ಕುಂದಾಪುರ್, ಅ.6: 453 ವರ್ಸಾಂ ಚರಿತ್ರಾ ಆಸ್ಚ್ಯಾ ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಕುಂದಾಪುರ್ ಫಿರ್ಗಜ್ ತಾರೀಕೆ ಫೆಸ್ತಾ ಖಾತಿರ್ ಆಸಾ ಕೆಲ್ಲಿ ರೆತಿರ್ ಅ.4 ವೇರ್ ಆರಂಭ್ ಜಾಲ್ಲಿ ರೆತಿರ್ ಭೋವ್ ಅರ್ಥಭರಿತ್ ಆಸೊನ್ 6 ವೇರ್ ಸಂಪ್ಪನ್ ಜಾಲಿ.
ಹೊಸನಗರ ಫಿರ್ಗಜೆಚೊ ವಿಗಾರ್, ಶಿವಮೊಗ್ಗ ದಿಯೆಸಿಜಿಚೊ ಯುವಜಣಾಂಚೊ ನಿರ್ದೇಶಕ್ ಮಾ|ಬಾ|ಪಿಯುಸ್ ಡಿಸೋಜಾ ಹಾಣಿ ಚಲವ್ನ್ ವೆಲಿ. ರೆತಿರ್ ಭೋವ್ ಅರ್ಥಾಭರಿತ್ ಜಾವ್ನಾಸೊನ್ ಎಕ್ ವಿನೂತನ್ ಶಿಕವ್ಣ್ ಜಾವ್ನಾಸ್ಲಿ.
‘ಆಮ್ಚೊ ಅತ್ಮೊ ದುದಾಚ್ಯಾ ಆಯ್ದಾಣಾ ಬರಿ ನಿತಳ್ ಕರಿಜೆ, ನಾ ತರ್ ದೂದ್ ಪುಟಲ್ಯಾ ಬರಿ, ಜಾವ್ನ್ ದೆವಾಚೆ ಉತರ್ ಆಮ್ಚೆ ಭಿತರ್ ರಿಗನಾ, ಭೊಗ್ಸಾಣೆಚೆ ಮಹತ್ವ್ ಕಳವ್ನ್ ರೆತಿರೆಕ್ ಆಯ್ಲ್ಯಾ ಥಾವ್ನ್ ಹರ್ಯೇಕ್ಲ್ಯಾಕ್ ಏಕಾಮೆಕಾ ಭೊಗ್ಸಾಣೆ ಮಾಗಾಸೆಂ ಕೆಲ್ಲೆಂ ಭೋವ್ ಅಪ್ರೂಪ್. ತಿಸ್ರ್ಯಾ ದಿಸಾ ಕುಟ್ಮಾಚ್ಯಾ ಮಹತ್ವಾ ವಿಶಿಂ ಅರ್ಥಾಭರಿತ್ ಶಿಕವ್ಣ್ ದಿಲಿ. ಲ್ಹಾನಾಂ ಭುಗ್ರ್ಯಾ ಪಾಸೊತ್, ಯವ ಜಣಾ ಪಾಸೊತ್, ಪೀಡೆಸ್ತ್ ಆನಿ ಮಲ್ಗಾಡ್ಯಾ ಪಾಸೊತ್ ಪ್ರಾರ್ಥನಾಂ ಅಶೆಂ ರೆತಿರ್ ಅನೇಕ್ ವಿಶ್ಯಾಂತ್ ಅತ್ಮಿಕ್ ಗರ್ಜೆ ಖಾತಿರ್ ಅರ್ಥಾಭರಿತ್ ಜಾವ್ನಾಸ್ಲಿ. ಹ್ಯಾ ರೆತಿರೆ ವೆಳಾರ್ ವಿಲ್ಸಟನ್ ಗೊನ್ಸಾಲ್ವಿಸ್ (ಮೈಸೂರ್) ಆನಿ ಫಿರ್ಗಜ್ ಗಾಯನ್ ಮಂಡಳೆನ್ ಗಾಯಾನಾಕ್ ಸಹಕಾರ್ ದಿಲೊ.
ಫಿರ್ಗಜೆಚೊ ವಿಗಾರ್ ಭೊ|ಮಾ|ಬಾ| ಸ್ಟ್ಯಾನಿ ತಾವ್ರೊನ್ ರೆತಿರೆ ವೆಳಾರ್ ಸದಾಂಯಿ ಬಲಿದಾನಾಂತ್ ಭಾಗ್ ಘೆತ್ಲೊ ಮಾತ್ರ್ ನ್ಹಯ್ ಸಂಪುರ್ಣ್ ರೆತಿರೆಂತ್ ಭಾಗ್ ಘೆಂವ್ನ್ ಸರ್ವಾಂಚ್ಯಾ ಸಹಕಾರಾಕ್ ಧನ್ಯವಾದ್ ಪಾಟಯ್ಲೆ.
