ಪಡುಕೋಣೆ : ಸಂತ ಅಂತೋನಿ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ದಿನಾಂಕ 10/08/2024 ರಂದು ದಿವಂಗತ ಶ್ರೀ ಅಪ್ಪು ಶೇಟ್ ಇವರ ಸ್ಮರಣಾರ್ಥ 2024 -25ನೇ ಸಾಲಿನಲ್ಲಿ ದಾಖಲಾದ ಹೊಸ ಮಕ್ಕಳಿಗೆ ಸಮವಸ್ತ್ರ ವಿತರಣಾ ಕಾರ್ಯಕ್ರಮ ನಡೆಯಿತು. ಈ ಕಾರ್ಯಕ್ರಮಕ್ಕೆ ದಿವಂಗತ ಶ್ರೀ ಅಪ್ಪು ಶೇಟ್ಅವರ ಪತ್ನಿ ಶ್ರೀಮತಿ ಸುಗುಣ ಶೇಟ್ ಮತ್ತು ಪುತ್ರ ಶ್ರೀ ಸತೀಶ್ ಶೇಟ್ ರವರು ಆಗಮಿಸಿ ವಿದ್ಯಾರ್ಥಿಗಳಿಗೆ ಸಮವಸ್ತ್ರವನ್ನು ವಿತರಿಸಿದರು. ಇವರು ಸತತ ಎಂಟು ವರ್ಷಗಳಿಂದ ನಮ್ಮ ಶಾಲೆಯ ವಿದ್ಯಾರ್ಥಿಗಳಿಗೆ ಸಮವಸ್ತ್ರವನ್ನು ನೀಡುತ್ತಾ ಬಂದಿರುತ್ತಾರೆ. ಈ ಕಾರ್ಯಕ್ರಮದಲ್ಲಿ ಶಾಲಾ ಸಂಚಾಲಕರಾದ ಫಾದರ್ ಫ್ರಾನ್ಸಿಸ್ ಕರ್ನೆಲಿಯೋ ರವರು, ಶಾಲಾ ಅಭಿವೃದ್ಧಿ ಸಮಿತಿಯ ಸದಸ್ಯರು ಹಾಗೂ ವಿದ್ಯಾರ್ಥಿ ಪೋಷಕರು ಹಾಜರಿದ್ದರು. ಕುಮಾರಿ ಶ್ರೀನಿಧಿ ಸ್ವಾಗತಿಸಿ, ಧನುಷ್ ಗಾಣಿಗ ಎಲ್ಲರ ಉಪಕಾರ ಸ್ಮರಣೆ ಮಾಡಿದ. ಕುಮಾರಿ ಐಶ್ವರ್ಯ ಕಾರ್ಯಕ್ರಮ ನಿರೂಪಿಸಿದರು ಹಾಗೂ ಮುಖ್ಯ ಶಿಕ್ಷಕಿಯವರು ಸಮವಸ್ತ್ರ ಕೊಡುಗೆ ನೀಡಿದ ಗಣ್ಯರಿಗೆ ಧನ್ಯವಾದಗಳನ್ನು ಅರ್ಪಿಸಿದರು.