JANANUDI.COM NETWORK
ಕುಂದಾಪುರ್,ಫೆ.25; ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ 3 ದಿಸಾಂಚಿ ರೆತಿರ್ ಆರಂಭ್ ಜಾಲಿ. ಹಿ ರೆತಿರ್ ಚಲವ್ನ್ ವೆಲಿಂ ಪ್ರಸಿದ್ದ ಪ್ರಸಂಗ್‍ದಾರ್, ಮಂಗಳ ಜ್ಯೋತಿಚೊ ನಿರ್ದೇಶಕ್ ಮಾ|ಬಾಪ್ ವಿಜಯ್ ಮಚಾದೊನ್.
ಪಯ್ಲ್ಯಾ ದಿಸಾ ಸೊಮಾರಾ ಫೆಬ್ರೆರ್ 22 ವೆರ್ ರೆತಿರೆಚ್ಯಾ ಪಯ್ಲ್ಯಾ ದಿಸಾ, ತಾಣಿ ‘ಆಮಿ ಸಂತೋಷಾನ್ ಜಿಯೆಜೆ ಮ್ಹಣುನ್ ದೇವ್ ಆಶೆತಾಂ ಆನಿ ಹ್ಯಾ ಖಾತಿರ್ ಆಮಿ ಆಮ್ಕಾಂಚ್ ದೆವಾಕ್ ಸಮರ್ಪಣ್ ಕರಿಜೆ, ತಸೆಂಚ್ ದೇವ್ ಕಾಕುಳ್ದಾರ್,ತೊ ಆಮ್ಚೊ ಮೋಗ್ ಕರ್ತಾಂ’ ಆಮಿ ತಾಚೊಮೋಗ್ ಕಸೆಂ ಕರ್ಯೆತ್ ಮ್ಹಳ್ಯಾ ವಿಶಯಾಚೇರ್ ಶಿಕವ್ಣ್ ದಿಲಿ.
ದುಸ್ರ್ಯಾ ದಿಸಾ, ‘ದೆವಾಚೊ ಮೋಗ್,ತಾಚೊ ಉಪದೇಶ್ ಪಾಳ್ಚ್ಯಾಂತ್ ಆಟಾಪುನ್ ಆಸಾ ಆನಿ ಪಾತಕ್ ಮ್ಹಳ್ಯಾರ್ ಕಿತೆಂ? ಆನಿ ಪಾತ್ಕಾಂಚೊ ಪರಿಣಾಮ್ ಆಮಿ ಸಮ್ಜೊಂಕ್ ಜಾಯ್, ತಸೆಂಚ್ ಕುಮ್ಸಾರ್ ಮ್ಹಳ್ಯಾರ್ ತಾಚೊ ಅರ್ಥ್ ಕಿತೆಂ? ಮ್ಹಳ್ಯಾ ವಿಶ್ಯಾಚೇರ್ ತಾಣಿ ಶಿಕವ್ಣ್ ದಿಲಿ.
ತಿಸ್ರ್ಯಾ ದಿಸಾ ದೇವ್ ಕುಟ್ಮಾಂತ್ ಜಿಯೆತಾ ಆನಿ ಭೊಗ್ಸಾಣ್ಯಾ ಮುಖಾಂತ್ರ್ ಕ್ರಿಸ್ತಾಕ್ ಪರ್ಗಟ್ ಕರ್ಯಾಂ’ ಭೊಗ್ಸಾಣ್ಯಾಮುಖಾಂತರ್, ಭಲಾಯ್ಕಿಬೊರಿ ಜಾತಾಂ,ಬರೆಪಣ್ ಜಾತಾಂ. ರಾಗ್ ಅನೇಕ್ ಪೀಡೆಂಕ್ ಕಾರಣ್ ಜಾತಾಂ. ಆನಿ ರಾಗಾ ವರ್ವಿಂಅನೇಕ್ ಪಾತ್ಕಾಂಕ್ ಕಾರಣ್ ಜಾತಾಂ ದೆಕುನ್ ರಾಗ್ ವಿಸ್ರೊನ್ ಎಕಾಮೆಕಾ ಭೊಗ್ಸಾಣೆ ದಿಂವ್ನ್ ಎಕಾಮೆಕಾಚೊ ಮೋಗ್ ಕರಾ ಮ್ಹಣುನ್ ತಾಣಿ ಶಿಕವ್ಣ್ ದಿಲಿ.
ಕುಂದಾಪುರ್ ಫಿರ್ಗಜೆಚೊ ವಿಗಾರ್ ಬೊ|ಮಾ|ಬಾ| ಸ್ಟ್ಯಾನಿ ತಾವ್ರೊನ್ ರೆತಿರ್ ಚಲವ್ನ್ ವೆಲ್ಯಾ ಮಾ|ಬಾಪ್ ವಿಜಯ್ ಮಚಾದೊಚೊ ಉಪ್ಕಾರ್ ಭಾವುಡ್ಲೊ. ಆನಿ ರೆತಿರ್ ಚಲವ್ನ್ ವ್ಹರುಂಕ್ ಕುಮೊಕ್ ಕೆಲ್ಯಾ ಸರ್ವಾಂಚೊ ರೆತಿರೆಕ್ ಆಯ್ಲ್ಯಾ ಭಕ್ತಿಕಾಂಚೊ ಉಪ್ಕಾರ್ ಭಾವುಡ್ಲೊ.
