ಕುಂದಾಪುರ್ :ಮಿಶಿನರಿ ಭುರ್ಗ್ಯಾಂಚ್ಯಾ ಮೆಳಾಚೊ ದೀಸ್ – ದೇವ್ ಆಪವ್ಣ್ಯಾಕ್ ಉಲೊ

JANANUDI.COM NETWORK

ಕುಂದಾಪುರ್, ಫೆ.13: ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ ಮಿಶಿನರಿ ಭುರ್ಗ್ಯಾಂಚ್ಯಾ ಮೆಳಾಚೊ ದೀಸ್ ಆಚರಣ್ ಕೆಲೊ.
ಉಡುಪಿ ದೇವ್ ಆಪವ್ಣೆ ಕೇಂದ್ರಾಚೊ ನಿರ್ದೇಶಕ್ ಮಾ|ಬಾ|ಅನಿಲ್ ಕರ್ನೆಲಿಯೊ ಆನಿ ಕುಂದಾಪುರ್ ರೊಜಾರ್ ಮಾಯ್ ಫಿರ್ಗಜೆಚೊ ಸಹಾಯಕ್ ವಿಗಾರ್ ಮಾ|ಬಾ|ವಿಜಯ್ ಜೊಯ್ಸನ್ ಡಿಸೋಜಾ ಹಾಣಿ ಪವಿತ್ರ್ ಬಲಿದಾನ್ ಭೆಟವ್ನ್ ದೀಸ್ ಆಚರಣ್ ಕೆಲೊ.
ಮಾ|ಬಾ|ಅನಿಲ್ ಕರ್ನೆಲಿಯೊನ್ ಸಂದೇಶ್ ದಿವ್ನ್ “ಆಮಿ ಪವಿತ್ರ್ ಸ್ನಾನ್ ಘೆತಲ್ಲಿ ಹರ್ಯೆಕ್ಲಿ ಯಾಜಕ್ ಜಾವ್ನಾಸಾತ್, ಆಮ್ಕಾ ಹರೆಯೆಕ್ಲ್ಯಾಕ್ ಪವಿತ್ರ್ ಸ್ನಾನ್ ದಿವ್ನ್ ತೇಲಾನ್ ಮಾಕ್ತಾನಾ, ಹಾಂವ್ ತುಕಾ ಯಾಜಕ್ ಜಾವ್ನ್ ಮಾಕ್ತಾ ಮ್ಹಣುನ್ ಸಾಂಗ್ತಾ, ಹೆಂ ಚೆಕ್ರ್ಯಾ ಭುಗ್ರ್ಯಾಂಕ್ ಮಾತ್ರ್ ನ್ಹಯ್, ಚೆಡ್ವಾಂ ಭುಗ್ರ್ಯಾಂಕ್‍ಯಿ ತುಂ ಯಾಜಕ್ ಮ್ಹಣುನ್ ಮಾಕ್ತಾ. ತಶೆಂಚ್ ದೆವಾಚಾ ದ್ರಷ್ಟೆಂತ್ ರೂಕ್ ಜಡಾಂ, ಗಾಯ್ರಾಂ ದೆವಾನ್ ರಚಲ್ಯಾ ಹರ್ಯೆಕ್ ವಸ್ತುಂಕ್ ಆನಿ ಜೀವಿಯಿ ಯಾಜಕ್ ಜಾವ್ನಾಸಾತ್, ತಾಣಿ ತಾಣಿ ತಾಂಚೆಂ ತಾಂಚೆಂ ಕರ್ತವ್ಯ್ ನಿರ್ವಹಣ್ ಕರುಂಕ್ ಆಸಾ.
ಪುಣ್ ಯಾಜಕೀ ದೀಕ್ಷಾ ಘೆತಲ್ಲೆಂ ಯಾಜಕ್ ನಿರ್ದಿಷ್ಟ್ ಜಾವ್ನ್ ಪೂರ್ಣ್ ಕಾಲಿಕ್ ಯಾಜಕ್ ಜಾವ್ನಾಸಾತ್, ಕಶೆಂ ಘರಾ ಆವಯ್ ಏಕ್ ರಾಂದ್ಪಿಣಿಚೆ ಕಾಮ್ ಕರ್ತಾಂ, ಆನಿ ಸಾಂಗಾತಾ ಹೇರ್ ಕಾಮಾಂ, ಸೆವಾ ಕರ್ತಾಂ, ಪುಣ್ ತಿ ಸಗ್ಳೊ ವೇಳ್ ನಿರ್ದಿಷ್ಟ್ ರಾಂದ್ಪಿಣ್ ಜಾವ್ನ್ ಕಾಮ್ ಕರಿನಾ, ಪುಣ್ ಹೋಟೆಲಾಂತ್ ಏಕ್ ರಾಂದ್ಪಿ ತೊ ನಿರ್ದಿಷ್ಟ್ ಥರಾನ್ ಪೂರ್ಣ್ ಕಾಲಿಕ್ ರಾಂದ್ಪಿ ವ ಬೊಟ್ಲೆರ್ ಜಾವ್ನ್ ಕಾಮ್ ಕರ್ತಾಂ. ತಶೆಂಚ್ ಯಾಜಕೀ ತರ್ಬೆತಿ ಘೆಂವ್ನ್ ಯಾಜಕಿ ದೀಕ್ಷಾ ಅಪ್ಣಾಯ್ಲೊ ಯಾಜಕ್ ಪೂರ್ಣ್ ಕಾಲಿಕ್ ನಿರ್ದಿಷ್ಟ್ ಯಾಜಕ್ ಜಾವ್ನಾಸ್ತಾ.
ಅಶೆಂ ಜಾಲ್ಯಾನ್ ದೆವಾಚ್ಯಾ ಶೆತಾಂತ್ ಸೆವಾ ದಿಂವ್ಕ್ ಚೆರ್ಕ್ಯಾನಿ ಆನಿ ಚೆಡ್ವಾನಿ ಮುಖಾರ್ ಯೆಜೆ. ಯಜಾಕಿ ಆನಿ ಧರ್ಮ್ ಭಯ್ಣ್ಯಾ ಚಿಂ ದಿಕ್ಷಾ ಜೊಡ್ಚೆಂ ಭೋವ್ ವರ್ತೆ ದೆಣೆ ಜಾವ್ನಸಾ.” ಮ್ಹಣುನ್ ತಾಣಿ ದೇವ್ ಆಪವ್ಣ್ಯಾಕ್ ಉಲೊ ದಿಲೊ.

ಬಲಿದಾನಾ ವೆಳಾರ್ ಭುರ್ಗ್ಯಾನಿಂಚ್ ದೇವ್ ಸ್ಥುತಿ ಆನಿ ಗಾಯಾನ್ ಚಲವ್ನ್ ವೆಲೆಂ. ಹ್ಯಾ ಸಂದರ್ಭಿ ವಿಗಾರ್ ಮಾ|ಬಾ|ಸ್ಟ್ಯಾನಿ ತಾವ್ರೊ, ಕ್ರಿಸ್ತಿ ಶಿಕ್ಷಣ್ ಶಿಕ್ಚಿಂ ಭುರ್ಗಿಂ, ಭುರ್ಗ್ಯಾಂಚಿ0 ವ್ಹಡಿಲಾಂ, ಸಭಾರ್ ಧರ್ಮ್ ಭಯ್ಣಿ ಆನಿ ಕ್ರಿಸ್ತಿ ಶಿಕ್ಷಣ್ ಶಿಕಂವ್ಚಿಂ ಶಿಕ್ಷಕಾಂ ಹಾಜರ್ ಆಸಲ್ಲಿ.