ಕುಂದಾಪುರ್ ಹೋಲಿ ರೋಜರಿ ಇಂಗ್ಲಿಷ್ ಮಿಡಿಯಮ್ ಇಸ್ಕೊಲಾಚ್ಯಾ ಕ್ರಿಸ್ತಾಂವ್ ಶಿಕ್ಷಣ್ ಪರೀಕ್ಷೆಂತ್ ರೀಯಾ ಡಿಸೋಜಾ ಕ್ ದಿಯೆಸೆಜಿಚ್ಯಾ ಹಂತಾರ್ ಪ್ರಥಮ್ ಸ್ಥಾನ್

ಕುಂದಾಪುರ್ : 2023-24 ವ್ಯಾ ಶೈಕ್ಷಣಿಕ್ ವರ್ಸಾಂತ್ ಇಸ್ಕೊಲಾ ಹಂತಾರ್ ಧಾವ್ಯಾ ಕ್ಲಾಸಿಚ್ಯಾ ಕ್ರಿಸ್ತಾಂವ್ ಭುರ್ಗ್ಯಾಂಕ್, ಜನೆರಾಚೆ 6 ತಾರಿಕೆರ್ ಉಡುಪಿ ದಿಯೆಸೆಜಿಚ್ಯಾ ಹಂತಾರ್ ಚಲಲ್ಯಾ ಕ್ರಿಸ್ತಾಂವ್ ಶಿಕ್ಷಣ್ ಪರೀಕ್ಷೆಂತ್ ಕುಂದಾಪುರ್ ಹೋಲಿ ರೋಜರಿ ಇಂಗ್ಲಿಷ್ ಮಿಡಿಯಂ ಇಸ್ಕೊಲಾಕ್ 100% ಫಲಿತಾಂಶ್ ಲಾಭ್ಲಾ. ತಸೆಂಚ್ ರಿಯಾ ಡಿ’ಸೋಜಾನ್ (ಕುಂದಾಪುರ್) A+ ಗ್ರೆಡ್ 100 ಅಂಕ್ ಜೊಡ್ನ್ ದಿಯೆಸೆಜಿಚ್ಯಾ ಹಂತಾರ್ ಆನಿ ಇಸ್ಕೊಲಾಚ್ಯಾ ಹಂತಾರ್ ಪಯ್ಲೆ ಸ್ಥಾನ್ ಆಪ್ಣಾಯ್ಲಾ ಆನಿ ಲಿಯಾನಾ ಮರಿಲ್ಲಾ ಲುವಿಸ್ (ತಲ್ಲೂರ್) A + ಗ್ರೆಡ್ 99 ಅಂಕ್ ಜೊಡ್ನ್ ದಿಯೆಸೆಜಿಚ್ಯಾ ಹಂತಾರ್ ಆನಿ ಇಸ್ಕೊಲಾಚ್ಯಾ ಹಂತಾರ್ ದುಸ್ರೆ ಸ್ಥಾನ್ ಆಪ್ಣಾಯ್ಲಾ. ಹಾಂಚ್ಯಾ ಸವೆಂ 12 ಭುರ್ಗ್ಯಾಂನಿ A+ ಗ್ರೆಡ್ ಆನಿ ದೊನ್ ಭುರ್ಗ್ಯಾಂನಿ A ಗ್ರೆಡ್ ಆನಿ ಎಕಾ ಭುರ್ಗ್ಯಾಂನ್ B+ ಗ್ರೆಡ್ ಘೆವ್ನ್ ವಿಶಿಷ್ಠ್ ಶ್ರೇಣಿಂತ್ ಉತ್ತೀರ್ಣ್ ಜಾವ್ನ್ಇಸ್ಕೊಲಾಕ್ ಕೀರ್ತ್ ಹಾಡ್ಲ್ಯಾ. ಹಾಂಕಾ ಅನುಗ್ರಹ ಗೊವ್ಳಿಕ್ ಕೆಂದ್ರಾಂತ್ ಸನ್ಮಾನ್ ಕಾರ್ಯೆ ಆಯೋಜಿತ್ ಕೆಲ್ಲೆ.ಹ್ಯಾ ಕಾರ್ಯಾಕ್ ಉಡುಪಿ
ದಿಯೆಸೆಜಿಚೊ ವಿಗಾರ್ ಜೆರಾಲ್ ಮೊನ್ಸಿಂಜೊರ್ ಫರ್ಡಿನಾಂಡ್ ಗೊನ್ಸಾಲ್ವಿಸ್ ಅಧ್ಯಕ್ಷ್ ಜಾವ್ನ್ ಆನಿ ಮಾ| ವಿನ್ಸೆಂಟ್ ಕ್ರಾಸ್ತಾ, ಸಿ| ಆಲಿಸ್, ಮಾನೆಸ್ತ್ ಜಾನ್ ಬ್ಯಾಪ್ಟಿಸ್ಟ್ ಕರ್ನೇಲಿಯೊ, ಫಿಲೊಮಿನಾ ಕರ್ನೇಲಿಯೊ, ಆನಿ ಶ್ರೀಮತಿ ಡೈಝಿ ಮೆಂಡೋನ್ಸಾ
ಮುಕೆಲ್ ಸಯ್ರಿಂ ಜಾವ್ನ್ ಹಾಜರ್ ಆಸ್‍ಲ್ಲಿಂ. ರಿಯಾ ಡಿ’ಸೋಜಾನ್ ಕ್ರಿಸ್ತಾಂವ್ ಶಿಕ್ಷಣ್ ಮ್ಹಜ್ಯಾ ಜಿಣ್ಯೆಂತ್ ಮ್ಹುಳ್ಯಾ ವಿಷಯಾಂಚೆರ್ ಆಪೆÇ್ಲ ಅನುಭವ್ ವಾಂಟುನ್ ಘೆತ್ಲೊ ಆನಿ ಮುಖೆಲ್ ಸಯ್ರಾಂನಿ ಭುರ್ಗ್ಯಾಂಕ್ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಸನ್ಮಾನ್ ಕೆಲೊ. ಹಾಂಕಾ ಇಸ್ಕೊಲಾಚೊ ಜಂಟಿ ಕಾರ್ಯದರ್ಶಿ ಜಾವ್ನ್ ಆಸ್ಚೊ ಭೋವ್ ಮಾ| ಬಾಪ್ ಸ್ಟ್ಯಾನಿ ತಾವ್ರೊ, ಸಹಾಯಕ್ ಯಾಜಕ್ ಮಾ| ಬಾಪ್ ಅಶ್ವಿನ್ ಆರಾನ್ನ ಇಸ್ಕೊಲಾಚಿ ಮುಖೆಲ್ ಮೆಸ್ತಿಣ್ ಸಿಸ್ಟರ್ ತೆರೆಜ್ ಶಾಂತಿ ಎ.ಸಿ., ಆಡಳಿತ್ ಮಂಡಳಿಚೆಂ ಸಾಂದೆ, ಶಿಕ್ಷಕಾಂ ಆನಿ ಶಿಕ್ಷಕೇತರ್ ಸಿಬ್ಬಂದಿ ಆನಿ ಸರ್ವ್ ವಿದ್ಯಾರ್ಥಿ ಅಭಿನಂದನ್ ಪಾಟಯ್ತಾತ್.