ಕುಂದಾಪುರ್, ಜೂ.6: ಕುಂದಾಪುರ್ ಫಿರ್ಗಜ್ ವಿಗಾರ್ ಭೊ|ಮಾ|ಬಾ|ಪಾವ್ಲ್ ರೇಗೊ ಹಾಂಚೊ 60 ವೊ ವರ್ಸಾಂಚೊ ಜಲ್ಮಾ ದೀಸ್ ಫಿರ್ಗಜ್‍ಗಾರಾನಿಂ ಆಚರ್ಸಿಲೊ.
ಸಕಾಳಿ ಭೊ|ಮಾ|ಬಾ|ಪಾವ್ಲ್ ರೇಗೊ ಹಾಣಿ ಅರ್ಗಾಂ ಬಲಿದಾನ್ ಭೆಟಯ್ಲೆ. ಜಲ್ಮಾ ದೀಸ್ ಫಾವೊ ಕೆಲ್ಯಾ ಖಾತಿರ್ ತಾಣಿ ದೆವಾಕ್ ಅರ್ಗಾಂ ಪಾಟಯ್ಲಿ. ಬಲಿದಾನಾ ಉಪ್ರಾಂತ್ ಮಟ್ವೆ ಅಭಿನಂದನಾಚೆ ಕಾರ್ಯೆ ಚಲ್ಲೆಂ. ವಿಗಾರಾ ಸಂಗಾತಾ ಗೊವ್ಳಿಕ್ ಮಂಡಳಿ ಕಾರ್ಯದರ್ಶಿ ಆಶಾ ಕರ್ವಾಲ್ಲೊ ಹಿಚೊಯಿ ಜಲ್ಮಾ ದೀಸ್ ಜಾಲ್ಯಾನ್ ದೋಗಾಯ್ನಿ ಮೆಳೊನ್ ಕೇಕ್ ಕಾತರ್ಲಿ. ಫಿರ್ಗಜ್ ಲೋಕಾನ್ ಉಲ್ಲಾಸುಂಚೆ ಗೀತ್ ಗಾಯ್ಲೆ. ಉಪಾಧ್ಯಕ್ಷ್ ಶಾಲೆಟ್ ರೆಬೆಲ್ಲೊನ್ ಶುಭಾಷಯ್ ಪಾಟವ್ನ್ ಫುಲಾಂ ತುರೊ ಅರ್ಪಿಲೊ. ಕುಂದಾಪುರ್ ಸಾಂ.ಜುಜೆ ಕೊವೆಂತಾಚಿ ವ್ಹಡಿಲ್ನ್ ಭಯ್ಣ್ ಸುಪ್ರಿಯಾನ್‍ಫುಲಾಂ ತುರೊ ಅರ್ಪಿಲೊ. ಫಿರ್ಗಜ್ ಲೋಕಾನಿಂಯಿ ಉಲ್ಲಾಸ್ ಪಾಟಯ್ಲೆ. ಧರ್ಮ್ ಭಯ್ಣಿ ಆನಿ ಫಿರ್ಗಜ್ ಲೋಕ್ ಹಾಜರ್ ಆಸಲ್ಲೊ.
ವಿಗಾರ್ ಬಾಪಾನ್ ಮೊಜ್ಯಾ ವಯ್ಲ್ಯಾ ಮೊಗಾನ್ ವ್ಹಡಾ ಸಂಖ್ಯಾನ್ ಯೆಂವ್ನ್ ಮಿಸಾಚ್ಯಾ ಬಲಿದಾನಾಂತ್ ಹಾಜರ್ ಜಾವ್ನ್ ಮೊಜ್ಯಾ ಖಾತಿರ್ ಮಾಗ್ಲ್ಯಾ ಪಾಸೊತ್ ಉಪ್ಕಾರ್ ಆಟಯ್ಲೊ. ಆಯೋಗಾಚಿಂ ಸಂಯೋಜಕಿ ಪ್ರೇಮಾ ಡಿಕುನ್ಹಾನ್ ಧನ್ಯವಾದ್ ಪಾಟಯ್ಲೆ.
