JANANUDI.COM NETWORK
ಕುಂದಾಪುರ್,ಫೆ.22; ಕುಂದಾಪುರ್ ರೊಜಾರ್ ಮಾಯೆಚ್ಯಾ ಇಗರ್ಜೆ 3 ದಿಸಾಂಚಿ ರೆತಿರ್ ಆರಂಭ್ ಜಾಲಿ. ಹಿ ರೆತಿರ್ ಚಲವ್ನ್ ವ್ಹರ್ತಾಂ, ಪ್ರಸಿದ್ದ ಪ್ರಸಂಗ್‍ದಾರ್, ಮಂಗಳ ಜ್ಯೋತಿಚೊ ನಿರ್ದೇಶಕ್ ಮಾ|ಬಾಪ್ ವಿಜಯ್ ಮಚಾದೊ.
ಆಜ್ ಸೊಮಾರಾ ಫೆಬ್ರೆರ್ 22 ವೆರ್ ರೆತಿರೆಚ್ಯಾ ಪಯ್ಲ್ಯಾ ದಿಸಾ, ತಾಣಿ ‘ಆಮಿ ಸಂತೋಷಾನ್ ಜಿಯೆಜೆ ಮ್ಹಣುನ್ ದೇವ್ ಆಶೆತಾಂ ಆನಿ ಹ್ಯಾ ಖಾತಿರ್ ಆಮಿ ಆಮ್ಕಾಂಚ್ ದೆವಾಕ್ ಸಮರ್ಪಣ್ ಕರಿಜೆ, ತಸೆಂಚ್ ದೇವ್ ಕಾಕುಳ್ದಾರ್,ತೊ ಆಮ್ಚೊ ಮೋಗ್ ಕರ್ತಾಂ’ ಮ್ಹಳ್ಯಾ ವಿಶಯಾಚೇರ್ ಶಿಕವ್ಣ್ ದಿಲಿ.
ಫಾಲ್ಯಾ ದುಸ್ರ್ಯಾ ದಿಸಾ, ‘ದೆವಾಚೊ ಮೋಗ್,ತಾಚೊ ಉಪದೇಶ್ ಪಾಳ್ಚ್ಯಾಂತ್ ಆಟಾಪುನ್ ಆಸಾ ಆನಿ ಪಾತಕ್ ಮ್ಹಳ್ಯಾರ್ ಕಿತೆಂ? ಆನಿ ಪಾತ್ಕಾಂಚೊ ಪರಿಣಾಮ್ ಆಮಿ ಸಮ್ಜೊಂಕ್ ಜಾಯ್, ತಸೆಂಚ್ ಕುಮ್ಸಾರ್ ಮ್ಹಳ್ಯಾರ್ ತಾಚೊ ಅರ್ಥ್ ಕಿತೆಂ? ಮ್ಹಳ್ಯಾ ವಿಶ್ಯಾಚೇರ್ ಶಿಕವ್ಣ್ ದಿತಾಲೊ.
ತಿಸ್ರ್ಯಾ ದಿಸಾ ದೇವ್ ಕುಟ್ಮಾಂತ್ ಜಿಯೆತಾ ಆನಿ ಭೊಗ್ಸಾಣ್ಯಾ ಮುಖಾಂತ್ರ್ ಕ್ರಿಸ್ತಾಕ್ ಪರ್ಗಟ್ ಕರ್ಯಾಂ’ ಮ್ಹಳ್ಯಾ ವಿಶ್ಯಾಚೇರ್ ಶಿಕವ್ಣ್ ದಿತಾಲೊ.
ಮಾ|ಬಾಪ್ ವಿಜಯ್ ಮಚಾದೊನ್ ಆನಿ ಕುಂದಾಪುರ್ ಫಿರ್ಗಜೆಚೊ ವಿಗಾರ್ ಬೊ|ಮಾ|ಬಾ| ಸ್ಟ್ಯಾನಿ ತಾವ್ರೊನ್ ರೆತಿರೆಕ್ ಚಡಿತ್ ಜಣಾನಿ ಯೆಂವ್ನ್ ಹ್ಯಾ ರೆತಿರೆಚೊ ಫಾಯ್ದೊ ಜೊಡ್ನ್ ಘೆಜೆ ಮ್ಹಣನ್ ವಿನಂತಿ ಕೆಲ್ಯಾ.
