಾ ಮಥಾಯಸಾನ್ ಕರ್ತಚ್ ಅಪ್ಲೆ ಸಂಧೇಶ್ ದಿಲೆ. ಉಪ್ರಾಂತ್ ಶೈಲೇಂದ್ರ ಮೆಹ್ತಾನ್ ಅಪ್ಲಿಂ ಭಗ್ಣಾಂ ಉಚಾರ್ಲಿಂ.
ಮುಖೆಲ್ ಸಯ್ರಿಂ ಮಾನೆಸ್ತ್ ಆಲ್ಫಿ ಮೊಂತೇರೊ ತಶೆಂಚ್ ಡೊ.ಚಂದ್ರಲೇಖ ಡಿಸೋಜಾ ಹಾಣಿಂ ಅಪ್ಲೆ ಸಂಧೇಶ್ ದಿತಚ್ ಕಾರ್ಯಾಧ್ಯಕ್ಷ್ ಮಾ.ಬಾ.ಚೇತನಾನ್ ಅಪ್ಲೆಂ ಅಧ್ಯಕ್ಶಾಚೆಂ ಉಲವ್ಪ್ ಕೆಲೆಂ.
ವಲ್ಲಿ ಕ್ವಾಡ್ರಸಾನ್ ಧಿನ್ವಾಸ್ ಪಾಠಯ್ಲೆ.
आशावादी प्रकाशनाचीं १२ कोंकणी पुस्तक उग्तावण डिजिटल काऱ्यें
१४ दसेंबर: २००० इस्वेंत कुवेयटांत सुर्वात जाल्लें आशावादी प्रकाशन २५ व्या वर्साक, तशेंच २०१५ इस्वेंत मुंबंयत सुर्वात जाल्लें पयणारी.कोम १० व्या वर्साक मेट काडच्या संधर्भार १२ कोंकणी पुस्तक उग्तावणाचें डिजिटल काऱ्यें, आशावादी प्रकाशनान १४ दसेंबरांत सांजेच्या च्यार थावन स पऱ्यांत मांडून हाडलें. तीन प्रिंट रुपाचीं, सात डिजिटल ई-पुस्तकां, आनीं दोन आ(आडियो)-पुस्तकां हीं जावनासोन, फुडल्या वर्सांत बसती वामन शेणय स्मारक २५ कोंकणी पुस्तकां प्रकाशनाची येवजण जाहीर केली.
सेवक नेमाळ्याच्या संपादक मा.बा.चेतन लोबोच्या अध्यक्षपणाखाल चलल्ल्या ह्या डिजिटल काऱ्याच्या सुर्वातेर सूत्र संचालक शैलेंद्र मेहतान आयलेवार आमकां सांडून गेल्ल्या कोंकणी बरवप्यांची याद काडून एक मिनुटाचें मौन प्रार्थनासवें सुर्वात करून आशावादी प्रकाशनाच्या चोवीस वर्सांच्या वावराचेर मोटवी ओळोक केली. राकणो नेमाळ्याच्या संपादक मा.बा.रुपेश माडतान ह्या डिजिटल काऱ्याचें उग्तावण करून आमचें वाचप उणें देकून गुणमटटाच्या साहित्याची रूच आमचेथंय उणी जाल्या. आमचें जिवीत गिन्यानाच्याकी चडीत जावन दाकवपाचें जालां म्हळ्ळो संदेश दिलो, हेच संधर्भार कन्नड आनी नागरी लिपिंतलें पयणारी डिजिटल जर्नल-७ लोकार्पण केलें.
पुस्तक उग्तावण काऱ्याची सुर्वात डिजिटल ई-पुस्तकांचें लोकार्पण काऱ्यें चल्लें.
लिप्यंतर तशेंच संपादन वल्ली क्वाड्रसान केल्ल्या डो. जयंती नायकाच्या ‘तिची काणी’ कन्नड लिप्यंतर कथा पुस्तकाक डो.आसटीन डिसोज प्रभून लोकार्पण करून अपले संदेश दितच डो.जयंती नायकान अपलीं भगणां उचारलीं.
