ಕರ್ನಾಟಕ ಸರ್ಕಾರದ ಆದೇಶದಂತೆ ಮಂಗಳೂರು ವಿಶ್ವವಿದ್ಯಾನಿಲಯದ ಸಿಂಡಿಕೇಟ್ ಪ್ರಾಧಿಕಾರಕ್ಕೆ ಶ್ರೀಮತಿ ಜೂಡಿತ್ ಮೆಂಡೊನ್ಸಾ ತಲ್ಲೂರು
ಇವರನ್ನು ನಾಮ ನಿರ್ದೇಶಿತ ಸದಸ್ಯರನ್ನಾಗಿ ಕರ್ನಾಟಕ ಸರಕಾರ ನೇಮಿಸಿದೆ.
ಸಿಂಡಿಕೇಟ್ ಮಂಡಳಿಯು ವಿಶ್ವವಿದ್ಯಾನಿಲಯದ ಆಡಳಿತ ಮಂಡಳಿಯಾಗಿದ್ದು ಆರ್ಥಿಕ ಶೈಕ್ಷಣಿಕ ಹಾಗೂ ಇತರೆ ಅಗತ್ಯ ನೀತಿ ಕಾಯಿದೆಗಳನ್ನು ಅನುಷ್ಠಾನಗೊಳಿಸುವ ಮಂಡಳಿಯಾಗಿರುತ್ತದೆ. ಇದರ ಅವಧಿ ಮೂರು ವರ್ಷಗಳಾಗಿದ್ದು ಮಂಡಳಿಯಲ್ಲಿ 6 ಸರಕಾರದಿಂದ ನಾಮ ನಿರ್ದೇಶನಗೊಂಡ ಸದಸ್ಯರಿರುತ್ತಾರೆ. 2 ಸಾಮಾನ್ಯ 1 ಮಹಿಳೆ 1 ಪರಿಶಿಷ್ಟ ಜಾತಿ 1 ಹಿಂದುಳಿದ ವರ್ಗದ ಮತ್ತು 1 ಅಲ್ಪಸಂಖ್ಯಾತ ಸದಸ್ಯರಾಗಿದ್ದಾರೆ. ಉಡುಪಿ ಜಿಲ್ಲೆಗೆ ಒಬ್ಬರೇ ಸದಸ್ಯೆ ಶ್ರೀಮತಿ ಜೂಡಿತ್ ಮೆಂಡೊನ್ಸ ಮಹಿಳಾ ಮೀಸಲಾತಿಯಲ್ಲಿ ಆಯ್ಕೆ ಮಾಡಲಾಗಿದೆ.
