ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಮೊಂತಿ ಸಾಯ್ಬಿಣಿಚೆ ನೊವೆನ್ ಆರಂಭ್

JANANUDI.COM NETWORK

ಕುಂದಾಪುರ್, ಆ.30: 450 ವರ್ಷಾ ಚರಿತ್ರಾ ಆಸ್ಚ್ಯಾ ಭಾಗೆವೊಂತ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಮೊಂತಿ ಸಾಯ್ಬಿಣಿಚ್ಯಾ ಫೆಸ್ತಾಚ್ಯಾ ತಯಾರಾಯೆಕ್ ಲಾಗೊನ್ ಆಗೋಸ್ತಾಚ್ಯಾ 30 ವೆರ್ ಸಕಾಳಿ ನೊವೆನ್ ಆರಂಭ್ ಜಾಲೆಂ.
ಫಿರ್ಗಜೆಚೊ ಸಹಾಯಕ್ ವಿಗಾರ್ ಮಾ|ಬಾ|ವಿಜಯ್ ಡಿಸೋಜಾ ಪವಿತ್ರ್ ಬಲಿದಾನ್ ಭೆಟಯ್ಲೆ. ಪವಿತ್ರ್ ಬಲಿದಾನ್ ಭೆಟಯ್ಲೆ. ಪ್ರಧಾನ್ ಯಾಜಕ್ ವಿಗಾರ್ ಮಾ|ಬಾ|ಸ್ಟ್ಯಾನಿ ತಾವ್ರೊನ್ ಸಹಬಲಿದಾನ್ ಭೆಟಯ್ಲೆಂ
ಇಗರ್ಜೆಚ್ಯಾ ಪಾಟ್ಲ್ಯಾ ಸಭಾ ಸಾಲಾಂತ್ ಭುರ್ಗ್ಯಾನಿಂ ಆನಿ ವ್ಹಡಾನಿ ಬಾಳೊಕ್ ಮರಿಯೆಕ್ ವಯಕ್ತಿಕ್ ಜಾವ್ನ್ ಫುಲಾಂ ಅರ್ಪಿಲಿ. ನೊವೆನಾಚೆ ಪ್ರಾರ್ಥನ್ ಅರ್ಪುನ್ ಮರಿಯೆಕ್ ಹೊಗಳ್ಸುಯಾಂ ಗಾಯನ್ ಗಾಂವ್ನ್ ಮರಿಯೆಕ್ ಭುರ್ಗಾಂನಿ ಫುಲಾಂ ಉಡೊನ್ ಮಾನ್ ಕೆಲೊ.
ಮರಿಯೆಚ್ಯಾ ನೊವೆನಾಕ್ ಚಡಿತ್ ಸಂಖ್ಯಾನ್ ಭುರ್ಗಿಂ ತಶೆಂ ವ್ಹಡಾಂ ಹಾಜರ್ ಆಸ್ಲಿ. ತಶೆಂಚ್ ಧರ್ಮ್ ಭಯ್ಣ್ಯೊಯಿ ಹಾಜರ್ ಆಸೊನ್ ವಿಗಾರಾನ್ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆ.