JANANUDI.COM NETWORK
ಕುಂದಾಪುರ್,ಜ.24: ಕುಂದಾಪುರ್ ರೋಜಾರ್ ಮಾಯೆಚ್ಯಾ ಫಿರ್ಗಜೆಂತ್ ಪವಿತ್ರ್ ಪುಸ್ತಕ್ ಆಯೋಗಾನ್ ಪವಿತ್ರ್ ಪುಸ್ತಕ್ ಆಯ್ತಾರ್ ಆಚರಣ್ ಕೆಲೊ.
ಕುಂದಾಪುರ್ ಫಿರ್ಗಜೆಚೊ ಸಹಾಯಕ್ ಯಾಜಕ್ ಮಾ|ಬಾ|ವಿಜಯ್ ಡಿಸೋಜಾನ್ ಪವಿತ್ರ್ ಬಲಿದಾನ್ ಭೆಟವ್ನ್ ಪವಿತ್ರ್ ಪುಸ್ತಕಾಚ್ಯಾ ಮಹತ್ವಾ ವಿಶಿಂ ಸಮ್ಜೊಣಿ ದಿವ್ನ್ ‘ಭುಗ್ರ್ಯಾನಿಂ ಪವಿತ್ರ್ ಪುಸ್ತಕ್ ವಾಚ್ಚ್ಯಾ ವಿಶ್ಯಾಂತ್ ಆಸಕ್ತ್ ದಾಖಯ್ಜೆ. ವ್ಹಡಿಲಾನಿಂ ತಾಂಚ್ಯಾ ಸಾಂಗಾತಾ ಬಸೊನ್ ಪವಿತ್ರ್ ಪುಸ್ತಕ್ ವಾಚುಂಕ್ ಕರ್ನ್ ಪವಿತ್ರ್ ಪುಸ್ತಕಾಚಿ ರುಚ್ ದಾಖಯ್ಜೆ. ಪವಿತ್ರ್ ಪುಸ್ತಕ್ ನಾ ಕೇವಲ್ ಏಕ್ ಪುಸ್ತಕ್, ತೊ ಪವಿತ್ರ್ ಗ್ರಂಥ್ ಜಾವ್ನಾಸಾ’ ಮ್ಹಣನ್ ಸಂದೇಶ್ ದಿಲೊ. ಸೈಂಟ್ ಮೇರಿಸ್ ಪಿ.ಯು.ಕಾಲೇಜಿಚೆ ಪ್ರಾಂಶುಪಾಲ್ ಮಾ|ಬಾ|ಪ್ರವೀಣ್ ಅಮ್ರತ್ ಮಾರ್ಟಿಸ್ ಹಾಣಿ ಸಹ ಭೆಟವ್ಣಿ ಕೆಲಿ.
ವಿೂಸಾ ಉಪ್ರಾಂತ್ ಮಾ|ಬಾ|ವಿಜಯ್ ಡಿಸೋಜಾನ್ ಬೈಬಲ್ ಸವಾಲಾಂಚೊ ಸ್ಫರ್ಧೊ ಚಲವ್ನ್ ವೆಲೊ. ವಿಗಾರ್ ಮಾಬಾ|ಸ್ಟ್ಯಾನಿ ತಾವ್ರೊನ್ ಇನಾಮ್ ಜಾವ್ನ್ 10 ಜಣ್ ವಿಜೇತಾಂಕ್ ಬೈಬಲ್ ಡೈರಿ ದಿಲ್ಯೊ. ಪವಿತ್ರ್ ಪುಸ್ತಕ್ ಆಯೋಗಾಚಿ ಸಂಚಾಲಕಿ ಮರಿಯಾ ಬಾರೆಟ್ಟೊ ಆನಿ ಆಯೋಗಾಚೆಂ ಸಾಂದೆ ಹಾಜರ್ ಆಸ್ಲೆಂ.
