ಕುಂದಾಪುರ್, ಅ.7: ಕುಂದಾಪುರ್ ರೋಜಾರ್ ಮಾಯೆಚ್ಯಾ ಇಗರ್ಜೆ ಫಾ|ನೊಯೆಲ್ ಮಸ್ಕರೆನ್ಹಾಸ್ ಆನಿ ಬ್ರದರ್ ಪ್ರಕಾಶ್ ಡಿಸೋಜಾ ಹಾಂಚ್ಯಾ ಪಂಗ್ಡಾಚಿಂ ತೀನ್ ದಿಸಾಂಚಿಂ ರೆತಿರ್ ಭೋವ್ ಯಶಸ್ವೆನ್ ಸಂಪನ್ನ್ ಜಾಲಿ.
ಆಖ್ರೇಚ್ಯಾ ದಿಸಾ ಪೀಡೆಸ್ತಾಂ ಖಾತಿರ್, ಧರ್ಮ್ ಭಾವ್ -ಭಯ್ಣಿ ಖಾತಿರ್, ವಾಯ್ಟ್ ಸಂವಯೆಕ್ ಸಾಂಪಾಂಪಡ್ಲ್ಯಾ ಪಾಸೊತ್, ಸಂಘ್ ಸಂಸ್ಥ್ಯಾ ಪಾಸೊತ್, ಮಾಗ್ಣೆ ಬ್ರದರ್ ಪ್ರಕಾಶಾನ್ ಚಲಂವ್ನ್ ವೆಲೆಂ. ಮಾಗ್ಣೆ ಕಸೆಂ ಕರಿಜೆ ಮ್ಹಳೆಂ ಫಾ|ನೊಯೆಲ್ ಹಾಣಿ ಶಿಕೊಣ್ ದಿಲಿ ಆನಿ ಮಾಗ್ಣ್ಯಾಂತ್ ಕಿತ್ಲಿ ಸಕತ್ ಆಸಾ ಮ್ಹಣುನ್ ಕಳಿತ್ ಕೆಲೆಂ.
ಹ್ಯಾ ರೆತಿರೆಕ್ ರೆನಿಟಾ ಜ್ಯೊಯ್ಸ್, ಲವಿನ್ಸಿಯಾ, ಒಲ್ವಿನ್ ಡಿಸೋಜಾ ಆನಿ ಗ್ಲೆನ್ ಡಿಸೋಜಾ ಹಾಣಿ ಗಾಯನ್ ಆನಿ ವಾಜಂತ್ರ್ ವಾಜವ್ನ್ ಸಾಂಗಾತ್ ದಿಲೊ.
ಫಿರ್ಗಜೆಚೊ ವಿಗಾರ್ ಭೋವ್ ಮಾ|ಬಾಪ್ ಸ್ಟ್ಯಾನಿ ತಾವ್ರೊನ್ ಹಾಣಿ ಸರ್ವಾಂಚೊ ಉಪ್ಕಾರ್ ಆಟಯ್ಲೊ. ಸಹಾಯಕ್ ಯಾಜಕ್ ಫಾ|ಅಶ್ವಿನ್ ಆರಾನ್ಹಾ ಹಾಜರ್ ಆಸಲ್ಲೆಂ. ಹ್ಯಾ ರೆತಿರೆಕ್ ವಾರಾಡ್ಯಾ ಥಾವ್ನ್ ಆನಿ ವಾರಾಡ್ಯಾ ಬಾಯ್ರ್ ಥಾವ್ನ್ ಪಯ್ಸ್ ಪಯ್ಸ್ ಥಾವ್ನ್ ಲೋಕ್ ಆಯ್ಲೊ ವಿಶೇಷ್ ಜಾವ್ನಾಸ್ಲೆಂ.
