ಕುಂದಾಪುರ್, ಸೆ.10: ಕುಂದಾಪುರ್ ರೊಜಾರ್ ಮಾಯೆಚಾ ಇಗರ್ಜೆ ದುಖಿ ಸಾಯ್ಬಿಣಿಚಿ ಸಾಲ್ವಿ ಅಯ್ತಾರಾ ಸೆ.೧೦ ವೆರ್ ಆರಂಭ್ ಜಾಲಿ. ಪಯ್ಲಾ÷್ಯ ದಿಸಾಚಿ ಸಾಲ್ವಿ ಕಾರ್ಮೆಲಿ ಯಾಜಕ್ ಮಾ|ಬಾ| ಡಾ. ಜೋನ್ ಸಿಕ್ವೇರಾ ಹಾಣಿ ಚಲವ್ನ್ ವೆಲಿ. ಪಯ್ಲಿ ದೂಖ್ ಸಿಮಾಂವ್ಚೆ ಪ್ರವಾದ್ ಪಣ್, ಏ ದುಖೆಸ್ತಿ ಮಾಯೆ ದುಖಾಚಿ ತಲ್ವಾರ್ ತುಜೊ ಆತ್ಮೊ ಪಾಪ್ಸಿತೆಲಿ , ಹ್ಯಾ ದೂಖೆ ವಿಶ್ಯಾಂತ್ ಬಾಪ್ ಜೋನ್ ಸಿಕ್ವೇರಾ ಹಾಣಿ ಸಂದೇಶ್ ಆಟಯ್ಲೊ. ಸಾಲ್ವೆಚೆ ಮುಖೇಲ್ಪಣ್ ವೆಲಂಕಣಿ ವಾಡ್ಯಾಗರಾನಿ ಘೆಂವ್ನ್ ಬಲಿದಾನಾಚಿ ಲಿತುರ್ಜಿ ತಾಣಿ ಚಲವ್ನ್ ವೆಲಿ. ಫಿರ್ಗಜೆಚೊ ವಿಗಾರ್ ಭೋ|ಮಾ| ಸ್ಟ್ಯಾನಿ ತಾವ್ರೊ ಬಾಪಾನ್ ಧನ್ಯವಾದ್ ಪಾಟವ್ನ್ ಹಿ ಸಾಲ್ವಿ 16 ತಾರೀಖ್ ಮ್ಹಣಾಸರ್ ಆಸೊನ್ ಸಾಲ್ವಿ ಸಾಕಾಳಿ 6.25 ವೊರಾರ್ ತೇರ್ಸಾ ಸವೆಂ ಆರಂಭ ಜಾತೆಲಿ. ಹರ‍್ಯೆಕ್ ಸಾಲ್ವಿ ಸಯ್ರೆ ಯಾಜಕ್ ಚಲವ್ನ್ ವ್ರ‍್ತೆಲೆ ಮ್ಹಣುನ್ ಕಳವ್ನ್ ವ್ಹಡಾ ಸಂಖ್ಯಾನ್ ಫಿರ್ಗಜ್‌ಗಾರಾನಿ ಸಾಲ್ವೆಕ್ ಭಾಗ್ ಘೆಜೆ ಮ್ಹಣುನ್ ಕಳಯ್ಲೆಂ.
