ಕುಟ್ಮಾ ಆಯೋಗ ಥಾವ್ನ್ ಕುಂದಾಪುರ್ ವಾರಾಡ್ಯಾ ಮಟ್ಟಾರ್ ರೆತಿರ್ ಸಂಪನ್ನ್ ಜಾಲಿ

JANANUDI.COM NETWORK

ಕುಂದಾಪುರ್, ದೆ.2: ಉಡುಪಿ ದಿಯೆಸಿಜ್ ಕುಟ್ಮಾ ಆಯೋಗ ಥಾವ್ನ್ ದಸೆಂಬರಚ್ಯಾ 2 ತಾರಿಕೆರ್ ವಾರಾಡ್ಯಾ ಮಟ್ಟಾರ್ ಆಮ್ಚ್ಯಾ ಕುಂದಾಪುರ್ ಇಗರ್ಜೆ ಎಕಾ ದಿಸಾಚಿ ಕುಟ್ಮಾಚಿ ರೆತಿರ್ ಚಲ್ಲಿ. ಹಿ ರೆತಿರ್ ಕುಟ್ಮಾಚ್ಯಾ ಸರ್ವ್ ಸಾಂದ್ಯಾಕ್,ಕಾಜಾರಿ ಜೊಡ್ಯಾಂಕ್, ಯುವಜಣಾಂಕ್, ಮಾಲ್ಗಡ್ಯಾಂಕ್, ವಿಧ್ವಿ-ವಿಧುರಾಂಕ್, ಘಾಯೆಲ್ಯಾ ಕುಟ್ಮಾಚ್ಯಾ ಸಾಂದ್ಯಾಕ್, ಎಕ್ಸುರ್ಯಾಂಕ್, ಆಂಕ್ವಾರ್ಯಾಂಕ್, ಬಾಪಾಯಾಂಕ್, ಆವಯಾಂಕ್ ಆಸ್ತೆಲಿ. ದೆಕುನ್ ರೆತಿರೆಕ್ ಹಾಜರ್ ಜಾವ್ನ್ ಅತ್ಮಿಕ್ ಫಾಯ್ದೊ ಜೊಡ್ನ್ ಘೆಯಾ.*
ಮಾ|ಬಾ|ಹೆರಾಲ್ಡ್ ಪಿರೇರಾ, ಮಾ|ಬಾ|ರೊಯ್ಸನ್ ಫೆರ್ನಾಂಡಿಸ್ ಮಾ|ಬಾ|ದೊ| ಲೆಸ್ಲಿ ಡಿಸೋಜ್ ಆನಿ ಮಾ|ಬಾ|ಸಿರಿಲ್ ಲೋಬೊ ರೆತಿರ್ ಚಲವ್ನ್ ವ್ಹರುನ್ ಕುಟ್ಮಾಚಿ ಅತ್ಮಿಕತಾ, ಕುಟ್ಮಾ ಜಿಣಿಯೆಚೊ ಅನ್ಭೋಗ್ ಆನಿ ಪಂಥಾಹ್ವಾನ್ ಹ್ಯಾ ವಿಷಯಾಚೆರ್ ಶಿಕವ್ಣ್ ದಿಲಿ. ಉಡುಪಿ ದಿಯೆಸಿಜ್ ಕುಟ್ಮಾ ಆಯೋಗಾಚೊ ನಿರ್ದೇಶಕ್ ಲೆಸ್ಲಿ ಆರೋಜಾನ್ ಆಮೊರಿಸ್ ಲೆತ್ತಿಸಿಯಾ ವಿಶಿಂ ಸಮ್ಜೊಣಿ ದಿಲಿ. ವಾರಾಡ್ಯಾಚ್ಯಾ ಹರ್ಯೇಕ್ ಫಿರ್ಗಜೆ ಥಾವ್ನ್ ಕುಟ್ಮಾ ಆಯೋಗಾಚೆಂ ಸಾಂದೆಂ ಆನಿ ಹೇರಾನಿಂ ಹ್ಯಾ ರೆತಿರೆಚೊ ಫಾಯ್ದೊ ಜೊಡ್ಲೊ. ಕುಂದಾಪುರ್ ಫಿರ್ಗಜ್ ಸ್ತ್ರೀ ಸಂಘಟನಾನ್ ಜೆವಾಣ್ ತಯಾರಾಯ್ ಕರುಂಕ್ ಕುಮ್ಕೆ ಹಾತ್ ದಿಲ್ಲೊ. ಕುಂದಾಪುರ್ ವಾರಾಡೊ ವಿಗಾರ್ ವಾರ್ ಭೊ|ಮಾ|ಸ್ಟ್ಯಾನಿ ತಾವ್ರೊ ಆನಿ ಸಹಾಯಕ್ ಯಾಜಕ್ ಮಾ|ಬಾ|ವಿಜಯ್ ಡಿಸೋಜಾ ಹಾಜರ್ ಆಸ್ಲೆಂ.