लिप्यंतर तशेंच संपादन वल्ली क्वाड्रसान केल्ल्या उदय एन म्हांभ्रोच्या ‘सपणांतल्या गांवची वाट (आशावादी प्रकाशनाचें पन्नासवें डिजिटल ई-पुस्तक)’ कन्नड लिप्यंतर कविता पुस्तकाक फ्रेड्रीक नोरोन्हान लोकार्पण करून अपले संदेश दितच उदय म्हांबरोन अपलीं भगणां उचारलीं.
लिप्यंतर तशेंच संपादन वल्ली क्वाड्रसान केल्ल्या मा.बा.रोयसन फेर्नांडिसाच्या ‘पयली भेट’ नागरी लिप्यंतर पुस्तकाक बाब वसंत सावंतान लोकार्पण करून अपले संदेश दितच मा.बा.रोयसन फेर्नांडिसान अपलीं भगणां उचारलीं.
मा.बा.जेसन पिंटोच्या ‘आमगेल्यो कोंकणी काणियो’ कन्नड आनी नागरी लिपियेच्या दोन पुस्तकांक मानेसतीण उशा राणेन लोकार्पण करून अपले संदेश दितच ह्या पुस्तकाचें लिप्यंतर केल्ल्या मा.बा.जेसन पिंटोन अपलीं भगणां उचारलीं.
१. बसती वामन शेणय स्मारक आशावादी प्रकाशनाचीं २५ पुस्तक प्रकाशन येवजण मानेस्त नंदगोपाल शेणय हाणीं जाहीर करून अपले संधेश दिले. कोंकणिच्या खंच्याय लिपिंत/बोलिंत बरयतेल्यांक ह्या २५ पुस्तक प्रकाशनाची पुर्ती जवाब्दारी आशावादी प्रक्षन पळेतलें.
२. कन्नड लिपिंत लिप्यंतर जाल्ल्या भोव उत्तीम पुस्तक पुरस्कार २०२५ (रुपय २५,००० हाचें घोषण कवी आंडऱ्यू एल. डिकुन्हान करून अपले संधेश दिले.
डिजिटल आडियो पुस्तकाचें लोकार्पण काऱ्यांत पयलें दायज वर्साचो कथाकार २००६ पुरस्कारीत स्टेन अगेराच्या ‘स्टेन अगेराच्यो कथा’ (आशावादी प्रकाशनाचें १०वे आडियो पुस्तक) पुस्तकाचें उग्तावण मा.बा.चेतन लोबोन कर्तच स्टेन अगेरान तशेंच कथा सादर केल्ल्या मा.बा.चेतन लोबोन अपलीं भगणां उचारलीं.
त्ये उपरांत पयणारी वर्साचो कथाकार २०२४ पुरस्कारीत डो. एडवर्ड एल. नज्रेताच्या ‘गोलिमारच्यो कथा’ (आशावादी प्रकाशनाचें ११वे आडियो पुस्तक) पुस्तकाचें उग्तावण बाब दिनेश मणेरकारान कर्तच अपले संधेश दिले.
फुडल्या काऱ्याचें सूत्र संचालन घेतलल्या बाय मेगान डे सोजान पयलें डो.एडवर्ड एल. नज्रेताची मोटवी ओळोक कर्तच डो.जयंती नायकान ‘मृगजळ’ पुस्तकाचें उग्तावण कर्तच डो.एडवर्ड एल. नज्रेतान अपलीं भगणां उचारलीं.
दुस्रें पुस्तक: वल्ली क्वाड्रसाच्या ‘मायानगरी’ कथाजम्याचें उग्तावण मानेस्त आवील रासकिन्हान करून अपले संधेश दिले.
तिस्रें पुस्तक: शैलेंद्र मेहताच्या ‘निर्वासीत यात्रिची भंवडी’ कन्नड लिप्यंतर पुस्तकाचें उग्तावण मानेसतीण मोनिका डेसा मथायसान कर्तच अपले संधेश दिले. उपरांत शैलेंद्र मेहतान अपलीं भगणां उचारलीं.
मुखेल सयरीं मानेस्त आलफी मोंतेरो तशेंच डो.चंद्रलेख डिसोजा हाणीं अपले संधेश दितच काऱ्याध्यक्ष मा.बा.चेतनान अपलें अध्यक्षाचें उलवप केलें.
वल्ली क्वाड्रसान धिन्वास पाठयले.